Sawirro ay dayax-gacmeed ku qaadday hay’adda Human Rights Watch waxay muujinayaan caddeymo aad u xun ee mujtamac dhan oo la burburiyay galbeedka dalka Burma toddobaadkan.

Deegaan dhan oo ka tirsan magaalada Kyaukpyu ayaa u muuqda in gebi ahaanba la gubay oo dhulka lala simay.

Human Rights Watch waxay sheegaysaa in dadka halkaas deggan badankoodu ay ahaayeen Muslimiinta Rohingya, kuwaas oo weerar ay la beegsadeen dadka reer Burma ee aan muslim-ka ahayn oo sheegaya in muslimiintu aanay dalka waxba ku lahayn.

Kooxuhu waxay sheegeen in dhismayaal ka badan 800 iyo guryo doonyo ka samaysan la baabi’iyay. Dadkii halkaas ku noolaa badankooda waxaa loo maleynayaa inay doonyo ku carareen oo xagga badda ay mareen.

Dadka aan muslimiinta ahayn waxay ku warramayaan in iyaga xataa markan ay ciidammada dowladdu xabbado ku fureen intii ay rabshaduhu socdeen, khasaarooyin badanna ay ka soo gaareen.

Dowladdu waxay ku dhawaaqday bandow deegaannada dhibaatadu ka dhacday, hase ahaatee jawaabta ay ka bixisay tan iyo markii ugu horreysay ee dagaalku qarxay bishii June ee la soo dhaafay waxaa si weyn loogu dhaleeceeyay inaysan wax ku filan ka qaban.

Sidoo kale aqri

Maxaad kala socotaa Burma iyo xasuuqa Muslimiinta ku nool?

Sanadkan 2012-ka guud ahaan dalka Maraykanka waxaa ka dhici doona doorashooyinka guud. Taas waxaa sii dheer in gobalo badan oo ay Minnesotaku jirto loo codayn-doono- In Wax Ka Badalid lagu sameeyo Cahdi goboleedka sida kan Minnesota oo 2 (labo) arin oo waa weyn loo codayn-doono.

Soomalidu waxa ay tiraahdaa “War helaa Talo Hela”, run-ahaantiina Soomaaliduna waa dad aad oola socda wararka meelkasta oo ay aduunka ooga noolyihiin. Marka qormadaydo ma ahan in aan wax cusub idiin sheego ee waa iga xasuusin oo kaliya maadaama dadku inta badan ay isha ku hayaan loolanka adag ee u dhaxeeya labada nin ee kala ah Romney iyo Obama.

Waa Maxay Waxa dadku U Codaynayaan Ee Cahdi Gobladeedka Minnesota?

I. Waxaa loo coday doonaa in wax ka badalin lagu sameeyo Cahdiga gobalka oo hada aynan sifiican oogu qeexnayn waxa guurku uu yahay. Hadaba Soomaaliyeey inagu ka muslimiin ahaan waxaynu guur u naqaanaa heshiis u dhaxeeya lamaane ah nin iyo naag (wiil iyo gabadh). Marka aad codaynaysid 6-da November, fadlan u codee “Haa”. Haa macnaheedu waxa ay tahayMinnesotaguur waxa ay u aqoonsan heshiis u dhaxeeya Nin iyo Naag. Arinkani waxa uu boqolkiiba boqol ka muhiimsanyahay tan madaxwayna aad u codaynaysid.

Maxaa dhacaya hadii aad iska dhaaftid in aad codaysid ama “Maya” aad u codaysid? 

• Caruurtaada oo iskuulaadka lagu baro in wiilashu is guursan karaan.
• In maxkamadaha gobalku ay go’aamiyaan in waaliku uusan xaq u lahayn in ilmihiisa uu fasalka ka wato.
• In iskuulaadku aysan waajib ku ahayn in ay ogaysiiyaan waalidka in ay barayaan ilmahooda in wiilku wiil kale guursan karo, gabadhuna gabadh kale guursan karto.

