Muqdisho (Caasimada Online)-War goordhow nasoo gaaraya ayaa sheegaya in Caawa la weeraray Sargaal ka tirsan Hay’adda Sirdoonka iyo Nabadsugida Qaranka Somalia.

Sargaalkaani ayaa lagu weeraray Xaafada Carafaad Degmada Yaaqshiid ee Gobolka Banaadir xili uu watay gaari nooca raaxada ah.

Sargaalkaani oo lagu huwiyay rasaas farabadan waxaana la sheegayaa inuu iska caawiyay mudada ay ku soctay rasaasta.

Gaariga Sargaalkaani ayaa waxaa soo gaaray burbur xoogan waxaana la xaqiijiyay inaanu soo gaarin wax khasaaro ah, balse uu khasaaraha soo gaaray dad ku sugnaa eeryada.

Dadka Degaanka ayaa sheegay in ay maqleen rasaas fara badan, oo la is dhaafsaday, taasina ay casbi ku abuurtay dadkii halkaasi ku sugnaa, maadaama qal qal xoogan uu soo wajahay.

Dhinaca kale, weerarka kadib ayaa waxaa halkaasi gaaray Ciidamo ka tirsan Dowlada gaar ahaan kuwa degmada oo rasaas ku furay Maleeshiyada.

Caasimada Online
Xafiiska Muqdisho
[email protected]

Muqdisho (Caasimada Online)-Madaxweynaha JFS Maxamed C/llahi Farmaajo ayaa goordhow ku dhawaaqay in maalinta talaadada ah la qaban doono munaasabad roob doon ah.

Madaxweynaha ayaa sheegay in munaasabadaasi looga danbeyn doono Culimada Soomaaliyeed waxa uuna tilmaamay in dalka ay kusii baaheyso abaarta loona baahan yahay in alle la weydiisto inuu ka dulqaado abaarta.

Madaxweynaha waxa uu sheegay in munaasabadaasi ay tahay mid lagu qaban doono dhammaan Gobolada dalka waxa uuna ku baaqay in Umadda Soomaaliyeed ay caloosha isku furaan si uu alle u ajiibo dacwadooda.

Madaxweynaha Somalia ayaa codkiisa ku biiriyay Gudiga abaaraha iyo Culimada oo dhawaan ku dhawaaqay in la dhigaayo isu soo bax roob doon ah.

Go’aanka Madaxweynaha, Guddiga abaaraha iyo Culimada ayaa ah in alle loo gacan taagto waxa ayna dhinacyadaani sheegen inay rumeysan yihiin in abaarta ay dhammaan doonto haddii alle la weydiisto barwaaqo.

Dhinaca kale, maalinta Talaadada ah ayaa waxa isu soo baxan roobdoonka ah lagu qaban doonaa magaalooyika Soomaaliyeed si ilaahay loo baryo.

Caasimada Online
Xafiiska Muqdisho
[email protected]

Kismaayo (Caasimada Online) – Xogta ay heleyso Caasimadda Online ayaa xaqiijineyso inuu maamulka Jubbaland la wareegay nin oo lagu magacaabo Cabdi Cali Raage.

Madaxweynaha Jubbland Axmed Madoobe ayaa lagu eedeeyey inuu awoodda Maamulka Jubbaland gacanta u geliyey Cabdi Cali Raage, wuxuuna magaalada Muqdisho u imaaday Axmed Madoobe Sidii ninkaan wasiir looga dhigi lahaa.

Madaxweynaha Jubbaland Axmed Madoobe ayaa madaxweynaha Soomaaliya kala hadlay sidii Cabdi loogu soo dari lahaa liiska golaha wasiirada ee dhawaan la filayo in lagu dhawaaqo wuxuuna arrintaas kala kulmay waji gabax markii loo sheegay inaysan suurtagal aheyn in ninkaan wasiir laga dhigo.

Jubbaland ayaa maanta maraysa in gebi ahaan jeebka loo geliyey Cabdi Cali Raage oo ah shaqsiga sida uu rabo ka yeesho maamulkaasi ayaa hadda waxaa socda olole lagu doonayo in banaanka lagu keeno qaladaada Raage iyo Axmed Madoobe ay ku dhex jiraan.

Markii uu Axmed Madoobe ku fashilmay inuu wasiir u helo Cabdi, wuxuuna qorsheenayaa inuu dhawaan ku wareejiyo  mashruuca deeqaha abaaraha ee Jubbaland.

Qaar ka tirsan Xildhibaanada iyo wasiirada Koonfur Galbeed ayaa arrintaan walaac weyn ka muujiyeen waxayna ka dhawaajiyeen inaysan macquul aheyn in maamulka Jubbaland loo dhiibo qof aan madaxweyne ka aheyn taasina aysan qaadan doonin.

