Tababaraha Manchester City Roberto Mancini ayaa meesha ka saaray inuu iibinaayo Mario Balotelli, inkastoo loogu baaqay inuu kor isku qaado weeraryahankaan.

Mancini ayaa bedel ku sameeyey xidigaan daqiiqadii 51^aad kulankii Manchester Derby, laakiin xidigaan ayaa u muuqday mid ka xanaaqay bedelka lagu sameeyey.

Balotelli ayaa lala xiriirinaayey inuu amaah kula biiro kooxda ka dhisan dalkiisa Talyaaniga AC Milan.

Si kastaba, waxay u muuqataa inuu Mancini isku diyaarinayo inuu weeraryahankaan fursad kale siiyo, sida laga soo xigtay Daily Mail.

“Waxaan sugeynaa waqtiga ku haboon ee aan ka faa’iideysaneyno tayadiisa. Taas ayaa ah sababta uusan iib u aheyn,” ayuu yiri tababaraha reer Talyaani.

Tababaraha kooxda Arsenal Arsene Wenger ayaa aaminsan inuu xidiga kooxda Barcelona Lionel Messi uu yahay mid dadka amakaag ku sameeya.

Ciyaaryahanka heerka caalami ee dalka Argentina ayaa dhaliyey goolashiisii 85^aad iyo 86^aad ee sanadkaan, wuxuuna dhaafay Rikoorkii Gerd Muller ee sanadii 1972^dii uu ku dhaliyey 85 gool, tababaraha Faransiiska ah ayaana afka labadiis amaan kala dul dhacay 25-jirkaan.

“Hambalyo Messi. Hada wuxuu noqday mid dadka ka yaabiya. Waxa uu sameynayo waa wax aan la rumeysan Karin,” ayuu u sheegay Website-ka kooxdiisa Arsenal.

“Waxaan u maleynayaa waa ciyaaryahanka keliya ee hal sano dhalin kara 86 gool, hadii aad u maleyso inaad ciyaartay sigaal bilood iyo bar, waa wax deg deg ah inaad bishiiba 10 gool dhaliso. Marka ay bilaabato bishu, markaas waxaad ogaaneysaa inuu dhalinaayo 10 gool, mana ahan wax xun.”

Messi ayaa kordhin kara goolashiisa ka hor inta uusan sanadku dhamaan, iyadoo kooxdiisa Blaugrana ay ciyaareyso afar kulan ka hor inta uusan bilaaban sanadka 2013.

Mar walba abuurka ilmaha Illaah ayaa ku shaqo leh, oo isaga kaliya ayay u gaar tahay, hase yeeshee waxaa halkan uga hadleynaa marxaladda haweeneyda ay ku uur qaadeyso gacanta ama gacan ku rimiska “Artificial Insemination”

Gacan ku rimiska ama waxa loo yaqaano “Artificial Insemination” waa haweenka oo xawada iyo ugxanta oo la isku bacrimiyo galmo la’aan.

Waxaa la soo qaadaa manida isagoo fresh ah ama qallajisan (barafaysan) kadibne minka haweenka ayaa lagu tallaalaa.

Inta manida aan lagu ridin haweenta waxaa lala socdaa meertada caadada si markii ugxanta loo soo saaro haweentane diyaar u noqoto in ay uur qaadi karto loogu rido manida iyadoo la adeegsanayo silingo ama tubo loogu talo galay.

Manida waxaa la dhex dhigi karaa dhowr meel oo kala ah: Siilka, Farraatiga, Minka ama Tubooyinkaba.

Arin aan horay loo maqal loona arag hal mar oo sidaan oo kale ah ayaa maanta dadka reer Muqdisho ku sheekeysanayaan taas oo ah in Markii ugu horeeysay Saddexda Mas’uul ee Dalka Marwooyinkooda ay Maanta Deeq Raashin iyo Lacag ah gaarsiiyeen Isbitaalka Martiini.

Marwooyinka Madaxda Dalka ayaa maanta mar qura gaaray isbitaalka Martiini ee Magaalada Muqdisho oo ay ku jiraan Ciidamada Naafada Xooga Dalka ee ku dhaawacmay Dagaalkii 1977.

Hadaba Aqristoow Daawo Sawiradaan Kadibna Fikradaada ka bixi qeybta Commentiga

Jaaliyadda Mataan Cabdulle ee ku nool, dunidda dacaladeeda waxay soo daweeyeen hadalkii kasoo yeeray Madaxwaynaha Jamhuuriyada Federaalka Somalia Mudane Xassan Sh. Mxamuud ee ku aadanaa maamul goboleedyada.

