Dowlada Kenya ayaa ku hanjabtay in Masuuliyiin Sar sare oo Dowladooda ka tirsan inay xilkooda ku wayn doonaan rabshadahii ka dhacy Magaalada Gaarisa iyo Waliba kii ka dhacay Xaafaada Islii.

Gudoomiye ku xigeenka Baarlamanka dalka Kenya Faarax Macalin oo la hadlay Warbaahinta soomaalida gaar ahaan kuwa Muqdisho ayaa sheegay in layskula xisaabtami doono dhibaatadii soomaalida ku gaartay Gaarisa iyo Islii.

Faarax Macalin ayaa carabaabay inay baarayaan Cida kulug leh rabshadaha ka dhacay Kenya hadii uu Masuul Dowlada Katirsan uu noqdana waxaa lagu qaadayaa ayuu yiri Sharciga u dagan Dowlada.

Warar ayaa sheegayay in Masuuliyiin Kenya ah arimo Siyaasad ah ay ku beegsadeen dadka Shacabka ah laakiin Faarax Macalin ayaa ku nuux nuuxsaday in dalka uu sharci kajiro kaas oo qabanaya Madaxwayne ilaa Wasiir.

Waxaa uu sheegay in gudi ay u sareen baaritaanka Waxyabaha ka dhacay Gaarisa iyo Islii oo dadka Soomaalida boob iyo Kufsi loogu gaystay.

Rafael Benitez ayaa la xaqiijiyey inuu noqonaayo tababaraha cusub ee kooxda Chelsea, ka dib markii ay kooxdu iska ceyrisay tababareheedii Roberto Di Matteo markii ay guul darro 3-0 ah kasoo gaartay kooxda Juventus ciyaar ka tirsan Champions League.

52 jirkaan ayaa si ku meel gaar ahaan ah inta xilli ciyaareedkaan ka dhiman u qabanaaya kooxda difaacaneysa koobka kooxaha Yurub ka dib markii uu ku dhowaad laba sano shaqada tababarenimo ka maqnaa markii laga raacdeeyey Inter Milan.

Warbixin lagu qoray Website-ka ramiga ah ee Chelsea ayaa oraneysa: “Milkiilaha iyo gudiga kooxdu waxay aaminsan yihiin in Benitez uu noo noqonaayo macalin qibrad leh tan ugu sareysa kubada cagta, kaasoo naga caaqin kara ujeedkeena.

“52 jirkaan reer Spain ayaa la kulmay Gudiga iyo Milkiilha ciyaartoydana wuxuu ugu tegay xerada tababarka Cobham galabnimadii Khamiista.”

Benitez ayaa markiisii labaad kusoo laaban doona koox Horyaalka Premier Leaguea ah ka dib markii uu lix sano guulo ku hugaamiyey Liverpool intii u dhexeysay 2004 ilaa 2010kii.

Macalinka reer Spain Benitez ayaa noqonaaya macalinkii sagaalaad ee Blues qabta inta uu hugaamiyo Roman Abramovich.

Hadaba Su’aashu waxay tahay sideed tababare ka dib yaa noqon doona tababaraha ay ceshato Chelsea.?

W/Q: Ahmed Jaangoan

E-mail: [email protected]

Caasimada – Mogadishu.

Xittaa haddii ay qarash gareeyeen in ka badan 500 oo Milyan oo dollar, tan iyo markii tujaarta carbeed ay iibsadeen, Manchester City waa ay soo dhaafi la’dahay wejiga koowaad ee koobka Horyaalada Yurub.

City ayaa sanadkii labaad oo xiriir ah waxaa lagu soo reebay wareega group-yada, kadib markii ay bar bar dhac la dhaafi weyday Real Madrid, cayaar ka dhacday garoonka Etihad ee magaalada Manchester.

Kooxda tababare Mancini ayaa u baahneyd guul, si ay rajadeeda usoo bixid ee wareega 16-ka biyo dhuunta ugu qabato, hase yeeshee gool uu aroor hore saxiixay Karim Benzema ayaa gadaal mariyay.

Real ayaa halis gelisay City, ayada oo xiddigii hore ee Manchester United Cristiano Ronaldo oo colaad lagu soo dhoweeyay uu fursad wanaagsan lumiyay. Sidoo kale Sami Khadira ayaa 3 fursad khasiray.

