AC Milan ayaa lasoo saxiixan karta bisha Janaayo da’yarka kooxda Borussia Monchengladbach Granit Xhaka, sida ay tebinayaan saxaafada dalka Talyaanigu.

Ciyaaryahankii hore ee kooxda Basel ayaa xaagaga heshiis ay lasoo saxiixatay kooxda Jarmalka ka dhisan, laakiin Tutto Mercato Web ayaa rumeysan in Rossoneri ay 20 jirkaan keensaneyso marka uu furmo suuqa kala iibsiga ciyaartoyda.

Ciyaaryahanka heerka caalami ee dalka Switzerland, ayaa saftay sideed kulan oo Bundesliga ah wuxuuna dhaliyey hal gool.

Dalabka ayaa laga yaabaa inuu ku dhowaad ahaado 15 milyan oo euro oo ay Monchengladbach xiiseyneyso, laakiin kooxda Massimiliano Allegri waxay wa xoogaa loolan ah kala kulmeysaa Lazio oo iyana rabta saxiixa xidigaan qadka dhexe.

W/Q: Ahmed Jaangoan

E-mail: [email protected]

Caasimada — Somalia.

Kabtankii hore ee xulka England David Beckham ayaa ka tegi doona kooxda ka dhisan Mareynkanka ee LA Galaxy ka dib Finalka MLS Cup laakiin wuxuu ka dhawaajiyey inuu sii wadan doono xirfadiisa ciyaareed.

37 jirkaan ayaa yiri: “Waxaan LA Galaxy usoo ciyaaray waqti ii gaar ah, si kastaba, waxaan doonayaa inaan khibrad usoo yeesho hal horyaal oo kale ka hor inta aanan soo afjarin xirfadeyda kubada cagta.

“Ma u arko tani inay tahay dhamaadka xiriirkii aan la lahaa Horyaalka (MLS) iyadoo uu dareenkeygu yahay inaan ka mid noqdo mustaqbalka milkiilayaasha maamula.”

Wararka xanta ah ayaa waayadaan dhow sheegayey in Beckham uu kusii jeedo horyaalka dalka Australia ee loo yaqaan A-League.

Ciyaaryahankii hore Manchester United iyo Real Madrid ayaa ciyaari doona kulankiisa kama dambeysta ah 1da December Finalka koobka MLS Cup, oo ay kooxdiisa LA Galaxy gurigeeda Depot Center kula ciyaari doonto Houston Dynamo.

Beckham ayaa 115 kulan u saftay xulkiisa England, wuxuuna lix horyaal la qaaday Manchester United intii uu ciyaarayey Premier League-ga halka uu Real guulo kula gaaray Spain.

W/Q: Ahmed Jaangoan

E-mail: [email protected]

Caasimada — Somalia.

Dowlada Kenya ayaa wacad kumartay inay talaabo ka qaadi doonto Ciidamadooda oo xad gudub ka gaystay magaalada Gaarisa ee Gobolka Waqooyin bari.

Ciidamada Kenya ayaa si ula kac ah waxaa ay beegsadeen dadka Soomaalida ee dagan Gaarisa kuwaa oo iska celiyay dad Kenya ah oo ku soo duulay si ay u dilaan.

Kadib markii Shalay Gaarisa lagu beegsaday Sadax Askari oo Kenya ah ayaa gadood ay sameeyeen dadka Kenya waxaa ay dagaal ku qaadeen Soomaalida halkaas kunool kaas oo ka dhashay dhaawac 50 kor u dhaafaya.

Ciidamada Kenya oo rabay inay kala qaadan dhinacyada dagaalaya ayaa waxaa ay jirdileen kaliya dadka Soomaalida ah.

Yuusf Xaaji oo kamid ah Baarlamanka Kenya ayaa  daboolka ka qaaday inay talaabo ka qaadi doonaan Ciidamada Xasuuqa gaystay maadama ay jibiyeen Sharciga u yaalay Dowlada.

Guddoomiyaha gobolka Banaadir ahna duqa magaalada Muqdisho Maxamuud Axmed Nuur Tarsan ayaa dacwad ka dhan ah Idaacadda Shabelle u gudbiyay xeer ilaaliyaha Guud ee qaranka.

Tarsan ayaa Shabelle ku eedeeyay arrimo ay ka mid yihiin, faafinta warar been abuur ah oo horseedi kara colaad, dhaleeceyn joogto oo ka dhan ah madaxda qaranka iyo iska horkeyn madaxad Soomaalida.

Caasimada Online ayaa heshay nuqul ka mid ah dacwadda Tarsan oo ka kooban laba bog.

Tababaraha naadiga heerka koowaad ee dalka Uganda SC Victoria, Sam Ssimbwa ayaa loo magacaabay macallinka xulka Somalia ee ka qeyb galaya koobka Bariga iyo Bartamaha Africa ee Cecafa Tusker Challenge Cup.

Sida lagu qoray website-ka kooxdaas, Sam Ssimbwa ayaa qanadaraas laba toddobaad ah la galay Xiriirka kubadda cagta Somalia, si uu u leeliyo xulka inta uu socda Koobka oo billaabanaya dhammaadka toddobaadkan socon doonana illaa 8-da December.

“Waxaan ku faraxsanahay in kooxdeyda ay ii ogolaatay inaan helo fursaddan” ayuu yiri Ssimbwa, waxaana uu intaas ku daray “Waxa ay tani muujineysa sida ay kooxda u taageersan tahay kororka aqoonteeda”.

