Muqdisho (Caasimada online) Gudoomiyaha Gobolka Shabeelaha Hoose C/qaadir Maxamed Nuur Siidii, oo warar Soo baxayay maal mahan ay shegayeen inuu iska Dhiibay qaaradda Yurub gaar ahaan dalka Jarmalka ayaa arintaas war kasoo saaray.
Gudoomiye Siidii, oo warkiisa la waayay wixii ka dambeeyay markii uu magaalada Brussels ee dalka Belgium-ka u kaga qeyb galay shirkii aayaha Soomaaliya looga hadlayay ee dhalqaalaha loogu raadinayay , ayaa warar soo ifbaxayay waxay sheegayeen inuu dalka Jarmalk-ka iska dhiibay.
Siidii, wuxuu Cadeeyay inuu joogo Jarmalka hayeeshee halkaasi uusan iska Dhiiibin Balse Howlo Caafimaad uu u joogo Madaxda dowlada Soomaaliyana ay ka warhayaan Maqnaanshiyihiisa.
” Waa Been Wararka la buun buuninayo ee sheegaya inaan aniga Jarmalka iska dhiibay, Aniga Caafimaad Dartiis ayaan u imi Jarmalka sidaas Darteed Xitaa Madaxda Dowlada Soomaalya Wey ka war qabaan Aniga ayaana arintaas Cadeynaya” Ayuu Yiri C/qaadir Sidii.
Gudoomiye Siidii ayaa dhawaan ka dagi doonoo xilka Gobolka Shabeelaha Hoose hadii mar kale aan loo dooran gobolkaas oo uu ka arinayay Tan iyo 2007-dii , waxana dhawaan warar qaar ay sheegayeen inuu Jarmalka Iska dhiibay.
Caasimada online
Xafiiska Muqdisho