Dinkytown (Caasimadda Online) – Anthony Sawina oo horay u xabadeeyay Somali gaari saarneyd dalka Mareykanka taasi oo keentay dhaawaca laba ayey maxkamad ku taalo magaalada Minnesota ku xukuntay 39 sano oo xarig ah.
Qaadiga Maxkamadda Federaalka ee degmada Dinkytown ayaa sheegay in ninkaasi uu dhalinyaradda Soomaaliyeed uu xabado ku furay xilli ay saarnaayeen gaari sidaa darteedna lagu xukumay eedeysanaha 39 sano oo xabsi ah.
Inkastoo uu cudur daartay hadana Maxkamadda waxaa ay Anthony Sawina oo 26 jir ah ku heshay in uu raggaas u xabadeeyay, islamarkaana uu ku kacay fal naceyb ku jiro.
Xeer ilaaliyaha maxkamada ayaa la sheegay in uu ka codsaday qaadiga maxkamada xabsi gaaraya 20 sano balse Qaadiga Maxkamada ayaa ku dhowaaqay xabsi laban lab ka badan midkii laga codsaday.
Kolkii maxkamada ku dhawaaqday xukunka waxaa uu ku qeyliyay “Adinka ayaa ah dambiilayaasha rasmiga ah, dadka wax waa dilaan, waxaana lagu xukumaa xukunno intan ka sanado yar, arrintan waa cadaalad darro..iyo erayo kale.”
Sidoo kale waxaa uu tilmaamay in falkaasi uu ahaa mid ku saleysan Islaam Naceyb. Waxaa sidoo kale lagu eedeeyay Anthony Sawina in uu isku dayay in uu waxyeelo u geysto dad badan oo muslimiin ah.
Anthony Sawina ayaa qirtay in uu ka dambeeyay falkaasi ,balse uu is difaacayay isagoo sheegay in raga gaariga saarnaa ay wateen hub kana baqay in ay dilaan.
Caasimada Online
Xafiiska Minneapolis
[email protected]