“Waa sharaf ii soo hoyatay inaan tababaro xul qaran markii ugu horeysay. Somalia waxaa laga yaabaa inaysan heysan fursad ay ku hanato koobka, laakiin waxa ay heysataa fursad ay ku muujiso kubbad wanaagsan”.

“Waxaa bartilmaameedkeegu uu yahay inaan gaarno sideed dambeedka (Quarter Final” ayuu sii raaciyay.

Xulka Somalia oo lagu naaneeso xiddiga badweynta (The Ocean Stars) ayaa ahaa kuwii ugu horeeyay ee gaaray dalka Uganda, oo uu koobka ka furmi doono, waxaana ay degan yihiin hotelka Namboole Sports Hotel ee magaalada Kampala.

Illaa iyo hadda ma cadda waxa loola jeedo tallaabada xiriirka uu qaaday, waayo waxaa horey xulka Somalia ula socda macalin Cabdi Farax Cali Geelle iyo kaaliyihiisa Cabdi Isak Maxamed.

Xulka Somalia ayaa waxa ay isku group yihiin dalalka Tanzania, Sudan iyo Burundi, waxaana kullanka ugu horeeya ay 25-ka bishan la cayaari doonaan Burundi.

Sidee ayay kula tahay aqriste in xulka Somalia loo magacaabo tababare ajnabi ah, mase is leedahay wax uusan keeni karin Macallin Gelle ayuu kusoo kordhin karaa. Ka dhiibo fikirkaaga.

W/Q: Axmed Cali Sheikh

Tifaftiraha Caasimada Online

www.facebook.com/alaxmed  

Is qab qabsiga Puntland waa mid waqti ku astaysan iyadoo mudadii Puntland ay jirtay is qabsigu uu ahaa xiliga doorashada sida uu ka markhaati kacayo Madexweyne ku xigeen kii horey ee Puntland Mr gaagaab: (waxaa la joogaa xiligii wareerka marka ninkasta gurigiisa haku wareero) wuxuuna ula  jeeday “xiliga doorashada la isma fahmo cid walbaana iyadaa isla quman marka hala kala nasto”.

Waxaa markhaati  loo ahaa  C/laahi Yuusuf Axmed alle ha u naxariistee oo markii la gaaray wakhtigii doorashada koror siimo la yimid halkii laga sugayey doorasho waxay dadku xasuusan yihiin hala qabto doorasho iyo waqtigeeda lama joogo taasi oo keentay dagaalkii Madaxweyne C/laahi Yuusuf iyo Jaamac Cali Jaamac oo salka ku hayey xil kororsi hab muquunis u muuqday , si kastaba ha ahaatee dagaalkaasi  waxa uu sababay inuu meesha uu ka baxo C/laahi Yuusuf inkastoo uu mar dambe soo rogaal celiyey C/laahi yuusuf wuxuuna siyaasad ahaan adeegsanayey qabaa’il iyo siyaasiyiin badan kuwaas oo uu taageero gaar ah ka helay. Qabiilada ugu taageerada badnaa waxaa kamid ahaa:- Beelaha Dhulbahante iyo Reer Biciid yahan oo kamid ah jifi ka tirsan Beesha Majeerteen.

Wuxuu ku jiray C/laahi dagaal isagoo adeegsanaya awood wuxuuna khasab ku muquuriyey qabaa’ilkii shafka u tumayey ee inta badan mucaaradka ku ahaa sida Beelaha Cismaan Maxamuud iyo Cali Saleebaan inkastoo guusha ay ku hor martay xagii mucaaradka hasa yeeshee waxaa C/laahi u suurta gashay inuu kusoo noqdo madax tinimada Puntland. C/laahi Yuusuf wakhtigaasi kadib waxaa u hirgalay hadafkiisii ahaa inuu Puntland uga sii godbo Soomaaliya.

Puntland markaas kadib xaalad cusub ayey gashay Maxamed Cabdi Xaashi ayaa isna sanad hayey inkastoo ay ka hor yimaadeen mucaarad aan sidaa u xoog badnayn waxaa kasoo horjeestay Faroole oo markaa ahaa wasiirkii qorsheynta iyo xiriirka caalimiga iskagaana meesha ka baxay.

Sanad kadib ina Cabdi Xaashi waxaa kala wareegay xilka doorasho kadib Jeneral Maxamuud Muuse Xirsi (Cadde), jenanku inkastoo isku dayey inuu xilka kororsado uma aysan suurta galin waxaana ka diiday wakhtiga iyo waayaha kuna khasbay inuu qabto doorasho.

General Cadde oo jeclaa nabadda siyaasadiisuna ay ahayd mid qabow qosol iyo shactiro wadatay waxaana Puntland looga yaqaanay (Ajex), hasa yeeshee waxaa khasbay mucaarad ama musharixiin xiligaasi u tar tamayey jagada madaxtinimo, Maamul xumo iyo musuq  baahsan ayaana hareeyey xafiisyada dowladda taasna way gayeysiin waysay in Cadde uu ku dhiirado xil kororsi oo golaha wasiirada horyaaley.

Intaa kadib waxaa la doortay mid kamid ah mucaaradkii is bedel doonka ahaa kana faa’iidaystay dal duleeladii Cadde Muuse. Dr.C/raxman Sh.Maxaed Faroole oo markii ugu horaysaba daboolay labo kamid ah saddexdii qodob ee uu Cadde ku dhiiran waayey xil kororsiga midi waa maamul xumo oo ay ugu wayneyd wasiiradiisii oo ku biiray mucaaradka.

