Muqdisho (Caasimada Online) – Warar lagu kalsoon yahay ayaa sheegaya in Madaxweynaha Somalia Maxamed C/llahi Farmaajo uu kala jabshay Xildhibaanada Baarlamaanka Somalia ee doonaayay inay kamid noqdaan Golaha Wasiirada Xukuumada Somalia.

Wararku waxa ay sheegayaan in Madaxweynaha uu kullan gaar gaar ah la qaatay Xildhibaanada Baarlamaanka isagoo ku kala jabshay aragtidii aheyd in qaarkood lagu biiriyo Golaha Wasiirada Xukuumada Somalia.

Xildhibaanada qaar ayaa Madaxweynaha Somalia ku taageeray in ilaa Seddex Xildhibaan lagu darro Golaha, halka qaarna ay ka biya diideen isla markaana soo jeediyeen in Xildhibaanada lagu daraayo Golaha la gaarsiiyo ilaa 8 Xildhibaan oo miisaan leh.

Xildhibaanada dalbaday in la kordhiyo tirada uga midnoqoneyso Golaha Wasiirada ayaa sidoo kale Madaxweynaha ka dalbaday inuu dib ula laabto 3 Kursi ee Xildhibaanada laga siinaayo Golaha haddii aan la kordhineynin cadadka ay ku yeelanayaan Golaha.

Xildhibaanada Kursi doonka ayaa Madaxweynaha u sheegay inaanu khiimo u laheyn 3 Kursi sidaa darteed ay iyagu noqonayaan kuwo ku sabra wakhtiga isla markaana dib ula laabta Hamigooda ku aadan helida Kuraasbadan maadaama Xildhibaanada Golaha lagu daraayo ay yihiin kuwo kalsooni ka heysta reerkooda.

Sidoo kale, Xildhibaanada kale ee goobta ku sugnaa ayaa Madaxweynaha ugu baaqay inaan la kordhin cadadka Xildhibaanada ku biiraaya Golaha, iyagoo sabab ka dhigay inay adag tahay in lala xisaabtamo Wasiir ka tirsan Baarlamaanka.

Waxa ay dhankooda kasoo jeediyeen inaan la dhibin Madaxweynaha isla markaana ay mudan tahay in Xildhibaanada ay qaatan go’aan dhammaantooda looga mamnuucaayo kamid noqoshada Golaha Wasiirada.

Madaxweyne Maxamed C/llahi Farmaajo ayaa dhex maquuraaya Jahwareer Siyaasadeed waxa uuna dhexda ugu jiraa Xildhibaano, Odayaal dhaqmeed, Siyaasiyiin iyo Ganacsato xil doon ah.

Lama saadaalinkaro halka uu ku biyo shuban doono Go’aanka Madaxweynaha maadaama uu xaalku yahay mid marba marka xigta kasii daraaya.

Caasimada Online
Xafiiska Muqdisho
[email protected]

Muqdisho (Caasimada Online) – Guddoonka baarlamaanka Soomaaliya ayaa dalbaday in si deg deg ah loo dhisaa golaha wasiirada cusub ee xukuumada Soomaaliya, maadaama lala daahay waqtigii la doonayay.

Mahad Cabdalle Cawad guddoomiye ku xigeenka labaad ee baarlamaanka ayaa ka dalbaday ra’iisul wasaaraha Soomaaliya inuu ku dhaqsado soo magacaabida golaha wasiirada, maadaama maalmo ay kaga harsan tahay waqtiga loo qabtay.

Xildhibaanada baarlamaanka ayuu sheegay inay ka qeyb qaadan lahaayeen u gurmashada dadka ay abaaraha ay saameeyeen iyaga oo ku laaban lahaa deegaanada laga soo doortay balse ay u xayiran yihiin xukuumada cusub.

Wuxuu sheegay in xildhibaanada ay dhowrayaan dhismaha golaha wasiirada kadibna ay ansixin doonaan haddii ay yihiin kuwo tayo wanaagsan leh, laakiin wuxuu sheegay inaysan hadda ka tagi karin magaalada Muqdisho.

Arinta ku aadan dadajinta magacaabidda golaha wasiirada ayuu sheegay inay kala hadleen madaxweynaha iyo ra’iisul wasaaraha dalka si loogu gurmado shacabka Soomaaliyeed ee abaarta ay dhameysay.

Caasimada Online
Xafiiska Muqdisho
[email protected]

Muqdisho (Caasimada Online) – Iyadoo dib u dhac uu ka muuqdo waqtiga madaxweyne Farmaajo uu ka codsaday ra’iisul wasaaraha dalka inuu kuso dhiso xukuumada Soomaaliya ayaa waxaa soo baxaya shaqsiyaad ra’iisul wasaaraha la diyaarinaya golaha wasiirada cusub.

Wararka aan heleyno ayaa sheegaya in golaha wasiirada ay isla qorayaan Ra’iisul wasaaraha cusub ee dalka iyo Shaqsi uu soo wakiishay Fahad Yaasiin oo la aamisan yahay inuu Shaqsi dowladda Soomaaliya si dadban u maamulaya.

Fahad Yaasiin oo ku sugan magaalada Nairobi ee dalka Kenya ayaa arinta qorista golaha wasiirada waxaa uu u wakiishay oo madaxtooyada Soomaaliya ku sugan nin lagu magacaabo Thaabit Cabdi.

