Muqdisho-(Caasimadda Online)-Wararka aan ka heleyno degmada Kaaraan ee gobolkan Banaadir ayaa wax ay sheegayaan in Ciidamo ka wada tirsan dowladda Soomaaliya ay ku dagaalameen Gudaha degma kaaraan.
Goobjooge kusugan goobta uu dagaalka kadhacay ayaa Caasimadda Online u sheegay in uu jiro khasaaro dagaalkaas ka soo gaaray dad Shacab ah oo ku sugnaa Goobta uu dagaalka ka dhacay,islamarkaana Haweeney Ganacsato aheyd ay ku geeriyootay.
iska hor imaadkan ayaa waxa uu ka dhacay Goob Jaadka( Qaadka) lagu iibiyo oo ku taalla degmadaas,waxanala sheegay in ciidamada wada dagaalamay ay ka wada tirsan yihiin kuwa Milateriga Soomaaliya .
Maamulka degmada Kaaraan wali kama aysan hadlin dagaalkaas,todobaadyadii u dambeeyay Muqdisho ku ayaa dhibane u ahayd dagaalada dhexmara Ciidamada ka wada tirsan dowladda,iyada oo xalay ay u dambeysay ay ku dagaalameen degmada Shibis ee Gobolkaan Banaadir.
waxaa dagan Xaalada Goobtii uu dagaalka ka dhacay ,waxaana halkaas gaareen Ciidamo isugu jira Boolis iyo Nabadsugid kuwaas oo amniga xaqiijinaya.
Caasimada Online
Xafiiska Muqdisho
Caasimada@live.com
