Inter Milan ayaa dooneysa inay soo qaadato ciyaaryahanka reer Brazil ee kooxda Corinthians Paulinho, kaasoo la sheegayo inay qiimo ku dhow 15 ilaa 20 milyan oo ginni kusoo iibsan doonto.

Nerazzurri ayaa sii qaadeysa wadadeeda ay ku raadsaneyso qadka dhexe, waxayna heshiis is afgarad ah la gaartay kooxda ciyaaryahanka ayeyna dooneysay inay kusoo qaadato 8 milyan oo ginni inta uusan go’aan ku gaarin inuu sii joogo Brazil.

Waxaa lasoo werinayaa inuu warkaani yahay keliya in labada koox ay wada xajoodeen, laakiin Inter ayaa rumeysay iyadoo sheegay inay si dhaqso ah kusoo qaadan doonto xidigaan.

Paulinho ayaa waxaa ku bixi kara marka loo fiirsho qiimaha ugu sareeya 20 milyan oo ginni, taasoo la filaayo inay noqoto lacagta uu kusoo caga dhigto San Siro Stadium.

24 jirkaan sidoo kale waxaa doonaya Chelsea, Real Madrid, PSG iyo Arsenal

“Inter ayaa iisoo dirtay dalab rasmi ah, taas waad ogtahay. Codsi ayaan usoo jeediyey ka dib waxaan go’aan ku gaaray inaan joogo Brazil. Laakiin inaan hada wadahadal kula jiro Chelsea, waxba kama jiraan,” Paulinho ayaa sidaasi u sheegay Foot365.

“Waan ku qanacsanahay Corinthians, ilaa iyo waqtigaan. Sidoo kale, waxaan ku leeyahay asxaab aan doonayo inaan kala qeyb galo koobka aduunka. Waana midaas sababtu. Waxaan diirada saarayaa inaan si wanaagsan u ciyaaro.”

W/Q: Ahmed Jaangoan

E-mail: [email protected]

Mogadishu, Somalia.

Anzhi Makhachkala ayaa dooneysa inay dalab u dirto ciyaaryahanka kooxda Manchester United Wayne Rooney, sida laga soo xigtay agaasimaha kooxda Roberto Carlos.

Anzhi ayaa dalabkeeda ciyaartoyda ugu waa weyn Yurub wuxuu noqday mid iska caadi ah ka dib markii ay lasoo saxiixdeen Samuel Eto’o bishii August ee sanadii hore.

Wuxuu Carlos u sheegay Sky Sports News in Taajirka u dhashay dalka Ruushka ee iska leh kooxda Suleyman Kerimov, uu sii  wadan doono guulihiisa uu kusoo kaxeysanaayo ciyaartoy waa weyn – sida inuu soo dhaqaajiyo Rooney.

“Maxaa diidaya? Waa mid ka mid ah ciyaartoyda ugu fiican adduunka, koox walbana waa ay dooneysaa inuu u ciyaaro,” ayuu yiri.

“Weli waa ciyaaryahan da’ yar. Dabcan ma dhihi karo xilliga, iyo hadii ay dhaceyso inaan la soo wareegeyno.

Keliya ma ahan Anzhi kooxaha doonaya. Waxaa jira kooxo kale oo ka ciyaara Italy iyo Spain, iyo dhamaam caalamka, kuwaas oo jecel ciyaaryahan Rooney oo kale ah.

“Qofkaan [Kerimov] waxa uu awoodaa inuu sameeyo wax walba. Hadii milkiilaha Anzhi uu doonayo inuu qof soo iibsado, waa uu u dhaqaaqaa waana uu soo iibsadaa.

“Laakiin waxaan isku dayaynaa inaan bedelno muuqaalka kooxda. Kaliya ma ahan mid lacag ku dhisan. Dabcan waxaan dooneynaa inaan la soo wareegno ciyaaryahano fiican kaliya ma ahan ciyaaryahano heer caalami laakiin sidoo kale ciyaaryahano fiican oo Russia ah kuwaasoo aan aheyn kuwa qaali ah.”

W/Q: Ahmed Jaangoan

E-mail: [email protected]

Mogadishu, Somalia.

