Ma ogtahay in asxaabiga qur ee qur’aanka lagu sheegay uu yahay (Zeyd Bin Xaarith RC).

Ma ogtahay in haweenaydii ugu horaysay ee Islamka ka shahiida ay tahay(Sumeya Bintu Qiyaad).

Ma ogtahay in haweenaydii ugu horaysay ee qof gaal ah dishay ay tahay Nabiga NNKG eedadiis (Safiya Bintu Cabdi Mudalib RC).

Ma ogtahay in asxaabiga qura ee aan waligii Salaad u tukan ILAHAY Haddana Ehlu Janaha ka mid ah uu yahay (Camar Bin Taabit RC.

Ma ogtahay in asxaabigii isagoo qur’aanka akhrinaya arkay malaa,igta soo dagaysa uu yahay Useyd Bin Xudeyr Rc.

Ma ogtahay in dagaalkii Yarmuug uu hogaminayay Khaalid Bin Waliid Rc.

Ma ogtahay in suurada hal mar soo wada degtay ee qur’aanka ay tahay suuratul Ancaam.

Ma ogtahay in asxaabiga meydkiisa ay malaa,iigtu mayrtay uu yahay Xandala Rc.

Ma ogtahay in khaliifkii ugu horeeyay islaamka uu yahay Abu Bakar Sidiiq Rc.

Ma ogtahay in dagaal qura islaamka looga wada dilay 3 hogaamiye oo calanka islaamka isaga danbeeyay kuwaas oo kala ah Zeyd Bin Xaarith Rc, iyo Jacfar Bin Abii Daalib Rc iyo C/llaahi Bin Rawaaxa Rc.

Aqriste adigana sidoo kale kasoo qeyb gal barnaamijkan oo noo soo dir aqoontaada. Mahadsanid

Manchester United ayaa war farxad leh usoo yeeray ka dib markii uu wakiilka Kevin Strootman u cadeeyey inay xagaaga lasoo wareegi karaan xidigaan.

Sir Alex Ferguson ayaa xidgaan diiradu u saarneyd waxaana lala xiriirinaayey inuu 15 milyan oo ginni u huri doono ciyaaryahanka qadka dhexe ee reer Holland, marka uu furmo suuqa kala iibsigu.

Man Utd ayaa xiiseyneysay xidiga PSV, waxaana loo arkaa inuu markaan hugaamiyaha United ka faa’iideysanaayo da’yarka reer Holland.

AC Milan ayaa sidoo kale dooneysa 22 jirkaan kaasoo lala xiriirinaayo inuu ka tago kooxdiisa bisha Janaayo ee sanada cusub, sida uu qoray wargeyska Talksport

Si kastba xaalka ayaa ah mid aan la hubin wakiilkiisa Chiel Dekker ayaana rumeysan inay macquul tahay inuu ka tago Horyaalka Holland xagaaga soo aadan.

“Ciyaaryahanka aan wakiilka u ahay miyuu tegi karaa Janaayo? Xaqiiqdii maya. Taas waxba kama jiraan,” ayuu usheegay wargeyska Calciomercato ee kasoo baxa dalka Talyaaniga.

“Waxaan joogeynaa keliya October – keliya waxaan sheegi karo waa inuu isoo wacay bishii May.”

W/Q: Ahmed Jaangoan

E-mail: [email protected]

Mogadishu, Somalia.

Arsene Wenger ayaa sheegay inay socdaan wadahadalada heshiis uu ku cusbooneysiinaayo Theo Walcott, laakiin wuxuu qirtay inaysan weli jirin wax heshiis cusub ah.

Walcott ayaa maalmihii dhowaa lala xiriirinaayey inuu u dhaqaaqayo Juventus, tababare Antonio Conte ayaana sheegay inuu la socda xaalka ciyaaryahaka reer England. Liverpool iyo Manchester City ayaa sidoo kale doonaya xidigii hore ee Southampton, kaasoo ku jira sanadkii ugu dambeeyey qandaraaskiisa Arsenal.

Wadahadaladii heshiis loogu dheereyn lahaa ayaan bilaaban Wenger ayaana kalsooni ku qaba inuu ceshto 23 jirkaan oo ay doonayaan kooxo xafiiltan kala dhexeeyo.

“Wadahadalo ayaa soconaaya laakiin ma jiraan warar ku saabsan.

“Xalkeygu waa mid isku mid ah waana inuu kordhiyaa qandaraaskiisa. Kooxo kale ayaa xiiseynaaya laakiin xaalku waa isku mid.”

Walcott ayaa ka maqnaa kulankii Arsenal ay guul darro 1-0 ah kala kulantay Norwich, wuxuuna sheegay Arsene Wenger inuu kalsooni ku qabo inuu kasoo laabto dhaawaca uu feeraha ka qabo oo soo gaaray xilli uu xulkiisa kala qeyb qaadanaayey isreeb-reebkii koobka aduunka.

