Muuqaalka Maanta aan idiin soo gudbineeyno waa mid marka aad aragto aad aad ugu farxeeyso waa Dhalinyaro la musliminaayo oo aad ugu faraxsan Diinta suuban ay soo galayaan ee Islaamka ah.
Hadaba Daawo waa arin lagu farxo una baahan in aan kawada qeyb qaadano baahinta diinteena marka aad daawato Takbiirta saddex jeer ku dhawaaq alle haka abaal mariyee.
HALKAAN RIIX SI AAD U DAAWATO:
Muqdisho (Caasimada Online) Marka aad tagtid xarumaha dowladda ama aad ka qaybgashid shirarka jaraa’id oo ay qabtaan madaxda dowladda, waxaad arkeysaa hab dhaqan aad u xun oo ay ku kacayaan ilaalada madaxda dowladda.
Laga bilaabo ilaalada madaxweynaha, ra’iisal wasaaraha iyo guddoomiyaha golaha baarlamaanka, waxa ay isla wadaagaan dhaqan aad u xun oo aysan xitaa ku dhaqmin ilaalada wafduuda caalamiga ee timaada dalka.
Tusaale, marka uu madaxweynaha Soomaaliya Xasan Sheekh Maxamuud uu shir jaraa’id ku qabanaayo xarunta Villa Somalia ama meelaha uu booqanayo, waxaa dhacda in baabuurka lagu wado isaga ay la socdaan illaa afar ama shan baabuur oo kale oo ay saaran yihiin ilaalada gaarka ah ee madaxweynaha.
Waxa ay sameeyaan iyagoo socda baabuurka yey orday iyo qababac iyo xoog ku fuulaan waxaana moodaa in ay yihiin maleeshiyaad ku sugan goob colaadeed, waxa intaas u dheer baabuurta si waalan ayaa loo wadaa oo aad is lee dahay darwalka baabuurka ma cabsan yahay tolow!!!
Waxaan ka mid ahaa raxan wariyaal ah oo ka qaybgalay shir jaraa’id oo ka dhacayay Villa Somalia, waxa inta uusan shirka qabsoomin dhacday in ra’iisal wasaaraha xukuumadda Cabdi Faarax Shirdoon Saacid oo ka soo baxay kulanka, kuna sii jeeda aqalkiisa, ilaaladiisa gaarka ah ay sameeyeen is-waal iyo in baabuurta si xowli ah loo wado.
Waxan anniga iyo koox wariyaal ah is weydiinay maxaa ku kalifay in sidan oo dhan isku waalaan ilaalada ra’iisal wasaaraha, maadama ay ku jiraan meel ammaan ah, isla markaana uu baabuurka la socdo ra’iisal wasaaraha.
Mid ka mid ah wariyaashii aan isla joognay oo ka socday Al-Jazeera ayaa igu yiri waa dhaqan ay lee yihiin dhammaan ilaalada madaxda dowaldda, oo haddii aysan sida sameen waxa loo arkayaa ma shaqeyste aan waxbo tari hayn.
Markaas yaan ku iri waxa hadda shir jaraa’d qabtay danjire Agustine Mahiga oo ay la socdaan saraakiil badan oo ka socota midowga Africa, ilaalada la socota is-waal iyo baabuurka oo si xawaara ah loo wado ka muuqan ee maxaa meesha ka qaldan.
Wariya kale ayaa igu yiri, war kuwan waa kuwa sharci iyo nidaam soo arkay marka isku mid ma ahan dhallinyaradan waa kuwixii badan kood ahaa maleeshiyaadkii dhibka ku hayay magaalada oo ciidan laga dhigay.
Siddii u dhaqmaan ilaalada guddoomiyaha golaha baarlamaanka Maxamed Cusmaan Jawaari?
