Qisadan oo ah mid dhab ayey waxay ku dhacday Mucaaqashiin Soomaaliyeed oo ku kala nool Wadama Kenya iyo South Afrika waxeyna ka mid tahay qisooyinka tusaalaha u ah labada qofood ee is jecel misana is waaya.

Axmed Cabdi Kariin Khaliif (Axmed Saadaq ) oo ku nool magaalada Cape Town ee dalka K/Afrika waa wiilka ay qisada ku dhacday,isagoo la soo xiririray Saxafada ayaa waxa uu ugu sheekeyay qisada ku dhacday iyo dhibaatada kasoo gaartay oo saameysay noloshiisa,

“Waxaan ka mid ah dhalinta Soomaaliyeed ee ku nool South Afrika mudo dhowr sano ah waxaa jirtay gabar aan qaraabo nahay ee ku nool magaalada Nairobi ee dalka Kenya oo markaan halkaan imid xiriir jeceyl ina dhex maray mudda ka badan labo sano,aniga iyo Sacdiyo Cumar Giirmaalle  waxaan ahen lamaane is jecel kana dhaxeeyo inagoo ahen lamaamo daqiiqad walba xiriira ugu dambeyntii waxaan galnay ballan ku saabsan guurkeena iyo waqtiga kama dambeysta ee uu dhici lahaa.

“Muddo laba sano kadib markii aan go,aansanay guurkeena aniga iyo qofta aan Dunada ugu jeclaa ayaa waxaa meesha soo galay xaasid jecel oo aan ka fogeyn ehelkayga kaasoo ahaa adeerkayga oo ku sugan magaalada ay ku nooshahay Sacdiyo Cumar Giiraalle oo ah noloshayda aan ifka ugu jeclaa oo iga doorsaday lacag  kadib markii ay wadahadaleen walaalkiisa ka weyn oo ku noolaa dalka Mareykanka kana dhaadhiciyay in uu u dooonayo gabar reerka ah kadibne uu yimid ninkii noloshayda jari lahaa marna ahaa adeerkayga Yusuf Khaliif,muddo maalmo kadib doontay  kadibne aqalgal deg deg ah sameeyay isagoo dhaqaalo iigu faanaayo,

Qisidan ku dhacay Axmed Saadaq oo ah wiilka dhalinyarada ee sawirkiisa meesha idinkaga muuqda ayaa ah qisooyinka ka dhaca dunida iyadoo Soomaalida inta badan isticmaasho hanti balse aan fiiriin jeceylka iyo qiimaha uu leeyahay.

Ugu dambeyntii Axmed Cabdi Kariin Khaliif ayaa waxa uu waydiisanayaa dhamaan aqristaasha duco iyo talo celin si uu noloshiisa dambe dhib u gaarin, waxaadna kala xiriiri kartaan ciwaankiisa oo ah ([email protected])

Qeybti 3-aad, halkan ka aqriso qeybihii hore Qeybti 1-aad,  Qeybti 2-aad.

Sannad Dugsiyeedkaas markii Dugsigii la xiray, waxaa la bilaabay Sanadkaas Mahrajaan oo ah ciyaaro iskuuladu ka qeyb qaadanayaan oo lagu muujinaayo wax qabadka kacaanka 21 oktoobar.

Ostan markii ugu horeeysay wuxuu ka qeyb noqday qeybta ciyaaraha oo lagu qaadanaayey Dugsiga Hoose/Dhexe ee Hodan se markii la is xulaayey waa laga reebay, se haddana wuxuu ka qeyb noqday koox yar yar oo loo xulay Sawiradda oo loo yaqaanay ( looxaatul khalfiyah) oo macnaheedu yahay Qeybta Gadaale ee sawiradda, wuxuuna Tababarkaas ku qaatay Dugsiga Dhexe ee Raage Ugaas oo ku yaalay Xaafadda Xamar Jab jab.

Maalin kasta waxay buugaag waaweyn ku dhejin jireen waraaqo midab leh ayagoo isticmaalaaya koolo laga sameeyey bur la qasay.

