Pep Guardiola ayaa doonaya inuu noqdo tababaraha xiga ee Chelsea, macalinkii hore ee Barcelona ayaa qorsheynaya inuu xilkaan kusoo laabto xagaaga soo aadan wuxuuna saaxiibadiis u sheegay inuu mustaqbalkiisu yaalo Stamford Bridge.

Ka dib markii uu ku guuleystay sedax Horyaalka oo La Liga ah iyo laba Koo boo Yurub ah afar sano ee uu joogay Comp Nou, Guardiola, oo 41 jir ah ayaa go’aansaday inuu Qoyskiisa hal sano oo fasax ah kula qaato New York.

Markii uu xaqiijiyey inuu sanad ciyaaraha ka nasanaayo durba Chelsea ayaa dooneysay inay heshiis la gaarto laakiin isaga ayaa diiday.

Roberto Di Matteo ayaana waqtigaas la sugaayey wax ka badan sedax isbuuc ka dib markii uu kooxda ku hugaamiyey guushoodii Champions League ee bishii May ka hor inta aan tababare buuxa kooxda looga dhigin iyadoo laga saxiixay heshiis laba sano ah.

Ka dib guulihii uu kusoo gaaray Spian – isagoo u heeda-daabayey Rikoor 72% inuu guuleystay intii uu Joogay La Liga. Guardiola ayaa waxaa lala xiriirinayaa kooxaha ugu waa weyn Yurub laakiin waxaa la faham san yahay in dooqiisa ay tahay Chelsea oo uu door bidaayo.

Blues ayaa bedeshay hubaashii qaab ciyaareedkeeda iyadoo lasoo saxiixatay Juan Mata, Eden Hazard iyo Oscar, taas ayaana loo arkayaa midda soo jiidatay Guardiola, waxaana jira cadaadis ah inuu milkiile Roman Abramovich u qadarinaayo inuu galbeedka London sii ahaado waqti dheer.

W/Q: Ahmed Jaangoan

Email: [email protected]

Caasimada – Mogadishu.

Somaliland ayaa gaashaanka ku dhufatay Wasiirada maalintii shalay Xarunta dalka looga dhawaaqay gaar ahaan xilka loo doortay Marwo Fowsiyo Yuusuf Xaaji oo ah hada Ra’iisul Wasaare ku xigeen ahna wasiirka arimaha dibada Dowladda Soomaaliya loo magacaabay.

Cali Xaamud oo ah Wasiir ku xigeenka Wasaarada Waxbarasha Somaliland ayaa sheegay inaysan waxba ka qusayn Magacaabida Dr Fowsiyo oo deegaan ahaan ka soo jeeda Dhulka Maamulka Somaliland.

Waxaa uu sheegay Wasiirka inaysan waxba ka qusayn Somaliland talaabada Dowlada ay u qaaday magaacibada qof ka soo jeeda Somalilad Wasiirka Arimaha dibada.

Xaamud ayaa muujiyay inaysan marnaba badali doonin hadafkooda oo ah inaysa ku biirayn Soomaali wayn oo ay doonayaan inay noqdaan dal madax banaan ,olalaha Gooni isu taagoodana ay sii wadayaan.

Marwo Fowsiyo Yuusuf Xaaji sababta xilkaan loogu dhiibay ayaa waxaa ay dad badan sheegeen maadama ay tahay qof shacbiyad kuleh Somaliland inay fududayso isku imaanshaha Somaliland iyo Dowlada Soomaaliya.

Madaxwaynaha dowlada Soomaaliya Xasan Sheekh Maxamuud ayaa ka dalbaday Beelaha Soomaaliyeed inay ku qancaan Golaha Wasiirada ee maalintii shalay lagu dhawaaqay.

Ra’iisul Wasaaraha soomaaliya ayaa ku dhawaaway Shalay tiro wasiiro oo kooban taa oo ka dhigaysa inay yihiin kuwii ugu yaraa ee lagu dhawaqo.

Tuhuno iyo ganuuc badan ayaa soo baxay taas oo beelaha qaar ay kamuujinayaan habka wax loo soo xulay wajigabax taas oo keentay in madaxwaynaha uu hadlo.

Xasan Sheekh Maxamuud ayaa tibaaxay in beelaha soomaaliyeed looga baahanyahay inay ku qancaan oo ay aqbalaan sida ay wax u dhaceen.

Madaxwayanaha ayaa tilmaamay inuu la socda in beelaha ay ku qanacsaneen golaha Wasiirada ee la doortay,waxaana uu dhanka kale uu qeexay inaan loo qaadan in tobonka wasiir ee la doortay aysan ka aqoon badnayn Beelaha kale.

Ra’iisul-wasaaraha Soomaaliya ayaa soo dhisay golle wasiirro oo ka kooban toban xubnood oo ay ku jiraan 2 haween ah. Golahan ayaa ah tiradii ugu yareyd ee Soomaaliya loo soo dhiso muddooyinkii u danbeeyey.

Hoosta ka akhriso magacyada iyo taariikh-nololeed kooban ee qaar ka mid ah wasiirada cusub. ka raali noqda ma aynan wada helin dhammaan taariikhdooda, balse waa inta badan.

1. Marwo/Fowsiya Yuusuf X Aadan   ”Isaaq”– Ra’iisul-Wasaare ku-xigeen / Wasiirka Wasaaradda Arrimaha Dibadda:

Khabiir-hawleed xirfad iyo aqoon aad u durugsan u leh Xiriirrada Caalamiga ah, Maaraynta, Gargaarka Bani-aadamka, Saxaafadda, Qaramada Midoobay, Tacliinta, Awoodeynta Dumarka, iyo la-tacaalidda Saboolnimada.