Arinta qoritaanka golaha wasiirada ayaa sababtay in is fahamwaa badan uu ka dhasho, taasi oo qasabtay in dib u dhac uu ku yimaado waqti la filayay in lagu dhawaaqo golaha wasiirada xukuumada.

Fahad Yaasiin ayaa sidoo kale la aamisan yahay inuu sabab u ahaa madaxweyne Xasan Sheikh in sanadkii 2012 ku guuleysto doorashadii dalka ka dhacday, xiligaasi oo Thaabit uu la doonayay inuu ka dhigo safiir, balse markii dambe la siiyay Qunsul.

Xubnaha ugu cad cad ee golaha wasiirada ayaa waxaa kamid Sheikh Aadan Madeer oo lala damacsan yahay wasiirka Maaliyada.

Thaabit Cabdi wasiirka arimaha gudaha
Fahad Yaasiin Wasiirka Cadaalada iyo Garsoorka
Cabdirizaaq Cumar wasiirka amniga
C/raxmaan Ceynte Wasiirka madaxtooyada
Ducaale, wasiirka ganacsiga
Wasiir Hadliye wasiirka arimaha dibada
Cali Yare wasiiru dowlaha xafiiska ra’iisul wasaaraha.

Xogtaan ayaa Caasimada Online waxay ka heshay ilo xog ogaal ah oo ku sugan madaxtooyada Soomaaliya.

Caasimada Online
Xafiiska Muqdisho
[email protected]

Muqdisho (Caasimada Online) – Waxaa maalmihii ugu dambeeyey la hadal hayey heshiiska lagu tilmaamay inuu halis ku noqon doono Soomaaliya ee loo saxiixay dowladda Imaaraadka Carabta si ay Saldhig Militari oo laga duqeeyo Xuutiyiinta uga sameysato Magaalada Berbera.

Haddaba waxaa horey idinkugu soo gudbinay inuu arrintaan wax badan ka ogow lacag laaluush ahna ku qaatay Ra’isulwasaarihii hore ee Soomaaliya Cumar Cabdirashiid, haddaba waxaa haddana soo baxdo in dowladdii soomaaliya ee hore ay raali ka aheyd arrintaan sidoo kale ay dowladda Mareekanka wax ka ogeyd.

Maxamed Bin Za’id Al-nahyaan oo ah dhaxal-sugaha Abuu-Dhabi ahna ku-xigeenka taliyaha ciidamada qalabka sida ee dalka Imaaraadka ayaa ka dhawaajiyey inay arrintaas kala tashteyn dowlada Soomaaliya, Masar iyo Mareekanka.

Imaaraadka ayaa ka dhawaajisay inay wadahadal ku aadan heshiiska Berbera la gashay dowladdii uu hoggaaminayey Xasan Shiikh Maxamuud, Masar iyo Mareekan si ay Berbera saldhig Militari uga dhigato.

Warbixintaan ayaa waxaa saakay qoray wargeyska caanka ah ee Al-Wadan ee kasoo baxa dalka Masar , wuxuuna sheegay in  la filayaa sida in ay wax badan ku soo kordhiso isku socodka ganacsiga caalamiga iyo in sidoo kale fulinta mashruucan in uu xoojiyo ammaanka marinka Baab-Al-mandab oo weliba si fudud halkaasi looga sameeyo saldhigyo militari.

Imaaraadka ayaa dhawan heshiiskaas la saxiixay Maamulka Somaliland, waxaana heshiiskaas ansixiyey Baarlaaanka Somaliland kadib markii ay isugu imaadeyn kulan gacanta la isugula tagay.

Waxaa dhawaan lasoo saaray warbixin muujineysay in Axmed Siilaanyo iyo Xisbigiisa ay qaateen lacag gaareyso ilaa 50 Malyan oo Dollar si ay heshiiskaas u fududeeyaan, halka Ra’isulwasaarihii hore ee Soomaaliya Cumar Cabdirashiid uu isna qaatay ilaa 35 Malyan oo Dollar.

Caasimada Online
Xafiiska Muqdisho
[email protected]

Muqdisho (Caasimada Online) – Waxaa dhawaan soo baxay Liis ay ku qornaayeen golaha wasiirada oo la isla dhex marayey inay yihiin kuwa hordhac ah oo ka tirsan golaha wasiirada ee uu soo magacaabi doono Ra’isulwasaaraha Soomaaliya Xasan Cali  Khayre,

Haddaba waxaa arintaas looga hadlay war kasoo baxay Xafiiska Ra’isulwasaaraha Soomaaliya ee Muqdisho, iyadoo ay xusid mudan tahay in liisaska golaha wasiiradda oo dhowr iyo labaatan gaaraya ay ku jireyn wasiiro horrey xilal uga soo qabtey dowladihii dalka soo maray iyo kuwa haatan xilal haya.

Xafiiska Kheyre ayaa idaacadda VOA qeybteeda afka Soomaaliga u sheegay in aysan warkaas waxba ka jirin, isla markaasna uusan ilaa hadda Ra’isulwasaaraha soo saarin wax liis ah oo ku saabsan golaha wasiirada.