Wasiiradaas oo diiday in magacyadooda loo adeegsado warbixintaan ayaa caasimadda u xaqiijiyey inuu ninkaan gacanta ku dhigay maskaxda Axmed Madoobe aysana macquul aheyn in meesha laga saaro.

Wasiirada ayaa is waydiinayo goorta uu Axmed Madoobe ka tagi doono Raage, Balse rag si weyn u yaqaana Axmed ayaa tilmaamay in weligiis uusan Raage dhinac u dhaafi doonin maamulka Jubbland.

Labadaan shaqsi ayaa hadda ku sugan Magaalada Nairobi ee caasimadda Kenya waxaana la filayaa inuu Axmed Madoobe halkaas ugu wareejiyo Raage Abaabulka deeqaha abaarta iyagoo kulamo la qaadan doono hey’adaha gargaarka bixiyo ee xafiisyada ku leh Nairobi.

Dhawaan ayaa waxaa soo baxday fadeexooyin ku aadan Axmed Madoobe iyo Raage markii lagu eedeeyey inay heshiisyo sharci darro ah galeyn oo aan lasoo marsiin baarlamaanka Jubbaland waxaana kamid ah heshiisyadaas la isku heysto

Heshiiska shirikada Haas Petroleum.

Mashruuca dhismaha TIS + ee Afmadoow

Caasimada Online
Xafiiska Kismaayo
[email protected]

Muqdisho (Caasimada Online) – Waxaa maanta aad u qasan magaalada Muqdisho kadib markii ay isugu soo baxeyn ciidamo ka tirsan Militariga Soomaaliya oo xiray waddooyinka ugu muhiimsan Muqdisho.

Wararka hadda soo gaarayo caasimadda Online ayaa xaqiijinayo in ciidamo gadoodsan oo ka tirsan Militariga ay hareereeyeen abaanduulaha ciidamada Xoogfa Cali Baashi Maxamed Xaaji.

Ciidamadaan ayaa markii hore waxay saldhig military ku lahaayeen Warshadda loo yaqaan Nacnaca ee ku taal duleedka Muqdisho ayaa xayiraad kusoo rogay Abaanduulaha ciidamada oo halkaas ku sugnaa waxayna ku amreyn inuusan meesha ka bixin karin ilaa mushaaraadkooda laga siiyo.

Arrintaan ayaa abuurtay cabsi waxaana qalqal galay Amaanka Abaanduulaha ciidamada Cali Baashi oo aan la ogeyn ilaa hadda meesha uu joogo waxaana ugu dambeysay isagoo ku hareereesan xiradaas.

Ciidamada Militariga ayaa maanta qalqal amni ka abuuray wadooyinka ugu muhiimsan Muqdisho waana markii ugu horreysay oo la arko ciidamo Muqdisho ku banaanbaxayo oo raadinayo Mushaar ka maqan sanadihii ugu dambeyeey.

Arrintaan ayaa kusoo aadeyso xilli dhawan ay amar soo saareyn saraakiisha ugu sareyso ciidamada iyo Madaxweynaha Soomaaliya Maxamed Cabdulaahi Farmaajo kuwaas oo amar ku bixiyey in ciidamada Militariga gebi ahaanba laga saaro gudaha caasimadda Muqdisho kadib markii uu soo xumaaday amnigeeda.

Amarkaas waxaa maanta ku dhawaaqay inaysan fullin doonin qaar kamid ah ciidamadii maanta isugu soo baxay Muqdisho waxayna ka dhawaajiyeen inaysan xirooyinka geli doono ilaa laga siiyo mushaarka ka badan oo ay ku sheegeyn 8 bil.

Waxaa la sugayaa waxa ay arrintaan ka dhahaan Madaxweynaha Soomaaliya iyo taliyayaasha ciidamada oo dhawaan la filayo inay yeeshaan kulan deg deg ah oo looga wada hadlayo dhibaatada maanta ka dhacday Muqdisho.

Caasimada Online
Xafiiska Muqdisho
[email protected]

Muqdisho (Caasimada Online) – War goordhow nasoo gaaray ayaa sheegaya in Khilaaf ba’an uu ka dhextaagan yahay Odayaasha iyo Waxradka Beesha Sheekhaal.

Khilaafka ayaa la sheegay inuu dhashay kadib markii qaar kamid ah Odayaasha ay Ra’isul wasaaraha u geeyen shaqsiga ay u arkaan inuu u matali karo xubinimada Golaha Wasiirada Xukuumada Somalia.

Odayaasha aan waxba kala socon shaqsiga loo geeyay Ra’isul wasaaraha ee la filaayo in lagu soo daro Golaha Wasiirada ayaa sheegay in Madaxweynaha iyo Ra’isul wasaaraha ay kala jabinayaan Beesha haddii ay tallo ka qaatan Odayaal gaar ah.