Xeeladda tabbare Mancini uu ku cayaaray saddex daafac, ayaa waxaa war ka keenay weerarka Real, hase yeeshee markii dambe City ayaa saldhigatay oo cayaarta maamulkeeda la wareegtay.

Daqiiqadii 73-aad ayaa gool ku laad waxaa u saxiixay Sergio Aguero, kadib markii Alvaro Arbeloa calaamad guduudan lagu saaray.

Taa beddelkeedana, si xeeladeysan u adeegatooy iyo lacag badan ma bixisooy Arsenal ayaa u gudbtay wareega 16, kadib markii ay garaacday Montpelier, islamarkaana ay caawimaad ka heshay Schalke oo tuntay Olympiakos.

Natiijooyinkii kalena waxa ay ahaayeen sidan;-

W/D: Axmed Cali Sheikh
Tifaftiraha Caasimada Online
www.facebook.com/alxmed

Ra’iisul wasaarihii hore ee Somalia Prof. Cali Khaliif Galayr, ayaa si aad ah u weeraray maamulka Somaliland iyo fara-gelinta ay ku hayaan dadka deegaanada Sool iyo Sanaag ee uu kasoo jeedo.

Cali Khaliif oo ka hadlayay gobolka Minnesota ayaa sheegay inay doonayaan inay nabad kula noolaadaan Somaliland, hase yeeshee aysan Somaliland taas dooneyn, sidaas ay is difaacayaan.

Halkan ka daawo hadalka Galayr.

Wararka naga soo gaaraya Magaalada Kismaayo ee Xarunta Gobolka Jubbada hoose ayaa waxaay tibaxayaan in magaaladaasi ay iskaga hulelen Masuliyiin ka tirsana Saxiixeyaasha qorshaha Maamul usameynta Jubbaland.

Masuliyiintas Magaalada Kismaayo dib uga soo labtay ayaa waxaa ka mid ah Maxamed Cabdi Gandi Gen Cali Madoobe iyo Gen Darwiish.
Masuliyiintaan ayaa waxaay magaalada Kismaayo ku sugnayeen mudo 2 ubuuc ah waxaayna halkaasi kulamo kala gadisan kula soo qateen qaybaha kala duwaan ee Belshada Kismaayo ayado kulamadasina badankood ay ku soo dhamadeen isfahan waa.

Hataan Masuliyintaasi waxaay soo gareen Magaalada Nairobi halkaas oo lagu wado in uu ka dhaco shir loga hadlayo xalinta caqabado soo wajahay Maamul usameynta Jubboyinka iyo Gedo waxana shirkaasi ka qayb galaya Masuliyintaas iyo Masuliyin kale oo horay ugu sugnaa Magaalada Nairobi oo uu ka mid yahay Sh. Aw-libaax.

Dhanka kale waxaa wali magaalada Kismaayo ka tagaan ismari waa u dhexeya beelaha Somaliyeed ee wada daga jubboyinka kuwaas oo qaybna ay ku qanacsantahay qabka lo wajahaayo Maamul usameynta Jubboyinka iyo Gedo qaarna ay siweyn uga soo horjeedan qabka hada wax loo wado.

Xubin ka mid ah Saraakisha IGAAD ee ku howlan Maamul usameynta Jubboyinka iyo Gedo ayaa Warbaahinta u shegay in qorshihi Maamul usameynta Jubboyinka iyo Gedo ee lagu waday beesha Decenber in la soo afjaro u dib u dhacay sababo uu ku sheegay qaar ka mid ah beelaha deeganka oo diiday in ay saxiixan heshiiska Maamul usameynta Jubboyinka iyo Gedo.

Waxa uu sarkaalkani shegay in Urur Goboleedka Igaad uu wado sidi xal logu heli laha Caqabadaha so wajahay furitaanki Shirki Maamul usameynta Jubboyinka iyo Gedo.

Maamul usameynta Jubboyinka iyo Gedo ayaa hadba heer soo maraysay ayado hada maraysa heerki ugu adka waxaana soo wajahaya caqabado ka imanaya beelaha Somaliyeed ee wax ka daga Goboladaasi kuwaas oo u arka in Dowlada Kenya oo sameyn weyn ku leh Maamulkan aysan dhexdhexaad ka ahayn in qabaailada ay si siman wax u qaybsadan qaas ahaan arinka Ciidanka ayado Magaalada Kismaayo Dowlada Kenya ay u diiday in ay soo gaalaan Ciidamo Kenya lagu soo tababaray oo ka soo jeeda Beesha Sade kuwaas oo ku sugan deeganka Dhobleey iyo deeganka Hosingow ee gobolka Jubbada Hoose .