W/Q: Ahmed Jaangoan

E-mail: [email protected]

Mogadishu, Somalia.

Manchester United ayaa daaha ka qaaday in qorshaha bedelka Sir Alex Ferguson ay horaanba ka doodeen…. Waxayna sheegeen in lagu qufulay sanduuq dhex yaal garoonkooda Old Trafford.

Gudoomiye ku xigeenkooda Ed Woodward ayaa cadeeyey inuu ogyahay liiskaas lasoo doortay inkastoo aan la ogeyn waqtiga rasmiga ah ee uu tababaraha reer Scotland ka fariisanaayo shaqadiisa.

Gudoomiyey ku xigeenka ayaana yiri: “Waxaan fikir ka heysanaa qaabka aan u soo xulaneyno tababare cusub iyo sida aan u raadin doono bedelka Sir Alex, nooca tababare aan dooneyno iyo xilliga aan u dhaqaaqi doono.

“Laakiin arintaas waa mid qarsoodi ah, waxaana lagu xiray sanduuq, waxaana rajeynayaa in muddo dheer ay meeshaas ku jirto.”

Magacyada ayaa waxaa ka mid ah sida Jose Mourinho iyo Pep Guardiola, iyadoo uu xitta ku jiro ninka ay isku wadanka yihiin ee hugaamiya Everton David Moyes

W/Q: Ahmed Jaangoan

E-mail: [email protected]

Mogadishu, Somalia.

Ciyaaryahankii hore ee dalka Brazil Rivaldo ayaa xaqiijiyey inuu ku taagan yahay wado uu kaga fariisan karo kubada cagta ka dib markii ay la degeen dhaawacyo is daba joog ah isagoo haatan u ciyaaraya kooxda ka dhisan Dalka Angola ee Kabuscorp, wuxuuna xidigu hada ka cabanayaa dhaawac garabka ah.

Rivaldo ayaa ka dhaawacan garabka midig qolyaha caafimaadka ayaana u sheegay inuu 10 maalmood sugo dhaawiciisa si uu kaga soo kabsado.

“Waa inaan ka fikiraa inaan ka fariisto kubada cagta iyo inaan sii wato xirfadeyda ciyaareed,” ayuu ku qoray akoonkiisa Twitter.

“Dhaawaca ayaa xanuun igu haya, waxaan isku dhacnay goolhaye. Waxaana garoomada ka maqnaan doonaa todobo ilaa toban maalmood waana inaan sameeyaa, waxay ku dhow dahay inuu xilli ciyaareedkaani dhinacayga ka dhamaaday.”

40 jirkaan ka ciyaara qadka dhexe ee weerarka ayaa horaantii sanadaan ku biiray kooxda ka dhisan Angola, wuxuuna u saftay 15 kulan, isagoo u dhaliyey 11 gool.

Ciyaaryahankii hore ee Barcelona ayaa 1999kii ku guuleystay ciyaaryahanka sanadka ee aduunka, wuxuuna sidoo kale xulkiisa u qaaday koobkii aduunka ee 2002dii.

Rivaldo, waxaa lagu xasuustaa sedaxleydii quruxda badneyd ee uu ka dhaliyey Valencia isagoo markaasi u ciyaarayey Blaugrana.

W/Q: Ahmed Jaangoan

E-mail: [email protected]

Mogadishu, Somalia.

Horudhac

Waxay dumarka intooda badan la kulmaan nooc xanuun caado inta ay noloshooda jirto. Erayga caafimaad ahaan loogu isticmaalo waa dysmenorrhoea. Xanuunka uu keeno caadaada dhiigga waxaa laga dareemi karaa qaybta hoose ee calooshaada, laakin waxuu u faafi karaa dhabarkaaga iyo cajiradaada.

Xanuunka caadada waa xaalad iska dhaco. Waxaa daraasaadka la sameeyay qaarkood sheegayaan in ku dhowaad 75% ee ah dumarka dhallinta yar iyo 25-50% ee dumarka qaan-gaarka ah ay la kulmaan xanuun iyo raaxo la’aan inta ay ka qabaan caadada.

Ilaa iyo 20% ee dumar ah, xanuunkaan aad ayuu u qabtaa isaga oo ka joojinaayo inay qabsadaan waxqabadyo maalimeedkooda. Xaaladaha badankood xanuunka caadada waxay tahay wax-yeelaynta xun ee ka timaadda hab-socodka dabiiciga ah ee caadada. Si kastaba ha noqotee, mar-marka qaarkood, waxuu xanuunka caadada noqon karaa natiijada ka soo baxdo xaalad caafimaad ee gaar ah.
Waxaa xanuunka caadada lagu daawayn karaa guriga. Hase-yeeshee, haddii xanuunka caadadaada u aad u xun yahay, waxaa lagaa baahan doonaa inaad u tagto Takhtarkaaga Guud (GP).

