27.2 C
Mogadishu
Wednesday, June 25, 2025

Madaxweyne Xasan oo hadal cajiib ah ka yiri dibad bixii beelo diidan ay ka dhigeen Minnesota

Asad Cabdullahi Mataan
-
0

Minnesota  (Caasimada Online) Madaxweynaha Soomaaliya ayaa ka hadlay dibadbax shaley ka dhacay magaalada Minneapolis oo uu hadda isaga iyo wafdi uu hoggaaminaayo ay booqasho ku joogaan.

Madaxweyne Xasan Sheekh Maxamuud ayaa isagoo kula hadlaayay kumanaan qof magaalada Minneapolis ayaa sheegay in uu ku faraxsan yahay dibadbaxa ka dhacay meesha uu ku hadlaayay.

Wuxuu yiri “ Waan soo dhaweyneynaa dibadbaxa in uu  yahay mid boorar lasito oo aan la wadanin qoriga AK47, waa tallaaabo fiican”

Wuxu kaloo madaxweynaha uu sheegay in dowladiisa aysan ka soo horjeedin nidaamka Fedaraalka oo la rabo in laga dhaqangaliyo dalka.

Madaxweynaha ayaa sidoo kale sheegay in diyaar ay u yihiin siddii ula fadhiisan lahaayeen dadka dibadbaxaya oo ay u dhageestaan waxa ay doonayaan, haddii kooda uu sax noqdo la qaadan doono sida uu hadalka u dhigay.

Hadalka madaweynaha ayaa yimid kaddib markii shaley Boqolaal qof oo wata boorar ay dibadbaxyo ka dhan dowladda uu hoggaamiyo madaxweyne Xasan Sheekh Maxamuud ay ka dhiggeen magaalada Minneapolis oo ah meesha ugu badan ay ku nool yihiin Soomaalida Maraykanka.

Caasimada Online

Xafiiska Wararka Minneapolis

Xasan-Biotic: Xeel dheere siyaasi ah oo aan xanaf laheyn.

Asad Cabdullahi Mataan
-
0

Hoggaamiye kasta waxa uu xaq u leeyahay in lagu amaano wax kasta oo wanaagsan oo u sameeyo, isla markaana lagu dhaliilo wixii xun ee uu sameeyo.

Shaki kuma jiro in aan muddo badan u haraadqabnay hoggaamiye fiican, daacad ah waddani ah, Alla ka cabsi badan. Isla markaana danta guud siiya mudnaan oo tiisa ka hormariyo. Inksatoo muddo aad u fog ay ugu danbeysay in dadka Soomaaliyeed loo madaxbaneeyo rabitaankooda si ay u doortaan hoggaamiyaha ay iyagu rabaan, Bun haddii la waayo baddalkiis ayey aheyd maah-maah caan baxday, waxaan helnay wax u eg marka baarlamaan ku yimid hab qabiileed oo isla markaana ka turjumayo deegaano iyo qabiilo kaasoo laga mithaali karo in qof walba uu wakiil ka yahay xildhibaanka baarlamanka ugu jiro beeshiisha, doorashadaas oo maalin cad lagu kala baxay iyadoo aan wax sir iyo caad ahba laheyn ayaa waxaa nasiib u helay in Xasan Sheekh Maxamuud uu ku guuleystay in uu hoggaanka dalka majaraha u qabto.

Madaxweyne Xasan Sheekh oo aan horey loogu arkin saaxadda siyaasadda Soomaaliya, haddana guushiisa waxa ay keentay inta badan Soomalidii indhaha ku heysay doorashadii 20th September dhaceysay ay ka wada sinaayeen in loo baahan yahay isbaddal cusub.

Shan maalmood ka dib doorashadii 20th September, ayaan Madaxweynaha JFS mudane Xasan Sheekh Maxamuud aan u qoray dhambaal furan oo aan ugu hambalyeynayo uguna duceynayo in Allah SWT uu u fududeeyo xilkan culus ee lagu aaminay, waxaanan dhambaalkii furnaa aan madaxweynaha ugu sheegay daraasad aan ku sameeyey doorkii siyaasadeed 40-kii sano ee lasoo dhaafay aan caalamka kula dhaqmeynay, kuwaasoo ay ugu horeeyaan wixii la oran jiray dagaalkii qaboobaa iyo saameynta uu nagu yeeshay inta uu socday, iyo waxyeeladii aan ka dhaxalnay markii uu dhamaaday dagaalkaas qabow.

Anigoo si aad ah ugu faraxsnahay talaabooyinkii siyaasadeed ee uu Madaxweynuhu u qaaday dhanka xiriirka caalamiga ah laga bilaabo kan gobolka iyo tan hadda u danbeysay ee uu ku qanciyey in Mareykanka in uu aqoonsado dowladda Soomaaliyeed, taasoo dhiiri gelineysa guusha siyaasadeed ee Madaxweyne Xasan Sheekh Maxamud, taasoo u eg in Xasan Sheekh yahay dawo aan u baahneen 22 sano isla markaana aan kaga bogsoonay xanuunkii aan muddadaas dheer la ildarneen, waana arinta aan maanta qalinka u qaatay ee aan ugu magac daray in Xasan-biotic , mar haddaan ka bogsoonay miir doorsanaanta muddada labaatanka sano ka badan ku jirnay, qof walbana waa dareemi karaa doorka Mareykanku ku leeyahay dunida maanta aan ku noolnahay, US haku aqoonsato, waa adduunkoo dhan haku aqoonsado, waana Alla mahaddii in America ay manta caddeeyso in ay aqoonsan tahay jiritaanka iyo madaxbanaanida umadda Soomaaliyeed, isla markaana ay ula macaamileysa dal  ayaga oo kale ah.

