27.1 C
Mogadishu
Thursday, June 26, 2025

Wafuud ka socota Somalia & Maamulka Somaliland oo ku sugan Lodon

Asad Cabdullahi Mataan
-
0

London (Caasimada Online) Waxa magaalada London ee dalka Ingiriiska ku sugan ku sugan labo wafdi oo ay kala hoggaminayaan ra’iisal wasaare ku xigeenka ahna wasiika arrimaha dibedda Soomaaliya Fowsiyo Yuusuf Xaaji Aadan iyo wasiirka arrimaha dibedda maamulka Somaliland Maxamed C//aalhi Cumar.

Wafdiga ay hooggaamineyso wasiirka arrimaha dibedda Soomaaliya ayaa shaley la kulantay xoghayaha arrimaha dibedda Ingiriiska William William Hague.

Labada masuul ayaa ka hadlay xiriirka labada wadan iyo in dowladda Britain ay ballaarin doonto taageerada ay siineyso dowladda Soomaaliya.

Waxa kaloo ay ka hadleen labada wasiir siddii dib loo furi lahaa safaaradaha labada wadan ay ku la haayeen Muqdisho iyo Lodon.

Sidoo kale waxa magaalada London kulan ku yeeshay wasiirka dowladda Britain u qaabilsan Horrumarinta Africa Mack Simon iyo wasiirka arrimaha dibedda maamulka Somaliland Maxamed Cumar.

Sida uu sheegay wasiirka arrimaha dibedda Somaliland kulanka waxa looga hadlay arrimo ay ka mid yihiin shir bisha May ay dowladda Britain u qabaneyso kooxaha Soomaalida.

” Arrimaha aan ka wadahaddalnay waxa ka mid ahaa taageerada iyo iskaashiga ka dhexeeya Somaliland iyo Britain iyo doorashooyinkii dhawaan ka dhacay Somaliland ee dowladaha hoose oo seddaxda xisbi ay ku soo baxeen iyo arrimo kale oo la xiriira iskaashiga,  nabadgalyada dhaqaalaha leh” ayaa yiri.

Wuxuu sheegay in dowladda Britain ay ka mid ahayd dowladihi xagga dhaqaalaha ka taageeray Somaliland doorashadii dhawaan ka dhacay deegannada maamulkaas.

Mar la waydiiyay shirka ka dhacay bisha May London in ay ka soo qaybgaleyso Somaliland wuxuu ku jawaabay

“Wasiirka waa uu ka hadlay in dowladda Britain ay u qorsheesantahay in mar kale ay qabato shir wayne sannadkan , kaasoo noociisa uu yahay shirkii bishii February , ka hore ka dhacay London, hasa yeeshee arrintaas mid dhammaatay ma ahan waa mid billow ah,  Somaliland mooqifkeeda kaga aadan shirka noocaas oo kale oo beesha caalamka ay isugu immaaneyso waanu u cadeenay” ayuu yiir wasiirka arrimaha dibedda Somaliland.

Somaliland waxa ay kaga qaybgali doontaa shuruudihii ay kaga qaybgashay shirki bishii February kal hore in uu yahay oo ah kuwa wali yaalla.

Shirka noocaas Somaliland ka qaybgalkeedu wuxu yahay in la buuxiyo sidii kal hore oo kale.

Caasimada Online

Xafiiska Wararka London

 

 

Digniin ka timid safaarada Soomaaliya ee dalka Libiya Sababta Maxay tahay?

Asad Cabdullahi Mataan
-
0

Safaarada Soomaaliya ee dalka Liibiya ayaa mar labaad digniin kasoo saartay gaaritaanka dadka tahriib doonka ah ee dalkaasi Liibiya,iyadoo safaarada sheegtay inaysan masuul kanoqon karin dhalinyarada ku dhinta halkaasi.

Cabdiqani Maxamed Waceys,safiirka Soomaaliya ee dalka Liibiya ayaa sheegay in dhalinyarada Soomaaliyeed naftooda inay iyaga haligaan ,maadaama uu tilmaamay inaysan qaadaneynin digniinta ay u jeedinayaan.

Wuxuu digniin  u diray waalidiinta caruurtooda ku dhiiro gelinayo inay tahriib aadaan ,si ay u gaareen wadamada qaarada Yurub ,isagoo shegay in dhalinyaradaasi haddii ay dilaan ciidamada Liibiya aysan qaadi karin masuuliyada dhalintaasi.

Isaga oo ka hadlay hadalada masuuliyiinta dowlada Liibiya ayuu sheegay in dowlada Liibiya ay dhawaan xirtay dhamaan xuduudaha ay la wadaagto dalalka ay jaarka yihiin,taasina ay tahay mid lagu yareynayo tahriib ahaan dadka u galayo dalkaasi.

Dhawaan safaarada Soomaaliya ee dalka Liibiya ayaa soo bandhigtay meydadka dhalinyaro Soomaaliyeed oo kudhintay gaari ay la socdeen oo saarnaa Shamiito “Sibir” badan.

Daawo: Goormaa kuugu dambeeysay Quruxda Dhaqankeena & Miyiga.

Ali Muhiyaddiin
-
0

Jimco Wanaagsan Saaxiibada Caasimada.com meel kasta aad joogtaan Muuqaalka maanta aan idiin soo gudbineeyno waa muuqaal qiimo badan oo ka hadlaya qiimaha uu lee yahay dhaqankeena wacan.

Hadaba Aqristoow Muuqaalkani marka aad daawato ka bixi fikradaada iyo sida aad ua ragto Muuqaalkani quruxda badan.

HALKAAN RIIX SI AAD U DAAWATO VIDEO-GAN:

 

Dowladda Britain oo ballan qaad u sameysay dalka Somalia

Asad Cabdullahi Mataan
-
0

London (Caasimada Online) Xoghayaha arrimaha dibadda ee Britain William Hague oo shaley kula kulmay xafiiskiisa magaalada London ra’iisal wasaare ku-xgeenka ahna wasiirka arrimaha dibadda ee Soomaaliya, Fowzia Yuusuf Xaaji Aadan ayaa sheegay in dowladda Ingiriiska ay xoojin doonto calaaqaadka dedaalka ay ugu jirto siddii Soomaaliya ay uga bixi lahayd dhibaatada muddada dheer heesatay.

Wasiirka ayaa sheegay in arrintaas ay tahay masuuliyad gaar ah oo saaran Britain oo xiriir taarikhi ah kala dhexeyo Soomaaliya.

Hadalkan ayaa shaley ka sheegay magaalada London wasiirka arrimaha dibedda UK William Hague kaddib markii uu kulan la qaatay  wasiirka arrimaha dibedda Soomaaliya.

