Muqdisho (Caasimada Online)-Ra’iisul Wasaaraha Xukuumadda Federaalka Soomaaliya Mudane Xasan Cali Kheyre ayaa munaasabada 1da May, 2017 oo ah maalinta shaqaalaha Adduunka ugu hambalyeeyey dhammaan shaqaalaha Soomaaliyeed.

“Waxaan hambalyo ku aadan maalinta shaqaalaha adduunka u dirayaa dhamaan shaqaalaha Soomaaliyeed ee udub-dhexaadka u ah dhaqaalaha iyo horumarka dalka guud ahaan” ayuu yiri Ra’iisul Wasaarahu.

Ra’iisul Wasaaraha ayaa iftiimiyey qiimaha weyn ee ay ummadda u leedahay shaqada iyo wax soo saarka shaqaalaha, dawladuna ay ahmiyad siinayso in munaasadaan shaqaalaha Soomaaliyeed ay ku xusaan dabaal dagyo ka turjumaya dareenkooda si ay u muujiyaan muhiimadda shaqada iyo shaqaalaha.

“Shaqadu waa nolosha iyo sumacada qofka, waa furaha hurumarka bani’aadamka. Bulsho kasta sida ay uga shaqo badan tahay tan kale ayay uga horeysaa, taas waa xaqiiqo ka jirta caalamka oo dhan. Hadii aaney shaqo jirin horumar iyo mustaqbal ma jiri karo” ayuu yiri Ra’iisul Wasaare Kheyre.

Ra’iisul Wasaaraha ayaa ka hadlay dadaalka Dawladda Soomaaliyeed ugu jirto inay abuurto shaqooyin, iyadoo laga faa’idaysanayo xoogga shaqaalaha ee diyaarka ah. Waxaana uu tilmaamay baahida loo qabo aqoonyahanka iyo xirfadleyaasha Soomaaliyeed. Isagoo ummadda ku baraarujiyay inay sameeyaan aqoon kororsi ayna bartaan xirfadaha shaqo ee xiligan loo baahan yahay.

DHAMAAD

Wararka cayaaraha kala soco WWW.GOOL.NET 

Muqdisho (Caasimada Online)-Qoraal uu soo saaray Garyaqaanka Guud ee Dowladda Dr Cusmaan Cilmi Guuleed ayaa waxaa looga hadlay Xad gudub la sheegay in Ra’isul wasaraha Qaranka Xasan Kheyre ku hayo miisaaniyada DF.

Garyaqaanka Guud ee Dowladda Dr Cusmaan Cilmi Guuleed, ayaa sheegay in Ra’isul wasaaraha Qaranka uu faraha kul jiro howl aan isaga khuseyn isla markaana uu hadda yahay mid wax ka maamulo Miisaaniyadda dowladda.

Garyaqaanka Guud, ayaa sheegay in arrin khaldan ay tahay in Ra’isul wasaaraha uu si toosa usoo faragaliyo howlaha miisaaniyda waxa uuna talaabadaasi ku sheegay mid aan sharci aheyn.

Warqad uu u diray Xafiiska Ra’isul wasaaraha ayuu ku qeexay habka loo maamulo miisaaniyadda ama bixinteeda taa oo uu ku tilmaamay inay mareyso saddex xafiis oo kala wasaaradda Maaliyadda, Waaxda Miisaaniyadda, Xisaabiyaha Guud iyo Hanti dhowrka Guud.

Waxa uu sheegay in wixii intaas dhaafsiisan ay tahay sharci darro inay maamulaan, waxa uuna ka dalbaday in howlaha miisaaniyada looga danbeeyo qeybaha ay khuseyso.

Garyaqaanka Guud ee Dowladda Dr Cusmaan Cilmi Guuleed, ayaa Ra’isul wasaaraha dalka ugu baaqay inuu u madax banaaneeyo shaqada ay u xil saaran yihiin hey’adaha kala duwan ee dowladda, kuna ekaado inuu kula xisaabtamo gudasha waajibaadkooda, si waafaqsan sharciga.

Sidoo kale, Garyaqaanka Guud ee Dowladda Dr Cusmaan Cilmi Guuleed ayaa tilmaamay in Musuqa uu ka bilowdo kuna dhammaado faragalin lagu sameeyo nidaamyada jira oo ay dowladu ku shaqeyso.