Haddaba Xasan-biotic waa xeel dheere siyaasi ah isla markaana aan xanaf laheyn mar hadduu xariggii siyaasadeed kasoo xeray halkii uu labaatan sano ka hor ka go`ay, waxaana Allah uga rajeynayaa in inta dhiman guul iyo caafimaad ugu dhameeyo.

W/Q: Abdulrahman Ahmed Shiinka

London UK:: [email protected]

Afeef; Aragtida qoraalkan waxa ay ku gaar tahay qoraaga ku saxiixan

Carrick “RVP ayaa aamusin doona nac nacda Tottenham”

Asad Cabdullahi Mataan
-
0

Faaqidaadda iyo Xaqiiqooyinka: Kullanka Tottenham VS Man Utd

Asad Cabdullahi Mataan
-
0

Feysal Cali Waraabe “Maadaama ay USA aqoonsatay Dowladda Somalia, Maamulka Somaliland wuu fashilmay”

Asad Cabdullahi Mataan
-
0

Hargeysa (Caasimada Online) Hoggaamiyaha xisbiga UCID Eng. Faysal Cali Waraabe ayaa ka hadlay aqoonsiga dowladda Maraykanka ay siiyay dowladda Soomaaliya markii ugu horreysay muddo ka badan 20-sano.

Isagoo la hadlaayay caawa BBC-da ayuu Feysal Cali wuxuu yiri “ Arrintaas waxa ay dhabar jab xooggan ku tahay maamulka Somaliland ee uu hoggaamiyo madaxweyne Axmed Maxamed Maxamuud Siilaanyo”

Wuxuu kaloo sheegay in arrintaas ay wiiqeyso dedaalka maamulka Somaliland uu ku raadinaayo aqoonsi in ay yihiin dal madaxbanaan oo ka ga’ay Soomaaliya inteeda kale.

Guddoomiyaha xisbiga UCID ayaa waxaa kaloo uu sheegay in maamulka hadda jiray uu ku fashilmay siyaasadda dhinaca dibedda, loona baahan yahay in la qabto kulan looga hadlaayo badbaadinta Somaliland.

Wuxuu kaloo Feysal Waraabe tilmaamay in wasiirka arrimaha dibedda Somaliland Maxamed Cabdulaahi Cumar uu isaga uun noqday nin wax-walba  sameeya oo xittaa wax yaabaha uu oranayo uusan kala tashan xukuumadda isakaa dad waynaha reer Somaliland sida uu hadalka u dhigay.

Hadalka Feysal Cali Wareebe ayaa ku soo beegmaya iyadoo khamiistii lasoo dhaafay dowladda Maraykanka ay si rasmi ah u shaacisay in aqoonsantay dowladda Soomaaliya isla markaana Soomaaliya ay tahay dal mideesan.

Waxa kaloo xukuumada Washington daaha ka qaaday in uu dhammaaday siyaasadda labo geesoodka ee Dual Policy taasoo ahayd in dowladda Soomaaliya gooni loola tacaamulo maamulada dalka ka jirana si gooni ah loo wajaho.

Somaliland oo horrey u ahaa gobalada waqooyi ee Soomaaliya ayaa sannadkii 1991-dii shir ka dhacay Boorame waxa ay ku dhawaaqeen in ay ka go’een Soomaaliya inteeda kale, isla markaana ay ku dhawaaqeen maamul iskiis u taagan, wixii xilligaasna waxa ay raadinayeen aqoonsi caalami, laakin weli ma helin.

Dowladdii ugu dambeeyay ee ku-meel-gaarka ayaa wadahadalkii ugu horreyay ay la furtay kaddib shir labada dhinac loogu qabtay London.

Maamulka Somaliland wuxuu sheegay in aqoonsiga uu siiyay dowladda Soomaaliya asyan wax saamen ah ku keeni dooni gooni isku taaga ay ku dhawaaqeen.

Halkan ka dhageyso Wareysiga Feysal siiyay BBC

 

Caasimada Online
Xafiiska Wararka Hargeysa

Khaatumo: Waxey ugu badineeysaa Joojinta Siyaasadii “Dual Track”