Ciid Wanaagsan !! dhamaan aqriteyaasheena sharafta iyo qiimiga naga mudanoow, maamulka iyo shaqaalaha Caasimada Online wuxuu idinkugu hambalyeynayaa maalinta barkeysan ee Ciid Al-adxa.

Waxaan idiin rajeyneynaa inaad ciidaan ciideeda kale ku ciidaan bash bash iyo baraare.

Hadii aan nahay Shaqaalaha iyo Maamulka Caasimada Online waxaan idin leenahay “Ciida, Ciida, Ciida. Waa ciid wanaagsane ciida dhamaan soomaaliyey dhamaan inta islaamka ahoow nabad ku ciida.”

Halyeeygii kooxda AC Milan Demetrio Albertini ayaa u sheegay kooxdiisii hore ee Rossoeri inay ceshto tababareheeda Massimiliano Allegri.

Kooxda ka dhisan San Siro ayaa si xun ku bilaabatay Horyaalka – tiiyoo ay kusoo darsatay koobka kooxaha Yurub – laakiin 41 jirkaan ayaa maanka ku haaya in kooxdu ay kalsooni siiso tababaraha.

“Milan waa inay ilaashataa Allegri,” ayuu ku yiri shir jaraa’id.

“Mashruuc walba ee tababare wuxuu u baahan yahay in la siiyo waqti. Waana in wadajir loo shaqeeyaa si loo helo natiijooyin fiican.”

Milan ayaa ku jirta kaalinta 15^aad ee Serie A, waxayna keliya todobo dhibcood ka heshay sideedii kulan ee furitaanka Horyaalka, iyadoo ay guul darro 1-0 ah kasoo gaartay kooxda Malaga ciyaar ka tirsan Champions League, taasoo la micno ah inay 11 kulan oo caalami ah soo xareysato guul darradeedii lixaad.

Wararka ayaana soo jeedinaaya in Milan ayba horay u diyaarsatay bedelka Allegri kaasoo lasoo sheegayo inuu noqon doono Frank Rijkaard.

W/Q: Ahmed Jaangoan

E-mail: [email protected]

Mogadishu, Somalia.

Juventus ayaa lasoo werinayaa inay Janaayo xiiseyneyso xasiixa ciyaaryahaka kooxda Schalke Julian Draxler, sida ay tebineyso jariirada Italian Press.

19 jirkaan kubad qaabeeyaha ah ayaa xilli ciyaareedkaan ku dhowaa inuu ciyaaro kulan kasta ee Die Knappen. Wuxuuna saftay lix kulan sideedii kulan ee ugu horeysay, isagoo kooxda Huub Stevens ka caawiyey inay xirato booska sedaxaad ee Bundesliga.

Bianconeri ayaa isha ku heysay ciyaaryahanka qadka dhexe, laakiin waxay tartan la geli doonaan Bayern Munich, sida uu tebinaayo Calcio Mercatio.

Xidigaan ayaa loo qiimeeyaa, ciyaaryahankii labaad ee taariikhda ugu fiicnaa eek a mid noqda kooxaha sar sare ee Jarmalka, tan iyo markii uu si aad ah uga soo dhex dhalaalay kooxda Gelsenkirchen, wuxuuna xulkiisa Germany u ciyaaray laba kulan.

Schalke ayaa xidigaan ku qiimeyn doonta aduun lacageeda gaaraya 12 milyan oo euro.

W/Q: Ahmed Jaangoan

E-mail: [email protected]

Mogadishu, Somalia.

Waxaa soo baxaaya warar sheegay in horay la isugu afgartay in Frank Rijkaard uu xilka tababarenimo ee AC Milan ka bedelo Massimiliano Allegri.

Rossoneri ayaa ku jirta xaaladii ugu xumeyd ka dib markii ay xalay guul darro kasoo gaartay Malaga kulan ka tirsan Champions League, taas micnaheeda ayaana ah inay soo xareyso guul darradeedii lixaad 11 kulan oo caalami ah xilli ciyaareedkaan.

Tababaraha ayaa qirtay inuu doonayo inuu kooxda baaqi kusii ahaado kooxda markii wax laga weydiiyey hadii uu kulanka Sabtida wajihi doono Genoa, wuxuu ku jawaabay: “Waa inaad kooxda weydiisaa. “Isma casili doono, taasna ma ahan hanaankeyga.”

