Britain (Caasimada Online)-Boliska magaalladda Bristol ee dalka Britain ayaa sheegay inay gacanta ku dhigeen 24 boorso oo laga soo buuxiyey qaadka qalalan, kaasi oo lagu qiimeeyey lacag dhan 250-Pound ama Geniga Istarliinka ee Britain.

Boliska waxay kaloo sheegeen inaysan jirin dad ay u xireen qaadka ay qabteen.

Ganacsiga iyo cunista qaadka ayaa laga mamnuucay dalka Britain bishii June 24-dii ee sannadkan, iyadoo qofkii lagu qabto uu muteysanayo xabsi ilaa 2 sanno iyo ganaax aan xaddi lahayn.

Wargeyska The Bristol Post ayaa la hadashay dadka Soomaalida ee ku nool magaalladda Bristol, kuwaasi oo badankooda cabasho ka muujiyey mamnuucista Qaadka oo dalka Britain looga aqoonsaday Daroogdda heerka Saddexaad.

Qaar ka mid ah Hoggaamiyayaasha Jaalliyadda Soomaalida ee ku nool Bristol ayaa ka digay in mamnuucista qaadka uu Soomaalida ka dhigi karo Dembiilayaal ku uruura Xabsiyada, sabab la xiriirta mamnuucida qaadka Awgeed.

Mid ka mid ah dadka u ololeeya Bulshadda oo lagu magacaabo Abdi Mohamed, kana tirsan Warbaahinta Soomaalida ee Bristol Somali Media Group ayaa sheegay xiritaanka goobaha lagu qayilo inay ku khasabtay dhallinyarradda isticmaala qaadka inay waddooyinka u soo baxaan ilaa saqda dhexe ee habeenkii, taasina ay dhalin karto inay murmaan kadibna ay isku adeegsadaan Hubka fudud, taasi oo sababi karta in Boqolaal dhalinyaro ay u galaan Xabsiyada.

Magaalladda Bristol waxaa ku yaallay 20 ilaa 30 Dukaan oo lagu qayili jirey, kuwaasi oo albaabadda loo labaay.

Xigasho: The Bristol Post

Caasimada Online

Xafiiska Britain

[email protected]

Muqdisho (Caasimada Online)-Warka ka imaanaya Degmada Afgooye ee Gobolka Sh/Hoose, ayaa sheegaya in halkaasi uu Dagaal ku dhex maray Ciidamo kawada tirsan Dowlada Federaalka Somalia gaar ahaan kuwa Militeriga.

Dagaalka ayaa la sheegayaa inuu imaaday kadib markii ay kala shakiyeen laba gaari oo ay la kala socdeen Ciidamada, iyadoona uu halkaasi ka bilowday Dagaal fool-ka-fool ah oo muddo socday.

Dagaalka ayaa waxa uu ka dhacay Baar ismaaciil oo ka tirsan Degmada Afgooye ee Gobolka Sh/hoose, waxaana la sheegayaa in Dagaalkaasi uu Khasaaro kasoo gaaray Laba askari oo dhaawac soo gaaray, mid kamidna uu aad u liito dhaawaciisa.

Dhanka kale, Dagaalka markii uu muddo socday kadib ayaa waxaa kala dhex galay Ciidamo kale oo ka tirsan Dowlada kuwaasi oo isla goobta ka qaaday dhawacyada, mana aha markii ugu horeysay oo ay Ciidamo ku dagaalamaan Degmadaasi.

Caasimada Online

Xafiiska Muqdisho

[email protected]

Magaalada Caasimadda ah ee Muqdisho ayaa waxaa aad uga soconaya Horumar dhinacyo badan leh kaasoo isugu jira dhinaca dhismooyinka iyo Ganacsiga.

Muuqaalkani oo aan hubo in aad ka heli doontaa ayaa ah Isbitaal aan nuuciisa horay loo arag oo ku yaalo qaarada africa ayaa waxaa haatan howshiisa dhismo iyo howl gelidiisa ay ka soconeysaa Magaalada Muqdisho ee nala daawo muuqalkani.