Calaamadaha

Calaamadda ugu wayn e xanuunka caadada waa murqo xanuun ku dhaca calooshaada hoose. Mar-mar, waxuu xanuunka kuu qabanayaa si xoog leh, waqtiyo kalena waxuu ahaan karaa xanuun fudud, laakin joogsi la’aan ah. Waxuu xanuunka caadada dhiigga mar-mar u faafaa dhabarkaaga iyo cajiradaada. Waxaad kale oo ogaan kartaa in xanuunka ku qabto uu ku kala duwanaado caado walbo. Ayadoo dheeraad u ah xanuunka calooshaada hoose, waxaa kale kugu dhici karo calaamado kale, sida madax xanuun, labbo-labbo, daalid, dareenka suuxdinta, war-wareerid, iyo shuban.

Waxuu caadi ahaan xanuunka caadaada bilaabanayaa markii uu dhiigga bilaabanaayo, inkasto oo ay dumarka qaarkood xittaa ay la kulmi karaan xanuun dhoowr maalin ka hor intuusan bilaaban caadada. Waxuu xanuunka caadada socon doonaa 12-24 saacadood, inkasto oo xaaladaha xun ku hayn karo dhoowr maalin. Xanuunka wuxuu badanaa ugu xun yahay markii dhiig-baxaada caadada ugu badan yahay.

Xanuunka caadada waxuu caadi ahaan ku fiicnaanayaa markii aad sii waynaato. Dumar badan waxay sidoo kale dareemaan fiicnaansho ka dib markii ay carruur dhalaan.

Sababaha

Xanuunka caadaada badanaa waa wax-yeelaynta xun ee hab-socodka dabiiciga ah caadada dhiigga jirkaaga. Waxuu xanuunka caadada dhacaa markii derbiga muruqeed ee ilmo-galeenka is-qabsado (adkaado). Inta ay jirtoo caadadaada, derbiga ilmo galenkaaga wuxuu isku qabanaaya si culus, sidii uu je-jebiyo dhiigga saaran derbiga kana dhigo caadadaada bil walba kugu dhaca. Waxuu hab-socodkaan keeni karaa inuu jirkaaga sii daayo kiimikada keenayso xanuunka. Inta aad ku jirtid caadada dhiigga, waxuu kale uu jirkaaga soo saarayaa koox kale oo kiimiko ah, ee loo yaqaano prostaglandins.

Waxuu kiimikadaan ku dhiiri-gelinaayaa murqaha ilmo galeenka inay si ka badan isku qabsadaan, iyaga oo kordhinaayo heerka xanuunka. Waxaa jiraan labo nooc oo waa-wayn ee xanuunka caadaada.

Dysmenorrhoea’da koowaad waa wax-yeelayn xun ee caadi ah ee ka timaaddo caadada. Waxaa dysmenorrhoea’da labaad sababo xaalad gaar ah.

Qaar ka mid ah xaaladaha keeni karaan dysmenorrhoea-da labaad waxaa ka mid ah endometriosis (waa markii unugyada ilmo galeenka ay bilaabayaan inay ku koraan ilmo galeenka dibeddiisa), fibroids (kansarka aan xumayn ee ku dhaco ilmo galeenka) iyo cudurka bararka maskaha (waa bukasho ku dhaco xubnaha dhalidda ee gudaha). Qalabka intrauterine (oo ah qalabka looga hortago uurka ee lagu xiro ilmo galeenka gudihiisa) wuxuu xittaa mar-mar keeni karaa xanuunka caadada.

Baaritaanka cudurka

Waxay dumar aad u badan ee la kulmaan xanuunka caadada dareemaan inuu si ku filan u fudud yahay in la baaro laguna daaweeyo guriga. Hase-yeeshee, waa inaad kala xiriirtaa Takhtarkaaga Guud (GP) waxii talosiin ah haddii caadadaada kuu keenayaan xanuun aad u daran. Inkasto badanaa xaaladaha xanuunka caadada uusan sababin xaalad gaar ah, waxuu Takhtarkaaga Guud (GP) dareemi karaa inay tahay laga maarmaan in la sameeyo baaris jireed si loo ogaado haddii ay jiraan xaalado kale ee xanuunka keeni karo.

Haddii xanuunkaaga caadada uusan wax jawaab ah ka bixinaynin daawaynta, ama haddii uu Takhtarkaaga Guud (GP) u malaynaayo inay keentay xaalad gaar ah, waxaa laguu gudbin karaa xirfadle- caadi ahaan gynaecologist (takhtarka dumarka). Waxuu gynaecologist’igaaga samayn doonaa dhoowr baaris iyo habab-socod si loo ogaado sababta keentay xanuunkaaaga caadada.

