Dhuusomareeb (Caasimada Online) – Caasimada Online, ayaa ogaatay in waxgaradka Beesha Ceyr ay hordhigeen madaxweynaha Soomaaliya shan qodob oo looga baahan yahay inuu saxiixo si ay u aqbalaan qorshihiisa.
Madaxweynaha ayaa doonaya in siyaasiyiinta beeshaasi ay aqbalaan qorshihiisa ah in shirka loo raro Cadaado, si halkaas loogu doorto musharaxa Damu-Jadiid Cabdkariin Guuleed.
Si kastaba qorshahaas ayaa waxaa hadda horyaalla afar shardi oo ka yimid beesha Ceyr oo kala ah:-
1 – In caasimada maamulka gobolada dhexe tahay Dhuusomareeb.
2 – In madaxweynaha lagu doorto Cadaado uu horay ka imaanayo Dhuusomareeb si uu ugu shaqeeyo.
3 – In Ahlu Sunna iyo dowlada ay hishiis buuxa kala saxiixdeen oo Ahlu Sunna laga qeyb galiyo maamulka la dhisayo.
4 – In dowlada ay siideyso Sheekh Xasan Daahir Aweys, oo beeshaas kasoo jeeda una xiran DF.
Qodobadaasi markii la saxiixo ayay sheegeen siyaasiyiinta Ceyr inay u dhaqaaqi doonaan Cadaado. Lama yaqaan waxa uu madaxweynaha ka yeeli doono arrintan.
Caasimada Online
Xafiiska Dhuusomareeb
Caasimada@live.com