Odayaasha ayaa sheegay in Madaxweynaha iyo Ra’isul wasaaraha laga iibiyay Xildhibaan Cabdiraxmaan Dheere oo la doonaayo in lagu soo daro Golaha, waxa ayna cod dheer ku sheegen inaanu matalin shaqsigaasi.

Odayaasha waxa ay tilmaameen inaysan la socon halka lagu soo camaamaday Xildhibaan Cabdiraxmaan Dheere, sidaa darteedna uusan matalikarin beesha.

Odayaasha ayaa C/raxmaan dheere ku eedeeyay inuu luqaafeeyay Beeshiisa mudada uu xilka hayay, waxa ayna cadeeyen xitaa inuu u quuri waayay inuu ka qabto telka, iskaba daaye inuu wax u qabto.

Dhinaca kale, Madaxweynaha iyo Ra’isul wasaaraha ayay uga digeen in ay ku deg degaan hadal heyn ku aadan in Golaha Wasiirada lagu soo dari rabo Xildhibaan Cabdiraxmaan Dheere oo kamid ah Baarlamaanka cusub horeyna Wasiir usoo noqday.

Caasimada Online
Xafiiska Muqdisho
[email protected]

Muqdisho (Caasimada Online) – Qaar ka tirsan Ciidamada Militariga Soomaaliya ayaa maanta sameeyey banaanbax ka dhan ah dowladda cusub ee uu hoggamiye Maxamed Cabdulaahi Farmaajo kadib markii ay sheegeen inay la siin mushaaraadkooda.

Haddaba Caasimadda Online ayaa dabagal ku sameysay cidda ka dambeyso inaan mushaar la siin ciidamada Militariga Soomaaliya taasina ay keento inay maanta xiraan qeybo badan oo ka tirsan jidka dowladda muhiimka u ah ee Makka Al- Mukarama.

Xogta aan helnay ayaa sheegeyso inuu Madaxweynaha Soomaaliya Maxamed Cabdulaahi Farmaajo amar ku bixiyey in si deg deg ah ciidamada Militaridga mushaarkooda loo siiyo waxaana weli arrintaan aan fullin wasaaradda Gaashaandhigga oo amar buuxa iyo saxiix loo siiyey maaliyadda Ciidamada Militariga.

Illo wareedyo ku dhaw dhaw Xafiiska Madaxweynaha ayaa noo xaqiijiyey in madaxweynaha uu amar ku bixiyey in mar hore ciidamada Militariga mushaarkooda la siiyo balse waxaa la sheegay inaysan weli talaabadaas qaadin wasaaradda Gaashaandhigga oo ciidamada u qaabilsan dowladda.

Ilaa hadda lama xaqiijin sababta rasmiga ah ee ka dambeyso in wasaaradda Gaashaandhigga aysan weli fasixin mushaaraadka Militariga iyadoo la ogyahay in ciidamada Booliska ay dhawaan qaateen mushaarkooda.

Banaanbaxaan ayaa imaanayo xilli uu madaxweynaha Soomaaliya Farmaajo ka dhawaajiyey inuu muhiimada kowaad siin doono Ciidamada Xoogga Soomaaliya tanina waxay muujineysaa arrin fool xumo ah waxaana la filayaa inuu dhawaan ka hadlo arrintaan Muqdisho ka dhacday Madaxweynaha Soomaaliya Maxamed Cabdulaahi Farmaajo.

Wasaaradda Gaashaandhigga Dowladda Soomaaliya ayaa ah sababta ugu weyn oo aysan ilaa hadda ciidamada Militariga mushaarkooda u qaadan.

Caasimadda Online ayaa dabagal ku sameysay haddii wasaaradda Gaashaandhigga ay saameyn ku yeelatay xayiraadii uu Ra’isulwasaaraha Soomaaliya saaray akoonada wasiirada ee Bankiga, waxayna soo ogaatay inaysan xayiraadaas khuseyn akoonada mushaarka laga siiyo ciidamada Dowladda Soomaaliya.

Caasimada Online
Xafiiska Muqdisho
[email protected]

Muqdisho (Caasimada Online) – Sida aan wararkeena hore ku sheegnay Ciidamo ka tirsan Milatari DFS oo gadoodsanaa ayaa goordhow jaray inta u dhaxeysa Suuqa B/xuubey ee degmada Wadajir iyo aargada KM-4 oo ah halka ugu mashquulka badan.

Ciidamadaani oo ka gadoodsan Mushaar la’aan ayaa xanibay Gaadiidka iyo isu socodka goobaha ay jareen waxa ayna rasaas ku kala eryinayeen dadka iyo gaadiidka.

