Michael Ballack ayaa soo afjaray xirfadiisa ciyaareed. Kabtankii hore ee xulka Germany ayaa maanta ku dhawaaqay inuu soo gaba-gabeeyey xirfadiisa isagoo jira da’da 36. “Anigoo ah 36 jir ayaan dib u eegayaa waayaheygii ciyaareed oo qurxoonaa iyo xirfadeydii kubada cagta, taasoo aan ku riyoon jiray markii aan caruurta ahaa,” ayuu yiri Ballack, oo 5tii bishii May ee sanadaan Bayer Leverkusen u saftay kulankii 267aad ee horyaalka Bundesliga.

“Waxaan aad ugu riyaaqayaa inaan lasoo shaqeeyey ciyaarahano heer sare ah iyo macalimiin Fantastik ah. Ma filaayo inuu jiro qof aan dooneyn inuu ka hor ciyaaro 80 kun oo taageerayaal ah oo aan dooneyn inuu hortooda gool ku dhaliyo.”

Dhowaan ayaa lala xiriirinaayey inuu u ciyaarayo koox ka dhisan dalka Australia.

“Bilihii lasoo dhaafay ma jirin xiiso iisoo muuqday, si kastaba, waxaa yimid waqtigii aan soo afjari lahaa.

“Waxaan rajeynayaa inaan bilaabo nolol cusub waxaana u mahad celinayaa qoyskeyga iyo dhamaan dadkii igu taageeray, caawiyeyaashii iyo taageerayaashii. Ayaana ah kuwo qeyb ka qaatay guulaheyga.”

Wuxuu dhaawac uga haray xulkiisa Jarmalka 3dii March 2010 ciyaar ka dhacday Munich oo wadankiisu ay 1-0 uga badiyeen Argentina, wuxuuna seegay koobkii aduunka ee 2010kii ka dib markii Kevin Boateng uu ku dhaawacay ciyaartii kama dambeysta ee FA Cup ay kooxdiisa Chelsea 1-0 uga qaaday kooxda Portsmouth, iyadoona booskiisa qaranka ay dabooleen Sami Khedira iyo Bastian Schweinsteiger.

Macalinka xulka Germany ayaa diyaar u ahaa inuu ugu yeero kulankiisii 99aad iyo 100aad ee uu xirto maaliyada wadankiisa, isagoona horaan soo saftay 98 kulan.

Ballack wuxuu ciyaaray 98 kulan oo caalami ah wuxuuna xulka Germany kusoo biiray 2002dii, iyadoo uu wadalkiisa ka caawiyey inay kaalinta labaa ka galaan Koobka Wadamada Yurub European Champion 2008dii iyo kaalinta sedaxaad ee World Cup third 2006tdii.

Wuxuu usoo ciyaaray kooxdiisii ugu horeysay ee FC Kaiserslautern, Bayern Munich, Chelsea iyo Bayer Leverkusen, isagoona ku guuleystay Afar Horyaal oo Bundesliga ah, Sedax koob oo DFB-Pokals, Hal Horyaal oo Ingiriiska ah iyo Sedax FA Cup oo uu la qaaday kooxda Chelsea.

Waxaa loo aqoonsaday xidig muhim u ahaa qadka dhexe ee Dalka Germany ka dib markii uu ku hugaamiyey Nus dhamaadkii 2006dii Koobkii aduunka ee lagu qabtay dalka Germany iyo Euro 2008 oo uu dalkiisa gaariisyey Kama dambeysta laakiin ay koobka ka qaadeen dalka Spain.

Odayaasha beelaha Hawiye ayaa xalay kullan xasaasi oo qarsoodi ah ku yeeshay magaalada Muqdisho, ayaga oo halkaas diginiin culus oo cad uga diray Madaxweyne Xasan Sheikh Maxamuud, oo isna beesha kasoo jeeda.

Kullankaasi oo warbaahinta loo diiday, balse xubno ka qeyb galay ay ugu sir warrameen Caasimada Online, ayaa lagaga hadlayay arrinta magacaabista Ra’iisul Wasaaraha cusub ee Somalia iyo dad ay u arkeen inaysan nabad u keeni karin Somalia, oo ay ka digeen.