Markay Buugaagtii dhameeyeen ayaa loo wareejiyey Isbartiibada Istaadyo Koonis oo Mahrejaanka lagu qabanaayey, ruux kastana waxaa la siiyey buug iyo meel uu fadhiisto oo u gaar ah.Buugaagta marka calanhayaha dusha saaran uu kuu sheego bogga la furaayo ayaa hal mar lawada furayaa markaas ayaa waxaa ka soo baxaaya sawirka Madaxweynaha ama golaha sare ama Beero Cagaaran ama warshado qiiq ka baxaayo ama Asakar gaardineysa ama hooyooyin Durbaan tumaaya oo madaxda soo dhaweynaaya iwm.

Looxaatul khalfiyah waxay ku fiicnaayeen kooxaha ciyaaraya oo dhan wey fiirsan jireen iyo muusika loo tumaayo , waxay aad u jeclaayeen ciyaarta seylici oo aheyd ciyaar aad dadka u soo jiidata oo arday isku wada dhar xiran oo hal mar ciyaarta isla helaaya. Kooxaha Ardeyda ah ee ciyaaraaya waxaa laga siman uniform iyo kabo isku mid ah, se looxaatul khalfiyah waxaa laga siman min hal shaati oo kaliyah maadama ayagu fadhiyaan oo aysan surwaal iyo kabo u baahneyn.

Ostan sanad dugsiyeedkii markii uu furmay Shaatigiisii oo cadaa ayuu intuu gacmo gaab ka dhigtay sacfaraan jaalle ah ku shaqlay ayuu ka dhigtay mid uu iskuulka ku aado , kaas oo maalin kasta oo jimco ah hooyadiis sacfaraan kale ugu maydhi jiray kadib uu feereysan jiray sidaasna uu iskuulka ku tagi jiray asagoo sanadkkas surwaal kaaki ah loo iibshay oo uu toobal caaradii ka reystay.

Fasalkiisii wuxuu noqday 7C isla ardeydii ay ka soo wada gudbeen 6C ayey isku fasal ahaayeen iyo qaar kale oo cusub oo lagu soo daray.
Sanadkaas sidaan horayba ku soo sheegnay Maryan waxay ku noqotay Fasalkii 6aad oo ah isla safkii danbe ee markii hore ku dhiganeysay laakiin fasal cusub ee fasalka 6 A oo geeska ugu jira.

Ostan fasalkiisu wuxuu markaan u dhaw yahay fiishada ama ( office) ka soo horjeedka meesha subaxdii Calanka lagu salaamo ,waana 7 C.
Maryan waxay isku galaas noqdeen Ostan saaxiibkiis ooy isku xaafad yihiin oo la yiraa Mohamed, laakiin ostan uma sheegin in uu Maryan jecel yahay se saaxiibtinimadiisii ayuu sii adkeeyey si uu ula socdo xaalka maryan ama uu u soo raadsho saaxiibkiis waqtiga fusxada ama ( break time) ka lagu jiro,asagoo iska dhigaaya in uu mohamed booqanaayo ayuu haddana arrinkiisu ahaa bal mar uun Maryan soo jeedaali , mar uun indhaha ka soo buuxso tii aad jecleyd.

Ostan fasalkiisa cusub gabdho kalama saaxiibin lamana fara ka ciyaarin se tuu jeclaa fasal kale ayey fadhisaa oo kiisa ka danbeeya.
Ostan sidii caadadiisa aheyd kama uusan suulin in uu maqrib kasta markuu banooniga ka yimaado uu qabeysto asagoo maskaxda ku haya in uu u boqoolo ama u gudo aan dhahee Gurigii Maryan ee xaafadda hodan si uu hortiisa labo ama seddex jeer u hor maro haddiiba nasiibkiisu habeenkaas maryan tuso.

Maryan oo aheyd baxdoow mar kasta fasalkeeda ka dhex muuqata ayaa ardey badan caashaqeen ooy jecel yihiin la sheekeysigeeda haba ka mid ahaado ostan saaxiibkiis mohamed oo markasta asaguna afka ku haya maryan.

Akhristoow saan horayba kuugu sheegay maryan ma ahan gabar dheer oo jalaqsan se way gaaban tahay, se waji qurxoon iyo dhabano curdin ah iyo midab casaan ah ayey dadka ku soo jiidataa, ma buurna mana caateysna ee waa dhex dhexaad si fiican u labisata, waxay kaloo leedahay qosol soo jiidasho leh, waa taas meesha Ostan laga raacay maba u haysto gabar ifka ka qurux badan baa adduunka dushiisa ku nool,
Sidoo kale Ostan wuxuu Maryan ka qooraansadaa Habeenka jimcaha oo ay caadi u tahay in ayada iyo wallaasheed ay isku soo raacaan Shaneemo Soomaaliya .