Madaxwaynaha ayaa si cad u qeexay in maamul u sameeynta gobalada lagu tix-gelin doono umadwalba meesha ay ku nooshahy ama deegaankeeda haddi aaney jirin wa is qabqabsi ah.

Waxaa uu si gooni ah usoo hadal qaaday maamul usamaynta Jubbooyinka, Hiiraan iyo Galgaduud, Bay iyo Bakool iyo kuwa kale oo badan.

Madaxweynaha Somalia ayaan sheegay in maamuladaas oo an si nidaamsan loo dhisin ay kala fogayn karaan shacabka iyo gobollada dalka.

Xasan Sh Maxamuud ayaa sheegay in ay tahay in la iswaafajiyo dastuurada ay qoranayaan maamulada gobollada iyo kan qaranka, taasna ay tahay howl utaal Baarlamaanka Soomaaliya.

Jaaliyadda Mataan Cabdulle waa dad neceb dulmiga iyo Cadaalad xumidda, sidaaas darteed waxay si cad u taageereen hadalka xaqa ah ee uu ku dhawaaqay madaxwaynaha Jamhuuriyada federaalka Somalia Mudane Xassan Sh. Maxamuud.

Soomaalidu waxeey tiraahdaa nin aduunyo joogoow maxaa aragti kuulaaban Maanta anoo dhex mushaaxayo Webka Dhanka Muuqaalka ah ee dhawaan hawada soo galay ee Daawo24.com ayaan waxaan arkay Muuqaal aan la yaabay iyo sida Dalkeena u baaba’ay iyo sida aan isku dileeyno.

Hadaba Aqristoo Ula jeedka aan idiin kugu soo xulay Muuqaalkaan waa mid aad ka arki karto Dhacdooyinkii ugu dambeeyay ee dalkeena soo maray oo laga sameeyay Film Dukumeenti ah oo soconaya 30 minit nala daawo kadib Fikradaada aan kula wadaagno.

HALKAAN KA DAAWO MUUQAALKA DUKUMEENTIGA:

Waxaa Maanta dib u dhacay kalfadhigii loo balansanaa ee Baarlamanka ay ku hor imaan lahayeen Labo Wasiir oo kala ah Wasiirka Arimaha dibada iyo Wasiirka gaashaandhiga.

Maanta oo taariiqda ay ku beegantahay tobonka bisha ayay baarlamanka Soomaaliyeed waxaa ay  horay u codsadeen in Baarlamanka la horkeeno labada Wasiir kuwaas oo aan maanta soo xaadirin kulanka.

Wasiirka Arimaha dibada Marwo Fowsiyo Yuusuf Xaaji oo maanta aan imaan xarunta golaha shacabka  waxaana lagu haystaa sababtii ay u iibisay safaarada Soomaaliya ee dalka Taliyaaniga.

Baarlamanka waxaa kale oo ay ku dhagan yihiin wasiirka gaashaandhiga Cabdixakiin Fiqi oo isagana lagu haysto sababtii Wariyihii Bbc-da ay u xirtay maxkamada ciidamada Qalabka Sida iyo sababta wariyaha loo gayn waayay Maxkamada rayidka.

Laakiin Gudoomiyaha Baarlamanka Jawaari ayaa cudur daaray labada wasiir waxaana markale uu ugu baaqay inay horyimaadaan baarlamanka si loo waydiiyo su’aalo.

Ciyaaryahanka qadka dhexe ee kooxda Chelsea Oscar ayaa aaminsan inay kooxdiisu ku baahi goyn karto Koobka Kooxaha aduunka kaasoo ah koob ay doonayaan inay geeyaan Stamford Bridge.

Blues ayaa wareega afar dhamaadka la ciyaari doonta kooxda Mexico Monterrey iyadoo midkood Finalka ku qaabi doona kooxda soo baxda Al Ahly ama Corinthians , waxaana kama dambeysta lagu ciyaari doonaa Garoonka caalamiga ahYokohama.

“Chelsea waa kasoo dhamaatay koobka Yurub waxaana dooneynayaa inaan halkaan wax wanaagsan ku sameyno,” ayuu 21-jirkaani u sheegay World Soccer Digest.