• Saxaafadda, Tacliinta, iyo Xiriirka Caalamiga ah ku baratay jaamacado caan ah oo ku kala yaalla  Dalalka Faransiiska, Suudaan, iyo Maraykanka
• Xilal sare ka soo qabatay safaaradihii ay Soomaaliya ku lahayd dalalka Jarmalka, Faransiiska  iyo Maraykanka
• Aasaastay, agaasimena ka noqotay RAAD International iyo RAAD TV.
• Aasaastay, noqotayna hormuudkii ugu horreeyey ee Jaamacadda Hargeysa.

2. Mudane/Abdullahi Abyan Nuur  ‘Dir -Koonfureed/Biyamaal’- Wasiirka Wasaaradda Garsoorka,Arrimaha Diinta & Awqaafta

3. Mudane/Cabdixakiin Maxamuud Xaaji Fiqi  ”Dabare-Raxanweyn” – Wasiirka Wasaaradda Gaashaandhigga.Wasiirkii hore ee Gaashaandhigga, ahaana Raysal-wasaare ku-xigeen; Guddoomiyihii hore ee Guddiga Abaaraha.

• Maaraynta Ganacsiga iyo Maamulka Guud ee Bulshada ku bartay Jaamacadda Strayer ee ku taalla magaalada Washinton DC ee ku taalla carriga Maraykanka
• Diblumaasi ka tirsanaan jirey safaaraddii ay Soomaaliya ku lahayd dalka Maraykanka.
• Ka mid ahaa ergada Soomaaliya u joogi jirtey Kulanka Guud ee Qaramada Midoobay ee magaalada New York
• Ku-simaha Qunsulka Guud ka soo noqday sfaaraddii ay Soomaaliya ku lahayd dalka Kanada
• Khibrad aqooneed iyo mid shaqo oo ka badan 25 sano u leh maamulka iyo Maaraynta
• Ku hadla afafka Ingiriisiga iyo Carabiga

4. Mudane/ Cabdikariin Xuseen Guuleed  ”Sacad -Habar gidir-Hawiye”– Wasiirka Wasaaradda Arimaha Gudaha iyo Amniga Qaranka.

Xirfadle hawlo  badan ka soo qabtay Maamulka iyo Maaraynta.

• Agaasime-daleed u soo noqday Hay’adda Muslimka Afrika
• Qayb libaax ka qaatay aas-aaska barnaamijyo aqooneed iyo kuwo hawleed oo ay leedahay Jaamacadda SIMAD
• Guddoomin jirey Naadiga FPEN oo ah xiriir ay leeyihiin Ururrada ku hawlan Meheradaha Waxbarashada ee Gaarka loo Leeyahay
• Ku hadla Afafka: Carabiga iyo Ingiriisiga

5. Mudane/Maxmuud Xasan Suleymaan (Cawil)  ”Cumar Maxamud, Majeerteen -Daarood”– Wasiirka Wasaaradda Maaliyadda iyo Qorsheynta. Aqoonyahan ku takhasusay khibradna u leh maaliyadda iyo qorshaynta:

• Ka qalin jebiyey Jaamacadda  Istareeyar Kolleej oo ku taalla Carriga Maraykanka
• Waddamada Sacuudiga iyo Iswiserland uga soo shaqeeyey Bankiga Islaamiga ah ee la yiraahdo Daarul Maal Al-Islaami.
• Soo qaatay tababbarro badan oo xirfadeed oo ku saabsan maaliyadda, maalgashiga, iyo qorshaynta
• Muddo ku dhaw afartan (40) sano ku soo dhex jirey mihnadda maaliyadda iyo xisaabaadka.
• Si wanaagsan ugu hadla luqadaha Ingiriiska iyo Carabiga

6. Mudane/Cabdulaahi Ciil-mooge Xirsi ”Ogaadeen-Daarood”- Wasiirka Wasaaradda  Warfaafinta iyo Isgaarsiinta. Aqoonyahan khibrad u leh u-saldhigidda iyo kobcinta is-gaarsiinta iyo ganacsiga, ahna sarkaal sare oo ka tirsanaa Ciidamadii Xoogga Dalka Soomaaliya

• Ka qalin-jebiyey Kulliyadda Saadka ee ku tiillay Volsk iyo Saratof oo ku yaalla Midawgii hore ee Soofiyeetiga.
• Hay’adda Cuntada Adduunka (WFP) uga soo shaqeeyey dalalka Afqaanistaan, Usbekistaan, Kasaakhistaan, iyo dalal kale
• Khibrad shaqo iyo aqooneed oo ka badan 35 sano u leh mihnadda Is-gaarsiinta casriga ah iyo Saadaalinta Dhaqaalaha

7. Mudane/Cabdirisaaq Cumar Maxamed ”Xawaadle -Hawiye”.– Wasiirka Wasaaradda Kheyraadka Dalka.

Aqoonyahan ku takhasusay dhaqaalaha iyo culuumta bay’adda, khibrad iyo faham durugsanna u leh wax-soo saarka.

• Ka qalin-jebiyey Jaamacadda York University oo ku taalla Carriga Kanada
• Maareeyaha Barnaamijyada ka ahaa xafiis bulshada Soomaaliyeed ee Kanada ku nool looga qaban jirey adeegyada kala ah: caafimaadka, shaqo-helidda, u-doodidda saboolka iwm.
• Agaasime sare ka ahaa Hay’adda Horumarinta Hiiraan oo qalab caafimaad iyo adeegyo kale oo dhinaca dhaqaalaha ah ugu deeqday cisbitaalka weyn ee Beledweyne
• Guddoomiye ka ahaa Hay’adda  la yiraahdo “Danta Soomaalida” oo u ol-olayn jirtey wanaajinta xaaladda dadka Soomaaliyeed iyo dalka Soomaaliya
• Si wanaagsan ugu hadla Afka Ingiriisiga

8. Mudane/Muxyadiin Maxamed Kaalmooy  ”Jareer-Weyne”– Wasiirka Wasaaradda  Hawlaha Guud iyo Dib-u-dhiska.

9. Marwo/Drs Maryan Qaasim  – ”Barawaani, Beesha Shanaad” Wasiirka Horumarinta Adeega Bulshada.

Wasiirkii hore ee Wasaaradda Horumarinta Dumarka & Daryeelka Qoyska.  Dhakhtarad ku takhasustay Cudurrada Carruurta iyo Taranka Haweenka.