Sidoo kale warka kasoo yeeray Xafiiska Ra’isulwasaaraha ayaa lagu sheegay inaysan jirin cid ogaan karto liiskaa isla markaasna saxaafadda loo soo bandhigi doono hal mar si isku mid ah waxaana  wararkaas lagu tilmaamay inay yihiin kuwa been abuur ah oo ay sameysteen shaqsiyaad dano gaar ah leh.

Waxaa xafiiska Ra’isulwasaaraha kasoo baxday digniin ku aadan in la joojiyo wararka beenta ah ee laga sheegayo wasiirada gaar ahaan liiska lasoo bandhigay oo ay ku qornaayeen wasiiro aad u badan.

Caasimada Online
Xafiiska Muqdisho
[email protected]

Muqdisho (Caasimada Online) – Xildhibaano ka tirsan Golaha Shacabka BFS ayaa ku eedeeyay Gudoonka golaha Shacabka in ay faragelin toosa ku hayaan Laanta Fulinta, isla markaana ay baajiyeen kulamadii Baarlamaanka Somalia.

Xildhibaanada baarlamaanka Somalia ayaa sheegay in ay wiiqantay Awoodii Golaha Shacabka ,isla markaana Guddoonka Baarlamaanka ay dayaceen Shaqadooda.

Guddoomiyaha Baarlamaanka iyo ku-xigeenadiisa ayay Xildhibaanada ku eedeeyen inay faragalin muuqata ku hayaan Howlaha Madaxweynaha Somalia Maxamed C/llahi Farmaajo iyo Ra’isul wasaaraha Xukuumada Somalia Xasan Kheyre.

Xildhibaanada waxa ay sheegen in Guddoomiyaha Baarlamaanka iyo Ku-xigeenadiisa ay ka weecdeen shaqooyinka loo igmaday ee ku qeexan Dastuurka kadib markii ay qeyb ka noqdeen xulista Golaha Wasiirada ee aan loo igman.

Haddaba Qoraal kasoo baxay Xildhibaanada ayaa looga digay Guddoomiyaha Baarlamaanka iyo ku-xigeenadiisa waxa uuna qoraalkaasi u qornaa sida tan:

HALKAAN KA AKHRISO

Anagoo ah xubnaha golaha shacabka Jamhuuriyadda Federaalka ah u saxiixan soo jeedintan:

Markii aanu aragnay awoodaha iyo waajibaadka dastuuriga ah ee Madaxweynaha Jamhuuriyadda Federaalka ah ee Soomaaliya sida ku cad qodobka 87aad iyo qodobka 90aad, faqradiisa(d & e).

Markii aanu aragnay awoodaha iyo waajibaadka dastuuriga ah ee Ra’isal Wasaaraha Jamhuuriyadda Federaalka ah iyo guud ahaan laanta fulinta sida ku cad qodobka 100aad, faqradiisa (a,b,c & d).

Markii aanu u kuur galnay caqabadihii iyo dhibaatooyinkii la soo darsay dowladihii dalkasoo maray intii u dhaxeysay sanadihii 2000-­2016­kii.

Markii aanu darisnay sababaha u qabsoomi waayeen kulamada Golaha Shacabka, iyadoo weliba dalka ku jiro xaalado adag oo isugu jira abaaro iyo nabadgelyo xumo.

Waxaa noo cadaatay in dhibaatooyinka iyo caqabadaha shaqo ee dowliga ay sababeen:

1-Isku milan awoodaha iyo waajibaadka dastuuriga ah ee golayaasha baarlamaanka iyo laanta fulinta.

2-Takri fal awoodeed oo wiiqay habsami u socodka shaqada Golaha Shacabka, iyadoo kulamada baarlamaanka markii la rabo la joojiyo markii la rabona la qabto.

Hadaba, anagoo ah Xubnaha Golaha Shacabka ee ku saxiixan soo Jeedintan, waxaan ku tala bixinaynaa:

1-In dhismaha xukuumadda loo daayo cida dasatuurka xaqa u siinaayo si loo dhawro kala qaybsanaanta awoodaha siyaasadeed ee is dheelli tiraya iyo kala dambeynta hannaanka dowliga ah.

2-In Guddoonka Golaha Shacabka ka daayaan faragelinta siyaasadeed dhismaha dowladda cusub, kuna ekaadaan doorkooda dastuuriga ah.

3-In hay’ad walba oo dastuuri ah iyo madaxdeeda ku ekaadaan waajibaadka qaran iyo mas’uuliyadda uu dastuurku siinaayo.

Caasimada Online
Xafiiska Muqdisho
[email protected]

Nairobi (Caasimada Online) – Madaxweynaha Kenya Uhuru Kenyatta ayaa maanta booqasho aan la shaacin ku gaaray magaalada Dhoobley ee gobolka J/Hoose.

Uhurro Kenyatta ayaa Booqday Xarumaha ay dagan yihiin Ciidamada Kenya ee ku yaalla Magaalada Dhoobley, waxa uuna koormeeray dhammaan Goobaha ay difaaca uga jiraan Ciidamada KDF ee Dhoobley.

Kenyatta waxa uu warbixino ka dhageystay Saraakiisha hogaamineysa Ciidamada Kenya ee Saldhigyada ku leh magaalada Dhoobley ee gobolka J/Hoose.