Waxa uu sheegay in faragalinta ay tahay nooc kamid ah noocyada Musuq-maasuq aan sharciga waafaqsaneyn.

Geesta kale, Garyqaanka Guud ayaa ugu baaqay Guddoonka Baarlamaanka in la hubiyo laguna kor-joogteeyo ku dhaqanka sharciga hey’adaha dowladda, si loo ilaaliyo sharciga iyo danta guud ee dowladda.

Jowhar (Caasimada Online)-Waxaa labadii maalin ee ugu danbeysay kulan uga socday magaalada Jowhar Xildhibaanada baarlamaanka Hirshabeelle kaa oo go’aan looga gaaraayay in baarlamaanka uu sii wato howshiisa iyo in kale.

Xildhibaanada baarlamaanka ayaa dood dheer ka yeeshay sii wadashada howlahooda waxa ayna isku raaceen in baarlamaanka uu sii shaqeeyo muddo bil ah.

Xildhibaanada qaar oo ka hadlay kalfadhiga ayaa soo jeediyay inay muhiim tahay in baarlamaanka uusii guto howlaha horyal, waxa ayna Guddoonka xasuusiyeen in baarlamaanka uu horyaal howlo badan oo qabasho u baahan.

Dood dheer kadib guddoomiyaha baarlamaanka Hirshabeelle Shiikh Cismaan Barre Maxamed ayaa shaaciyay in baarlamaanka uu sii shaqeyn doono.

70 xildhibaan ayaa isku raacay in baarlamaanka uu sii shaqeeyo, halka 9 xildhibaan ay u codeeyeen in baarlamaanka la xiro.

Sidoo kale, dooda dheer kadib Xildhibaanada baarlamaanka Hirshabeele ayaa isla kalfadhiga ku ansixiyay guddiyada baarlamaanka Hirshabeelle kuwaasoo ka kooban 12 guddi oo kala ah:

Liiska gudiyada , gudoomiyayaasha iyo Xoghaynta                                                 

Caasimada Online
Xafiiska Jowhar
[email protected]

Muqdisho (Caasimada Online)-Wasiirka Boostada, Isgaarsiinta & Teknolojiyada, Mudane Eng. Cabdi Cashur Xasan, ayaa sheegay inay muhiim tahay in farsamada casriga ah loo adeegsado arrimaha la xiriira maamulka maaliyadda iyo qandaraasyada ee dowladda, taasoo qeyb ka noqon doonta dadaalka ay Xukuumaddu ugu jirto la-dagaallanka musuqmaasuqa iyo dhiirri-gelinta maamul-wanaagga.

Wasiirka ayaa hadalkan ka sheegay xiritaanka tababar 4 maalmood socday oo loo qabtay shaqaalaha Wasaaradda, oo ku saabsanaa arrimaha maaliyadda iyo maareynta qandaraasyada, kaasi oo ay soo qabanqaabisay Wasaaradda, qaybta Taakuleynta Isgaarsiinta (ICT).

Wuxuu wasiirku kula dardaarmay ka-qeybgalayaashii tababarka inay fuliyaan waxyaabihii ay ka barteen tababarkan, si hantida qaranka aan loo dayicin, iyadoo loo adeegsanayo sida ugu habboon ee ay ku jirto danta ummadda.

Wuxuu wasiirku xusay in nidaamka qandaraasyada oo kharribma uu horseedi karo inaan laga faa’iideysan mashaariicda horumarineed,isla markaana uu kor u kacaya qiimaha mashaariicda horumarineed, taasoo ugu dambeynta dhaawaceysa horumarka dhaqaale ee dalka.

Wasiirka oo hoos ka xarriiqayay baahida loo qabo in la kobciyo awoodda shaqaalaha ee dhinaca teknolojiyada, ayaa sheegay in Wasaaraddani kaalin hormuud ah ka qaadan doono sidii shaqaalaha dawladda ee ka shaqeeya dhinacyada maaliyadda ay u noqon lahaayeen kuwo aqoon u leh oo ku shaqeyn kara farsamada carsiga, si ay ula jaan-qaadi karaan habka maamulka casriga ah.

“Dhibaatadu waxay mar kastaba ka timaaddaa dhanka fulinta. Waa inaad hubisaan in wixii aad barateen loo fuliyo sida ay tahay” ayuu yiri wasiirka oo la hadlayay ka-qeybgalayaasha.