Faroolase wuxuu u sheegay golaha in ay isaga shaqaalo u yihiin marna uu san ogolaanayn in ay is bar bar yaacaan, taasna waxay fududaysay inuu meesha atoore ka ahaado Madaxweyne Faroole. Tan kale musuqa xafiisyada dowladda ka jiray oo uu la dagaalamay kuna khasbay inay lacagta hal meel ku dhacdo hal meelna laga xukumo baddalka taasna mushaharaad bixiyo si uusan u imaan musuq maasuq oo dilooday dowladdii ka horaysay.

Runtii waa labo qodob oo muhiim ah dadka buun buuniya wax qabadka Faroole intaa ayey ku cel celiyaan,balse qodabkii saddexaad ee Cadde ka hor yimid inuu ka hadlo dib u dhegista doorasho waa tan mucaaradka inkastoo Faroole uu isku dayayey inuu ku qariyo wax qabadkiisa qodabkan balse way ku adkaan doontaa mar hore ayey ahayd in uu ka gaashanto. Sababt oo ah Madaxweyne  C/raxmaan Faroole wuxuu kas baday siyaasiyiinta kala duwan mucaaraddo qaarkood, waxaana taa sababtay markii uu Ina Cali Ciid ciidda cunsiiyey oo ahaa ninka kaliya ay isugu dhawaayeen Garaad C/laahi Cali Ciid wuxuu ahaa shakhsiyaadka guul wadayaasha Faroole aad uga ag dhawaa hadana la isma maqashiin karo sidaas iyo sika daran ayey uga firxanayeen oo malaheen awood siyaasadeed uu dadka ku kasbado. Sidoo kale waxaa caqabadku noqon doonta dad wax la weydiin jiray ayuu san wax weydiin soomaalidu waxay ku maah maahdaa (Nin aan talin jirin haduu taliyo ninaan tagi jirin ayaa taga) maah maahdaan laftirkeeda waxaa isticmaalay Islaan Ciise Islaan Maxamed oo ka hadlay ciidii soonfur barxadda Garoowe Faroolena waa uu fadhiyey Islaanku wuxuu yiri isagoo dadka niyadda u qaboojinaya (Nin aan wax xukumi jirin haduu wax xukumo nin aan tagi jirin ayaa taga, nin aan wax qaybin jirin haduu wax qaybiyada nin wax qaybin jiray ayaa taga)………………..

Faroole inkastoo uu isku dayey qodobkan inuu wax ka qabto balse waa uu kordhiyey mucaaradada masalan sanad ka hor taageerada uu haystay hoose ayey u dhacday 50%, si kastaba ha ahaate talaabooyinka uu isku dayayo Faroole:- Qaaciddo waxaa jirto ah “qaybiyoo xukun” hadii aad fahan san tihiin mucaaradka ugu muhiimsan waa kan laamiga saaran marka  Puntland la eegayo,hada isku qiima noqon maayaan isku sina looma wajihidoono  Ufayn, Casayr, Badhan oo laamiga ka baxsan iyo Carmo, Qardho,iyo Gaalkacyo  oo laamiga saaran waa kala xoog badan tahay mucaaradada waana juqaarifi ahaan, taasi waa mid oo miisaanka mucaaradka Faroole maha Casayr mana aha Isku shuban, Garacad iyo Jariiban oo dhamaan laamiga ka baxsan waxaa ugu muhiimsan Boosaaso oo dhaqaalaha kasoo baxayo, Qardho oo ah meesha Garowe wax u maraan iyo Gaalkacyo oo isku xirta koonfurta soomaaliya iyo Puntland.

Magaalada muhiimadeeda waxaa sii carinaya dadka daga hadii ay noqdaan dad xoogoodo muuqdo magaalada muhiimadeedu way kasii kordhaysaa oo dadka dagaa saamayn bay ku leedahay, hadii ay noqdaan kuwa carabka laalaadsha iyana waa lagu tumanayaa muhiimada magaaladuna wey ka baxaysaa meesha waana  lagala wareegayaa.

Dadka iyo magaalada hadii ay mucaarad noqdaan strategy-ga magaaladu hadii ay kaa hiiliso iyo dadka oo dhabarka kuu jeedaya waa laba hawl oo adag sidii aad uga baxdaana ay adag tahay, ma talan Al-Qaacida waxay galeen buuro waa weyn oo aan gaadiidku gaarayn iyo qarar marka caalamkii waa ku adkaatay inay si dhakhsi leh kaga takhalusaan, C/raxmaan Faroolena Qardho haddii ay mucaaradka u soo raacdo oo ah magaalo kala bar ku taal hadana ah waa meesha gaadiidka, lacagta, iyo sahaydubu ay u marayeen waa wax aad u adag haduusan dhexdooda kala jabin ka adkaantooduna ay fududaan. Si uu uga booda jarkaas wuxuu sameeyey Faroole:- Qardho waxay is fiirsi ka dhaxaysaa Carmo, Carmana Qardho waaka sii muhiimsan tahay oo Garoowe  sida Qardho ay mariin ugu tahay ayey Qardhana Carmo mariin ugu tahay, sidaas awgeed ayuu faroole uga faa’iidaystay oo wuxuu isticmaalay oraahdii ahayd (Cadowkaaga cadowkiisa waa saaxiibka) Carmo iyo Qardho waa isu deegaan marka la eego juquraafi ahaan oo waa tii waligood colaadu ay ka dhaxaysay waxaa la xasuusta dilkii C/rashiid Cali Sharmaarke allaha ha u naxariistee madexweynihii hore ee Soomaaliya (1967-1969) oo ahaa reer Qardhood waxaana dilay sida la sheegay wiil reer Qandalo ahaa ileen markaa Carmo ma aysan jirin.