“Waxaan isku deyeynaa inaan ku guuleysano tartanka sanadkaan. Koob walba muhim ayuu u yahay Chelsea. Hadii aan ku guuleysano, waxay na siineysaa kalsooni badan inta ka harsan xilli ciyaareedka.”

Nigel de Jong ayaa garoomada ka maqnaan doona inta ka dhiman xilli ciyaareedkaan ka dib markii uu dhaawac kasoo gaaray lugta kulankii ay Milan 4-2 ku dubatay Torino Axadii.

Kubad burburiyahaan heerka caalami ee dalka Holland ayaa laga saaray ciyaarta daqiiqadii 22-aad, markii tijaabo caafimaad uu maray goor dambe ayaana la ogaaday inuu dhaawac waqti dheer ah soo gaaray.

“AC Milan waxay xaqiijineysaa intii lagu jiray kulankii u dhexeeyey Torino iyo AC Milan, inuu Nigel de Jong dhaawac kasoo gaaray lugtiisa bidix,” ayaa lagu qoray Website-ka Milan.

De Jong ayaa xagaagii Milan kaga soo biiray kooxda Manchester City waxaana lagu soo iibsaday 4.5 milyan oo euro wuxuu u saftay 15 kulan xilli uu hal gool u dhaliyey Rossanerri.

Tababaraha kooxda Inter Andrea Stramaccioni ayaa cadeeyey in hadii uu Antonio Conte yahay ‘Special One’,  uu markaas isna yahay ‘Normal One’, iyadoo kooxdiisu ay guul 2-1 ah ka gaartay kooxda Napoli Axadii.

Goolal ka kala yimid Fredy Guarin iyo Diego Milito ayaa u fududeeyey Nerazzurri inay kaalinta labaad ka gashi Serie A, inkastoo uu Edinson Cavani gool usoo celiyey kooxda San Paolo.

Ka dib ciyaarta, Stramaccioni ayaa u jawaabay tababaraha Bianconeri kaasoo isku sheegay mid gaar ah, wuxuuna ku jawaabay: “Hadii uu Conte dareemayo inuu yahay ‘Special One’ markaas  ana waxaa ahay ‘Normal One’.”

Inter ayaa kaalinta labaad kaga jirta Serie A waxanya leedahay 34 dhibcood iyagoo afar dhibcood oo keliya ka dambeeya Juventus.

Thierry Henry ayaa qarka u saaran inuu markiisii sedaxaad kusoo laabto kooxda Arsenal kulanka ay FA Cup wajahayaan kooxda Swansea 6da Janaayo.

Gunners ayaa wadahal kula jirtay New York Red Bulls sidii ay amaah ugu soo qaadan laheyd Henry waxayna bilowdeen shan maalin ka hor, sida uu qoray Daily Mail.

Tababare Arsene Wenger ayaa rajo ka qaba inuu Henry u safto kooxdiisa wareega sedaxaad ee FA Cup.

Heshiiska waa la isku afgartay laakiin labada koox ayaa weli wadahadal ku jira iyadoo laga doodayo in amaahda la dheereeyo.

Wegner ayaa doonaya inuu Henry oo 35 jir ah, amaah ku heysto inta ka dhiman xilli ciyaareedkaan laakiin kooxda MLS ayaan dooneyn inay weeraryahankeeda lumiso xilliga uu bilaabanayo Horyaalka Mareynkanku.

Red Bulls ayaana door bidi laheyd inay weeraryahankooda helaan bilowga xilli ciyaareeddkan inta lagu jiro March.

Weeraryahanka qaranka Holland Klaas-Jan Huntelaar ayaa ah nin kale oo diirada u saaran tababaraha Faransiiska ah, halka uu si aad ah u doonayo ciyaaryahanka garabka uga ciyaara Crystal Palace Wilfried Zaha.

Chelsea ayaa ku dhow inay ugu dambeyn 8 milyan oo ginni kula soo saxiixato  18-jirka qaranka Serbia Lazar Markovic, sida uu qoray Daily Mail.

Ciyaaryahanka qadka dhexe ayaa door muuqda ka ciyaarayey xulkiisa wuxuuna bishii lasoo dhaafay gool ka dhaliyey xulka Chile ciyaar saxiibtinimo.

Sidoo kale wuxuu lix gool 12 kulan u dhaliyey kooxdiisa, Partizan Belgrade, xilli ciyaareedkaan.

