Muqdsiho (caasimada Online) – Waxaan idiin soo gudbineynaa Liiska Shaqsiyaadka ka tirsan XIldhibaanada Baarlamaanka Soomaaliya ee Haddana kasoo muuqday liiska golaha wasiirada ee uu Maanta ku dhawaaqay Ra’isulwasaaraha Soomaaliya Xasan Cali Kheyre./

Haddaba Halkaan hoose ka aqriso liiskaas oo dhameystiran

1-Iimaan C/llaahi Cali Wasiirka Awqaafta Waa Xildhibaan

2-C/raxmaan Ducaale Beyle waa Xildhibaan

Muqdsiho (caasimada Online) – Waxaa hadda dhaw Xilkiisa iska casilay Wasiiru dowlaha Waxbarashada Soomaaliya C/raxmaan Maxamed Cabdulle Jaabir oo kamid ah liiska wasiirada uu ku dhawaaqay Xasan Cali Kheyre.

Cabdiraxmaan ayaa ka dhawaajiyey inuusan ku qanacsaneyn xilka loo magacaabay sidaas darteedna uu go’aan ku gaaray inuu xilkaas iska casilo .

Waa Xubintii ugu horeysay ee maanta ku dhawaaqa inuu is casilay Saacado kadib markii uu xilkaasi udoortay R/wasaare Xasan Cali Kheyre.

Waxaa iyana jira saluug badan oo laga muujinayo qaabka beelaha loo siiyey jagooyinka Wasaaradaha Xukuumada Cusub oo ay dhaliileen qaabka loo siiyey.

Wixii Warar ah ee kuso kordha waa idinla soo socdsiin doonaa Inshaa Allah

Caasimada Online
Xafiiska Muqdisho
[email protected]

Muqdsiho (caasimada Online) – Madaxweynaha Soomaaliya Maxamed Cabdullaahi Farmaajo ayaa goor dhaweyd magacaabay shan xil oo muhiim ah oo ay ku jiraan.

Xilalka uu madaxweynaha magacaabay waxaa kamid ah: Agaaimaha Guud ee Madaxtooada, a Taliyaha Madaxweynaha ee Siyaasadda iyo Istiraatiijiyadda. Agaasimaha Habmaamuuska Madaxtooyada, Agaasimaha Warfaafinta Madaxtooyada.

Haddaba halkaan hoose ka aqriso liiska shaqsiyaadka iyo xilalka loo magacaabay:

1. Abuukar Daahir Cismaan, Agaasimaha Guud ee Madaxtooyada.

2. Prof Nuur Diiriye Fuursade, La Taliyaha Madaxweynaha ee Siyaasadda iyo Istiraatiijiyadda.

3. Maxamed Cabdullahi Axmed, Kaaliyaha Gaarka ah ee Madaxweynaha.

4. Cabdullaahi Yuusuf Maxamed, Agaasimaha Habmaamuuska Madaxtooyada.

5. Cabdinuur Maxamed Axmed, Agaasimaha Warfaafinta Madaxtooyada.

Caasimada Online
Xafiiska Muqdisho
[email protected]

Muqdisho (Caasimada Online) – Madaxweynaha Soomaaliya Maxamed C/llaahi Farmaajo ayaa soo dhoweeyay magacaabista golaha wasiirada cusub ee xukuumadda Somalia, wuxuuna ku bogaadiyay ra’iisul wasaare Kheyre sida xilkasnimada leh ee uu usoo xushay wasiiro laga sugayo tayo iyo waxqabad.

Farmaajo ayaa kulan kula qaatay xafiiskiisa Ra’iisal wasaare Xasan Cali Kheyrre iyo qaar ka mida wasiiradiisa cusub isagoo kula dardaarmay inay si daacad ah howshooda ugu soo banaan, isagoona u sheegay in wasaarad kasta lagula xisaabtamayo waxqabadkeeda.

Madaxweyne Farmaajo ayaa baarlamaanka federaalka ka codsaday in ay ansixiyaan xukuumadda cusub si ay shaqada looga fadhiyo u guda galaan.

Muqdisho (Caasimada Online) – Xasan Cali Kheyre, Ra’iisul wasaaraha dalka ayaa maanta magacaabay golihiisa wasiirada oo ka kooban 26 wasaaradood.

