Sidaan wada ognahay heshiiskii Embagaati ee Soomaalida logu qabtay dalka Kenya sanadii 2002-2004, waxaa gabagabadii lagu soo yagleelay dowlad ku dhisan habka federaalka, waxaana madaxweyne u ahaa alaha unaxariistee C/lahi Yusuf Axmed.

Bishii Augusto aynu soo dhaafnay ee sanadkaan waxaa magaalada Muqdisho lagu ansixiyay Dastuur Federaal ah oo KMG ah, waxaana ansixyay oday dhaqameedyo gaaraya 825 kuwaasoo laga soo kala xulay gobolada dalka uu kakoobanyahay, hadaba dastuurkan KMG ah ayaa waxaa katimid dood aad ufarabadan iyo Su’aalo iyadoo aqoonyahano farabadana ay saluugeen qodobo badanoo kujira dastuurka.

Qodobo badan oo kamid ah dastuurka ayaa muuqda kuwo ay lug kuleyihiin doowladaha dariska la ah Soomaaliya, waxaana kamid ah qodobka tilmaamaya in dhulalka Soomaliya kamqan ee ay kahaystaan Kenya iyo Itoobiya lagu raadiyo xal diblomaasiyadeed ee aan lagu raadin xoog, sidokale waxaa kamid ah qodobada keenay muranka qodob isna tilmaamaya an Gabadha ay ku qaangareeyso da’da 18-aad.

Si kastooy ahaataba dastuurkan ayaa la ansixiyay iyadoo shacabka soomaaliyeed aysan wax cod ah ama aragti kuyeelan, waxa uuna lamid yahay qaraaradii iyo shirarkii horay loogu qabtay Soomaalida oo aysan shacabka marnaba ku lahayn wax cod ah.

Doowlada cusub ee jamhuuriyada Soomaaliya madaxdana uu kayahay madaxweyne Xasan Shiikh Maxamuud ayaa hada kumashquulsan ineey sameeyso Maamul Goboleedyo, iyadoona laraacayo habka Federaalka ayaa waxaan jeclaanay inaan qoraalkan kusoo gudbino aragtiyo iyo latalin kusaabsan sameynta maamuladaas islamarkaana anfici doonta dadka leh go’aan gaarista wadankaan sharafta leh.

Waxyaabo loo baahanyahay in la ilaaliyo marka lasameeynayo maamul Goboleedyo:

1-Waxaa lagama maarmaan ah in ladajiyo qawaaniin iyo halbeegyo xadidan kahor intaan lasameen maamul Goboleedyada, qawaaniintaas iyo halbeegyadaasna waa ineey ahaadaan kuwo ku dhisan wadaniyad, sinaan, cadaalad, iyadoo dhanka xuquuqda iyo waajibaadkana ay u sinaanayaan guud ahaan shacabka Soomaaliyeed iyo qaas ahaan dadka dagan Gobolada lasameeynayo.

2-Doowlada midnimada qaran waa in iyada ay dajisaa qaabka loo sameeynayo Maamul Goboleedyada, iyadoo lala tashanayo dadka deegaanka, waana in laysku dhafaa dadka dagan micnaha waa in ay qayb kawada noqdaan Maamulka oo ku koobnaan hal cid.

3-Maamul usameeynta Gobolada arinta kusaabsan waa in doowlada Soomaaliya ay iyada noqotaa mida go’aamisa, islamarkaasna waa ineeysan jirin faragalin dibada ah qasatan doowladaha dariska nala ah ee wata baryahaan damacyada guracan.

4-Waxaa muhiim ah in la tixgaliyo kala duwanaashaha qabaa’ilka daga Gobolka loo sameeynayo maamulka iyadoon la eegeen qabiilka ku badan ama ku xoog badan taas waxay keeni kartaa isku dhac iyo dib udhac.