Hadii aad tahay muwaadin Maraykan ah fadlan codkaaga dhiibo. Waxaadna ogaataa in Maalinta Qiyaamaha lagu waydiin doono waxa aad arinkaa ka tadhi. U sheeg saaxiibadaa, qaraabadaada, dariskaaga iyo dadka aad isla shaqaysaan ee Soomaaliyeed in arin Obama iyo Romney ka wayn kana muhiimsan ay jirto. Balanteenu waa codkaaga oo noqda “Haa”.

II. Kaadh-ka Aqoonsiga Iyo Marka La Codaynayo

Waxaa loo codayn doonaa in doorashadaan wixii kadanbeeya laga rabi doono qofkasta marka uu codaynayo in uu layimaado kaadh aqoonsi dowladeed. Kaadh kaasi waa in uu ahaadaa mid uusan taariikhdiisu dhacsanayneen, cinwaanka shakhsiga codaynaya waa in uu ahaadaa midka uu markaas dagan yahay.

Hadaba anigu hadii Allaah uu ogalaado waxa aan u codaynayaa “Maya” sababahaan soo socda daraadood:

Aniga oo u arka in arinkaani uu yahay mid ay wataan dad aanan jeclayn qoxootiga, dadka laga tirada badan yahay oo ay Soomaalidu ka midka yihiin iyo odayaasha.

• Dadkeena Soomaaliyeed oo ah reer guuraa oo labadii sanaba guri horleh u guura, taas oo sababi karta in ay hilmaamaan in ay cinwaankooda ay badalaan.

Doorashadu waa Talaado 6-da bishan soo socada ee November. Codayntu waxa ay bilaaban doontaa Totobada Subaxii (7:00 am) ilaa Sideeda (8:00 pm) Fiidkii.

C/risaaq Macalin Mursal

[email protected]

Bayaan manta kasoo baxay dowlada Ruushka ayaa lagu shegay in Ruushka uu qorsheeynayo sidii uu markab dagaal ugu soo diri lahaay Khaliijka Cadan.

Roman Martov oo ah sarkaalka ugu sareeya ciidamada Mariiniska Ruushka ayaa mar uu saxaafada lahadlayay waxa uu sheegay in markabka {Marshal Shaboshnikov} uu kazoo dhaqaaqay saldhig ay ciidamada Bada Ruushka ku leeyihiin bariga wadankaas islamarkaasna uu kusoo wajahanyahay biyaha Soomaaliya si uu qayb uga noqdo dagaalka lagula jiro Burcad-badeeda.

Sarkaalkaan uhadlay ciidamada badda Ruushka ayaa sheegay in markabkaan dagaal uu maalmahaan waday safari tijaabo ah kahor intuusan usoo dhaqaaqin biyaha Soomaaliya.

Markabkaan dagaal ee Marshal Shaboshnikov ayaa sanadkii 2010 waxa uu soo badbaadiyay markab siday shidaal lagana lahaa wadanka Ruushka kaasoo ay afduubteen burcad badeeda Soomaalida.

Ruushka ayaa qayb muhiim ah oo firfircoon ka ah ladagaalanka Burcad-badeeda Soomaalida waxayna maraakiib dagaal oo farabadan usoo direen biyaha Soomaaliya iyagoo raacaya qaraarka QM ee tirsigiisu yahay 1897 soona baxays anadkii 2009, iyo qaraar kazoo baxay madaxweynaha Ruushka Vladamir Putin kaasoo soobaxay isna sanadkii 2008 bishii October.

Ciidamo ka tirsan Dowlada Soomaaliya ayaa maanta waxaaa tababar loogu furay Mgaaalada Muqdisho kuwaa oo ah Boolis.

Tirada Ciidan ee tababarka loo furay ayaa waxaa ay gaarayaan 40 iyadoo goobta ay ku sugnaayeen Saraakiil ka tirsan Dowlada iyo Amisom.

Taliyaha Dugsiga Tababarka Xarunta Generaal Kaahiye ee Magaalada Muqdisho Generaal Abuukar Axmed oo halkaasi ugu horeyn ka hadlay ayaa wuxuu sheegay in ujeedka tababarka uu yahay sidii ciidankaan loo bari lahaa Baarista dambiyada kala duwan.