Habeenkaas oo Ostan ku qasban yahay Filim kasta oo ka socda in uu Camiro shaneemo Soomaaliya si uu indhaha uga soo qaado tii uu jeclaa.

Sannad dugsiyeedkii termkiisii dhexe ayaa la galay, fasalka waxaa dhigta Ardey xagga da’da Ostan iyo Saaxiibadiis ka waaweyn oo ayagu waxbarashada aad u daneeya kuna xisaabtama darajada 100 laga keeno.

Ardeydaas qaar bay Ostan isku fasal yihiin qaar kalena waxay dhigtaan fasalo kale, waxaa kaloo fasalka Ostan dhigata gabar fasalka 7 ku dhacday oo markaan aad u dadaal badan oo tartan wiilashaas kula jirta.

Gabadhaas oo canab la daho maryan ayey isku xaafad yihiin walo guryahoodu aysan isku dhaweyn,Ostan gabadhaas wallalkeed ayuu yaqanaa oo asaguna ay Ostan isku Dugsi quraan ahaayeen waagii uu daganaa Kuwaarto.

Markii Natiijadii imtixaanka la soo celiyey ayuu Ostan wuxuu maqlay ayadoo ardeydii waaweyneyd ay isku bandhigayaan ninba inta uu keenay iyo dadka fasalka ka horreya, waxaa hadalkoodii ka mid ahaa hebel waa laga tagay xataa gabadhii baa ka hor martay.

Ostan oo asagoon tartan ku jirin ayaa haddana fasalka 10 ka ugu horeeya ayuu ku jira oo haystaa 390 se asaxaabta kale waxay ka shaxayaan ilaa 450 .

Qiso la yaab leh oo Ostan ku dhacday waa fursad uu Maryan ku hanan karay se ka fakatay, waxaa dhacday maalin goor galab ah ayaa Jardiino ku taal lambar afar Agibka hoteel Naaso hablood agteeda oo loo aqoon jiray saabiyo rooso ,ooy Ardeydu wax ku Akhristaan ayaa waxaa isla socday Ostan iyo saaxiibkiis oo isku fasal ahaayeen Xuseen, kadib ayey si lama filaan ah ula kulmeyn wiil ay Maryan isku fasal yihiin oo reer Waqooyi ah kuwaan u naqaanay ( Qaldaan) oo Maryan laga celcelinaayo oo rabo in uu dilo.

Ostan afkaa taagmay asagii oo isku haaya aleelahe maanta yaan hortaada lagu dilin jaceylkaaga se aan dhaqso ficil sameynin, ayaa waxaa kala ceshay wiil ay Maryan isku xaafad ahaayeen oo walaalkeedna saaxiib ahaayeen oo la dhihi jiray Abukar oo ayadii gacanta qabtay oo waday .
Maalintaas Ostan fursad uu isku xoreeya ayaa soo martay kamase faa,ideysan se wuxuu Ostan hubay in aysan dhici laheyn in Maryan hortiisa loogu gacan qaado.

Akhristoow ugu danbeyntii waxaa la soo gaaray xiritaankii Dugsiga halkaas oo Ostan mar kale fasalkii 7 ka gudbay, maryanna ay ayaduna fasalkii 6 ka gudubtay.

Ostan waxaa kaloo uu rajo ka leeyahay in uu Maryan mar uun gaarsiiyo warqad Jaceyl uu u qoray, Buug dhan ayuu Ostan siduu maalinba warqad uga goynaayey uu ku idleeyey, wuxuu waraaqihiisa Cinwaan uga dhigi jiray ( caweyska dhalinyaradda ee Jubba ) !!!.

Maalintii danbe wuxuu sawiray nin iyo gabadh isku dhagan oo aad u qurux badan , markaas buu jaceylkiisii iyo dhibaatada uu qabo Maryan u muujiyey, se sida kuwii hore oo kale kuma guuleysan in uu u dhiibo Maryan ooy Akhrisato.

Laakiin wuxuu ku Guuleystay in uu warqadaan xifdiyo oo aysan marna ka lumin in badan ayuuna haayey oo bilooyin faro badan ah.

la soco qeybta 4 aad ee sheekada jaceylkii dugsiga dhexe Insha Allah.

