Atletico Madrid ayaa rajo ka qabta inay soo afjarto xiisaha Chelsea ay u heyso weeraryahan Falcao iyagoo xidiga reer Colombia ka dalbanaaya inuu la galo qandaraas cusub, sida uu qoray wargeyska Daily Mail.

Milkiilaha kooxda Blues Roman Abramovich ayaa diyaar u ah inuu la kulmo xidigaan lagu qiimeeyo 46 da milyan ee ginni uuna Janaayo kusoo biiriyo kooxda halka 26 jirkaani uu baahi u qabo inuu u baqoolo Stamford Bridge Stadium.

Falcao ayaa keliya Atletico kusoo biiray xagaagii lasoo dhaafay wuxuuna qandaraaskiisu dhacayaa 2016ka, laakiin kooxda ayaa rajo ka qabta inay heshiiska kor ugu qaadaan iyagoo rajo ka qaba inay sii heystaan sida uu qabo warsidaha talkSPORT.

Heshiis cusub oo ay la galaan mid ka mid ah weeraryahanada caalamka ugu fiican waqtigaan ayaa sababi doonta inaan qiimo jaban farahooda looga bixin xidigaan gool ma gafaha ah.

Ciyaaryahankii hore ee kooxaha Porto iyo River Plate ayaa ku raaxeystay xilli ciyaareed taariikhi ah, wuxuuna xilli ciyaareedkaan shabaqa soo taabtay 13 jeer halka uuba gool ku lahaa kulankii axada ay kooxdiisu 3-1 kaga talaabsatay Osasuna.

Falcao ayaa loo arkaa xidig uu doonayo tababare Roberto Di Matteo inuu mar uun xirto maaliyada Chelsea halka milkiilahoodu uu arko inuusan dooqooda koowaad ee weerarka Fernando Torres uusan dhameystirin baahidooda weerarka.

W/Q: Ahmed Jaangoan

E-mail: [email protected]

Mogadishu , Somalia.

Xidigaha u sharaxan abaal marinta Fifa Ballon d’Or  2012 ayaa lagu dhawaaqay iyadoo 12 ka mid ah 23kooda ay ka ciyaaraan Horyaalka Spain ee La Liga.

Lionel Messi oo abaal marintaan doonaya inuu qaato markeedii afaraad oo isku xigta ayaa la filayaa inuu tartan xoogan kala kulmo Xidiga Real Madrid Cristiano Ronaldo oo kooxdiisa sanadii hore u qaaday Horyaalka Spain. Waxaa sidoo kale ku jira Mesut Ozil, Iker Casillas, Karim Benzema, Xabi Alonso iyo Sergio Ramos oo dhamaantood u ciyaara Real.

Sedaxda ciyaaryahan ee isugu soo haray abaal marinta waxaa lagu dhawaaqi doonaa 29ka November.

23ka ciyaaryaahan ee isgu soo haray tartanka Ballon d’Or Waa Sida Tan:-

Waxaana la filayaa in xaflada abaal marita lagu bixinaayo ay Janaayo Todobadeeda 2013ka ka dhacdo magaalada Zurich eee caasimada u ah Switzerland.

W/Q: Ahmed Jaangoan

E-mail: [email protected]

Mogadishu , Somalia.

Dowladda Somalia, waxa ay jirtaaa wax ka yar 2 bilood, haddana wararka naga soo gaaraya, ma ahan kuwa la mahdiyo, oo waa khilaafyo wada curdun ah.

Xog aan helnay ayaa sheegeysa in madaxweynaha iyo xubnaha baarlamanka ay ka dhex tafan tahay sababo la xiriira arrinta miisaaniyadda Dowladda.

Ilo xog ogaal ah ayaa Caasimada Onlineu sheegay in madaxweynaha uu diiday inuu saxiixo miisaaniyaddii ay xildhibaanada ansixyeen, isaga oo qaadacsann mushaharka xildhibaanada.