Ugu dambeyntii wuxuu wasiirku qeybiyay shahaadooyinkii loogu talo galay ka-soo-qeybgalayaasha isagoo balanqaadey in wasaaraddu xoogga saarto tababarada noocan oo kale ah.

Xafiiska Warbaahinta & Xiriirka Dadweynaha

Muqdisho (Caasimada Online) – Sabtidii shalay aheyd waxaa la xiray kalfadhiga 1aad ee baarlamaanka 10aad, kalfadhigan inta uu socday  xildhibaannada golaha shacabka waxaa ay qabteen shaqo ka yar shaqadii la qabtay kalfadhigii 1aad ee baarlamaanka 9aad.

Golaha shacabka baarlamaanka 10aad kalfadhigiisa 1aad ma sameyn xeer hoosaad cusub ama xitaa kii jiray waxba laguma darin, ma jirin qodobo dastuurka ah oo uu toosiyay ama laalay, Ma ansixin hindise sharciyeed, Ma jirin wufuud caalami ah uu la kulmay iyo booqashooyin heer caalami ah oo loogu yimid.

Sida ka duwan sidaasi aan soo sheegnay kalfadhigii 1aad ee baarlamaankii 9aad, waxaa la toosiyay ama la laaley qodobo dastuurka ka tirsan, waxaa ay la kulmeen Cathrine Ashton iyo mas’uuliyiin ka socday deeq bixiyeyaasha, UNDP, Sweden, Norway, Finland, Inter Peace iyo wadamo kale.

Intii kalfadhiga 1aad ee baarlamaankii 9aad uu socday waxaa ay xildhibaannada xaruntooda  kula kulmay gudoomiyaha baarlamaanka Jabuuti iyo wasiirka arimaha dibadda ee Turkiga oo hadal ka jeediyay Golaha Shacabka.

Hadaba, inta aanan u guda gelin waxyaabaha laga gaabiyay kalfadhiga 1aad ee baarlamaanka 10aad bal aan fiirinno waxyaabaha ay ka sinnaayeen labada kalfadhi.

Waxyaabaha Ay Ka Siman Yihiin Kalfadhiyada 1aad Ee Baarlamaannada 9aad iyo 10aad:

Munaasabado:

1. Dhaarinta Xubnaha Golaha Shacabka.
2. Magacaabidda Guddiga Doorashada Guddoonka Baarlamaanka.
3. Doorashada Gudoonka Golaha Shacabka.
4. Dhisidda Gudiga doorashada Madaxweynaha J.F Soomaaliya.
5. Doorashada Madaxweynaha J. F Soomaaliya
6. Dhaarinta Madaxweynaha J.F Soomaaliya.
7. Dhaarinta Ra’isul Wasaaraha Xukuumada Federaalka.
8. Dhaarinta Ra’isul wasaare ku xigeen-ka
9. Qeybinta Xeer hoosaadka iyo Ansixinta Xeer Hoosaadka
10. Dhaarinta Golaha Wasiirada ee Xukuumadda J.F.S
11. Dhaarinta W/Ku xigeenada iyo Wasiiru dawlayaasha.

Shaqada U Gaar Ah Baarlamaanka 10aad:

1. Miisaaniyadda 3 bil
2. Qeybinta guddiyada golaha
3. Arrimaha abaaraha
4. Doorashada Gudoomiyaha, G/ku xigeenada iyo Xo-hayaasha guddoonka Baarlamaanka.

Mooshinnada Baarlamaanka 10aad:

1. Moohin Laga keenay Saldhigga Imaaraadka ee Bebera,
2. Mooshinka wax ka badalka xukuumadda Khayre,
3. Mooshin kalsooni siin ah xukuumadda Khayre
4. Moosinka guddiga difaaca golaha ee ka dhanka ahaa dhismaha ciidanka xoogga dalka
5. Mooshin wax ka badal qodobka 133(2) ee dastuurka KM ah ee Soomalaiya
6. Ilaainta awoodaha dastuuriga ah

Warbixin Baarlamaanka 10aad:

1. Warbixinta guddiga abaaraha
2. Warbixinta guddiga difaaca
3. Warbixin guddiga maaliyadda
4. Qeybin sharciga buuxinta kursiga ka bannaadaada golaha shacabka
5. Warbixin doorashada guddoonka gudiyada golaha shacabka
6. Warbixin xaaladda abaaraha
7. Warbixin Xeer ilaaliyaha guud ee qaran ee Dacwada Badda Soomaaliya
8. Diyaarinta Booqasho deegaan

Qaraar Baarlamaanka 10aad:

1. Qorshaha Hirgelinta doorashooyinka qaran 2020
2. Qaraar ku saabsan dhismaha guddiga korjoogteynta gurmadka abaaraha
3. Qaraar ku saabsan guddiga deg-dega abaaraha
4. Qabinta qaraar ku saabsan dhaarinta iyo deeqaha uu xaq u leeyahay madaxweyne Xasan Sheekh
5. Guddi loo saaray habraaca loo jaray gunnada xildhinaanada bisha Janaayo 2017-
6. Mudada xilheynta baarlmaanka 10aad
7. Wax ku kordhin qodobada xeer hoodaaka

Miisaaniyad Baarlamaanka 10aad:

Codsi Ansixinta Miisaaniyadda 2017

Ansixin Miisaaniyadda sadex bil

Ansixinta Baarlamaanka 10aad:

Sharciga soo buuxinta kursiga ka bannaada golaha shacabka

Intaasi waa shaqada golaha shacabka ee baarlamaanka 10aad ay ku qabteen kalfadhigooda 1aad, waa waxqabad aad uga yar marka la bar-bar dhigo shaqadii ay kalfadhiga 1aad ku qabteen baarlamaankii 9aad.

Kalfadhiga 1aad Ee Baarlamaanka 9aad:

Shaqada U Gaar Ah:

Toosinta qodobka 138aad ee dastuurka

Laalidda qodobka 67aad iyo 135aad ee dastuurka

Heer hoosaadka Golaha Shacabka

Soo jeedin Mooshin:

December 12, 2012: soo jeedin(Mooshin) in la hor keeno Golaha Shacabka 25ka xubnood ee Golaha Wasiirada Cusub.

Miisaaniyad:

October 10, 2012: Ogolaashaha Miisaaniyadda 3da bilood eek ala ah October, Nov, December.

November 25, 2012: Ka soo talo bixinta Miisaaniyadda Baarlamaanka.

La Kulmidda Wufuud Caalami ah iyo Hay’addo Caalami ah:

• Kulamada Caalamiga ah
• La kulanka deeq bixiyayaasha
• La kulanka Wasiirka Arrimaha Dibadda ee Midowga Yurub Cathrine Ashton.
• La kulanka xildhibaano ka socda dalka Finland.
• La kulanka Wasiirka Iskaashiga Caalamiga ah ee dalka Sweden.
• La kulanka UNDP Soomaaliya.
• La Kulanka Inter Peace Soomaaliya.
• La kulanka Wufuud ka socota dalka Norway.

Booqashooyin heer Caalami ah:

Booqashooyin:

December 12, 2012: Wafti uu hogaaminayo Gudoomiyaha Baarlamaanka Jabuuti iyo hadal jeedin uu ka jeediyay Golaha Shacabka.

December 14, 2012: Wasiirka arimaha dibadda ee Turkiga oo hadal ka jeediyay Golaha Shacabka.

Warbixino laga hor aqriyay Golaha Shacabka

• October 10, 2012: Warbixin ay soo jeediyeen oday dhaqameedyadii soo xulay xubnaha Golaha Shacabka.
• September 9, 2012: Warbixin Gudiga Talo Bixinta Xildhibaanada dhiman.
• September 9, 2012: Warbixin Guddiga Doorashada.
• November 3, 2012: Warbixinta Gudiga Talo soo jeedinta dib u eegista dib u eegista qodobada Dastuurka KMG ah.
• December 18, 2012: Warbixinta Wasiirka Maaliyadda.
• December 22, 2012: Warbixinta Guddiyada Golaha Shacabka.
• December 30, 2012: Warbixin Sanadeed Kal-fadhiga 1aad ee 2012-ka.

Ansixino:

• November 13, 2012: Ansixinta Xukuumadda Ra’isul Wasaare Saacid 219 Cod.
• December 3, 2012: Anisixinta Xeer Hoosaadka.
• December 26, 2012: Ka doodista iyo ansixinta Miisaaniyadda 2013.