Maxa kulanka labada masuul xoogga lagu saaray?

Kulanka labada wasiir ayaa xoogga lagu saaray xiriirka diplomaasi ee Britain iyo Soomaaliya iyo siddii loo xoojin lahaa.

Kulanka labada masuul ayaa kaddib waxa ay wadajir u qabteen shir jaraa’id oo ay ku faah-faahiyeen waxyaabihii ay ka wadahadleen su’aalana ay ku weydiiyeen saxaafadda.

Ra’iisal wasaare ku xigeenka ahna wasiirka arrimaha dibedda Soomaaliya Marwo Fowsiyo Yuusuf Xaaji Aadan ayaa shirka jaraa’id ka sheegtay wax yaabaha ay ka wadahadleen dhiggeeda dalka UK.

“ Wuxuu ahaa wadahaddal aad u sareey aad u qiimo badan waxa uu ahaa mid aan ka wadahaddalnay wax wada qabsiga xagga nabadgalyada, ammaanka, xagga cilaaqaadka yaga, safaaradahii oo lafuri doono, ballan qaadyo badan yaa jira, waxan rajeenayaa in Soomaali ay guuleesato in ay meel wayn ka gaarto wadahaddalkaas maanta bilowday, shirka soo socda waxan rajeenayaa in uu isagana guul ku dhammaado,  waxa aan hadda ka wadahadalnay ka mid ah xilliga la fuaraayo safaaradaha iyo sida loo furi laha, in shaa allah dhawaan waa la furi doonaa safaaradaha oo horrey dhul ayaa laga siiyay iyaga annagana halkan yaan ka furan doonaa “

Waxa ay sheegtay Marwo Fowsiyo in dowladda Britan ay isku afgarteen Mr, Hague in dowladda Britain ay sii wado taageerada taageerada ay siineyso Soomaaliya iyo socdaal uu dhawaan dalka UK ku tagi doono madaxweynaha jamhuuriyadda fedaraalka Soomaaliya Xasan Sheekh Maxamuud.

Muxuu ka yiri William Hague shirka Jaraa’id?

Dhiniciisa wasiirka arrimaha dibedda Britain William Hague ayaa isna ka sheegay shirka jaraa’id in dowladda Britain ay dedaal xooggan u gashay wax-ka qabasahada arrimaha Soomaaliya sannadkii la soo dhaafay ee 2012-ka.

Wasiirka ayaa si gaar ah uga hadlay shirkii loo qabtay kooxaha Soomaalida ee London oo ay maalgalisay dowladda Britain iyo safarkii uu isaga qudhiisaku tagay magaalada Muqdisho bishii February ee sannadkii tagay, oo ahaa booqashadii ugu horreysay oo wasiir arrimo dibadeed ka socda Britain uu ku tago Muqdisho in ka badan 20-sano.

Mar uu ka hadlaayay qorshaha Britain ee Soomaaliya sannadkan cusub 2013-ka ayuu yiri “Waxan dooneynaa buu yiri in qof walba uu u ogaado in sannadka soo socda taageerada ay UK u fidineyso dowladda iyo shacabka Soomaaliyeed iyo xaqiijinta teegeerada beesha caalamka in ay noqon doonto kuwa waligood horrey loo arkin.

Ingiriiska arrimaha Soomaaliya il gaar ah ayuu ku hayaa!!!!!

Britain ayaa hadda u muuqata mid xoogga saareys arrimaha Soomaaliya, wixii ka dambeeyay farafalintii Libya ay ku sameeyeen sannadkii hore.

Waxa ay ka cabsi qabtaa in ay Soomaaliya noqoto meesha labaad oo ay ku tababartaan ama ku dhuuntaan kooxaha xiriirka la leh Al-Qaacida.

Ra’iisal waaraha Ingiriiska ayaa horrey Soomaaliya ugu yeeray dal guul-dareestay oo haliska ka jirta ay walwal xagga ammaanka ku heysay Britain.

Laakin waxa jira dad aragti taas ka duwan qaba oo leh waxa jirta dano iyo qorshooyin gaar ah oo Britain ay ka lee dahay Soomaaliya.

Wasiirka arrimaha dibedda Ingiriiska William Hague ayaa sheegay in la qalabeen doono ciidamada dowladda Soomaaliya oo mushaar ahaan loo siiyo haddiiba loo helo bishii 100 dollar halka askariga AMISOM ee jooga Soomaaliya mushaarkiisa bishii uu ka badan yahay 1,000 dollar.

Wuxuu sheegay in Britain xil gaar ah uu ka saaran yahay xal u helida arrimaha Soomaaliya.

“ Soomaaliya waa dal xubin ka ah midowga Africa iyo QM waa dal xiriir dhow aan la leenahay waxa halkan ku nool kumanaan Soomaali ah, marka waxa na fuuleysa xil gaar ah oo ku aadan siddii dalkan loo silin lahaa” ayuu yiri William Hague.

 Caasimada Online

Xafiiska Wararka London

 

 

 

Turkey: Sidii aan u tagnay Somalia, hal arrin marnaba ma aysan dhicin.

Asad Cabdullahi Mataan
-
0

Ankara (Caasimada Online) Dowladda Turkiga ayaa sheegtay siddii ay Soomaaliya u imaatay inay jirto hal arrin oo aan marnaba dhicin taasi oo ah in dad u geeriyooday baahi ama nafaqo daro.

Ra’iisal wasaare ku-xigeenka Turkiga Bakir  Bozdag ayaa u sheegay wakaalada wararka dalka Turkiga in uu soo arkay dadka leh  “Turkiga sidduu u yimid Soomaaliya ma arkin dad u geeriyoonaya baahi ama dawayn”,

Turkiga ayaa tan iyo markii abaaraha ay ka dilaaceen Soomaaliya labo sano ka hor, waxay ay keeneen gargaar fara badan, kuwaasoo lagu caawiyay dadka Soomaalida ee ka soo cararay abaaraha dalka.

Hey’adda gargaarka ee TIKA iyo xarun uu la shaqeysa xafiiska madaxweynaha Turkiga oo lagu magacaabo (YTB) ayaa bilaabay in ay dalka Soomaaliya gaayeen gargaar aad u badan.

Bozdag ayaa sheegay in hey’adda TIKA ay ballaarisay xafiisyada ay ugu yaalla Soomaaliya tan iyo sannadkii 2011-ka, wuxuuna sheegay in hadda illaa 33-xafiis in ay ku lee dahay dalka.

Wuxuu yiri hey’addan TIKA waxa la dhisay markii uu Muqdisho booqday ra’iisal wasaare Recep Tayyip Erdogan.

