Caasimada Online: Wadanka Taliyaaniga oo ka mid ah Wadamada ay Tahriibka dhanka badda ah ay Soomaalidu ku soo gasho ayaa habenkii xalay ahaa waxaa ka dhacday Doon cusub oo tahriibayaal Soomaali ah waday oo ku soo xiratay Jazeerada lamaduusa balse markii magaalada loo soo qaaday Tahriibyaasha waxaa dhacay arin yaab leh.
Arintani ayaa ah in dadyoowgii soo galay tahriibka ay xoog uga baxsadeyn askartii kadib markii ay ka carareyn in laga qaado faro ee nala daawo video-ga.
Muqdisho (Caasimada online) Dibad baxa oo ay kasoo qeyb galeen mas’uuliyiinta Maamulkaas iyo shacabka degmada ayaa waxay ku dhaliilsanaayeen dowlada Soomaaliya , iyagoona sheegay inay ka gaabisay wax u qabashada iyo ka war heynta shacabka dega deegaanada Maamulka Ximan iyo xeeb uu ka arimyo.
C/laahi Maxamuud Baarleex, Madaxweyna maamulka Ximan iyo Xeeb, ayaa shegay in dowlada Soomaaliya ay ka gaabisay dadaallkii looga baahnaa ayna kasoo horjeesy qorshe lagu mideyn lahaa gobolada dhexe ee dalka sida uu sheegay.
Wuxuu sheegay in dowlada Soomaaliya ay iska indha tirtay Maamulka Ximan iyo Xeeb , waxaana uu sheegay in dowlada Soomaaliya inay kasoo horjeedo horumarka gobolada dhexe ee dalka , taasina ay tahay mid aaney aqbali karin.
Baarleex ayaa shacabka wuxuu ka dalbaday inay iyaga garbaha is qabsadaan horumarkoodana ay ku xiran tahay sida ay iyaga isku caawiyaan , waxaana uu shaaca ka qaday in dowlada oomaaliya ay ku fashilmatay xaqiijinta amniga iyo xiriirka Maamulada dalka.
Halkan ka dhageyso Madaxweynaha Ximan iyo Xeeb
Halkaan ka dhageyso Madaxweynaha Ximan iyo Xeeb
Caasimada online
Xafiiska Muqdisho
Muqdisho (Caasimada online) Madaweynaha Maamulka Puntland C/raxmaan Sheekh Maxamed Maxamuud Faroole’ ayaa waxaa lagu eedeeyay inuu ka tilaabsaday howlihii loo idmaday iyo inuu sameeyay Kutagri fal dhanka hogaanka ah .
Nabadoon Yaasiin Cabdi Samad, wuxuu ka mid yahay nabadoonada kasoo jeeda gobolka Bari ee deeganada maamulka Puntland Wuxuu sheegay in Madaxweynaha maamulka Puntland C/raxmaan Faroole iyo mas’uuliyiinta Maamulkaas loobaahan yahay in maxkamad la horgeeyo.
Xafiiska Muqdisho
Addis-Ababa (Caasimada Online) – Waxaa lagu wadaa in maanta Magaalada Addis-Ababa ee dalka Ethiopia lagu soo gaba gabeeyo Shirka halkaasi uga soconaya Maamulka Jubbaland ee Axmed Madoobe iyo waliba Dowlada federaalka Soomaaliya, ayada oo inta badan la isku raacay qodobad, inkasta oo mar kasta ay xaaladdu is-beddeli karto.
Ergadii Axmed Madoobe iyo maamulayaasha Jubba Land ee Kismayo gacanta ku hay, ee garabka Axmed Madoobe ayaa iyagu aad u doonayay qodobo ay ka mid ayaaheen.
In maamulka Jubaland ee Ahmed Madoobe sidiisa ay dowladu ku aqbasho una aqoonsato maamul jira oo ka talinaya aayaha dhulka iyo dadka reer Jubba Land.