Ciidamadan oo tiro ahaan ka badnaa 100 ayaa waxay socod ku mareen qeyb kamid ah wadada Makka Al-mukarrama, waxay xireen xarumo ganacsi oo dhowr ah.

Qaar kamid ah Saraakiisha ciidamadan ayaa sheegay in aysan muddo qaadan wax mushaar ah, waxayna ku doodayeen iney raadinayaan xuquuqdooda.

Garoowe (Caasimada Online) – Sida laga warqabo waxaa shalay ka dhoofay Magaalada Boosaaso ee Puntland  Madaxweyne Gaas oo wajahay caasimadda Itoobiya ee Adis Ababa, waxaana safarkaas kasoo baxay xog cusub.

Wararka ay caasimadda Online ka heshay illo wareedyo ku dhaw dhaw xafiiska Gaas ee Garoowe ayaa sheegayo inuu Gaas Magangalyo siyaasadeed waydiisan doono dowladda Itoobiya  maadaama maalmihii ugu dambeeyey ay xaalado foodo ah ka taaganaayeen Garoowe iyo meelo kale oo ka tirsan Puntland.

Madaxweynaha Puntland ayaa loo diiday inuu soo galo Magaalada Garoowe waxaana ku kacay koox beeleedyo oo u badan Beesha Ciise Maxamuud oo aad ugu xoogaan Caasimadda Puntland.

Sidoo kale wuxuu mucaarad kala kulmay madaxweynihii hore ee Puntland Cabdiraxmaan Faroole oo ku qanci waayey siyaasadda la fahmi la’yahay ee uu Gaas ka wado dhulalka Puntland.

Sidoo kale Gaas ayaa la sheegay inuu waddo  silsilado mucaarad ah oo loogu soo horjeedo dowladda cusub ee Soomaaliya ee uu hoggaamiyo Maxamed Cabdulaahi Farmaajo waxaana La sheegayaa inuu isku xiray kooxo mucaarad ah oo ku sugan Muqdisho iyo kuwa uu isaga ka abuuray Garoowe.

Ugu dambeyntii Cabdiweli Gaas ayaa la filayaa inuu  Adis Ababa u joogo sidii uu hub iyo rasaas uga soo qaadan lahaa dowladda Itoobiya isagoo doonayo inuu dagaal kala hortago beesha Ciise Maxamuud ee mucaaradka ku ah dowladiisa, sidoo kalana wuxuu qorsheenayaa inuu hubeeyo beeshiisa Cumar Maxamuud oo kaliya hadda awood ku leh magaalada Gaalkacyo.

Caasimada Online
Xafiiska Garowe
[email protected]

Muqdisho (Caasimada Online) – Sida aan shalay warbixinadeena idinkula wadaagnay waxaa magaalada Muqdisho soo gaaray Faarax Macalin oo ah siyaasi ka tirsan mucaaradka dalka Kenya, waxayna sheegayaan warar soo baxayo inuu xusul duub ugu jiro sidii wasiiro loo siin lahaa shaqsiyaad uu isaga jecel yahay.

Haddaba Faarax Macalin ayaa shalay kulan la qaatay Ra’isulwasaaraha Soomaaliya wuxuuna kala hadlay qaabka ay noqon doonaan wasiirada cusub isagoo ka codsaday inuu shasiyaad ugu daro liiskaas.

Shaqsiyaadka uu Faarax Maclain Jeebka ku wato ayaa waxay ka tirsan yihiin ururkii Asmara ee aas aasmay sanadkii 2007 markii Ciidamada Itoobiya ay soo galeen Magaalada Muqdisho waxayna sanadkaan doonayaan inay kasoo muuqdaan liiska wasiirada cusub.

Caasimadda Online ayaa soo heshay Liiska shaqsiyaadka uu Faarax Macalin u gudbiyey Ra’isulwasaare Kheyre si ay uga soo muuqdaan.

3. Cabdiraxman Kulmiye Xersi
4. C/qaadir Xaaji Maxamud Dhaqane
5. Sakariye Maxamuud Xaaji Cabdi
6. Maxamed Axmed Nuur (Tarsan)
7. Dr. Xusseen Cabdi Nunow
8. Axmed Xasan Gaboobe (Ugaas Bile)

Haddaba lama ogo sida uu Kheyre u aqbali karo liiska uu Faarax Macalin u gudbiyey isagoo doonayo in ururka Asmara uu saameyn weyn ku yeesho xukuumadda Cusub.

Caasimada Online
Xafiiska Muqdisho
[email protected]

Muqdisho (Caasimada Online) –  Waxaan wuxuu khilaaf xooggan soo kala dhex galay Xildhibaan Caddow Cali Gees iyo Madaxweynaha Soomaaliya Maxamed Cabdullaahi Farmaajo kadib markii uu madaxweynaha ka hor imaaday qorshe uu damacsanaa Caddo oo ahaa in mar kale dib gacantiisa loogu soo celiyo maamulka Saadka ciidamada AMISOM ee uu horey uga qaaday madaxweynihii waqtigiisa dhamaaday Xasan Shiikh Maxamuud.