Xildhiibanada ayaa gacantooda ku qortay mushahar bishii ah 2000 oo dollar xildhibankiiba.

Waa lacagtii ugu badneyn ee xildhibaan uu qaato. Xildhibaanada Baarlamankii madaxweyne Cabdullahi Yusuf AUN, waxa ay qaadan jireen 1000 dollar, waxaana laga dhigay 750, markii lagu biiriyay 250 xildhibaan oo ahayd kooxdii Shariif Axmed.

Madaxweynuhu wuxuu ku dooday in 2000 ay tahay lacag badan, dowladdana aysan awoodin, xilli ciidanka qaranka mushahar loo la’ yahay.

Guddoomiyaha baarlamanka uu arrintaas kala hadlay, ayaa isna ku adkeystay in 2000 ay tahay lacag aan badneyn, marka la eego qarashka ku baxaya xildhibaanka.

Ilaa iyo hadda madaxweynuhu wuxuu ku adkeysanayaa inuusan saxiixi doonin miisaaniyadda illaa lacagta mushaharka xildhibaanka wax laga dhimo.

Xildhibaanda ayaa iyaguna ku goodiyay in haddii aanu madaxweynaha ansixin miisaaniyadda, ay ka aar gudan doonaan xukuumadda uu soo dhisayo ra’iisul wasaare Saacid, oo ay ku ridi doonaan baarlamanka.

Illaa iyo hadda ma jirto cid soo kala dhex gashay labada dhinaca.

Wixii soo kordha kala soco Caasimada Online.

Xili Isbuucan gudihiisa laga yaabo in Ra’iisul Wasaraha Soomaaliya Cabdi Faarax Shirdoon uu soo dhiso ayaa waxaa wali soo badanaya baaqyada loo jeedinayo Dowlada Soomaaliya.

Odayaasha dhaqanka ee ku sugan Muqdisho ayaa u jeediyay dowlada Madaxwaynaha Xasan Sheekh Maxamuud  baaq  ku aadan xukuumada uu soo dhisaya Mr Saacid.

Axmad Diiriye Cali oo kamid ah Odayaasha dhaqanka ee Muqdisho ayaa ugu gacan haatiyay Rai’iisul Wasaare Saacid in xukuumada uu soo dhisayo  in Wasiirada aan laga yarayn 18.

Nabadoonkan ayaa sheegay inay muhiimtahay in Isbadal uu yimaado kaas oo Mira dhala ,waxaana uu dhanka kale uu sheegay in lasoo dadajiyo dhismaha Xukuumada.

Ra’iisul Wasaaraha Soomaaliya ayaa war sir ah oo la helayo waxaa uu sheegayaa in dhamaadka todobaadkan uu ku dhawaaqi doono xukuumadiisa.

Shalay ayay ahayd markii uu sidoo kale baaq noocan ah jeediyay Maxamed Xasan Xaad oo isna ka tirsan odayaasha beelaha Hawiye.

Warar na soo gaaray ayaa sheegaya in golaha wasiirada cusub lagu dhowaaqi doono maalinta arbacada ah, kadib markii ugu dambeyn la isku raacay tiradooda.

Loolaankii u dhaxeeyay madaxweynaha iyo ra’iisul wasaaraha ee ku aadanaa tirada golaha wasiirada, ayaa la sheegay in ugu dambeyn uu ku adkaaday madaxweynaha oo laga dhigay kaliya 9 wasiir.

Waxaa sidoo kale la magacaabi doonaa 9 wasiir ku xigeen iyo 4 wasiiru dowle.

Wasaarad walba waxaa hoos iman doontaa illaa afar wasaaradod, si loo dhiso dowlad aad iyo aad u kooban, balse tayo leh sida madaxweynuhu ku dooday.

Tani macanheedu waxa ay tahay in beelo badan oo waa weyn ay wasiir la’aan ku dhacday oo ay daaqadda ka baxeen.