• Ka qalin-jebisay Jaamacaddii Umadda Soomaaliya, qaybta caafimaadka
• Tacliinta caafimaadka ka kororsatay Waddanka Nederlaand
• Shahaado Sare oo Caafimaadka Bulshada ah ka qaadatay Carriga Ingiriiska
• Maamullo sare oo dhinaca caafimaadka ah ka soo qabatay dalalka Yemen, Wasaaradda Caafimaadka ee Nederlaand, iyo dalka Ingiriiska
• Khibrad iyo aqoon ka badan soddon (30) sano u leh daryeelka iyo caafimaadka aadamiga
• Si fiican ugu hadasha Afafka: Ingiriisiga, Dhajka, Carabiga, iyo Talyaaniga

10. Mudane Maxamud Axmed Xasan  ”Hadame-Raxanweyn”. – Wasiirka Wasaaradda Ganacsiga iyo Warshadaha.

Sida aan kasoo xiganay wargeyska kasoo baxa dalka Talyaaniga ee CalcioMercato, Barcelona ayaa rajo weyn ka qabta inay Janaayo soo dhaqaajiso daafaca dambe ee kooxda Manchester United Nemanja Vidic. Ciyaaryahanka heerka caalami ee dalka Serbia waana shaawac qaba waxaana la filayaa inuu garoomada kusoo laabto ka hor sanada cusub. Tababaraha Barcelona Tito Vilanova ayaana doonaya inuu Old Trafford kasoo kexeeyo daafacaan.

Iyadoo ay Chris Smalling iyo Phil Jones garoomada kusoo laabteen Rio Ferdinand iyo Jonny Evans ayaa u muuqday kuwo booska daafaca adkeeyey xilli ciyaareedkaan, Man United ayaanse qarsan Karin dhibaatada daafaca dhexe, Ferguson ayaana laga yaabaa inuusan iibin daafaciisa maadaama uu baahi u qabo.

Barcelona ayaa hugaanka u heysa La Liga inkastoo ay si fiican ku bilowdeen xilli ciyaareedka hadana waxaa kooxda Comp Nou ka muuqday dhibaato daacaf la’aaneed marka loo eego dhaawacyada Carles Puyol iyo Gerard Pique, Javier Mascherano ayaana booskaas bedelay halka uu Vilanova. Marba qorshe ku dhiso daafaciisa habacsan.

Barcelona ayaa sidoo kale xakameyn weysan goolasha laga dhaliyaano iyadoo 12 jeer shabaqeeda lasoo taabtay 4 ka mid ah waxaa ka dhalisay kooxda Deportivo La Coruna. Waxayna dooneysaa inay isku dhisto kabtanka Red Devils Vidic.

W/Q: Ahmed Jaangoan

Email: [email protected]

Caasimada – Mogadishu.

Sir Alex Ferguson ayaa qaba in la xalin karo dhibaatada goolku laadka ka heysata kooxdiisa Manchester United, wuxuuna sheegay inuu laftiisu ridayo hal rigoore.

United ayaa ku dhibaatooneysay xilli ciyaareedkaan goolku laadka waxayna iska qasaariyeen Afar Rigoore marka lagu darro midii uu Wayne Rooney qasaariyey kulankii Arsenal.

Rigooradii Wayne Rooney ayaa Red Devils ka dhigeysa inay afar ciyaaryahan oo kala duwan ka qasaariyaan afar gool ku laad tababare Fergie ayaana midaas ku wareeray.

“Waxaan filayaa inaan hal mid tuuro isbuuca soo aadan  — ka dib waan dhalin doonaa,” ayuu ku kajamay Alex.

Robin van Persie ayaa ahaa ciyaaryahankii ugu horeeyey ee Rigoore ka qasaariya United ka dib markii uu gool hayaha Southampton Kelvin Davis ka badbaadiyey kubadii loo dhigay meel goolka u jirta 12 Yard.

Javier Hernandez ayaa isna laga qabtay kulankii ay United wajahday Wigan, ka dibna Nani ayaa qasaariyey kulankii Champions League-ga ee Galatasaray.

“Waxaan oo kale wey dhacaan aynu horay uga socono,” ayuu yiri Rooney.

“Xaqiiqdii waan ka niyad jabay balse horay ayaan uga sii socday markii aan kulanka ku guuleysanay, taasoo aheyd mida muhimka inoo ah.”

W/Q: Ahmed Jaangoan

Email: [email protected]

Caasimada – Mogadishu.

Gudoomiyaha Xiriirka Kubada Cagta Ingiriiska David Bernstein ayaa u ololeynaya macquul ahaanshiyaha in la duubo wax yaabaha ay ku wada hadlaan garoorayaasha iyo ciyaartoydu inta ay socoto ciyaartu ka dib iska hor imaadkii Mark Clattenburg.

Garooraha Premier League-ga Clattenburg ayaa lagu heystaa inuu hadalo aan habooneyn u adeegsaday ciyaaryahanka qadka dhexe ee kooxda Chelsea John Obi Mikel intii uu socday kulankii Manchester United ee isbuucii lasoo dhaafay, laakiin garooraha ayaa beeniyey waxa loo heysto.