Waxaa kullanka uu yimid, kadib war suuqeed soo baxay oo sheegaya in Cabdi Weli Gaas uu beesha caalamka kusoo caadinayay intii uu socdaalka QM ku maqnaa in isaga lagu soo celiyo ra’iisul wasaarenimada ama qof kale oo kasoo jeeda deegaankiisa la siiyo, isaga oo qiil ka dhigtay in beeshiisa ay ugu miisan weyn tahay beelaha Daarood, waa sida isaga iyo reer Puntland-ba ay la tahay’e.

Hase yeeshee odayaasha Hawiye, ayaa kadib kullankooda ergo u diary madaxweynaha si ay si cad ugu sheegaan inuu ka feejignaado arrintaas.

“Waan aragnay In Puntland ay caqabad ku noqotay nabadda Somalia iyo inay is mooday in beelaha kale ee Daarood ay yihiin dad aan xisaabneyn oo ayaga hoos yimaada, mana aqbaleyno in taasi ay soo noqoto” erayadaas ayaa ka mid ahaa kuwii ergada ay u qaadeen Madaxweynaha

Odayaasha Hawiye ayaa sidoo kale kaga digay madaxweynaha in haddii qof Puntland kasoo jeeda uu ra’iisul wasaare u magacaabo ay isaga u taal, halkii dowladdaasi ay ka shaqeyn lahayd, oo Muqdisho iyo dadka degaba ay banaanka ka yihiin.

Si kastaba beesha Hawiye ayaa sheegtay inay 100% ku kalsoon tahay in madaxweynaha uu ra’iisul wasaare kasoo xulan doono beel aan ahayn tan Puntland degta, hase yeeshee ujeedka digniintooda ay tahay mid xusuusin u ah madaxwyenaha, haddiiba laga yaabo in daqiiqad ay maskaxdiisa kusoo dhacday inuu Gaas ama qof ku deegaan ah uu ra’iisul wasaare u magacaabo.

Indha-indheeyeyaal ka socda labada koox Manchester United iyo Chelsea ayaa jimcadii lasoo dhaafay daawaday 19 jirka daafaca garabka bidix ee kooxda Lille Lucas Digne, markii ay kooxdiisu wajahday Rennes.

Digne, oo usoo ciyaaray xulka France ee ciyaartoyda da’doodu ka yar tahay 17 jirada ilaa 19 jirada, ayaa sanadii lasoo dhaafay helay booska koowaad ee kooxda Lille wuxuuna si wanaagsan uga soo dhex dhalaay kooxda ciyaarta Horyaalka Faransiiska.

United ayaa baadi goob ugu jirta bedelka  dooqa koowaad ee daafac bidix Patrice Evra waxayna xagaagan lasoo wareegeen daafaca reer Holland Alexander Buttner.

Chelsea ayaa sidoo kale baacsaneynsa bedelkeeda Ashley Cole oo qandaraaskiisu dhacaayo dhamaadka xilli ciyaareedka.

Madaxwaynaha Dowlada Soomaaliya ayaa goordhow gaaray magaalada Beledweyne ee xarunta Gobolka Hiiraan.

Wafdiga Madaxwaynaha oo ay la socdeen Xildhibaano ka tirsan Baarlamanka Soomaaliya ayaa waxaa garoonka Diyaaradaha Beledweyne ku soo dhaweeyay Masuuliyiin ka tirsan Dowlada.

Ciidamada Dowlada Itoobiya iyo AMisom ayaa garoonka ka soo galbiyay Xasan sheekh Maxamuud.

Waxaa lagu Wadaa in Madaxwaynana uu kulan la qaato Qaybaha kala duwan ee bulshada,waxaa uu booqon doonaa goobihii ay fatahaadaha ay ku dhufteen.

Intaa ka dib waxaa uu kulan qaadan doonaan Madaxda Dowlada ee Magaalada Beledwayne,Saraakiisha Amisom iyo Itoobiya.

Booqashadaan uu ku gaaray Madaxwaynaha Soomaaliya Beledweyne waxaa u xigi doona Magaalada Garoowe.

Ciyaaryahanka qadka dhexe ee kooxda Chelsea Oscar ayaa doonaya inuu maro wadadii horay u mareen Frank Lampard iyo John Terry, isagoona doonaya inuu noqdo halyeeey ay kooxdu xasuusato.

Xidiga reer Brazil ayaa isbuucyadii lasoo dhaafay ahaa furaha kooxda ka dib sedax kulan oo uu kusoo bilawday laba isbuuc ka hor kulankii Champions League ee Juventus.