Madaxweyne ku xigeenka Milan Adriano Galliani oo saxaafada la hadlay ka dib guul darradii kasoo gaartay Malaga ayaan waxba ka dhihin arinka: “Waan ogahay in had iyo jeer la I weydiinaayo hal shey. Anigu ma bedelaayo.”

Waxaa lasoo sheegayaa inay sidoo kale macquul tahay in shaqadaan uu qabto ku xigeenka tababaraha Mauro Tassotti waase hadii shaqada laga raacdeeyo Allegri.

Si kastaba, 7Gold ayaa tebinaaya in qandaraaska tababarihii hore ee Holland Rijkaard la isku afgartay.

Frank ayaa usoo ciyaaray Milan, xiligii uu tababaraha u ahaa Arrigo Sacchi 1980-meeyadii, markaasoo ay Milan aduunka wacdaro ka dhigtay.

Si kataba ha ahaatee, Rijkaard ayaa qandaraas kula jira xulka Sucuudiga wuxuuna u yahay tababare.

Wuxuu soo leyliyey Holland, Sparta Rotterdam, Barcelona iyo Galatasaray.

W/Q: Ahmed Jaangoan

E-mail: [email protected]

Mogadishu, Somalia.

Ciyaaryahanka la dhashay daafaca QPR Aston ee Rio Ferdinand ayaa sheegay inuu diyaar u yahay inuu gacan qaado daafacyada kooxda Chelsea John Terry iyo Ashley Cole ka hor kulankooda Barclays Premier League. Sida uu qoray wargeyska The Sun.

Daafaca Manchester United Rio iyo daacafa QPR Anton ayaa dagaal qabow kala dhexeeyaa Terry iyo Cole.

Kulanka dhacaaya axada ayaa laga yaabaa inuu ku bilowdo Rio kaasoo wajahaya Cole xilli ay United Stamford Bridge kula ciyaareyso Chelsea. Waxaana dagaalkoodu circa isku shareeray ka dib markii u Terru hadalo cunsuri ah u adeegsaday Aston tiiyo uu Cole taageeray kabtanka Chelsea.

Terry ayaana ganaax kala kulmay FA-ga, halka Rio laftiisa lagu ganaaxay 45 kun oo ginni ka dib markii uu diiday inuu xirto maaliyado lagu muujinaayey sida loga soo horjeedo cunsuriyada ka dhex jirta kubada cagta.

W/Q: Ahmed Jaangoan

E-mail: [email protected]

Mogadishu, Somalia.

Roberto Mancini ayaa nafsadiisa eeda dusha ka saaray ka dib markii kooxdisa Manchester City ay guul darro kasoo gaartay kulankoodii Champions League.

Tababaraha City ayaa qirtay inuu Farsamo ahaan qalday kulankii ay guul darro 3-1 ah kasoo gaartay kooxda Ajax, wuxuuna daaha ka qaaday inay noqoto wax mucjisa ah hadii ay kooxdiisu gaarto wareega 16ka ee Koobka Kooxaha Yurub.

Richards ayaana ku eedeeyey inuu Mancini ciyaarta wax ka bedelay, macalinka ayaase iska indho tiray midaas.

“Waxay aheyd qalad aan sameeyey,” ayuu yiri Mancini. “Si fiican isuguma soo diyaarin kulanka waana qaadanayaa eeda.

“Ma aqaano waxa uu sheegay Micah laakiin ma doonayo inay sii dhacdo tan oo kale. Waxaan isku bedelnay shan daqiiqo iyadoo sedax dhibcood nagal soo celshay, laakiin had iyo jeer waxaan heysanay 11 ciyaaryahan.

“Waxaan filayaan inay muhim tahay – sedax, afar, shan, lix, ama todobo daafac – hadii uu xitaa qof cusur daarto waxaad ahaaneysaa mid fiican, laakiin ma ahan sababtaas.

“Wey adag tahay inaan gaarno 16ka. Waxay noqon kartaa mucjiso.”

W/Q: Ahmed Jaangoan

E-mail: [email protected]

Mogadishu, Somalia.