Beelaha Hawiye, waxaa ugu weyn oo wasiir la’aan noqon doona beesha Murusade, inkasta oo Abgaal aysan heleyn wasiir, balse ayagu ay heystaan madaxweyne, oo aanay dacwad qabin.

Hawiye waxa ay heleen laba wasiir, waxaana kala qaatay Habar Gidir ( Sacad) iyo Xawaadle.

Jagada Habar Gidir waxaa loo magacaabi doonaa Cabdikariim Xuseen Guuleed, oo ka tirsan kooxda Damul Jadiid ee madaxweynaha, waana wasiirka arrimaha gudaha, amniga iyo qaranka.

Beelaha Daarood waxaa heli doona Majeerteen iyo Ogaadeen, waxaana daqaada ka baxay beelo ay Dhulbahante ugu weyn yihiin, inkasta oo Mareexaan ayagu ay heystaan ra’iisul wasaare oo aysan dacwad qabin.

Beelaha dir waxaa qaatay Isaaq Habar Jeclo, oo gabar kasoo jeedo loo magacaabi doono wasiiraka Arrimaha, dibedda, xiriika caalamiga ah iyo qorsheynta qaranka.

Beesha kalena waa Dir Biyamaal, oo aan helin qofka ay soo dirsadeen.

Digil iyo Mirifle, waxa la kacay Leesaan iyo  Bagadi, sida aan xogta ku helnay.

Beesha Shanaad, waxaa soo gaaray hal wasiir, waxaana qaadan doona hogaamiyaha ruuxiga ah ee kooxda Damul Jadiid, Faarax Cabdul Qaadir, oo loo magacaabi doono Wasiirka waxbarshada hiddiha iyo tacliinta sare. Waxa uu kasoo jeedaa reer Aw-Xasan.

Xildhibaano badan ayaa ka carreysan arrintan, waxaana ay ku hanajbeen inaysan dowladda ansixin ka heli doonin baarlamanka.

Wixii kusoo kordha ee xog ah nagala soco dhowaan insha allah.

Maamulka gobolka Banaadir, ayaa shaaca ka qaaday inay kula tala jiraan qorshooyin culus oo laga damacsan yahay suuqayada iyo ganacsiga magaalada caasimada ah ee Muqdisho.

Guddoomiyaha gobolka Banaadir ahna duqa magaalada Muqdisho, ayaa sheegay in dib loo soo celin doono dhismayaasha suuqyadii qaddiimiga ahaa ee magaalada.

Isaga oo la hadlayay mid ka mid ah idaacadaha magaalada Muqdisho, ayaa Maxamuud Axmed Nuur Tarsan, waxa uu ku warramay inay goor horeba dhiseen suuqayada Waaberi iyo Hodan, inkasta oo kan Hodan uusan weli shaqo billaabin, ayna dhisi doonaan kuwa kale oo badan.

Waxa kale oo sheegay in waxa laga qaban doono waxa uu ugu yeeray nidaam darrada ganacsi ee ka jirta qaar ka mid ah suuqyada magaalada.

“Ma sii arki doontid dad ku ganacsanaya waddooyinka, waxaana dhammaantood loo sameyn doonaa goobo ganacsi oo ku dhex yaala suuqyada Muqdisho” ayuu yiri Tarsan.

Allaha Unaxariistee waxaa maanta Muqdisho lagu aasay Marxuum ahaahana Abwaan soomaaliyeed oo si wayn looga yaqiinay Fanka Soomaaliya iyo Muqdisho.

Aaska Marxuum Abwaan Warsame Shire ayaa waxa ka qaybgalay Fanaanin ,Wariyaal iyo qaybaha kala duwan ee shacabka oo ka tiiraanyooday geeridiisa.

Dad aqoon u lahaa abwaanka oo goobta ka hadlay Sida Awdaanko ayaa waxaa uu sheegay in Marxuumka uu ahaa mid lagu xasuusto sheekooyin badan uu sameeyay,isagoo dhanka kale tibaaxay inuu ahaa nin gacantiisa laga nabad gali jiray.