Waxaa baaritaanada ku jiri karaan pelvic ultrasound (oo ah baaritaan dhawaaq lagu sameeyo sidii loo soo saaro muuqaalka xubnaha dhalidda ee gudaha ku jiro) ama laparoscopy (oo la gelinaayo microscope yar meel laga jeexay caloosha hoose). Waxaa kale oo uu baahan kartaa hysteroscopy (oo ah sawir qaade yar ee la marsiinaayo cawradaada lana gaarsiinaayo ilmo galeenkaaga).

Daawaynta

Waxaa xanuunka caadada caadi ahaan lagu daawayn karaa guriga. Inkasto oo suurto gal ah inaadan awoodin inaad iska wada joojisid xanuunka, waxaa jiraan tillaabooyin kaa caawini karo in la qafiifiyo, ama in la dhimo. Jimicsiga, in la qandiciyo calooshaada hoose, ama in la samaysto qubays qandacan, waxay kaa caawini karaan in la dhimo xanuunka. Farsamooyinka daliigidda iyo nasashada xittaa way kaa caawini karaan. Xaaladaha xanuunka caadada badankooda, waxuu Takhtarkaaga Guud (GP) kuugu la talinayaa inaad qaadatid daawada lagu magacaabo non-steroidal anti-inflammatory drug (NSAID), sida ibuprofen.

NSAID waxuu wax u qabtaa qiyaas ahaan ilaa 70% ee dumarka qabo xanuunka caadada dhiigga. Haddii uu NSAIDs wax ku tari wayo, waxaa lagu qori karaa xanuun-joojiye ka xoog badan. NSAID ma ku habbbono dadka qabo neef, kuwa qabo dhibaatooyinka caloosha (gaaska), killiyaha ama beerka, ama dumarka uurka leh, ama naas-nuujinaayo.

Waa inaan la siinin carruurta ka yar 16 sano asbiriin. Haddii aad u baahato daawada looga hortago dhalmada, waxaa laguu qori karaa kaniiniyada isku dhafan ee laga qaato afka loogana hortegaayo dhalmada. Noocaan kaniini wuxuu dheeraad ugu yahay ka hortagga uurka, inuu xittaa yarayo xanuunka caadada. Haddii xanuunkaaga caadada u keenayo xaalad gaar ah, daawayntaada waxay ku xirnaan doontaa xaaladda keentay xanuunkaaga.

W/D: Xiriirka Caafimaadka Soomaaliyeed.

Dad lagu qiyaasay inay ka badan yihiin  20,000 oo xujeey Soomaali ah ayaa kusii qulqulaya xaramka barakeysan ee Maka Al-Mukarama si ay ugutaan rugniga koowaad ee xajka Dawaafal Quduum.

Ka dib Dawaafal Quduum  ayaa xujeyda waxa ay aadi doonaan Magaalada Miina oo ah halka loogu talo galay xujeeyda ka kala timid caalamka.

9 bisha oo maalinta beri ah ayaa waxaa lagu wadaa in xujeeyda ay istaagaan buurta carafo si halkaasi ay ugu aqristaan qur’aan farabadan iyo takbiir islamarkaana eebe ka baryi doono si uu uga aqbalo xajkooda.

Xujeeyda sanadkaan ka xajisay guud ahaan dalka Soomaaliya ayaa tiradooda waxaa lagu sheegay inay gaareyso 9,000-oo ka baxay deeganada Soomaalida.

Ugaas Nuur Gaata  oo ah Agaasimaha guud ee gudiga bicsida Xujeeyda oo Warbaahinta Magaalada Muqdisho la hadlay ayaa wuxuu faahfaahin ka bixiyay Soomaalida iyo xajka sanadkaan sida ay uyimaadeen.

“Si xujeeyda loo daadgureeyo waxaan sameeynay guddi gudigaasi wuxuu ka shaqeyn doonaa daad gureynta dadka liita oo cidhiidhiga lagu jiidhayo”

Xujayda Soomaalida ee sanadkan Xajinaysa ayaa waxaa la sheegay inay ka badan yihiin kuwii Sanadkii hore.

Allaha Unaxariistee waxaa maanta lagu wadaa in Magaalada Laascaanood lagu aaso Wariye u shaqayn jiray TVga Universal oo kooxo hubaysan ay xalay ku dileen Magaaadaas.

Wariyaha la dilay ayaa waxaa lagu magacaabi jiray Axmed Faarax Ilyaas  “Axmed Saakin waxaana uu aha Wakiilka Universal ee Magaalada Laascaanood ee Gobolka Sool.

Kooxo hubaysan ayaa wariyaha dilay xili uu ku sii jeeday gurigiisa oo magaalada ku yaala.

Ridwaan Xaaji oo kamid ah Shaqaalaha Universal ayaa xaqiijiyay dilka Wariyaha waxaana maamulka Tvga uu ka dalbaday Somalilad in cadaalada ay horkeento cidii dishay Wariyaha.