Kooxda ka dhisan dalka Spain ee Valencia ayaa dooneysa inay bisha Janaayo marka uu suuqu furmo iibsadaan daafaca kooxda Chelsea John Terry. Sida uu qoray Wargeyska Daily Mirror.

Kabtankii hore ee xulka England ayaa ciyaar wanaagsan kusoo bandhigaayey Chelsea, iyadoo afar kulan la ganaaxay ka dib markii uu hadalo isir naceyb ah u adeegsaday Anton Ferdinand.

Hadaba, wakiilka FIFA Francois Gallardo ayaa daaha ka qaaday in Terry uu dalab ka helay kooxda ciyaarta Primera Liga.

Valencia ayaa diyaar u ah inay gacanta ku dhigto 31 jirkaan kaasoo qandaraaskiisa Blues ay ka harsan tahay 18 bilood – halka uu qorshaha Chelsea yahay keliya in loogu darro sano kale.

Gallardo ayaa u sheegay Radio Intereconomia: “Valencia ayaa soo dalbatay, aniguna shaqsi ahaan waan ku xirayaa, saxiixu wuxuu dhacayaa marka uu furmo suuqa kala iibsigu.

“Dalabku waa mid miiska u saraan. Qandaraaskiisu wuxuu dhacayaa bisha June mana loo cusbooneysiin doono sababo badan oo Chelsea ah awgeed wuxuuna doonayaa inuu aado Spain.

Gallardo ayaa intaas ku daray: “Terry waxaa heysta dhibaatooyin. Wey aflagaadeynayaan kamana uusan haldlin. Wuxuu weydiistay inuu tago, anaga ma ahan.

“Waa xaqiiq. Waxay wadahadaladu socdaan 15 maalmod laba kulan ayeyna horey u qaateen. Heshiisku wuxuuba u saran yahay miiska waa sanad iyo bar oo loogu daraayo sano kale.

“Waxaan u maleynayaa inuu aqbali doono.”

W/Q: Ahmed Jaangoan

E-mail: [email protected]

Mogadishu, Somalia.

Liverpool ayaa dalabkeedii sedaxaad u dirtay daafaca xulka Korea Hyun-Soo kaasoo ay u aragto inay kusoo dhaqaajiso hal milyan oo ginni.

21 jirkaan daafaca uga ciyaara xulka South Korea iyo kooxda FC Tokyo  Jang Hyun-Soo  ayey Reds laba mar dalab u direen intii lagu jiray bishii December.

Hyun-Soo ayaa lix kulan u saftay kooxdiisa waxayna Liverpool u argtaa inuusan u qalmin qiimo ka badan 1 milyan oo ginni.

Soo ayaa lagu qiimeeyaa daafaca dhexe isagoo kabtan u ah xulka Dalkiisa ee Koonfur Kuuriya.

W/Q: Ahmed Jaangoan

E-mail: [email protected]

Mogadishu, Somalia.

Paul Scholes ayaa diiday inuu meesha ka saaro inuu maalin uun macalin kooxda Oldham Athletic.

Ciyaaryahanka qadka dhexe ee kooxda Manchester United ayaa waqtigiisa oo dhan u hibeeyey Red Devils wuxuuna doonayey inuu u ciyaaro Oldham ka hor inta uusan 2011dii ka fariisan kubada cagta.

Scholes ayaase kusoo laabtay United markii dib loogu yeeray 2012kii laakiin markii la weydiiyey inuu mar uun macalin u noqon doono Oldham Athletic, ma uusan qarsan jaceylka uu u hayo.

“Inaan meesha ka saaro wey igu adag tahay. Ma garanaayo waxa dhici doona markaan soo afjaro ciyaarta kubada cagta Oldham-na wey heysataa macalin ,” ayuu yiri Xidigaani.

“Laakiin waan jeclahay Oldham waana kooxda aan isbuuc walba natiijadeeda ciyaaraha eego. Waan jeclahay inaan daawado mar walba oo awoodo.”

W/Q: Ahmed  Jaangoan

E-mail: [email protected]

Mogadishu, Somalia.

Ka dib markii uu door fure ah ka ciyaaray kulankii Chelsea ay guul darradu kasoo gaartay kooxda ka dhisan dalka Ukraine, Willian ayaa daaha ka qaaday inuu markaan ku jiheysan yahay mid ka mid ah Horyaalada ugu waa weyn Yurub.