HALKAAN KA DAAWO VIDEO-GA:

Muqdisho (Caasimada Online)-Iyadoo Maalinimadii shalay uu shir dib u heshiisiined ka furmay Magaalada Baydhaba, ayaa waxaa arrintaasi siyaabo kala duwan uga hadlay Siyaasiyiin iyo Odayaal kala taageersan Labada garab ee Lixda iyo Seddexda Gobol.

Axmed diinow oo kamid ah Odayaasha taageersan Garabka Madoobe Nuunow ayaa waxa uu Xukuumada Somalia uga digay inay kala qeyqeybiso dad walaalo ah oo hal dhinac kasoo jeeda, waxa uuna ugu baaqay inay si sinaan ah hal meel ay isugu keento labada garab xalna ay u dhex dhigto.

Diinow waxa uu sheegay in DF looga baahan yahay inay fuliso ballamihii ahaa inay aqoonsan doonto maadaama maamulka Lixda Gobol uu aad u weyn yahay halka kan Seddexdana uu yaryahay.

Sidoo kale, Shariif Xassan Sheekh Axmed oo isagu taageersan Maamulka Seddexda Gobol ayaa waxa uu Ra’isulwasaaraha Dowlada Federaalka Somalia iyo Guddoomiyaha Baarlamaanka uga digay inay isku qasbaan Maamulo aan is rabin.

Shariif Xassan oo kullan Magaalada Baydhaba kula qaatay Labadaasi Mas’uul ayaa waxa uu sheegay in shacabka ku nool Deegaanada ay ka arimiyaan Labada Maamul ay iyaga kala dooran doonaan kan caafimaadkooda uu ugu jiro, balse ay DF kusii fogaan Siyaasada ay ku dooneyso inay kusoo jiidato Maamulka Madoobe Nuunow.

‘’Waxaa ii muuqaneysa in DF ay u jilicsan tahay Maamulka Madoobe Nuunow, wixii xal ah iyadaa laga rabaa balse waxaa loo baahan yahay inay ka fogaato inay dhinac la safato ama ay kusii fogaato Siyaasado aan raali laga aheyn’’

Shariif Xassan ayaa waxa uu kamid yahay Siyaasiyiinta ka danbeeyay dhismaha Maamulka Seddexda Gobol, waxaana la sheegayaa in Arrintaasi ay tahay mid ay la wado DF, balse uu aad uga cabsi qabo inay la rogmato Siyaasada xiligaani taagan oo marba meel u badaneysa.

Dhanka kale, Garabka Madoobe Nuunow ayaa iyagana aaminsan in DF ay wadato Shariif Xassan taasina ay ku sheegen inay tahay tan keentay in si gaar ah ay DF u daneyso Maamulka Seddexda Gobol.

Lama Oga halka uu xaalku gaari doono, waxaase laga cabsi qabaa in DF ay xiligaani si gaar ah u daneyso Garabka Madoobe Nuunow si loogu muujiyo isu soo dhawaansho, waana tan keentay in Shariif Xassan uu ka digo in DF ay u jaranjeersato dhanka Maamulka Nuunow.

Caasimada Online

Xafiiska Muqdisho

[email protected]

Muqdisho (Caasimada Online)-Cabdidaahir Maxamed Yuusuf Yey oo kamid ah Siyaasiyiinta Maamulka Puntland, ayaa sheegay in wax laga xumaado ay tahay in Ciidamada Maamulka Somaliland ay Awood ciidan Xiligaani u adeegsadaan Maamulka Puntland oo quwad ahaan ka sareeya Somaliland.

Siyaasiga waxa uu sheegay in lagama maarmaan ay tahay inay meel ku Ogaadan Muranka ka taagan Deegaanada xiga dhanka Somaliland oo lagu heysto Awooda, waxa uuna sheegay in Madaxweyne C/weli Gaas looga baahan yahay inuu qorshe cad ka yeesho arrinta ku aadan soo celinta dhulka Puntland ka maqan iyo weliba daandaansiga joogtada ah ee ka imaanaya dhanka Maamulka Somaliland.

Mr Yey oo ku sugan Magaalada Minneapolis ee Dalka Maraykanka ayaa Maamulka Puntland ku guubaabiyay inay Tallaabo ka qaadan Ciidamada Maamulka Somaliland ee xooga ku heysta Deegaanada Hoos yimaada Puntland oo ay sheeganeyso Somaliland.