Hada, Garooraha, caawiyeyaashiisa iyo kan afaraad ee rasmiga ah ayey mid walba isku maqli karaan Mikrafoonka laakiin waxa ay ku wada hadlaan lama duubo.

Garsoorihii hore Keith Hackett ayaa axadii soo jeediyey in dhibaatadaan la xaliyo sida ugu dhaqsaha badan, Bernstein ayaana rumeysan in dhibkaan xal loo helo.

“Garooruhu wuxuu la hadli karaa caawiyeyaashiisa iyo garooraha afaraad ee rasmiga ah wayna ka warqabaan waxa lagu wada hadlo, balse lama duubo,” ayuu yiri Bernstein oo la hadlaayey BBC Radio Five Live’s Sportsweek programme

“Si ay u dhacdo in la duubo, waa in xiriirka garsoorayaasha oo ay xukunto FA-ga, Premier League iyo Football League ay soo jeediyaan in sidaasi wax la yeelo.

“Ka waxey u baahnaan doontaa in la horgeeyo FIFA iyo ururka wax ka bedela sharciyada kubada cagta ee IFAB si ay u ansixiyaan.

“Qorshahu wuxuu qaadan karaa waqti dheer waana in laga taxadaraa. Waa mid ka mid ah wax yaabaha ugu waa weyn IFAB mana ahan in loogu boodo fursada si dhaqso ah.”

W/Q: Ahmed Jaangoan

Email: [email protected]

Caasimada – Mogadishu.

Tababaraha Arsenal Arsene Wenger ayaa doonaya inuu dhiso qorshihiisa weerarka ka dib markii uu arkay in kooxiisa ay xilli ciyaareedkaan kubada ku lumineyso marka ay tagto afaafka goolka.

Macalinka Emirates Stadium ayaa doonaya inuu sida ugu dhaqso badan Janaayo marka uu suuqu furmo isaga dhiso Weerarka wuxuuna Wenger isha la raacayaa weeraryahanka Man City Edin Dzeko kaasoo uu u arko midka baahi tiri kara kooxda ka dhisan London, sida uu qoray wargeyska Caught Offside.

Gunners ayaa dhibaato ka heysataa inay Theo Walcott qandaraas cusub ka saxiixato, kaasoo ku jira sanadii ugu dambeysay ee heshiiskiisa, waxaana Arsenal dooneysaa inay ku bedelato weeraryahanka Bosnia kaasoo u muuqda inaan loo qadarin dooqa koowaad ee tababare Roberto Mancini

Dzeko ayaa ah ciyaaryahanka ugu goolasha badan Man City Horyaalka inkastoo uu sedax kulan kusoo bilowday hadana wuxuu dhaliyey toban gool xaalada ayaana ahaan karta inuu ciyaaryahankii hore ee Wolfsburg baadi goob u galo tartan cusub. Waxaana laga yaabaa in suuqa la dhigo.

Wenger ayaa ganacsi heer sare ah kala dhexeeyaa kooxda Etihad Stadium isagoona Man City ka iibiyey xilli ciyaareedyadii dhowaa Gael Clichy, Kolo Toure, Samir Nasri iyo Emmanuel Adebayor wuxuuna tababaruhu dareemayaa inuu si fudud gacanta ugu soo dhigi karo Dzeko.

Man City ayaa 27 milyan oo ginni Dzeko kula soo wareegtay 18 bilood ka hor waxaana laga yaabaa inuu u baqoolo Arsenal. Iyadoo uu miiska saaran yahay inuu Gobolka Manchester u dhaqaaqo Theo Walcott.

W/Q: Ahmed Jaangoan

Email: [email protected]

Caasimada – Mogadishu.

Steven Gerrard ayaa saftay kulankiisii 600aad ee isagoo xiran maaliyada Liverpool xilli ay Reds gurigeeda Anfield barbaro kula gashay Newcastle, ciyaar dhacday axadii.

32 jirkaan ayaa noqonaya xidigii tobnaad ee gaara Rikoorkaan isagoo ka hor ciyaaraya The Kop, iyo gegeda Anfield Road. Wuxuu kooxda kulankiisii ugu horeyay u ciyaaray bishii November 1998dii markaasoo ay garoonkeeda guul uga  gaartay Blackburn.

Gerrard ayaa ku guuleystay labada koob ee qaarada Yurub laga dhigo Champions League iyo Uefa Cup intii uu ku jiray waayihiisa ciyaareed ee Liverpool, wuxuuna kooxda ku hugaamiyey laba FA Cup iyo sedax League Cup, isagoo mid ka mid ah u qaaday xilli ciyaareedkii lasoo dhaafay.

Laba ka mid ah bandhigyadiisii uu ku can baxay ee Final-da kooxda. Gerrard waxaa lagu amaanaa inuu sabab u ahaa guushii ay 2005tii Liverpool Champions League uga qaaday AC Milan, halka uu ciyaaryahanka qadka dhexe gool dhaliyey waxaana sidoo kale u diiwaan gashan guushii Reds ay FA Cup kaga qaaday West Ham isla sanadkaas.

Wayne Rooney ayaa ugu hambalyeey kabtanka Liverpool safashadiisa taariikhiga ah, iyadoo uu weeraryahanka Manchester United ku qoray akoonkiisa Twitter: “Hambalyo ku socota Stevie G kaasoo saftay kulankiisii 600aad. Halyeey weyn wax walba kooxdu waa ku taagereysaa.”

W/Q: Ahmed Jaangoan

Email: [email protected]

Caasimada – Mogadishu.

Ra’iisul Wasaaraha Somalia Cabdi Faarax Shirdoon ayaa maanta ku dhowaaqay golaha wasiirada cusub ee Dowladda oo ka kooban 10 wasiir. Haddaba, waxaan halkan idin kugu soo gudbineynaa wejiyada cusub ee wasiirada.