Waxbo kama duwan kuwa aan ka soo sheekeenay ilaalada guddoomiyaha baarlamaanka, marka uu immaanayo kal fadhiyada golaha baarlamaanka, waxa la socda dhowr ilaalo ah, kuwaasoo inta uusan baabuurka ka soo dagin meelaha odar isla markiina difaac gala, Malaha waxaad moodaa kuwa dagaal ku jira, waxa intaas dheer si hal-haleel ah ama xoog ayaa lagu galiyaa xarunta baarlamaanka, isagoo xitaa salaamin dadka meesha jooga ama waardiyaha irida ayuu orad ku gala.
Dhibaatada ay ku qabaan Saxaafadda ilaalada madaxda dowladda.
Suxufiyiinta ka howlgasha Muqdisho dhibaato wayn yey ku qabaan madaxda dowladda, waxa ay ku dhibaan meelaha ay joogaan madaxda dowladda in si fudud ay howshooda u gutaan, waxa ay is hortaagaan kaamirada ama iyaga ayaa buuq galiya wariyaasha codadka ka duubanaya shirka jaraa’id
Waxa kaloo wariyaasha ay soo maraan dhowr jid gooyooyin oo yaalla xarumaha madaxda dowladda kuwaasoo si weyn la isku soo baaro, intaas la isugu ma turo ee waxaaba sii dheer in lagu marsiiyo mashiino wax baaro.
Waxa kaloo dhacda in wariyaasha loo sheego shir jaraa’id oo ay qabanayaan madaxda dowladda, markii ay yimaadaan ayaa wariyaasha waxa ay goobta joogaan dhowr saacadood oo aad u badan, taasna ay keento in shaqooyin badan oo ay qabsan lahaayeen ay meesha ku xayiranto.
Marka qaar waxaaba dhacda in iyagoo joogay goobta dhowrkaas saac la yiraahdo iska baxa shir jaraa’id ma jiro.
Waxa kastoo wariyaasha marka uu shirka jaraa’id uu qabto loo sheegaa in wax su’aalo ah aysan jirin oo ay iska baxaan, warkana ay qaataan.
Waxa kaloo aan ku arkay xarumaha madaxda, marka ay shirka jaraa’id qabtaan wafuuda caalamiga ah, in wariyaal badan aan loo sheegin magaca ama xilka uu hayo shaqsiga shirka jaraa’id qabtay taasna dhib ay ku noqoto wariyaasha.
Caasimada Online
Xafiiska Wararka Nairobi
Maamulka Shabakada Balcad.com waxuu ku wargelinayaa Aqristayaasha Shabakada Balcad.com in hawada mar kale ay dib ugu soo noqotay Shabakadaasi kadib Cilado heestay iyo Server cusub ay u guuraysay kadib.
Hadaba Booqo Shabakada Balcad.com oo Warar Deg Deg ah aad ka heleeyso 24 saac.
Muqdisho (Caasimada Online) – Wasiirka gaashaandhiga Somalia Cabdixaiim Maxamuud Fiqi, ayaa sheegay in burcad badeeda dalka Somalia ay taageero ka helaan dalal shisheeye, oo isku dayaya inay qaribaan ammaanka iyo xasiloonida dalka ku yaalla geeska Africa.
Isaga oo la hadlayay wakaaladda wararka Iran ee FNA, ayaa Fiqi waxa uu sidoo kale tilmaamay xiriir ka dhaxeeya burcad badeedda iyo kooxda Al-Qacida.
“Waa macquul taas…waana ay caddahay in kooxaha burcad badeeda ay maal geliyaan kooxo iyo dowaldo shisheeye, oo isku dayaya inay wiiqaan nabadda iyo xisiloonida Somalia, ayaga oo doonaya inay ka taajiraan afduubka doomaha maraya biyaha Somalia” ayuu yiri Fiqi.
Wasiirka ayaa carabka ku adkeeyay in Dowladda Somalia ay mucaaradsan tahay burcad badeednimada, waxaana uu intaas ku daray in Muqdisho ay ku tala jirto inay xoojiso ciidamadeeda badda, si looga hortago shufto badeedda.
