Muqdisho (Caasimada Online) – Ilo-wareedyo ka tirsan Xarunta Madaxtooyada Somalia, ayaa inoo xaqiijiyay in Khilaafka Madaxweyne Xassan iyo Ra’isul wasaare C/weli uu gaaray heerkii ugu sareeyay.
Ilo-wareedka ayaa sheegaya in kullamo shalay ilaa xalay ka dhacay Villa Somalia una dhexeeyay Madaxweyne Xassan, Ra’isulwasaare C/weli xubno ka tirsan golaha wasiirada iyo Xildhibaanada DFS uu kusoo idlaaya Isfahan waa.
Wararku waxa ay sheegayaan in Madaxweynaha iyo Ra’isul wasaaraha ay ku kala kaceen kulankaasi, iyadoona Ra’isulwasaare C/weli uu Xassan sheikh ugu wacad furtay inuu weyn doono garbihiisa Siyaasadeed oo uu ula jeeday Wasiirada Dam-jadiid.
Ra’isulwasaare C/weli ayaa waxa uu wadaa qorshihii ugu danbeeyay oo uu ku sameynaayo isku shaan-dhey, iyadoona ay arintaasi gadaal ka riixayaan xubno isaga taageersan kana tirsan DF.
Sidoo kale, Xasan Sheekh oo aad uga cabsi qaba in isku shaan-dheynta ay ku baxaan Wasiirada Dam-jadiid, ayaa waxa uu durbadiiba bilaabay inuu arrintaasi kala tashto Wasiiro iyo xildhibaano garbihiisa ah.
Lama Oga halka uu noqon doono biyo dhaca hadalka Ra’isulwasaare C/weli oo wacad ku maray inuu isku shaandheyn ku saari doono Wasiirada xasan taageersan.
Caasimada Online
Xafiiska Muqdisho
Caasimada@live.com