Masuuliyiinta Dowlada ayaa ku booriyay Ciidamada tababarka loo furay in Casharadooda si wanaagsan ay u qaataan.

Afhayeenka ciidamada Booliiska Soomaaliyeed C/laahi Xasan Bariise oo halkaasi ka hadlay ayaa dhankiisa dardaaran xoogan ujeediyay ciidamada Booliiska ee 40-gaaraya kuwaasi oo maanta tababarka dambi baarista loo furay.

Taliyaha ayaa ciidamada tababarka loo furay kula dardaarmay inay si hufan u qaataan casharadooda ku aadan tababarka islamarkaana marka ay soo qaataan tababarka si wanaagsan ugu dhaqmaan.

Ujeedada tababarka Ciidankan ayaa waxaa uu yahay sidii ay u baran lahaayeen Arimaha baarista dambiyada.

Warsaxaafadeed.

Dowladda Soomaaliya ayaa mar kale ku celinaysa in la mamnuucay dhoofinta dhuxusha, iyadoo u hoggaansameysa qaraar ka soo baxay Golaha Ammaanka ee Qaramada Midoobay oo lagu boorriyay dowladda inay ka hor tagto tallaabo kasta oo lagu doonayo in lagu dhoofiyo dhuxusha, maadaama dhoofinta dhuxusha ay halis ku tahay deegaanka.

Sidaa daraadeed, waxay dowladdu walaac qoto-dheer ka muujinaysaa cid kasta oo ku xadgudubta qaraarka Golaha Ammaanka ee mamnuucaya dhoofinta dhuxusha, waxayna qaadi doontaa tallaabooyin ay ku xoojinayso sidii looga hortegi lahaa ku xadgudubka sharciga mamnuucaya dhoofinta dhuxusha.

Dowladda federaalku waxay mahad ballaaran u jeedinaysaa guushii ay ciidamada Midowga Afrika ka gaareen gacan ku dhigista magaalada Kismaayo, waxayna sidoo kale hoggaamiyeyaasha ka soo jeeda magaalada Kismaayo ku boorrineysaa inay muranka siyaasadeed ee u dhaxeeya iyo danahooda gaarka ah ay ka hor mariyaan midda guud si loo hubiyo adkeynta ammaanka iyo soo celinta kalsoonida shacabka.

Dowladda Soomaaliya waxay meel cad ka taagan tahay in dekedda Kismaayo iyo garoonka diyaaradaha ay yihiin kuwo u furan, dadka Kismaayo, isla markaana fududeynaya sidii shacabka loo gaarsiin lahaa gargaarka bini’aadannimo, iyadoo dowladda ay ku boorrinayso ciidamada AMISOM iyo kuwa dowladda inay sii wadaan howsha ay ku sugayaan ammaanka ilaa iyo inta laga dhisayo maamul kumeel gaar ah.

Waa mid iska cad in dadka deegaanka ay khaatiyaan ka taagan yihiin jahawareerka siyaasadeed, hoggaamiye kooxeedyada iyo kuwa mayalka adag, balse ay u baahan yihiin ammaan, xasilooni, helista waxyaabaha daruuriga ah iyo mustaqbal wanaagsan, sidaas daraadeed dhuxusha hadda ku xareysan dekedda Kismaayo waxay ku jiri doonaan meesheeda inta ay dowladdu go’aan ka soo saareyso.

Dowladda Soomaaliya waxaa ka go’an inay u hoggaansanto qaraarka Golaha Ammaanka ee tiriskiisu uu yahay 2036 waxayna soo jeedinaysaa in la adkeeyo mamnuucista dhoofinta dhuxusha, waxayna diyaar u tahay inay gurmad u fidiso dadka magaalada Kismaayo iyadoo qaadeysa tallaabooyin ay isugu dubba-rideyso sidii gargaar halkaas loo gaarsiin lahaa, isla markaana ay hadda waddo qorshe markab gargaar sida loogu dirilahaa shacabka Kismaayo.