Caddow Cali Gees ayaa colaad weyn u qaaday madaxweynihii waqtigiisa dhamaaday waana sababtii ugu weyneyd ee ku kaliftay inay isku soo taago xilka madaxweynimo ee Soomaaliya si uu cadaadis siyaasadeed u saaro Xasan Shiikh Maxamuud oo ka hor istaagay ganacsigii uu ka sameyn jiray Maamulidda saadka ciidamada AMISOM.

Haddaba markii doorashada la galay Caddow Cali Gees ayaa helay codad badan wuxuuna mucaaraday Xasan Shiikh Maxamuud oo ay isku beel yihiin wuxuuna codkiisa ugu shubay Maxamed Cabdullaahi Farmaajo maadaama uu Xasan u qabay cuqdadii uu ka qaaday shaqadii laga warejiyey.

Haddaba Caddow Cali Gees ayaa wuxuu Farmaajo ka filaayey arrin ka duwan middii uu Xasan ku sameeyo wuxuuna rajeenayey inuu mar kale u ogolaan doono inuu sii maamulo shaqadii uu Xasan ka joojiyey.

Balse midaas ma dhicin wuxuuna mar kale waji gabax uu kala kulmay inuu dib u helo shaqdaas waxayna midaas keentay inuu siyaasad ahaan kasoo horjeesto dowladda cusub ee uu hoggaaminayo Maxamed Cabdulaahi Farmaajo.

Caddow Cali Gees ayaa bilaabay qorsho cusub oo lagu curyaaminayo dowladda Farmaajo wuxuuna bilaabay howlo dib loogu dayactirayo Dakadda Macmalka ah ee Macaan isagoo doonayo inuu hoos u dhac weyn ku keeno dakadda Muqdisho.

Dowladda ayaa qarash badan ka hesho dakadda Muqdisho inkastoo 55% faa’idada kasoo baxdo ay qaadato dowladda Turkiga haddana waxaa uga soo aado 45% oo noqoneyso lacag aad u badan, balse saameyn weyn ayey ku yeelan doontaa haddii la furo dakadda Ceel Macaan oo aan sidaas Muqdisho uga fogeyn horeyna loo isticmaali jiray intii ay Dakadda Muqdisho u xirneyd Hoggaamiye kooxeedyada.

Caddow Cali Gees ayaa damacsan in qarashaadka ganacstada looga qaadayo Dakadda Macaan ay 50% ka jabnaato midda looga qaado Dakadda Muqdisho  wuxuuna arrintaas u marayaa Maamul Goboleedka Hirshabeele oo uu madaxweynaheeda dhawaan booqday Ceel Macaan si uu uga qeyb qaato furitaankeeda.

Haddii uu Caddow Cali Gees arrintaan ku guuleystay waxay caqabad iyo dhibaato ku noqon doontaa dowladda Farmaajo maadaama laga yaabo inuu hoos u dhac ku yimaado shaqada Dakadda Muqdisho oo ah isha koowaad oo ay dowladda qarashaad ka hesho.

Madaxweynaha cusub ayaa looga fadhiyaa sidii uu wajihi lahaa dhibaatada kaga soo socoto qorshaha uu maleegayo siyaasiga Caddow Cali Gees oo ah nin ganacsade hanta badan heysto waxaana la sheegay inuu kaligiis wado maalgelinta dib loogu furayo dakadda Ceel Macaan oo sharci ahaan ka tirsan maamul Goboleedka Hirshabelle.

Caasimada Online
Xafiiska Muqdisho
[email protected]

Muqdisho (Caasimada Online) – Caasimada Online ayaa daba-gal ku sameysay lacag 30,000 oo dollar ahayd oo ka timid madaxweynaha Soomaaliya Maxamed Cabdullaahi Farmaajo, taasi oo habeen hore lagu wareejiyey guddiga abaaraha.

Lacagtan ayaa soo shaac baxday markii uu taleefishinka qaranka ka sheegay ra’iisul wasaare Xasan Cali Kheyre in madaxweynaha uu usoo dhiibay 30,000 oo dollar oo hadiyad ahaan loogu keenay qoyskiisa.

Ilo-wareedyo ku dhow madaxweynaha iyo dad arrintan xog ogaal u ah oo ay Caasimada Online la hadashay kadib ayaa waxaa inoo soo baxay macluumaadkan.

Lacagta iyo agab kale ayaa waxaa qoyska madaxweynaha hadiyad ahaan ugu keenay nin ganacsade ah oo ay isku dhow yihiin, ayada oo aanu madaxweynaha ka war-hayn, sida ilo-wareedyada ku dhow ay sheegeen.