Kenyatta waxa uu amaanay sida ay u howlgalayaan Ciidamada Kenya, waxa uuna ku booriyay Saraakiisha iyo Ciidamada inay u shaqeeyan si hufnaan leh.

Dalka Kenya ayaa doorasho gali doona Bisha August ee sanadkan waxayna umuuqataa in booqashada maanta uu Kenyatta ku tagay Saldhiga ciidamada Kenya ee Dhoobley ay la xiriirto sugida amniga Doorashada.

Muqdisho(Caasimada Online) – Waxaa soo baxayo warar kala duwan oo ku aadan in go’doon siyaasadeed iyo mid dhaqaale la geliyey Guddoomiyaha Gobolka Banaadir ah Duqa Muqdisho Yuusuf Xuseen Jimcaale waxaana soo wajahday hadda culeys badan oo ku aadan kursigiisa.

Dowladda Soomaaliya ayaa dhawaan Xayiraad saartay akoonadii uu Gobolka Banaadir ku lahaa Bankiga dhexe iydoo la diiday in wax lacag ah laga bixiyo midaasna waxay caqabad ku noqotay shaqadii Gobolka Banaadir oo markii horeba tabcaan aheyd.

Sidoo kale waxaa cabasho badan soo gudbiyey shaqaalihii Gobolka Banaadir oo aan markii hore mushaar qaadan dhawr bilood intii ay jirtay dowladdii Xasan Shiikh Maxamuud oo ay haddana ugu darsoontay in la xiray akoonadii lacagta laga siin lahaa.

Guddoomiyaha Gobolka Banaadir Boorsaani ayaa hadda dareemayo culeys iyo ififaalo muujinayo inuusan kusii fadhin doonin kursiga Gobolka Banaadir , wuxuuna ku fashilmay qorshooyin uu kula kulmi lahaa madaxweynaha Soomaaliya Maxamed Cabdullaahi Farmaajo taasoo dhalisay shaki weyn oo ku aadan kursigiisa.

Arrinta iyo culeyska heysto Boorsaano ayaa lagu micneeyey inay la mid tahay middii qabsatay Agaasimihii hey’ada nabad sugidda iyo sirdoonka qaranka Soomaaliyeed Axmed Malin Fiqi sanadkii 2012 markaas oo uu madaxweyne Soomaaliya ka noqday Xasan Shiikh Maxamuud iyadoo xilligaas laga guuleystay ninkii ay saaxiibada ahaayeen ee Shiikh Shariif Sh. Axmed.

Culeyskaan heysto Guddoomiyaha Gobolka Banaadir ayaa la aaminsan yahay inuu uga imaado ololihii muuqday ee uu u sameeyey madaxwyenihii hore ee Soomaaliya Xasan Shiikh Maxamuud intii ay socotay ololihii doorashada.

Caasimada Online
Xafiiska Muqdisho
[email protected]

Muqdisho (Caasimada Online) – Dowlada Somalia ayaa goordhow ka hadashay xasuuqa maalinimadii shalay Qaxootiga Soomaalida loogu geystay Xeebta Xudeefiya ee dalka Yemen.

Jawaabta Dowlada Somalia ee ku aadan Xasuuqa ayaa timid 24-Saac ka dib markii diyaarado dagaal ay duqeeyn culus u geysteen Qaxooti Soomaali ah oo kusii jeeday dalka Sudan.

C/salaan Hadliye Cumar oo ah siihayaha xilka Wasiirka Arrimaha Dibadda Somalia ayaa sheegay in Qaxootigii Soomaalida ahaa ee Shalay lagu Xasuuqay Xeebaha Yemen ay Mas’uul ka yihiin Isbaheysiga uu Sacuudigu Hogaamiyo iyo Dowladda Yemen ee QM ay Aqoonsan tahay.

Hadliye ayaa sheegay in Xasuuqaasi wax laga weydiin doono Isbaheysiga uu Hogaaminaayo Sacuudiga waxa uuna tilmaamay inaanu jirin diyaarado kale oo duqeymo joogta ah ka geysta dalka Yemen.

”Aad ayaan uga xunahay Xasuuqa loo geystay Qaxootiga Soomaalida, waxaa ayaan darro ah in Gantaalo lala eegto shacab maati ah oo dalkooda uga cararay amni darro, waxaan Xasuuqaani kala xaajoon doonaa Isbaheysiga uu Hogaaminaayo Sacuudiga oo lahaa Duqeynta”

”Wax la aqbali karo ma ahan xadgudubkaasi, waxaana Mas’uul ka ah Xulufadda Isbaheysiga la dagaalamaya Xuutiyiinta Yemen”

Dowlada Sacuudiga ayaa beenisay inay ku lug leedahay Duqeynta lagu xasuuqay Qaxootiga Soomaalida ee ka ambabixi lahaa Xeebta Xudeefiya ee dalka Yemen.

Afhayeen u hadlay Huwanta Gen Axmed al-Assiri ayaa u sheegay wargeyska Arabnews ee ka soo baxa sucuudiga inay Diyaaradaha Sucuudigu aysan ku lug lahayn weerarkaasi, islamarkaana aysan ka dagaalamin goobta ay ka dhacday duqaynto

“ Huwantu lug kuma laha weerarkaasi, ma jiro howlgalo ay ka wadaan aagaas”.
Dowlada Sacuudiga oo isticmaasha Duuliyayaal Kiro ah ayaa inta badan duqeymo joogta ah ka geysata Goobaha ay ku noolyihiin shacabka Yemen iyo Ajaaniibta.