Wasaaradaha dhammaantood waxa ay leeyihiin ku xigeenno, balse ma wada lahan wasiiru dowleyaal.

Waxaa jira 11 wasaaradood oo aan lahayn wasiir dowleyaal, kuwaasi oo hoos ku xusan:

1-Wasaaradda Xanaanada xoolaha

2-Wasaaradda Haweena iyo Xuquuql Insaanka

3-Wasaaradda Batroolka

4-Wasaaradda Beeraha

5-Wasaaradda Caafimaadka

6-Wasaaradda Kalluumeysiga

7-Wasaaradda Dhallinyarada iyo Ciyaaraha

8-Wasaaradda Warfaafinta

9-Wasaaradda Shaqada iyo Shaqaalahah

10-Wasaaradda Korintada iyo Biyaha

11-Wasaaradda Gargaarka Aadanaha

Caasimada Online
Xafiiska Muqdisho
[email protected]

Ra’iisul wasaaraha Somalia, Xasan Cali Kheyre oo maanta ku dhawaaqay golaha wasiirada cusub ayaa wuxuu shaaciyay ka hor inta husan ku dhawaaqin liiska xukuumadda shuruudaha uu kusoo xushay wasiirada uu soo magacaabay, isagoo sheegay in wasiir walbo laga saxiixi doono shuruudaha lagu soo xusay, qaabkaani ayaa ah mid horay aysan u dhicin ama sameeyn ra’iisul wasaareyaashii hore.

DAAWO VIDEO-GA

Muqdisho (Caasimada Online) – Waxaa soo baxaaya warar sheegaya in Ra’isul wasaaraha Xukuumada Somalia Xasan Kheyre uu laba waji ku kala dilay Beelaha iyo Xubnaha cusub ee loo doortay Golaha Wasiirada Xukuumada Somalia.

Wararku waxa ay sheegayaan Ra’isul wasaaraha Xukuumada Somalia Xasan Kheyre Beelaha ku qanciyay Wasaarado ay dalbadeen, balse Liiska Golaha Wasiirada ee goordhow lagu dhawaaqay lagu arkay isbedel dhanka Wasaaradaha oo aan la fileynin.

Kheyre ayaa Siyaasad ku dhisan hab khiyaano la dheelay ilaa 4 Beel oo Liiska Golaha ku dhex arkay Wasaarado aan lagu wargalin, kadib markii ay maanta la kulmeen Wasaarado ka duwan kuwii loo ballanqaaday.

Kheyre ayaa la sheegay in talaabadaani ay ku dhalatay Habeenimadii xalay kadib markii Madaxweynaha Somalia Maxamed C/llahi Farmaajo uu fursad usiiyay 24saac gudaheeda inuu ku dhawaaqo Golaha Wasiirada, waxa ayna taa dhalisay in Kheyre uu ku dhaqaaqo go’aan lagu qancinaayo Beelaha ugu tunka weyn.

Durba waxa uu Kheyre ku dhaqaaqay in Wasaaradaha aan tayada laheyn iyo kuwa tayada leh isku dhex qaso, waxa uuna sidaa uga baxay ballanqaadka dhanka Wasaarada ee uu u sameeyay Beelaha.

Qaar kamid ah Odayaasha Beelaha ee laga bedelay Wasaaradaha loo ballanqaaday ayaa iminka hordhooban Xafiiska Ra’isul wasaaraha Xukuumada Somalia Xasan Kheyre kuwaa oo dacwad ka ah isbedelka lagu sameeyay Wasaaradaha lagula heshiiyay.

Si kastaba ha ahaatee, waxaan la saadaalinkarin sida uu Ra’isul wasaaraha ku qancin doono Odayaasha Beelaha oo uu uga baxay ballanka Wasaaradaha lagula heshiiyay.

Caasimada Online
Xafiiska Muqdisho
[email protected]

Muqdisho (Caasimada Online) – Ra’isul wasaare Xasan Cali Kheyre ayaa goor dhaweyd si rasmi ah ugu dhawaaqay liiska golaha wasiirada oo la sugayey muddo hal bil.

Liiskaan ayaa waxaa kasoo muuqdaay shaqsiyaad magac weyn ku leh siyaasadda Soomaaliya, sidoo kalana waxaa kasoo muuqday Shaqsiyaad aan la fileyn inay liiskaan kamid ah noqon doonaan.

