Weerar khasaare geystay oo ka dhacay WANLAWEYN

By Istar Cabdi Yuusuf

Baydhabo (Caasimada Online) – Faah faahino dheeri ah ayaa ka soo baxaya weerar loo adeegsaday qarax oo xalay ka dhacay degmada Wanlaweyn ee gobolka Sh/Hoose.

Weerarka oo ahaa mid qorsheysan, islamarkaana ay fuliyeen rag hubeysan ayaa ka dhacay bar-koontarool oo ciidamada Koonfur Galbeed ay ku leeyihiin degmadaasi.

Ragga hubeysan ayaa bambo-gacmeed ku tuuray fariisin ciidamada ammaanka ay ku leeyihiin dhanka galbeed ee magaalada, gaar ahaan waddada aada Baydhabo.

Ugu yaraan illaa 5 askari ayaa ku dhaawacantay weerarkan, kuwaas oo la dhigay xarun caafimaad oo ku taalla isla degmada Wanlaweyn ee gobolka Shabeelah Dhexe.

Sidoo kale ciidamada ammaanka ayaa sameeyey baaritaano kooban, kadib qaraxaasi, mana jiro weli wax faah faahin oo laga bixiyey howl-galka iyo weerarka ka horreeyey.

Al-Shabaab ayaa inta badan weeraro kala duwan ka fuliya gobolka Shabeelaha Hoose ee dowlad goboleedka Koonfur Galbeed Soomaaliya.