Muqdisho (Caasimada Online) – Madaxweynaha Soomaaliya Dr. Xasan Sheekh Maxamuud ayaa xalay u magacaabay in uu noqdo La-taliyaha Madaxweynaha JFS ee arrimaha Dib-u-heshiisiinta, Dr. Cabdiraxmaan Macallin Cabdullaahi Baadiyoow.
Dr. Cabdiraxmaan Baadiyow ayaa horay u ahaa La-taliyaha Madaxweynaha ee arrimaha Dastuurka.
Madaxweyne Xasan Sheekh maalin ka hor ka-taliyihiisa arrimaha dastuurka u magacaabay Dr. Xuseen Sheekh Maxamuud oo horay isaga casilay Agaasimaha guud ee madaxtooyada Soomaaliya.
Dr. Baadiyoow oo dalka kasoo qabtay mas’uuliyado kala duwan ayaa aqoon iyo waayo aragnimo u leh arrimaha dib u heshiisiinta bulshada Soomaaliyeed. Waxa uuna sheegay Xasan in magacaabidiisa ay mudnaan gaar ah u leedahay dowlad-dhiska iyo horumarinta nabadda Soomaaliya.
Haddaba, Sidee looga fal-celiyay arrintaan?
Maxamed Axmed Cartan: “Qofkasta meeshu ku wanaagsan yahay ha lageeyo waa arin wanaagsan.”
“Umada Soomaaliyeed waxay u baahan tahay cadaalad iyo wax qabad ee uma baahna dib u heshiin,” ayuu yiri Cumar Axmed.
Cizudiin Sheekh Cabdullaahi: “Xasan intuu shaxaad kusii lahaa xil in uu kuu magacaabaa uga fudud.”
“Masha Allah waa khabiir ku takhasusay arrimaha shaqo abuurka, waxaan ka rajeyneynaa in uu wax badan ka qaban doono,” ayuu yiri Maxamed Yuusuf Cusmaan.
Shiine Xassan: “Wa shaqsi mudan xil kas ah, wax badana ka qaban kara nabadeen iyo dib u heshisiin.”
“Hambalyo Dr Baadiyoow qaraabada hadaan la ogaan yaa la ogaan lahaa asal,” ayuu Maxamed Cabdulqaadir uga fal-celiyay magacaabista madaxweynaha oo lasoo dhigay bogga Villa Somalia ee Facebook.
Maxamed ayaa isna yiri “Xasanow odayaashaan qadeeyay ee aad shaqa abuurka u sameenayso wallaahi dhalinyarta kaga kheyr badan ee aad mustaqbalka uga cayaarteen.”
“Hambalyo Ustad Abdirahman Baadiyow magacaabistiisa meeshii la rabey ayey ku dhacdey, lagamana il-duufin,” ayuu yiri Cabdulqaadir Maxamed Nuur.
Cabdullaahi Warsame ayaa sidoo kale waxa uu yiri “Wallee Xasan Sheekh shaxda siyaasadu fahmay mashquulin casriyeysan baaga mudo iga ilaali.”
Muudey Xuseen Cali: “Dr Baadiyow waa aqoon-yahan wax badan kasoo shaqeeyay nabadeynta iyo dowlad-dhiska Soomaaliya illaa iyo Carte caawa waa uu asiibay madaxweynaha magaacabida.”