Waxaa kasoo muuqday Yuusuf Garaad Cumr oo noqday wasiirka Arrimaha DIbadda, Ducaale oo noqday Wasiirka Amniga Qaranka, Juca oo noqday wasiirka Arrimaha Gudaha.

Muqdisho (Caasimada Online) – Madaxweynaha Somalia Maxamed C/llahi Farmaajo ayaa lahaa qorshaha Golaha Wasiirada Xukuumada Somalia loogu soo kordhiyay Wasaarada ugu mashquulka badan ee ”Gargaarka iyo Musiibooyinka”

Madaxweyne Farmaajo ayaa maalin kadib Doorashadiisa xiriir la sameeyay Drs Maryan Qaasim oo horay usoo noqotay Wasiirka Arimaha bulshada kana tirsan Xisbiga Tayo.

Farmaajo ayaa la xaqiijiyay in Drs Maryan uu ka dalbaday inuu kusoo biiriyo Xukuumada cusub, waxa uuna usoo bandhigay in Xukuumada uu kusoo kordhin doono Wasaarada Gargaarka iyo Musiibooyinka oo ay munaasib ku tahay waxaana soo dhaweysay Maryan Qaasim.

Wasaarada Gargaarka iyo Musiibooyinka oo ku cusub Xukuumada Somalia ayaa noqoneysa Wasaarada ugu mashquulka badan oo u dhexeyn doonta min Caasimad ilaa Gobol.

Wasaaradani cusub ee Gargaarka iyo Musiibooyinka, ayaa waxaa loo magacaabay Maryan Qaasim oo Siyaasad ahaan aad ugu dhow Madaxweyne Farmaajo oo ay kawada tirsan yihiin Xisbiga Tayo.

Maryan Qaasim ayaa waxaa lagu xasuustaa in ay wax badan kusoo kordhisay Arimaha Bulshada xilligii ay Wasiirada aheyd.

Dhinaca kale, Ra’isul wasaare Kheyre ayaa la sheegay in laga fara maroojiyay tallada kadib markii Golaha lagu soo daray ilaa 7 Wasiir oo uusan ku qancin sifaadkooda.

Caasimada Online
Xafiiska Muqdisho
[email protected]

Muqdisho (Caasimada Online)-Wararka aan ka heleyno madaxtooyada Soomaaliya ayaa sheegaya in goordhow markale warbaahinta looga yeeray xafiiska madaxweynaha Soomaaliya.

Qaar kamid ah wariyayaasha ku sugan madaxtooyada oo la hadlay Caasimada Online ayaa sheegaya in qeybta warfaafinta ee madaxtooyada ay ku wargelisay inay dib usoo laabtaan oo tagaan xafiiska madaxweynaha.

Wararka aan heleyno ayaa sheegaya in hadalka madaxweynaha uu ku saleysan yahay labo arin, waxaana ugu horeeya inuu ka hadlay liiska golaha wasiirada ee uu ku dhawaaqay ra’iisul wasaaraha Soomaaliya.

Sidoo kale wuxuu madaxweynaha ka hadlayaa safarka madaxweynaha la filayo inuu dhawaan ku tago magaalada Nairobi ee dalka Kenya.

Ra’iisul wasaaraha dalka ayaa muddo 21 maalin ah waxay ku qaadatay inuu soo magacaabo liiska golaha wasiirada cusub.

Caasimada Online
Xafiiska Muqdisho
[email protected]

Muqdisho (Caasimada Online) – Madaxtooyada Somalia ayaa goordhow gashay Jawi ka duwan kuwii hore waxaana halkaasi buux dhaafiyay Siyaasiyiin kamid noqday Golaha Wasiirada Xukuumada Somalia.

Ra’isul wasaaraha Xukuumada Somalia Xasan Kheyre ayaa u hanbalyeynaaya Wasiirada cusub waxaana durba dhaliil laga muujinayaa shaqsiyaadka uu Ra’isul wasaaraha usoo magacaabay xilalka oo aan qaarkood laheyn Khibrad Siyaasadeed.

Wasiirada cusub ayaa waxaa ku dhex jira Siyaasiyiin horay u geystay musuq Hanti Qaran, waxa ayna tani ka hor imaaneysaa ballanqaadkii Madaxweynaha ee ahaa la dagaalanka shaqsiyaadka ku sifoobay Musuqa.