Ujeedo : Baaq Jaaliyada Absuge Qumbur ee Dalka Norway                       27/10/2012

Yaasiin Cabdulle Siyaad
Jaaliyada Absuge Qumbur ee Norway 

Wabilaahi Towfiiq

Ciidamada Dowlada soomaaliya oo kaashanaya kuwa Amisom ayaa maanta waxaa ay dagaal ku qaadeen Magaalada Jowhar ee Xarunta gobolka Sh/dhexe.

Gawaariad gaashaaman Amisom iyo dowlada ayaa ka tagay degmada Balcad waxaana u jileecsadeen Jowhar,waxaana Ciidamadan oo tiradooda ay badan tahay arkay dad ka soo tagay jowhar oo muqdisho yimid.

Dadkan oo aan la sheekaysana  ayaa waxaa ay inoo xaqiijiyeen inay jiraan Ciidamada ayna ku soo mareen iyago maraya Meel qiyaastii Jowhar 30 km u jirta.

Dhowr mar ayay Ciidamadan weerar ku qaadeen Jowhar laakiin ma aysan galaynin balse duulaankaan ayaa u muuqanaya mid ay ku doonayaa ciidamada inay ku qabsadan Maanta ama bari.

Warar la helayo ayaa sheegaya in ciidamadan ay rabaan in Caawa ay ku hoydaan afaafka Jowhar maalinta kalana ay gudaha u galaan.

Mudo todobaad gudaheeda Dowlada waxaa ay qorshaynaysaa sida Saraakiisha dowlada inoo sheegeen ilaa iyo Buula burde ay u gudbaan oo la wareegaan jowhar ,mahadaay una talaabaan Hiiraan.

Madaxweynaha maamul goboleedka Puntland ayaa ka hadlay arrinta iminka Soomaali badan ay aragtiyo kala duwan ka bixinayeen ee maamul u sameynta magaalada Kismaayo iyo guud ahaan gobolka.

Isaga oo ka hadlay salaadii ciidda kadib ee shalay, ayaa Cabdiraxmaan Faroole, waxa uu si cad u sheegay inuu taageersan yahay dhismaha maamul dadka deegaanka ay halkaasi ka dhistaan.

“Waxaan ku baaqayaa in dadka Kismaayo loo madax baneeyo dhismaha maamul ay ku qanacsan yihiin oo ay deegaankooda ka dhistaan”. Ayuu Faroole.

Waxa uu dhinaca Dowladda Somalia ugu baaqay inay dadka deegaan walba kala shqeyso sidii ay maamul ay ayaga ku qanacsan yihiin u dhisan lahaayeen.

Arrinta Kismaayo ayaa muddo ahayd mid dood badan ay ka dhalatay, ayadoo uu jiro maamul ay Kenya gadaal ka riixeyso oo la doonayo in halkaas laga dhiso, halka qaar ka mid ah beelaha deegaankana ay muujiyeen inaysan ku qanacsaneyd, ayada oo kuwa kalena ay taageersan yihiin.

Madaxwaynaha Dowlada Soomaaliya ayaa uga digay Masuuliyiinta Dowlada Cusub ee Somalia, hal arrin oo ah  inay ku kacaan musuq maasuq, waxaana taa badalkeena uu ugu baaqay dhanka wanaaga.

Xasan Sheekh Maxamuud oo Warbaahinta lahadlay ayaa waxaa  carabaabay in Dowladiisa ay ku shaqayn karto kaliya Cadaalada.

Profe.Xasan Sheekh Maxamuud ayaa tibaaxay isbadal Cusub inay la yimadaan Madaxada dowladiisa.

Madaxwaynaha ayaa sheegay in cadaalada ay hogaan u noqon doonta dowlada waxaana uu tusaala usoo qaatay Askariga dowlada ee baahan kuna jira difaaca qarankiisa inuu Mudanyahay in xaqiisa si dhaqsa ah uu ku abaalmariyo.

Balse Xasan Sheekh waxaa uu tilmaamay hadii dowlada masuq masuuq uu ku yimaado ay halis u ahaan doona bur bur halka hada la rajaynayo isbadal dhab ah.