Wuxuu kaloo sheegay  Bozdag in isbadal wayn ay ka sameeyeen Soomaaliya iyo dadka Soomaalida kuwaasoo u arkay Turkiga waddanka fiican, waxa kaloo uu sheegay in diyaarado ay lee dahay Turkiga oo gargaar wada in ay soo caga dhigteen Soomaaliya.

Waxa uu mahadceliyay shaqaalaha iyo dhaqaatiirta Turkiga ee imaaday Soomaaliya ee gacan ka geestay arrintaas.

Wuxuu hoosta ka xariiqay in Turkiga uu la garab taagan yahay Soomaaliya siddii arrimaha gargaarka looga caawin lahaa, sidoo kale wuxuu sheegay in Turkiga uu ballaariyay safaaradaha uu ku lee yahay Africa oo 10-kii sano ee la soo dhaafay laga dhigay illaa 34- halka markii hore ay ahaayeen illaa 13-safaaradood.

Wuxuu kaloo sheegay ra’iisal wasaare ku-xigeenka in Turkiga uu bixiyay deeqo waxbarasho oo lacag la’aan ahey kuwaasoo la siiyay illaa 9,000 oo ah arday ajaaniib ah 2011, sidoo kale waxa la gaarsiiyay 45,000 sannadkii 2012.

Ugu dambeyn wuxuu yiri Bozdag Turkiga wuxuu noqon doonaa calaad ama magnad marka loo eego waxbarashada .

——————————–

W/Q: Turkish Weekly

Waxa turjumay Bahda Caasimada Online

Gaandi: Juhdigii lagu bixiyay dhismaha maamulka Jubbaland, waxaa cagta mariyay madaxweyne Sheikh Shariif”.

Asad Cabdullahi Mataan
-
0

Prof Maxamed Cabdi Gaandi oo Hogaamiyo Urur la Magacbaxay Azaaniya ayaa mar uu u waramayey Telefishinka SomSat ayaa waxaa  ka Hadley arrimo  ku aadan Gobolada Jubbooyinka oo Sannadkii 2011 ay  qabsadeen Ciidamo ka tirsan Wadanka Kenya , waxaana uu sheegey  Mudane Gaandi in Caqabadii uguweyneyd ay kaga timid Dowladii Ku meel gaarka ahayd ee uu Hagaaminayey Shariif oo hor istaagtey in maamul loo sameeyo Gobolada Jubbooyin waxaana uu sheegey in laga dhaadhiciyey in Qabiil gaar uu wato Mamulkaasi.

“Juhdigii iyo Dadaalkii la sameeyey ee Maamul u sameynta Gobolada Jubbooyinka  waxaa Is hortaagey Dowladii Shiikh Shariif ka dib markii laga dhaadhiciyey in Qabiil Ogaadeen ah ay wataan “ayuu yriri Prof Gaandi ooo sheegey in Sannadkii 2011 uu Shiikh Shariif uu la  Dhacsanaa Maamul u sameynta Jubbooyinka hase yeeshee markii Dambe uu ka baxay Qorshahaasi.

Waxa uu intaas sii raaciyey in Sannadkaasi  mar uu Shiikh Shariif yimid Magaalada Kambala uu si Cad u sheegey in ay ka soo horjeedaan in mamul loo sameeyo Gobolada Jubbooyinka .

Prof Gaadi waxaa sheegey in sidoo kale ay dhibaato kale  ka imaaneyso Beelaha Dega Gobolada Jubboyinka kuwaas oo uu sheegey in aysan weligood ku heshiisn in maamul u sameytaan Goboladaasi.

Gaandi ayaa  waxaa kale uu sheegey in Magaalada Ksmaayo ay ka jiraan ilaa far Kooxood oo kala ah Azaaniniya , Ahlu Suuna , Rakambooni iyo Harti Group waxaana uu sheegey in Koox weliba ay doonyso in Maamusho Goboladaasi marka wey adag tahay in dadka ku nool Goboladaasi ay Maamul u sameytaan Deegaamadooda.

Hadalladiisa ayaa ah kuwii ugu horeeyay ee tusmeynaya in dhismaha maamulka Jubbaland ay weli caqabado hortaagan yihiin, islamarkaana aysan u fududeyn sida loo maleeyo.

Wixii aan ku arkay India & dumarka Soomaaliyeed maxaa ka dhaxeya?

Asad Cabdullahi Mataan
-
0

Allaah ha mahada iskaleh marka hore, maantay  waxan go’ansaday inaan usoo gudbiyo umadda soomaaliyeed  meel walba oo ay joogaan, gaar ahaan dumarka Soomaaliyeed, arrin aan arkay oo aan is lee yahay waa muhim in la sheego.

Maqaalkan inaan qoro waxaa igu kalifay dhacdo an lakulmay anoo jamacadeyda usii socdo, dalka India.

Sida caadadeyda ahayd, waxaan u toosay si an u xaadiro jamacadeyda cashiradeyda an usoo qaato. Aniga oo wadada kusiijiro ayaan, waxa la kulmay waddadii oo xiran cabaar ayan meesha ku hakanay, waxaan guda galay si an u ogaado sababta ay wadada u xirantahay, waxaana ogaaday in mudaaharad jiro.

Intaas kadib waxan arkay dumar aad utira badan oo boorar wata ayna ku qoran yihiin qaarkood (dumarka xaqdhowra) iyo (kama aamusayno kufsiga lagu hayo dumarka). 

Magaalada mudaaharaadkan ka dhacayo waa Hyderabad, meesha dhibaatada iyo kufsiga mudaaharaadkan daba socdo ka dhacayna waa New Delhi waxayna isku jiraan qiyaas ahan 1508 km (kun shanboqol  iyo sideed kilo mitir).

Meeshaas waxa iiga muuqatay isku xirnaanta dumarkan ka dhaxeysa iyo sida ay uga gilgilanayaan dhibaato gabar kale loogu gaystay gobol kale oo aad uga fog iyo sida ay xuquuqdooda ugu doodaayan.

Markaan xaqiiqsaday mudaaharadka wuxuu ku saabsan yahay ayey maskaxdaydu halmar is rogtay oon waxyar dib ugu laabtay dalka aan kasoo jeedo ee Somalia iyo dhibaatada dumarka loogu gaysanayo kufsiga haba ugu horeeyee iyo sida ay arrintasa uga jiifaan umadda Soomaaliyeed.