‘’Waxaa maamulka C/weli Gaas looga fadhiyaa inay Qorshe cad ka keenaan dib usoo celinta Deegaanada ka maqan Puntland, Gaas waxaa laga rabaa inuu ka dhabeeyo haddalkii ahaa inuu soo celin doono dhulka ka maqan Puntland, waa nasiib daro in Gaas uusan weli wax ka qaban’’

Sidoo kale, Yey waxa uu Cadeeyay in Madaxweyne Gaas uu waxbadan kusoo kor dhiyay Deegaanada Puntland balse muhiimadu ay tahay in xal muuqda laga gaaro weerarrada Puntland uga imaanayo dhanka Maamulka Somaliland.

‘’C/weli Gaas waxaan ka sugeynaa inuu noosoo celsho dhulka nagamaqan, difaaca shacabka iyo dhulka Puntland waa waajib’’ Cabdidaahir ayaa sidaas yiri.

Isagoo intaa hadalkiisa kasii anbaqaadayo ayaa waxa uu yiri “sida igu maqaalo ah qorshuhu waxa uu yahay in Puntland loo kala jaro saddex qaybood oo kala ah gobolka Mudug iyo Galgaduud oo la israacinayo, gobollada SSC oo la is raacinayo,iIyo Puntland inteeda kale… waa arrin u baahan in si dhab ah loo baaro oo Puntland ka gasho u diyaar-garow fiican…”

Haddalka Siyaasiga ayaa waxa uu imaanayaa iyadoo ay Deegaano hoos yimaada Maamulka Puntland ay awood Militeri kula wareegeen Ciidamo taabacsan Maamulka Somaliland kuwaasi oo xiligaani Furumo ciidan ka sameystay Deegaanadaasi.

Dhanka kale, Cabdidaahir Maxamed Yuusuf Yey waxa uu shacabka iyo Ciidamada Puntland ugu baaqay inay ka shaqeeyaan sida ay Maamulka ugu taageeri lahaayen soo celinta Deegaanada ay awooda kula wareegtay Somalilnd.

Caasimada Online

Xafiiska Muqdisho

[email protected]

Muqdisho (Caasimada Online) – Kenya ayaa sheegtay inay ka xun tahay tallaabada ay dowladda Somalia maxkamad ugu gudbisey muran labada dal ka dhexeeya oo la xiriira badda ay wadaagaan.

Wasiirka Arrimaha Dibedda ee Kenya Amina Maxamed ayaa sheegtay in labad dal ay wadahadal u socdeen isla markaana ay lama filaan ku noqotey in dowladda Somalia ay arinta maxkamad u gudbiso.

Madaxweynayaasha Somalia iyo Kenya ayaa la filayaa in dhowaan ay kulan ku yeeshaan magaalada New York si ay uga wadahadlaan murankan.

Daud Aweis ayaa arrimahan ka wareystey Wasiirka Arrimaha Dibedda ee Somalia Dr Abdirahman Beyle Duale. Waxaana uu ugu horeyn weydiiyey sida uu au arko hadalka ka soo yeerey Amina Mohamed  oo ah wasiir dibadeedka Kenya.

Halkan hoose ka dhageyso: Wasiirka Arrimaha Dibedda ee Somalia

Muqdisho (Caasimada Online) – Iyadoo maalinimadii shalay uu Col. Barre Aadan Shire Hiiraale ka shanqariyay inuusan ka qeybgali doonin shirka dib u heshiisiinta Kismaayo ee lagu wado inuu ka furmo Magaalada Kismaayo ee xarunta gobolka Jubbada Hoose, ayaa waxaa soo baxaayo warar sheegaya halka Amarkaasi uu kasoo baxay.

Warar hoose oo aan ka heleyno ilo ku dhow-dhow Col. Barre Hiiraale ayaa sheegaya in Kullan ku dhawaad Seddex saac qaatay uu Magaalada Muqdisho ku dhex maray Col. Barre Hiiraale, Siyaasiyiinta iyo Odayaasha Beesha Sade.