Liverpool, Arsenal iyo Inter Milan ayaa dhamaandood wada xaajood kula jiray Partizan, iyadoo ay xidigaan ku rabto 14 milyan oo ginni. Si kastaba, Chelsea ayaa ah halka uu door bidayo xidigaani.

Chelsea ayaa sidoo kale wadahadalo isbuucaan la yeelan ciyaartoyda diirada u saaran inta ay joogto dalka Japan.

Weeraryahanka Bayer Leverkusen Andre Schurrle, mishiinka goolasha Atletico Madrid Radamel Falcao, xidiga Real Madrid Gonzalo Higuain iyo weeraryahank Newcastle Demba Ba ayaa ah kuwa ay dhamaantood dooneyso Blues.

Lionel Messi ayaa aaminsan inuu saxiibkiisa Andres Iniesta u qalmo ku guuleysiga Ballon d’Or ka dib markii ay Barcelona 2-1 ku garaacday kooxda Betis axadii.

Weeraryahanka ayaa labada gool isagu u dhaliyey kooxdiisa kulankii ay wajaheen Andalusians wuxuuna sidaas ku noqday gool dhaliyaha ugu sareeya hal sano isagoo dhaliyey goolkiisii 86-aad, wuxuuna jebiyey Rikoorkii Gerd Muller ee ahaa 85 gool oo hal sano ah.

Si kastaba, Messi ayaa amaanay saaxiibkiisa ee ay isku kooxda yihiin Blaugrana kaasoo caawiye ka ahaa labadiisii goo lee Betis.

“Maskaxdeyda kama bixin in Ballon d’Or la siiyi Andres,” ayuu yiri 25-jirkaani. “Wuxuu u qalmaa sababtuna waa sida uu u ciyaaro iyo waxay ay asxaabtiisa kooxdu sameeyaan.”

Halkaan hoose ka daawo 86-dii ee uu sanadkaan dhaliyey Lionel Messi.
[youtube http://www.youtube.com/watch?v=GQN0jeX07eo]

Waxgaradka, dhalinyarada iyo Haweynka Ka soo jeeda Degamda Balacad ee gobolka Sh/dhexe oo ku nool wadanka Nederlands ,ayaa siweyn u soo dhawey Guushii ay Ciidamada Dowlada Soomaaliya ka soo Hooyeen Gobolka Sh/dhexe gaar ahaan Magaala Madaxda Gobolkaasi ee Jowhar.

C/kariim Xuseen oo ku hadlay Magaca Jaaliyada Balcad ee wadanka Nederlands, ayaa waxaa uu sheegay in Ciimadada Xooga Dalka iyo Kuwa AMISOM ay ugu hanbalyey nayaan Guulihii is daba jooga ahaa ee ay ka gaareen Gobolk Sh/dhexe .

C/kariim Xuseen oo Magaca Jaaliyada Soomaaliyeed ee Balcad ee wadanka Holland ku hadlayey ,ayaa waxaa uu sheegay in loo bahanyahay in Ciimada Dowlada Soomaaliyeed ay san niyad jabin oo ay sii wadaan Howlahooda ay u gu adeegayaan Shacbka Somaaliyeed.

C/kariim ayaa hanbalyada uu u diray Ciidamda Xooga Dalka Soomaaliyeed ka sakoow waxaa uu ugu baaqay Maamulka Gobolka Sh/dhexe in laga dulqaado Shacabka reer Balcada Ciidmada Duldhooban oo loo kaxeeyo Goobaha Shaabaka laga saaray Lana Geeyo Balacad Booliska iyo Ciidamada Nabad sugida si loo sugo Amaanka Shacabka.

“ Shacbka Balcad waa Shacab Nabadeed oo aan Rabin Dagaal iyo Fowdo waxaana maalmahaan Balcad ka jiray isqabqabsi u dhaxeeya Maamulka Balcad iyo Kan Gobolka taasina waa wax aan wanaagsaneyn oo loo baahanyahay in laga digtoonaado Ciidamda Meshaa joogana Laga rarao” ayuu Yiri C.kariim Xuseen.

Ugudanbeytii Waxgaradka,Haweynka iyo Dhalinyarda Reer Balcad ee Holland ,ayaa waxaa ay ku baaqeen in dadka Reer Balcad laga taageero dhankasta gaar ahaan Dhanka Tacabka beeraha si ay wax u soo saartaan madaama ay san heysanin Tasiilaad kii ku haboona wax soo saarka..