5-Maamulada lasamayn doono waa ineey ahaadaan kuwo kashaqeeya danaha iyo masaalixda guud ee Soomaaliya dhan walbo ha ahaatee, sida dhaqaalaha, amniga, siyaasada…waxaana reebtoon in maamulada lasamayn doono ay kashaqeeyaan kala goynta shacabka Soomaaliyeed iyo jiritaanka umada sidokale waa inusan u adeegin dowladaha cadaowga ku ah Soomaaliya.

Doowlad kastoo aduunyadan kajirta waxay leedahay qiyam siyaasi ama yool ay dooneeyso ineey gaarto xaqiijinteeda islamarkaasna aan lataaban karin waxaana kamid ah:

-Waa in doowlada ay awood uleedahay in dalkeeda ay kadifaacdo handadaad kastoo kaga imaata dibadda
-Waa in doowlada ay awood uleedahay kobcinta dhaqaalaha wadanka qaasatan xagga ganacsiga.
-Doowlada waa ineey awood uleedahay xaqiijinta siyaasada arimaha gudaha taasoo hadii aysan dowlada ku guuleeysan ay markaas u nuglaaneeyso handadaada cadawga dibada kadib dagaalka qaboow, waa sida hada nahaysato anaga hadaan soomaali nahay.
-Doowlada waa ineey ilaalisaa sharafka iyo karaamada ay kuleedahay Gobolka, taasoo keeni karta in ay miisaan kuyeelato Go’aan kagaarista arimaha qaar ee Gobolka.
-Doowlada waa ineey dib u dhigtaa dhaqan galinta nidaamka Federalka ilaa iyo inta ay shacabka Soomaaliyeed cod afti ah uqaadayaan dastuurka cusub kadib afar sano doowladaan hada jirta.
-Waxaa wanaagsan in dowlada ay soo magacaawdo gudi daraasad ku soo sameeya nidaamka Federaalka inuu yahay mid ku fiican Soomaaliya iyo inuusan ahayn.

Dadka qaba in hab Federaal lagu dhaqo Soomaaliya iyo waxa ay ku doodayaan:

=Dadka ku doodaya in nidaamka Federaalka uu soomaaliya xal uyahay waxay daliil kadhigteen in Soomaaliya ay soo martay dagaalo sokeeye oo qabiil sidaa darteedna ay mesha kabaxday is aaminaada taasoona dhalisay is faham waa iyo kalsoonidii oo burburta, sido kale waxay qabaan in ay jirto cabsi laga qabo in markale ay soo laabato doowlad kali talis ah sida tii Maxamed Siyaad Bare, sidaa darteed waxay qabaan in nidaamka Federaalka uu xal uyahay Soomaaliya.

=Sidokale dadka udoodaya Federaaliisimka waxay qabaan in dadka dagan Gobolka ay awood uyeelanayaan ineey iska dhex arkaan siyaasada iyo maamulka maadama dhamaan dadka deegaanka ay iska soo dhex xulanayaan dadka umatalaya maamulkaas.

Dadka Mucaaradsan Federaaliisimka iyo xujooyinkooda:

Waxaa jira dad farabadan oo mucaaradsan nidaamka Federaaliisimka waxayna sabab uga dhigeen waxyaabahan aan hoos kuxusi doono:

=Waxay leeyihiin nidaamka Federaalka waa mid dhibaato hor leh kusoo kordhin doona xaalada Soomaaliya qaasatan markeey imaato in laqabysado dhaqaalaha iyo qayraadka deegaankaas, sidokale waxaa mushkilad ka’imaan doontaa sida loo sameeynayo xuduudaha maamulada.

=Nidaamka Federaalka maahan mid lajaanqaadi kara Soomaaliya, maxaa yeelay nidaamkanw axaa loogu talagalay dad kala diin ah kala luqad ah sidaa darteed Soomaali waa isku luqad isku diin isku midab.

=Nidaamka Federaalka waa nidaam ajnabi ee maahan nidaam Soomaaliyeed ama ay qabto diinteena islaamka, in Soomaaliya lagu dabaqana waxaa kadanbeeya dano siyaasadeed qaasatan doowladaha cadawga Soomaaliya ee Dariska nala.