Iyadoo uu Si Xowli ah uu  Ku Socdo Dhismaha La Doonayo in Lagu dhiso Maamul Goboleed ay ku Mideeysanyihiin Gobalada Jubada Hoose, Jubada Dhexe iyo Gobolka Gedo ayaa waxaa isasa soo tarayaa Taageerada iyo Baaqa ka ka imaaneya Qaar ka tirsan Waxgaradka iyo Aqoonyahada Soomaaliyed.

Magaalada Freiburg ee Dalka Switzerland ayaa Shalay Waxaa ka  dhacay Kulan ay ka soo qeyb  galeen Qaar ka tirsan Waxgaradka iyo  Aqoonyahano ka soo jeeda Deeganada Puntland Kulankaan ayaa waxa si Buuxda Bulshada ka soo jeeda Deeganada Puntland ay ugu Taageereen Qorshaha La Doonayo In Dadka ka soo Jeeda Deeganada Jubooyinka iyo Gedo ay Dhistaan Maamul Goboleed ay iyagu Leeyihiin.

Ujeedada Kulanka ayaa ahaa in Waxgrada iyo Aqoonyahada ka soo jeeda Deegaanada Puntland ee ku Nool dalka Switzerland ay Muujiyaan sida ay ula dhacsanyihiin Taageersanyihiin Maamul u Sameynta Gobolada Jubooyinka iyo Gedo iyo in Dowlada Federaalka ee Soomaaliya loogu Baaqo in ay ka shaqeyso sidii Dadka Deegaankaas ka soo jeedo Loo Madaxbaneyn lahaa  in ay Soo Dhistaan Maamul ay Iyaga Matala  Maadama uu Dalka Federaal yahay.

Aqoonyahandii  ka Hadashay Madasha Lagu Taageerayay Maamul u sameynta  Gobolada Jubooyinka iyo Gedo ayaa Waxaa ka mid ahaa Proff. Maxamed Cusman Xareed, Caaqilka Guud ee Dadka ka soo jeeda Deeganada Puntland ee ku Nool Dalka Switzerland Caaqil Cabdirisaaq Siciid Qotome, Yuusuf Aadan Xasan iyo Daahir Siciid Warsame.

Si Kastaba ha ahaate Dhowaan ayaa La Filayaa in uu Bilowdo Shirweyihii La doonayay in lagu dhiso Maamul Goboleedka Jubaland oo ay ku Mideeysanyihiin Dhamaanta Dadka Dega Deegaanada Jubooyinka iyo Gobolka Gedo.

Wariye ka tirsan Laanta Afka Soomaaliga ee BBC-da ayaa maanta waxaa lagu xiray Xabsiga Dowlada ee magaalada Muqdisho kadib markii ay xireen ciidanka Dowlada.

Ibraahim Maxamad Aadan oo ah wariyaha la xiray ayaa waxaa lagu haystaa dacwad ah inuu ka been abuurtay oo warqalad uu ka sheegay Arimaha Garsoorka iyo Maxkamadaha sida ay u shaqeeyaan.

Sarkaal u hadlay Dowlada islamarkaana qaabilsan Xabsiga dhexe ayaa Shabakada Caasimada u sheegay In Wariyaha uu ka been abuurtay Xukunada ay fuliso Maxkamada Dalka, markii cadayn keen lagu yirina uu keeni waayay.

Ugu dambayn wariyaha ayaa maanta waxaa loo dhaadhiciyay Xabsiga lamana oga waxaa uu xarigiisa noqon doono.

Ilaa iyo hada Bbc-da kama aysan hadlin Xariga maanta lagula kacay wariyaheeda.

Gudoomiyaha Baarlamanka Soomaaliya Prof. Cismaan jawaari ayaa ku dhawaaqay in Todobaadka soo aadan Baarlamanka uu ansixinayo xeer hoosaadka.

Baarlamanka Soomaaliya ayaa mudooyinkaan waxaa ay ka doodayeen Arimaha xeer hoosaadka ah oo ah waxa ay ku shaqaynayaan Baarlamanka.

