Xildhibaan C/llaahi Max’ed Nuur oo meel xun geeyey kiiskii NISA kadib markii…

By Saalax Saciid Sabriye

Muqdisho (Caasimadda Online) – Xildhibaan C/llaahi Maxamed Nuur oo ah Guddoomiyaha Kutlada Baarlamaaniga Horusocod ee mucaaradka ah ayaa dalbaday baaritaan madax banaan oo lagu sameeyo dhacdadii 23-kii bishan ka dhacday Koontarool ay leeyihiin Ciidanka NISA oo ku yaalla agagaarka KM-0 oo rasaas lagu riday gaari uu saarnaa.

Qoraal uu Xildhibaanka u diray Guddoomiyaha Golaha shacabka, kuna ogeysiiyay Guddiyada Baarlamaanka iyo Xafiiska Ra’iisul Wasaaraha ayuu kaga qaabkii wax u dhaceen, isagoo dalbaday in la sameeyo baaritaan ka madax banaan kan Laanta Fulinta.

Xildhibaanka ayaa codsaday in baaritaan madax banaan oo lagu sameeyo dhacdadaas oo uu horay u sheegay in ay aheyd mid lagu doonayey in isaga lagu dilo balse uu ka badbaaday.

Qoraalka ayaa waxa uu u diray Guddiyada Baarlamaanka iyo Xafiiska Ra’iisul Wasaaraha,isaga oo uga warbixiyey qaabkii uu falkaasi u dhacay iyo in uu doonayo in uu cadaalad helo,isla markana si dhab ah loo baaro.

Wasaaradda Amniga ayaa war saxaafadeed ay soo saartay ku sheegtay in baaritaan ku sameyneyso falkii dhacay, isla markaana askari ka tirsan NISA uu hal Xabad ku riday gaari hor gudbay Koontaroolka agagaarka KM-0

Haddaba  halkaan hoose ka akhriso qoraalka uu xildhibaanka qoray

Caasimada Online
Xafiiska Muqdisho
Caasimada@live.com