Ilaa iyo afar xaaji oo ka mid Soomalida sanadkan xajisay ayaa ku geeriyooday Sacuudiga, iyadoo xaaladii ay ku guteen xajkana ay adkeyd.

Wararka ka imanaya dalka Sucuudi Carabiya ayaa sheegaya in tirada dadka Soomaalida ah ee ku dhimatay Xajka  sannadkan ilaa haatan ay marayso 4 qof. Laba ka mid ah dadkaasi ayaa ku dhintay shilal baabuur.

Dhinaca kale, dadka ka soo xajiyey Soomaaliya ayaa lagu soo warramayaa inay ku sugan yihiin duruufo adag oo dhinaca nolosha iyo nadaafadda ah.

Cusmaan Axmed Sheekh oo ka mid ah Soomaalida ka xajiday gobolka Minnesota oo soo arkay dadkii  xajiyey ayaa idaacadda VOA-da uga waramay xaaladda xujeyda Soomaalida 

Dhageyso Wareysiga Xajka

Warar xog ogaal ah oo aan helnay ayaa sheegaya in xalay wada hadallo waqti dheer qaatay ay ka socdeen xarunta madaxtooyada Somalia ee Muqdisho, halkaasi oo madaxweynaha iyo ra’iisul wasaaraha ay isku khilaafeen arrinta golaha wasiirada.

Sida dad xog ogaal ah ay inoo sheegeen, Ra’iisul Wasaare Saacid ayaa dhinac isaga riixay damaca madaxweynaha iyo kooxdiisa Damul Jadiid, ee ahaa in wasiirada cusub ay ku yeeshaan tiro aad u badan.

Ra’iisul Wasaaraha ayaa la sheegay inuu iska diiday qorshe ay Damul Jadiid dooneysay inay ku qaadato inta u dhaxeysa 6 illaa 8 Wasiiro iyo wasiiro ku xigeeno.

Waxa kale uu diiday qorshe madaxweynaha ku doonayay in golaha wasiirada lagu kobo inta u dhaxeysa 10 illaaa 12, si loo sameeyo gole wasiiro oo kooban oo lala xisaabtami karo.

Waxaa xalay oo dhan labada dhinaca ay lahaayeen kullamo ay ka qeyb galayeen xubno ayaga ku dhow, si arrinta meel la iskula dhigo.

Sida aan warka ku helnay, waxaa madaxweynaha la ogoleysiiyay in la koobo tirada xubnaha ay Damul Jadiid ku yeelan doonto golaha wasiirada, islamarkaana la badiyo golaha wasiirada oo laga dhigo inta u dhaxeysa 14 illaa 18, inkasta oo weli tiro rasmi ah aan la isku raacin, lana go’aamin doona saaka.

Madaxweynaha Mareykanka Barack Obama, ayaa khamiistii magaalada Chicago ee gobolka Illinois oo uu kasoo jeedo ka dhiibtay codkiisa doorashada madaxweynaha ee dhici doonta 6-da November.

Illaa 34 gobol oo ka tirsan Mareykanka ayaa ogol inaad codkaad xilli ka horeeya maalinka doorashada dhiiban karto, waxaana loo yaqaan (Early Voting).

Sharciga Illinois ayaa dhigaya in hadaad ka qeyb galeyso Early Voting lagaaga baahan yahay inaad tusto ID Card, inkasta oo aan kaas lagaaga baahneyn maalinka doorashada.

Waxaa cajiib ahaa in markii madaxweyne Obama uu soo galay goobtii uu codkiisa ka dhiibanayay ay haweeney meesha joogta weydiisay madaxweynaha inuu tuso ID Card-kiisa, isagana wuu aqbalay, oo wuxuu tusay Driver License-kiisa .

Waxa ay ku tuseysaa sida dalalka horumary sharciga looga siman yahay, jagadaada doonto sido’e.

Markaas ayaan is weydiiyay ka waran haddii uu ahaan lahaa madaxweyne Xasan Sheikh, oo uu soo gali lahaa meel sidaas oo kale, waa kuma qofka Soomaaliga ah ee ku dhiiran lahaa inuu weydiyo ID Card-kiisa. Waxaan kale oo is weydiiyay haddiba ay dhacdo in la weydiiyo, waxa ay oran lahaayeen kuwa ilaalada u ah?.