Majaajiliistahan Caanka ah ee Aaw- Daanko ayaa ka dalbaday Dowlada Soomaaliya inay sharciga horkeento kooxihii dilay Abwaanka.

Xalay ayay ahayd markii kooxo hubaysan ku toogteen degmada Waabari Abwaan  Warsame oo u shaqaynayay Raadiyaha Kulmiye.

Hawaneey sida la sheegayo ka tirsanayd Ciidamada Nabad Sugida Dowlada soomaaliya ayaa magaalada Muqdisho lagu dilay,inkastoo warar badan ay ka soo baxayaan dilkeeda iyo waxaa ay ahayd.

Kooxo ku hubaysan Bistoolado ayaa waxaa ay gabadhan ku dileen gurigeeda hortiisa oo ku yaala xaafada Xamar Jadiid ee Degmada Warta nabada kadibna ay goobta dilka ka baxsadeen.

dilka gabadhan ayaa waxaa sida ay dad indhaha saaray dadka waxdilay waxaa ay inoo sheegeen inay tiradooda gaarayso ilaa labo ruux oo dhalinyara ahaa.

Warar kale ayaa sheegaya in gabadha la dilay ay ahayd qof shacab laakiin ku dhadhawayd ama ay isaku fiicnaayeen ciidanka dowlada maadama uu halkaas ka agdhawaa Fariisin ciidan.

Howlgalo ayaa saakay waxaa ay ka soconayaan xaafada uu dilka ka dhacay waxaana soconaya baaritaano la xiriira dilka gabadha,laakin dilkaan ayaa ka qayb ah qul qulka dhiiga Muqdisho ku daadanaya.

Magaalada Galkacayo ee xarunta Gobolka Mudug ayaa maanta 29 October,2012 waxa lagu gubey lacago faalso ah oo gaareysa $135 kun oo dollar, taasi oo horey ciidamada amaanka Puntland ay horey uga soo dhex qabteen magaalada.

Goob fagaare ah ayaa lagu gubey ,waxana la sheegey inay jirtey lacag Shilin Somali ah oo iyana been abuur ahayd oo lala gubey Doolarka.

Wasiir ku xigeenada Amniga iyo Maaliyada Puntland ,maamulka gobolka Mudug iyo Taliye xigeenka booliska Puntland iyo dadweyne ayaa ka soo qaybgalay saxaafada lacagtana loo soo bandhigey.

Cabdi Jamaal Cismaan Maxamed ku xigeenka wasiirka Amniga Puntland ayaa sheegey in lacagtan maanta gubeen ahayd mid hadii ay suuqa geli lahayd lagu dhici lahaa ganacsatada oo in badan aan dareemi karin lacagtan faalso inay tahay.

Wasiirku waxa uu tilmaamay in sharciga la hor kaeni doono shaqsi walba oo danbi dalka ka gala,waxana uu arinkaana ku sheegay in ay ahayd danbi culus oo aan la iska cafinayn.

Amaanka Magaalada Galkacayo ayuu Cabdi Jamaal hadalkiisa ku soo danbeysiiyey inuu yahay mid laga shaqeeyey.

Dhankiisa ayaa wasiir xigeenka Maaliyada Cabdirixman Xaaji Xasan ayuu sheegay in lacag falso Somali ah ay hada ka hor qabteen ,isagoona ku goodiyay in cid walba oo daneenaysa isdaba marin aysan meelna ciidnka Puntland aysan ka gaarayn .

Lacagaha faalsada ah ayaa badi laga keenaa Koonfurta Somalia gaar ahaan Muqdisho ,waxana ay dhabar jab ku noqon lahayd dhaqaalaha dalka oo hadaba aad qiimo dhac ugu yimid Doolarka oo marayo halkiisu 21 Kun oo shilinka Somaliga ah.