Wararka cayaaraha kala soco WWW.GOOL.NET 

Muqdisho (caasimada Online)-Waxaa sii kordhaaya madaxda dalka ee Xogaha Qaranka la wadaaga dowladaha shisheeye kuwaa oo loo isticmaalo kala geynta Soomaalida, gaar ahaan dowlada iyo Shacabkeeda.

Madaxda ceynkaasi ah ayaa u badan Hogaamiyayaasha Maamul Goboleedyada dalka, waxaana xiga xubno ka kala tirsan labada Gole oo xiriir toosa la leh dowladaha Shisheeye sida Ethiopia, Kenya, Ugandha iyo Imaaraadka Carabta.

Hogaamiyayaasha Maamulada dalka ayaa ugu badan kuwa dowladaha Shisheeye la wadaaga Sirta Qaranka Somalia, waxaana dowladahaasi u badan Ethiopia iyo Kenya oo dhulal ka heysta Somalia, isla markaana musiibo u arka in Somalia ay kahana qaado halka ay iminka taagan tahay.

Marka la eego sharciyada adduunka waxaa mamnuuc ka ah in la doorto ama xil loo dhiibo shaqsi xiriir dhow la leh dowlado shisheeye, iyadoo shaqsiga noocaasi ah loo yaqaan Qaa’in Al-wadan.

Dowladaha qaar ayaa shaqsiyaadka noocaasi ah ka mamnuuca Safarada dibadda, halka qaarna ay ku ridaan Xukuno fog oo aan ka laabasho laheyn.

Hogaamiyayaasha iyo Xubno ah oo ka kala tirsan labada Gole ee dalka ayaa dowladahaasi Sirta Somalia la wadaaga xiliyada uu dhamaado shirarka ay ka qeybgalayaan ama xiliyada uu dalka ku jiro xaalad cakiran oo dhanka Siyaasada ah.

Nasiib darada ugu badan ee heysata Somalia ayaa ah in Siyaasiyiinta Soomaalida %60 ay yihiin kuwo si dhow ula shaqeeya dowladaha Shisheeye waxa ayna taa dhalisay in Somalia ay kusii jirto dhibaatada hadda heysata.

Dowladaha ugu badan ee ku fashilma Siyaasada iyo Amniga ayaa waxaa ku dhex jira Xubno la shaqeeya Shisheeyaha kuwaa oo sabab u noqda fashilka ku dhaca dowladahooda.

Dowlada Somalia ayaa waxaa la gudboon inay kala shaandheyso shaqsiyaadka noocaasi ah ee Sirta Somalia sida tooska ah ula wadaaga dowladaha Shisheeye, iyadoo la adeegsanaayo waxa uu sharciga Somalia ka qabo arrintaasi.

Wararka cayaaraha kala soco WWW.GOOL.NET 

Muqdisho (Caasimada Online) –  War goordhow soo baxay ayaa sheegaya in Maxkamadda Gobolka Banaadir ay soo saartay warqad lagu amraayo in lasoo qabto Agaasimihii hore Wasaaradda Warfaafinta ee shaqada laga joojiyay C/risaaq Cali Yuusuf Bahlaawi.

Warqada ayaa la sheegay in ciidamada lagu faray in Agaasimihii hore la horkeeno Maxkamada, waxaana ku wehliya mas’uul kale oo magaciisa lagu sheegay Xasan Samar Cali.

Warqada ayaa waxaa qabashada Bahlaawi lagu amray Taliyaha Qeybta guud ee Booliska Gobolka Banaadir.

Haddaba waxaa arrintaan haddana waraaq kasoo saaray Hanti Dhawraha Qaranka dowladda Soomaaliya Nuur Faarax Jimcaale kaasoo sheegay in Bahlaawi iyo agaasimayaashii kale ee xilka laga qaaday in la baaro musuq maasuqii lagu eedeeyey uu hor istaagay wasiirka Warfaafinta Eng. Yariisow kadib markii uu diiday inay xafiisyadooda tagaan si loo baaro waxa lagu eedeeyey.

wuxuu amray inay shaqadooda loo ogolaado si baaritaan loogu sameeyo, maadaama qof xafiiskiisa loo diiday aan baaritaan lagu sameyn karin, haddaba halkaan hoose ka aqriso waraaqda kasoo baxay Hanti Dhawraha Qaranka

Wararka cayaaraha kala soco WWW.GOOL.NET 

Bosaso (Caasimada Online)-Ciidamada amaanka Dekadda magaalada Bosaso ayaa gacanta ku dhigay Hub nooca fudud iyo Rasaas la doonaayay in si qarsoodi ah lagu galiyo gudaha magaalada.