Asad Cabdullahi Mataan
-
0
Maalintii taariikhdu aheyd January 18, 2013 ayaa galabnimadii waxaa hoolka shirarka ee wasaarada arimaha dibada ee maraykanka waxaa kasoo dhexmuuqdey Madaxweynha jamhuuriyada federaalka somaliya Xassan Sh Mohamud iyo xoghayaha arimaha dibeda mareeykana Hillary Clinton kadibna waxey wada qabteen shir jaraa’id oo eey uga hadleen arimo farabadan oo yadidiilo uleh dadka iyo wadanka somaaliya waxeyna aheyd maalin xusid mudan marki ee Hillary Clinton si geesimo leh ugu cadeeysey aduunka oo dhan in wadanka maraykanka lagabilaabo maalintaas uu aqoosadey dowlad rasmi ee somaaliya kadib sedex iyo labaatan sano.
Markaas kadib ayaa waxaa biloowdey su’aalihii ee weydiinayeyn wariyaasha goobta joogey balse su’aasha noqotey (Question of the day) ayaa waxaa weydiidey wariyaha VOA ee falastiin ahmed xigasho: aqoonsiga dowlada somalia maxaa iska badalaaya siyaasadiinii aheyd Dual Track Policy ee kuwajahneyd Maamulada Wadanka kajirey? markaas kadib ayee Ms hillay Clinton si degan ugu jabaabtey maraykanka hada wixii kabiloowdey waanu Jooniyey siyaasadeynii hore ee Dual Track wixii hada kadambeeyana waxaanu xariir dhinac walba layeelandoonaa dowlada dhexe hadaba maamul goboleedkeeybee ugu badineysaa joojinta Dual track?
Khaatumo State of somalia Maxaa faa’iido ah oo ugu jira? marwalba guul ayeey utahey khaatumo state joojinta arintaas iyo waliba xoojinta dowlda dhexe ee somaaliya waxaana meesha kabaxeysa sheegashadii iyo indho adeegii eey sheegan jireen laba maamul goboleed ee hareeraha kaxiga. waayo gobolada SSC waxey aaminsanyihiin ama xaqiiqo ah in Dual Track Policy ukeentey degaankaas dib udhac balaaran sababtoo ah maamulada labada dhinac kaxiga waa Punt(Somaliland iyoPuntland) waxey sheegan jireyn ineey iyagu mas’uulkayihiin wixii mashaariic oo loogu talogaley degaanka SSC eeynatahey in lamariyo labadaas maamul wixii kaga soo’aadey Dual Track. balse wali madhicin in dadka reer SSC eey arkaan wax manco leh oo looga qabtey dhinacooda wixii mashaariic ahaa ee looga sooqaatey magacooga ama uga soo aadey dowlada maraykanka bal iskabadaa waxey qabtaane waxaaba dhacdey in maamulka somaliland in wixii gobolada SSC xaq ulahaayeen ee loogu dhiibey ee mashaariic ah loowareejiyey dhicana Hargeysa iyo Burco ama looguna isticmaaley si khaldan hadeey noqon laheyd in hub lagu soo iibsado lagu barakiciyo dadkii udhashey goboladaas si eesan cagahooda ugu istaagin horumarna ugaarin.
Hadaba maadaama lajoojiyey Siyaasadii Dual Track aheyd oo hada wixii kadanbeeyso eeysan dhaceynin in wixii gobal lahaa uusan kuxad gudbi kari gobalkale.balse eeytahey in maamul goboled walba uu isagu xaq uleeyahey wixii mashaariic ah isaga loogu dhiibo deggaankiisa waana sababta Khaatumo state eey muhiimad gaar ah ugu leedahey arintaas. dowlada dhexe eey tahey ineey xoojiso midnimada iyo isku xirka gobolada dalka. aritaasna waxey u noqoneysaa fursad muhiim ah marlabaad in dadka Maamulka Khaatumo State ee meesha kabaxdo ama yaraato culeys badan oo kaga imaajin jirey qarashka laga helo siyaasadsa dual track in loogu isticmaalo awood Milatary force laguna barakiciyo  ama lagu bahdilo dadka reer khaatumo waayo waxaa dhicijirey in afraad ama shaqsiyaad udhashey reer khaatumo inlasiiyo xogaa yar oo sandareero ah kadib isagii lagu jiheeyo dadkiisa si uu ugula dagaalamo horumarka iyo midnimada somaliweyn eey tiigsanayaan.
Gaba gabadii waxaan soo jeedin lahaa maadaama manta waaqicii uu isbadaley somaaliyana heshey fursad dahabi ah in dadka somaaliyeed eey layimaadaan isbadal muuqda gaar ahaan reer khaatumo mas’uuliyad gaar ah iska saaraan midnimada somaaliyeed iyo in dowlada dhexe xoogsato. arinta kale ee muhiimada kowaad leh ayaa waxey tahey in Madaxweynha Somaaliya Xassan SH Mohamud uu joojiyaa biriq biriqda iyo siyaasad xumada uu kukacey markii ugu horeeysey waxey aheyd arinta Somaliland……. yaa Somaliland ah? imise Maamul ayaa hada kajira? yaa mudan inlagala hadlo? meeqo reer ayaa dega somaliland? iyo arinta kale ee Jubooyinka. labadaas arimood waxey mudan yihiin kafiirsasho iyo talo badan inuu kayeesho. waayo dadka reer khaatumo wali waxaa dhagahooda kaqeeylinaayo hadakii laqwiga ama gefka ahaa ee Madaxweyna xassan SH Mohamud yidhi Somaliand waan ugu hambalyeenayaa goorashadii degaanka ee dhacdey isagoo dadka reer khaatumo maalintaas uu dagaal qaraar kadhacey degmada xudun oo dhimasha iyo dhaawacna utaaley. marka Madaxweynaha waxaa looga baahanyahey inuusan luminin fursadahaan siyaasadeyd ee dowlada maraykaka noo biloowdey! waxaana kugu leeyahey Madaxweyne isdaji maskaxdaadana fur. hada kohorna waxaa layiri: one man’s meat is another man’s poision.
Asadnaa Suudi
 
 
An Indipendent Anylist, Columnist
Afeef: Aragtida qoraalkan waxa ay ku gaar tahay qoraaga ku saxiixan

Sawirro: Socdaalka Fiqi ee Turkey

Asad Cabdullahi Mataan
-
0

Wafdiga uu hogaaminayo Wasiirka Wasaaradda Difaaca Soomaaliya C/xakiin Maxamuud Xaaji Fiqi oo maalmihii la soo dhaafay safar ku joogay dalka Turkiga ayaa waxa uu indha indhayn uu ku tagay safaarada Soomaaliya ee Turkiga.