Beelaha qaar ayaa helay Wasaarado aan horay loogu ballanqaadin waxaana la sheegayaa in Wasaaradahaasi ay isbedeleen saacadihii ugu danbeeyay.

Madaxweyne Farmaajo iyo Ra’isul wasaare Kheyre ayaa jahwareer Siyaasadeed ka heystaa qaabka lagu qancin doono Beelaha looga baxay ballanka ee aan lasiin Wasaaradihii leysku ogaa.

Muqdisho (Caasimadda Online) – Waxaa la filayaa in saacadaha soo socdo si rasmi ah loogu dhawaaqo golaha wasiirada iyadoo ay xaadir ku yihiin Villa Soomaaliya dhammaan saxaafadda oo saakay lopo yeeray.

Haddaba Caasimadda Online ayaa si xaqiiq ah u ogaatay inuu Cabdi Faarax Saciid Juxa uu noqday Wasiirka Arrimaha Gudaha.

Ninkaan ayaa kasoo jeedo Beesha Majeerteen , gaar ahaan Ciise Maxamuud, waxaana markii horeba loo saadaalinayey xilkaan inuu qaban doono, isagoo kamid ahaa liiskii hordhaca ahaa ee aan dhawan idinla wadaagnay.

Sidoo kale Caasimadda Online ayaa ogaatay inuu wasiirka Dastuurka noqday Cabdiraxmaan Xoosh Jibriil, oo kasoo jeedo Beesha Leelkse .

Wasiirada aan idiin soo gudbinay dhammaan waa kuwa lagu kalsoon yahay, waxaana si rasmi ah xaqiiqdooda uga helnay Xafiiska Ra’isulwasaaraha.

Weli waxaa socoto qaban qaabada loogu dhawaaqyao wasiirada, waxaan idiin soo gudbin doonaa hadba xaqiiqda aan ka helno xafiiska Ra’isulwasaaraha.

Sidoo kale waxaan idiin soo gudbin doona liiska wasiirada isla marka lagu dhawaaqo, isla markaasna waxaan idinlkugu soo dari doonaa qabiilada ay kaso kala jeedaan.

Caasimada Online
xafiiska Muqdisho
[email protected]

Muqdisho (Caasimadda Online) – Waxaa la filayaa in saacadaha soo socdo si rasmi ah loogu dhawaaqo golaha wasiirada iyadoo ay xaadir ku yihiin Villa Soomaaliya dhammaan saxaafadda oo saakay lopo yeeray.

Haddaba Caasimadda Online ayaa si xaqiiq ah u ogaatay inuu Yuusuf Garaad noqday Wasiirka Arrimaha Dibadda Ee Soomaaliya.

Warkaan ayaa waxaa si rasmi ah nalooga xaqiijiyey xafiiska Ra’isuwlasaraha Soomaaliya Xasan Cali Kheyre, wuxuuna Yuusuf booska ugu fadhiyaa Beesha Habargidir.

Sidoo kale  Ducaale ayaa laga dhigay wasiirka amniga qaranka, warkaana isna waa xaqiiq rasmi ah oo ay heshay Caasimadda Online.

Wuxuna Ducaale kasoo jeedaa Beesha Abgaal, waxayna labadaan wasiir ahaayeen kuwa si weyn loo raadinayey in la ogaado.

Wixii warar ah ee kusoo kordha arrintaan waa idinla soo socod siin doonaa, sidoo kale waxaan idiin soo gudbin doonaa liiska wasiirada oo dhameystiran.

Sidoo kale waxaan qorsheeneynaa inaan idiin soo gudbino Qabiilada wasiirada, wasiir ku xigeenada iyo wasiiru dowlayaasha.

Caasimada Online
xafiiska Muqdisho
[email protected]

Muqdisho (Caasimada Online) – Waxaa goordhow warbaahinta looga yeeray xafiiska ra’iisul wasaaraha Soomaaliya Xasan Cali Kheyre.

Waxaa la filayaa in saacado kadib lagu dhawaaqo liiska golaha wasiirada xukuumada Soomaaliya oo muddo badan ay sugayeen shacabka Soomaaliyeed.

Lama oga tirada wasiirada ay noqon doonaan, balse saadaalinta ugu badan ee la bixinayo ayaa ah inay labaatan gaari doonaan ama ka badanayaan.

