Al-Shabab oo sheegtay inay sarkaal ku dishay Baydhaba

Istar Cabdi YuusufBy Istar Cabdi Yuusuf

Baydhabo (Caasimada Online) – War ka soo baxay Al-Shabaab ayaa waxaa lagu sheegay in dagaalyahano ka tirsan kuwooda ay dil qorsheysnaa ka fuliyeen gudaha magaalada Baydhabo ee caasimada KMG ah ee maamulka Koonfur Galbeed Soomaaliya.

Qoraalkan ayaa waxaa lagu sheegay in toogashadaasi loo geystay sarkaal sare oo ka tirsanaa ciidamada maamulkaasi.

Al-Shabaab ayaa magaca sarkaalkaasi ku sheegtay, Aadan Boorow, walow aysan shaacin darajadiisa iyo waxa uu u qaabilsanaa Koonfur Galbeed.

Sidoo kale waxay shaacisay in dagaalyahanadii fuliyey dilka ay horey u sii qaateen qori AK47 ah oo uu watay marxuumka, sida ay hadalka u dhigeen

Dhanka kale ma jiro weli wax hadal ah oo ka soo baxay maamulka degmada Baydhabo iyo saraakiisha  magaaladaasi oo ku aadan dilkaasi iyo sheegashada Al-Shabaab.

Weerarkan ay sheegatay Al-Shabaab ayaa ku soo aadaya, xilli muddooyinkii dambe amniga Baydhabo uu ahaa mid dagan,waxaana howlgallo ka waday ciidamada Koonfur Galbeed, kuwaas oo lagu xaqiijinayey amniga magaaladaas oo dhacda K/Soomaaliya.