Wasiirka oo ay la socdeen Xubno kale oo ay ka midyihiin Taliyaha Ciidammada Xoogga Dalka Soomaaliyeed Sareeye Gaas C/qaadir Sheekh Cali Diini iyo Wasiir Ku Xigeenka Wasaaradda Arrimaha Dibadda Jamaal Baroow ayaa waxay gaareen Xarunta Safaaradda Soomaaliya ee magaalada Ankara.

Fiqi (1)Waxaa halkaas wafdiga si diiran ugu soo dhaweeyay safiirka Soomaaliya ee Turkiga Danjire Maxamed Mursal Sheekh C/raxmaan oouu garab fadhiyo xoghayaha Koobaad ee Safaaradda Soomaaliya ee Turkiga C/qaadir Maxamed Nuur.

C/xakiin Maxamuud Xaaji Fiqi ayaa ku tilmaamay howsha safaarada Soomaaliya ee Turkiga ay u hayso Umada Soomaaliyeed mid ka wayn wixii ay qaban lahaayeen 10- safaaradood oo caalamka ugu yaal Soomaaliya.

Fiqi ayaa ku tilmaamay shaqada uu hayo Safiirka Soomaaliya ee Turkiga Danjire Maxamed Mursal Sheekh C/raxmaan mid wax badan qabtay.

Fiqi (2)Waxa uu ku amaanay Wasiir Fiqi in safaarada Soomaalida ee Turkiga ay wado Howlka wayn intii ay qaban lahayd, waxa uuna amaan u soo jeediyay shaqaalaha safaarada Soomaaliya ee Turkiga oo uu sheegay in ay yihiin kuwa u dhabar adeegay howsha.

“ waxaan Oran karaa howsha safaarada Soomaaliya ee Turkiga ay wado waa mid muhiim ah, waxaana la dhihi karaa Danjire Maxamed Mursal Sheekh C/raxmaan wax badan ayuu qabtay intii uu soo gaaray safaarada ama ay shaqa bilaawday”ayuu yiri Wasiirka oo ku tilmaamay mid wax qabatay safaarada.

Sidoo kale warar kale ayaa sheegaya in Wasiirka lagu wado in uu la kulmo Jaaliyada Soomaaliyeed iyo ardayda wax ka barato Jaamacadaha ku yaal Turkiga.

Fiqi (3)Wasiirka horumarinta iyo adeega bulshada Drs. Maryan Qaasim oo maalmo ka hor ku tagtay safarc shaqo dalkaasi Turkiga ayaa sheegtay in safaarada Soomaaliya ee Turkiga ay wax badan qabatay ayada oo amaan u soo Jeedisay safiirka Soomaaliya ee Turkiga Danjire Maxamed Mursal Sheekh C/raxmaan iyo shaqaalaha safaarada Soomaaliya ee Turkiga oo ay sheegtay in ay wadaan adeegyo muhiim ah.

Ugu danbayntiii Wasiirada Booqday dalkaasi Turkiga ayaa ku amaanay howlaha safaarada Soomaaliya ee Turkiga oo uu wado Danjire Maxamed Mursal Sheekh C/raxmaan kuwaas oo sheegay in uu dhaqaajiyay Xiriirka labada dal iyo adeega Soomaalida ku Nool halkaas.

Cabdixakiin Cilmi Xasan
[email protected]

Faaqidaadda iyo Xaqiiqooyinka: Kullanka Chelsea VS Arsenal

Asad Cabdullahi Mataan
-
0

Video: Sidan ma sameyn laheyd hadii aad kala garan weydo Ilmahaada:

Ali Muhiyaddiin
-
0

Aqristoow Soomaali waxeey tiraahdaa Nin Aduunyo joogoow maxaa aragti kuu laaban tana ma inoo dhineyd ee nala arag Aqristoow.

Muqaalkani waa Reer Ilmahooda kala garan wayay oo Nambaro ku kala qoro Madaxyada CIyaalka adaa yaabi doonee daawo.

HALKANA RIIX SI AAD U DAAWATO:

 

Video: Daawo Ceebta ka dhalatay Mucaaradnimada GOS

Asad Cabdullahi Mataan
-
0

Dowladda: Barakacayaasha waa laga rarayaa magaalada Muqdisho

Asad Cabdullahi Mataan
-
0

Muqidisho (Caasimada Online) Dowladda Somalia ayaa maanta oo Sabti ah sheegtay in barakacayaasha ku nool Muqdisho laga rari doono isla markaana la gayn doono goob ammaan ah.

Wasiirka arrimaha gudaha iyo amniga xukuumadda Soomaaliya Cabdikariim Xuseen Guuleed ayaa maanta kulan looga hadlaayay arrimahaas waxa uu kala hadlay wakiilo ka oscday hey’addaha gargaarka

Kulanka ayaa sidoo kale waxa ka qaybgalay guddoomiyaha gobalka Banaadir ahna duqa magaalada Muqdisho Maxamuud Axmed Nuur “Tarsan” iyo xubno ka tirsan dowladda.