Wasiirada ayaa la filayaa in baarlamaanka la horgeeyo kadibna ay helaan codka kalsoonida.

La soco waxii kusoo kordhaa Insha allah

Caasimada Online
xafiiska Muqdisho
[email protected]

Muqdisho (Caasimada Online) – Agaasimihii hore ee la dagaalanka burcad badeeda ee Puntland ayaa shaaciyay in maamulka C/Welli Gaas uu ka warqabo kaluumeysiga sharci darada ah ee ka socdo xeebaha Puntland.

C/risaaq Maxamed Dirir, ayaa sheegay inuu hayo cadeymo cad oo muujinaya ogaanshaha maamulka Puntland uu ka warqabo kaluumeysiga sharci darada ah ee ka socdo xeebaha Puntland ku teedsan.

Wuxuu sheegay in sababaha xilka looga qaaday ay tahay inuu marar badan ka hadlay arimaha kaluumeysiga sharci darada ah ee ka socdo xeebaha Puntland, sida uu hadalka u dhigay.

“Haddii aad tagto xeebaha habeennimo waxaad arkaysaa sida sharci darrada ah ee loo jilaabanayo, waa Iiraaniyiin, Yemen iyo kuwo aan anagga lug ku leenahay oo wasaaradaheena iyo dowladdeena (Puntland) lu ku leedahay oo ay bixiso leesinnada”

“Waxaana hayaa caddeymo ku saabsan arrintaasi oo maraakiib Kuuriya oo Afar ah ay ku jiraan xeebteenna illaa iyo muddo hore laga soo bilaabo 2004, waxay bedaleen magacii markii dowladdaasi ay sheegtay in maxkamad la taagi doono ciddii lagu arko Jilaabasho sharci darro ah”

“Qoraalkiina waan hayaa, markii ay sidaasi yiraahdeen Soomaali baa dabcan wada, dowladana (Puntland) waxbay ka ogtahay, calankii Kuuriya waa la dejiyey oo waxaa la saaray calanka Soomaaliya, waana meelaha la iga soo galay bilowgii” ayuu yiri Duceysane.

Caasimada Online
Xafiiska Muqdisho
[email protected]

Muqdisho (Caasimada Online) – Waxaa sii kordhaya tirada xildhibaanada baarlamaanka maamulka koofur Galbeed ee doonaya inay xilka ka qaadaan madaxweynaha maamulka Koofur Galbeed Shariif Xasan Sheikh Aadan.

Inka badan 100 xildhibaan ayaa shaaciyay inay diyaar u yihiin inay xilka ka qaadaan madaxweynaha maamulka Koofur Galbeed Shariif Xasan Sheikh Aadan.

Xildhibaan Axmed Maxamed oo ahaa wasiirkii hore ee awqaafka iyo arimaha diinta Koofur Galbeed ayaa sheegay inay  meel wanaagsan marayaan qorshaha ay xilka kaga qaadayaan.

Wasiirkii hore ayaa sheegay in 149 xildhibaan ay diyaar u yihiin mooshinka, laakiin ay jiraan xildhibaano kale oo doonaya inay dhaqaalo ka cunaan Shariif Xasan kuwaasi oo uu sheegay inay qiyaano ku wadaan.

Xildhibaan Axmed Maxamed, wuxuu sheegay in xildhibaanada aysan qaadan muddooyinkii ugu dambeeyay wax mushaar ah, taasina ay sii kordhisay qorshaha ay ku doonayeen iney xilka kaga qaadaan Shariif Xasan.

Xildhibaanada ayuu sheegay inay la xisaabtamaan Shariif Xasan, waxayna ku eedeynayan inuu ku fashilmay wax ka qabashada howlaha laga doonayay.

Shariif Xasan ayaa ka gaabsaday hadalada ay xildhibaanada ku sheegayaan inay xilka ka qaadayaan.

Caasimada Online
Xafiiska Muqdisho
[email protected]

Muqdisho (Caasimada Online) – Isbadalkii siyaasadeed iyo doorashadii ka dhacday Somalia 08-Febraayo, ee xildhibaanada qaran horseedka ka ahaayeen ayaa dadka waxay kusoo dhoweeyeen caleema qoyan, qaarna sidii ay u oynayeen indhaha casaadeen, waxaa lagu tilmaamaa isbadalkaasi xamaasadiisii habeenkii xorriyada ee calan saarka 1960-kii.