Cristiano Ronaldo ayaa sheegay in xiriir xirfadeed uu kala dhexeeyo Lionel Messi oo aysan saaxiibtinimo kala dhexeyn ciyaaryahanaka heerka caalami ee dalka Argentina.

Labada xidig ayaa xafiiltan ka dhexeeyey sanadiihii u dambeeyey, iyadoo labada ciyaaryahan ay u ciyaaraan kooxo xafiiltama Real Madrid iyo Barcelona.

Laakiin, wuxuu sheegay inaysan isku dhoweyn, Ronaldo ayaana ka dhawaajiyey inuusan khilaaf ka dhexeyn labadooda wuxuuna sheegay inuu xushmad u haayo xidiga Barcelona.

“Isaga [Lionel Messi] waa ciyaaryahan weyn,” Ronaldo ayaa sidaasi u sheegay beIN sport. “Waxaa igala dhexeeya xiriir xifadeed isaga sida ciyaartoyda kale.

“Saaxiib ma nihin maxaa yeelay ma wadaagno qolka lebiska. Waan xushmeeyaa sida ciyaartoyda xirfadlaha ah oo kale. Ma nihin saaxiib dhab ah, waxaan saaxiib ku nahay oo keliya xirfadeena. Ma jiraan wax khilaafaad ah oo naga dhexeeya labadeeda
“Waa wax la abuuray hada oo keliya maahan, waxay soo jiitameysay shantii sano ee ugu dambeysay. Mana xakameyn karo.”

W/Q: Ahmed Jaangoan

Email: [email protected]

Caasimada – Mogadishu.

Goordhow ayaa lagu dhawaaqay Golaha Wasiirada Cusub ee Xukuumada Ra’iisul Wasaare  Cabdi Faarax Shirdoon Saacid.

Ra’iisul Wasaaraha ayaa ku dhawaaqay Ilaa Toban Wasiir oo ay ku jiraan  laba Haween ah.

Hadabada Waa kuwan Tirada Wasiir ee la magacaabay iyo Xilalkooda iyo beelahooda

1-Fowziyo Yuusuf Xaaji Aadan Ra’iisul Wasaare kuxigeenka ahna Wasiirka Arrimaha Dibada ”Isaaq”

2-C/llaahi Abyan Nuur Wasiirka Garsoorka iyo Arrimaha diinta iyo awqaafta ”Dir -Koonfureed”

3-C/xakiin Xaaji Maxamuud Fiqi Wasiirka Gaashaandhiga ”Dabare-Raxanweyn”

4-C/Xakiin Xuseen Guuleed Wasiirka Arrimaha Gudaha iyo Amniga Qaranka ”Sacad -Habar gidir-Hawiye”

5-Maxamuud Xasan Suleymaan Cawil Wasiirka Maaliyada iyo Qorsheynta ”Cumar Maxamud-Daarood”

6-C/llaahi Ciilmooge Xirsi Wasiirka Wasaarada Warfaafinta iyo Isgaarsiinta”Ogaadeen-Daarood”

7-C/risaaq Cumar Maxamed Wasiirka Wasaarada Kheyraadka ”Xawaadle -Hawiye”.

8-Muxiyadiin Maxamed Kaalmoy Wasiirka Wasaarada Howlaha guud iyo dib u dhiska ”Jareer-Weyne”

9- Maryan Qaasim Wasiirkii hormarinta iyo adeega bulshada ”Barawaani, Beesha Shanaad”

10–Maxamuud Axmed Xasan Wasiirka Wasaaradda Ganacsiga iyo Warshadaha ”Hadame-Raxanweyn”.

Weeraryahanka kooxda Santos iyo dalka Brazil Neymar ayaa u arka inuu Xidiga kooxda Chelsea Oscar noqon doona laacibka caalamka ugu wanaagsan, sida uu qoray wargeyska The Sunday People.

Xidiga reer Brazil ayaa arka sida wanaagsan ee uu Oscar uga soo dhex iftiimay qadka dhexe ee Stamford Bridge, wuxuuna u rajeeyey inuu sameeyo wax ka wanaagsan wixii uu Cristiano Ronaldo ka sameeyey Premier League.

Weeraryahanka Santos Neymar ayaa yiri: “Horyaalka Premier League waxaa ka ciyaara ciyaartoy badan oo tayo leh laakiin qofna ma gaarin weli heerkii Ronaldo.

“La Liga waxaad ku arkeysaa inay heystaan Messi, Ronaldo, Falcao, Iniesta iyo ciyaartoy kale oo fara badan.

Waa saaxiibkey laakiin uma hadlaayo saaxiibnimo ahaan marka aan dhahayo oscar wuxuu ku socdaa wado uu ku sameynaayo wax ka wanaagsan wixii uu Ronaldo samaayey.

“Wuxuu leeyahay awood farsamo wuuxuuna jeystaa wax aysan laheyn ciyaartoyda caalamku wuxuu dhalin karaa goolal qurux badan.

“Waa sidii Ronaldinho iyo Rivaldo, sixiroole ayaad u fishaa marka uu kubada heysto –  sidoo kale waa inaan ogaataa inuu si wanaagsan kula bilowday Chelsea weli wax ayaa kuu dhiman.

“Kulamo waa weyn ayuu ciyaaraa wuxuuna heystaa wax walba oo uu ku noqon karo ciyaaryahanka ugu wanaagsan caalamka labada sano ee soo aadan.”

W/Q: Ahmed Jaangoan

Email: [email protected]

Caasimada – Mogdishu.

Faah faahin ayaa kasoo baxaysa qarax qasaara gaystay oo ka dhacay Magaalada Gaarisa oo xarun u ah gobolka Waqooyi bari.