Wuxuuna soo dhawaystay Faroole Beesha Carmo (Cali Saleebaan) si uu ugu duqeeyo Beesha Qardho (Cismaan Maxamuud), waxaana fursadahaas ka sokow uu Faroole soo dhawaystay mid kamid ah ilmo Faroole oo maamulka awood ku leh waxaana abti u ah Cali Saleebaan halkaana fursad ayaa ka jirta. C/raxmaan Faroole wuxuu wasiir ka dhigay wasiirka ugu muhiimsan marka Puntland la eego Beesha Cali Saleebaan wasiirka maaliyada Faarax Cali Dhalac, tusaale ahaan wasiirkii hore maaliyada Puntland Mr.Gaagaab iyo ku xigeenkiisii Mr.Alxaaji Bakiin labadoodaba waa niman Puntland madax kasoo ahaa weliba meel sare ka gaaray sida Gaagaab oo mar ahaa madaxweyne ku xigeen xaq buu ku leeyahay marka la eegayo nidaamka dowliga, Mr. Bakiin waa qab qablaha kaliya Boosaaso cid eegi kartaana majirto bil welibana mushahar ayuu u xaadiraa isaga iyo ilaaladiisa dadka ayuu dhuunta u galay waxaana ku dhaqaaleeya meesha Ilma Faroole sababto ah waa abti waana xulufo Faroole lana hadli karo, waxaa ka cawday dadka deeganka iyo qabiilo badan. Waxaana lagu amray in aan lala hadli karin halka Gaagaab cagta afka laga galiyey oo loo muujiyey cadaawad maha oo kaliya in laga jiray xuquuqda uu lahaa bal ka fakar sababtu maxay tahay?

Gunaanadkii waxaa fiican in caqliga laga shaqaysiiyo Puntland iyo Soomaaliya intuba waxay u baahan yihiin waa Leader (Maamule) ka dan qanaya dhibaysana dhibta dalka iyo dadkana kana fakara sidii uu u maarayn lahaa baahiyaha dalka ka Jira.

W/ Qoray Axmed Cabdi Gaare. 
Tell:- 0025224166248 
Email [email protected]

Afeef: Aragtida qoraalkan waxa ay ku gaar tahay qoraaga ku saxiixan

Wixii ka dambeeyay markii gaari dad Shacab ah ay saarnaayeen lagu qarxiyay Kenya ayaa waxaa ka soconaya dalkaas aargoosi ay wadaan dhalinyaro Kenya ah kuwaas oo la soo warinayo inay kufsadeen Ilaa Tobon gabdhood.

Culumaa’udiinka Soomaalida ee Kenya ayaa falkaas cambaareeyay ee lagu dhibaataynayo Soomaalida laguna kufsanayo gabdhahahooda.

Kulan ay yeesheen Culimadan ayaa waxaa ay ugu hadleen labo arin oo kala ah qaraxii gaariga dadka shacabka ay saarnaayeen iyo dhibaatada Soomaalida ay wajahayaan.

Sheekh Abuukar Jimcaale oo kamid ah Culumada kulanka yeeshay ayaa wax kabaxsan diinta Islaamka ku sheegay in la beegsado dad aan wax galabsan oo lagu qarxiyo gaari halka reer Kenya uu dhankooda ku cambaareeyay dhibaataynta dadka Soonaalida ah.

Ugu dambayn Culimadan ayaa waxaa ay dowlada Kenya ka codsadeen inay wax ka qabtaan joojin tacdiyada dadka Soomaalida lagu hayo.

Charlton Athletic ayaa la saxiixatay ciyaaryahanka qadka dhexe ee kooxda Arsenal Emmanuel Frimpong, waxayna ku qaadatay heshiis amaah ah oo ay ku heysaneyso ilaa 1ada Janaayo, sida uu qoray Wabsite-ka Euro Sport.

Frimpong, oo 20 jir ah, ayaa kasoo kabsaday dhaawac muddo dheer ah isagoo kasoo muuqday koobka Capital One Cup bishii September laakiin wuxuu ku guul darreystay inuu kasoo dhex iftiimo Premier League ama Champions League.

Hada wuxuu ku biiri doonaa Addicks waana markiisii labaad ee uu amaah uga baxo Arsenal, isagoo shan kulan usoo ciyaaray Wolverhampton Wanderers xilli ciyaareedkii hore ka hor inta uusan dhaawac jilibka ah soo gaarin bishii February.

“Xaqiiqdii aad ayaan ugu faraxsanahay inuu kusoo biiro kooxdeena, waana kusoo dhoweyneynaa kooxda,” ayuu yiri tababaraha kooxda Charlton Athletic Chris Powell.

“Mudo ayaan indhaha ku heynay, wuxuuna nagu soo fool leh mashquulka Ciidda Kirishtanka, waxaan dareemayaa inay wax saxan aheyd inaan lasoo wareegno dabool ayaase naga saarnaa.

“Waxaan u heysanaa inuu saxiixiisu wax fiican noo qaban doono waxaana fileynaa inuu xaalada Qatarta ah ama madow ka badbaadiyo Charlton.”

Frimpong ayaa kasoo baxay Akadeemiyada Gunners waxayna isku mar soo dalaceen Jack Wilshere 16 kulan ayuuna kooxda u saftay.

W/Q: Ahmed Jaangoan

E-mail: [email protected]

Caasimada — Somalia.

Iska hor Imaad u dhaxeeya Dad Soomaali ah iyo Kenya ayaa waxaa uu maanta ka dhacay Xaafada Islii ee ay dagaan Soomaalida.