Wasiirka arrimaha gudaha iyo amniga ayaa markii uu kulanka soo dhammaaday waxa uu la hadlay saxaafadda wuxuuna sheegay in kulanka looga hadlay siddii loo oggaan lahaa xaaladda barakacayaasha ku nool Muqdisho, gaar ahaan dadkii soo barakacay sannadkii 2010-ka illaa 2011-ka.

Wasiirka Cabdikariim ayaa sidoo kale sheegay in kulanka dhinacyada ka qaybgalay ay isku raaceen siddii loo sameen lahaa guddi farsamo oo ka kooban dowladda Soomaaliya iyo hey’addaha gargaarka.

Sidoo kale waxa looga hadlay kulanka siddii loo tirakoobi lahaa tirada dadka barakacayaasha ee ku nool Muqdisho iyo la dajiyo goobo ammaan ah.

Waxaa kaloo xubnaha kulanka ka qaybgalay ay isku raaceen in la dajiyo dadka barakacayaasha goob ammaan ah isla markaana ka baxsan caasimada Muqdisho.

Magaalada Muqdisho ayaa hadda waxa ku nool barakacayaal badan kuwaasi oo ka soo cararay gobalada dalka markii wixii ay heesteen meerteen abaaro iyo colaado dabadheeraaday.

Qaar kooxd ku dhawaad 21-sano ayaa barakac waxa ay ku ahaayeen gudaha dalka.

Caasimada Online

Xafiiska Wararka Muqdisho

Muqdisho: Ra’iisul Wasaare Saacid oo arimo badan ka hadlay

Asad Cabdullahi Mataan
-
0

Ra’iisul wasaaraha Jamhuuriyada Soomaaliya Cabdi Faarax Shirdoon Saacid oo maanta shir jaraa’id ku qabtay magaalada Muqdisho ayaa ka hadlay arimo badan oo ay ku jiraan dilalka loo geysto wariyaasha magaalada Muqdisho.

Ra’iisul wasaare Saacid ayaa ugu horeyn ka hadlay dilkii loo geystay wariye Cabdixareed Cismaan Aadan isagoo sheegay in xukuumadiisa aad ay kaga xun tahay dilalka loo geysanayo wariyaasha Soomaaliyeed gaar ahaan kuwo ku sugan magaalada.

Sidoo kale wuxuu sheegay in ciidamada dowlada Soomaaliya ay wadaan baaritaano ku aadan ciddii ka dambeysay dilka wariya iyo dadka dhibaatada ku haya wariyaasha Soomaaliyeed sida uu sheegay maanta oo Sabti ah,wuxuuna tacsi u diray ehelada iyo asxaabtii uu ka geeriyooday wariyaha.

Dhanka kale wuxuu soo hadal qaaday xariga wariye Cabdi Casiis Cabdinuur Ibraahim Koronto,isagoo sheegay in ciidamada Booliska ay wadaan baaritaano ku aadan dambiga lagu soo oogay wariyaha.

Ugu dambeyn wuxuu ka hadlay aqoonsiga dowlada Soomaaliya ay ka heshay dowlada Maraykanka wuxuuna sheegay inay ku timid dadaal dheeri ah oo ay galeen masuuliyiinta dowlada cusub ee dalka.Wuxuuna shacabka Soomaaliyeed ugu hambalyeeyay sanado ka dib dowlada aqoonsiga ay heshay isagoo sheegay in iminka dowlada Soomaaliya ay la mid tahay wadamada adduunka.

Daawo Video Qosol leh: “Qof jirkiisa sida Music camal u garaacmayo”

Ali Muhiyaddiin
-
0

Aduunka maalinba maalinta ka dambeeysa Caalamka wax kaa yaabiya ayaad arkeysaa maantana arintaan oo Caalamka ka yaabisay ayaa la arkay ee nala daawo.

Aqristoow Musikada Casruga cusub ma’ahan mid la tumayo ee waa mid Bini’aadan laga tumayo ee Daawo Muuqaalka adaa Qosli Doonee:

“Nin Musikada Calooshiisa iyo Dhabarkiisa laga Garaacayo Yaab Badan nala Daawo”

HALKAA RIIX SI AAD U DAAWATO:

 

25 kun oo askari oo loo tababarayo DF

Asad Cabdullahi Mataan
-
0

Shir looga hadlayay arimaha amaanka iyo dib u dhiska dalka Soomaaliya ayaa wuxuu kusoo dhamaaday magaalada Ankara ee dalka Turkiga ,halkaasi oo ay kaga qeyn galeen wasiiro ka tirsan xukuumada Shirdoon.

Masuuliyiinta ka socotay Midowga Africa,midowga Yurub,QM iyo madax kale ayaa ka qeyb galay kulanka oo ay soo qaban qaabisaydowlada dalka Turkiga,waxaana diirada lagu saaray amaanka iyo tababarka ciidamada qalabka sida ee Soomaaliya.

Dhamaan masuuliyiintii ka qeyb galay kulanka ka dhacay magaalada Ankara ayaa waxay taageereen dib udhis lagu sameeyo ciidamada dowlada Soomaaliya iyo sidii looga qeyb qaadan lahaa ka teegirada dowlada Soomaaliya ee dhanka amaanka.