11 ruux ayaa la tilmaamayaa inay ku dhaawacmeen qarax bambaano oo maanta lala beegsaday Kaniisad ku taalo Gaarisa.

Dad Fara badan ayaa ku sugnaa kaniisada oo waxa loogu yeero Cibaado halkaas u galay.

Weerarka Bam ayaa waxaa fuliyay Labo ruux kadibna ay sii daba dhigeen Risaas taas oo haleeshay dadkii ku sugnaa kaniisada.

Xaalada dadka Tiradooda 11-ka ah ayaa waxaa ay  tahay mid halis sida ay sheegtay Hey’adda Laanqeyrta cas ee Kenya.

Madaxwaynaha Dowlada Soomaaliya ayaa maanta xafiiskiisa waxaa uu ku qaabilay Masuuliyiin Caalami ah oo ka socda Dowlada Mareykanka.

Wafdigan ayaa Kulan ka dhacay Garoonka Muqdisho waxaa si wadajir ah ay uwada qaateen Madaxweynaha dalka Soomaaliya Xasan Sheekh Iyo Wildhish Sherman oo ah ku xigeenka kaaliyaha arimaha dibada Mareykanka oo arimo badan kawada hadlay.

kulankaasi kadib ayaa waxaa saxaafada la hadlay Madaxweynaha dalka Soomaaliya Xasan Sheekh Maxamuud oo faahfaahin ka bixiyay waxyaabaha looga hadlay kulankaasi.

Madaxwayne Xasan Sheekh ayaa sheegay in wafdiga ka socda Dowladda Mareykanka ay kawada hadleen horumarada ka jira dalka Soomaaliya iyo sidii loosii ambaqaadi lahaa howlaha Dowladda cusub ee dalka Soomaaliya.

Xasan Sheekh Maxamuud ayaa qeexay in wafdiga maanta yimid Magaalada Muqdisho ee ka socday dalka Mareykanka ay noqonayaan wafdigii ugu horeeyay ee soo gaara Magaalada Muqdisho tan iyo markii lasoo dhisay Dowladda cusub ee dalka Soomaliya.

Wafdigan ayaa intaas kadib waxaa ay ka duuleen Magaalada Muqdisho.

Lionel Messi ayaa waayo taariikhi ah ku hugaaminaya kooxda Barcelona iyadoo aan kooxda ka dhisan Gobolka Catalonia weli dhinaceeda dhulka la dhigin ka dib guushoodii La Liga ay ka gaareen Celta Vigo, laakiin Messi kuma guuleysan inuu Gool ugu dabaal dego dhalashada wiilkiisa Thiago.

Messi ayaase xalay soo bandhigay abaal marinta Golden Shoe ee uu sanadkaan ku guuleystay ka dib markii uu ahaa gool dhaliyaha ugu badan qaarada Yurub.

“Leo Messi wuu fiican yahay. Waan ka welwelsaneyn sababtoo ah waxay u akeyd inuu qabay dhibaato lawga ah laakiin hada waa garaacmasho oo keliya.” Sidaasi waxaa yiri Tito Vilanova.

Mourinho ayaa dhankiisa ka hadlay sida uu u arko kooxdiisa ka dib markii ay guul 4-0 ah ka gaartay Real Zaragoza.

“Waan awoodnay waxaana u ciyaari karnay si ka heer sareysa,” Mourinho ayaa sidaasi yiri. Wuuna ku saxnaa: ma ahan habeen la sheego wax quseeya ilmahaada. Xitta Messi ma ahan.”

Jadwalka Mourinho Intii Uu Macalin U Ahaa Real Madrid.

JOSE MOURINHO | 100 Guul oo Real Madrid Ah

W/Q: Ahmed Jaangoan

E-mail: [email protected]

Caasimada-Mogadishu.

Taniyo burburkii dawladdii dhexe 1991-dii, Soomaaliya waxay soo yeelatay dawlado ku meel gaadh ahaa oo is-daba jooga, iyagoo qaar ka mid ah aysan anfac lahayn ama ay ahaayeen sidii wax aan jirin. Balse dhalashada dawlad cusub oo rasmi ah darteed, Soomaaliya waxay bilowday inay ka tagto xilligii kala guurka ahaa.

Sanadka 2012-da, sharci dajiyeyaasha Soomaaliyeed ayaa ku guulaysatay inay ansixiyaan dastuur cusub, kaddibna madaxweyne ugu doortay Xassan Sheekh Maxamuud doorashadii ugu horaysay ee lagu qabto Soomaaliya muddo ka badan labaatan sanadood.

Janaayo 26, 1991: Madaxweyne Maxamed Siyaad Barre ayaa la riday. Tartan awoodeed dhex maray dagaal oogayaashii qabiillada ayaa dilay ama dhaawacay kumanaan shacab ah.

Juunyo 1991: Shan bilood kaddib markay dhacday dawladdii dhexe ee Soomaaliya, Madaxweynaha Jabuuti Xassan Guuleed Abtidoon wuxuu ku casuumay kooxaha dagaalamaya inay ku wada hadlaan Jabuuti markii ugu horraysay.

Luuliyo 1991: Shir labaad ayaa lagu qabtay Jabuuti kaasoo kooxihii ka qayb galay ay ku heshiiyeen in loo doorto Cali Mahdi Maxamed madaxweynaha Soomaaliya ee ku-meel-gaadhka ah muddo laba sanadood ah.

Jeneraal Maxamed Faarax Caydiid wuxuu qaadacay doorashada Maxamed ee jagada madaxweynaha ku-meel-gaadhka ah.

Janaayo 1993: Qaramada Midoobay ayaa maal galiyay shir ay isugu yimaadeen kooxaha dagaalamaya oo ka dhacay Addis Ababa, Itoobiya si loo af jaro dagaalka sokeeye ee socda.

