Garowe (Caasimada Online) – Kulan gaar ah oo u dhaxeeya madaxweynihii hore ee Puntland C/raxmaan Maxamed Faroole iyo ra’iisul wasaaraha Soomaaliya ayaa ka dhacay magaalada Garowe ee maamulka Puntland.
Cumar C/rashiid ayaa doonaya in siyaasiyiinta ka soo jeeda Puntland uu ka dhaadhiciyo qaadashada nidaamka 4.5 oo hore ay u wada mucaaradeen, waxaana uu ka bilaabay kulamo uu la qaday C/raxmaan Faroole.
Xogta aan heleyno waxay sheegeeysaa in Faroole iyo Cumar C.rashiid ay ka wada shirayaan sidii Faroole u aqbali lahaa go’aanka dowlada Soomaaliya, maadaama C.welli Gaas culees ka saaran yahay siyaasiyiin uu Faroole kamid yahay.
Ra’iisul wasaaraha Soomaaliya ayaa u tagay magaalada Garowe sidii uu ugu qancin lahaa madaxda Puntland qaadashada go’aankii ay wada gaareen madaxda dowlada Soomaaliya iyo maamul goboleedyada qaar.
Madaxweyne Faroole wuxuu horey u diidey soo jeedintii Beesha Caalamka, Dawladda Faderaalka iyo Daneeyaasha Siyaasada oo ahayd in lagu laabto Nidaamka 4.5, wuxuuna cadeeyey in aysan Soomaaliya u baahneyn nidaamkan.
Lama oga waxyaabaha kasoo bixi kara kulanka u dhaxeeya madaxweynihii hore ee Puntland iyo ra’iisul wasaaraha dalka.
Caasimada Online
Xafiiska Puntland
[email protected]