Isha: GO

 Kooxo hubaysan ayaa maqribnimadii caawa degmada Waaberi ee Gobolka Banadir ku dilay Alle ha u naxariistee Abwaan Warsame Shire Cawaale oo ka mid ah abwaanada Soomaaliyeed ee sida weyn loo yaqaan.

Abwaanka ayaa waxa uu ku sugnaa xiligii la dilayay meel u dhow masaajid ku yaal Degmada Waaberi ,waxaana uu isku diyaarinayay inuu aado  masaajidka.

Mid ka mid ah dadka deegaanka oo la hadlay saxaafada ayaa  sheegay in markii la dilayay abwaanka inuu ka agdhawaa goobta.

Abwaanka ayaa waxa uu ka tirsanaa bilihii ugu dambeeyay radio Kulmiye oo ka mid ah idaacadaha  magaalada Muqdisho.

Warsame Shire Cawaale ayaa dhalay Fanaanada Ayaan Warsame Cawaale oo kusoo caan baxday heesta KAMPALA ADAA I BADAY.

Wariye ka tirsan Radio Kulmiye ayaa Caasimada Online u xaqiijiyay in abwaanka muddooyinkii dambe inuu sameynayay ruwaayado ay ka mid tahay ruwaayada SHANDARALEEY.

Maqaalkan waa mid aan ku lafa gurayno siyaasada gunta dheer ee dawladaha geeska afrika ay ka leeyihiin qaybo kamida soomalia iyagoo u arka in jiritaanka dalalkoodu uu ku xirran yahay wacyiga deegaanadaasi.

Deegaanada Jubooyinka iyo gado ee koonfurta soomalia waa deegaano leh khayraad isugu jira beero, xoolo, dhul xeebeed, shidaal iyo macdan. Dhulkaasi waa dhul kooban oo ay suura gali karto in si fudud loo maamulo lagana warhayo isbadalada siyaasadeed iyo kan ciidan ee deegaanka wallow ay jiraan dhul kaymeed baaxad wayn oo ay suuro gali karto inaan si dhaqso ah loogu kala bixin.

Deegaankan Jubooyinka ayaa ah deegaan muhiimad wayn u leh umada soomaliyeed ahna dhulka uu maro dhul badhaha aduunka. Sidaas si lamida waxaa deegaankan isha ku haya dawladaha xuduuda la leh kuwaas oo aaminsan inay tahay dhul ay dheef iyo dhiba kala kulmi karaan ayna tahay in muhiimad badan siiyaan.

Dalalkan dariska la ah deegaankan ayaa si toos ah iyo si aan toos ahaynba uga qayb qaata siyaasadaha isbadbadalka badan ee deegankan Jubooyinka iyadoo laga xussi karo doorkii faca waynaa ee ay dawladaEthiopiaku lahayd qaab siyaasadeedka murugsan ee deeganada Jubooyinka. Waxaa sidoo kalle xusid mudan doorka sida xawliga ah usoo badanaya ee dawladaKenyaoo iyaduna dano dhaqaale ka leh deegaanka ayna tahay inay siyaasada deeganakana lug ku yeelato, halkani waa dulucda maqaalka.

Kenyawaa dawladii abid si heer sare ah hawlgal ciidan uga fulisa deegaanada Jubooyinka iyo gedo iyadoo hawlgalkaasi uu ahaa kii abid ugu waynaa ee ayKenyamillateri ahaan fuliso.

Ethiopia iyadu walli si toos ah oo madax banaan uma soo galin deegaankan mana aysan u fulin sida kan Kenya lakiin waxay ahayd dawlada kaliya ee shaxda siyasadeed ee deegaanka Jubooyinka qalinka u haysay waxaana laga xussi karaa hawlgalkii ay ku baacsanaysay maxaakimta taasoo oo markii ugu horaysay u sahlay in calankeeda laga taago xeryo ciidan oo ay kasamaysatay waqooyiga magaalada Kismaanyo inkastoo aanu hawlgaasi ahayn mid waqti dheer qaatay.