Ehelada Wariyaha la dilay ayaa sheegay in maanta la aasi doono.

Champions League – Group E

Juventus ayaa barbareheedii sedaxaad ee koobka Champions League la gashay kooxda tababrta daran ee FC Nordsjaelland ciyaar ay inteeda badan iska laheyd Old Lady oo dhacday garoonka Parken oo ku yaala caasimada dalka Denmark ee København, waxaana kooxda Talyaaniga qeybtii hore fursado qaali ah ka qasaariyey Giovinco, Nordsjaelland ayaana mar ku sigatay inay hugaanka qabtaan iyadoo Joshua John uu kubad ka helay Bonucci gadiishiisa balse goolhaye Buffon ayaa ka badbaadiyey, qeybtii horena waxaa lagu kala baxay 0-0.

Markii la isku soo laabtay qeybtii labaad daqiiqadii 50aad ayaa waxaa laad xor ah Juve ka dhaliyey Mikkel Beckmann, isagoona si xirfadeysan shabaqa ugu hubsaday.

Juventus ayaa goolka barbaraha la timid ka dib markii uu u dhaliyey daqiiqadii 80aad Mirko Vučinić oo ciyaarta bedel kusoo galay, sidaas ayena Juve uga jirtaa kaalinta sedaxaad ee Guruubka E.

Shakhtar Donetsk ayaa guul darro 2-1 ah huwisay kooxda Chelsea Alex Teixeira ayaa daqiiqadii sedaxaad gool uga naxsaday kooxda difaacaneysa koobkaan, iyadoo Frank Lampard lagu bedelay Eden Hazard, Lampard ayaana u muuqanaayey inuu dhaawac soo gaaray, sidaas ayaana qeybtii hore lagu kala nastay.

Markii la isku soo laabtay qeybtii labaad ayaa waxaa Shakhtar hugaanka usii dheereeyey xidiga reer Brazil Fernandinho kasoo ka faa’iideystay qalad ay sameeyeen daafacyada Chelsea, isagoona caawinaad ka helay xidiga ay isku wadanka yihiin ee Luiz Adriano.

Fernandinho ayaa mar kale nasiib u yeelan karay inuu goolka dhaliyo Blues laakiin waa uu iska qasaariyey.

Waxaana Chelsea ciyaarta oo sii dhamaaneysa gool usoo celiyey Oscar balse ma uusan noqon mid ku filnaada, kooxda ka dhisan Ruushka ayaana sidaasi ku qabatay hugaanka Group E.

Champions League – Group F

Valencia ayaa 3-0 ku martay kooxda BATE Borisov Roberto Soldado ayaa ciyaarta oo qeybta hore sii idlaaneyso gool ku laad u dhaliyey kooxda martida aheyd iyadoo uu garsooruhu garwaaqsaday inuu Hurdi ku abaal mariyo Marko Simic oo u muuqday inuu qalad sax ah ku galay gudaha diilinta ganaaxa, waxaana lagu kala baxay iyadoo ay kooxda reer Spain hugaanka u heyso ciyaarta.

Roberto Soldado ayaa si fiican uga dhex muuqday qeybtii labaad isagoo dhaliyey goolkiisa labaad daqiiqadii 55aad ka dib markii baas fiican ka helay Jose Andrés Guardado, isla isaga ayaana dhaliyey goolka sedaxaad daqiiqadii 69aad ka dib markii uu fursad caaqiba leh ka helay Tino Costa.

Bayern München ayaa 1-0 ku dubatay kooxda Lille, iyadoo gool uga hor martay kooxda ka socota Faransiiska ee LOSC Lille Métropole taasoo ay marti loogu ahaa garoonkeeda Grand Stade Lille Métropole ee ku yaala Villeneuve d’Ascq waxaana gool ku laad hugaanka ugu dhiibay kooxda Reer Germany xidigeeda Thomas Müller daqiiqadii 20aad.

Kooxda Jarmalka ka dhisan ee Munich ayaana sidaasi ku gaartay guul cariiri ah.

Champions League – Group G

Spartak Moscow ayaa gurigeeda ku dubatay kooxda ka socota Portugal ee Benfica, ka dib markii ay ugu awood sheegatay 2-1, goolka hore waxaa kooxda martida ahaa u dhaliyey Rafael Carioca ka hor inta uusan nuc saac ka bareejeyn Rodrigo Lima Dos Santos.

Gool uu si qalad ah shabaqiisa ugu leexiyey Jardel Nivaldo Vieira ayaana hugaanka u xaqiijiyey kooxda ka dhisan caasimada Ruushka.

Barcelona ayaa si dirqi ah 2-1 Celtic uga adkaatay Barca ayaaba lagu qalqaliyey garoonkeeda waxaana daqiiqadii 18aad shabaqiisa gool ku leexiyey Javier Mascherano. Lionel Messi ayaana laba jeer ku sigtay inuu dhaliyo laad xor ah. Andrés Iniesta Luján ayaase nasiib u yeeshay inuu goolka usoo celiyo Barcelona ka dib markii uu dhamaadkii qeybtii hore baas ka helay Maestro Xavi Hernandez, sidaas ayaana lagu kala nastay.