Ka dib inuu ahaado xidig uu ku xisaabtamo Roberto Di Matteo, 21 jirkaani ayaana  doonaya inuu waayo adag la qaato kooxdiisa Stamford Bridge uuna noqdo mid maskaxdooda qeyb ka dega.

“Waxaan ku rajo weynahay inaan la midno labada ciyaaryahan Lampard iyo Terry oo ila jooga Chelsea,” ayuu u sheegay Daily Mirror.

“Waa ciyaaryahano waa weyn oo xirfadooda kusoo ilaaliyey kooxda kuwaas oo muhim u ah. Waana ku dayasho weyn.”

Weeraryahanka kooxda PSG Zlatan Ibrahimovic ayaa si weyn uga soo hor jeestay in Abaal marinta ugu weyn caalamka ee ciyaaryahan la gudoonsiiyo Ballon d’or in markii afaraad ee isku xigta la gudoonsiiyo xidiga Barcelona Lionel Messi.

Ibra ayaana sheegay in Messi uusan xilli ciyaareedka sameyn wax lagu siiyo uusana soo bandhigan ciyaarihii lagu yaqaanay isagoona sheegay in xitta uusan kooxdiisa koobab muhim ah la qaadin sanadii hore.

“Messi sedax jeer oo isku xigta ayuu ku guuleystay Abaal marintaan, hadii mar afaraad la siiyo waxaa adkaan doonta in ciyaaryahano kale ay nasiib u yeeshaan,” ayuu yiri weeraryahankii hore ee Barcelona.

Madaxweynaha Somalia Xasan Sheikh Maxamuud, ayaa shalay booqday magaalada Baydhaba ee xarunta gobolka Bay, halkaasi oo uu kula kulmay saraakiisha dalka Ethiopia.

Sida la sheegay waxaa qorshuha ahaa in sidoo kale Madaxweynuhu booqdo Garowe iyo Beledweyn, taasi oo aan dhicin, inkasta oo la filayo inuu Beledweyn maanta booqdo, halka warar kalena ay sheegayaan inuu sidoo kale tagi doono Garowe..

Hase yeeshee Madaxweynaha ayaa diiday inuu Garowe kula kulmo saraakiisha Ethiopia  ayada sababaha uu  ku diiday Garowe, ay ugu wacneyd dhowr arriimood.

1- La taliyeyaashiisa oo u sheegay inay sumcad darro u keeni karto, maadaama dad badan ay Faroole u arkaan isbaaro hor taalla nabadda Somalia, sidaa darteedna uu saraakiisha Ethiopia u sheegay in kullanka laga dhigo Baydhaba.

2 – Inuu naftiisa ku aamini waayay maamulka Puntland, xilli ay jirto in isaga iyo Faroole xurguf ay dhex taallo, maadaama uu dhinac isaga riixay dalabkii Faroole ee ahaa inuu Ra’iisul Wasaaraha siiyo qof kasoo jeeda deegaanada Puntland.

Si kastaba waxaa weli socda dadaal ay saraakiisha Puntland kaga dhaadhicinayaan madaxweynaha iuu halkaas booqdo, blase la arki doonee, waxaana macquul ah inuu maanta booqdo Garowe.

Dhinaca kale socdaalkii madaxweynaha ee Baydhaba iyo saraakiisha Ethiopia ee uu halkaas kula kulmay, ayaan xog ku helnay inuu ku wargelinayay cidda uu ra’iisul wasaare u magacaabi doono.

Waxaan xog ku heynaa in beesha caalamka ay u sheegtay Madaxweynaha inuu Ethiopia ku wargeliyo arrintaas, maadaama ay saameyn weyn ku leedahay siyaasadda gobolka.

Ma jirto cid ay Ethiopia si gaar ah u dalbatay in ra’iisul wasaare laga dhigo, hase yeeshee waxa ay ka wel welsaneyd in lasoo magacaabo qof ayada ay dhib kala kulmi karto ayada oo si gaar ah u sheegtay inaysan dooneyn qof kasoo jeeda beesha Ogaadeen iyo qof raad ku leh kooxo diimeedyo.

Labadaas qodobba, waxaa la sheegay in madaxweynuhu ku qanciyay Ethiopia inuusan ku dhaqaaqi dooni, ayaduna ay aqbashay.