Hubka iyo Rasaasta ayaa la sheegay in laga soo dhex saaray raashin iyo Baakado ay ku jireen timir, waxaana la qabtay xili ay ciidamadu ku guda jireen baritaanka bagaashka.

Sargaal ka tirsan Ciidamadda Turbataariyadda ee Dekadda ayaa sheegay in Hubka iyo Rasaasta ay aad u farabadan yihiin, waxa uuna intaa ku daray in gacanka lagu hayo ragii lahaa iyo kuwa waday.

Sargaalka waxa uu intaa raaciyay in Hubka iyo Rasaasta laga keenay dalka Yemen isla markaana ay u badan yihiin Bastoolado nooca kala duwan leh.

Sargaalka ayaa yiri ”Hubkan waxaa lagu soo qariyay Daasado caano-booro ah, baakado timid iyo kiishash timir ah, waxayna isugu jiraan Bastooladaha loo yaqaan Biljamka iyo nooca Dhabanacasta ah, waxaana wehliya Rasaas iyo qoryo fudud”

Dekadda Bosaso ayaa waxaa inta badan kasoo dega Hubka iyo Rasaas farabadan oo qaabab qarsoodi ah loogu dhex iibiyo deegaanada Puntland.

Dhinaca kale, Taliska Ciidamadda booliiska gobolka bari ayaan weli ka hadlin hubka la qabtay, tiradiisa iyo wax laga yeelayo.

Caasimada Online
Xafiiska Bosaso
[email protected]

Muqdisho (Caasimada Online) – War goordhow soo baxay ayaa sheegaya in Maxkamadda Gobolka Banaadir ay soo saartay warqad lagu amraayo in lasoo qabto Agaasimihii hore Wasaaradda Warfaafinta ee shaqada laga joojiyay C/risaaq Cali Yuusuf Bahlaawi.

Warqada ayaa la sheegay in ciidamada lagu faray in Agaasimihii hore la horkeeno Maxkamada, waxaana ku wehliya mas’uul kale oo magaciisa lagu sheegay Xasan Samar Cali.

Warqada ayaa waxaa qabashada Bahlaawi lagu amray Taliyaha Qeybta guud ee Booliska Gobolka Banaadir.

Dalabka lagu soo qabanaayo labadaani mas’uul ayaa waxaa horay u bixiyay Xafiirka Xeer Ilaalinta Qaranka oo ka codsaday maxkamadda Gobolka Banaadir inay soo saarto warqad soo qabasho ah.

Wararka cayaaraha kala soco WWW.GOOL.NET 

Muqdisho (Caasimada Online) – Xildhibaan Muuse Suudi Yalaxow oo kamid ah xildhibaanada aqalka sare ee baarlamaanka ayaa ka hadlay kala deris uu sheegay in lagu sameyn rabo maamulka HirShabeelle.

Xildhibaanka oo saxaafada la hadlayay kadib kulan ka dhacay aqalka sare ayaa sheegay in shaqsiyaad gaar ah ay wadaan iska hor keenida madaxda sare ee maamulka HirShabeelle, islamarkaana aysan aheyn taasi wax wanaagsan.

Xildhibaanka ayaa dhinaca kale sheegay in beeshooda la siiyay wasiirka loogu talo galay inuu qaraxyada ka hor tago iyo wasiirka ka hadlaya qaraxyada, oo uu kala jeeday wasiirka amniga iyo wasiirka warfaafinta Soomaaliya.

Wuxuu sheegay in beel ahaan ay ku dulman yihiin in labadaasi wasaaradood la siiyaa, sida uu sheegayna hadda ay iskaga qancayaan.

“Hirshabeelle in la kala diro ayaa laga shaqeynayaa, Madaxweynaha iyo Madaxweyne kuxigeenka waa la isku dirooyaa, anaga waxaa nala siiyay Wasiirka Qaraxyada lagu qabsado iyo Wasiirka Qaraxyada ka hadlaya, inta kale waa ku dulmanahay”ayuu yiri xildhibaanka.