Allaah qur’aankiisa wuxuu ku leeyahay ayad macnaheedu yahay (ilahay qoon ma baddalo ilaa iyagu nafsadooda baddalaan). Marka haddan usoo gudbo danta aan ka leeyahay qoraalkan waxa waaye in dumarkena Soomaaliyeed aan u sheego in ayaga inay isbaddalaan maahane qof umaqan inaysan jirin oo isku xirman oo markii hal gabar kufsi loogu gaysto tusaale aahan Xamar kuwa joogo inta kale ee Somaliweyn ey aerintas ka mudaharadan,  ka gilgishan,  maxaa yeelay aerintas waxay keeneysaa in caalamka indhohoodu qabto ama ogaado dhibaatada meeshaan ka dhacayso dowladdana ku ceebowdo meesha iskuna daydo markaas inay tallabo qaado.

Maanta, waxaa nasiib darro ah oo Somalia usoo hoyatay in ciidamadii gabdhaha walalhooda sharaftoda ilaalin lahaa ay dhibaatada dumarka iyagu kow ka yihiin, bal la dhihi karo ayagaa u badan, dowladana arintas eysan waxba kaqaban ilaa hadda.

Su’aashu waxay tahay dumarka Somaliyeed yaad sugaysan in arrintan ay wax idinkala qabato? waxay ila tahay jawabtu way iska caddahay waa inay iyagu isku duubman oo ururo sameystaan, min school ilaa hawenka xilalka dowladda in laysku xirmo xuquuqdiina u istaagtaan, haddaadan sidaas sameyna waligiin dulli iyo dhibaato kama baxaysan.   Wabillahi towfiiq 

W/Q: ABDULLAHI OMAR MOHAMED

HYDREBAD -INDIA 

Afeef: Aragtidaa qoraalkan waxa ay ku gaar tahay qoraaga ku saxiixan

Guddiga Olombikada Soomaaliyeed oo doortay guddoomiye cusub

Asad Cabdullahi Mataan
-
0

Muqdisho (Caasimada Online) Waxa magaaalada Muqdisho shaley ka dhacday doorasho ay ka soo qaybgaleen dhammaan xubnaha guddiga olombikada Soomaaliyeed, kuwaasoo ka socday  Banaadir, Baay, Bakool, Gedo, Shabeellaha dhexe, Hiiraan, Galgaduud, Shabeellaha hoose, Jubbooyinka iyo Banaadir iyo Puntland.

Xubnahana ayaa doortay guddoomiyaha cusub ee guddiga olambikada Soomaaliyeed, kaddib doorashoo uu isku soo taagay Cabdullaahi Axmed Tarabbi.

Xubnaha meesha fadhiyay ayaa codka ugu shubay Tarabi oo horrey xubin firfircoon  uga ahaa guddiga olombikada Soomaaliyeed ee GOS.

Waxa kaloo isla goobta lagu doortay  guddoomiye ku-xigeenka koowaad waxaa loo doortay Axmed Cabdi Xasan (Wataac), halka guddoomiye ku-xigeenka labaad  isna loo doortay Xasan Axmed Cabdi, guddoomiye ku-xigeenka saddexaad Ibraahim Abuubakar Shaamo.

Sidoo kale waxa  xoghayaha guud GOS loo doortay Duraan Axmed Faarax oo horrey u ahaa guddoomiye ku xigeenka labaad.

Masuuliyiin ka socotay dowladda uu ka mid ahaa wasiiru-dowlaha adeegga bulshada ee Soomaaliya Maxamed Ismaaciil Barkhadle oo ka hadlay doorashada ayaa sheegay in bahda cayaaraha looga baahan yahay in ay soo celiyaan magacii qaranka Soomaliyeed .

Sidoo kale guddoomiyaha gobalka Banaadir Banaadir Maxamuud Axmed Nuur Tarsan ayaa goobta ka hadlay in loo baahan yahay in bahda ciyaaradaha maadama ay Muqdisho nabad tahay hadda, ay soo saaraan rag iyo dumar garoomada caalamka gaarsiiya calanka Soomaaliyeed.

Si kastaba xilkan ayaa horrey waxa uu hayay allaha ha u naxariistee Aadan Xaaji Yabarow (Wiish) oo ahaa guddoomiyihii hore ee guddiga olombikada Soomaaliyeed oo afartii bishii April ee sanadkii hore ku geeriyooday qarax ka dhacay Golaha Murtida iyo Madadaallada Qaranka ee magaalada Muqdisho.

Caasimada Online

Xafiiska Wararka Muqdisho

Daawo Video: Kullankii Wasiirada arrimaha Dibedda Somalia iyo Britain

Asad Cabdullahi Mataan
-
0

London (Caasimada Online) Wasiirka arrimaha dibedda Ingiriiska William Hague ayaa  xafiiskiisa ku qaabilay ra’iisal wasaare ku-xigeenka ahna wasiirka arrimaha dibedda Soomaaliya Fowsiyo Yuusuf Xaaji Aadan.

Sida ay sheegayaan wariyaasha ku sugan bannaanka hore ee wasaaradda kulanka  lobada masuul ayaa looga hadlay arrimo badan oo ay ka mid yihiin xiriirka u dhexeeya labada waddan.

Waxa kaloo labada wasiir ay ka hadleen horrumarka nabad galyada ee ka jira Soomaaliya, tan iyo markii dowladda cusub ee madaxweynaha ka yahay madaxweyne Xasan Sheekh Maxamuud la doortay sannadkii hore.

In kastoo faah-faahin dheeri ah aan laga heynin kulankooda haddana waxa la sheegayaa in gordhow ay shir jaraa’id ku qaban doonnaan xafiiska wasaaradda arrimaha dibedda Ingiriiska oo ku taalla bartamaha London.

Labada mas’uul ayaa la filayaa inay ka wada hadleen arrimo ay ka mid yihiin shir dowladda Ingiriiska ay marti-gelin doonto bisha May ee sanadkan kaas oo looga hadlayo wixii ka qabsoomay shirkii London ka dhacay bishii February ee sanadkii la soo dhaafay.

Sidoo kale wasiirka arrimaha dibedda UK ayaa xaley war uu soo galiyay boggiisa Tweeterka wuxuu ku yiri “Ku soo dhowow Twitter iyo xilka cusub. Waa inoo kulankeenna berri iyo sii wadidda taageerada UK ee Soomaaliya,”.

Marwo Fowsiya ayaa ugu jawaabtay; “Waad mahadsan tahay William Hague. Waan ku faraxsanahay kulankeenna maalinta berri ah. Soomaaliya way idinkaga mahad-celinaysaa taageeradiinna.”

Shirka lagu wado inuu dhaco bisha May ayaa dhaqaale loogu raadin doonaa dowladda cusub ee Soomaaliya.

Daawo Video-ga kullanka

Sawiro: 2-dii Haween ee caalamka ugu da’da weynaa oo mid ay geeryootay

Asad Cabdullahi Mataan
-
0

Haweeney 105 jir ah ayaa geeryootay bishaan ka dib markii loo magacaabay iyada iyo walasheed Labada walaal ee ugu da’da weyn caalamka.