Gabo gabadii, nidaamka Federaalka in lagu dhaqo Soomaaliya waa in marka hore ay katimaadaa rabitaanka shacabka waana inuu ahaadaa mid isku keena Soomaalida marka laga hadlayo masaalixda guud iyo midnimadeeda ee maahan in ay dowlado ajnabi ah nagu qaasbaan kuwaasoo dano gaar ahaaneed naga leh.

W/Q: Hassan Abdi

 Nairobi, Kenya

Ka dib markii uu daqiiqadihii ugu dambeeyey Chelsea si amaah ah ku siisay kooxda Real Madrid, Michael Essien ayaa daaha ka qaaday inuu mar kale usoo carfaayo koobka ugu xiisaha badan Yurub ee Uefa Champions League.

Los Blancos ayaa isha ku heysa inay soo meeleysato koobkeedii Tobnaad ee Champions League.

Wuxuuna halbowlaha qadka dhexe ka qabaa rajo inuu mar kale Dhega weyne qaado isagoo ka hoos ciyaaraya Jose Mourinho, isagoona sheegay inuu la yaabay usoo dhaqaaqitaankiisii Madrid.

wuxuu u sheegay Wargeyska Marca: “Markii aan ku biiray Chelsea marnaba uma maleyn inay taasi dhici karto, laakiin waxaa ka dhaca kubada cagta wax lala yaabo.”

Essien oo dhowaan noqday xidigii ugu horeeyey ee kasoo jeeda dalka Ghana ee ciyaara kulanka El Clasico ayaa yiri: “Sir ma ahan in Jose Mourinho uu baahi u qabay xirfadeyda tan iyo markii aan imid England.

Essien oo Champions League sanadii hore kula soo guuleysatay kooxda Chelsea ayaana rajo ka qaba inuu Madrid ka caawiyo keedii 10-aad: “Waxay wax fiican oo taariikh leh u noqon laheyd kooxda iyo magaaladaba, anigana sidoo kale waxay ii noqon laheyd wax fiican gaar ahaan xirfadeyda kubada cagta hadii aan ku guuleysto laba Champions League oo isku xigta.”

Daafaca duula ee kooxda Real Madrid iyo xulka Brazil Marcelo ayaa garoomada sedax bilood ka maqnaan doona ka dib markii uu ku ciyaaray jab lugta hoosteeda ah, sida ay xaqiijiyeen xiriirika kubada cagta dalkiisa Brazil.

24 jirkaan ayaa dhaawac qabay intii uu tababarka qaadanaayey wuxuuna ka dhego adaygay tashiga qolyaha caafimaadka, taasoo loo sheegay inuusan ku ciyaari Karin dhaawaca.

Si kastaba, waxaa la xaqiijiyey inuu dhaawac kasoo gaaray rays ma gaartada lugtiisa midig, waxaana laga yaabaa inay u baahato qaliin.
“Waxaan soo laaban doonaa sida ugu dhaqsaha badan,” ayuu u sheegay saxaafada.

“Qorshe ahaan waa ka hor Confederations Cup 2013ka, waxaana rajo ka qabaa inaan qeyb ka ciyaaro.”
Kooxda Jose Mourinho ayey hada saameyn ku heysaa la’aanta daafac bidixeed iyadoo Fabio Coentrao laga saaray ciyaartii xulkiisa Portugal guul darradu kasoo gaartay Ruushka.

Inter Milan ayaa lasoo werinayaa inay qorsheyneyso inay dalab cusub bisha Janaayo u dirto daafaca dambe ee kooxda FC Porto Rolando.

Ciyaarayahanka heerka caalami ee dalka Portugal ayaa lala xiriirinaayey inu xagaagii tegay u baqoolayo Serie A, markaasoo ay hardan ugu jireen Inter iyo Juventus.

Rolando Jorge Pires da Fonseca ayaa maxadiisa kooxda Porto dul dhigtay aduun lacageed gaaraya 15 milyan oo euro, kaasoo baadi goob loogu jiray bilihii tegay.