Xidiga reer Brazil ayaa saameyn ku lahaa musiibada kula dhacday Donbass Arena kooxda difaacaneysa Horyaalka, mana uusan sireysan inuu ka tegaayo Shakhtar Donetsk, Chelsea ayaana u diyaarisay inuu xirto maaliyadeeda. Sida uu qoray wargeyska Daily Mail.

Wuxuu qandaraaskiisu dhacayaa 2014ka Chelsea iyo Tottenham ayaana si aad ah loola xiriirinayaa 24 jirkaan ka ciyaara garabka, kaasoo laba kulan u saftay wadankiisa.

Willian ayaa yiri: “Waxaan jeclaan lahaa inaan ka tago Shakhtar, shaqadeydii halkaan aheyd waa dhameeyey. Waxaan jeclaan lahaa inaan u ciyaaro koox weyn oo ciyaarta horyaal weyn, sida Premier League ama Serie A. waan jeclahay Chelsea, AC Milan iyo Inter.

“Waxaan u baahanahay inaan isku muujiyo horyaal weyn si la ii Waco xulka qaranka. Waa riyadeyda inaan gool ka dhaliyo koobka aduunka ee lagu qabanaayo Brazil taasn waxay dhici kartaa markaa aan halkaan ka tago.

Willian ayaa sheegay inuu sidoo kale ogyahay inay Chelsea dooneysay waayadii dhoweyd wuxuuna sheegay inuu la socdo in qiimaha la isku mari waayey.

Shakhtar, ayaa 2007dii xidigaan 12 milyan oo ginni uga soo dhaqaajisay kooxda ka dhisan Brazil ee Corinthians, waxaana la ogyahay inay keliya ku dooneyso 30 milyan oo ginni ama wax ku dhow.

W/Q: Ahmed  Jaangoan

E-mail: [email protected]

Mogadishu, Somalia.

Manchester United ayaa casuumtay 16 jirka weerarka uga ciyaara kooxda Desportivo Brasil Bruno Gomes, iyadoo aabihiisna uu safarka ku wehliyey.

Gomes ayaa tababar la qaatay kooxda inteeda kale laakiin wuxuu doonayey inay marti geliyaan koox ka dhisan Yurub.

Wuxuu dareenkiisa uga waramay tababaraha kooxda United Sir Alex Ferguson.

“Rajadeydu waa inaan noqdaa gool dhaliyaha ugu sareeya Yurub, anigoo midaas markii horaba kasoo bilaabay Brazil, halka aan sidoo kale doonaya inaan Noqdo Horyaalka England aana doonayo inaan ku guuleysto the Champions League,” ayuu yiri da’yarkaani.

“[Ferguson] waa halyeey Mancheter ah, qof walba wuxuu doonayaa inuu la mid noqdo ama uu ku dhowaado. Xaqiiqdii, keliya wuxuu I weydiiyey booska aan ka ciyaaro markii aan kula hadlay Ingiriis–na wuxuu la hadlay wakiilka kooxda kaasoo isoo waday Manchester.

Gomes ayaa akoonkiisa Twitter ku daabacay isagoo xiran maaliayada Manchester United.

W/Q: Ahmed  Jaangoan

E-mail: [email protected]

Mogadishu, Somalia.

Ciidamo ka tirsan kuwa Dowladda Somalia ayaa muddo waxa uu tababar uga socdaa dalka Uganda. Waxaa tababarkaasi inta badan bixiya saraakiil ka socda dalalka Germany, UK  iyo France oo dowladda Somalia ka caawinaya sidii ay u heli lahayd ciidan tababar wanaagsan heysta.

Haddaba halkan waxaan idin kugu soo gudbineynaa qaar ka mid ah sawirrada Ciidamadaasi tababarka uu u socdo.

Akhristayaal waxaan halkan idin kugu soo gudbineynaa sawirradii ugu dambeeyay ee aan kasoo qaadnay shalay magaalada Muqdisho ee caasimada Somalia, oo ah kuwa meelo badan aad ka arki kartaan. Waxaa sawirrada ku jira goobo caan ah sida SYL iyo Masjidka Isbaheysiga Islaamka. Waxaan ka cudur daaraneynaa haddii muuqaalada qaar aysan ahayn kuwa aadan jecleysan.