Caasimada Online
Xafiiska Muqdisho
[email protected]

Muqdisho (Caasimada Online) – Sida aan horay u sheegnay waxaa magaalada Muqdisho booqasho aan la shaacin ku yimid Guddoomiyaha Ururka Midowga Afrika, Moussa Faki Mahamad, waxaana garoonka diyaaradaha Aadan Cadde kusoo dhoweeyay Ra’isal wasaaraha Somalia.

Intaa kadib Madaxweynaha Somalia Maxamed C/laahi Farmaajo ayaa xafiiskiisa madaxtooyada Somalia ku qaabilay guddoomiyaha Midowga Afrika Moussa Faki Mahamat, waxaana ay ka wada hadleen arrimo dhowr ah oo ay ka mid ahaayeen ammaanka iyo caawinta dadka Soomaaliyeed ee Abaarta ay ragaadisay.

Madaxweynaha waxa uu Guddoomiyaha ka dalbaday in kaalin muuqata ay ka qaatan Amniga waxa uuna sheegay in Dowladiisu ay go’aan satay in kaalinta koowad lasiiyo amniga.

Moussa Faki Mahamad ayaa soo dhaweeyay waxa uuna dhankiisa ka sheegay inay laba jibaari doonaan hanaanka lagu adkeynaayo amniga.

Moussa Faki Mahamad waxa uu dhankiisa Madaxweynaha ka dalbaday inuu ka laabto go’aanka lagu dada jinaayo bixitaanka Ciidamada AMISOM maadaama amniga Somalia uusan cago wanaagsan ku taagneyn, inkastoo Madaxweynaha uusan ka jawaabin qodobkaasi.

Safarka Moussa Faki Mahamad ayaa noqonaaya kii ugu horeeyay oo uu ku yimaado Somalia, tan iyo markii loo doortay Xilkaasi bishii January ee sannadkan.

Sanca (Caasimada Online) –  31 qof oo qaxooti Soomaaliyeed ah ayaa lagu dilay xeebaha dalka Yeman, kuwaasi oo ay duqeysay diyaarad helicopter ah xili ay u socdaalayeen gudaha Yeman sida ay baahisay wakaalada wararka Reuters.

Dadkaan Soomaaliyeed oo haystay documentiyada hay’adda qaxootiga adduunka ee UNHCR ayaa waxay ka tageen xeebaha ay maamulaan xuutiyiinta, gaar ahaan Hodeidah.

Warku wuxuu intaa ku darayaa in 80 qaxooti kale laga badbaadiyay markii duqeyntaasi ay ku dhacday doonta, kuwaasi oo dhamaantood ahaa Soomaali.

Ilan hadda wax hadal ah oo kasoo baxay dowladda federaalka iyo safaarada ay ku leedahay Yeman ma jirto. Sidoo kale, Ilaa iyo hadda lama oga cidda weerarka gaysatay.

Dalka Yemen ayuuse dagaal sokeeye oo xun ka jiray tan iyo bishii saddexaad ee sanadkii 2015kii; saddex meloodow labo ka mid ah bulshada dalkaasina waxay qarka u saaran yihiin in ay maculuuli ku habsato.

Dayuurada helicopterka ah ee duqeynta geysatay ayaa waxaa la aaminsan yahay iney leeyihiin isbaheysiga uu Sacuudigu hogaamiyo oo dagaal adag kula jira kooxda shiicada xuuthiyiinta Yemen ee Iran ay taageerto.

Akhriso magacyada qaar ka mid ah dadkii duqeyntaas ku nafwaayay

1-Deeq Mahad Faarax oo kasoo jeeda Laascaanood (Dhimasho)

2-Xafsa Cumar Daroori oo kasoo jeeda Laascaanood (Dhimasho)

3-Ayaan Maxamed oo kasoo jeeda Laascaanood (Dhimasho)

4-Faadumo Yuusuf Haybe oo kasoo jeeda Laascaanood (DHimasho)

5-Aaamina Baaxeer oo kasoo jeeda Burco Dhimasho Balse si rasmi ah looma xaqiijin. 6-Hibaaq Axmed Tarabi oo kasoo jeeda Burco oo wali dhimashadeeda lagu muransan yahay.

7-Muxumed ISmaaciil oo kasoo jeeda Hargeysa (Dhimasho)

8-Maxamed Aadan Cabi( Maxamed Timo) oo kasoo jeeda Burco (Dhimasho)

9-Cabdiraxman hassan mohamoud oo dhaawac ah kana badbaaday duqayntaas kana soo jeeda laascaanood.

10-Maareeye Cabdiraxmaan oo dhaawac ah kana badbaaday duqayntaas kana soo jeeda laascaabood.

11-Cabdi Xasan oo dhaawac ah kana badbaaday duqantaas kana soo jeeda Laascaanood.

12-Guuleed Cabdifataax Giirre oo kasoo jeeda Hargeysa (Dhimasho)

13-Cabdirisaaq Dayyaxo kana soo Jeeda Burco (Dhimasho)

14-Xamdi Xasan Faahiye oo kasoo jeeda Laascaanood waa dhaawac.