Nerazzurri ayaa rajo ka qabta inay 27 jirkaan bisha Janaayo marka uu suuqu furmo ay kusoo xero gashato 10 milyan oo euro.

Ciyaaryahanka qadka dhexe ee kooxda AC Milan Riccardo Montolivo ayaa ka dhawaajiyey inuusan ka shalaaynin inuu ku biiro kooxda Milan, isagoona difaacay qaabciyaareedkiisa xulka Italy ee kulankii Almenia.

Mishiinkaan haga qadka dhexe ayaa si xor ah uga soo tegay kooxda Fiorentina wuxuuna ku biiray Rossoneri, oo hada horyaalka Italian Serie A kaga jirta booska 11-aad

“Waa sax inay Milan ku jirto waqti adag, laakiin kama aana shalaayn wax quseeya go’aankaan,” ayuu yiri Montolivo.

“Dhan ahaan tani waa marxalad gooni ah, Milan weli waa kooxda ugu koobabka badan caalamka.

“Markii aan kasoo tegay Fiorentina waxaan doonayey meel aan mustaqbalkeyga kusoo afjaro. Milan ayaana ah meesha fikrad ahaan I gelisay kalsoonida. Sida ugu dhaqsaha badan ayaana kusoo kabsan doonaa.”

Halyeeyga kubada cagta Zinedine Zidane ayaa daaha ka qaaday inuu maalin uun macalin u noqon doono xulka France.

40 jirkaan ayaa xulkiisa lagu niinaaso Les Bleus ku hugaamiyey koobkii aduunka ee 1998dii iyo koobkii Qaramada Qaarada Yurub ee 2000, ka hor inta uusan Koobkii aduunka ee 2006dii kabtanku u weyn xulka Italy, wuxuuna talaabo u jiraa inuu noqdo macalin buuxa.

“Waxaan ku baasi doonaa shahaadadeyda tababare ee mahadka kubada cagta France,” ayuu Zidane u sheegay wargeyska L’Equipe.

Zizou ayaa la weydiiyey hadii uu doonayo inuu macalin u noqdo xulkiisii hore ee France wuxuuna ku jawaab celiyey:

“Maxaa ii diidaya, maalin uun xulka macalin waa u noqon doonaa.”

Kooxo hubaysan ayaa  haweenay Ganacsata ah waxaa ay ku dileen gurigeeda oo ku yaala Xaafada suuqa Xoolaha ee degmada heliwaa.

Dilka Haweenaydan ayaa yimid markii Wiilal bistoolada ku hubaysan ay ugu galeen gurigeeda oo Xaafada Cali Turcaaye ku yaala.

Haweenaydan  la dilay ayaa waxaa la sheegay inay ahayd ganacsato oo waxaa ay ka ganacsan jirtay Shidaalka iyadoo fariisin jirtay Black Sea.

Sabata loo dilay haweenaydan ganacsatada ah lama oga balse dad  ay aad isugu fiicnaayeen ayaa sheegaya in loo malaynayo sababta loo dilay inay tahay Arimo la xiriira shidaalka gawaarida dowlada ay ka iibiso.

Laakiin Waxaa Ceeb iyo Waji Xumi ay ku tilmaameen shacabka Muqdisho in dadka rayidka ah guryahooda lagu dilo dowladana ay fadhiso.

Baarlamanka Somalia ayaa maanta ku shiray magaalada Muqdisho ee caasimada Somalia, waxaana ay kullankooda kaga hadleen waxyaabo badan oo dalka quseeya.

Waxaa ugu weynaa inay ra’iisul wasaaraha ka codsadeen inuu laba maalmood gudahood ku hor yimaado baarlamanka.

Waxaan halkan idin kugu soo gudbineynaa hadalkii guddoomiyaha Baarlamanka Maxamed Cismaan Jawaari uu halkaasi ka jeediyay.

Hadalka Jawaari

Taliyayaasha Ciidamada Dalka Somalia ayaa maanta hadallo ka jeediyay degmada Wanlaweyn ee gobolka Shabeelada Hoose.