Claudio Marchisio ayaa si cad u sheegay inuusan dooneyn inuu goorna ka tago Juventus, wuxuuna sheegay inuu doonayo inuu noqdo mid xasuus ku reeba kooxda

26 jirkaan ayaa kasoo baxay Akadeemiga Juve wuxuuna fure u yahay kooxda heysata Horyaalka Serie A tan iyo markii uu ku laabtay Turin ka dib markii hal sano 2008-09 amaah kula soo joogay kooxda Empoli.

“Waxaan dareemayaa inaan aad u da’yarahay waxaan qamdaraas kula jiraa Juventus. Rajadeydu waa inaan qanradaas kale oo shan sano ah la galo Juve marka uu iga dhaco 2016, aana gaarsiiyo ilaa 2021,” ayuu Marchisio u sheegay wargeyska Tuttosport.

“Waxay dadku ila barbar dhigaan Steven Gerrard waxaana jeclaan lahaa inaan xirfadeyda u hibeeyo keliya hal koox.”

Roberto Di Matteo ayaa qiray in Lamprad uu weli mustaqbal ku leeyahay kooxda Chelsea, inkastoo loo tix gelinaayo in ciyaaryahanka qadka dhexe uu ka tago Stamford Bridge.

Kulankii sabtii lasoo dhaafay ay Chelsea 2-1 uga badisay Arsenal ciyaar ka tirsaneyd Barclays Premier League ayaa ahaa guushii sedaxaad ee uu Lampard ka maqan yahay Line-up ka kooxda heysata Champions League, iyadoo Ramires iyo John Obi Mikel loo doortay inay buuxiyaan booska qadka dhexe.

Lamprad ayaa loo qiray inuu dhaawac ahaa kulankii Talaadadii hore ee Carling Cup-ka ay ku garaaceen Wolves, laakiin waxaa 34 jirkaan laga waayey kooxdii booqatay Emirates Stadium kaasoo ku jira sanadii ugu dambeysay ee qandaraaskiisa.

Frank ayaa looga gacan haatinayaa Los Angeles Galaxy, iyadoo loot ix gelinaayo saxiix weyn oo Major League Soccer ah.

Waxaa la filayaa inuu kusoo laabto kulanka caawa ee Champions League ay Blues la ciyaareyso FC Nordsjaelland wuxuuna sheegay Di Matteo habeenkii Isniinta: “Mustaqbalkiisu waa mid ku awood badan kooxda. Waana ciyaaryahan muhim inoo ah.

“Waa la sheekeystaa, haa, wuxuuna ka mid yahay ciyaarayahada baasaska xoogan ee kooxda. Waxaan jeclahay SYSTEM-ka isbedelka. Waxay kooxdu lumineysaa taageerayaal badan hadii uusan ka mid aheyn, markii uu kooxda ka mid yahay wuxuu noo saacidaa si wanaagsan.”

Tababaraha kooxda Real Madrid Jose Mourinho ayaa sheegay inuusan dharareyn inuu qabto shaqada kooxda Manchester United ka hor inta uusan ku laaban dalka Ingiriiska.

Ninka hugaamiya Real ma uusan sireysan sida uu ugu hamuun qabo inuu ku laabto horyaalka ugu xiisaha badan caalamka Barclays Premier League.

Waxaana looga gacan haatinayaa inuu sutida u qabto kooxaha sida Manchester United, Manchester City iyo Chelsea.

Mourinho ayaa ku celceliyey in badan inuu doonayo inuu Ferguson ugu dambeyn ka badalo shaqada Old Trafford.

Ferguson ayaa la ogsoon yahay inuu idiyaar u yahay inuu shaqadiisa sii wato ilaa dhamaadka xiili ciyaareedka soo aadan – waxayna bixitaankiisa alabaabka u furi doontaa Mourinho.

Laakiin macalinkii hore ee Chelsea ayaa si daacadnimo ku dheehahan tahay u sheegay inuu diyaar u yahay inuu mar kale sugo Ferguson, taasoo ugu dambeyn uu kula biiri doono Red Devils.

Jose ayaa u sheegay talefeshinka CNN: “Waa wadada saxda ah ee markii aan macalin ahaa, Sababtoo ah waxaan ku fikiraayey inay kubada cagtu lumisay wax badan marka uu shaqadaan joojiyo tababarenimaduna ma lahan yaraan ama weyni.