Kullanka ayaa lagu sheegay inuu ahaa mid salka ku haayay dhiiragalinta Barre, iyadoona halkaasi lagu lafa guray Siyaasadda Axmed Madoobe, waxa ayna isla garteen in shirka Kismaayo ka furmaayo uu yahay mid Col Barre looga qaadayo Xasaanada uu ku leeyahay Deegaanada Jubbooyinka, waxaana la sheegayaa in Dowlada Federaalka Somalia iyo Ururka IGAD ay ku ballameen in Barre Hiiraale la hoos geeyo Axmed Madoobe, isagoona lagu qancinaayo inuu la shaqeeyo Maamulka KMG Jubba.

Falanqeyn dheer kadib ayaa waxaa la Tilmaamayaa in Waxgaradka Beesha Sade ay Barre ku cadaadiyeen in Arrintaasi uu ka dhaga adeego islamarkaana dib ula laabto go’aankii ahaa inuu ka qeybgalaayo Shirka dib u heshiisiinta Bulshada Jubbooyinka.

Shir jaraa’id oo Col. Barre Hiiraale uu ku qabtay Muqdisho ayaa waxa uu ku sheegay in lagu wargeliyay in shirkii dib u heshiisiinta Kismaayo ee uu horay u aqbalay dib loo dhigay, isagoo shirka Kismaayo ka furmaya 16-ka bishan uu sheegay inuu yahay mid ay wataan Urur-goboleedka IGAD iyo sida hadalka uu u yiri kooxda Axmed Madoobe, laguna doonaayo in lagu jaan rogo go’aankiisa.

Barre oo Siyaasad badan ka kororsaday kulanka uu la qaatay Beeshiisa, ayaa waxa uu iminka ka laabtay gabi ahaan go’aankiisii ahaa inuu ka qeybqaadanaayo shirka.

La laabashada go’aanka Barre ayaa waxaa la sheegayaa inuu ahaa mid ay ka danbeeyen Beeshiisa, taasi oo ay ku dhaliilayaan damaca Axmed Madoobe iyo IGAD.

Dhanka kale, Col. Barre waxa uu ku adkeysanayaa inuu isagu taageersan yahay in dowladdu ay noqoto tan hormuudka u ah shirka dib u heshiisiinta Kismaayo, laakiinse markii uu maqlay in maamulka Axmed Madoobe iyo IGAD ay shirkii dib loo dhigan qabanayaan 16-ka bishan uu shirka jaraa’id qabtay si uu caddeeyo in uusan ka qaybgalayn.

Caasimada Online

Xafiiska Muqdisho

[email protected]

Kismaayo (Caasimada Online ) – Wararka laga helaayo Magaalada Kismaayo ee Xarunta gobolka Jubbada Hoose, ayaa sheegaya in shirka halkaasi ka furmaayo ka qeybgalkiisa laga saaray qaar kamid ah Beelaha halkaasi ku nool.

Suldaan Axmed Aw-diini oo kamid ah Salaadiinta Kismaayo ayaa sheegay in weli aan laga gudbin Isfaquuqa ka taagan Kismaayo, waxa uuna Tilmaamay in shirka wajigiisa labaad ka dhacaayo Kismaayo laga reebay Beelaha qaar.

‘’Waxan Dowlada Federaalka u sheegeynaa in ku dhawaad Afar beel degta Kismaayo loo diiday ka qeybgalka shirka Kismaayo, waxaa kamid ah beelaha la diiday gundhawe’’ ayuu yiri Axmed Aw-diini oo intaa ku daray wixii ka dhaca shirka ay Mas’uuliyadeeda qaadi doonto DF.

Sidoo kale, Axmed Aw-diini ayaa sheegay in Axmed Madoobe uusan ka waan-toobeynin kala fogeynta Beelaha dega Kismaayo, sida uu hadalka u dhigay

Haddalka Axmed Aw-diini, ayaa waxa uu imaanayaa iyadoo ay waxyar ka harsan tahay furitaanka shirka dib u heshiisiinta Wajigiisa labaad, waxaana hadalkiisa ka muuqanaaya in weli shirkaasi uu yahay mid qabyo ah.