Waxaan halkan idin kugu soo gudbineynaa codadka Hadallada  Abaandulaha Ciidamada xooga dalka Soomaaliyeed Gen. Dhago Nadan, Taliyaha Booliiska Soomaaliyeed Sheekhuna Maye iyo Agaasimaha hay’adda nabad sugidda qaranka Axmed Fiqi ay maanta ka jeediyeen Wanlaweyn sheegayna in ciidama ammanka sida nabad sugida iyo Booliska la geeyo Wanlaweyn iyo deganada Hoos Taga‏.

Halkaan ka dhagayso Hadallada Dhagobadan, Sheekuna Maye iyo Fiqi

Wasaarada Dekadaha iyo Gaadiidka Badda Puntland ayaa mudooyinkii ugu danbeysey ka wadey dekedda magaalada Bossaso mashaariic lagu balaarinayo oo qayb ka ah dadaalka dowladda Puntland ugu jirto sidii loo horumarin lahaa shaqada dekedda.

Agaasimaha guud ee wasarada Dekaddaha Puntland Cabdimajiid Samatar Jaafaan oo maanta 14 October,2012 warbaahinta kula hadlayay xarunta Dekadda  Bossaso ayaa ka war bixiyay qorshaha lagu balaarinayo dekada,wuxuna sheegay in la bur buriyay xarunta Necfish ee ku taalay dhabarka danbe ee dekada laguna daray Dekedda.

“Run ahaantii dhulkaan cusub ee lagu diray dekada ayaa waxa uu ka kooban yahay 120 miter iyo 113 ,waxaana dhul loogu tallo galay in la dhigo qalabka dekada la keenayo amase laga dhoofinayo qaarkood waxaa laga dhigayaa wadooyin laami ah iyo goobo wax lagu kaydiyo”.

Dhanka kale agaasimaha ayaa sheegay qarashka ku  baxaya dhismaha goobtani cusub uu yahay mid ka yimi dowlada iyo shacabka reer Puntland balse aysan jirin hayada ama urur ka caawiyay dhaqaalaha lagu dhisayo.

Dekdda Bossaso ayuu tilmaamey agaasimuhu inay tahay haatan mid mashquulkeedu badanyahay maadaama lagu jiro xligii Xajka oo xoolo badan la dhoofinayo.

Ugu danbayntii Agaasimaha guud ee wasaarada Dekaddaha iyo Gaadiidka BaddaPuntland ayaa ku tilmaamay dhisada Dekedda inay tahay mid wax wayn ka badali doonta dhanka horumarinta dhaqaalaha dalka.

Isha: Radio Garowe

Kulankii maanta Baarlamanka Soomaaliya ay ku yeesheen Magaalada Muqdisho ayaa waxaa ay barlamanka ku jeex jeexeen Arimo badan oo ay ku jirtay Codsi Ra’iisul Wasaaraha loo jeediyay.

Kulan ay maanta  ay ku yeesheen Barlamanka xaruntooda Magaalada Muqdisho waxaa ay  uga hadleen Arimo dhowr ah waxaana ka mid ahaa Codsi ay u jeediyeen madaxweynaha jamhuuriyada Soomaaliya  kaas oo ah in uu  Maalmood Gudahood baarlamaanka ku Hor keeno  R/wasaaraha Cusub ee uu dhawaan Magacaabay.

Proff Jawaari oo ah Gudoomiyaha baarlamaanka Soomaaliya  oo ka hor hadlayay Baarlamanka ayaa sheegay in ay ka dalbanayaan M/weynaha in uu barlamaanka horkeeno Cabdi faarax shirdoon si Cod loogu qaado iyadoona la arkayay Xildhibaanada qaar oo uu ka dhex taaagnaa  Khilaaf la xiriira qaabka loo Marayo Ansixinta R/wasaaraha iyo waxa uu dastuurku ka qabo.

Baarlamanka ayaa sheegay inay Awood u leeyihiin in mudo kooban Ra’iisul Wasaaraha uu ku horyimaado baarlamanka.