Dhalinyaro reer Kenya oo ku hubaysan Baangada,Ulal iyo Waxyaabo kale ayaa waxaa ay weerar lama filaan ah waxaa ay ku qaadeen dad Soomaali ah kuwaas oo dhaawacyo halis uu soo gaaray.

Meelah ay weerareen Kenayaatiha waxaa kamid ah Xaafad Islii oo dad badan oo soomaali lagu galo iyadoo Soomaalida ay iska cabin Sameeyeen.

Goobaha Ganacsiga Xaafadaas ayaa albaabada loo laabay maanta Waxaana dalka meelkasta oo ay joogaan Soomaali iyo Kenya ay ku dagaalaan.

Cisbitaalada ku yaala dalkaas ayaa la sheegayaa in la dhigay dhaawacyada waxaana dhexgalay labada dhinac Ciidamada Kenya.

Arinta ayaa ka dambaysay kadib markii gaari ay saarnaayeen dad rayid ah uu qarax ka dhacay.

Roberto Mancini ayaa u sheegay ciyartoydiisa Manchester City inay si fiican u ciyaaraan marka ay wajahaan Real Madrid oo arbacada kusoo booqan doonta Etihad Stadium.

City uma muuqato koox usoo bixi karta wareega 16ka Champions League, laakiin ma doonayaan inay niyad xumo muujiyaan ka hor kulan los Blancos.

Mancini ayaa arkay kooxdiisa oo 5-0 ku garaaceysa Aston Villa sabtidii laakiin wuxuu u sheegay ciyaartoydiisa inay diirada saaraan kulanka kooxda heysata Horyaalka Spain.

“Run ahaantii si fiican ayey u ciyaareen natiijo fiicana wey keeneen laakiin taas waa inaan waxba loo tirin doonin marka aan wajahno Real [Madrid],” ayuu u sheegay The Daily Mail.

“Ma garanaayo hadii ay nagu filaan karto marka aan wajahno. Waa koox ka mid ah kooxaha ugu wanaagsan caalamka, hadii aan garaacnana waxay na siin doontaa bandhig dhab ah.

“Waxaan ku dhoweyn kulankii hore ee Madrid inaan 2-1 ku garaacno ka hor afar daqiiqo, laakiin tani ma ahan mid sahlan.

“Waa kulan ka duwan, hadii aan garaacno iyaga, waxaan isku caabin doonaa si fiican. Waxay heystaan sedax ama afar ciyaaryahan oo waqti walba ciyaarta go’aan ka gaari kara, waana inaan koox ahaan si adag u shaqeyno.”

W/Q: Ahmed Jaangoan

E-mail: [email protected]

Caasimada — Somalia.

Xarunta Golaha Shacabka waxaa maanta lagu dhaariyay Wasiiro Cusub iyadoo kuwa kalana ay xilka ka sii dagayaan.

Guddoomiyaha Maxkamada ciidamada qalabka sida ee Dowladda Soomaaliya ayaa dhaariyay wasiirka arimaha dibada iyadoo lagu dhaariyay xarunta Golaha shacabka ee Magaalada Muqdisho.

Wasiirada ayaa ku dhaaratay in dalkeeda iyo dadkeeda ay wax uqaban doonto islamarkaana xilka loo dhiibay aysan si gaar ah ugu tagri faleyn iyadoo ilaalinaysa Diinta islaamka iyo Dastuurka Dowladda.

Marwo Fowsiyo Yuusuf Xaaji Aadan ayaa shalay kasoo noqotay dalka Jabuuti halkaasi oo ay kaga soo qeyb gashay shirka wasiirada arimaha dibada dalalka islaamka kaasi oo ka dhacay dalka Jabuuti.

Maalmo kahor ayeey aheyd markii wasiirada cusub ee Xukuumadda dalka Soomaaliya xarunta Golaha shacabka si toos ah halkaasi loogu dhaariyay iyadoo iminkaba qaarkood ay la wareegeen xilalka wasaaradahooda.

Labada maalin ee soo socotana waaxaa lagu wadaa in wasiiro kale oo xilka wareejin ay wareejiyaan.

Gudoomiyaha kooxda Liverpool Tom Werner ayaa amaanay weeraryahanka kooxdiisa Luis Suarez wuxuuna sheegay inaan la iibin doonin, xilli uu intaa raaciyey in kooxda lagu soo dari doono ciyaartooy hor leh.

Suarez ayaa xilli ciyaareedaakan 2012-13 wuxuu ku bilowday si wanaagsan isagoo gool dhalinta Premier League ku hor boodaya 10 gool.

Ka dib bandhigiisa qurxoon ee uu hugaamiyo Reds, Manchester City ayaa dooneysay inay sanadka cusub dalbadaan, laakiin Werner wuxuu qirtay inuusan ninka reer Uruguay meelna uga socon Anfield.

“Waa ciyaryahan ay aad u qurux badan tahay inaad daawato marka aad tahay taageere Liverpool ah waxaan rajo ka qabaa inaan sanado badan oo soo aadan daawado,” ayuu Werner u sheegay saxaafada.

“Ma aan ku fikireyno inaan iibino, marnaba maya.

“Waxaan la galnay qandaraas waqti dheer ah xagaagii waxaan dooneynaa inaan ciyaaryahano cusub kula soo biirino kooxda.”

W/Q: Ahmed Jaangoan

E-mail: [email protected]

Caasimada — Somalia.