15-Ibrahim Ahmed Sacadaale (Dhimasho).

Caasimada Online
Xafiiska Muqdisho
[email protected]

Muqdisho (Caasimada Online) – Madaxweynihii hore ee Soomaaliya Xasan Sheekh Maxamud oo shalay galab gaaray dalka Turkiga ayaa mas’uuliyiin ka tirsan safaaradda Somalia iyo dowladda Turkiga  ay kusoo dhoweeyeen magaalada Istanbul.

Xildhibaan Xasan Sheekh oo shalay magaalada Muqdisho ka ambabaxay isaga iyo qaar ka tirsan qoyskiisa, ayaa lagu soo waramayaa in Xasan Sheekh uu mudo bilooyin ah ku sugnaan doono dalka Turkiga halkaasi oo qoyskiisa ay degan yihiin.

Xasan Sheekh ayaa gacan saar iyo xiriir xoogan kala dhaxeeyay intii uu madaxweynaha ahaa dowladda Turkiga, wuxuuna saaxiibo dhow uu la yahay ganacsato iyo xubno ka tirsan dowladda Turkiga.Caasimada Online
Xafiiska Muqdisho
[email protected]

Muqdisho (Caasimada Online) – Madaxweynaha dalka Jabuutti mudane Ismaaciil Cumar Geelle ayaa diyaarad ay leedahay shirkadda Ethiopian Airlines oo nooca qaadka weyn ee Boing 787 ka dejiyay magaalada Addis Ababa ee dalka Ethiopia.Diyaaraddaan oo ah mid ay dhawaan soo iibsatay shirkadda duulimaadka Ethiopian Airlines ayaa lagu casuumay Madaxweynaha Jabuuti, wuxuuna si parago leh ugu dejiyay garoonka diyaaraddaha Addis Ababa.

HALKAAN KA DAAWO VIDEO-GA

Caasimada Online
Xafiiska Muqdisho
[email protected]

Nairobi (Caasimada Online) – Ciidamada ammaanka Faransiiska, ayaa maanta hal nin ku dilay Garoonka Orly, oo ah Garoonka labaad ee ugu weyn Magaalada Paris ee Xarunta Faransiiska.

Toogashada ninkaasi ayaa timid kadib markii uu qoriga ka faramariijiyay mid ka mid ah ciidanka la dagaalanka argagixisada.

Maamulka Garoonka Orly, ayaa xaalad deg deg ah ku soo rogay Garoonkaasi, waxaana la joojiyay hawlihii shaqo ee Garoonka, iyadoona dibadda looga saaray rakaabkii ka dhoofaayay.

Duulimaadyadii soo caga-dhigtay garoonka ayaa lagu hakiyay barxadda garoonka iyo dadkii saarnaa, waxaana laga codsaday inay ku sugnaadaan diyaaradda inta baaristu ka dhammaanayso.

Maamulka, ayaa wuxuu dhacdadaan ku macneeyay mid aad u khatar ah, isla markaana ay iminka xaqiijinayan nabadgelyada Garoonkaasi.

Ciidamada miino baarista oo gaaray Garoonkan, ayaa waxay ka bilaabeen baaritaano lagu hubinayo in ninka la toogtay uu xiran yahay jaakadda walxaha qarxa ka samaysan iyo in kale.

Nairobi (Caasimada Online) – Gudoomiyaha Guddiga Midowga Afrika Moussa Faki ayaa Ra’isul wasaaraha Xukuumada Somalia kala hadlay Golaha Wasiirada ee la filaayo in dhawaan lagu dhawaaqi doono.

Moussa Faki, ayaa Ra’isul wasaaraha wax ka weydiiyay tirada Golaha Wasiirada, ku-xigeeno iyo Wasiiro Dowlayaasha, waxa uuna Kheyre sharaxaad ka bixiyay hanaanka uu kusoo dhisaayo Golihiisa iyo guud ahaan tirada ay ka kooban yihiin.

Moussa Faki ayaa Ra’isul wasaaraha ugu baaqay inuu la imaado Xukuumad ka tayo roon kuwii hore waxa uuna ku taliyay in Xukuumadaani lagu soo dhiso aragti fog.

Moussa Faki, waxa uu sheegay inay sahlan tahay in xilal loo dhiibo shaqsiyaad balse ay adag tahay inaad kula xisaabtanto howsha maadaama shaqsi waliba aadan biliwga aqoon waxqabadkiisa.

Moussa Faki, waxa uu Ra’isul wasaaraha ugu baaqay inuu soo dada jiyo Golaha Wasiirada waxa uuna ku celcelshay in Somalia ay u baahan tahay isbedel balse aysan dooneynin shaqsiyaad Somalia dib ugu celinaaya halkii hore.

Ra’isul wasaaraha Xukuumada Somalia Xasan Kheyre ayaa dhankiisa ka ballanqaaday inuu la imaan doono Golo taariikhi ah, waxa uuna cadeeyay in Xukuumadiisa ay ka tayo roonaan doonto kuwii hore.

Dhinaca kale, Moussa Faki iyo Ra’isul wasaare Kheyre ayaa ku heshiiyay in la burburiyo musuqa, si looga gudbo dhaqaalaha dalka oo ku qulqulaaya jeebab kale.