Madaxweynaha ayaa markii loo sheegay arrintan, waxa uu durba ka dhawaajiyey inysan sax ahayn in lacag hadiyad ahaan loo bixiyo, sidaas darteedna uu dalbaday in lacagta dib loo celiyo qofka keenay.

“Madaxweynaha wuxuu dareemay in qof ganacsade ah oo magac iyo lacag leh, haddana lacag haddiyad u bixiyey uu doonayo kaliya dhowaansho iyo saameyn siyaasadeed, wuuna ka biyo diiday” waxaa sidaas yiri qof madaxweynaha ku dhow.

Qofka ganacsadaha ah ayaa lagu warramay in markii dib loogu yeeray loona sheegay inuu soo doonta lacagtiisa uu ka biyo diiday, kadibna madaxweynaha uu go’aansaday in abaaraha loogu tabaruco, asagana sidaas loo sheegay.

“Waxaa taleefishinka arrintan looga sheegay in ganacsadaha ogaaado in lacagtiisa abaaraha loogu deeqay oo madaxweynaha uusan aqbalin” ayuu yiri qofka la hadlay Caasimada Online.

Madaxdii hore ee Soomaaliya ayaa waxaa caado u ahaa inay lacag ka qaataan dadka magaca leh iyo ganacsatada, ayada oo dhaqankan uu qeyb ka ahaa siyaasadda Soomaaliya.

Hase yeeshee, qoyska madaxweynaha ayaa ah dad aan arrimahan aqoon iyo qaabkii siyaasadda Soomaaliya u shaqeyn jirtay.

Talaabada madaxweynaha Soomaaliya uu qaaday ayaa mudan ammaan, waxayna caddeyn u tahay sida dowladda cusub isaga ilaalineyso wax kasta oo u muuqan kara in dadka qaarkiisa ku doonayaan in saameyn ugu yeeshaan dowladda.

Waxay sidoo kale astaan u tahay daacadnimada madaxweynaha, waayo ma jirin cid og haddii isaga iyo qoyskiisa ay iska qaataan lacagtaas, hase yeeshee wuxuu muujiyey in haddii aysan shacabka arkeyn uu alle arkayo.

Madaxweyne Farmaajo, ayaa horey wacad ugu maray inuu la dagaalami doono musuq-maasuqa, islamarkaana dowladdiisu noqon doonto mid shacabka ay la xisaabtami karaan.

Caasimada Online
Xafiiska Muqdisho
[email protected]

Muqdisho (Caasimada Online) – Xog hoose oo ay heshay Caasimadda Online ayaa xaqiijineyso inuu Caddow Cali Gees yahay shaqsiga ka dambeeyo in dib loo furo dakadda macmalka ah ee Macaanka kadib markii ay is khilaafeyn madaxweynaha cusub ee Soomaaliya Maxamed Cabdullaahi Farmaajo./

Caddow Cali Gees ayaa dowladda cusub ka codsaday mashruucii uu horey Xasan Shiikh uga joojiyey oo aheyd in la siiyo maamulka Saadka Ciidamada AMISOM oo uu horey u heysan jiran siyaasigaan.

Caddow Caloi Gees ayaa qorsho diyaarsan u geeyey madaxweynaha Maamulka Hirshabelle Cosoble wuxuuna ka dhaadhacsiiyey in dib looga shaqeysiiyo Dakadda Ceel Macaan oo ku taal dhul ka mid ah maamulka Hirshabelle.

Caddow ayaa cosoble la wadaagay in lacag fiican laga dhallin karo dakadda Muqdisho sidoo kalana uu isaga maalgelin buuxda ku sameeyo uuna shaqadaas qabto isagoo matalayo Maamulka Hirshabelle si uusan caqabad ugala kulmin dowladda Farmaajo.

Tallaabadaan uu qaaday Xildhibaan Coddow Cali Gees oo kamid ahaa musharixiintii isku soo taagtay xilka madaxweynimo ayaa lagu sheegay inay tahay mid uu ku xumeenayo dowladda Farmaajo isagoo doonayo inuu curyaamiyo dhaqaalaha ay dowladda ka hesho Dakadda Muqdisho.

Gees ayaa wado qorsho ah in Dakadda Ceel Macaan ay ganacsatada ugu adeegto qiimo 50% ka yar midda Muqdisho waxaana laga yaabaa inuu soo jiito ganacsato aad u badan maadaama Dakadda Muqdisho looga qaado Canshuur Badan.