Marjorie Ruddle ayaa dhimatay xilliga Feystada Kirishtaanka waxayna ku naf weysay gurigeeda Park House Nursing, oo ku yaala magaalada Peterborough xiliga deyrta.

Waxaase weli cimri-dheer kusii waareysa walaasheeda ka weyn Dorothy Richards, oo loo yaqaan Dorrie, taasoo jirta 108 sano. Labada gabar ee walaalaha ah ayaa bishii June waxay Guinness World Records u caleemo saartay walaalaha ugu da’da weyn caalamka.

Halkaan Hoos ka daawo sawirada Marjorie Ruddle

article-0-16BC8085000005DC-504_634x478article-2256644-16BC810A000005DC-337_634x463article-2256644-16BC8098000005DC-302_634x422article-2256644-16BC817B000005DC-587_634x420article-2256644-16BC8183000005DC-472_634x451

Daawo Video-gan: Waa Fariin Culus & Duco ay Diyaraan Fanaaniin Caan ah.

Ali Muhiyaddiin
-
0

Muuqaalka Maanta ee aan idiin soo gudbineeyna waa mid marka aad daawato kaa ilmeeysiinaya sababta aan sidaa u irina waa Fanaaniinti Dalka Soomaaliyeed ugu caansanaa oo Fariin Culus iyo Duco u diraya Madaxda Dalka iyo Mucaaradka ka soo horjeedaba.

Hadaba maxaa ka qeylisiiyay Fanaaniinta oo ay u qeylo dhaaminayaan adigaba is weydii oo dhinacaada ka dir fariintaada ku aadan dib u helida nabada inaga luntay 22 sano ka hor.

HALKAAN RIIX SI AAD  U DAAWATO VIDEO-GA: 

 

Daawo Video-gan: Arin ay Waa hore ugu dambeeysay Shacabka Muqdisho oo mar kale dib loo arkay.

Ali Muhiyaddiin
-
0

Aqristoow nala wadaag Muuqaalka aan idiin soo xuleeyno Maanta waa muuqaal ku saabsan dhaqanka ciyaaraha hidaheena iyo dhaqanka oo waayadaan dambe dalka laga waayay oo dib u soo noqday.

Hadaba Maxaad is lee dahay Ciyaarahani waxaa sababay in dalka laga waayo oo maanta dib loo helo taasi  aqristayaasha ayaan u deyneynaa ee daawo Ciyaaraha Hiddaha iyo Dhaqanka oo Magaalada Muqdisho dib loogu arkay.

HALKAAN RIIX SI AAD U DAAWATO:

 

KASHIFAAD: Sirta socdaalka hanti doon ee Fowsiya Yuusuf Xaaji Adan

Asad Cabdullahi Mataan
-
0

Dawladda Soomaaliya ayaa ka shaqaynaysa qorshe ay dib ugu soo ceshanayso hantidii ay xakameeyeen dawladaha ajnabiga ah iyo hay’adaha taniyo markii ay dawladdii dhexe dhacday sanadkii 1991.

Wasiirka Arrimaha Dibadda ee Soomaaliya Fawsiyo Yuusuf Xaaji ayaa bilowday safar ay dhawr waddan ku kala tagayso usbuucan si ay u soo diiwaan galiso hantida maaliyadeed ee Soomaaliya ee ku jirta bangiyada dibadda, iyo sidoo kale hantida maguuraanka ah ee ganacsiga, safaaradaha, diyaaradaha iyo maraakiibta.

Waxa ugu horeeya ee qorshaheeda ku jira waa safarro ay ku tagayso Isutaga Imaaraadka Carabta, Talyaaniga iyo Boqortooyada Midowday ee Ingiriiska.

“Waxaan qaban doonnaa dib u eegid aad u fiican oo aan ku eegayno hantida Soomaaliya ee adduunka ee qaaradaha adduunka oo dhan, sidoo kale waxaan la tashanaynaa la taliyalaal xagga sharciga maaliyada oo Soomaali iyo ajnabiba ah,” Fowsiya ayaa sidaas sheegtay Diseembar 27-deedii. “Dawladda Soomaaliya ayaa codsan doonta soo celinta lacag ay hayaan masuuliyiinta Swiss, iyo sidoo kale maraakiibteena iyo diyaaradaheena yaala Jarmalka, Talyaaniga iyo Yaman.”

Hay’adda Kormeerka Suuqa Dhaqaalaha ee Swiss ayaan wali cadaynin baaxadda xisaabaadka bangigii dhexe ee dawladda Soomaaliya iyo wada shaqayntii ka dhaxaysay bangiyada Swiss iyo madaxdii Soomaalida ee muhiimka ahaa oo hantidoodii la xanibay.

Qalalaaasihii ka dambeeyay burburkii dawladdii dhexe ee Soomaaliya markay socdeen, ayaa dhawr ka mid ah dawladaha ajaanibta ah ay xanibeen keydadkii rasmiga ahaa ee lacagta dawladda Soomaaliya si ay uga ilaaliso in si khalad ah loo isticmaalo. Laakiin, in badan oo hantidii maguuraanka ahayd ee dawladda ee dibadaha taalay, kuwaas oo ay ku jiraan dhismayaashii safaaradihii hore, waa la maalmul xumeeyay ama lamaba hayo.

Sida ay sheegayso warbixin Qaramada Midoobay ka soo baxday oo si hoose loo faafiyay Luuliyo, si xun u maamulidda hantida caamka ah waxay socotay xilligii Dawladda Federaalka Ku meel gaadhka ah, iyada oo 70% dakhligii lagu dhunsaday musuqmaasuq, xatooyo, iyo khasaaro. Inta badan lacagtaas waxaa la tuhunsan yahay in dibadda loo diray.

Wasiirka Maaliyadda Maxamuud Xasan Sulaymaan ayaa ka codsaday in bahda caalamku ay la shaqeeyaan Soomaaliya si ay uga kaalmeeyaan helitaanka hantidoodii oo dhan.

“Kama laba labaynayno in aan dib u soo ceshano lacag si sharci daro ah loogu xawilay kaydad ajnabi ah, kuwaas oo ay ku jiraan kaydadkii bangiyada ee dawladihii hore, iyo [kuwa laga xaday] gargaarkii lacageed labaatankii sano ee la soo dhaafay,” Sulaymaan ayaa sidaas sheegay. “Waxaan qorshaynaynaa barnaamijyo aan kaga codsanayno jaalayaasheena Soomaalida ah, kuwaas oo ay ku jiraan madaxdii hore ee maaliyadda, [in ay sii daayaan] waraaqaha daba galaya lacagahaas.