Fiqi ayaa ugu baaqay beesha caalamka inay taageerto dhismaha ciidamada badda Somalia, taasi oo qeyb ka ah qorshaha lagu dhameyanayo burcad badeedda gobolka.
Xafiiska Wararka Caasimada Online
Muqdisho, Somalia
Hambalyo-Dhalasho
Ayeeyo Khadiijo Xaaji Cabdoow Cumar
Hooyo Saynab Maxamed Ducaale
C/maalik Cali Naasir
C/Casiis Cali Naasir
C/wahaab Cali Naasir
Qadan Cali Naasir
Farduus Cali Naasir
Jamaad Cali Naasir
Shaafici Cabdi
Bashiir Axmed
Maxamed Jaamac
Mukhtaar Cali
Xirsi C/laahi
C/naasir Maxamuud Cumar
Zamzam Yuusuf Nuur
Ardo Maxamed Cali
Farxiyo Aadan
Faa’iso Ibraahin Isxaaq
Deeqo Ibraahin Isxaaq
C/fitaax Ibraahin Isxaaq
Deeqo Maxamed Xasan
Ayaan Aadan Cali
Aamino Maxamuud Axmed Garweyne
Fartuun Cali Cabdi
Dhamaan asaxaabtaasi oo kala jooga Soomaaliya iyo Maraykanka waxay hambalyo leeyihiin Jaamac Cali Naasir iyo Xaaskiisa Faa’iso Muuse Cali oo uu 04/01/2013 wiil ugu dhashay Minneapolis ee Dalka maraykanka, Wiilkaasi Waxaa loogu wanqalay Maxamed Jaamac Cali Naasir, soo barbaar ayay leeyihiin, noqo kii Dalkiisa, dadkiisa iyo Diintiisaba anfaca. Aamiin
Muqdisho (Caasimada Online) – Dowladda Somalia ayaa war-saxaafadeed ay soo saartay ku sheegtay inay diyaar u tahay inay dalka dib ugo soo celiso dhammaan muwaadiniinteeda kala jooga caalamka, ayada oo ammaanka dalka uu soo hagaagayo.
Dowladda wax ay si gaar ah u sheegtay dadka qaxootiga ah ee ku dhibaateysan meelo ay Kenya ugu horeyso, oo dhowaan amarro adag lagu soo rogay.
Dowladda Somalia waxa ay sheegtay in xaaladda dalka ay sii hor mareyso.
“Wax soo saarka cuntada ayaa lagu wadaa inuu sare u kaco, dhammaadka sanadkan, waxaana jira xaalado muujinaya in wax soo saarka beeraha ee gobollo badan uu sare u kici doono” ayaa lagu yiri bayaanka Dowladda Somalia.
Dowladda Somalia waxa kale oo ay sheegtay inay horumarisay xaaladda ammaanka ee dalka, taasi oo ogolaan doonta in hay’ado badan oo gar gaar oo caalami ah ay dadka caawiyaan.
Xaaladda sii hor mareysa ee Somalia ayay tiri Dowladda, ayaa sidoo kale hay’adaha Qaramada Midoobe ee UNICEF iyo WHO iyo kuwa la saaxiibka ah u ogolaatay inay caafimaad la gaaraan kuwa ugu beylahan shacabka ee haweenka iyo caruurta.
Dowladda Somalia ayaa bayaankeeda kusoo geba gebeysay in dhammaan xaaladahaas wanaagsan ee dalka iminka kasii hormaraya ay ogolaan doonto in shacabka Soomaaliyeed ay dalkooda dib ugu soo laabtaan, ayna ugu yeereyso sidan.
Xafiiska Warar Caasimada Online
Muqdisho, Somalia
Boosaaso (Caasimada Online) Madaxweynaha Maamulka Puntland Cabdiraxmaan Sheekh Mamamuud Faroole ayaa ka hadlay xaflad xaley ka dhacday magaalada Boosaaso oo lagu dabaal dagayay sannad guuradii afaraad ee ka soo wareegtay markii la dhisay maamulkiisa ayaa ka hadlay arrimo badan.