Maarso 1993: Kooxaha iska soo horjeeda ayaa saxiixay Heshiiskii Addis Ababa oo ay ku aqbaleen heshiis iyo hub dhigis, balse dagaalkii sokeeye ayaa sii socday, heshiiskiina wuu kala dhacay.

Oktoobar 1996: Madaxweynii hore ee Kenya Daniel Arap Moi wuxuu ku casuumay saddexdii hoggaamiye kooxeed ee ugu waynaa– Cali Mahdi Maxamed, Xusseen Caydiid iyo Cusmaan Caato — wada hadal nabadeed oo Nairobi lagu qabanayay.

Nofeembar 1996-Janaayo 1997: Dadaal nabadeedkii Moi waxaa hor joogsaday Itoobiya markay ka casuumeen 26 kooxood shir nabadeed ka dhacay Sodere, Ethiopia. Wada hadalladii Sodere waxay socdeen Nofeembar 1996 illaa Janaayo 1997, iyadoo 41 hoggaamiye qabiil ay matalayeen 26 kooxood.

Nofeembar 1997: Shirkii Sodere waxaa marin habaabiyay shir kale ee dib-u-heshiisiin ah oo Qaahira loogu qabtay kooxaha Soomaaliya oo dagaalku ka dhexeeyo.

Maayo 2000-Agoosto 2000: Madaxweynaha Jabuuti Ismaaciil Cumar Gelleh wuxuu marti sooray Shirkii Qaran ee Nabadaynta Soomaaliya ee Carta, kaasoo curiyay Dawladda Qaranka ee Ku-meel Gaadhka ah (TNG). Xildhibaanada Soomaaliyeed waxay madaxweynaha TNG u doorteen Cabdiqasim Salaad Xassan.

Diseembar 2003: Guddigii maamulka DQKM waxay baahiyeen inay masalifeen.

Oktoobar 2002-Oktoobar 2004: Guddi Dawladeedka Horumarka (IGAD) ayaa maal galiyay Shirkii Dib-u-heshiisiinta Qaranka Soomaaliya ee ka dhacay Eldoret, Kenya. Wada hadalladu waxay horseedeen in la aqbalo Qaraarka Ku-meel-gaadhka Federaalka ah iyo doorashadii Cabdillahi Yusuf Axmed madaxweynaha Dawladda Federaalka ee Ku-meel Gaadhka ah (DFKM), taasoo bedeshay DQKM. DFKM waxaa loo qorsheeyay inay Soomaaliya ka gudbiso xilliga kala-guurka ah markuu wakhtigeedu dhamaado Agoosto 2009.

Juunyo 2006-Diseembar 2006: Midawga Maxaakimta Islaamiga ah (ICU) oo uu hoggaaminayay Sheekh Shariif Sheekh Axmed ayaa ka talinayay koonfurta Soomaaliya inteeda badan kaddib markay dagaal-oogayaashii Soomaaliya ka saareen Muqdisho.

Diseembar 2006: Ciidan isugu jira Soomaali iyo Itoobiyaan ayaa qabsaday Muqdishu kaddib markii ICU xoog looga saaray magaalada.

Janaayo 2007: Guddiga Midowga Afrika ee Nabadda iyo Ammaanka ayaa sameeyay Howgalka Midowga Afrika ee Soomaaliya (AMISOM) oo ah ciidan nabad sugid oo markii hore loo qorsheeyay inay lix bilood ku taageeraan dadaallada heshiiska. Golaha Ammaanka ee Qaramada Midoobay ayaa sidoo kale ansixiyay howlgalka Febraayo.

Sebteembar 2007: Hoggaamiyeyaasha ICU iyo qaybo mucaarad ah oo ka tirsan DFKM ayaa ku kulmay Asmara, Eriteria kuwaasoo curiyay Ururka Dib-u-xoraynta Soomaaliya (ARS).

Juunyo 2008: Dawladda ayaa Jabuuti kula saxiixatay heshiis saddex bilood ah oo xabad joojin ah ARS, balse hoggaamiyaha ARS Xassan Daahir Aweys wuu diiday heshiiska, kaasoo horseeday inuu ururku dhexda ka kala jajabo.

Maayo 2008-Juunyo 2008: Xildhibaano ka socda DFKM iyo ARS ayaa ku kulmay Jabuuti intii u dhexaysay Maayo 31-deedii iyo Juunyo 9-keedii kuwaasoo saxiixay heshiis nabadeed.

Janaayo 2009: Sharci dajiyeyaasha Soomaaliya waxay ku doorteen Jabuuti Madaxweynaha DFKM Sheekh Shariif Sheekh Axmed iyagoo 2 sano ku kordhiyay xilligii DFKM oo ahaa shan sano.

Febraayo 2011: Baarlamaanka Soomaaliya wuxuu u codeeyay in saddex sano oo dheeraad ah loogu sii daro xilligii loo qorsheeyay Hay’adaha Federaalka ee Ku-meel-gaadhka ah iyagoo diidmo kala kulmay daawadayaasha caalimiga ah. Waxay taasi dhalisay xurguf ka dhex dhalatay afhayeenka baarlamaanka iyo madaxweynaha oo mid waliba uu dalbaday in xilligiisa oo kaliya la kordhiyo.

Juunyo 9, 2011: Madaxweynaha DFKM Sheekh Shariif Sheekh Axmed iyo Afhayeenka Shariif Xassan Sheekh Aadan ayaa saxiixay Heshiiskii Kampala oo hal sano loogu kordhiyay xilligoodii dhamaan waaxyaha federaalka ku-meel-gaadhka ah. Heshiiska awgiis, DFKM waxaa laga doonayay inay sameeyaan dastuur federaal ah, doortaan madaxweyne kana saaraan Soomaaliya xaaladda ku-meel-gaadhnimo Agoosto 20-keeda, 2012.