Wararka cayaaraha kala soco WWW.GOOL.NET 

Muqdisho (Caasimada Online) – Wasiirka Arrimaha Dibedda ee Xukuumada Somalia, Yuusuf Garaad Cumar Axmed, ayaa warqadaha Aqoonsig Danjirenimo ka gudoomay Danjiraha Ethjiopia u jooga Somalia, Jamaaludiin Mustafa Cumar.

Dowlada Ethiopia oo saameyn ku laheyd Siyaasada Somalia ayaa iminka aad u dhaliilsan in Madaxweynaha Somalia Maxamed C/llahi Farmaajo uu ka biya diiday in warqadaha Safiirnimo uu ka gudoomo Safiirka Ethiopia ee Somalia.

Dowlada Ethiopia ayaa horay ula qabsatay in Madaxweynaha markaa jira ay warqadaha Aqoonsi ka gudooman Safiirka ay usoo magacowdo Somalia.

Madaxweynaha ayaa Wasiirka Arrimaha Dibadda Somalia ku amray inuu gudoomo warqadaha Aqoonsiga ee Safiirka Ethiopia Somalia, kadib markii uu wakhti u waayay Safiirka Ethiopia ee Somalia Jamaaludiin Mustafa Cumar.

Dowlada Ethiopia ayaa dhabar jab weyn u aragta in Madaxweynaha uu dayacay wakhtiga yar ee uu siin lahaa Safiir Jamaaludiin Mustafa Cumar, waxa ayna tani cirka kusii shareereysaa xiisada Siyaasadeed ee Ethiopia kala dhexeysa Madaxweynaha Somalia Farmaajo.

Farmaajo ayaa tan iyo markii uu xilka la wareegay warqadaha Aqoonsi ka gudoomay dhowr Safiir oo uu kamid ahaa Danjiraha cusub ee dowladda Ingariiska u fadhindoona dalka Soomaaliya David William Concar.

TIRADA SAFIIR EE UU FARMAAJO WARQADAHA KA GUDOOMAY

1-Madaxweynaha Somalia Maxamed C/llahi Farmaajo ayaa February 18, 2017 warqadaha Safiirnimo ka gudoomay Danjiraha cusub ee dowladda Ingariiska u fadhindoona dalka Soomaaliya David William Concar.

2-Madaxweynaha ayaa April 15, 2017 warqadaha aqoonsi ka gudoomay Safiirka cusub ee Shiinaha Qin Jian.

3-Marso, 08, 2017, Madaxweyne Farmaajo oo Warqadaha Aqoonsiga Safiirnimo ka gudoomay safiirka Jarmalka ee dalalka Somalia iyo Kenya Ambassador Jutta Frasch.

Dowlada Ethiopia ayaa shakiga ugu badan ka qaaday sida uu Madaxweynaha dalka warqadaha Aqoonsiga uga gudoomay Safiirada aan kor kusoo xusnay iyo sida uu Safiirkooda warqadaha u gudoonsiiyay Wasiirka Arrimaha Dibadda Somalia Yuusuf Garaad, waxa ayna talaabadaani Ethiopia u aragtaa mid lagu sii fogeynaayo xiriirkeeda Somalia.

Wararka cayaaraha kala soco WWW.GOOL.NET 

Muqdisho (Caasimada Online) – Madaxweynaha Soomaaliya Maxamed Cabdulaahi Farmaajo ayaa waddo qorshihiisii ugu horeeyay oo safar uu ku tagayo magaalada Addis Ababa ee dalka Ethiopia.

Madaxweyne Farmaajo ayaa wuxuu warqad casuumaad ah uu ka helay ra’iisul wasaaraha Ethiopia, sida xogta aan ku heleynaya waxaa la filayaa in dhamaadka todobaadkaan uu safar dalka dibadiisa ah ku tagaa magaalada caasimada u ah Ethiopia.

Xogta aan heleyno ayaa sheegeysa in maalinta Arbacada uu madaxweyne Farmaajo safar ugu ambabixi doono dalka Ethiopia isagoo halkaasi kula kulmaya ra’iisul wasaaraha dalkaasi oo martiqaadka u sameeyay Farmaajo.

