Sanad kadib heshiiskii dhexmaray DF iyo Somaliland (Maxaa u qabsoomay?)

By Asad Cabdullahi Mataan

Hargeysa (Caasimada Online) – Hal sanno ayaa laga joogaa markii dowladda Soomaaliya iyo maamulka Somaliland ay heshiis ku gaareen magaalada Istanbul ee dalka Turkiga.

Labada dhinac ayaa ugu yaraan shan jeer kulmay tan iyo markii uu billowday xiriirkooda, waxaana ay ku kulmeen Britain, Dubai iyo Turkiga oo seddax jeer martigalisay kulamadaas.

Wax yaabaha lagu heshiiyay waxaa ka mid ahaa bishii July sannadkii hore in heshiis laga gaaro maamulka hawada Soomaaliya oo hadda laga maamulo magaalada Nairobi.

Waxaa kaloo ay ku heshiisyeen in la sameeyo qariirad lagu socod siin karo wadahallada u dhexeeya labada dhinac

Iyo sidda laga yeelayo mowqifyada ay kala taagan yihiin labada dhinac.

Waxaa heshiisyadaas dhinaca Soomaaliya u saxiixay wasiirkii hore ee ammaanka Cabdikariin Xuseen Guuleed halka dhinaca Somaliland uu u saxiixay wasiirkii hore ee arrimaha dibedda Maxamed Cabdullaahu Cumar.

Haddaba maxaa u qabsoomay muddadaas labada dhinac?

Wasiirka arrimaha dibedda maamulka Somaliland Maxamed Biixi Yoonis oo kulankii ugu dambeeyay u matalayay Somaliland ayaa sheegay in heshiisyadii lakala gaaray ay ka socon la’yihiin dowladda Soomaaliya oo ku eedeeyay in ay wado qorshayaal gaar ah.

som4

Dhinaca dowladda Soomaaliya waa la waayay cid ka jawaabta eedeenta uga timid maamulka Somaliland.

Si kastaba, dadka indho-indheeya arrimahan ayaa sheegaya in labada dhinac aaney daacad ka ahayn in laga heshiiyo qoddobada lagu raacay.

Waxaana ay lee yihiin waa labo sabab mida hore waa in wadahadallada aaney ka iman Soomaalida halka mida kale ay tahay in labada dhinac uusan ka muuqan biseel siyaasadeed oo ay ku hadlaan.

Caasimada Online

Xafiiska Wararka Hargeysa

Caasimada@live.com