Dowladda Soomaaliya weli ma aysan ka hadli arrinta ku aadan dib u furista dakadda Ceel Macaan oo ah dakad macmal ah oo la isticmaali jiray xilligii ay dakadda Muqdisho u xirneyd hoggaamiye kooxeedyadii dalka maamuli jiray ka hor inta aysan wadanka qabsan maxkamadihii islaamiga oo ka shaqeeyey in dib loo furo dakadda Muqdisho iyo garoonka diyaaradaha.

Arrintaan uu wado siyaasigaan ayaa la sheegayaa inay saameyn weyn ku yeelan doonto dhaqaalaha dowladda ay ka hesho dakadda Muqdisho lamana garanahyo tallaabada ay dowlada ka qaadi doonto arrintaan.

Waxaan dhawaan idinla wadaagi doono fallanqeyn ku aadan Saameynta ay ku yeelan karto arrintaan dowladda cusub iyo sida uu Farmaajo uga hortagi karo qorshahaan ka dhanka ah ee uu wado Caddow.

Caasimada Online
Xafiiska Muqdisho
[email protected]

Muqdisho (Caasimada Online) – Ra’iisul Wasaaraha Xukuumadda Somalia Xasan Cali Kheyre ayaa goordhow amar ku bixiyay in la bixiyo mushaarka shaqaalaha dowladda ee bisha Janaayo ee sanadkan.

Ra’isul wasaaraha ayaa qoraal uu soo saaray ku amray in Wasiirka Maaliyada oo si KMG ah usii haya xilka iyo Xisaabiyaha Guud bixiyaan xuquuqda Shaqaalaha.

Ra’isul wasaaraha waxa uu qoraalkiisa sidoo kale ku cadeeyay in xiliga lagu guda jiro bixinta mushaaraadka la jaro lacago qoondo ah oo loogu tala galay abaaraha.

Ra’isul wasaaraha ayaa sheegay in amarkaasi uu yahay mid khuseeya dhammaan Xafiisyada Dowlada waxa uuna intaa raaciyay in bixintaasi ay daba socon doonto baaritaan iyo u kuurgalid bixinta Mushaaraadka.

Kheyre waxa uu sheegay in Mushaaraadka Dowlada uu ahaan doono mid joogta ah, waxa uuna carabaabay in shaqaalaha Dowlada looga baahan yahay in taa bedelkeeda ay gutaan waajibka saaran.

Mushaaraadka uu amray Ra’isul wasaaraha ayaa noqonaaya kii ugu horeeyay oo ay bixiso Dowlada Maxamed C/llahi Farmaajo, waxaana xusid mudan in shaqaalaha Dowlada aan mushaar lasiin tan iyo markii ay dhalatay sanada cusub.

Ra’isul wasaaraha ayaa dhawaan si KMG ah u hakiyay akoonada Wasaaraddaha Xukuumadda iyo Gobolka Banaadir ku leeyihiin Bankiga Dhexe, waxaana la joojiyay in wax lagala baxo, balse qaraashaadka lagu shubi karo.

Dhinaca kale, waxaan la ogeyn sida ay isku waafaqi karaan labada amar ee Ra’isul wasaaruhu soos aaray, iyadoo aan wali xayiraada laga qaadin akoonada Wasaaraddaha Xukuumadda ee Bankiga Dhexe.

Caasimada Online
Xafiiska Muqdisho
[email protected]

Muqdisho (Caasimada Onlin) – Warar lagu kalsoon yahay ayaa sheegaya in Maamulka Gobolka Banaadir uu ka gaabinaayo la xisaabtanka Guddoomiye waaxwwdyada Maamulka.

Wararku waxa ay sheegayaan in xisaabtan la’aanta ka jirta Xarunta maamulka ay sababtay in Guddoomiye waaxeedyada Xarunta maamulka ay ku tagrifalaan Hantida Qaranlka oo aan xiligaani la xisaabin.

Sargaal ka tirsan Guddoomiyayaasha oo ka gaabsaday adeegsiga magaciisa ayaa xaqiijiyay in Shidaalka Gobolka lagu kala iibsanaayo goobaha lagu iibiyo Shidaalka ee magaalada Muqdisho.

Sargaalkaani ayaa xaqiijiyay in Shidaalka Gobolka lagu shubu Suuqyada lagu iibiyo Shidaalka waxa uuna cadeeyay in shaqsiyaad gaara oo ka tirsan Keydka Shidaalka uu arrintaani heshiis hoosaad kula galay ilaa 6 Kaalin shidaal kuwaa oo dhaqaale jaban lagu siiyo Shidaalka loogu tallo galay inay isticmaalan mas’uuliyiinta maamulka iyo shaqaalaha.

Waxa uu intaa ku daray in Shidaalka lagu cabeeyo Gaagadaha waaweyn kuwaa oo xiliyada Habeenkii loo daad gureeyo Suuqyada lagu iibiyo Shidaalka sida uu xaqiijiyay Sargaalka.