Kulanka kadib safirka Soomaaliya ee dalka Turkiga ayaa Idaacada Qaranka Soomaaliya u sheegay in looga hadlay kulankaasi tababarka ciidamada dowlada,isagoo sheegay in lagu hishiiyay in ku dhawaad 25 ,000 oo askari loo tababaro dowlada Soomaaliya.

Dowlada Soomaaliya waxaa kulanka u matalayay wasiirka gaashaandhiga xukuumada Soomaaliya iyo taliyaha ciidamada xooga dalka Soomaaliya,waxaana dhawaan laba dowladood ee turkiga iyo Soomaaliya aya kala saxiixdeen hishiis dhanka Gaashaandhiga ahaa.

Minnesota: Dibad baxyo ay wadaan beelo gaar ah oo ka socda halka uu ku sugan yahay madaxweyne Xasan

Asad Cabdullahi Mataan
-
0

Minnesota (Caasimada Online) War hadda ku soo dhacay xafiiska wararka Caasimada Online ee magaalada Nairobi ayaa sheegaya in dibaxyo ka dhan ah booqashada uu madaxweynaha Soomaaliya ku joogo magaalada Minneapolis ee gobalka Minnesota .

Sida ay lee yihiin dad ku sugan Minneapolis ay sheegeen illaa dad ku dhow 60-qof oo wata boorar ay ku qoran yihiin waxan rabnaa in la dhaqangaliyo nidaamka Federaalka iyo in loo madaxbanaaneeyo gobalada Jubbooyinka siddii ay iyaga maamul u sameesan lahaayeen.

Inta badan dadka banaan baxaya ayaa u badan hal beel oo kasoo jeeda gobollada Jubbooyinka, in kasta oo qaar kasoo jeeda Puntland ay ku jiraan.

Madaxweynaha iyo wafdigiisa ayaa hadda waxa ay la hadlayaan kumanaan Soomaali ah oo ku sugan magaalada Minneapolis oo ah meesha ugu badan ee Soomaalida Maraykanka ku nooshahay.

Ilaa hadda wax rabshado ah lama soo sheegin oo ka dhacay halka ay ka socdaan mudaaharaadyada ee Minneapolis.

Wixii ku soo kordha warkan kala soco Caasimada Online.

Fowsiyo Xaaji Aadan oo ka hadashay xiriirka u billowday Somalia iyo USA

Asad Cabdullahi Mataan
-
0

Minnasota (Caasimada Online)  Ra’iisul wasaare ku-xigeen, ahna wasiirka arrimaha dibadda iyo iskaashiga caalamiga ah ee xukuumadda Soomaaliya Fowsiya Yuusuf Xaaji Aadam ayaa ka hadashay xiriirka u billowday dowladaha Soomaaliya iyo Maraykanka.

Marwo Fowsiyo oo la hadashay idaacadda dowladda ayaa sheegtay in bog cusub uu u furmay xiriirka ka dhexeeya Soomaaliya iyo Mareykanka.

Waxa kaloo ay sheegtay in wax lagu farxo ay tahay  aqoonsiha xukuumadda Washington ay siisay dowladda Soomaaliya.

Wasiiradda ayaa sheegtay in ay labada dowladood ku heshiiyeen xoojinta xiriirka ka dhexeeya, wadashaqeynta iyo iskaashigooda.

Waxay sheegtay in xiriirka cusub ee u billowday Soomaaliya iyo Mareykanka uu horseedeyso horumar uu dalku gaaro.

Maraykanka ayaa khamiistii si rasmi ah ugu dhawaaqay inuu aqoonsaday dowladda Soomaaliya muddo 20-sano ah kaddib.

Waxa kaloo dowladda Maraykanka ay sheegtay in wixii hadda ka dambeeya Maraykanka uu kala dhaqmi doono Soomaaliya si dal madaxbanaan.

Dhinaca kale, Madaxweynaha Soomaaliya iyo wafdi uu hoggaaminaayo ayaa hadda la hadlaya jaaliyadda Soomaalida ee ku dhaqan magaalada Minneapolis ee gobalka Minnesota.

Illaa dad ku dhow 4,700 qof oo Soomaali ah ayaa ku sugan xarunta uu madaxweynaha ku sugan isaga iyo wafdigiisa.

Caasimada Online

Xafiiska Wararka Nairobi

Fariin Jaceyl & filinwaaga furiinka: 11 Gabdhood oo ka sir hadlaya ragooda

Asad Cabdullahi Mataan
-
0

Assalaamu Alaykum.

Maanta iyo qoraalkeena waa sheeko xiiso badan oo xanbaarsan fariimo iyo duruus kala duwan oo noolasha qoyska ah. Ma’ahan qiso jacel oo aan dhicin oo lamatalaya. Waxaa sheekadan qeymo badan uyeelaya dhowr arimood sida labada qof ee isu jiibinaya sheekada, goorta ay dhacday iyo meesha ay kudhamaatay.

Waxaan codsanaya inaad sheekada dhamaysataan kadibna aad nala wadaagtaan waxyaabaha aad kafaa’idaysateen.

Sheekadii

11 gabdhood ayaa meel wada fadhiistey ayagoo isku dhaarsaday inay soo bandhigaan qaab-dhaqanka ragooda, kiisa xun iyo kiisa wanaagsan oo ay runta kasheegaan!