“Aniga ahaan, waa macalinkeyga. Waxaan ugu wacaa macalin waa macalinka macalimiinta waxaana ku rajo weynahay inuu macalin sii ahaado marka aan ku laabto England.”

Roberto Di Matteo ayaa uga digay kooxdiisa Chelsea inay iska ilaaliyaan guul darro kasoo gaarta marka ay booqdaan kooxda Danmark ka dhisan ee Nordsjaelland.

Blues ayaa u baahan guul ka dib markii ay kulankoodii furitaanka barbaro 2-2 ah la galeen Juventus.

Hadii ay kooxda RDM guul darro soo gaarto ayaana loo macneyn karaa in kooxda heysata koobka loo tartamaayo aysan si dhib yar uga soo bixi Karin wareega Group-yada.

Di Matteo ayaa yiri: “Waa inaan ogaana in kulankaani uu yahay kulanka muhimka inoo ah ee Group-ka.

“Rikoorkeena aan ka maqanahay gurigeena koobabka Yurub wuxuu ahaa mid wanaagsan sanadii lasoo dhaafay.

“Waa mid muhim ah inaan mar kale guul ku bilaabano. Waan ogahay inaan bilaabaneyno inagoo ah kooxda koobka looga cabsanaayo waxaana safan doonaa koox adag.”

Dhan kale Gool hayaha kooxda Chelsea Petr Cech ayaa ka hadlay waxa uu ka filaayo kulankaan.

“Waxaan dooneynaa inaan guul gaarno ciyaar waliba sababtoo ah midaasi waa wadada aan koobab ku qaadi karno.

“Waan ognahay inuu noqonaayo kulan taariikhi ah kulanka Nordsjaelland.

“Waxay doonayaan inay iska muujiyaan ciyaaraha Champions League ee gurigooda si ay xooganaan koobka ugu tartamaan.

“Ma ahan inaan u qaadano koox fudud sababtoo ah way adkaan kartaa inaad guul ku gaarto gariga Danish-ka.”

W/Q: Ifrah Mohamud Wehliye

Sida aad la socotaan maalin walba waxaa taagan, aadna loo hadal hayaa arrinta magacaabista Ra’iisul Wasraaha cusub ee Somalia, taasi oo welina aan muuqan in madaxweynuhu soo wado.

Haddaba Caasimada Online, ayaa isku dayday inay wax ka ogaato caqabadaha hortaagnaa arrintaas, malamihii ina dhaafay.

Waxaan ogaanay inay jiraan cadaadisyo aad u tira badan oo saaran Madaxweynaha, mana soo koobi karno cadaadisyadaas, laakiin waxaan ka soo qaadanaynaa dhowr qodob oo muhim ah oo kala ah:

1) Mahiga iyo Beesha Caalamka oo leh dooni mayno Farmaajo
2) Maamulka Somaliland oo leh doonimayno siyaasiyiinta waqooyi.
3) Faroole oo leh doonimayno qof aan Majeerteen ahayn.
4) Ethiopia oo leh doonimayno qof Ogaaden ah.
5) Odayaasha Hawiye oo leh doonimayno Majeerteen.
6) Kooxda Dam Jadiid oo leh qof aan annaga ahayn yeeli mayno.
7) Shacabka Muqdisho qaarkii oo leh qof aan Farmaajo ahayn dooni mayno
8) La taliyeyasha madaxweynaha oo leh qof aan daacad ahayn iyo qof aan caano madaadshe ahayn dooni mayno maadaama ay bateen Isku dhacyada madaxweynaha iyo Ra’iisul Wasaarahaiisa.
9) Qaar ka mid ah dadkii codadka siiyay oo weli gor gortan ku jira, rabana in ayaga ama qof ay wataan laga dhigo Ra’iisul Wasaare, oo ay ka mid yihii Shariif Xasan Sheikh Aadan iyo Cabdi Weli Cali Gaas.

Haddaba la arki doonee goorta madaxweynaha uu intan cadaadis ah ka gudbo, soona magacaabo Ra’iisul Wasaare, inkasta oo ay dhowdahay iminka waqtigii uu go’aan gaari lahaa.

Ciidamada Dowladda Somalia ayaa tababar culus ku qaadanaya xero milatari oo ay Ciidamada Amisom  ku lee yihiin galbeedka magaalada Muqdisho. Tababarkan ayaa xaqiiqdii ah mid aad cajiib u ah, oo aad moodo inuu la mid yahay tababarka ay qaateen ciidamada dalalka horumaray. Haddaba Daawo Sawirrada.