Dhanka kale, Kismaayo ayaa waxaa ku nool Beelo badan oo iyagu deegaan ahaan halkaasi kasoo jeeda, balse is riix-riix kadib looga tirabatay Deegaan ahaan.

Caasimada Online
Xafiiska Kismaayo
[email protected]

Muqdisho (Caasimada Online) – Wasiirka Arrimaha dibada Soomaaliya C/raxmaan Ducaale Beyle ayaa ka jawaabay hadal ka soo yeeray Wasiirada Arrimaha Dibada Kenya Aamina Mohamed, kaasoo ahaa dacwada dowladda Soomaaliya ka gudbisay arrinta muranka Badda.

Aamina Mohamed ayaa sheegtau in kenya ay ka xun tahay tallaabada ay qaaday oo ahaa in dacwad u gudbisay Maxkamad muranka labada dal ka dhaxeeya ee la xiriira badda ay wadaagaan.

Mrs Aamina ayaa sheegtay inay wada hadal u socdeen labada dal, hase ahaatee ay lama filaan ku noqotay in dowladda Soomaaliya ay arrintan maxkamad u gubiso.

Wasiirka Arrimaha Dibada Soomaaliya C/raxmaan Ducaale Beyle oo wareysi siiyay laanta afka Soomaaliga ee VOA-da ayaa sheegay in shirar badan oo dhex maray iyaga iyo Kenya ay wax ka soo bixi waayeen, isla markaana wada hadalada socday wax meel la isla dhigi waayay, taasna ay qasab noqoto inay Maxkamad u gidbiyaan dacwad.

“Anaga wada hadal ayaa sameynay, wada hadalkaas waxay nagula muuqataa inaan daneyneynay, Nairobi baa Aamina dhowr jeer ku shirnay, wada hadalada waxay leeyihiin meel laga bilaabo iyo meel lagu socdo, anaga xariiqa ama calaamada ay Kenya sameysay wax noo cuntamaya ma aheyn, hadii bani’aadamka is qabto meel lagu kala baxa jira, Maxkamadna waa ku qasbanaanay”ayuu yiri C/raxmaan Ducaale Beyle.

Mr Beyle ayaa sheegay in labada dal ay yihiin deris, isla markaana hadii arrinta ay isku hayaan ku kala bixi waayeen inay Maxkamad noqoneyso, taasna ay tahay meesha lagu kala bixi doono, hase yeeshee waxaa uu cadeeyay in dhankooda wali diyaar u yihiin wada hadalka.

“Ma kala guureyno waa wada deganahay  labo dal oo deris ah ayaanu nahay, aniga iyo aamino in badan ayaa ka wada hadalnay, diyaar baan u nahay wada hadalka ha socdo, meel walba diyaar ugu nahay New York iyo meel kastaba, laakiin waxaa marka hore muhiim ah in shirkadaha faraha badan ee maalin walba jooga Badda in laga saaro”ayuu yiri Wasiirka Arrimaha Gudaha oo sheegay inay jiraan shirkado ajaaniib ah oo wali howlo sahmin ka wada Badda labada dal u dhaxeysa.

Dhinaca kale Wasiirka ayaa sheegay inay iyagu haatan soo tooseen,hadii ay ahaayeen sakaarad meel jiifay, isla markaana hada kadibna ay Badda iyo berriga dhulkeeda ay dhinac ka eegi doonto, isla markaana ay sameysan doonto calaamad.

Madaxweyaha Soomaaliya ayaa sheegay in Kenya ay calaamadeysay badda labada dal u dhaxeysa, isla markaana ay howlo ka wadaan badda shirkado ajaaniib, waxaana uu xusay in arrintaas ay dacwad ka gudbiyeen.

Dhowaan ayaa la filayaa in magaalada New York ay ku kulmaan Madaxweynayaasha Soomaaliya iyo Kenya, si ay uga wada hadlaan muranka ku saabsan badda labada dal u dhaxeeya.

Caasimada Online

Xafiiska Muqdisho

[email protected]

Kismaayo (Caasimada Online) – Ilo xog-Ogaal ka tirsan Odayaasha Kismaayo, ayaa inoo xaqiijiyay in Afhayeenka Maamulka  Jubaland C/naasir Seeraar uu halkaasi ka wado Siyaasado la sheegay inaysan u cuntameynin Odayaasha ka qeybgali doono Shirka ka furmaayo Magaalada Kismaayo.