Talow shirkaan yaa kadanbeeyey? Wadankeesa kadhacay? 

Gabadhii 1aad

“Ninkeyga wax loogu dhinto malahan. Wuxuu lamid yahay hilib geel oo weyd (caato) ah oo buur korkeed saaran oo ay adagtahay in lagaaro! Dabeecad xumo wuxuu kaqabo dadka umayimaadaan, isagana uma wareego.Waa xerag lamasitaan aniga la’igu saliday!”

Gabadhii 2aad

“Ninkeyga warkiisa wuxuu kufiicantahey inaan isaga aamuso waayo waxaan kabaqayaa inaan waxba uhanbayn oo aan kutalaxtago! Sidaas darteed aniga hala’iga gudbo”

Gabadhii 3aad

“Ninkeygu waa nin dheer oo dhoohan oo aan garasho laheyn. Haddii aan hadlo waa furiin, haddii aan aamusana idhaqanmaayo! Dhibkeyga Allah umbaan usheegtaa”

Gabadhii 4aad

“Ninkeyga ma’ahan mid dabeecad kulul oo aan kacabsado,mana ah nin qabow oo aan ucabsi qabo! Noolashiis malal(cajis) kaqaadaysid!”

Gabadhii 5aad

“Ninkeyga marka uu guriga soogalo wuu shabeeleeyaa, marka uu kabaxayana wuu libaaxeeyaa! Wax uu nagala dardaarmayna dib nooma weydiyo”

Gabadhii 6aad

“Ninkeygu marka uu cuntaynayo waa marugsadaa(dhamaystaa) marka uu cabayanaa wuu heemaarsadaa(isku foorariyaa).Haddii uu saaxdana marada ayuu madaxa iyo minjaha kutuubtaa.Anigana ima soo dhugto bal inaan dhibaateysanahey iyo inkale. (Way kacabatay)

Gabadhii 7aad:

“Ninkeyga waa jilacow ay wax weliba dhibaayaan. Xumaan oo dhan ayuu kulansaday. Waa nin naago dil badan oo mar uu madaxa ijabinayo, ilkaha iga soo tuuro ama ijirdilayo ama labada isugu keydaro!”

Gabadhii 8aad:

“Ninkeygu wuxuu leeyahay taabasho macaan sida bakaylaha oo kale, iyo riix aad u udgoon sida geedka layirahdo Zarnab. Waa qof xarago iyo baraafuun badan!”

Gabadhii 9aad

“Ninkeyga deeqsinimo darteed wuxuu dagaa meel udhow golaha la’isugu yimaado siloogu soo hirto. Gurigiisa guryaha kale waa kaduwanyahay oo martida way soo bar aqoonsataa. Waa nin qabiilka dhexdiisa lagu qadariyo oo ra’yigiisa laqaato”

Gabadhii 10aad

“Ninkeyga waxaa layirahdaa Maalik. Alla haddii aad ogaanlaheydeen Maalik wuxuu yahay! Waxaad soo sheegteen oo dhan kafiicanyahey.Wuxuu leeyahey geel farabadan oo ufoofa meel kafogeyn guriga si martida looga sooro. Marka ay martida timaado, geela wuxuu garwaaqsadaa inuu halaagsamaya oo martiga loo qalaya”

Gabadhii 11aad

“Ninkeyga waxaa layirahdaa Abu Zarcin! Waxbadan ayaa idinku seegin Abu Zarci! Tin iyo cirib ayuu Dahab iiga buuxiyey!Wuu inaaxiyey markaas ayaan labo gidaar kaweynaadey. Wuxuu iga soo guursadey reer faqiir ah, wuxuuna ikeeney reer ilaahey siiyey aduunyo oo waxaan doona ayaa la’iiyeelaa. Waxaan doona ayaan kuhadlaa oo cidina iguma afceliso, Laygama diido waxaan codsado.Goorta aan doona ayaan hurtada katoosaa!

Hooyada Abu Zarcin oo aheyd qof cajiib ah,waxay laheyd weelal waaweyn oo had iyo jeer buuxa oo maritda lagu soora.

Wiilka Abu Zarcin ayaa mudan in laxuso. Wuxuu ahaa wiil yar oo dhuuban oo qurux Ilaahey kumaneystey oo hadana aad uciryar(cunto yar).

Gabadha Abu Zarcin… waxay aheyd qof waalidkeed baariyad u’ah oo dulqaad iyo qurux dumar loo dhamaystirey oo ay dumarka  kale kahinaasaan.

Xitaa shaqaalaha Abu Zarcin ayaa aheyd qof cajiib ah! Sirta nagama faafiso iyo cuntada iyo adeega gurigana kuma ciyaarto!

Waxaay arin sidaas ahaataba wuxuu Abu Zarcin ubaxay safar ayadoo beri-samaad lagu jiro. Wuxuu lakulmey islaan qurux badan oo 2wiil oo yaryar ciyaar siineyso.Waa rag iyo caadadiise inta aniga ifurey ayuu guursadey islaantii 2da wiil wadatey.