Robinho ayaa afkiisa furtay iyadoo Milan ay guul darro kasoo gaartay kulankii Derby De Mondalino, wuxuuna ku hadaaqay in kooxdiisu hadiis aysan is dhigana y ku guuleysan karto Scudatto.

Rossoneri ayaa fadhisa booska 11aad ka dib todobo kulan ay ciyaartay Serie A waxayna guul darro 1-0 ah dhowaan kasoo gaartay 10 ciyaaryahan oo Inter Milan ah.

“Waxaad iigu yeeri kartaa Waalanoow, laakiin fakir ahaanteyda waxaan u maleynayaa in Milan ay ku guuleysan karto Scudatto,” ayuu Robinho u sheegay La Gazzetta dello Sport.

Milan ayaa ku dhibatooneysay guul darrooyin iyadoo hada ayba qarka u saaran yihiin inay iska ceyriyaan tababarahooda Allegri.

Daafaca kooxda Chelsea iyo xulka England Gary Cahill ayaa rumeysan inuu bedeli karo booska uu xulkiisa ka baneeyey ciyaaryahanka ay isku kooxda yihiin ee John Terry.

Daafaca halbowlaha dhexe ayaa ku bilowday kulankii uu xulkiisa ka hortegay xulka San Marino tan iyo markii uu Terry ka fariistay ciyaaraha caalamiga ah ee xulkiisa Three Lions.

Cahill oo 26 jir ah ayaa in badan  Terry kala soo ciyaaray Chelsea.

Difaaca kooxda Blues ayaana yiri: “Had iyo jeer wuxuu I dhiiri gelin jiray waxaana rajeynayaa inuu wax fiican ii rajeynaayo.”

Kulankii ay Jimcada 5-0 England kaga talaabsatay San Marino ayuu Cahill soo bandhigay awoodiisa daafac.

Tababaraha Ingiriiska Roy Hodgson ayaa daaha ka qaaday in weeraryahanka Manchester United Weyne Rooney uu Kabtanimada Xulka England kala wareegi doono Steven Gerrard qadka dhexe ee Liverpool marka iska siibo kobihiisa uu ku ciyaaro kubada cagta heerka caalami.

Iyadoo uu Gerrard ganaax ku maqnaa, 26 jirkaan ayaa kabtan u ahaa xulka Hodgson markiisii ugu horeysay  wuxuuna ku hugaamiyey inay guul 5-0 ah ka gaaraan xulka San Marino isreeb-reebka koobka aduunka ee 2014ka. Wuxuuna Rooneyn ciyaartii Wembley dhaliyey laba gool.

Wuxuuna tababaraha xulka England maanka ku hayaa inuu Weyne u dhiibo kabtanimada marka uu Gerrard ka fariisto xulka, inkastoo uu xulka ku jiro qabiirka qadka dhexe ee Chelsea James Frank Lampard.

Mar la weydiiyey hadii uu Rooney noqonaayo kabtaka mustaqbalka England, Hodgson ayaa ku jawaabay: “Haa. Waa wax uu aad ugu fiican yahay waana wax uu doonayo inuu sameeyo. Wuxuu ugu ciyaaray xulka si aan la maleyn Karin waana wax noo fiican inaga.”

Xidiga kooxda Barcelona Xavi ayaa ka hadlay is bar dhig lagu sameeyo macalinka haatan ee Barca Tito Vilanova iyo ninkii isaga ka horeeyey ee Pep Guardiola. Wuxuuna qirtay inuu faqri u dhexeeyo.

32 jirkaan ayaana sidoo kale amaan kala dul dhacay ninka ay isku kooxda yihiin ee Lionel Messi, wuxuuna xidiga Argentina ku sheegay ciyaaryahankii abid ugu wanaagsanaa kubada cagta. Halka uu sheegay inuu ka wanaagsan yahay Cristiano Ronaldo.

“Pep iyo Tito, waxaa u dhexeeya farqi xoogaa ah taatik ahaan, inta badan waa isku mid. Guardiola wuxuu inta badan awooda saaraa ku celcelinta Paraatikada, halka uu Vilanova uu waxoogaa aado xaga orodka,” ayuu yiri xidiga heerka caalami ee dalka Spain mar uu wareysi siinaayey Radio Catalunya.