Keydka Shidaalka ayaa la sheegay inuu gacanta ku hayaan Shaqsiyaad ay qaraabo dhow yihiin Guddoomiyaha Gobolka kuwaa oo lagu naas-nuujinaayo Hantida Qaranka.

Xarunta Maamulka Gobolka Banaadir ayaa waxaa kusii kordhaaya ku tagrifalka Hantida Qaranka oo aan maamulka u xiisabsaneyn, waxaana jira cabashooyin kasoo yeeraya Shaqaalaha maamulka oo aan mushaar qaadan muddo 5bil oo xiriir ah, iyadoo ay xusid mudan tahay in dhaqaalaha ugu badan dalka uu gacanta u galo maamulka.

Caasimada Online
Xafiiska Muqdisho
[email protected]

Muqdisho (Caasimada Online) – Tan iyo markii abaaro daran laga soo sheegay deegaano badan oo dalka Soomaaliya ka tirsan ayaa waxaa isa tarayay gurmadka iyo balanqaadyada loo sameynayo dadka abaaraha ay saameeyeen.

Waxaa jira shaki badan oo dadka Soomaaliyeed ay qabaan, taasi oo ku aadan cidda mar walba alagu aaminayo lacagaha la doonayo in wax loogu qabto shacabka Soomaaliyeed ee dhibaataysan.

Kalsoonida darada ay shacabka Soomaaliyeed isku qabaan ayaa korortay sanadihii ugu dambeeyay ee uu dalka ku jiray burburka iyo colaadaha sukeeye, taasi oo sababtay in shacabka Soomaaliyeed ay gaaraan heer ay dadkii isla dhashay is aamini waayaan.

Haddaba Sidee looga hortagi karaa musuq maasuq lagu sameeyo lacagaha abaaraha loogu yaboohayo ?

Waxaa jirta in diinteena Islaamka ay na fareyso amaanada laguugu dhiibaa ruux kale inay tahay inaad u gaarsiisaa sida ay aheyd, waxaana midda koowaad ee arintaan looga hortagi karaa ah tahay in la raaco awaamiirta diinta Islaamka.

Waxaa qodobka labaad uu yahay in la sameeyaa isla xisaabtan dhab ah oo ku aadan qaabka loo bixinayo lacagaha kala duwan ee kasoo xarootay ummada Soomaaliyeed, iyadoo lasoo bandhigayo xitaa lacagaha ku baxa gaadiidka ay adeegsanayaan gudiga gurmadka abaaraha.

Waxay taasi dhalin doontaa is aaminaad tii ugu weyneyd oo ay isku qaadaan dadka looa deegayo iyo dadka adeegayaba.

Sida ka dhacday gobolka Shabeelaha Hoose gaar ahaan magaalada Marko, waxaa xabsiga la dhigay masuuliyiin lagu tuhmay inay musuq maasuq ku sameeyeen kumanaan doolar oo loogu talo galay dadka ku dhibaateysan gobolka Shabeelaha Hoose.

Arintaasi ayaa waxay abuurtay dhiiranaan kale oo shacabka Soomaaliyeed ay ku dhiiran karaan inay lacagahooda ku amaaneysan karaan dadka masuuliyiinta u haya, haddii sidaasi loola xisaabtamayo.

Dowladda madaxweyne Farmaajo waxaa horyaala wax ka qabashada musuq maasuqa baahay eek a jira gobolada dalka Soomaaliya.

Caasimada Online
Xafiiska Muqdisho
[email protected]

Muqdisho (Caasimada Online) – Qarax culus ayaa goordhow ka dhacay degmada Xamar weyne gaar ahaan agagaarka Masaajidka Marwaaz.

Qaraxaasi ayaa la sheegay inuu ku dhaawacmay mid ka mid ah Shaqaalaha Universal TV oo lagu magacaabo C/xamiid Karazaay oo la sheegay inuu soo gaaray dhaawac culus.

Weriyaha dhaawacmay ayaa ahaa Sawir qaade ka tirsan Qeybta Tifaftirka Muuqaalladda ee Xafiiska Telefishinka Universal ee Muqdisho.

Qaraxa ayaa waxaa sidoo kale ku dhaawacmay ilaa Seddex ruux oo ku sugnaa goobta kuwaa oo xiliga Qaraxa ku dhawaad gaariga.

Qaraxa kadib sida caadaduba aheyd waxaa goobta gaaray Ciidamada dowladda waxaana ay goobta ka qaadeen dhaawaca Cabdixamiid iyo sidoo kale labo qof oo kale.

Qaraxaani ayaa daba socda Qaraxyo dhowr ah oo maalmihii ugu danbeeyay lala eeganaayay Shaqaalaha iyo dadka shacabka oo loogu xiraayay gaariga.