Nofeembar, golaha wasiirrada ayaa codsi rasmi ah u diray Golaha Ammaanka ee Qaramada Midoobay iyaga oo ka codsanaya in ay ka caawiyaan dib u helidda lacagaha iyo hantida dibadda ku maqan.

Isku-dayadii hore ee dib u helidda hantida dibadda

Diseembar 2009, ayaa madaxwaynihii hore Sheekh Shariif Sheekh Axmed uu u magacaabay guddoomiyihii hore ee Bangiga Dhexe ee Soomaaliya Cali Cabdi Camalow inuu noqdo la taliyihiisa dhinaca maaliyadda si uu u soo celiyo boqolaal milayn oo doolar oo la rumaysan yahay in lagu shubay kaydad bangiyada ajaanibta ah, ayna ku shubeen madax hore oo ka tirsanaa dawladihii hore ee 21-dii sano ee la soo dhaafay.

“Doorashada iyo u magacaabista Cali Camalow xafiiskiisa iyo masuuliyada la saaray waxay ahay mid muhiim ah, toosan iyo waliba tallaabo muhiim ah, laakiinse madaxwaynihii hore lama uusan tashanin [maamul goboleedyada] Puntland iyo Somaliland mana uusan u haysanin awood buuxda arrintan isaga oo [aan ahayn madaxwayne dawlad rigli ah],” Idman Daahir Cawaale, oo ah baadhe Soomaaliyeed oo xaga maaliyadda ah ayaa sidaas yiri.

“Xaaladda ayaa sii xumaatay kaddib markii uu shaqaalaysiiyay hay’ad [Maraykanka saldhigeedu yahay] la yiraahdo Shulman Rogers si ay u noqoto la taliye dhinaca sharciga ah ayna kaalmayso guddoomiyhii hore ee Bangiga Dhexe ee Soomaaliya,” ayuu yiri. Heshiiskan muranka dhaliyay wuxuu siin lahaa Shulman Rogers $50,000 iyo 3.5% oo ka mid ah hanti kasta oo Soomaaliyeed ama kaalmo lacageed oo ay ku guulaystaan inay soo dhiciyaan.

Isha: Sabahi Online

Qeylo dhaanta reer Muqdisho iyo Qaabdarran u dhaqanka qurbo joogta

Asad Cabdullahi Mataan
-
0

Tan iyo markii dowladda Soomaaliya ay la wareegtay gacan ku heynta guud ahaan caasimadda Soomaaliya ee Muqdisho waxaa soo badanayey dadka dibadaha ka imanaya ee soo gaaraya caasimadda kuwaas oo safarkoodu wejiyo badan lahaa haba ugu badnaadeene kuwo dowladda jagooyin ka doonayey, kuwo daneynayey inay dalkii maalgashtaan, qaar qoysaskooda halkaa ku nool soo booqanayey iyo qaar kale oo ay ka ahayd dalxiis inay mar uun indhahooda ku soo arkaan caasimadii dalka oo ay in mudo ah moogaayeen.

Imaatinka kooxahan kala duwani waxa uu keenay saameyn wanaag iyo xumaan intaba leh oo dadka Muqdisho ku nool ay in badan ku sheekeystaan, Si walba oo ay u yar yihiin inta xumaanta wada mar walba waa ay ka dhex muuqanayaan inta kale ee wanaaga wada waayo Soomaalidu hore ayey ugu maahmaahday bada hal malaay ayaa qurmiya.

Waxyaabaha ugu hadalheynta badan ee dadka reer Muqdisho markaad la xiriirtid ay kaaga sheekeynayaan waxa ay tahay in dhalinyaro dumar iyo rag u badan oo ka yimid qurbaha ay dhooban yihiin xeebaha xamar iyo hoteelada kuwaa oo in badan oo ka mid ah ay beri hore xishoodkii iyo dhaqankii suubanaa ka tageen, taana ay u dheer tahay been fara badan iyo faan. Hablaha Muqdisho oo inta badan lagu yaqaanay asturnaan xaga dhar xirashada ah ayaa waxaa ka yaabiyey gabdhaha qurbaha ka yimid oo iyaga oo madax qaawan xirana dhar jir ahaan muujinaya cawradooda ay dhex dabaalanayaan ragii, Waxaana taasi ay gaartay in xitaa muumuladii degmooyinka gobalka Banaadir iyo ciidamadda nabadgelyadu ay arintaasi ka hadleen.

Dhowaan ayaa gudoomiyaha degmadda Cabdulcasiis ee gobalka Banaadir ayaa ka dhawaajiyey in ay ku howlan yihiin ciidamo ilaaliya anshaxa dadka u soo dabaal tegaya xeebta Liido ee gobalka Banaadir, waxaana taasi ay ku tusineysaa heerka ay gaartay qeylo dhaanta ka soo yeeraysa shacabka Muqdisho ku dhaqan.

Mid ka mid ah suxufiyiinta Muqdisho ku sugan ayaa iiga sheekeeyey in xitaa qaar ka mid ah hoteelada waaweyn ee Muqdisho markii uu yimaado ee uu doonayo inuu dego ruux qurbaha ka yimid ugu horeynba la weydiinayo inta habeen ee uu halkaa jiifayo kadibna marka uu sheego lacagtii gebi ahaan laga hormarsanayo, Waxaana saxafigaasi uu taa ku macneeyey in milkiilayaasha hoteeladu ay ka aamin baxsan yihiin dadka qurbaha ka soo qulqulaya oo ay markii hore u hormareen intoodii laalaabka badneyd, waxaana taa ay ka yaabisay in badan oo ahaa dad wanaagsan oo qurbaha ka yimid oo dareemay in halkaa ay hore ugu rafteen kuwii ka horeeyey.

Magacyo badan oo kala duwan ayaa looga yeeraa kooxahaasi marka Muqdisho dhexdeeda la joogo waxaana tusaale u soo qaadan karnaa magaca dayuusbare oo ka yimid (diaspora) oo qurbo joog ama dad dalkoodii dibadda kaga maqnaa ah, laakiin markii hab dhaqankoodii loo bogi waayey eraygii sidaa loo badalay.

Maandooriyayaasha kala duwan ayaa Muqdisho ku soo badanaya, waxaana marar badan la maqlaa ciidamada boliiska oo qabtay qamri, laakiin aqristoow ma qiyaasi kartaa cadadka uu la eg yahay qamriga aaney boliisku nasiib u yeelan inay qabtaan ee la isku gudbiyo, Waxaa soo baxaya oo weliba soo badanaya kooxaha maandooriyayaasha Muqdisho ku iibsada iyadoo la sheego in dadka iibsada iyo kuwa iibinaya ay taleefano ku kala dalbadaan kuna balamaan meel ay isla og yihiin.

