Muqdisho (Caasimada online) Madaxweynaha Soomaaliya Xasan Sheekh Maxamuud , ayaa maanta wuxuu ka warbixiyay waxqabadka Mudadii sanadka aha oo ay jiratay dowladiisa , iyadoona su’aalo ay ka weydiinayeen Shacabka Soomaaliyeed ee ku nool dalka iyo dibadiisa kuwaas oo ku qotmay dhamaantood waxqabadka dowlada uu hogaamiyo.
Xasan Sheekh oo Marti ku ahaa Barnaamijka Kulanka Todobaadka ee Talafashinka qaranka Soomaaliya iyo Raadiyaha dowlada ayaa faah faahin buuxda wuxuu ka bixi waxyaabihii u suura galay dowlada iyo waxa ka dhimacn halka sano oo ay jirto dowladiisa.
ugu horeyn Madaxweyne Xasan ayaa Qudbad Soconeysay Muddo ka badan 37 -Daqiiqo wuxuu uga waramay is bad badalka Siyaasadda waxa u qabsamoonay iyo waxa ka dhiman inta uusan xilka qaban sida xaalku uu ahaa iyo kadib markii uu xilka uu qabtay sida ay wax noqdeen , iyadoo intaasi ka dibna ay si toos ah u bilaawdeen weydiimah dadweynaha Soomaaliyeed ee kunool dal iyo dibad.
Dhanka siyaasadda
Madaxweynuhu wuxuu sheegay mudadii koobneyd oo ay jirtay dowladiisu inay horumar ka gaartay dhanka siyaasadda , waxaana uu sheegay inay higsanayaan in 2016-ka ay dhacdo doorasho xur ah oo ay dadku safaf dhaa dheer u galaan .
Dhaqaalaha iyo bixinta Mushaaraadka
Wuxuu sheegay in dowlada Soomaaliya markii ay xilka la waregeysay qasnada dowladu inay aheyd mid faaruq ah , hayeeshee dadal dheer ka dib caalamka ay ka heshay caawinaad iyi garab qabasho buuxda .
Shaqaalaha rayidka dowlada iyo waliba ciidamada dowlada Soomaaliya ayuu sheegay inay bilaabeen Mushaaraadkooda , iyagoona bil wabila si toos ah oo aan wax is daba marin aysan ku jirin ay u helayaan .
Dhanka amaanka
Xasan sheekh wuxuu sheegay in dhanka amniga ay wax badan ka qabatay , waxaana uu shaaca ka qaaday inay jiraan qorshayaal balaaran oo ku aadan sugidda dhanka amniga ah si falalka amni ee xilliyada qaar dhaca looga hortago.
Shirarka iyo dib u heshiisiinta
Wuxuu sheegay inay Dowladu qabay shirara la isugu keenayo bulshada isagoona tusaale usoo qaatay shirkii, garsoorka, iyo shirkale oo markii ugu horreysay looga hadlay siyaasada tacliinta dalka, sidoo kale bishan soo socota ayuu tilmaamay in Muqdisho lagu qabandoono shirweyne Qaran oo looga hadlayo mustaqbalka siyaasada dalka, kaas oo ay ka qeybgalayaan ilaa 200 ergo ah sida uu sheegay.
Dowladda Sooomaaliya ayuu sheegay inay wado dadaalo ku aadan sidii lagu hormarin lahaa tacliinta iyo nidaamka waxbarasho ee dalka , si loo helo bulsho aqoon leh , waxaana shacabka Soomaaliyeed uu ka dalbaday inay barbar istaagaan dowlada Soomaaliya .
Wuxuu rajo wanaagsan ka muujiyay in dowladiisu ay guuleysan doonto , isagoo guusha dowladiisu ku xiray sida shacabka soomaaliyeed ay uga qeyb qaataan dib u dhiska iyo taaageedara dowlada Soomaaliya .
Dhanka kale madaxweyne Xasan Sheekh Maxamuud ayaa ka jawaabay su’aalo ay soo weydiiyeen dhageystayaal ku sugan dalka iyo dibada, wuxuuna ka jawaabay su’aal ku aadaneyd sababta ay ciidamadu u xoreyn la’yihiin deegaano hor leh ayaa yiri’’ Ciidamadeenu ma dagaalami karaan ilaa ay doonto AMISOM iney dagaasho taasnina waxaa sabab u ahaa cunaqabateyntii dhinaca hubka aheyd oo na saarnaa inkastoo an ku guuleysanay in la qaado cunaqabateynta, hadana waxaan suurtagalinay inaan gaadiid iyo hub u iibino, hoggaan cusubna u magacaawno iyo dhismaha cidamanka oon hagaajino’’
Madaxweynaha ayaa ka hadlay in dowladu ay dadaal badan ugu jirto hirgelinta nidaamka Federaaliisimka ah, isagoo tilmaamay in aysan jirin qawaaniinta hageysa Federaalka isagoo xusay in dowladu ay dadaal ugu jirto sidii loo diyaarin lahaa qawaaniinta federaalka, wuxuuna dhinaca kalena xusay iney gobolada usii magacaabeen maamulo KMG ah.
‘’Heshiiska adis’ababa wuxuu ahaa mid meel dhexe la isugu yimid iyadoo dowladu wax badan ka tanasushay maamulkaasina uu sidoo kale ka tanasulay wax badan uu jeclaan lahaa, heshiiskaasina wa bilow waana sii dhaneystiridoona dowladuna waxey diyaar u tahay iney ka hortagto wax kastoo keenaya colaad ku so laabata deeganadaasi’’ ayuu yiri madaxweyne Xasan Sheekh.
Madaxweynaha ayaa su’aalo kala duwan uga jawaabay dhageystayaasha ku dhaqan gudaha dalka iyo daafaha caalamka.
Ugu dambeyn Madaxweyne Xxasam Sheekh ayaa ka jawabay Su’aalo badan oo ku qoromay waxqabadka dowlada Soomaaliya e madadii Sanadka aheyd oo ay jirtay , isagoona si toos ah shacabka uga jawabayay su’aalaha ay soo weydiiyaan.
Halkaan ka dhegeyso Codka Madaxweynaha Soomaaliya
Caasimada online
Xafiiska Muqdisho
[email protected]