Sebteembar 6, 2011: Hoggaamiyeyaal Soomaaliyeed iyo kuwo caalami ah ee joogay Muqdisho ayaa ku dhawaaqay Qorshaha Nabadda, liis qoraya daraasiin hab oo loogu hoggaaminayo Soomaaliya dawlad rasmi ah. Waxaa ku jiray qorsheyaal looga hortagayo burcad badeednimada, lagu askaraynayo kooxaha maleeshiyada maxalliga ah, u diyaar garowga doorashada, qaabaynta hawlgallo nabad-dhisid iyo ka hortagga musuq-maasuqa.

Diseembar 24, 2011: Hogaamiyeyaal ka kala yimid baaxada Soomaaliya ayaa saxiixay Heshiiskii Garoowe, iyagoo qorshe u sameeyay dawlad rasmi ah una qoondeeyay tiro go’an xildhiibaanimada dumarka ee baarlamaanka.

Febraayo 18, 2012: Hogaamiyeyaal ka kala yimid baaxada Soomaaliya ayaa saxiixay Heshiiskii 2-aad ee Garoowe, iyagoo qaabeeyay samayska nidaam federaal ah, nidaamyo doorasho iyo baarlamaan oo badalaya DFKM Agoosto.

Maarso 26, 2012: Hogaamiyeyaal Soomaaliyeed ee ku sugan Gaalkacyo ayaa aqbalay inay hawlgaliyaan tallaabooyn muhiim ah oo ku jiray Qorshaha Nabadda si loo gabagabeeyo xilliga kala-guurka, iyagoo waasiciyay heshiisyadii hore ee Garoowe kuna sii dheeraaday sharaxa tallaabooyin la’isku raacinayo dawlad goboleedyada Soomaaliya.

Maayo 31-Juunyo 1, 2012: Hoggaamiyeyaal Soomaaliyeed iyo kuwo caalami ah ayaa ku kulmay Istanbul, iyagoo ugu baaqay beesha caalamka inay sii wadaan taageeradooda dhisidda iyo si fiican u qalabeynta ciidamada ammaanka Soomaaliya, oo ay ku jiraan ciidanka bilayska qaranka, badda, ilaalada badda iyo hay’ado sirdoon inta ay socoto dib-u-heshiisiinta Soomaaliya.

Juunyo 20-21, 2012: Shir rasmiyeed laba maalmood socday ayaa dhex maray DFKM iyo Somalilandoo lagu qabtay London, kaasoo dhaliyay wada-hadalkii koobaad oo toos u dhex mara labada kooxood in ka badan 20 sanadood.

Maayo 21-23, 2012: Kuwii saxiixay Qorshaha Nabadda oo ku kulmay Addis Ababa kuna heshiiyay muddooyin is-daba taxan oo loo qabtay dhisidda hay’ado munaasab ah iyo in loo sameeyo Soomaaliya dastuur cusub.

Agoosto 1, 2012: Shirka Dastuurka Qaranka Soomaaliyeed xildhibaanadiisa ayaa si xooggan ugu codeeyay in dalka loo sameeyo dastuur cusub.

Agoosto 20, 2012: Baarlamaankii cusbaa ee Soomaliya ayaa lagu dhaariyay gegida diyaaradaha Muqdisho, taasoo tilmaan u noqotay dhamaadkii xilligii kala-guurka ee dalka.

Sebteembar 10-keedii, 2012: Xubnaha baarlamaanka Soomaaliya ayaa ku doortay Madaxweyne Xassan Sheekh Maxamuud doorashadii u horaysay ee madaxtinimo oo lagu qabto gudaha Soomaaliya in ka badan labaatan sanadood.

Isha: Sabahi.

Kooxda ka dhisan Anfield Road Liverpool ayaa ciyaaryahan kale ka dooneysa kooxda ku ciyaarta Liberty Stadium ee Swansea City.

Tababaraha Liverpool Brendan Rodgers ayaa xiiseynaya wiilka cusub ee Swansea City Michu wuxuuna doonayaa inuu keeno wiilka reer Spain gegeda Anfield ee ay ku ciyaarto Reds. Sida uu qoray Caught Offside.

26 jirkaan ayaa keliya July usoo dhaqaaqay Liberty Stadium wuxuuna guul waa weyn ka sameeyey kooxda ka dhisan Koonfurta Wales, isagoo lix gool shabaqa geliyey sagaal kulan uu uu ciyaaray Barclays Premier League tan iyo markii uu 1.7 milyan kaga soo dhaqaaqay Rayo Vallecano.

Rodgers ayaa Janaayo doonaya inuu iska dhiso booska weerarka wuxuuna diirada saarayaa weeraryahano quwad leh kuwaas oo xitta ka ciyaari kara booska kubad abuurka si uu ugu xoojiyo qadkiisa dhexe ee weerarka.

Michu ayaa sanadii hore qeyb ka ahaa kooxda Vallecano, wuxuuna 15 jeer shaqaqa soo taabtay ka hor inta uusan u dhaqaaqin EPL, tababaraha Liverpool ayaana u arka dooq fiican weeraryahankii hore ee Celta Vigo, kaasoo uu doonayo inuu kula midoobo kooxda ka dhisan gobolka Merseyside, laakiin tababarihii hore ee Swansea wey ku adkaan kartaa inuu ka dhaadhiciyo in koox ku jirta booska 12aad uu ku biiro xidigaani marka uu dib u furmo suuqa kala iibsigu.

W/Q: Ahmed Jaangoan

E-mail: [email protected]

Caasimada-Mogadishu.