Abu Zarcin kadib waxaan udhaxay nin aad uqeymo badan oo maal qabeen ahaa.Wax Alle iyo waxaan ubaahdo ayuu farta iga saarey.Waxaan kunoolaa noolal tan ugu fiican laakinse haddii aan isu geeyo wuxuu isiiyey oo dhan mabuuxinkaraan weelka uguyar guriga Abu Zarcin.“Hadaba waxaan kuu ahay sida Abu Zarcin u ahaa Ummu Zarcin” Ayuu kujawaabey Nabiga Salalaahu aleyhi Wasalim oo sheekadan kadhagaysanayey xaaskiisa da’da yar ee uu aadka ujeclaa, hooyo Caa’isha Radiyalahu Canhaa.

azuhriHadaba akhristow maxaad kafaa’idaysatay? Haddii aad nin tahay, raga meesha lagu sheegey keed isugu dhowdihiin?

Intaan dib dambe ukulmayno waa walaalkiin Adam Abdi Abuzuhri oo idinleh Soomaali ha israacdo, rabigeedna ha utowbadkeento. [email protected]

DEG DEG: Madaxweynaha Somalia oo ku sugan Minneapolis

Asad Cabdullahi Mataan
-
0

Minneapolis (Caasimada Online) War hadda soo dhacay ayaa sheegaya in madaxweynaha Soomaaliya Xasan Sheekh Maxamuud iyo wafdi uu hoggaaminaayo ay gaareen magaalada Minneapolis ee gobalka Minnesota.

Madaxweynaha ayaa lagu wadaa in uu la hadlo caawa jaaliyadda Soomaalida ee ku dhaqan Minneapolis oo ah meesha ugu badan ay ku nooshay Soomaalida Maraykanka ku nool.

Wuxuu madaxweynaha kala hadli doonaa siddii jaaliyadda reer Minneapolis u dhisan lahaayeen waddankooda.

Booqashada madaxeynaha Minneapolis ayaa ku soo beegmeysa iyadoo madaxweynaha uu Khamiistii shaley kula kulmay magaalada Washington  madaxweyne Barack Obama iyo xoghayaha arrimaha dibedda  Hillary Clinton.

Dowladda Maraykanka ayaa aqoonsatay dowladda Soomaaliya, waxana wixii hadda ka dambeeya ay sheegtay xukuumadda Washington ay kula dhaqmi doonto Soomaaliya dal madax-banaan.

Caasimada Online

Xafiiska Wararka Minnesota

Muqdisho: Wariye Cabdi Xareed oo la aasay & safiiro cambaareeyay dilkiisa

Asad Cabdullahi Mataan
-
0

Muqdisho (Caasimada Online) Allaha u naxariisto waxa maanta aas loogu sameeyay magaalada Muqdisho wariye Cabdi Xareed Cismaan Aadan oo saaka aroortii ay dhaawaceen kooxo hube

Wariyaha ayaa maanta barqadii waxa uu ku dhintay isbitaalka Madiinka isla markaana halkaas ayaa lagu aasay.

Waxa aaskiisa ka soo qaybgalay dad u badan wariyaal iyo ehelada marxuumka, kuwaasoo ay wajiyadooda ka muuqaneysay murugo iyo tiiraanyo.

Waxa goobta ka hadlay aggaasimaha Idaacadda Shabelle Cabdi Ismaacil Cabdi Cuud, waxana uu sheegay in marxuum Cabdi Xareed in uu ka mid ahaa shaqaalaha Idaacadda Shabelle isla markaana uu ahaa nin abwaan ah.

Wuxuu sheegay in la dhaawacay isagoo saaka aroortii ku soo jeeday shaqada Idaacadda oo uu akhrin lahaa Warka iyo barnaamijka barbaarinta carruurta.

Wuxuu kaloo sheegay in aysan ka warqabin kooxaha dilay marxuum Cabdi Xareed, isagoona intaas ku daray in ay dhowr jeer u sheegen in uu ka soo guuro degmada Wadajir ee magaalada Muqdisho.

Marxuumka ayaa waxa uu ifka kaga tagay hal xaas iyo labo Carruur ah oo mid ka mid ah uu dhawaan dhashay.

Dhinaca kale, Safiirka dowladda Britain u qaabilsan Soomaaliya, Matt Baugh, ayaa cambaareeyay dilka wariye Cabdi Xareed Cismaan, wuxuuna dowladda ugu baaqay inay xaqiijiyaan la xisaabtanka dadka dikiisa ka dambeeyay.

Wuxuu sheegay inay muhiim tahay in la dhammeeyo isla xisaabtan la’aanta ku aaddan dilalka wariyeyaasha.

Ugu yaraan 18 wariye ayaa lagu dilay Soomaaliya sanadkii hore, wuxuuna wariyahan la dilay noqonayaa kii ugu horreeyay ee la dilo sanadkan 2013-ka.

Caasimada Online

Xafiiska Wararka Muqdisho

Deg deg: Theo Walcott oo heshiis cusub u saxiixay Arsenal

Asad Cabdullahi Mataan
-
0
1...3,4383,4393,440...3,526Page 3,439 of 3,526

Caasimada Online is a reputable and reliable source of news and information on Somalia. As the largest Somali news site, we are dedicated to providing our readers with accurate and up-to-date coverage of the country's politics, society, and culture. Founded in 2009 by a Somali-American journalist, Caasimada Online is owned by Caasimada Media Group and headquartered in Mogadishu. In addition to keeping our readers informed, we strive to promote democracy in Somalia. If you have any questions or comments, please don't hesitate to contact us at [email protected]

Important Links

Trending

Social Media

© Caasimada Online 2012 | All Rights Reserved