Madaxweynaha ayaa sheegay in afartii sano ee la soo dhaafay ay qabteen waxyaabo fara badan oo ah xagga horrumarka.
Madaxweynaha ayaa sheegay muddadaas in ay wax badan ka qabeen arrimaha ammaanka. Siyaasadda, la dagaalanka burcad-badeeda iyo ballaarinta maamulkiisa.
“Waxqabadkii muddii afarta sano ee aan jirnay waxa ay ahayd afar sano oo howl badan waxaad ogtihiin meesha aan wax ka billownay, haddii laga eego xagga amniga, dhaqaalaha, xagga wax qabadka hey’addaha caalamiga ah ee Soomaaliya ku tiirsan tahay waqtiga xaadirka oo aysan isku filneen, haddii laga eego adeegga bulshadda,
Wuxuu sii hadlay “ Waxa aan xafiiska la wareegnay iyadoo magaalada Boosaaso amnigeeda uu aad u liito oo aron karo wax badan ayaa laga qabtay, bishii October 2008-dii waad ogtihiin qaraxyadii ka dhacay waxana la wareegnayo deeganno badan” ayuu yiri Faroole.
Madaxweynaha ayaa sidoo kale sheegay in horrumarka uu gaaray maamulkiisa uu ka mid yahay dastuur u sameenta Soomaaliya in ku-meel-gaarka laga baxo.
“Dowladda Fedaraalka Soomaaliya siddii ay uga bixi lahayd ku-meel-gaarnimada waan is qabanay, laakin aaqirkii waxa ay noqotay in aan wadashaqeyno oo wixii ragga qaar ay halakan ka sheegeen aan meel marino Puntland ayaa hormuud u ahayd waxana ay ka dhacday gudaha Puntland iyadoo meel kale lagu qaban waayay oo Soomaaliya ah” ayuu yiri markale Faroole.
Madaxweynaha ayaa sidoo kale daaha ka qaaday in maamulkiisa uu xilka u dhiman yahay muddo hal sano oo dheeri ah, taasoo u oggalaanaayo dastuurka Puntland.
Madaxweynaha ayaa dhaleeceeyay dad uu ugu yeeray in ay yihiin qaswadayaal doonaya in ay la burburiyo maamulka Puntland.
Si kastaba, hadalka madaxweynaha Faroole ayaa ku soo beegmaya iyadoo muddada loogu talagalay in uu xafiiska hayo ay ku ekeed shaley oo bisha January ahayd 8-da 2013-ka.
Ammaanka magaalooyinka Puntland ayaa la adkeyay waxana meel kasta la dhigay ciidamo badan oo ammaanka suga.
Caasimada Online
Xafiiska Wararka Boosaaso
Muuqaalka Maanta waxaa idiin soo gudbineynaa Kaamirada Qarsoon ee ugu halista badan sanadka cusub 2013 kaas oo aduunka ka yaabsaday Barnaamij kooban oolaga diyaariyay.
Hadaba Aqristoow Daawo Muuqaalkaan adaa yaabi doono qaabka Kamirada Qarsoon ay u soo qabaneyso Dad si qarsoodi ah loo tooganaya.
HALKAAN RIIX SI AAD U DAAWATO VIDEO-GAN:
Muqdisho (Caasimada Online) Maxkamada Sare ee dalka ayaa maanta oo Talaado ah waxa ay shaqada ka ceyrisay seddax garsoore oo ka tirsan maxkamadda racfaanka, kuwaasoo lagu helay in ay ka dambeeyeen sii deeynta nin lagu xukumay 30-sano oo xarig ah.
Guddoomiyaha maxkamadda sare Ceydiid Cabdulaahi Ilkaxanaf ayaa saxaafadda u sheegay in ninka la sii daayay uu ka dambeeyay dilka labo shaqaale oo ajaaniib ah oo ka tirsanaa hey’adda MSF kuwaasoo la dilay sannadkii 2011-ka.