Caasimada Online
Xafiiska Muqdisho
[email protected]

Muqdisho (Caasimada Online)-Sida aan horayba u sheegnay waxaa goordhow magaalada Muqdisho kasoo dagay Gudoomiyaha Guddiga Midowga Afrika Moussa Faki.

Guddiga Midowga Afrika Moussa Faki, ayaa markii uu kasoo degay Garoonka Aadan Cadde kullan la qaatay madaxda dowlada federaalka Somalia.

Moussa Faki Mahamat waxaa garoonka diyaaradaha ee magaalada Muqdisho kusoo dhaweeyey Ra’isul wasaaraha Somalia Xasan Cali Kheyre iyo xubno ka socday AMISOM.

Booqashada Guddoomiyaha ayaa ah mid loogu kuurgalayo xaaladda abaarta iyo saameynta ay yeelatey, hawgalka AMISOM iyo sidii AU ay uga qayb-qaadan lahayd gar-gaarka Soomaaliya.

Guddiga Midowga Afrika Moussa Faki, oo la hadlay Warbaahinta ayaa beeniyay wararka sheegaya in Somalia ay daashatay colaado, waxa uuna cadeeyay in Somalia ay ka dhismo qurxoon tahay dhowr dal oo uu ka jiro amni.

Moussa Faki ayaa yiri ”Waxaan maqli jiray ugama jeedo Somalia, waxaan arkaa Somalia oo ka muuqaal qurxoon wadamo farabadan waxaana ii muuqda Somalia oo Soomaalidii hore bedeleysa”

Waxa uu intaa ku daray ”Bilicda Somalia aad ayay u bidhaameysaa waxaan Dowladaha saaxiibada la’ ah Somalia ugu baaqayaa in laga dhabeeyo garab istaaga dhinacyada amniga iyo Abaarta, waan la socnaa in Somalia ay ka jiraan abaaro dhib farabadan geystay”

Midowga Afrika waxaa Soomaaliya ka jooga ciidamo ka badan 20 000 oo askeri, waxaana horey loo go’aamiyey in ay ka baxaan Soomaaliya dhammaadka sanadka 2018 oo ay ka harsan tahay wax yar.

Caasimada Online
Xafiiska Muqdisho
[email protected]

Muqdisho (Caasimada Online)-Warar aan heleyno ayaa sheegaya in madaxweynaha dalka Turkiga Raccep Dayip Erdogan uu kusoo wajahan yahay magaalada Muqdisho ee caasimada Soomaaliya.

Jariirad kasoo baxda dalka Turkiga ayaa shaacisay in madaxweyne Erdogan uu qorsheynayo inuu yimaado magaalada Muqdisho si uu kaga qeyb galo furitaanka mashaariic kale oo dowladdiisa ay ka hergelineyso dalka Soomaaliya.

Jariirada oo soo xiganeyso masuuliyiin ka tirsan dowladda Turkiga ayaa sheegtay in xukuumada Ankara ay waddo qorshe ay magaalada Muqdisho bisha April kaga fureyso saldhiga ugu weyn ee Meletari, kaasi oo lagu tababarayo ciidamada xooga dalka Soomaaliya.

Saldhiga uu Turkiga ka dhisayo deegaanka Jazeera ayaa sida wararka ay sheegayaan waxaa ku baxaya lacag gaareyso 50 Milyan oo doolar, wuxuuna noqonayaa saldhiga Turkiga ku leeyahay dibbada midka ugu weyn.

Sida wararka ay sheegayaan safarta Erdogan ayaa la xariira sidii uu xariga kaga jari lahaa saldhigaasi lagu tababarayo ciidamada xooga dalka Soomaaliya, waxaanse la ogeyn danta uu Turkiga ka leeyahay.

Abaanduulaha guud ee Ciidamada Turkiga ayaa la filayaa inuu qeyb ka noqdo wafdiga soo raaci doona madaxweynaha Turkiga si ay kaga qeyb galaan xaflada furitaanka saldhiga Turkiga ee Muqdisho.

Caasimada Online
Xafiiska Muqdisho
[email protected]

Nairobi (Caasimada Online) – Iyadoo dhawaan Madaxweynaha Somalia Maxamed C/llahi Farmaajo ka hadlay Cadaalad falka iyo sinaanta Shacabka ayaa waxaa arrintaasi ka hadlay Nabadoonka Qowmiyada Eriteria ee Somalia Nabadoon Fikak Ali Cumar.

Nabadoon Fikak Ali ayaa sheegay in Madaxweynaha Jamhuuriyadda Federaalka Somalia Maxamed C/llahi Farmaajo ay ka dalbanayaan xuquuqda ay ku leeyihiin dalka waxa uuna Nabadoonka cadeeyay in dalkaani ay ku noolyihiin faracii 5aad.

Nabadoon Fikak Ali Cumar ayaa sheegay in Qowmiyada Eriteria ee Somalia ay dalka ku leeyihiin Hanti maguurto ah, isla markaana la xaqiray xuquuqdooda.

Nabadoon waxa uu tilmaamay in Dowladihii ka horeeyay Madaxweyne Farmaajo aysan ka jawaabin hadalada ay u marinayaan warbaahinta, waxa uuna ku baaqay in Dowladaani ay noqoto mid mudnaan siisa Qowmiyada Eriteria ee Somalia.