Prod. Maxamad Cismaan Jawaari oo ah gudoomiyaha Baarlamanka ayaa saxaafada u sheegay in Sabtida soo socota ay bilaaban doonto Ansixionta xeer hoosaadka Baarlamanka.

Sidoo kale Gudoomiyaha Barlamanka Jawaari ayaa waxaa kale oo uu sheegay in Mudanayaasha Baarlamanka ay heli doonaan Fasax labo Bilood lakiin hada ay sii shaqayn doonaanm ilaa Bisha December.

Tababarihii Chelsea Roberto Di Matteo ayaa xilka tababarenimo ee Chelsea laga xayuubiyey ka dib markii uu six un u ciyaaray kulamadii dhowaanahaan, sida uu qoray wargeyska Sky Sports.

Tababaraha Talyaaniga ah ayaa guuleystay 24 kulan 42 kulan oo uu kooxda leyliyey laakiin ka dib guul darradii 3-0 aheyd ee xalay kasoo gaartay Juventus kooxduna ay qarka u saaran tahay inay usoo bixi weyso wareega 16ka ee Champions League, RDM ayuu soo idlaaday waqtigiisii Stamford Bridge.

“Natiijooyinkii xumaa ee dhowaan kooxdu soo hoysay milkiilaha iyo Gudoomiyuhu waxay isla garteen inaysan sinaba u heysan Karin Tababaraha iyadoo ku dhaqaaqay go’aankii saxda ahaa iyadoo ay na sugeyso qeyb ka mid ah xilli ciyaareed muhim ah,” ayey u qorneyd warbixin lagu daabacay Website-ka rasmiga ah ee Chelsea.

“Milkiilaha iyo Gudoomiyuhu waxay jelaan lahaayeen inay u mahad naqaan Roberto wixii uu kooxda  u qabtay tan iyo bishii March.

“Roberto wuxuu naga caawiyey guushii taariikhiga aheyd ee Champions League iyo FA Cup todbaad. Mana aan ilaawi doono wax uu kooxda u qabtay mar walbana waan kusoo dhaweyn doonaa Stamford Bridge.

“Kooxdu waxay raadin doontaa bedelka tababaraha koowaad sida ugu dhaqsaha badan.”

W/Q: Ahmed Jaangoan

E-mail: [email protected]

Caasimada — Somalia.

Kooxda heysata Premier League ayaa Etihad Stadium ku qaabileysa caawa kooxda heysata La Liag, iyadoo Manchester City ay u baahan tahay guul si ay uga dhabeeyaan inay usoo baxaan wareega 16ka Champions League.

                                Ciyaartoyda Macquulka ah inay labada koox garoonka kusoo bilaabaan

                                                                                Maxaa ka cusub labada koox:

Gael Clichy ayaa canqawga ka dhaawacmay intii ay socotay ciyaartii ay Manchester City 5-0  ku dubatay Aston Villa waxaana booska daafaca bidix ka bedeli kara Aleksandar Kolarov.

Joleon Lescott oo dhaawac ka qaba dhabarka iyo James Milner oo iska la daalaa dhacaya dhaawac feysha ah ayaa weli ka maqan City, kuwaas oo aan weli waqti loo qaban marka ay kasoo laabanayaan garoomada.

Micah Richards ayaa dhaawac jilibka ah ku maqnaan doona ilaa December, halka Samir Nasri laga yaabo inuusan kulankaan u ciyaarin xumad darteed, Jack Rodwell ayaana weli kasoo kabsan dhaawac feysha ah, waxaana loo qiimeynayaa inuu seego kulankaan muhimka ah.

Matija Nastasic oo jilibka ka dhaawacan ayaa dhameystay kulankii isbuucaan dhamaadkiisa wuxuuna kusoo laaban karaa booskiisa daafaca dhexe.

Real Madrid waxaa kulankaan dhaawac uga seegaya Gonzalo Higuain oo bowdada ka dhaawacan iyo Marcelo oo isba lugta ka jaban.

Ma jiraan wax ka badan labadaan dhaawac oo uu tirsanaayo Jose Mourinho ka hor kulankaan, wuxuuna heystaa koox buuxda.

                                                                                                   Ma Ogtahay?