Is jiid jiid ka dib, sida ay sheegeen xubno xog ogaal ah oo kulankan ka qeybgalaya waxa ay labada dhinac isku raaceen qodoba dhowra oo ay ka mid yihiin
Labada dhinac ayaase xaley isku mari waayey cidda maamuleysa dekedda iyo garoonka Kismaayo, taasoo keentey in dib loo dhigo xaflad gunaanad ah oo shirkaasi loo sameyn lahaa, balse la filayo inay maanta dhado.
Jig-Jiga (Caasimada Online) – Maamulka Dowlda deegaanka Soomaalida itoobiya ayaa Maamulka Puntland ugu deeqay deeq waxbarasho oo lacag la,aan ah kadib markii Magaalada jig jiga soo gaareen wafdi ka socda Maamulka Puntland uu hugaaminayo Wasiirka shaqada iyo Shaqaalaha Puntland.
Wafdigaa ka socda Maamulka Puntland oo wali ku sugan Magaalada Jig jiga ayaa la sheegay in socdaalkooda uu la xariiro xoojinta xariirka Labada dhinac ee Puntland iyo Maamulka Dowlada Soomaalida Itoobiya iyo sidii ay deeqa waxbarasho uga heli lahaayeen.
Tani waxa ay ka dambeysay kadib markii Puntland ay horey u sheegtay in DF Somalia ay ka jartay deeqihii waxbarasho ee maamulkaasi uu ka heli lahaa dalal ay Sudan ka mid tahay. Halkan dhag sii
Maamulka Dowlada deegaanka Soomaalida itoobiya ayaa Puntland ugu deeqay 75 arday oo helay waxbarasho lacag la,aan ah waxa ayna deeqdaa daba socotaa heshiis hore u gaareen labada Madaxwayne Farole iyo Cabdi Maxmuud Cumar sanadkii hore.
Wafdigaa ka socda Maamulka Puntland ayaa ka kooban dhoor xubnood waxaana hugaaminaya Wasiirka sh/shaqaalaha iyo Ciyaaraha Puntland Cabdi wali xirse Cabdulle,Gudoomiyaha Gobalka Bari Cabdi Samad Maxamed Gallan iyo xubna kale.
Marka laga soo tago deeqda waxbarasho, ayaa sidoo kale Puntland waxa ay rajeeneysaa inay kaalmo dhaqaale ka hesho dowladda deegaanka Soomaalida Ethiopia.
Inkasta oo ay sheegtay in Dowladda Somalia ay u diiday deeqihii waxbarasho, haddana Puntland waxa ay iska diiday markab gar gaar siday o Turkiga uu uga diray Muqdisho, ayada oo ku sheegtay mid siysaadaseysnaa.
Caasimada Online
Xafiiska Garowe
[email protected]
Nairobi (Caasimada Online) – Iyadoo wali magaalada Adis- Ababa uu ka soconayo shir lagu wada heshiisiinayo Maamulka ka arimiya magaalada Kismaayo ee Axmed Madoobe iyo dowlada Soomaaliya , ayaa marba marka kasii dambeysa waxaa sii kordhaya dhaliilaha loo jeedinayo wada hadalladaas.
Faarax Macalin, Waa muwaadin Soomaali Kenyan ah waxaana mar uu oo ahaa gudoomiye ku xigeenkii Baarlamaanka Kenya, wuxuu sheegay in wax natiijo ah aysan ka soo baxayn Shirka Addis-Ababa uga soconaya madaxda Dowlada Soomaaliya iyo Maamulka Jubbaland ee Axmed Madoobe.
Isaga oo la hadlay wargeys kasoo baxa Kenya, ayuu Faraxa arrintaas wuxuu ku sababeeyay in Ethiopia marnaba aysan maslaxad u horseedeyn umada Soomaaliyeed , isagoo sheegay in Ethiopia ay mar waliba sii hurineyso colaadda dadka Soomaaliyeed .
