Xildhibaan cod dheer ku sheegay in DF ay beelo badan ku xuquuq tumatay

By Asad Cabdullahi Mataan

Muqdisho (Caasimada Online) – Xildhibaan Maxamed Cumar Dalxa ayaa sheegay in dowladda Soomaaliya ay waxbo kama jiraan ka soo qaatay umad badan oo ku dhaqan gobalka Shabeellaha Hoose iyadoo naas nuujineysa kuwa kale oo aan u dhalan ama aan ka soo jeedin gobalka sidda uu hadalka u dhigay.

Dalxa oo ka mid ah mudanyaasha baarlamaanka ee ka soo jeeda gobalka Shabeellaha Hoose ayaa sheegay in gobalka Shabeellaha Hoose uu noqday gobal boos buuxis ah oo ay sheegtan cid kasta oo rabta in ay sameesato maamul gobaleed.

Dalxa ayaa tilmaamay in dowladda ay in kirtay dad badan oo deggan gobalka kuwaasoo la dhihi karo waa halbowlaha gobalka Shabeellaha Hoose.

Wuxuu tilmaamay haddii sidaas ay wax ku sii socdaan in dalka ay ka dhici karaan dhibaatooyin waaweyn oo laga qoomameeyo.

Dalxa ayaa tilmaamay in marnaba aaney yeeli doonin in dowladda ay inkirto ummadda ay ka soo jeedaan sidda uu hadalka u dhigay.

Hadalka xildhibaan Dalxa ayaa ku soo aadaya iyadoo dhibaatooyinka gobalka Shabeellaha Hoose ay noqdeen kuwa sii kordhaya. 

Caasimada Online

Xafiiska Wararka Muqdisho

Caasimada@live.com