• Laba koox oo keliya ayaa kasoo baxday booskaan ay hada ku jiro Manchester City iyadoo soo aaday wareega 16ka: Lokomotiv Moskow ayaa hal dhibic shaqeysatay afar kulan 2002-03 iyadoo Porto ay laba dhibcood heysatay 2004-05.

• Kulankii ugu horeeyey ee caalami ah wuxuu labadaan koox dhex maray bishii September, Real Madrid ayaana markaas 3-2 ku garaacday City.

• Sky Blue ayaa heysata 19 kulan oo Koobabka Yurub ah oo aan looga badin gurigeeda marka lagu darro isreebreebka, 14 kulan ayeyna guul gaartay iyadoo barbaro gashay shan jeer tan iyo markii ay 1-0 guul darro ah kasoo gaartay FC Midtjylland 2008dii, kulan ka tirsan Uefa Cup.

• Kooxda heysta horyaalka Ingiriiska ayaa gashay 22 Offside [Diilin ka bax] oo koobabka Yurub ah xilli ciyaareedkaan, waana in ka badan koox walba.

• Cristiano Ronaldo (sawirka midig) ayaa kasoo muuqday 11 kulan oo ah kulanka loo yaqaan Manchester Derby intii uu u ciyaarayey Red Devils isagoo markaas ka hor yimid City, wuxuuna guuleystay Todobo kulan halka sedax jeer guul darro soo gaartay. Wuxuu dhaliyey afar gool balse laba jeer ayaa ciyaarta laga saaray iyadoo lagu ciyaarayo City of Manchester Stadium.

• Ronaldo ayaa 14 gool dhaliyey 11 kulan ee uga dambeyey Champions League

• Los Blancos ayaa markeedii shanaad booqaneysa gobolka Manchester. Iyagoo 1-0 uga badiyey Tottenham booqashadoodii ugu dambeysay ee Ingiriiska, afar kulan ayey guul gaareen, labana barbaro, shan kulan ayaana la garaacay intii ay soo booqanayeen England.

• Goolkii ugu horeeyey ee Borussia Dortmund ka dhalisay Madrid kulankii ku idlaaday barbaraha 1-1 ah ayaa ahaa goolkii 200aad ee laga dhaliyey Real intii lagu jiray Champions League.

Hadaba inoo sheeg saadaashaada kulankaan, Ma Manchester City ayaa boorka iska jafi doonta, mise Real Madrid ayaa ka cirib tiri doonta Champions League markoodii labaad oo isku xigta oo ay ku haraan wareega Group-yada, mise waa la isku garba dhici doonaa.?

Hadii aad haleesho saadaasha saxda ah ee kulankaan waxaan kaa balan qaadeynaa inaan kugu soo qorno natiida ciyaarta.

W/Q: Ahmed Jaangoan

E-mail: [email protected]

Caasimada — Somalia.

Qofna kuma uusan fikirin micnahaan inuu Fernando Torres sidaan noqon doono, waxaan halkaan idinkugu soo gudbineynaa maqaal uu ka qoray Wargeyska Daily Mirror.

Wuxuu Chelsea ugu soo dhaqaaqay lacag xad ka bax ah ka dib markii uu Roman ­Abramovich Bank-ga u jebshay uuna kula soo wareegay 50 milyan oo ginni, wuxuuna doonayey inuu El Nino isbedel ka sameeyo Blues.

Laakiin 22 bilood, sedax tababare iyo hada oo uu dhaliyey 18 gool, Torres ayaa shaqadiisa Stamford Bridge waxay gaartay halkii ugu xumeyd markii keydka lagu bilaabay kulankii Juve, kooxduna ay noqotay mid aanba ku xisaabtamin booskiisa weerarka.

Roberto Di Matteo ayaa xilli ciyaareedkii hore kulamo dhowr ah ciyaarsiiyey, laakiin tababaraha reer Talyaani ayaa arkay inuusan willka reer Spain dabooli Karin ama qaban Karin shaqadii Didier Drogba, oo kooxda ka hayaamay markii uu ku hugaamiyey Champions League sanadkii hore.

Torres xitta laguma bedelin booskiisa Daniel ­Sturridge, taas bedelkeeda Di Matteo ayaa door biday inuu Eden Hazard ciyaarsiiyo No. 9 been ah.