“Ethiopia oo DF Somalia iyo Jubaland heshiisiineysa, waa Israel oo Falastiin iyo Masar heshiisiineysa, taasna caqli maaha” ayuu yiri Faarax Macallin.
Hadalka uu jeediyaya Faarax Macalin, Wuxuu u muuqdaa mid uu Soomaalida uga digayo inaan lagu qancin waxyaabaha shirkaasi kasoo baxa oo iminka gebo gebo ku dhow.
Faarax Macallin ayaa mar kasta siyaasad ahaan kasoo horjeeday Ethiopia, ayada oo waagii ay la dagaalantay maxkamadaha Islaamiga, oo ay Muqdisho qabsatayna, si aad ah Ethiopia uga weeraray warbaahinta.
Si kastaba waxaa jira warar sheegaya in Faarax Macallin siyaasad ahaan uu taageersan yahay maamulka Jubaland ee uu hogaamiyo Axmed Madoobe.
Caasimada Online
Xafiiska Nairobi
Muqdi(sho Caasimada online) Abaanduulihii hore ee ciidamada Xooga Dalka , General: Cabdi Kariin Yuusuf Aadan Dhaga badan, ayaa wuxuu beebniyay in Xilligii uu hoganka u ahaa ciidamada Xooga dalka ay Isbaarooyin u yaalen ciidamaddu.
Warar Mudooyinka la isla dhexmarayay, ayaa sheegayay in Ciidamada ay ka hor is badalka hogaanka ciidamadu ay Jidgooyooyin u yaaleen isla-markaana Dhagabadan, uu wax ka ogaa Isbaaroyinka ciidamada dowlada Soomaaliya.
Dhaga badan, ayaa si cad arintaas uga soo horjeestay isla-markaana beeniyay waxaana uu sheegay in hadiiba ay jiraan Jidgooyooyin u yaala ciidamada dowlada Soomaaliya ay isaga ka dambeeyeen balse intii u hoganka u ahaa ciidamada Xooga dalka aysan Jirin Wax isbaaro ah uu ciidamada u yaalay .
Sidoo kale Generalka , ayaa wuxuu ka hadlay warar sheegaya in uusan wareejin ciidamadii isaga ka amar qaadanayay kadib markii xilkii laga qaaday balse wali ay isaga hoos tagaan iyagoo ku howlgalay magaca ciidamo dowlada ka tirsan..
Wuxuu sheegay in arintaas ay Been abuur tahay isla-markaana uu wareejiyay wax waliba oo hoos imaanayay xilkii uu u hayay dowlada Somaaliya hadii ay ahaan laheyd mid maamul iyo mid ciidan intaba .
Dadka u dhuun duleela arimaha ciidanka iyo Siyaasada ,ayaa sheega in uu jiro wali awoodo ay leeyihiin Saraaskiishii dhawaan xilalka laga qaday, kuwaas oo uu ka mid yahay Cabadi kariin Yuusuf Aadan “Dhagabadan” abaan duulihii hore ee ciidamada Xoogga dalka.
Doowlada Soomaaliya, ayaa dhawaan xilkaas waxay u magacaawday Cabdi Risaaq Qaliif Cilmi kaas oo lagu badalay Dhagabadan, oo hore isagu xilkaas u hayay.
Caasimada online
Xafiiska Muqdisho
Waa muuqaal ay Al-qaacidada dalka Ciraaq xukun deg deg ah ku fulinaya Sadax nin oo gaadiid Tareelo ku safrayay xuduudka Ciraaq iyo Suuriya ka qabtaanteen, kuwaasi oo sheegay iney yihiin Sunniyiin ku dhegan Diintooda.
Muuqaalkaan oo marka aad daawato qalbiga ku danganaya ayaa mid ka mid ah Hoggaamiyeyaasha Al-qaacidada Ciraaq uu joojinayaa Afar Tareel oo ku sii jeeday Ciraaq, kuwaasi oo raggii waday ay soo dejinayaan, waxaana la weydiinayaa Diintooda mid walbana wuxuu ku jawaabayaa Islaam, Sunni ah.