F.G sheekadaan waa Qiso run ah magacyada uun baa la badalay ??? walow ostan uu yahay Naaneysta wiilka ,Maryan se waa magaceeda runta ah se ayadana Naaneysteeda ayey caan ku tahay sidaas baa looga reebay magaceeda.

[email protected]

Sullivan Ballou Wuxuu ahaa major, looyar iyo siyaasi Mareykan ah. Waxaa lagu xasuustaa warqaddan uu u qoray xaaskiisa Sarah Hunti Shumway xili ay nolashiisa ka harsantahay hal usbuuc oo qura. warqadan wax ay ka mid noqotay warqadaha ugu saameenta badan marka laga hadlayo umuuraha jaceylka.

July the 14th, 1861

Washington D.C.

Sarahdayda aadka Qaaliga iigu aheey:

Waxaa ii muuqaneysa in aynu maalmaha soo socda dhaqaaqi doono, lagaba yaabee baratiba. Maadaama aanan awoodidoonin in aan markale warqad kuu soo qoro waxaan ku qasbanahay inaan kuu soo qoro dhowr sadar oo indhahaaga soo gaaridoono xili aan ahay wax aan jirin(dhintay)

Kama shakisani kaalsooni darana kama qabo qadiyadda aan ku mashquulsanahay, dhiiranaanteyda ma aha mid joogsaneysa ama daciifeysa. Waxaan ogahay sida xadaarada Mareykanka ay ugu xirantahay guuleysashada dowladan iyo sida halyeeyadii naga horeeyey ee dhiigooda u huray dalkan ay abaal noogu leeyihiin. Waxaan rajeynayaa inaan abaalkaas gudo oo aan farxadeyda oo dhan uga dhaxbaxo si ay dowladan awoodda u hanato.

Sarah Jaceylka aan adi kuu qabo waa mid aan dhiman, Jaceylkaagu waxa uu igu xiray xarko adag oo aysan jirin wax goynkara, sidaa oo ay tahay jaceylka aan wadankan u qabo ayaa sidii dabeel xoogan oo kale iiga tanbadiyay oo i keenay goobaha dagaalka. Xusuusta dhacdooyinkii farxada badnaa ee aan adiga kugula raaxeystay ayaa maskaxdeyda ku soo uruuraya. Alle iyo adiga ayaan si qoto dheer ugu mahadcelinayaa sida aan mudada dheer ugu raaxeystay. Way adagtay inaan hilmaamo xusuustaas iyo waxa aan rajeynayo hadii allaha awooda leh ogolaado oo ah in sanadaha soo socdo aynu jaceyl ku wada noolaano oo aan agteena ka aragno wiilasheenii oo weynaaday misna noqday ragg aad loo ixtiraamo.

Kuuma cabiri karo dareenkeyga habeenkan xagaaga ah ee daggan, waxaa hareeraheyga jiifa kumanaan rag ah qaar badan oo ka mid ah waxa ay ku jiraan raaxadoodi ugu dambeysay, laga yaabee in tahay wax yar ka hor geeridooda. Qudheyda waxaan shaki ka qabaa in Geeridii ay igala soo daba xaluulaneyso gumaceeda burburintabadan.

Hadii aanan soo noqon Sarahdeeyda qaaliga aheey waligaa ha hilmaamin sida aan kuu jeclahay, sidoo kale ha iloobin in marka neefta dambeyso ay iiga bixeyso goobta dagaalka in aan ku hadaaqidoono magacaaga.

Qaladaadkeyga iska cafi iyo dhibaatooyinkii tirada badnaa ee aan kuu geestay. Alla maxaan mararka qaar ahaa doqon axmaq ah!

Alla Sarah hadii ay dad dhintay soo laabtaan oo ayaga oo aan la arag ku dulmeereestaan kuwa ay jecelyihiin waan kula joogidoonaa maalmaha iftiinka badan leh iyo habeenada mugdiga badan leh, markasta waan kula joogi doonaa, markasta waan kula joogi doonaa, neecawda qabow ee aad daanka ka dareemidoonto ogow waa neefteyda, dabeesha xanuunka leh aad arkidoonto xiliga aad macbadkaaga ku jirtana waa ruuxdeyda oo ku agmareysa.

Sarah sidii qof dhintay ha iigu barooran, iga soo qaad inaan tagay, isug, waana kulmidoonaa markale.

Sullivan.

Waxaa turjumay Wariye Axmednuur Cabdulaahi Cali

[email protected]

Qeybti 2-aad Qeybti 1-aad halkan ka aqriso.