Jordi Alba ayaana goolka guusha u dhaliyey Barcelona waqtigii dheeriga ahaa ee ciyaarta lagu daray.

Champions League – Group H

Galatasaray iyo CFR Cluj ayaa barbaro 1-1 ah isla dhaafi waayey.

Manchester United ayaa 3-2 gurigeeda ku dubatay kooxda Braga waxaana 20 daqiiqo isku baray Kabtanka kooxda Braga Alan Osório da Costa Silva ka dib markii uu laba gool uga naxsaday daqiiqadihii 2aad iyo 20aad, ka hor inta uusan shan daqiiqo United gool usoo celin Javier ‘Chicharito’ Hernandez oo baas fiican ka helay Shinji Kagawa.

Qeybtii labaad markii fooda la is daray Red Devils ayaa car car garoonka kusoo gashay waxaana ay sahashay inuu Jonny Evans Man Utd u dhaliyo goolka bareejada ka dib markii uu daqiiqadii 62aad ka faa’iideystay Kooner uu soo tuuray Van Persie.

Javier ‘Chicharito’ Hernandez ayaa neefta kasoo fujiyey taageerayaasha United ka dib markii uu daqiiqadii 75aad u dhaliyey goolkooda sedaxaad, ee u xaqiijiyey hugaanka ciyaarta, isagoona caawinaadaas ka helay Tom Cleverley. United ayaana sidaas ku gaartay guusheedii sedaxaad oo isku xigta ee Guruubkeeda.

W/Q: Ahmed Jaangoan

E-mail: [email protected]

Mogadishu, Somalia.

Allaha u Naxriistee Waxaa goordhaw oo caawa ah lagu dilay Magaalada Laas Caanood,  Wariye Axmed Saakin Faarax oo ahaa Wakiilkii Tefishinka Universal ugu soo warami jiray Magaalada Laascaanood ee Xarunta Gobolka Sool.

Warar kala duwan ayaa ka soo baxay dilka loo geestay Wariye Axmed Saakin,  iyadoo warar qaar ay sheegayaan in Dilka loo geestay Wariyaha uu ahaa mid qorsheysan waxaana dilay Kooxo Hubeesan oo aan heebtooda la garan iyadoona wali aan faah faahin dheeraad ah laga helin dilkan goordhaw oo caawa ah loo geestay Wariye Axmed Saakin Faarax.

Axmed Sakiin Faarax ayaa waxa uu ahaa Wakiilka Rasmiga ah Telefishinka Universal ee Xaruntiisa tahay Dalka Britain ugu soo warami jiray  Magaalada Laascaanood .

Lama Ogo sababta loo dilay Wariye Axmed Saakin faarax, balse waxa uu dilkiisa qeyb ka noqonayaa Beegsiga iyo Ugaarsiga lagu hayo suxufiyiinta ka howl gala gudaha Soomaaliya.

Tababaraha kooxda AC Milan Massimiliano Allegri ayaa kalsooni ku qaba in kulankiisii ugu dambeeyey ee Rossoneri uusan noqon marka uu Champions League ku wajaho kooxda ka dhisan Spain ee Malaga

Allegri ayaa cadaadis dul saarnaa waayadaan tiiyoo guul darradii 3-2 aheyd ee uu kala kulmay Lazio kulankii sideedaad ee Serie A uu shaki geliyey mustaqbalkiisa San Siro.

“Ma aqaano hadii kulanka berry uu noqon doono kulankeygii ugu dambeeyey,” ayuu yiri Tababaruhu.

“Waqtigaan oo kale waxay isoo xasuusineysaa markii aan ku guul darreysay shan kulan anigoo macalin u ah Cagliari.

“Laakiin kooxdeyu ma ahan koox adag mana u ciyaarin si xun. Balse kubada cagta badanaa waxaa ka dhaca shilal hubaal ah.”

W/Q: Ahmed Farah Jaangoan

E-mail: [email protected]

Mogadishu, Somalia.

Real Madrid ayaa u hanqal taageysa inay Janaayo soo dhaqaajiso xidiga diiradu u saran tahay kooxaha Manchester United iyo Chelsea Lucas Digne, si ay ugu dhisto dhibaatada ka heysata daafaca bidix.

19 jirkaan ayaa aalaaba ahaa daafaca kasooo dhex muuqday kooxdiisa Lille, wuxuuna bandhigiisa cajiibka ah kor usii qaaday sanadii hore, taasoo keentay inay u tafa xeydtaan kooxaha ugu waa weyn Yurub, sida uu qoray Wargeyka Talksport.