Sadex ka mid ah wiilashiisa waxaa lagu dilay kacdoonka. Waxaa kamid aha la taliyihii hore ee amniga qaranka Mu’tasim Qaddaafi, oo ku dhintay gacanta fallaagada isla maalintii aabihii la dilay 20-ka October 2011.

Xubanihii soo haray ee qooyska Qaddaafi waxaa soo wajahay marxalada kala gedisan tan iyo October 2011-kii.

Safiya Qaddaafi

Safiya Farqash, waxa ay dhashay toddoba ka mid ah siddedda caruur ee uu dhalay Qaddaafi. Mudda sanad ah, waxa ay hadda ku sugantahay wadanka Algeria halkasoo ay ku joogto qaxootinimo.

Maxamad Qaddaafi

Waa wilkii ugu weeynaa carruruta Qaddaafi. Waxaa uu ahaa madaxa guddiga Olympikada Libiya. Balse cayaarihii Olympikada London ee 2012 kama uusan qeyb galin. Taasi badalkeeda waxaa uu muddo sanad ah ku suganyahay wadanka Algeria.

Maxkamadda ICC wax dambiya ah kuma aysan soo oogin, waxaana la aaminsanyahay in uusan dadaal weyn u gelin daminta kacdoonkii rabshadaha watay ee sandkii hore lagu afgambiyay aabihii.

Saif al-Islam Qaddaafi

Saif al-Islam waxaa la qabtay bil ka dib dhimashada aabihii, waxaana tan iyo markaasi lagu haayey magaalada buuralayda ee Zintan.

Maxkamada dambiyada caalamiga ee ICC ayaa ku soo eedaysay dambiyo dhan ka ah bani’adanimada. Hasa ahaatee, mas’uuliyiinta Libya ayaa doonaya in Saif al-Islam gudaha dalka lagu maxkamadeeyo.

Saacadi Qaddaafi

Waa wiilkii shanaad ee Qaddaafi. Waxa la aaminsanyahay in uu u baxsaday wadanka Algeria bishii August ee sanadkii hore. Waxaa uu halkaasi la joogaa hooyadii Safiya Farqash iyo walaashii Caasha Qaddaafi.

Hannibal Qaddaafi

Waa wiilkii shanaad ee Qaddaafi. Waxa la aaminsanyahay in uu u baxsaday wadanka Algeria bishii August ee sanadkii hore. Waxaa uu halkaasi la joogaa hooyadii Safiya Farqash iyo walaashii Caasha Qaddaafi.

Caasha Qaddaafi

Waa gabadha kaliye ah ee uu dhalay Colonel Qaddaafi. Waxaa qaxootinimo looga aqbalay wadanka Algeria. Waxeey la jirtaa hooyadeed iyo walaalkeed. Waxay qabsatay qareen u dhashay dalka Israel si ay uga dacwoodda sida aabaheed loo dilay.

Hanaa Qaddaafi

Col. Gaddaafi waxa uu mar kasta ku doodi jiray in gabdhan uu soo korsaday lagu dilay weerar xaga cirka ah oo uu Mareeykanka geeystay sanadii 1986, iyadoo Hanaa markaasi jirtay 18 bilood.

Si kastaba ha ahaatee, waqtigii kacdoonka waxa jiray caddeeymo soo xoogeeysanayay oo muujinayo in Hanaa ay weli nooshahay, inakstoo aan hadda laga warami karin halka ay ku dambaysay.

Muuqaallo laga helay gurriga Qaddaafi kadib kacdoonkii sanadki hore, ayaa lagu arkay Hanaa oo aabaheed Qaddaafi la cayaareeyso sanado kadib duqeeyntaasi uu abaaheed ku dooday in ay ku dhimatay.

Ilo wareedyo laga helay warbaahinta gudaha ee Libya ayaa sheegayo in Hanaa ay tahay dhaqtar ka shaqeenaysay Tripoli mudda sanada ah.

