XOG: Beesha Xawaadle oo dacwad ka gudbisay DF & ra’iisul wasaare C/Weli

By Asad Cabdullahi Mataan

Muqdisho (Caasimada Online) – War lagu kalsoon yahay oo aan ka heleyno xubno ka tirsan Beesha Xawaadle, ayaa sheegaya in Odayaasha iyo Siyaasiyiinta Beeshasi kasoo jeeda ay warqado dacwo ah u gudbiyeen Dowlada Ethiopia.

Xogta ayaa sheegeysa in warqadahaasi ay ahaayen kuwa ku qornaa dacwado ka dhan ah Ra’isulwasaaraha Dalka C/weli Sheekh Axmed, waxaana la Tilmaamayaa inay ku qornaayen qodobo ay kamid ahaayen:-

1 – In Ra’isulwasaaraha dalka uu duudsaday kaalinta Beesha ay ku dhex laheyd beelaha Hawiye.

2 – In caqabad uu ku yahay jiritaanka Beesha.

3 – In xili waliba uu saaxiib u noqday inuu laado ama is hortaago danaha Beesha.

4 – I n si kam ah uu xilka uga qaaday Sambaloolshe oo ahaa Aggaasimaha Hay’adda Nabadsugida.

5 – In beeshu ay dowlada Ethiopia ka codsaneyso in laga dulqaado culeyska ka heysta dhanka Ra’isulwasaaraha dalka C/weli Sheekh Axmed.

Dhanka kale, Warqadaani ayaa ka danbeysay xil ka qaadista Aggaasimaha Nabadsugida iyo Sirdoonka Qaranka, waxa ayna Beeshu ku adkeysaneysaa in DFS ay dayacday kaalinta Beesha.

Warqadaani ayaa waxaa la gudbiyay sida ay xogtu sheegeyso Shan maalin kahor, mana jirto wax Jawaab ah oo kasoo baxay ilaa iyo hadda.

Caasimada Online

Xafiiska Muqdisho

Caasimada@live.com