Xogtu ayaa sheegeysa in Seeraar uu Hoggaamiyaha Raaskanbooni uu ku cadaadinaayo inaan loo joogsan go’aanada kasoo baxaayo Col. Barre Hiiraale, islamarkaana loo muujiyo inuusan dartii u joogsaneynin shirka.

Aweys xaaji Axmed oo kamid ah Odayaasha ayaa inoo sheegay in C/naasir Seeraar uu xiligaani ka shaqeynaayo dib ugu laabashada Khilaafaadka dhawaan laga soo gudbay waxa uun Tilmaamay in laga cabsi qabo inuu fashil ku imaado shirka waa haddii aan wax laga badalin Siyaasadaha  hoos ka socda.

‘’C/naasir Seeraar waxa uu Kismaayo la wareegayaa warar aan ka gadmeynin Beelaha ka qeybqaadanaaya shirka Dib u heshiisiinta, waxaa na soo gaaraya inuu leeyahay Barre Hiiraale waa laga maarmayaa haddii uu diido inuu kasoo qeybqaato shirka, taasi waxan u arkaa in la baadi goobayo qaabka uu ku fashilmi lahaa shirka’’

Haddalka Aweys xaaji, ayaa kusoo beegmaya xili Barre Hiiraale uu maalinimadii shalay daboolka ka qaaday inuusan ka qeybqaadan doonin shirka ka dhacaayo Magaalada Kismaayo oo uu ku sifeeyay inuu yahay mid aan xiligiisa la joogin wakhtigiisa.

Dhanka kale, ka hor inta uusan shirka furmin, ayaa waxaa soo ifbaxaaya warar sheegaya in Beelaha qaar loo diiday ka qeybgalka shirka, iyadoona iminka la soo warinaayo in Afhayeenka Maamulka Jubba uu ka shaqeynaayo kala irdhoobida Axmed Madoobe iyo Barre Hiiraale.

Caasimada Online

Xafiiska Kismaayo

[email protected]

Muqdisho (Caasimada Online) – Hoggaamiyaha Maamulka Lixda Gobol ee Koofur Galbeed Somalia Madoobe Nuunoow Maxamed, ayaa la sheegayaa inuu weli ka dhaga adeegaayo Codsiyo ay u jeedinayaan Mas’uuliyiin ay kamid yihiin Ra’isulwasaaraha Dalka C/weli Sheekh Axmed iyo Guddoomiyaha Baarlamaanka DF Jawaari, waxaana la Tilmaamayaa inuu ka madax adeegay codsigaasi.

Mid kamid ah Saraakiisha garabka Madoobe Nuunow ayaa inoo xaqiijiyay in Nuunow iyo Mas’uuliyiintaasi ay kuwada hadleen qadka Telka balse Nuunow uu ku adkeystay in shirkaasi uusan aheyn mid iyaga Khuseeya, isagoona sabab uga dhigay imaanshaha Ra’isulwasaare C/weli.

Shirka ayaa waxaa ka maqan sida Wararku sheegayaan Hogaamiyaha Maamulka Lixda Gobol ee Koofur Galbeed Madoobe Nuunoow Maxamed iyo Xubnaha Maamulkiisa ka tirsan kuwaasi oo shirka uga maqnaa ka qeybgalka uu ka qeybgalay Ra’isulwasaaraha Dalka C/weli Sheekh Axmed.

Sidoo kale, Ugaas Xasan Cabdi Maxame oo ka mid ah Dhinacyada ka qeyb galaya Shirka dib u heshiisiinta Magaalada Baydhabo ka furmay ayaa sheegay in la wado Qorshe looga dhaadhicinayo Madoobe Nuunoow in uu Shirka ka qeyb galo, inkastoo uu sheegay inuu qaadacay Codsiyo ay u gudbiyeen Madaxda Dalka si meel leysugu keeno labada garab.