Hazard, sidii la saadaalinayaba, booskaan kuma uusan laheyn saameyn wuxuuna Di Matteo u yeeray Torres daqiiqadii 71aad iyadoo Blues ciyaarta looga hugaaminayo 2-0.

Laakiin mar kale ayuu isku soo bandhigay inuusan isbedel sameyn Karin daafacdayaasha Champions League ayaana u eg kuwo koobkaan kasoo haray hadii aysan Juve habaar kala kulmin kulanka ay wajahayaan Shaqkhtar Donetsk.

Si kastaba, gunaanadkii Torres wuxuu u muuqdaa mid qiimo gabay, Chelsea ayaana dooneysa inay booskiisa u keensato Falcao.

Hadaba aan akhristeyaasha u dhaafnee, Torres miyaa qiimo gabay, Ma Chelsea ayeysan kubadiisu oolin, ma ciyaartoyda ayuusan fahmin, mise Chelsea ayaaba Flop ah.? Maadaama la xasuusto inay sidaan oo kale ugu halabeen Weeraryahano kale oo fara badan, markii ay yimaadeen kooxdaan.

W/Q: Ahmed Jaangoan

E-mail: [email protected]

Caasimada — Somalia.

Theo Walcott ayaa seegi doona kulanka Arsenal ay Champions League  [Group B] caawa ku wajaheyso kooxda Montpellier isagoo qaba dhaawac garabka ah.

Ciyaaryahanka garabka ka ciyaara ayaa waxaa uu kulankaan u seegayaa ka dib markii uu Michael Dawson ku dhaawacay kulankii ay Gunners 5-2 ku dubatay Tottenham sabtidii, intastoo uu ciyaarta dhameystay markaas.

Tababare Arsene Wenger ayaa xaqiijiyey in 23 jirkaani uu garoomada ka maqnaan doono  muddo yar uusana ka qeyb qaadan doonin kulanka ay kooxdiisu ka hor imaaneyso kooxda heysata horyaalka Faransiiska oo ay kula ciyaarayaan Emirates, halka Andre Santos kulankaan uga maqnaanayo dhaawac bowdada ah.

Wenger ayaa sidoo kale daaha ka qaaday inay Kieran Gibbs iyo Gervinho diyaar u yihiin kulankaan ka dib markii ay kasoo bogsadeen dhaawacyo ay qabeen.

Iyadoo afar kulan la ciyaaray Champions League, Arsenal ayaa fadhisa booska labaad ee Group B waxayna leedahay todobo dhibcood iyagoo hal dhibic ka dambeeya hugaamiyeyaasha Schalke. Olympiakos ayaana fadhisa booska sedaxaad laba kulan ayeyna guul gaartay halka laba kale la garaacay, halka aysan Montpellier weli guul gaarin laakiin barbaro ayey la galeen Schalke bishii lasoo dhaafay.

W/Q: Ahmed Jaangoan

E-mail: [email protected]

Caasimada — Somalia.

Cristiano Ronaldo ayaa dib ugu laabanaayo magaaladii uu kusoo barbaaray ee Manchester laakiin war fiican kuma dhicin dhegaha tababarayaasha laba koox ee reer Manchester Sir Alex Ferguson iyo Roberto Mancini.

Wuxuuna weeraryahanka kooxda Real Madrid sheegay in labada macalin eek ala hugaamiya kooxahaas ay yihiin dooqiisa labaad ee ka dambeeya macalinka Bernabeu Jose Mourinho.

Ronaldo ayaana qirtay in Special One uu kooxda reer Spain ku hugaamin doono koobkoodii Tobnaad ee Champions League.

“Jose waa tababaraha caalamka ugu wanaagsan, waana No. 1,” ayuu yiri ciyaaryahankii hore ee United.

“Waa wax weyn inaad la shaqeyso, sabatoo ah waxaan ahay qof jecel inuu guuleysto, necebna inay guul darro soo gaarto.”

Ronaldo, ayaa xilli ciyaareedkan 19 gool dhaliyey 18 kulan oo uu ciyaaray, wuxuuna ahaa ciyaaryahankii goolka guusha u dhaliyey kooxda Bernabeu kulankii ay bishii September garaacday Sky Blue.

W/Q: Ahmed Jaangoan

E-mail: [email protected]

Caasimada — Somalia.