Waxaa jira fursad uu Rio Ferdinand uga tegaayo kooxdiisa Manchester United inta lagu jiro xagaaga marka uu dhamaado qandaraaskiisu, 34 jirkaan ayaana ka fikiraaya inuu ka tago gegeda Old Trafford. Sida uu qoray wargeyska The Guardian.

Daafacaan ayaa u sheegay saaxiibadiis inuusan dooneyn inuu ciyaaraha ka fariisto, waxaana muuqata inuusan mustaqbal dheer kusii laheyn United, isagoo Leeds uga soo biiray 2002dii markaasoo lacag Rikoor ah oo 30 milyan oo ginni ah lagula soo wareegay, waxaana laga yaabaa inuu xidigaani u jiheysto dalka Shiinaha oo waayadaann dambe hooy u noqday ciyaartoyda kasii gaoobaba kubada cagta.

Tabare Sir Alex Ferguson ayaa dhowaan sheegay inuu rumeysan yahay inuu Ferdinand xoogaa sanado ah usii ciyaari karo United. “Waxaan filayaa inuu Rio kooxda usii ciyaari karo wax ka badan laba ama sedax sano,” ayuu yiri Tababaruhu.

Isagoona sheegay inuu yahay daafac muhim ah oo qibrad leh, xilli uu carabka ku dhuftay inaan dhaqso la isaga diri Karin.

Ferdinand lafsad ahaantiisa ayaa mar qirtay in waxa ugu fiican oo uu ka fikiraayo ay tahay sida ay kooxda noqoto ka dib sanada cusub.

Balse wararka xanta ah ayaa sheegaya in Mushaar badan daafacaan looga sheegaayo dalka Shiinaha waana ku dhowaad 130 kun oo ginni isbuucii xilli aan kooxda magaceeda la shaacin.

Nicolas Anelka ayaa ka tegay Chelsea xilli uu Janaayo ku biiray kooxda Shiinaha Shanghai Shenhua wuxuuna ka qaataa 175 kun oo ginni isbuucii, Didier Drogba oo xagaagii isna kooxdaas kula biiray ayaa isna qaata 195 kun oo ginni isbuucii, waana waxa hamiga gelshay Ferdinand.

W/Q: Ahmed Jaangoan

E-mail: [email protected]

Caasimada — Somalia.

Xasuuqii ciidamada Yuhuuda ay ka wadeen marinka Gaza ayaa weli sii socda, ayada oo dad badan oo falastiiniyiin ah lagu dilay weerarooda.
In ka badan 70 qof oo Falastiiniyiin ah ayaa illaa iyo hadda la dilay, waxaana dhaawac ah dad kor u dhaafaya 600.

Dhibanayaasha badankood waa dad rayid ah oo aan waxba galabsan una badan carruur iyo haween.

Dhacdadii ugu xanuunka badneyd ayaa dhacday markii 11 qof oo hal qoys ah lagu dilay qarax ay fuliyeen diyaardaaha Yahuudda.

Jamal Dalu oo ah nin dukaan ku leh Gaza ayaa u baxay deriska, hase yeeshee markii uu soo laabtay waxa uu u yimid ayada oo qarax uu baa bi’iyay dhammaan qoyskiisa.

Waxaa halkaasi ku geeriyooday walaashiis, xaaskiisa, labadiisa gabdhood, gabar uu sodog u ahaa, afar caruur ah oo uu awoowe u ahaa, oo da’doodu u dhaxeysay 2 illaa 6 sano iyo laba qof oo deriska ah.

Illaa iyo hadda caalamka iyo dalalka carbeed ayaa ka aamusan xasuuqa yahuuda ku hayaan shacabka reer Falastiin.

Santi Cazorla ayaa isku muujiyey qiimihiisa kulankii ay Arsenal 5-2 guusha uga gaartay Tottenham sabtidii, wuxuuna ahaa mid kubada marna jiida marna ka qeyb qaata kooxda baasaskeeda, xilli uu goolna dhaliyey, goolba dhiibay.

Jack Wilshere ayaa amaan kala dul dhacay xidigaan wuxuuna ku kaftamay inuu u ciyaaro sida Lionel Messi.

“Wuxuu ciyaarayey heerar kala gedisan,” ayuu yiri Wilshere. “Waad dareemeysaa inuu isagu kula ciyaarayo. Kubada xittaa meel qalad ah ma u baasayo. Xitta meel sax ah ayuu ku dhiibayaa hadii ay sedax ciyaaryahan ku hareereysan yihiin kubadahana wuu gedinayaa. Taasi waa mida uu ku fiican yahay.

“Mar kale ayaan dib u daawan doonaa kulankaas si aan wax uga barto Santi. Waa ciyaaryahan ka gedisan Cesc (Fabregas). Cesc wuu baasas badan yahay. Halka uu Santi kubada gambin karo, uuna ciyaartoyda garaaci karo. Wuxuuna leeyahay shuut xoogan.”

W/Q: Ahmed Jaangoan

E-mail: [email protected]

Caasimada — Somalia.

Claudio Marchisio ayaa uga digay Chelsea inay wajaheyso koox dhalin yaro Juventus ah kulanka habeenka talaadada ay kooxda Turin soo dhaweyneyso kooxda difaacaneysa koobka.

Labada koox ayaa doonaya inay u gudbaan wareega 16ka Champions League, iyadoo haatan ay ku jiraan marxalad adag, kooxda reer Ukraine ee Shakhtar Donetsk ayaana u muuqata mid banaanka taal hadii ay garaacdo wiilasha Nordsjaelland.