Maalinimadii Shalay ayay aheyd markii Magaalada Baydhabo ee Xarunta Gobolka Baay uu ka furmay Shir dib u heshiisiin ah oo loo qabtay Dadka Daga Gobolada Baay, Bakool iyo Shabellaha Hoose, iyadoona uu Shirkaasi Furay Ra;iisul Wasaaraha Xukumadda Soomaaliya.

Shirka dib u heshiisiinta Magaalada Baydhabo ka Furmay ayaa waxaa uu socon doonaa mudo 45-Cisho ah,waxaana ujeedkiisu uu yahay Nabadeeynta Dadka Daga Baay,Bakool iyo Shabellaha Hoose.

Caasimada Online

Xafiiska Muqdisho

[email protected]

Malta (Caasimada Online) – Afhayeen u hadlay Ciiddanka Badda ee Libya ayaa sheegay in dooni ay la socdeen ilaa 250-Muhaajiriin Afrikaan oo doonayey ah shalay oo Axad ah ku degtay Xeebaha Libiya.

Muhaajiriintaasi ayaa ku haminayey inay safar-baddeedkaasi ku gaaraan Xeebaha dalalka Europe, gaar ahaan xeebaha dalka Talyaaniga, oo ay inta badan Tahriibayaasha kaga sii gudbaan dalalka kale ee Europe.

Afhayeenka oo lagu magacaabo Ayuub Qaasim, waxa uu tilmaamay in ay doonidaasi ku degtay XeebTa Deegaanka Tajoora ee Bariga magaalladda Tripoli, wuxuuna xusay in la soo badbaadiyey 26-qof oo keliya oo ka mid ahaa Muhaajiriintii la socday doonidaasi.

Waxa uu intaasi ku daray inay jiraan maydad badan oo dul-sabaynayo Badda, wuxuuna xusay inay Ciiddanka Ilaaladda Xeebaha ku hawlan yihiin sidii loo heli lahaa dad kale oo ka badbaaday shilkaasi.

Dhinaca kale, in ka badan 100 Muhaajiriin Afrikaan oo ay Somali ku jireen ayaa bishii hore ku hafteen dooni ku degtay Xeebaha dalka Libya.

Dowladda Talyaaniga oo ay inta badan Muhaajiriinta doonyaha ku gaaraan xeebahooda ayaa toddobaadkan shaacisay inay in ka badan 100,000 oo Tahriibayaal shisheeye ah soo gaareen Xeebaha Talyaaniga sannadkan 2014-ka.

Xigasho: Reuters

Caasimada Online

Xafiiska Malta

[email protected]

Muqdisho (Caasimada Online) – Magaalada Muqdisho waxaa maanta oo Axad ah shir jaraa’id ku qabtay Korneel Barre Aadan Shire iyo wakiilkiisa u matalayay shirarka Kismaayo Cabdi Shiri Warsame waxaana ay ka hadleen arrimo dhowr ah.

Barre Hiiraale ayaa ugu horeen ka hadlay in shirkii dib u heshiisiinta ee la rabay in uu ka furmo Kismaayo uu dib u dhacay isla markaana maamulka kumeel gaarka ee Jubba uu wado arrin uu ku curyaaminaayo siddii uu hirgali lahaa shirkaas.

Barre Hiiraale ayaa ku baaqay in shirkaas aan la marin habaabin oo lagu wado sida la isku ogaa oo ahaa Addis Ababa, Muqdisho iyo Kismaayo.

Wuxuu tilmaamay in isaga iyo golle uu sameeyay ay qaateen nabadda oo ay ka doorbideen in la dagaallamo.

Mar uu ka hadlaayay shirka Kismaayo xilliga uu furmaayo wuxuu sheegay in shirkaas oo ay garwadeen ka tahay dowladda gaar ahaan wasiirka arrimaha gudaha in uu qabsoomayo 1-da bisha October, wixii kale uu yahay arrin marin habaabin ah.

Wuxuu sheegay haddii la qabto shir aan ahayn kii dowladda iyo beesha caalamka ay ogeyd ay qaadici doonaan.

Ma cadda wax yaabaha keenay in uu Barre Hiiraale hadalkan uu sheego iyadoo dhawaan magaalada Kismaayo ay kulmeen Barre Hiiraale iyo Axmed Madoobe.

Caasimada Online

Xafiiska Wararka Muqdisho

[email protected]