Kadib waxaa la weydiinayaa Su’aallo ah Imisa Rakcadood aya la tukadaa Salaada Subax, Sadaxda nin oo ka mid ah darawalada Afarta Tareel ayaa waxay ku jawaabayaan Shan Rakco, oo ay ku adkeysanayaan, intaas kadib loo sheegayaa iney yihiin wax uu ku sheegay Kufaariin, sidoo kale waxay garan weynayaan sida loo Aadaanka Salaada, kadibna meel barxad ah inta la geeyo si naxaariis daro ah uu si safan uu rasaas ugu furayaa, gaadiidkii Tareelada Sadax ka mid ahna ee ay wateen dab ayey qabad siinayaan, halka nin kale uu ka badbaadayo dilkaasi.
Muuqaalkaan ayaa sidoo kale qeybta hore waxaa ku arkeysaa iyagoo gubaya shixnad Xashiis ah oo ay ku soo qabtaan howlgal ay fuliyeen, laakiin waa labo qeyb oo aan is laheyn dilka Sedaxda nin oo aan aheyn in ay garan waayeen Salaada iyo Aadaanka iyo Xashiishka ay gubayaan oo qeyb kale ah oo ka madax bannaan.
Sheekaddan ay sameynayaan Al-qaacida Ciraaq ayaa lagu arkay Al-Qaacida Soomaaliya iyagoo sameynaya oo dad reer Miyi weydiinaya Shanta Salaadood iyo qaabka loo tukada, waana isku mid Al-qaacida meel walba oo ay joogto.
FG: hadaadadan awoodin aragtida dad la tooganayo ha daawan video-gan halkaan hoose ka daawo:
Xigasho: Warfaafiye.com
Muqdisho (Caasimada online) Wargeyska Al-Bayeeys ee ka soo baxa Spain ayaa daabacay in Dowladda Spanishka ay u balan qaaday Soomaaliya 75 milyan lacagta yuuraha ah, lacagtaasoo lagu sheegay in gar gaar ahaan ama caawinaad loo siinayo Soomaaliya.
Spain ayaa sheegtay in iyada oo ka jawaabayso baaqyadii Qaramada Midoobay ee laga jeediyay shirkii todobaadkii hore lagu qabtay Roma Caasimadda Talyaaniga loogana hadlayay amniga raashinka lagu yaboohay Soomaaliya.
Wasiiradda Xiriirka Caalamiga Spain gabadha lagu magacaabo Thareya ayaa sheegtay in xukuumadda dalkeeda ay aad u daneeyneeyso ka qeeyb qaadashada yareynta mashaakilka cunna yarida ka taagan Caalmaka.
Thareya wasiirka Xiriirka Caalamiga Spain ayaa sidoo kale sheegtay in xukuumadda dalkeeda ay labalaabi doonto taagaarada Bini aadanimo ee ay u hayaan Soomaaliya
Spain ayaa sheegtay in kaalmada ay ugu tala gashay soomaliya ay u sii marsiineeyso Hay’adda Qaramada Midoobay gaar ahaan barnaamijka Cunnada Adduunka ee WFP.
Spain ayaa noqoneysa dowladda Koowaad ee ka jawaabta marka laga hadlayo dowladaha ka jawaabay baaqii ka soo baxay shirkii todobaad ka hor lagu soo gaba gabeeyay Magaadla Roma Ee caasimadda Talyaaniga kaa oo looga hadlayay mashaakilka Kataagan cunnada caalamka.
Caasimada online
Xafiiska Muqdisho
Muqdisho (Caasimada online) Cornel: Geeseey Cali Indhoole , TaliYaha guutada Seddexaad ee ciidamada Xoogga dalka Soomaaliya, ayaa wuxuu si kulul uga hadlay Isbaarooyin lagu eedeeyay in ciidamada dowlada Soomaaliya ay u yaalaan gobolka Shabeelaha Hoose.