Juventus ayaa laba isbuuc ka hor guul darro kasoo gaartay Inter Milan waana guul darradoodii ugu horeysay ee muddo 17 bilood ah kasoo gaarta Horyaalka, xilli aan 49 kulan dhinacooda dhulka la dhigin, Marchisio ayaana qirtay guul darradaas xanuunka badan inaysan kooxdiisa dib u dhac u keeni doonin.

“Guul darradii Inter waxay usoo cusboonaaneysaa mid fudud, wax micno ah ma sameyneyso, guul darradaasi waxay ka dhigeysaa ciyaaro kala duwan,” ayuu yiri Marchisio.

Juve, ayaa kasoo kabsatay xilli ay Chelsea 2-0 ku hugaamineysay Stamford Bridge, waxayna la galeen barbaro 2-2 ah, xilli kulankoodii ugu dambeeyey ee Champions league ay 4-0 ku qaarajiyeen Nordsjaelland.

“Kulankii Nordsjaelland waxaan muujinay inaan nahay Juve-dii sanadii hore, xanaaqaas, kalsooniadaas. Marka aan ka hor imaano Chelsea waa inaan u ciyaarnaa sidii kulankii hore ee London ka dhacay.”

W/Q: Ahmed Jaangoan

E-mail: [email protected]

Caasimada — Somalia.

Roberto Di Matteo ayaa u dagaalama inuu badbaadiyo shaqadiisa Chelsea keliya lix bilood ka dib markii ay kooxdu ku guuleystay Koobka kooxaha Yurub, sida uu qoray wargeyska Daily Mail.

Kooxdiisa Chelsea ayaa guul gaartay keliya sedax kulan todobadoodii kulan ee ugu dambeysay, guul darro kasoo gaarta Juventus marka ay booqdaan Turin talaadada ayaa ka dhigeysa inuu shaki galo usoo bixitaankooda Champions League.

Ka dib markii ay si aad u fiican ku bilowdeen xilli ciyaareedkaan, tartanka Chelsea ayaa dhex galay xilli halis ah, taasoo qasbeysa in milkiile Roman Abramovich uu lumiyo dul qaadkiisa.

Kaligiis ma ahan, ee sidoo kale, goolhaye Petr Cech ayaa dhexda ka galay eedeymo kulul oo qolka lebiska ah ka dib kulankii guul darrada 2-1 aheyd ee sabtidii kasoo gaartay West Bromwich.

Ka dib kulanka Juve, kooxda Di Matteo ayaa wajaheysa kulan ka tirsan Barclays Premier League hugaamiyeyaasha Manchester City, kuwaasoo axada kusoo booqan doona Stamford Bridge.

Waa kulamo muhim u ah Di Matteo, iyadoo uu Abramovich isha ku haayo xaalada tababarihii hore ee Barcelona Pep Guardiola kaasoo uu doonayo inuu ka shaqeeyo Chelsea marka uu tababarenimada kusoo laabto xagaaga soo aadan.

W/Q: Ahmed Jaangoan

E-mail: [email protected]

Caasimada — Somalia.

Liverpool ayaa ka fikireysa inay Janaayo lasoo wareegto weeraryahankii hore ee Manchester United Guiseppe Rossi, inkatoo uu ilaa iyo bishii March ee sanadii hore garoomada dhaawac uga maqnaa.

Sida uu qoray wargeyska Metro, tababare Brendan Rodgers ayaa heysta fursad uu dalab ugu diro weeraryahanka Villarreal si uu ugu xaliyo dhibaatada werarka ka heysata kooxdiisa.

Ciyraaryahanka heerka caalami ee dalka Italy ayaa weli kazoo kabsanaya dhaawac kazoo gaaray jilibka markiisii labaad laakiin wuxuu mar kale diirada u saran yahay kooxo dhowr ah marka lagu daro Barcelona iyo Tottenham.

Iyadoo uu Luis Suarez yahay keliya ninka ay ugu xisaabtamaan gool dhaliyaha, Liverpool ayaa qiratay inay weeraryahan keensan doonto bisha Janaayo marka uu suuqu furmo.

“Waxaan dooneynaa inaan weeraryahan soo iibsano bisha Janaayo,” ayuu tababare Rodgers u sheegay TalkSport.

“Xaqiiqda ayaa midaas ah mar walba waxaan dooneynay inay xilli ciyaareedkaan dhaqdhaqaaq sameyno iyadoo ay kooxdu qarah gelineyso suuqa. Xilli ciyaareedkaan wuxuu noqonayaa mid nagu sii adkaada.

“Waxaan dooneynaa inaan Janaayo marka uu suuqu furmo wax uun sameyno, inagoo dooneyna inaan ciyaaryahano kooxda kusoo darno, taasi waa arinka xaqiiqda ah ee kooxdu haatan ku fikireyso.

“Waxaan dooneynaa inaan kor isku soo qaadno lixda bilood ee soo aadan taasna waa hadii aan Janaayo dhaqdhaqaaq fiican sameyno.

“Rajo weyn ayaan ka qabaa in xagaaga aan mar kale isku dhisi karno.”

Si kastaba, Liverpool ayaa loolal adag kala kulmi karta saxiixa Rossi xilli la ogyahay in kooxda Talyaaniga ka dhisan ee Inter Milan ay horaan heshiis qiimaha ay kula soo wareegi karto 25 jirkaan ah la isku afgartay.

Dhanka kale, Middlesbrough ayaa qorsheyneysa inay sanada cusub lasoo wareegto xidiga garabka uga ciyaara kooxda Liverpool Stewart Downing oo ay dib ugu celshaan Teesside.

W/Q: Ahmed Jaangoan

E-mail: [email protected]

Caasimada – Mogadishu.