Dadka Soomaaliyeed caadiyan kama fikiraan isbadalada ay caleemaha qoyan ku soo dhoweeyeen mana dhirin dhiriyaan isbadal noocee ah ayey bulshada u baahan tahay, waxaase shaki ku jirin in Soomaalida erayga isbadal u taqaan mas’uul badalay mas’uul kale.

Dowladda Madaxweyne Farmaajo iyo guushiisa waxay dadka ku haminayeen isbadal ka duwan hab dhaqankii, maamul iyo karti ee dowladdihii ka horeeyay.

Waxaa hadda muuqata in isha aad loogu hayo go’aan qaadashada madaxweynaha, awooda iyo dhowrida dastuurka dalka iyo dadka, caddaalad falka iyo sinnaanta habka awood qeybsiga Soomaalida intaba.

Waxaase durba muuqata xadgudub iyo caddaalad darro xooggan oo lagu hayo beelaha Soomaaliyeed qaarkood, taasi oo kasoo shaac baxday magacaabista golaha wasiirada xukuumadda Somalia iyo xogta laga helayo qaar ka mid ah magacyada dadka ku jira.

Howshu magacaabida oo ah mid u taal Ra’iisul wasaare Xasan Cali Kheyre, haddane madaxweynuhu wuxuu xaq u leeyahay inuu la-tashi kala sameeyo ra’iisul wasaaraha maadaama uu isugu soo magacaabay, taasna awoodeedii waxaa qaatay shaqsiyaad gacan bidxeynaayo, kuwaasi oo awood walbo oo timaada ku dhex milma, loona arko dallaaliin iyo qaswadayaal kala fogeynaayo umadda Soomaaliyeed.

Shaqsiyaad ku heyb ah ra’iisul wasaaraha oo gacanta midig ee Xasan Kheyre noqday markii xilka loo magacaabay si walba haku yimaadaane, ayaa qas iyo fowdo ka waday maalmihii lasoo dhaafay, kuwaasi xilalka wasiirada beel walba kusoo aada ra’iisul wasaaraha ku qasbay una yeeriyay in loo magacaabo dadka ay aadka iskugu dhow yihiin ee ay isla so shaqeeyeen.

Mustafa Dhuxuloow oo xilal kasoo qabtay xukuumadihii hore ayaa noqday shaqsiga saameynta ku leh xafiiska ra’iisul wasaaraha, wuxuuna mustaf dhuxuloow caan ku yahay ku xerashada hadba mas’uulkii cusub ee xafiiska yimaada, laakiin markaani waxay ugu duwan tahay beel ahaan, ayuu ugu dhowaaday Xasan Cali Kheyre.

Talada magacaabida wasiirada ayuu qeyb ka yahay Mustaf Dhuxuloow, waxaana fool xumo iyo magac xumo ay ku tahay ra’iisul wasaare Kheyre in Mustaf Dhuxuloow uu kusoo dhoweysto beel ahaan una yeeriyo shaqsiyaadka saaxiibka dhow uu la yahay inuu u magacaabo Wasiiro.

Sida xantu nagu soo gaartay Mustaf Dhuxuloow ayaa wasiirada qaar soo xulay iyo shaqsiyaad kale oo gacan bidxeynayo howshii Kheyre, waxaa xog-ogaal u nahay in Mustaf Dhuxuloow wasiirkii beesha Abgaal uu usoo xulay Eng. C/raxmaan Yariisoow oo saaxiibo ay wada qaraabtaan yihiin, ama uu yahay mid ka mid ah laba wasiir oo beeshaas loogu talo-galay.

Waa arrin meel ku dhac ku ah beesha Abgaal iyo beelaha kale ee la midka ah in xubnihii kaga soo aaday galaha wasiirada in shaqsiyaad dallaaliin ah usoo xulaan shaqsigii ay iyaga wataana keensadaan.

Guuxa beesha Abgaal oo horayba u ahaa mid deganeyn, salna laheyn ayaa hadda bannaanka imaanayo haddii ay dhacdo arintaani, waxaa soo deg degaya kalsooni darada dowladda cusub ee lagu han weynaa inay dalkaan isbadal u horseedi doonto.

Caasimada Online
Xafiiska Muqdisho
[email protected]