”Waxaan tabaneynaa cadaalad dari Somalia wey na dhaleen weyna noo dhaleen waxaan u baahanahay in la simo cadaalada oo Dowlada Somalia ay ka jawaabto dhambaalada aan hawada u marineyno”

”Dalkaani waxaan ku noolnahay faracii 5aad waxaana ku daganahay boqolaal qoys oo aan heysan xuquuq iyo gacaltooyo toona waxaan Madaxweynaha ugu baaqayaa inuu nala simo kuwa xuquuqda lasiiyay”

Nabadoon Fikak Ali Cumar, waxa uu tilmaamay inay dhiigooda u hureen Somalia isla markaana ay ku waayen nolosha Lixdameeyo Saraakiil iyo Korneelo, hayeeshee aysan iminka heysan wax xushmad ah marka loo eego daryeel la’aan ka heysata Dowlada.

”Dowladii Siyaad Barre waxaan ku laheynay Saraakiil, Korneelo, Siyaasiyiin waxaan la sineynay kuwa kale waxaan garan la’ahay sababta looga jawaabi la’ yahay baaqeena miyaanan xushmad laheyn ama aan la maqal baaqeena”

Nabadoonka Qowmiyada Eriteria ayaa ku qeyla dhaamiyay inaan muuqan xuquuqooda iyo kaalinta ay ku lahaayen Xoriyada Somalia.

FARIIN KU SOCTA MADAXWEYNE FARMAAJO

Anigoo ah Nabadoonka Qowmiyada Eriteria ee Somalia Fikak Cali Cumar waxaan ka dalbanayaa Madaxweynaha Somalia inaan la dhaawicin himiladeena isla markaana la xaqiijiyo xuquuqdeena.

Waxaan Madaxweynaha Somalia Maxamed C/llahi Farmaajo ugu baaqayaa inuu soo celsho xuquuqda Boqolaal Qoys oo Qowmiyada Eriteria kuna dhaqan Somalia hadana aan heysan Xuquuq iyo Xushmad toona.

”Waxaan cadeynayaa in Dowlada kuraas laga siiyay Qowmiyado aan kaga soo horeynay dalka anaguna aan meel laga soo qaadin baaqeena, waxaan dalbanayaa in Madaxweynaha uu ka dhabeeyo Cadaalada uu nasiiyo waxa aan xaqa u leenahay”

”Wadankaani waxaan ku leenahay Hanti maguurto ah balse waxaan tabaynaa Xuquuqda aan ku leenahay awood qeybsiga maadaama Lixdameeyo Saraakiil iyo Korneelo aan ku weynay halgankii Qaranimada Somalia”

Waxaan ku baaqayaa in Dowlada Madaxweyne Farmaajo iyo Ra’isul wasaare Kheyre ay garwaaqsato Xuquuqda naga maqan oo aan wali loo helin dawo.

Ugu danbeyntii waxaan Madaxweynaha ka codsaneynaa inay la imaadan isbedel Siyaasadeed oo lagu soo celinaayo Cadaalada iyo Xuquuqda Umadda.

W.Q: Nuuradiin Maxamed Nuur (Farad)

Caasimada Online
Xafiiska Nairobi
[email protected]

Sanca (Caasimada Online) – Guddoomiyaha Guddiga Midowga Afrika Mousa Faki oo maanta booqasho ku timid Muqdisho ayaa la kulmay Madaxweynaha Somalia, Maxamed C/llaahi Farmaajo iyo Ra’iisul Wasaare Xasan Cali Kheyre, iyadoo kulankaasi ay qeyb ka ahaayeen saraakiil sare oo ka tirsan taliska howlgalka AMISOM iyo Dowladda Somalia.

Mouse Faki ayaa waxaa garoonka diyaaraddaha kusoo dhoweeyay ra’iisul wasaare Xasan Cali Kheyre, madaxa howlgalka AMISOM iyo mas’uuliyiin kale.Wafdiga guddoomiyaha ayaa waxaa loo soo galbiyay xarunta madaxtooyada, halkaasi oo madaxweyne Farmaajo uu kusoo dhoweeyay, waxaana shir mudo qaatay ugu wada hadleen xaaladda dalka Somalia iyo isbadalada ka dhacay, amniga iyo sidii midowga Afrika ugu qeyb qaadan lahaa gurmad lagu samatabixinayo dadka abaaraha halageeyeen.Guddoomiyaha midowga Afrika Mouse Fakt ayaa soo dhoweeyay isbadalada ka dhacay dalka, wuxuuna ballan qaaday in midowga afrika uu ka taageeri doono dowladda cusub dhinac fara badan oo dhanka amniga kow ka yahay.

Madaxweyne Farmaajo ayaa ugu mahad celiyay Mr. Mouse Faki booqashada uu ku yimid magaalada Muqdisho, wuxuuna ku booriyay in ay xoojiyaan taageerada ay siinayaan shacabka Soomaaliyeed.Amaanka magaalada Muqdisho ayaa aad loo adkeeyay ka hor inta aysan soo degin wafdiga guddoomiyaha midowga afrika, waxaana xiran wadada isku xirta garoonka diyaaradaha iyo xarunta Madaxtooyada, iyo dhammaan isgoysyada muhimka.Caasimada Online
Xafiiska Muqdisho
[email protected]