“ Waxa jirtay in nin la shaqeen jiray hey’adda MSF ee magaalada Muqdisho kaasoo loo qabtay dilka labo dhaqtar oo u kala dhashay Belgium iyo Indonesia oo lagu dilay xaafada Buulo-xuubeey ee degmada Wadajir ee magaalada Muqdisho.
“Ninkan ayaa sheegay in uu qirtay dilka labada shaqaalaha oo bastooladii iyo wixii uu ku dilay la soo qabtay ayaa lagu qabtay, maxkamadda gobalka ayaa la geeyay, dacwadiina maxkamadda gobalka ayaa qaaday dacwadda waxa ay ku xukuntay ninkii 30-sano oo xarig ah iyo ganaax lacageed oo aad u badan.
“Racfaan buu ka qaatay markaas ninkii, racfaankii garsoorayaal seddax ah ayaa dacwada racfaanka galay, markiina waxa garsoorayaasha amreen in la sii daayo ninka, oo xabsiga laga sii daayo waliba sida ugu dhaqsiyaha badan, ninkii wuu tagay isla maalintiiba waa uu baxsaday, waxana aan oggaanay in uu galay Guriceel.”
Wuxuu intaas ku daray guddoomiyaha maxkamadda sare in MSF shaqaalihii ka joogay Guriceel ay isaga baxeen magaalada Guriceel markii ay oggaadeen in ninka uu soo galay halkaas,waxan markii dambe ay ka baxeen dhammaan gobalada dhexe oo dhan.
Marka waxa soo baxday in isbitaaladii MSF ay joogeen in ay soo baxeen dhaqtar la’aan iyo dawo la’aan toona, marka annaga ayaa galnay kulan oo ah guddiga adeegga sare ee garsoorka uu ugu weyn yahay guddoomiyaha maxkamadda sare, waana fadhiisanay.
Marka wuxuu sheegay in ay u soo baxday waxa uusan xaq u lahayn garsoorka in ay meesha ka soo baxeen markiiba xukun ayaa ku dhacay seddaxda garsoor ayuu yiri Ilka xanaf.
Ma ahan wax ku cusub arrimahan Soomaaliya, waayo dhowr jeer ayey dhaceen iyadoo nin la xukumay la sii daayo ama lagu helo dambi culus, waxana door ku leh arrimahaas hey’addaha dowladda, gaar ahaan kuwa ciidanka ama maxkamaddaha dalka.
Caasimada Online
Xafiiska Wararka Muqdisho
Roma (Caasimada Online) Wafdi ay hooggaamineyso ra’iisal wasaare ku xigeenka ahna wasiirka arrimaha dibedda Soomaaliya Marwo Fowsiyo Yuusuf Xaaji Aadan ayaa maanta oo Talaado ah booqday saxaafaradda Soomaaliya ay ku lee dahay magaalada Roma ee dalka Talyaaniga.
Wasiirka iyo wafdigeeda ayaa soo booqatay xarunta safaaradda iyo dhammaan qolalka ku yaalla, halkaas oo ay kula kulantay danjiraha Soomaaliya u fadhiya dalkaas iyo midowga Yurub Nuur Xuseen Nuur Cadde.
Waxa kaloo wasiiradda ay kulan la qaadatay jaaliyadda Soomaalida ee ku dhaqan Roma, iyadoona kala hadashay siddii wax loogu qaban lahaa dalka, iyo in laga shaqeeyo in Soomaalida ku dhaqan dalkaas ay u noqon lahaayeen kuwa isku xiran.
Wasiirkadda ayaa sidoo kale sheegtay in dowladda Talyaaniga ay kala hadashay siddii dadka Soomaalida ee ku nool Talyaaniga loo oggaan lahaa oo aan la dhibaateen.
Wasiiradda oo socdaalo hadda ku maraysa Yurub ayaa shaley la kulantay dhiggeeda dalka Tanyaaniga Giulio Terzi.
