Muqdisho (Caasimada Online) Afhayeenka ciidanka AMISOM Korneen Cali Aadan Xumad ayaa maanta oo Axad ah Saxaafadda u sheegay in madaxa ugu sareeya howgalka Midowga Afrika ee Soomaaliya, danjire Maxamed Saalax Anadiif uu la kulmi doono Madaxweynaha iyo Raysal Wasaaraha oo hadda uu ka dhex aloosan yahay khilaaf xooggan.
Afhayeenka ayaa sheegay in ay aad uga xun yihiin khilaafkan soo kala dhex galay labada nin, wuxuuna sheegay in danjire Anadiif uu maanta si kala gooni gooni ah uu ula kulmi doono Madaxweynaha iyo Raysal Wasaaraha isagoona u sheegi doona sida Midowga Afrika.
Si kastaba, waxaa soo kordhaya walaaca laga muujinayo khilaafka soo kala dhex galay Madaxweynaha iyo Raysal Wasaaraha, waxaana magaalada Muqdisho kulan ku yeeshay dalad ay ku mideesan yihiin ururada bulshadda iyo Waxgaradka Koonfurta iyo Bartamaha Soomaaliya.
Madaxweynaha iyo Raysal Wasaaraha ayaa shaley aroortii kulan ku yeeshay Villa Somalia, laakin kulankaas wax natiijo ah kama soo bixin.
Caasimada Online
Xafiiska Wararka Muqdisho