Mussa Ibraahim

Waa afhayeenkii hore ee dawladii Qaddaafi. Waxaa jira warar sheegaya in 20-ka October, hal sana kadib dhimashadii Qaddaafi, lagu qabtay magaalo u dhaw Tripoli, sida uu sheegay xafiiska ra’isilwasaaraha Liibiya. Balse wararka qaar ayaa shaki ka muujinya arintaasi.

Dhowr jeer oo hore ayaa la sheegay in la xiray, balse markii dambe waa ay beenoowday.

Waxaa uu ahaa wejiga xukumadda Qaddaafi, waxaana uu aad uga muuqday warbaahinta caalamka.

Cabdallah al-Sanussi

Waxa uu ahaa madaxa sirdoonka xukumadii Qaddaafi. Waxaa lagu hayaa magaaalada Tripoli kadib markii laga soo tarxiilay dalka Mauritania bishii Sebtember 2012. Waxa uu ka baxsaday Libya kadib kacdoonkii sanadkii hore.

Bartamihii sanadkii 2011-ka, ayaa maxkamadda ICC-da u dirtay warqad xiritaan. Waxa uu ku eedeeysanyahay dambiya dhan ka ah aadanaha in uu ka gaystay magaalda Benghazi.

Musa Kusa

Waxa uu ka mid ahaa saraakiisha ugu awooda badnaa xukumadii Qaddaafi. Iyadoo hal bil un uu socda kacoodnka ayuu ku biiray kooxaha mucaaradka, kadibna waxa uu u dullay dalka Britain. Warbixin ay BBC soo saartay ayaa lagu sheegay in Musa Kusa uu ku lug lahaa garaacidda maxaabiista, oo shakhsi ahaan uu u cadibi jiray dadka ka soo hor jeeday xukunkii Qaddafi.

Baarlamanka Soomaaliya ayaa Kulankooda Afar Tobanaad waxaa ay maanta ku yeesheen Magaalada Muqdisho waxaana ay Xildhibaanada ay kaga doodayeen Arinta Miisaaniyada.

Gudoomiyaha Baarlamanka Soomaaliya Proff Jawaari iyo labdiisa ku xigeen ayaa maanta shir gudoominayay kulankan waxaana hadalo kooban uu gudoomiyaha u jeediyay Baarlamanka kaas oo ahaa inay ka soo talabixiyaan Miisaaniyada ay ku shaqayn doonto Dowlada Sadaxda bilood ee soo aadan.

Inta uu socday kulanka Baarlamanka ayaa gudoomiyaha waxaa uu la kulmay siihayaha xilka Wasaarada Maaliyada Iyo Agaasimaha Wasaaradaasi,waxaana intaa ka dib cod loo qaaday  Ansixinta Miisaaniyada ay ku shaqaynayso dowlada sadaxda bilood ee soo  aadan.

Baarlamanka ayaa cod kadib waxaa ay ogaaladeen Barnaamijka Miisaaniyada waxaana uu Gudoomiyaha Baarlamaanka Soomaaliya Maxamed Cismaan jawaari ayaa ku dhawaaqay in xubnaha Baarlamaanka Soomaaliya ay ogolaadeen miisaaniyada muddada saddexda bilood ee soo socota Dowladda.

Baarlamanka Soomaaliya ayaa lagu wadaa in maanta ay fadhi ku yeeshaan magaalada Muqdisho oo ah Xarunta dalka oo dhan.

Kulanka ay yeelanayaan Mudanayaasha Baarlamanka Soomaaliya ayaa waxaa lagu wadaa in lagu lafa guro arimaha miisaaniyada,iyadoo kulankaan uu ka dhacayo Xarunta Golaha Shacabka.

Maxamed Cumar Maxamuud  oo ah Xildhibaan ka tirsan Baarlamanka ayaa Raadiyaha Afka dowlada ku hadla ka sheegay in fadhigaan uu qabsoomayo maanta ayna uga hadli  doonaan Miisaaniyada.

Xildhibaanka ayaa hadalka waxaa uu intaa ku daray in dood adag ay jiri doonto taas qayb ka ah Miisaaniyda sadaxda bilood ee soo aadan.

Inta uu socdo kulanka Baarlamanka ayaa warbixin kooban looga dhagaysan doonaa gudi Shan xubnood ah oo loo xilsaaray Arimaha Miisaaniyada waqtiga soo socda lagu shaqayn doono.