Waxaan illaah ka baryeynaa in dalkeena uu nabad I nooga dhigo oo uu na gaarsiiyo heerkaas oo kale, oo uu ina siiyo xoriyad iyo sinnaan ku saleysan diinta Islaamka.

Halkan ka Daawo Obama oo la weydiinayo ID Card-kiisa.

Waxaa sii kordhaya dhibaatooyin maalmihii ugu dambeeyay ay ka cabanayeen shacabka deggan magaalada Marka ee xarunta gobolka Shabeelada Hoose.

Qaar ka mid ah shacabkaasi oo la hadlay Caasimada Online ayaa sheegay in Ciidamada Dowladda Somalia ee qabsaday magaalada ay laba jibaareen dhibkii ay ku hayeen shacabka, oo ay ka mid yihiin dhac, kufsi iyo dil.

Dhibka ugu weyn ayaa la sheegaya inuu gaarayo gabdhaha deggan magaalada oo badankood kasoo jeeda dadka cad cad, waxaana la sheegay in ciidanku ay mar walba bartilmaameedsadaan gabdhaha.

Gabdho magacooda qariyay sababa la xiriira amnigooda ayaa Caasimada Online u sheegay in xitaa ay dhib ku qabaan inay marraan waddooyinka, oo ay u taagan yihiin ciidanka dowladda, oo doonaya inay si qasab ah kula macaamilaan.

Waxaa lasoo weriyayay dhacdooyin dhowr ah oo xanuun badan, kuwaasi oo ciidamada dowladda ay xilliyo habeenkii ah gabdho badan kufsadeen, halka qaar kalena ay waddooyinkia ku qab qabsdee.

“Haddii aad tahay gabar cad oo aad joogto Marka waxaad ku sugan tahay dhib” ayay tiri mid ka mid ah gabdhihii la hadlay Caasimada Online.

Dowladda Somalia, ayaa illaa iyo hadda aan wax ka qabaneyn ciidamada Dowladda oo qaar ka mid ah dhac, dil iyo kufsi ku haya shacabka goobo badan oo ay maamulaan.

Maanta oo ah Maalinta 1aad ee Munaasabada Ciidul Udxiyada ama Ciid weynaada ayaa Musliimiinta ku Nool Dalkan Switzeland waxa ay maanta u wada Ciideen si isku Mid ah.

Boqolaal Muslimiinta oo ay  Soomaalida Ku Nool dalkan Switzerland qeyb ka tahay ayaa maanta waxa ay  si weyn  ugu dabaal degay Munaasabada Ciida Carafo.

Musliimiinta Switzerland ayaa salaadii  Ciida waxa ay ku Ogeen Goobo kala gedisan inkastoo Magaalooyinka waa weyn sida Zurich,    Basel, Bern iyo Geneva ay ahaayeen Meelaha shalay sida weyn Loogu dabaal degay Musaanada Ciida Udxiyada.

Magaalada Zurich oo ah Magaalada ganacsiga dalka Switerland oo aan saaka  kaga qeyb galay salaadii Ciida, ayaa waxaa goobta lagu tukanayay salaada Ciida  sidoo kale waxaa goo ku sugnaa Soomaalid aad u fara Badan oo wajiyadooda laga dheehan karay farax iyo Reyn Reyn.

[youtube http://www.youtube.com/watch?v=GFZ5Vnj4d1s?list=UU8NDDY6R7XpVnQMOh_Btwuw&hl=en_US]
Qaar ka tirsan Soomaalidii Saakay ku Ciiday Magaalada Zurich ayaa iyagoo aad u Faraxsan waxa ay ka hadleen sida uu dareenlooda yahay iyagoo sidoo kale ka faa’iideestay fursad uu siiyay Radiyaha Kumiyaha si ay Ehaldooda hawada ugu salaamaan.

Munaasabada Ciida Udxiyada ama Ciida Carafo ayaa waxaa ay ka mid tahay Maalmaha Farxada oo ay leeyihiin Dadka Muslimiinta .