Wakaalada wararka Andolu ee dalka Turkiga oo soo xiganeyso saraakiil ka tirsan wasaarada arimaha dibada Ethiopia ayaa baahisay in madaxweyne Farmaajo lagu casuumay dalka Ethiopia uuna aqbalay.

Saraakiisha ayaase qariyay magacooda, waxayse sheegeen in maalinta arbacada madaxweyne Farmaajo uu safar ku tagi doono dalka Ethiopia.

Madaxweyne Farmaajo ayaa la filayaa in magaalada Addis Ababa uu kula kulmaa madaxda Midowga Africa, isagoo kala hadlaya arimaha ciidamada AMISOM ee kusugan gudaha dalka Soomaaliya.

Ethiopia iyo madaxweyne Farmaajo ma jiro xiriir wanaagsan oo ka dhaxeeya maadaama Ethiopia inta badan ay saameyn ku laheyd arimaha siyaasada dalka Soomaaliya.

Wararka cayaaraha kala soco WWW.GOOL.NET 

Qahira (Caasimada Online) – Dowlada Masar ayaa shaaca ka qaaday in dhawaan ay farac Bangi ka furaneyso magaalada Muqdisho ee caasimada Somalia.

Dowlada Masar ayaa sheegtay inay muhiim tahay in dib loo soo celsho xarumaha ganacsi oo ay ku lahaayen Somalia, kadib isbedel dhanka amniga ah oo ku imaaday Somalia.

Mohamed Al-eterbi, oo ah Guddoomiyaha Bangiga Masar ayaa sheegay inay bilaaben qorshaha lagu furi lahaa faraca Bangiga.

Mohamed Al-eterbi, waxa uu sheegay in Somalia ay ku noolyihiin muwaadiniintooda, isla markaana ay yihiin kuwo doonaaya inay soo nooleeyan xarumihii ay dowlada ku laheyd Somalia.

Mohamed Al-eterbi, waxa uu sheegay inay la kulmeen mas’uuliyiin dhowr ah oo kamid ah Milkiilayaasha Bangiyada madaxa-banaan ee Somalia, kuwaa oo ay wadaagen macluumaad ku saleysan heerka uu iminka gaarsiisan yahay isticmaalka Soomaalida ee Bangiyada.

Dhinaca kale, waxa uu Mr Mohamed Al-eterbi cadeeyay in mowqifkooda uu yahay in sida ugu dhaqsiyaha badan lagu furo Xafiiska Bangiga ee Muqdisho.

Wararka cayaaraha kala soco WWW.GOOL.NET 

Muqdisho (Caasimada Online) – Madaxweynaha maamulka Ahlu sunna ee gobolada Dhexe ayaa dib ugu laabtay magaalada Dhuusomareeb ee gobolka Galgaduud, kadib markii uu fashilmay wadahadalkii la doonayay inuu dhexmaro Ahlu sunna iyo Galmudug.

Wadahadalkaasi ayaa waxaa sida Ahlu sunna ay sheegtay wuxuu ka dhaqaaqi waayay xildhibaano ka tirsan baarlamaanka Soomaaliya, kuwaasi oo dano gaar ah ka lahaa wadahadalka labada dhinac.

Kadib markii uu ku laabtay magaalada Dhuusomareeb wuxuu shacabka ku dhaqan magaalada uu u sheegay waxyaabihii uu kala kulmay Muqdisho, isagoo sheegay in wadahadalka ay wali dhankooda diyaar u yihiin.

Dowladda Soomaaliya ayuu kaga digay inay martaa wadadii ay martay dowladdii uu hogaaminayay Xasan Sheikh Maxamuud, isagoo sheegay in dowladdaasi ay kala geysay shacabka gobolada dhexe.

Wuxuu sheegay in shaqsiyaad ka tirsan dowladda Soomaaliya ay wadaan kala geynta shacabka ku dhaqan deegaanada gobolada dhexe balse aysan taasi aqbali doonin, sida uu hadalka u dhigay.

Wadahadalkii Ahlu sunna iyo galmudug ayaa burburay kadib markii Ahlu sunna ay soo bandhigay sharuudo adag oo dhinaca kale u cuntami waayay.

Wararka cayaaraha kala soco WWW.GOOL.NET