Inkastoo ay jiraan talaabooyin ay dowladdu qorsheyneyso inay ka qaado kooxahaas anshax darada iyo maandooriyaha ku lugta ah ee soo badanaya ayaa hadana shacabka Muqdisho waxa ay dowladda marar badan warbaahinta u mariyaan dalabkooda ah in talaabooyinkaas la dedejiyo inta aaney caruurtoodii yaryareyd badweyntaasi dhex maquuran.

Ugu dambeyn waxaa la gudboon qof waliba oo Muqdisho ku nool ama dibadaha ka soo booqday sida ay nabaduba muhiim u tahay in looga wada shaqeeyo akhlaaqda iyo dhaqanka wanaagsan.

Jabriil Cabdulle Macalin (Jabra) [email protected] Stockholm Sweden

DEG DEG : Madaxweyne Xasan oo dib ugu soo laabtay Muqdisho

Asad Cabdullahi Mataan
-
0

Muqdisho (Caasimada Online) Wafdi uu hoggaaminaayo madaxweynaha Soomaaliya Xasan Sheekh Maxamuud ayaa goordhow ka soo deggay garoonka diyaaradaha Aadan Cadde ee magaakada Muqdisho.

Wafdiga madaxweynaha oo labadii cisho ee la soo dhaafay booqasho rasmi ah ku joogay waddanka Sudan, isla markaana ka qaybgalay sannad guuradii 57-aad ee ka soo wareegtay xoriyadda waddankaas, ayaa si wayn loo soo dhaweeyay.

Madaxweynaha oo si kooban ula hadlay saxaafadda ayaa sheegay in booqashadii uu ku tagay Sudan ay ku soo dhammaatay guul iyo is-afgarad wanaagsan.

Madaxweynaha waxa uu sheegay in uu la kulmay madaxda dalka Sudan oo uu ku jiro madaxweynaha Cumar Xasan Al-Bashiir, sidoo kale waxa uu ka qaybgalay xaflad lagu furaayay biya xireenka Niil, ee dalka Sudan.

Madaxweynaha ayaa intii uu joogay Khartoum waxa uu kulamo la qaatay jaaliyadda iyo ardayda Soomaalida ee wax ka bartay waddanka Sudan.

Madaxweynaha iyo wafdigiisa ayaa intii ay ku sugnaayeen Khartoum waxa ay booqdeen warshad sameesa lacagta, taasoo rabta in ay soo saarto lacago Soomaali ah.

Waa markii ugu horreysay oo madaxweynaha Soomaaliya Xasan Sheekh Maxamuud uu booqdo waddanka Sudan tan iyo markii xilkaas loo magacaabay 10-kii September sannadkii hore 2012-ka.

Caasimada Online

Xafiiska Wararka Muqdisho

Guriga ugu ciriiriga badan adduunka oo la dhisayo + Daawo Video qosol leh

Asad Cabdullahi Mataan
-
0

Guriga ugu ciriiriga badan adduunka ayaa waxaa laga disayaa magaalada Warsaw ee xarunta dalka Poland.

Dhismaha gurigan oo laga dhex dhisayo laba sar oo dhaadheer ayaa waxa uu yimid kadib markii shirkadaha leh labada dhisme ay ku heshiiyeen in guriga laga dhiso luuqa yar ee u dhaxeeya.

Gurigan ayaa waxa balaciisa uu noqonayaa 15 Mitir oo kaliya.

Daawo Video-ga dhismaha guriga adaa yaabi doon’e.

Sida aan dib ugu dhisi karno dalkeena!

Asad Cabdullahi Mataan
-
0

Shaki kuma jiro in aysan sahlaneyn dib u dhiska dal 20 sano ku jiray bur bur dagaalo sokeeye iyo mid shisheeyaba, hase ahaatee waxaa marag madoonto ah in aysan jirin cid kale oo laga sugayo dib u dhiskiisa,

lama huraan waa cowski jiilaal, dhul ninkiisaa iska leh, ee maxaa noo diiday dal aan horey gacmaheena ugu duminay inaan maantana isku raacno inaan gacmaheena ku dhisano.?!

Ma rabo inaan dib ugu noqdo wixi horey u dhacay, iyo waxa keenay bur-burka waxaana qof walba oo Soomaali ah ka codsan lahaa in aan iska ilowno wixii horey u dhacay, inaan ku midowno dib u dhiska dalkeena.

Si aan dib ugu dhisno dalkeenana waa inaan xoogga saarnaa dhismaha hay`adihii aasaasiga ahaa ee adeegga bulshada ka hor inta aynaan caawimaad weydiisanin umad kale, ee aan marka hore aragno waxaan qabsan karno, waan ognahay lacagaha aan habeen walba Tv-yada ka aruurino inaan cusbitaalo iyo dugsiyo uga dhisi karno meel walba oo Somalia ka mid ah.

Ka hor qodobadan aan hoos ku sheegi doono, waa in dowladdu ay muhiimadda ugu horeyso siiso sugidda amniga.

Haddaba waxaa muhiim ah marka ugu horeysaba inaan aamino ha`adaha dowliga ah ee dastuuriga oo aan markii horeba wakiilanay.

Culuma owdiinka, wax garadka, odayaasha dhaqanka , haweenka , bulshada rayidka , iyo warbaahinta , in ay ka qeybqaataan wacyi gelinta shacabka iyo dhismaha dalka, si maskaxdooda looga tir-tiro kuwa maankooda la xaday ee looga faa`iideystay xiliyadii madoobaa ee nasoo maray, isla markaana loo furo indhaha lana tuso jawi nabadeed oo lagu dhiso mustaqbalkiisa iyo mustaqbalka caruurtiisa.

Caafimaadka hooyada iyo dhalaanka, waxbarashada , iyo dhamaan kaabayaasha dhaqaalaha.

In la sameeyo ilo dhaqaale oo ay dowladdu leedahay, sababtoo ah dowladdu ma awoodi karto horumarinta daryeelka bulshada haddii aaney helin ilo dhaqaalo kasoo galaan, sidaa daraadeed waa in loo dhisaa warshado.

Maal qabeenada, ganacsatada iyo qof walba oo Soomaaliyeed waa in lacagahooda ay dhigtaan bank-iga dhexe, marka aan sidaa leeyahay bank-ga dhexe ma qaban karo shaqadii la abuuray haddaan sidaa la yeelin mana ilaalin karo deganaanshaha qiimaha  iyo wareegga shilinka , dunidan casriga ah-na bank-ga dhexe lagama maamulo wasaaradda maaliyadda, mana hoos tagi karno sharci sameeyayaasha dowladda iyo maamulka dowladda intaba, waana madax banana yahay. Waxaana hubanti ah in Madaxweye Xasan Sheekh uu wacad ku maray ka hortagga musuq-maasuqa, sidaa darted waa in la helaa is aaminaad kal iyo laab ah, dhanka dowladdana laga helaa caddaalad iyo in ay ka dhabeysaa in sharcigu ka sareeyo qofka isla markaana ciqaabta uu muto la marsiiyo qofkii ku xad gudbaa hantida dadka iyo dowladdaba.