Maalmihii ugu danbeeyay waxaa soo ifbaxayay is qabqabsi udhaxeeyay gudoomiyaha baarlamaanka Maxamed Cismaan Jawaari iyo qaar ka tirsan xilibaanada.

Khilaafkan ayaa salka ku hayay ansixinta xukuumada uu soo dhisay Ra’iisul Wasaare Saacid, oo xildhibaanada qaar ay sheegeen in qaabkii loo maray ay sharci darro ahayd.

Kahor intaan la anisixin wasiirada cusub, waxaa jiray xilibaano gaaraya ilaa 30-mudane oo warqad qoraal ah u qoray gudoomiyaha.

Xilibaanadan ayaa waxay dalbanayeen in marka hore lasoo dhamaystiro wasiirada, islamarkaasna hadii la ansixiyo xukuumad aan lasoo dhamaystirin lajabiyay qodobo kamid ah dastuurka.

Xilibaanadan ayaa waxaa hor boodayay wasiirkii hore ee dastuurka C/raxmaan Xoosh Jibriil.

Hadaba markii maalmo kahor ay baarlamaanka codka kalsoonida siiyeen xukuumada Ra’iisul Wasaare Saacid waliba si aqlabiyad leh, ayaa waxaa soo ifbaxayay guux hoose oo ka dhex jiray baarlamaanka.

Xilibaano gaaraya ilaa 30 madaxna uu u yahay xilibaan Xoosh Jibriil, ayaa dhowr mar waxay ku cel celiyeen in baarlamaanka uu u afduubanyahay gudoomiye Jawaari iyo labadiisa ku xigeen.

Illo lagu kalsoon yahay ayaa noo xaqiijiyay in 30-kan xilibaan ay hada wadaan qorshe ay maalmaha soo aadan mooshin kaga keenayaan gudoomiyaha baarlamaanka Maxamed Cismaan Jawaari, waxayna ku doodayaan inuu hareer maray sharciga islamarkaana uu xilibaanada afka qabtay.

Qaar kamid ah wariyayaashii shalay ka qayb galay kulanka baarlamaanka ee kalfadhiga Koowaad ku yeesheen Muqdisho, ayaa waxay Caasimada Online u xaqiijiyeen in xilibaanada qaar kamid ah marka ay is diiwaan galiyeen aysan fariisan oo ay goobta isaga tagaan, taasoo daliil u ah heerka uu gaaray khilaafka.

Xilibaan Kula-Lihi oo si toos ah u weeraray Guddoonka Baarlamanka:

Xilibaan Kula-Lihi oo mar ka hadlayay xaruunta golaha shacabka ayaa si toos ah u weeraray gudoonka baarlamanka waxa uuna ku eedeeyay inay afduubeen mudanayaasha, taasoo keentay in Makaroofanka laga damiyo.

Qilaafka udhaxeeya Gudoomiye Jawaari iyo Xoosh Jibriil goormuu soo bilaawday?

Sidaan lawada socono maalinkii doorashada madaxweynaha, ayaa waxaa jirtay in Xilibaan Xoosh Jibriil iyo tiro xilibaano ah ka hor imaadaan go’aan kasoo baxay maxkamada Sare oo xilibaano ubadnaa hogaamiye kooxeedyo loo ogolaaday ineey ka mid noqdaan baarlamaanka.

Xoosh Jibriil ayaa maalinkaas waxa uu ka istaagay hoolka ay kasocotay doorashada waxaana la arkayay isagoo gudoomiyaha baarlamanka kuleh “Ilaah kacabso hogaamiye kooxeed dooni meeyno” iyo ereyo kale, wixii intaas ka danbeeyayna waxaa jirtay in dhowr mar uu xilibaanka iyo Grouop kaloo xulufo la ah ay toosh kadaba qaateen gudoonka Baarlamanka.

Si kastaba, dhibka heysta Xoosh yo Kooxdiisa ayaa ah in qofka ay u gudbinayaan mooshinka uu yahay isla guddoomiyaha, haddii uu doonana meel ayuu isaga tuurayaa.

Daafaca halyeeyga ah ee Liverpool Jamie Carragher ayaa rumeysan inay Reds weli heysato fursad ay xilli ciyaareedkaan ugu tartanto kaalinta afaraad ee Premier League.

Liverpool ayaa si hoose ku bilaabatay horyaalka iyadoo uu sutida u haayo macalinka cusub Brendan Rodgers, iyagoo arkay sided kulan oo aan dhinacooda dhulka la dhigin hadana waxay kaalinta afaraad uga samrayaan West Brom.

Baggies ayaa xilli ciyaareed la yaab leh ku bilaabatay, laakiin waxaa jira kooxo kale oo Champions League dareenkoodu yahay sida Tottenham, Arsenal iyo Newcastle wuxuuna Carragher maanka ku hayaa inay kooxda Anfield fursad u heysto inay mar kale kasoo dhex muuqato koobka kooxaha Yurub.

“Kooxuhu waa kuwo dhibco aysan ka fakan dhamaan wey ku tartamayaan booskaan,” ayuu yiri 34 jirkaani.

“Midaas waan la soconaa xilli ciyaareedkan si fiican kuma bilaaban laakiin guushii shalay [Sabtidii kulankii Wigan] waxay na tusineysaa inaanan aad uga fogeyn afarta sare, halkaas oo ah meesha aan dooneyno inaan ku dhameysano.

Liverpool ayaa hada kaalinta 11aad uga jirta Horyaalka Barclays Premier League.

W/Q: Ahmed Jaangoan

E-mail: [email protected]

Caasimada – Mogadishu.