Xavi ayaa sidoo kale qorshihiisa amaanta huwiyey Lionel Messi wuxuuna 25 jirkaan ku sheegay xidigii ugu wanaagsanaa taariikhda kubada cagta.

“Marka lagu jiro qolka lebiska, Leo Messi laga yaabee inuu ka mid yahay dadka ugu xasilan. Waa qof aan caadi aheyn. Aniga ahaan waa ii NO’ 1, waa ciyaaryahankii ugu wanaagsanaa abid, wuuna ka yaabiyey dadka oo idil. Aad ayuu u wanaagsan yahay, wuxuuna ciyaarta muhim u yahay in ka badan  inta uu muhim u yahay Cristiano.

Mario Balotelli ayey u sheegtay kooxdiisa Manchester City inuusan aheyn heerkii ay ka donayeen.

Xidiga u dhashay dalka Italy oo ay waayadaan yareyd saameyn tiisa Garoonka ayaa lasoo werinayaa in loo sheegay inay heysato dhibaato dhanka maskaxda ah.

Sunday Mirror Sport ayaa laga soo xigtay isbuucii tegay in City ay diyaar u tahay inay beec geyso weeraryahankeeda ay laba sano ka hor kusoo iibsatay 24ta milyan ee ginni.

Mid ka mid ah madaxda City ayaa laga soo xigtay: “Waxaan u maleynayaa inay muhim tahay inuu sameeyo tusaale fiican.

“Waxaan u maleynayaa, inaan ognahay qofka aan ka hadalno kaasoo dadku ay arkaan inuusan qaab ahaan kasoo bixin qiimihiisii.”

Xog ay heshay Caasimada Online ayaa sheegeysay in guddoomiyihii hore ee gobolka Banaadir Maxamed Cumar Xabeeb “Maxamed Dheere”, uu wado qorshe uu dib ugu soo laabanayo jagadaas.

Maxamed Dheere ayaa xalay kullan qaatay dhowr saacadood magaalada Muqdisho kula yeeshay ra’iisul wasaaraha la magaacabay ee Somalia Cabdulqadir Farax Shirdoon “Saacid”.

Maxamed Dheere ayaa la sheegay inuu ka faa’iideysanayo saaxiibtinimo hore oo ka dhaxeysay isaga iyo Saacid, xilligii dowladdii Maxamed Siyaad Barre, si uu xilkan u helo.

Illaa iyo hadda ma cadda nooca go’aan ee uu Mr. Saacid siiyay saaxiibkiisa waayo waayo ee Maxamed Dheere, oo isaga iyo beesha uu kasoo jeedo ee Warsangeli Abagaal ay dadaal xoogan ugu jiraan inay gacanta ku dhagaan maamulka gobolka Banaadir, oo muddo ku dhow 5 sano gacantooda ka maqneyd, tan iyo markii maxamed Dheere laga qaaday.

Sida aan xogta ku heyno kadib markii beesha Warsangali oo waysay gacan ku haynta muddada dheer ee ukeed qaabka dhaxalka Boqortooyo ee dekadda Muqdisho oo Beesha Absuge Waceysle ay hadda maareeye ka tahay, ayaa waxay doonayaan inay u weecdaan Maamulka gobolka Banaadir.

Waxaa sidoo kale dadaalkan dhinac kale ka wada ganacsade Cabdulqaadir Cosoble Cali oo ka mid ahaa musharaxiintii ku tanaasualy wareegii labaad ee doorashshada isaga oo taageeraya Xasan Sheikh.

Cosoble ayaa ballan qaad ka heystay Xasan Sheikh, laakiin ma caddeyn nooca jagada la siin lahaa, waxaana iminka uu orod ugu jiraa in qof isaga uu wato laga dhigo guddoomiyaha gobolka Banaadir.

Ganacsade Cosoble ayaa sidoo kale arrintaas kala hadlay ra’iisul wasaaraha la magacaabay ee Somalia, oo habeen hore uu la kulmay.