Wakiilka Jeffren ayaa xaqiijiyey inay Liverpool ku raad joogto ciyaaryahanka garabka uga ciyaara kooxda Sporting Lisbon, sida uu qoray wargeyska Daily Mirror.

Jeffren ayaana hada ka hor diirada u saarnaa kooxda Anfield, wakiilkiisa Jorge Llagostera ayaana hada cadeeyey in Reds ay ka qeyb tahay kooxaha xidigaan ka doonaya Barclays Premier League.

Ciyaaryahanka reer Spain ayaan guulo ka gaarin Sporting tan iyo markii uu kaga soo biiray Barcelona sanadii hore kooxda ka dhisan Portuguese-ka ayaana ka fikireysa dalab xidigaan u yimaada bisha Janaayo.

“Haa, Liverpool iyo kooxo kale oo Premier League ka dhisan ayaa isha ku haaya muluqaan,” ayuu yiri wakiilka xidigaan Llagostera.

“Laakiin, ma aanan helin weli wax dalab rasmi ah oo aan kala hadalno Sporting.”

W/Q: Ahmed Jaangoan

E-mail: [email protected]

Caasimada — Somalia.

Roberto Di Matteo ayaa guul darradii xalay soo gaartay kooxdiisu saameyn ku yeelan doontaa, iyadoo lala xiriirnayo inuu tababarihii hore ee Liverpool Rafa Benitez shaqada ka bedelo hadii uu Pep Guardiola inuu Chelsea qabto ka hor xagaaga, sida uu qoray wargeyska Daily Mail.

Guul darradii 3-o aheyd ayaa Chelsea Qatar gelisay inay noqdaan kooxdii ugu horeysay ee iyadoo difaacaneysa Champions League kaga harta wareega Group-yada.

Di Matteo ayaa hada cadaadis adag dul saaran yahay wuxuuna guulo gaaray hal kulan shantii kulan ee u dambeysay Blues ayaa sidoo kale Horyaalka ku dhibaatooneysay iyadoo guul darro iyo bareejooyin la degeen, waxaana laga yaabaa inay markaan ka ciyaarto tartanka labaad ee Europa League.

“Waa guul darro weyn oo nasoo gaartay, kooxdana soo gaartay,” ayuu yiri tababaraha reer Talyaani, kaasoo ay qasab ku tahay inuu axada kulanka Horyaalka ah oo ay wajahayaan Manchester City guul gaaro.

“Waxaa jiray qaladaad badan. Aniga ayaa masuul ka ah natiijada iyo bandhiga. Wa habeen mugdi ah waaana inuu qof walba eeda dusha iga saaraa. Waxaan soo doortay koox aan filanaayey inay yihiin kuwa saxda ah ee guusha keenaya, ama barbaro heli kara.”

W/Q: Ahmed Jaangoan

E-mail: [email protected]

Caasimada — Somalia.

Dowlada Soomaaliya ayaa ka warbixisay dhalinyaro Soomaali ah oo laga soo celiyay dalka Mareykanka kuwaa oo kasoo dagay garoonka diyaaradaha Muqdisho.

Waaxda Socdaalka iyo Jinsiyadaha Dowladda Soomaaliya ayaa faahfaahin ka bixisay dhalinyaro Soomaali ah oo dalka Mareykanka laga soo celiye kuwaasi oo kasoo dagay garoonka diyaaradaha ee Muqdisho.

C/laahi Gaafoow Maxamuud Hogaanka socdaalka iyo Jinsiyadaha Dowladda Soomaaliya ayaa sheegay in dhalinyaradani maxkamada dalka Mareykanka ay gabi ahaanba diiday dhalashada wadankaasi inay siiso.

Gaafow ayaa sheegay in dhalinyaradaasi oo gaarayaa ilaa 10-dhalinyaro lagu kala magacaabo.
1: Sufyaan Axmed Maxamed.

2: Muxidiin Maxamed

3: C/kariin Yuusuf

4: Qaasin Bashiir

5: Cabdi Jaamac

6: Fahad Naaji

7: Axmed Yuusuf Jilic

Si kastaba dhalinyarada uu ku sheegay inay yihiin toban hadana wuxuu sheegay kaliya magacyada 7-dhalinyaro ah oo uu sheegay in maxkamadaha dalka Mareykanka ay diideen inay siiyaan sharciga dalkaasi Mareykanka.