Warar lagu kalsoonyahay oo Shabakada Caasimada ay ka helayso Aqalka Madaxwaynaha Soomaaliya ayaa sheegaya in Madaxwaynaha uu maanta safar uu ku jiro.

Madaxwayne Xasan Sheekh Maxamuud oo maalintii shalay booqashadiisii ugu horaysay ku tagay magaalada Baydhabo ayaa maanta la filayaa inuu booqdo dadkii Fataahadaha ay ku dhufteen ee ku  nool magaalada Beledweyne.

Madaxda Dowlada ee Gobolka Hiiran ayaa sidoo kale xaqiijiyay Socdaalka madaxwayanaha iyadoo Magaalada Bandow la saaray maanta.

Axmad Cismaan Inji oo ah Gudoomiye ku xigeenka dhinaca Amaanka Gobolka hiiraan ayaa sheegay inay isu diyaarinayaan maanta Soo dhawaynta madaxwaynaha.

Kadib Beledwayne Xasan Sheekh waxaa laga yaabaa inuu safarkiisa ku sii dabaqo Garoowe halkaas oo uu kul kulmayo Faroole si uu maalinta beri uu ugu dhawaaqo Ra’iisul Wasaarihiisa.

Ciidamada Dowlada Soomaaliya ayaa soo qabtay kooxihii dilay Nabadoon caanka ahaa Magaalada Beledwayne.

Maxamuud Diiriye Maxamed oo kamid ah masuuliyiinta maamulka Gobalka Hiiraan oo la hadlay warbaahinta wuxuu sheegay in ciidamada ammaanka ee dowlada howlgal ay sameeyeen ay kusoo qab qabteen dad kala duwan.

Masuulkaan ayaa sheegay in ciidamada dowladda ay soo qabteen labo qof oo hada lagu haayo baaritaano ku aadan arimaha dilka loo geestay nabadoonka.

waxa sidoo kale uu sheegay in xilliga dilka uu dhacayay Nabadoonka uu ku sugnaa meel aan sidaas uga fogeen isbitaalka Magaalada Beladweyne halkaasina kooxaha hubaysani ay ku toogteen durbana waxaa meesha gaaray ciidamo ka tirsan dowladda Soomaaliya.

Nabadoon Barre Guuleed Xalane ayaa wuxuu kamid ahaa dadkii sida weyn ugu qeylo dhaaminayay in loo gargaaro dadkii uu saameeyay wabiga Shabeele fatahaadii uu ka gaystay Magaalada Beladweyne.

Xoghaya samafalka gobolka Hiiraan ayaa faahfaahin ka bixiyey tirakoob ay ka sameeyeen khasaaraha ka dhashay daadadka roobab iyo fatahaado uu sameeyey Wabiga Shabelle ee dhexmara magaalada Beledweyne labo maalin ka hor.

Xoghaya samafalka gobolka Hiiraan ee arimaha binu,aadanimada C/laahi Cabdi Ceeymoy oo la hadlayey qaar ka mid ah warbaahinta Dibada Asiga oo jooga Magalada Qaahira ayaa sheegay in daadadka iyo fahahaadaha ka dhacay Beled weyne ay illaa hadda la diiwaan geliyay iney ku dhinteen 32 ruux oo u badan caruur iyo dad waayeel ah.

Sidoo kale waxaa uu sheegay in ay diiwaan geliyeen fatahadaas Iney ku bakhtiyeen xoolo u badan ari oo gaaraya 2600 -3000 oo neef, kuwaasoo raqdooda la arkay iyagoo dul sabeynaya daadadka magaalada ku soo rogmaday, wuxuuna xusay in Bakhtigaas uu keeni karo khatar caafimaad. Sidoo kale guri kasta oo aay biyo galeen waxaa ka dumay Musqulahii waxaa lagu arkaa bulaacadaha wasakhdoodii biyaha dushooda waxaa sidoo kale ka dhalatay malaariye.

“Intaan hubno oo la tiriyey qoysas kor u dhaafaya 12000 kun oo u badan haween, caruur iyo dad waayeel ah oo jilicsan ayaa ku barakacay daadadkaas, kuwaasoo daadsan banaanka magaalada ka dib markii qaarna ay guryaha ugu galeen biyo joogoodu ka sareeyo 1.20-mitir, qaar kalena biyuhu ay cagta mariyeen guryohoodii” ayuu intaa ku daray C/laahi Cabdi Ceeymoy .