Wuxuu qiray inay gobolka Shabeelaha Hoose meelo ka mid ah ay Isbarooyin yalaan balse wuxuu sheegay inaysan ciidamada dowlada Soomaaliya shaqo ku laheyn laakiin ay u yaalaan ciidamo maleeshiyo beleed ah .
Wuxuu sheegay in Isbarooyinkaas ay yaalaan inta u dhexeysa Muuri iyo Shalaambood isagoo sheegay in xitaa dadka Hantidooda lagu dhaco sida uu sheegay , waxaana sida uu tilmaamay ay si dadban ay u hoostagaan Mas’uuliyiin ka mid ah Maamulka Gobolka.
Siyaasad gaar ayuu sheegay in laga leeyahay eedeynta ah in ciidamada dowlada Soomaaliya ay Jidgooyooyin u yalaan Shabeelaha Hoose, balse arintaas aaney jirin cadeyn dhab ah oo muujineysa .
Ciidaamada dowlada Soomaaliya, ayuu sheegay inay bara Koontaroon ku leeyihiin meelo kamid ah gobolka, waxaana uu sheegay in wax lacago ah inaysan gaadiidka ka qaadin askarigii lagu arkana ay tilaab ka qaadayaan .
Waxa sababay in arintan ay heerkan gaarto, ayuu Taliyuhu ku sheegay inay tahay in Maamulka xubno kamid ah ay buun buuniyeen iyagoo siyaasad kale kaleh sida uu sheegay balse wuxuu sheegay in arintaas la isaga daba tagi doono sida uu shaaca ka aaday .
Mudooyinkan dambe, waxaa soo baxayay warar sheegaya in Jidgooyooyinka ay kusoo bateen gobolada Shabeelooyinka gaar ahaan Shabeelaha Hoose, dhawaana waxaa ka dhacay dagaal beeleed salka ku hayay is qab qabsi isbaaro ka dhashay kaas markii dambe gacan ka hadal iyo kala safasho ciidan qaab beeleed ah sababay inkastoo markii dambe la xaliyaya .
Caasimada online
Xafiiska Muqdisho
Addis Ababa (Caasimada Online) Wararkii ugu dambeeyay ee naga soo gaaray magaalada Addis Ababa ee xarunta dalka Ethiopia ayaa sheegaya in saxiixa qoddobada ilaa hadda lagu heshiiyay oo lagu waday in caawa la saxiixo dib loogu dhigay berri, islamarkaana shirka isla Isniinta berri la soo gabagabeen doono, inkasta oo daqiiqad kasta ay wax is-beddeli karaan.
Diplomaasiyiin ku sugan shirka ayaa Shabakadda Caasimada Online u sheegay in labada dhinac ay muujiyeen xaley iyo maanta waxaagaa caga jiid, waayo waxaa jirra qoddobo kal hore laga heshiiyay oo Jubaland ay ogolaatay oo hadda la soo nooleeyay.
In kasta oo qodobada ay dhowr yihiin, haddana qodobkii ugu muhiimsanaa oo ah in maamulka noqdo mid KMG ah weli waa la isku raacsan yahay.
Qoddoda la isku heesto waxaa ka mid ah
1-Axmed Madoobe ma madaxweyne ayaa loogu yeerayaa mise guddoomiye gobol. Dowladda waxa ay lee dahay waa in loogu yeeraa guddoomiye gobal sidoo kale in maamulo madax banaan loo sameeyo seddaxda gobal sida Jubbada Hoose, Jubbada Dhexe iyo Gedo, inkasta oo ay isaga hoostagi doonaan.
2-Sida loo qaybsanayo dhaqaalaha ka soo xarooda dekedda iyo garoonka diyaaradaha Kismaayo.