Javier waxaa uu usoo cararay hooyadii iyo aabihihii oo meel aan sidaas uga fogeen ku cabaayo sigaar , waxaa uu sheegay qisadii uu soo arkay aabihii iyo hooyadiiba waxay usoo dhaqaaqeen dhankii miiska yaalay oo ay joogeen wiilkii miskiinka ahaa iyo hooyadii………..

WILLIEM iyo ELSA waxay u soo dhawaadeen wiilkii miskiinka iyo hooyadiisa oo dultaagnaayeen miiskii xaflada dhalashada Javier lagu qabtay , way salaameen salaan kadib WILLIEM ayaa ku yiri magacaygu waa WILLIEM tanina waa xaaskayga ELSA iyo wiilkayga Javier oo noo soo sheegay in aad joogtaan halkaan sidaas ayaan idin kuugu imaanay.

Wiilkii miskiina iyo hooyadiisa ayaa hadalkii qaadtay oo tiri magacaygu waa Laura kana waa wiilkayga Alexandre waxaan ka mid nahay dadka danyarta ah ee halkaan u soo qaraab doonto, marna waxaan tir tir naa gawaarida muraayadahooda ee halkaan yimaado si aan nolol maalmeedkeena uga helno, iyo xoogaa buugaag aan ugu iibiyo wiilkayga si uu wax u barto lakiin way nagu adagtahay in aan tir tir no gawaarida, sababtoo ah wiilkayga waa 8 jir anigana ma awoodo in aan taagnaado saacado badan, Laura ooyin ayaa ka imaatay oo indhihii ayaa guduutay, waxaana qariyay ilin tiro badan.

WILLIEM ayaa madaxa usalaaxay kana tirtiray ilintii waxaana uu ku yiri aduunku waa imtixaan lakiin waa hubaal qofkii sabraa oo dadaalo in uu imtixaanka uu ku guulaysankaro , waxaad ogaataa dhibta iyo farxada way is daba socdaan laakiin maanta waxaan filayaa in aad ka baxsaday nolashii adkeed .

Laura ayaa iyadoo ay ka muuqato raadkii ooyinta ayaa waxay ku tiri waan ogahay in maalin aan ka baxayno lakiin nasiibka ayaan weli CAD noo noqon oo wili kii MUGDIGA ayaan ku jirnaa aniga iyo labadayda caruur Alexandre iyo gabadhayda yar Alice.

WILLIEM: ayaa ku yiri maanta wixii ka danbeeyo waxaa idin biloowday waqtigiga wanaagiisa iyo nolosha farxadeeda.

Laura: Waa war farxad ah waxa afkaaga ka soo baxay lakiin sidee ayay ku suura galaysaa in aan nasiibka aan helno rajadaas wanaagsan

WILLIEM: waxaan wiilkaada yar ayaan kafaalo qaadayaa inta uu ka waynaayo waxaan siin doonaan xaano gaar sida wiilkyaga yar ee Javier waxayna wada aadi doonaan hal iskuul waxana wada raaci doonaan hal gaari waxayna wax ku cuni doonaan halmiis inta aan noolahay waxaan kuu baln qaadaya wiilkaada yar ee Alexandre in aan kuu wanaajiyo uuna ku noolaado nolol barwaaqo ah uuna wax barto,iskuulada ugu wanaagsana ee qaaliga iskuulada ah in uu dhigto oo ay dhigtaan dadka taajiriinta caruurtooda maantana ay noqoto maalinkii ugu danbeeysay ee nolasha mugdiga uuna u baxay nolol wanaagsan oo ka duwan tan hada uu ku jiro.

WILLIEM, ayaa u sii raaciyay adiga iyo gabadhaada waxaan din siin doona masaariif aad ku noolaataan inta aan noolahay oo dhan
Laura oo ay ka muuqadto farxad weyn ayaa umahadcelisay kuna tiri waad mahadsantahay sida dadnimada leh aad noola dhaqantay

Alexandre ayaa waxaa uu ku yiri hooyadiis hooyo aniga iyo adiga iyo walaashay kalama hari karno waa in aan meel kuwada noolaano suura gal iima ahan in aniga aan wax barasho wanaagsan iyo nolol sare helo oo adiga iyo walaashay aad ku jirtaan nolashaan adag waa in aniga aan idinkuula jiraa

Laura ayaa waxay ku tiri wiilkayga qaaliga ah ninkaan ilaah baa noo soo diray ee adiga hadii aad wax noo barato oo aad nolol wanaagsan gasho anagoo dhan waa ka faa iidi doonaa , waxay u sii raacisay furasada maalin walbo ma cado maanta wey noo cadahay ee iftiinkaan aan ka faadiino.