Hada waa dooqa koowaad ee daafaca bidix ee kooxda Lille, waxaana lagu amaanay baddhigii uu ka sameeyey sideed kulan oo horyaalka ah, halka afar kulan oo Champions League ah sanadii hore u ciyaaray kooxdiisa.

Waxaa si fiican ula dhacsan qaab ciyaareedkiisa United iyo Chelsea, labada koox ayaana doonaya inay da’yarkaan ku dhisaan siyaasadooda mustaqbalka fog.

Laakiin waxay qarka u saran yihiin inay ku waayaan Gacmaha Real Madrid oo dooneysa Inay soo qaadato Janaayo marka uu suuqu dib u furmo.

Kooxda Jose Mourinho aya dhibaato ka qabta daafaceeda qeybta bidix ka dib markii ay ka dhaawacmeen Marcelo iyo Fabio Coentrao, waxayna dooneysaa Los Blancos inay qorshe cusb dhisto marka uu dhasho sanadka cusubi.

W/Q: Ahmed Farah Jaangoan

E-mail: [email protected]

Mogadishu, Somalia.

Madaxwaynaha Soomaaliya Xasan sheekh Maxamuud ayaa maanta Xafiiskiisa ku qaabilay Wafdi Caalami ah oo ka socda Dalka Taliyaaniga oo uu horkacayay Wasiirka Arimaha dibada dalka Taliyaaniga.

Imaanshaha Wafdiga ka dib ayaa waxaa uu wasiirka arimaha dibada Talyaaniga Giulio Maria Terzi ay kulan la qaateen Madaxwaynaha ayaa  waxaa aySaxaafada ugu warbixiyeen markii uu soo idlaaday kulankooda.

Madaxwaynaha Soomaaliya Xasan sheekh Maxamuud ayaa sheegay in imaanshaha wafdigan ay qayb ka tahay Xiriirka Dowladaha Caalamka ay u danaynayaan Xukuumada Soomaaliya.

Wuxuu hadalkiisa intaa ku daray Madaxwaynaha in tan iyo Markii uu xilkan loo dhaariyay wafdi badan ay Muqdisho soo gaareen kuwaa oo doonaya inay kaalin fiican ka qaataan dib u dhiska Soomaaliya.

Giulio Maria Terzi wasiirka arimaha Dibada Dalka talyaaniga oo dhankiisa saxaafada la hadlay ayaa ka warbixiyay ujeedka socdaalkiisa maanta uu ku yimid Magaalada Muqdisho.

Wuxuu sheegay in socdaalkiisa maanta uu yahay in Madaxweynaha dalka Soomaaliya uu ugu hamblayeeyo ka gudbida Xiliiga KMG ah iyo isbedelka dhanka hogaanka ee dalka Soomaaliya isaga oo sheegay inuu adkeyn doono xiriirka Soomaaliya Iyo Talyaaniga.

Juan Mata ayaa maanka ku haya in Roberto Di Matteo uu yahay tababarihii ku haboonaa Chelsea, ka dib markii uu ninka reer Talyaani halyeey ka noqday Stamford Bridge.

Di Matteo ayaa shaqadaan ka bedelay  Andre Villas-Boas bishii March wuxuuna Chelsea ku hugaamiyey kuugaloohii FA Cup iyo isagoo markii ugu horeysay taariikhda u qaaday UEFA Champions, ka dib markii uu Bayern Munich Gool ku laadyo guusha uga qaadeen wiilashiisu.

Chelsea ayaa sidoo kale xilli ciyaareedkaan si fiican ku bilaabatay Barclays Premier League , wuxuuna Mata rumeysan yahay in Di Matteo uu kooxda ka dhisan Galbeedka London koobab badan usoo qaadi karo.

“Robbie si fiican ayuu u kala garanayaa kooxaha oo idil, Robbie sidoo kale si wanaagsan ayuu u kala yaqaanaa kooxda,” ayuu yiri Mata. “Wuxuu halkaan ka yahay Halyeey.”

Dhanka kale Mata ayaa sheegay inuu doonayo inuu Noqdo halyeey Chelsea ah sida John Terry iyo Frank Lampard.

“Ciyaartoyda da’da yar sida aniga waxay doonayaan inay noqdaan sida John iyo Frank, si ay u xusto taariikhda kooxdu.

“Kani waa sanadkeygii labaad oo aan joogo Chelsea. Run ahaantii waan u riyaaqay markeygii iigu horeysay. Waxaan noqonayaa midka ugu wanaagsan taariikhda kooxda. Laakiin weli waan sii wadanayaa.”

W/Q: Ahmed Farah Jaangoan

E-mail: [email protected]

Mogadishu, Somalia.

Halyeeyga kooxda AS Rome Francesco Totti ayaa iska diiday dalab uga yimid Xiriirka kubada cagta Dalka Ruushka iyadoo loosoo bandhigay inuu ka ciyaaro Russian championship.