3-Dhammeestirka maamulka hadda jira in lagu wareejiyo dowladda iyadana ay dhammeestirto inta harsan sida baarlamaan iyo wasiiro.
4 – Dowladda in ay soo magacowdo taliyaasha ciidamada ee seddaxda goba, kaasoo ka amarqaata dowladda dhexe ee Soomaaliya.
Marka qoddobadan iyo kale waxa ay noqdeen caqabado ku hor-gudban shirka, taasoo haddana berri dib u sii dhagay saxiixa labada dhinac.
Sida ay lee yihiin diplomaasiyiinta shirka ku sugan, labada wafdi waxaad moodaa in ay daaleen iyadoona beesha caalamka iyo diplomaasiyiinta kale ee shirka jooga ay jahwareereen.
Kulanka labada dhinac wuxuu ahaa mid tan iyo xaley socday, waxaana u xirnaa albaabada in kastoo ay jiraan faragallin meelo badan ka imaaneysa
Caasimada Online
Xafiiska Wararka Nairobi
Garowe (Caasimada Online) – Madaxweynaha maamulka Puntland Cabdiraxmaan Faroole, ayaa fara-gelin ku haya wada hadallada DF iyo Axmed Madoobe uga socda magaalada Addis-Ababa ee dalka Ethiopia, mas’uul sare ayaa sidaas shaaca ka qaaday.
Afhayeenka Ururuada Bulshada Rayidka Puntland Daahir Cumar Siyaad, ayaa shaaca ka qaaday in Faroole uu dhawr mar culeys ku saaray Axmed Madoobe inuusan saxiixin qodobo lagu heshiiyo oo ka soo bixi lahaa shirka Adis’ababa.
Afhayeenka oo xalay la hadlayey barnaamijka Idaacadda Dalsan ee magaalada ayaa sheegay in Puntland ay si dadban oo daaha gadaashiis ah ay u riixeyso wafdiga Axmed Madoobe.
“Madaxtoyada Garowe shalay iyo Doraad telefoonadeeda Addis-Ababa ayey ku xirnaayeen , Axmed Madoobe marki 30 daqiiqo oo break time ah la siiyaba Faroole ayuu soo wacayaa mana ahan nin xur ah” ayuu yiri Dahir Cumar Siyaad.
Tuhunka ah in hogaamiyaha Raaskambooni Axmed Madoobe oo ku xiranyahay Faroole ayaa tan iyo shirka aad usoo badanayey, ayada oo Cumar Cabdirashid oo reer Puntland ah uu ka mid yahay ergada Axmed Madoobe la socota ee ka qeyb galaya shirka.
Xog ay Caasimada Online heshay goor dhow ayaa sheegeysa in Cumar Cabdirashiid ka baxay wada hadllada carro darteed, markii Axmed Madoobe uu aqbaly in maamulkiisa KMG uu noqdo, ayada oo wararkuna sheegayaan in amarkaas uu lahaa Faroole.
Heshiis dhex mara dowladda iyo Axmed Madoobe ayaa siyaasad ahaan fashil ku ah Puntland, sababtoo ah markii Puntland ay xiriirka u jartay DF waxa ay isku dayeysay inay muujiso muuqaal ah in dowladda Somalia laga soo wada horjeedo, sidaa darteedna heshiis dhaca waxa uu meel cidlo ah soo joojin doonaa Faroole.
Caasimada Online
Xafiiska Muqdisho
[email protected]
Caasimada Online is a reputable and reliable source of news and information on Somalia. As the largest Somali news site, we are dedicated to providing our readers with accurate and up-to-date coverage of the country's politics, society, and culture. Founded in 2009 by a Somali-American journalist, Caasimada Online is owned by Caasimada Media Group and headquartered in Mogadishu. In addition to keeping our readers informed, we strive to promote democracy in Somalia. If you have any questions or comments, please don't hesitate to contact us at [email protected]
Important Links
Trending
Social Media
© Caasimada Online 2012 | All Rights Reserved