Sidoo kale, Xoghaya samafalka Gobolka Hiiraan C/laahi Cabdi Ceeymoy ayaa sheegay in dadkaas barakacay aysan heysan hooy ay ka galaan kuleeyka maalintii iyo qabowga Habeenkii ayna heystaan duruufo nololeed oo aad adag, Waxaan ka codsaneeynaa Heyadaha samafalka kuwa lokalka ah iyo kuwa aan aheeynba in dadkaa waxii la tari kara la tara wuxuuna xusay in maamulkiisu uusan awood u laheyn gurmad uu dadkaas u sameeyo Sida aay horay ugu shanqariyeen Gudoomiya kuxigeenada Kala ah Mudane Muxumed Garabeey,Mudene Cadaawe iyo ,Mudane Axmed inji oo hada ah ku simaha Golka hase ahaatee ay ugu baaqayaan heyadaha samafalka iney gargaar la soo gaaraan.

Xoghaya Samafalka gobolka Hiiraan Mudane Ceeymooy waxaa uu intaa ku daray in uu khubaro reer Masar aay balan qaadeen Ineey tagi Doonaan Gobolka aayna qiimeeyn ku soo sameeyn doonaan Qasaaraha Ka dhashay Fatahaada Wabiga Waqti dhaw hadii uu alle idmo Waxaa kal uu sheegay Xoghaya Samafalka gobolka Hiiraan Mudane Ceeymooy in dad badan oo kheeyka jecel oo reer Masar ah aay gaarsiin doonaan goor dhaw magaalada b/weeyne daawooyin iyo dhaqaatiir caawisa dadka tabaaleeysan ee daadsan Burjada Ciinta ilaah Ceel jaale iyo jante kuundishe .

Wariye Madax banaan
Abdullahi Abdi Subeir

Madaxweynaha Somalia Prof. Xasan Sheikh Maxamuud ayaa maanta booqasho ku tagay magaalada Baydhaba ee xarunta gobolka Bay, halkaasi oo uu ka jeediyay Khudbad aad u qiimo badneyd, oo uu dhinacyo badan taabaneysay, waxaana uu kaga hadlay arriimo badan oo ku saabsan xaaladda dalka iyo waxyaabaha socda.

Halkaan Ka Dhagayso Khudbadda

Hay’adda Nabad Sugidda Qaranka Ayaa maanta sheegtay in la xaqiijiyay Amaanka Magaalada Muqdisho 24kii saac ee la soo dhaafayna ay ciidamaa Amaankuna ka hortageen falal Amaanka dhan ka ah Amaanka dalka.

Taliyaha Ciidammada Nabad Sugidda gobolka Banaadir Khaliif Axmed Ereg oo maanta saxaafadda shirjaraa’id ugu qabtay magaalada Muqdisho ayaa tilmaamay in Ciidammada Nabad Sugidda Qaranka iyo guud ahaanba Ciidammada Qalabka Sida ee Soomaaliya ay 24kii saac ee lasoo dhaafay ay magaalada ka sameeyeen howlgallo lagusoo qabqabtay dad iyo hub.

Taliyuhu waxa uu tilmaamay in magaalada hada laga hirgeliyey qorshe ay hay’adaha ammaanka ugu talagaleen in lagu xaqiijiyo amniga Caasimadda taasina ay tahay guul laga gaaray kooxaha cadawga ku ah nabadda ee shacabka dhibaateeynaya oo dhiigooda baneystay.

Ugu dambeyntii waxa uu Taliyaha Ciidammada Nabad Sugidda gobolka Banaadir Khaliif Axmed Ereg waxa uu shacbiga ku nool gobolka Banaadir ka codsaday iney hay’adaha ammaanka ku gacan siiyaan shaqadooda si cadawga looga adkaado.

Magalada Muqdisho ee Caasimadda ayaa beryihii ugu dambeeyey waxaa si weyn looga dareemayey howlgallo ay sameynayaan ciidammada Qalabka Sida ee Soomaaliya ayadoo howlgalladaasina lagusoo qabtay Maleeshiyaad tirabadan oo ka tirsanaa Al-Qaeda waxaana ay arintaasi durbaba keentay in magaalada laga dareemo isbedel dhanka amniga ah.

Isha: RM