Cabdiqani Cali Dalmar
[email protected]
Caasimada-Zurich Switzerland 

Barnaamijka Ciidda ee VOA waxaa ka qeybgalay fannaaniin uu ka mid yahay boqorka codka Maxamed Suleymaan Tubeec.

Sidoo kale waxaa barnaamijka VOA ee Cidda Carafo ka qeybgalaya fannaanada Deeqa Axmed oo ku sugan Canada iyo abwaanka weyn ee Axmed Salaabeean Bidde.

Haddaba dhageysi wacan.

Dhageyso barnaamijka Ciidda ee VOA

Daawo Sawirada Salaadii Ciida Madaxwaynaha Soomaaliya xasan Sheekh Maxamuud uu ku tujiyay Masaajidka Isbahaysiga.

Madaxwaynaha ayaa shacabka Soomaaliyeed ugu duceeyay Masaajidka.

Waxaa goob joog ka ahaa Sidoo masaajidka Ra’iisul wasaaraha Soomaaliya,Gudoomiyaha baarlamanka,Wasiiradii hore iyo mudanayaasha Baarlamanka.

Aqristayaal, waxaa maanta si wanaagsan looga ciiday magaalada Muqdisho ee caasimada Somalia, haddaba halkan ka Daawo Sawirada Sida Caasimada Soomaaliya Muqdisho dadka ay ugu ciideen.

Goordhow Waxaa Saalada Ciida Shacab badan oo madaxda dowlada ay ku jirto ay ku tugteen Masaajidka Isbahaysiga ee magaalada Muqdisho kaa oo maalmaha Ciida madaxda dowlada ay isaga bixiyaan salaada.

Madaxwaynaha dowlada soomaaliya Xasan Sheekh Maxamuud ayaa dadka shacabka ugu bixiyay salaada Masaajidka isbahaysaiga maanta.

Masuuliyiintii kale ee dowlada ee ka qaybgashay tukashada Salaada waxaa kamid ahaa Ra’iisul Wasaare Cabdi Faarax shirdoon,Gudoomiyaha Baarlamanka soomaaliya Maxamad cismaan Jawaari iyo Masuuliyiin kale oo uu kamid yahay Madaxwaynihii hore ee soomaaliya Shariif sheekh Axmad.

Golaha Wasiirad hore iyo Mudanayaal ka tirsan Baarlamanka soomaaliya ayaa xaadir ku ahaa masaajidka.

Intaa kadib Madaxwayanaha Soomaaliya oo shacabka kula hadlay Masaajidka ayaa ugu baaqay dadka soomaalida inay is cafiyaan waxaana uu ugu hambalyeeyay dhanka kale maalinta qiimaha leh.

Ra’iisul Wasaare Saacid ayaa isaga ugu hambalyeey dadka soomaaliyeed ayaa hadana waxaa uu si gaar ah uu u amaanay ciidamada dowlada ee furumaha dagaalka ku sugan.

Maxamad Cismaan Jawaari oo ah gudoomiyaha Baarlamanka Soomaaliya  ayaa shacabka soomaaliyeed ugu gacan haatiyay inay ka shaqeeyaa Midnimada iyo wada jirka.

Magaalada Muqdisho oo ah Caasimada Soomaaliya ayaa saakay si wanaagasan dadka ay ugu ciidayaan iyadoo magaalada ay qariyeen dadka Ciidaya Saakay.

Wadooyinka Muhimka ah ee Muqdisho waxaa lagu arkayaa waaladiinta iyo Caruurtooda oo ku dabaaldagaya maalinta qiimaha badan ee Ciida.

dadka ayaa goordhow waxaa ay dukan doonaan Saalada Ciida iyadoo loo kala dareeray Masaajidada.

Amaanka Muqdisho waxaa Sugaya Saakay Ciidamada Dowlada Soomaaliya iyadoo ay jiraan mararka qaar weeraro lagu soo beegsado ciidanka.

Madaxwaynaha Dowlada ayaa marka salaada laga baxo waxaa uu ka hadli doonaa saakay Fadliga maalinta Ciida.