Is jaceylka iyo is walaal-shiga waxaa ka dhasha naxariis iyo wax wada cunid waxayna horseedi kartaa horumar iyo barwaaqo, waxaana jiilkeena dambe tusi karnaa waddo wanaagsan oo ay nooga daydaan.

Ugu dambeyntii waxaa Allah SWT ka baryayaa in sanadka 2013

–ka noogu billowdo horumar iyo nabad , dhamaanteena uu nagu toosiyo dhabihii dib u dhiska dalkeena , difaaca diinteena ,daryeelka dadkeena .

FG: haddii aad qormadeydan ka aragto qalad, ma ahan waxaan xumaan uga dan leeyahay, waxana dulucda qoraalkeyga yahay wanaag iyo dib u dhis iyo isku duubnaan, mana aha mid aan ku doonayey in aan dad kala geeyo.

Wabillaahi Towfiiq

Abdulrahman Ahmed “Shiinka”  London- United Kingdom

[email protected]

Isbitaalka Banaadir oo ay ku jiraan carruur qaba cudurka Kansarka

Asad Cabdullahi Mataan
-
0

Muqdisho (Caasimada Online)  sida ay saxaafadda u sheegeen dhaqaatiirta Isbitaalka hooyadda iyo dhalaanka ee Banaadir oo ku yaalla magaalada Muqdisho, waxa isbitaalka ku jira illaa 20-ilmo oo qaba cudurka Kansarka, kuwaasoo aan waxbo dalka looga qaban karin.

Madaxa dhaqaatiirta isbitaalka Banaadir Dr. Yaxye Cabdu-Qaadir Cabdi Shoocle oo la hadlaayay VOA ayaa sheegay in carrruurtaas oo laga kala keenay gobalada dalka aaney xaaladooda  hadda waxba uga qaban karin Muqdisho.

Wuxuu sheegay in tira koob ay sameeyeen labadii bil ee la soo dhaafay in lagu ogaaday in ay diiwangaliyeen tiro ka badan 20-carruur ah oo qaba cudurka Kansarka, kuwaasoo laga kala keenay gobalada waddanka oo dhan.

Wuxuu kaloo sheegay Dr. Shoocle in Kansarka ay u kala saareen labo qaybood, kuwaasoo kala ah  kuwa qaba kansarka dhiiga iyo kuwa qaba kasnsarada dhinacyada kele, waxana uu intaas ku daray in tiradooda ay ka badan tahay illaa 20-carruur ah.

Mar la waydiiyay sida ay ku ogaadeen in carruurta isbitaalka la keenay ay qabaan cudurka Kansarka, wuxuu ku jawaabay in ay sameeyeen baaritaano oo la kaashadeen labo dhaqtar oo ku sugan Muqdisho kuwaasoo ku takhasusay cudurka Kansarka in ay soo sheegeen in carruurtaas ay qabaan cudurka Kansarka.

Wuxuu kaloo sheegay in markii la keenayay Isbitaalka carruurta ay ka muuqatay cudurka Kansarka, laakin iyaga ay baareen maadama uu yahay cudur halis ah.

Wuxuu cadeeyay Dr. Shoocle in carruurta ay badan kood ka yimaadeen magaalooyinka dalka sida Hargeysa iyo Kismaayo iyo meelo kale oo waddanka ah.

Wuxuu sheegay in qaar badan loo fidiyay daryeel, kuwaasoo la siiyay dawooyin kaalmaato ah, isla markaanka la jiifiyay isbitaalka kuwa kalena dib loogu celiyay guryahooda.

Ugu dambeen Dr. Shoocle ayaa sheegay in intii karaankooda ay dedaal muujinayaan siddii daryeelo loogu heli lahaa carruurta la jiifta cudurka Kansarka oo ka mid ah cudurada halista ah ee dunnidda.

Waxa kaloo uu codsi u jeediyeen ciddii gacan ka geesan karta u gargaarida carruurtaas in la soo gaaran kaalmo degdeg ah.

Dalka Soomaaliya oo dagaallo ay ka socdeen in ka badan 20-sano kuma yaalaan xarumo lagu daweyo cudurka Kansarka oo ka mid ah cudurada fara kutiriska ee lagu arko Soomaaliya.

Caasimada Online

Xafiiska Wararka Muqdisho

Daawo Muuqaal ka hadlaya Wax Qabadka Dowlada Turkiga ee Somalia.

Ali Muhiyaddiin
-
0

Dowlada aanu walaalaha nahay ee Turkiga howlaha aya ka wado Wadanka Somalia ma’ahan wax la iska indha tiri karo whyo waxeey garab istaagtay Walaalahooda Soomaaliyeed oo hiil iyo hooba la garab istaagtay dhan walba.

Hadaba Aqristoow nala daawo Muuqaal kooban oo ka hadlaya wax qabadka Dowalda Turkiga iyo Maanta Wadanka Somalia.

HALKAAN RIIX SI AAD U DAAWATO VIDEO-GA:

 

Amin Arts oo Sawir cajiib ka sameeyay Madaxweyne Xasan Sheekh.

Ali Muhiyaddiin
-
0

Farshaxantiistaha Weyna Amisom Artd ayaa sawir cajiib ah ka sameeyay Booqashada Madaxweyne Hassan Sheekh uu ku tagay Magaalada Blue Nile ee Dalka Sudan.

Sawirkani ayaa waxuu ka hadlaya Madaxweyne Hassan Sheekh Booqashada uu ku tagayo Wadamada kale asagoo Calanka Somalia aan loo saarin halka uu salaanta ka qaadanaya Madaxweynaha.

has

1...3,4503,4513,452...3,527Page 3,451 of 3,527

Caasimada Online is a reputable and reliable source of news and information on Somalia. As the largest Somali news site, we are dedicated to providing our readers with accurate and up-to-date coverage of the country's politics, society, and culture. Founded in 2009 by a Somali-American journalist, Caasimada Online is owned by Caasimada Media Group and headquartered in Mogadishu. In addition to keeping our readers informed, we strive to promote democracy in Somalia. If you have any questions or comments, please don't hesitate to contact us at [email protected]

Important Links

Trending

Social Media

© Caasimada Online 2012 | All Rights Reserved