Alexandre: Hooyo hadii adiga ay ku qancisay in aan reerkaan la noolaado oo wax barto oo aad ku qanacsantahay waa raacayaa lakiin hooyo walaashay maxaad ku qancinkartaa
Laura sida wax udhaceen ayaan usheegayaa iyana way farxi doontaa ha ka walwelin.

WILLIEM: Waxa uu usheegay Laura in beri ay isku raacaan maxkamada ayna u soo saxiixdo wiilkooda Alexandre in uu reerka williem uu la noolaanaayo igana ka masuul yihiin , way ogolaatay waxaa beri lagu balamay maxkada horteeda in ay isugu yimaadaan si ay ugu wareejiso masuuliyadda wiilkooda qaaliga ah Alexandr sidii ayaa lagu kala tagay.

Laura iyo wiilkeeda Alexandr ayaa halkii ku soo haray arikii ayay falanqeen ka sii galeen waxay is tusiyeen hooyo ninkaan waa taajir adiga faqri ayaad tahay oo lowyer ma qabsan kartid hadii wax naga qaldamaan.

Laura ayaa waxay tiri ilaah baan walkiilanaynaa dhibna ma arkayno.

Guri yar oo ay daganaayeen ayay toos u soo aadeen waxaana guri joogtay inan isaga yar way isku soo boodeen inantii yareed waxaa loo sharxay waxa dhacay , waxay tiri waa fursad walaalkay uu wax ku noqon karo , ee hooyo u soo saxiix beri hadii uu rabo in aad ugu darto aniga laftigayga waa diyaar in aan wax barto.

Laura ayaa tiri hooyo sharciga FRANCE hal reer in ay mas uul ka noqdaan laba caruur ma ogolaanaayo waxaa uu ogolyahay oo kaliya in hal cunug ay mas uul ka noqonkaraan Laura habeenkii ma aysan seex fikir ayuu ugu dhamaaday iyo wel wel.

WILLIEM iyo reerkiisi aad ayay ugu faraxsanaayeen in ay caawinaan wiilkaan miskiinka oo ay nolol wanaagsan geliyaan waxay iyagana ka munaa qishoonayeen halkii ladejin lahaa iyo sida uu ula jaanqaadi laaha reerka cusub.

WILLIEM waxaa uu TEL kula hadlay Abukaatihiisi una sharxay wiilka yar ee uu soo arkay uu doonaayo in uu la noolaado waxaa uu weydiiyay sida sharciga ka qabo.

Abukaatihii ayaa ku yiri nooca kafaalo qaadka iyo masuuliyada waa laba nooc ee waa tee tan aad rabto.

WILLIEM ayaa ku yiri ii sharax.

Abukaatihii ayaa yiri tan hore waa qof qoyskaada aan wax xaq ah ku laheen oo yacni hadii aad dhimato xoolahada aan waxba ku laheen oo qof uu aad caawinayso oo kaliya hadii aad dhimatana caawimaas wey haraysaa.

Tan labaad waa qof qoyskaada ka tirsan oo waxa uu la xuuq noqonayaa wiilkaada adiga aad dhashay ee sidee rabtaa.

WILLIEM ayaa waxaa uu yiri waxaan rabaa in uu la mid noqdo wiilka aniga aan dhalay
Abukaataha ayaa waxaa uu kula taliyay in uun uu koriyo wax dhaxal iyo xuquuqba uu iska daayo.

WILLIEM waa uu ku adkeestay waxa ay ku balameen in uu soo diyaariyo warqadaas uuna yimaado beri maxkamada horteeda.

Abukaatihii ayaa hadalkii qaatay oo yiri waa tahay mudane beri ayaan imaanayaa maxkamada horteeda.

Markii uu waagu baryay reerkii maaskiinta ahaa waxay soo xadireen maxkamadii si ay wiilkooda uwareejiyaan uuna uga mid noqoda reerka WILLIEM……LASOCO QAYBTA 3AAD INSHA ALLAH

W/D H.A MOHAMED ADKEESTE