Ma rabo inaan wax badan irahado, hase yeeshee waxaan iftiiminayaa dhacdo shalay lagu daabacay Caasimada Online, oo miisaankeedu ila weynaaday, oo aan doonayo in idinkuna aad ila dareentaan.

Mararka qaar waxaa jira waxyaabo marka aad dusha sare ka eegto kuula muuqda wax iska caadi ah, haddana marka aad u kuur gasho aad ka ogaan karto arrin miisaan culus leh.

Waxaa taas la mid ah Dacwaddii Guddoomiyaha Gobolka Banaadir ahna Duqa magaalada Muqdisho Maxamuud Axmed Nuur Tarsan uu Xeer Ilaaliyaha Qaranka u gudbiyay ee ka dhanka ahayd Idaacadda Shabelle.

Marka meel la iska dhigo waxa ka dhaxeeya Tarsan iyo Shabelle, waxa ay tallaabadaas ku tuseysa nidaam caddaalaeed oo kasoo ifaya magaalada Muqdisho, oo ereyga caddaalad uu mar u muuqday mid laga hilmaamay.

Aqrsite ka feker, marka Tarsan oo ah guddoomiyaha gobolka Banaadir uu dacweeyo Idaacad uu si fudud alabaabada isugu dhufan karo, isaga oo awoodiisa adeegsanaya, sida madaxda Soomaalida lagu yaqaan

Waa arrin runtii lagu farxo. Ma ahan in lagu farxayo dacwada ka dhanka ah Shabelle, ee waxaa farxad mudan in hab sharci uu kasoo muuqanayo Muqdisho.

Idaacadda Shabelle, oo ah mid inta badan muran badan abuurta sababo la xiriira wararkeeda oo dad badan u arkaan kuwa si xun wax u sheeg ah, ayaa sidan oo kale waxa ay 2007 isugu dhaceen Dowladdii Cabdullahi Yuusuf iyo Cali Maxamed Geedi.

Xilligaas ayaa weriyayaashii Shabelle dhammaantood xabsi si kooban loogu shubay, idaacaddana albaabada la isgu dhuftay, balse Tarsan sidaas ma sameyn oo waxa uu Shabelle la tiigsaday sharciga, oo ay ku kala bixi doonaan

Tani waxa ay ku tusesaa in is-beddel weyn iyo hurmar dhinac walba ah uu kasoo ifiyo magaalada caasimada ah, waana wax loo riyaaqo.

Ka dhiibi fikirkaaga sida ay kula tahay Tallaabada uu qaaday Tarsan.

W/Q: Axmed Cali Sheikh
Tifaftiraha Caasimada Online
www.facebook.com/alaxmed

Colonel horey uga tirsanaa MilatarigiiSomalia, ayaa waxa uu ka masu’uul ahaa jirdilka nin u dhaq dhaqaaqi jiray xuquuqda aadanahaSomalia, sanadihii sideetamaadkii, waxaa sidaas xukmiyay xaakim federal ah oo jooga dalka Mareykanka.

Go’aankaasi ayaa waxa uu albaabada u furi doonaan dhageysi dacwadeed iyo suurta galnimada magdhow lacageed.

Colonel Cabdi Adan Magan oo dhowr sano ku noolaa gobolka Ohio, ayaa ku guul darreystay inuu keeno wax caddeymo ah oo ka leexinaya xadgudubyadii xuquuqda aadamaha ee ay geysatay dowladdii Maxamed Siyaad Barre, sida uu sheegay xaakim George Smith, oo jooga magaalada Columbus.

Abukar Xasan Axmed oo ah garyaqaan iyo u ololeeye xuquuqda aadamaha ah oo degan magaalooyinkaLondoniyo Muqdisho, ayaa sanaddii 2010 gudbiyay dacwad ka dhan ah Magan oo uu sheegay inuu 3 bil xabisay, kadibna jir dil u geystay. Waxa uu sheegtay dhaawacyo ay ka mid yihiin inuu dhib ka gaaray kaadi heysta.

Abuukar ayaa sheegay in Magan waqtigaas uu ahaa Dambi baaraha guud ee hay’addii nabad sugida qaranka Soomalaiyeed.

Tallaabada xigta ee laga filayo Abuukar ayaa ah inuu dacad kusoo oogo Magan.