Waxaa jirtay fursad wadahadal ah oo u dhexeysay kabtanka iyo madaxweyne ku xigeenka xiriirka kubada cagta Dalka Ruushka Nikita Simonyan, iyadoo halyeeyga lagu casuumay Russia.

Simonyan oo la hadlaayey wargeyska kasoo baxa dalka Talyaaniga ee Corriere dello Sport ayaa sheegay inay la kulmeen Totti, iyagoo doonayey inuu ka ciyaaro wadankooda.

Totti, ayaa waxaa horay u xiiseynaayey kooxaha ka dhisan caasimada Ruushka Spartak Moscow iyo CSKA Moscow, 36 jirkaan ayaana laba gool u dhaliyey Giallorossi todobo kulan oo uu u saftay xilli ciyaareedkaan.

W/Q: Ahmed Farah Jaangoan

E-mail: [email protected]

Mogadishu, Somalia.

Manchester United ayaa kula dagaalameysa Manchester City iyo Real Madrid xidiga lagu niinaaso Messi-ga Croatia Alen Halilovic.

16 jirkaan ku wanaagsan qadka dhexe ayaa qandaraas kula jira kooxdiisa Dinamo Zagreb, laakiin waxaa loo oglaan karaa inuu wadahal la galo Real, iyadoo xidigaani uu u dhega noglaanaayo in la beec geeyo.

Halilovic ayaa lagu qiimeeyaa 12 milyan oo ginni, laakiin Labada kooxda eek a dhisan magaalda Manchester ayaa diyaar u ah inay keliya bixiyaan laba u dhig lacagta lagu qiimeeyo.
xidigaan oo ku jira xulka 17 jirada ka yare e Croatia ayaa rajo laga muujinayaa inuu ninka ay isku wadanka yihiin ee Luka Modric kula biiro Bernabeu.

Dhanka kale, Man City iyo Arsenal ayaa iskula dhegan 16 jirka daafaca uga ciyaara PSV Eindhoven Riechedly Bazoer.

W/Q: Ahmed Farah Jaangoan

E-mail: [email protected]

Mogadishu, Somalia.

Real Madrid ayaa indhaha ku heysa goolhayaha kooxda Manchester United  David de Gea kaasoo ay u aragto bedelka waqtiga dheer ee goolhayahooda Iker Casillas.

Tababaraha kooxda Real Jose Mourinho ayaa xiriir wanaagsan kala dhexeeyaa wakiilka David, Jorge Mendes waxaana la fahamsan yahay in De Gea uu mustaqbal fog ku leeyahay caasimada Spain.

Casillas ayaa had iyo jeer De Gea ka heystay booska xulka qaranka Spain, waxaana loogu baaqayaa da’yarkaan inuu u hiloobo Bernabeu.

Wararka soo jeedinaaya inuu goolhayuhu ku laabanaayo Spain, weli ma aysan xaqiijin kooxdiisa Man Utd.

W/Q: Ahmed Farah Jaangoan

E-mail: [email protected]

Mogadishu, Somalia.

Tababaraha kooxda Liverpool Brendan Rodgers ayaa diyaar u ah inuu Janaayo dalab u diro weeraryahanka kooxda Schalke Klaas-Jan Huntelaar.

Macalinka Reds ayaa u dagaalamaya inuu 29 jirkaan heerka caalami ee dalka Holland kasoo dhaqaajiyo dalka Germany, isagoo ciyaaryahanku diiday inuu wadahadal uu qandaraaska ku kordhinaayo la galo kooxdiisa.

Huntelaar ayaa si xor ay ula soo wareegi kartaa kooxdii uu Janaayo wadahadal la isku afgarto la galo, wuxuuna qandaraaskiisu dhamaanayaa dhamaadka xilli ciyaareedkaan.

Laakiin Rodgers ayaa ilaalo fog ka haaya weeraryahankii hore ee Real Madrid , si uu ugu dhaqaajiyo weerarkiisa nagi ah Anfield stadium, sida uu tebinaayo wargeyska Daily Star.

Liverpool ayaa dhibaato ku qabtay iyadoo keliya ay weeraryahan ka heysato Luis Suarez.

Huntelaar ayaa sidoo kale waxaa lala xiriirinayaa Manchester United, Arsenal iyo Tottenham.

Dhanka kale Liverpool ayaa ayaa hubsaneysa inay soo qaadato weeraryahanka xulka Israel iyo kooxda Real Mallorca Tomer Hemed, sida uu qoray wargeyska The Sun.

25 jirkaan ayaa 10 gool dhaliyey xilli ciyaareedkaan, Real Madrid ayaana sidoo kale diyaar u ah inay Janaayo 5 milyan oo ginni kula soo wareegto xidigaan.

W/Q: Ahmed Farah Jaangoan

E-mail: [email protected]

Mogadishu, Somalia.