Kulanka labada Wasiir oo qaatay saacado dhowr ah ayaa waxa ay ku gorfeeyeen arrimo ay ka mid tahay adkeynta xiriirka labada dal Soomaaliya iyo Talyaaniga, iskaashiga dhinacyada horrumarinta, sida nabadgalyada, waxbarashada iyo Beeraha.
Waa markii ugu horreysay ee ra’iisal wasaare ku xigeenka ahna wasiirka arrimaha dibedda Soomaaliya ay booqato dalka Talyaaniga.
Wasiiradda ayaa horrey u soo booqatay dalka Ingiriiska, gaar ahaan magaalada London halkaasoo ay kula kulantay dhiggeeda dalkaas William Hague.
Caasimada Online
Xafiiska Wararka Roma
Ciidamo badan oo ka socda dowlada dalka Ethiopia oo maalintii shalay gaaray magaalada Garbahaarey ee gobolka Gedo ayaa maanta fariisimo ka sameystay garoonka diyaaradaha ee magaaladaasi.
Dadka deegaanka ayaa Caasimada Online u sheegay in ciidamadaasi ay yihiin kuwo aad u badan islamarkaana ku hubeysan gaadiidka dagaalka.
Ciidamadaan ayaa gelinkii hore ee shalay gaaray degmadaasi Garbahaarey,waxaana maanta sidoo kale ay fariisin ka dhigteen duleedka degmadaasi garbahaarey.
Dhanka kale warar hoose oo aan helayso ayaa sheegaya in diyaarad kasoo dagatay dowlada garoonka Garbahaarey ay maanta ka qaaday degmadaasi dhaawacyada ciidamo isugu jiro Ethiopian iyo Soomaaliya kuwaasi oo ku waxyeeloobay dagaaladii ugu dambeeyay ee ka dhacay gobolka.
Ma jiro wax faahfaahin intaasi sii dhaafsiisan,mana jiro wax war ah oo kasoo baxay maamulka gobolka iyo kan Degmada.
Nairobi (Caasimada Online) – Wasiirka difaaca Kenya ayaa qaaday tallaabo muhim ah oo ka farxisay Soomaalida ku nool xaafadad Islii ee magaalada Nairobi.
Yuusuf Xaji iyo Sidoo kale xildhibaan ka tirsan Baarlamanka Kenya Maxamed Cilmi, ayaa dalbaday inay si deg deg loo baddalo dhammaan saraakiisha booliiska ee ku lug lahaa howl galkii lagu xir xiray Soomaali badan oo degan Islii, oo la sheegay in lagu tuhmayo aragagixisanimo.
Labada wasiir ayaa ku eedeeyay saraakiisha xad gudub iyo dhib xoogan oo ay u geysteen Soomaalida.
“Sababta kaliya ee aan illaa iyo hadda wasiir u ahay waa ayada oo Baarlamanka dhowaan kala tagi doono, ma ahan’e goor hore ayaan is casili lahaa, si aan ugu muujino dowladda in nala yaasay” ayuu yiri Yuusuf Xaaji, oo aad u careysan.
“Waxaan u sheegeynaa Kormeeraha guud ee Booliska in aanu u dul qaadan doonin dhibka ay ciidankiisa ku hayaan dadkeena” ayuu ku daray.
Xubno ka tirsan Ganacsatada Soomaalida Islii oo uu ugu horeeyo guddoomiye Xasan Guuleed, ayaa horey ugu eedeeyay booliska arrimo ay ka mid yihiin lacag xatooyo iyo bililiqo.
Xafiiska Wararka Caasimada Online
Nairobi, Kenya
Caasimada Online is a reputable and reliable source of news and information on Somalia. As the largest Somali news site, we are dedicated to providing our readers with accurate and up-to-date coverage of the country's politics, society, and culture. Founded in 2009 by a Somali-American journalist, Caasimada Online is owned by Caasimada Media Group and headquartered in Mogadishu. In addition to keeping our readers informed, we strive to promote democracy in Somalia. If you have any questions or comments, please don't hesitate to contact us at [email protected]
Important Links
Trending
Social Media
© Caasimada Online 2012 | All Rights Reserved