Cosoble ayaan isaga sharci ahaan qaban karin jagada guddoomiyaha baarlamanka Somalia, sababtoo ah waa xildhiban ka tirsan baarlamanka, sidaa darteedna waxa uu u doonayaa aqoon yahan ay ehel dhow yihiin inuu booskaas u galo.

Sharciga cusub ee Somalia ayaa u diidaya xildhibaanada inay laba jago isku qabtaan, waana taas sababta iminka uu cadaadis u saaran yahay Tarsan, si uu labada jago mid u doorto maadaama uu sidoo kale yahay xildhibaan.

Sida wararka sheegayaan Tarsan ayaa dooran doona inuu sii ahaado xildhibaan, maadaama ay caddahay in weji cusub loo doonayo guddoomiyaha iyo duqa magaalada Muqdisho.

Dhinaca kale Beesha Mataan Cabdulle, oo ah beesha koowaad ee deegaan lagu tiriyo magaalada Muqdisho, ayaa iyana sidoo kale orod ugu jirta sidii ay u heli lahayd xilkaas, oo inta badan ayada la siin jiray taariikh ahaan.

Aqoon yahanno badan oo beesha ka tirsan kana tagay qurbaha iyo gudaha dalka ayaa cadaadis saaraya madaxweynaha sidii uu xilkaas ugu magacaabi lahaa.

Waxaa horey u jirtay ballan qaad uu Xasan Sheikh u fidiyay beel weynta Wacbuudhan Abgaal, oo beesha Mataan ay u tahay laf dhabar, inuu siin doono jagadaas, markii uu tartanka doorashada galayay, hase yeeshee lama yaqaan inXasan Sheikh uu oofin doono ballan qaadkaas iyo in kale.

Manchester United ayaa dooneysa in si la yaab leh ay kabtankooda Nemanja Vidic lacag sare uga iibiso kooxda aadka u xiiseyneysa ee Anzhi Makhachkala, sida ay ogaatay shabakada Goal.com.

Kooxda Old Trafford ayaa aragta inay 30 jirkaan ku lumen karto 41 milyan oo euro oo ay ku dooneyso kooxda ka dhisan dalka Ruushka, daafaca reer Serbia ayey hareeyeen dhaawacyo is daba joog ah ka dib markii uu garoomada ka maqnaa 12 bilood hadana uu qaliin ku maqan yahay.

Anzhi, ayaa dooneysa inay soo aruursato ciyaaryahano magic ku leh kubada cagta iyadoo ay kooxdaani heysato lacago fara badan oo ay suuqa geliyaan. Vidic ayaana laga yabaa inuu mushaar fara badan ugu baqoolo Dalka Ruushka.

Halyeygii hore ee kooxda Juventus hadana u ciyaara kooxda Sydney FC Alessandro Del Piero ayaa ka dhawaajiyey inuu jeclaan lahaa inuu mar uun la ciyaaro halyeeyga dalka Brazil Ronaldo inta lagu jiray xirfadiisa ciyaareed.

37 jirkaan ayaa xilli ciyaareedkii hore soo afjaray 19 sano oo uu ku sugnaa Turin, wuxuuna sidoo kale daaha ka qaaday mar wax laga weydiiyey ciyaaryahanka uu u xiisay inuu ka hor yimaado inuu jeclaan lahaa ninkii Ballon d’Or ku guuleystay 1996dii.

“Hada dhamaantood ma ahan. Mana ka shalaynaayo. Mar walba oo guul darro ah. Sida Finaladii Champions League taasoo si qaldan wax u dheceen. Ama Koobkii Qaramada Yurub ee 2000. waxaanse u xiisay ninkii 1996dii ku guuleystay Ballon D’Or.” Ayuu Alex u sheegay Gazzetta dello Sport.

“Waxaan ka hor imid 20 sano oo kubada cagta ah. Wax la yaab leh ayey noqon laheyd inay mar kale dhacdo inaan la ciyaaro Ronaldo.”