Labadan dal ee midba mar deegaankan soo galayo ma is waafaqsan yihiim amaba ma isku agenda ayay ka leeyihiin deegaankan?, jawaabtu waa maya oo mid walba dantiisa ayuu ugu gabanayaa hawlgalkiisa. Arrintani waa mida uu maqaalku qeexayo in deegankanu uu marti-galiyay siyaasado shisheeye oo is hardinaya ayna suurawdo in dalalkaasi ay si xirfadaysan ugu dagalamaan gacan ku haynta deeganadan Jubooyinka. Arrintan waxaa u markhaati kacaya wacyigii ugu danbeeyay oo aan ka dheehan karnay xaalada deeganada Jubooyinka iyo gedo.

Kenyawaxay tababar siisay ciidan beeleed ay u aragtay inay la dhacsan yihiin siyaasadaKenyaee deegaanka taas badalkeedana waxay hiil iyo hooba la garab istaagtay ciidan beeleedkaasi.Kenyawaxaa usuuragashay inay meesha ka saarto kooxdii ka talinaysay meesha waxayna gaashaan ka dhigatay ciidan beeleedkii ay awalba iyadu unkatay waxayna u balan qaaday inay si xirfadaysan ugu samayn doonto deegaanka maamul kaas oo ay iyagu arrimin doonaan.

Arrintani waa arrin halis ah lakiin Kenya waxay ku jirtaa xaalada aysan dan kalahayn waxa imaan karra waayo waxaa un imaan karra inay sida ay doonayso u hirgasho oo ay maamul ay iyadu raali ka tahay uu ka arrimyo deegaanka iyo in ciidan beeleedka ay iyadu unkatay iyo kuwa kalle ay ku hardamaan gacan ku haynta deegaanka labadaas arrin midina saamayn kuma lahan hawlgalka Kenya oo isagu leh ujeedooyin hoosaad asal u ah.

Ethiopiaiyadu waa ay iska cadahay muhiimada iyo waliba danaha siyasadeed ee ay ka leedahay deegaanka Jubooyinka iyo gedo ujeedooyinkaas oo u badan kuwo amni. Marka aan leeyaahay kuwo amni,Ethiopiawaxa ay saamayn wayn ku leedahay habsami usocodka siyasadeed ee soomalia wallow ay hoos u dhacday ka dib geeridii aabaha Ethiopiada cusub, Malez Zenawi.

HadanaEthiopiawaxa saldhig u ah inay si kasta uga hortagto in deeganada Jubooyinka ay yeeshaan maamul saamayn ku leh xaalada gudahaEthiopia. Jubooyinka waxaa dega soomali qabaailo kala duwan leh hasa ahaatee khibrada ay Ethiopia soomalida u leedahay ayaa u sahlaysa inay halbeeg iyada gaar u ah saarto soomalida degta Jubooyinka iyo gedo kaas oo qaarkood hoosta ka xariiqaya madaama ay Ethiopia aaminsantahay inay halis ku noqon karaan degenaanshaha gudaha Ethiopia taasina waxay ka door bidaysaa inay wax walba samayso intii ay arki lahayd Juboyinka iyo gedo oo halis iyada ku ah. Arrinkani waxaa laorankaraa wuxuu kamid yahay siyaasada fog ee Ethiopia ay ka leedahay gudaha soomalia waana arrin ay siyaasiyiin soomali ah oo Ethiopia si daacad ah ugu shaqayn jirray ay ku ilduufeen lana ogyahay xaalka ay ka danbeeyeen. Waxaan ka xusi karaa in madaxwaynihii dawlad deegaanka soomalida ee ugu firfircoonaa uguna danbeeyay uu dabinkaas lugta la galay ayna keentay inay ay shaqayso siyaasada guunka ah eeEthiopia.

Arrinka Jubooyinku wuxuu xiisad culus ka dhalinayaa dawladaha jaarka la ah dhexdooda waxaana uu noqon doonaa mid ay ku adkaan doonto in midba midka kalle ka dhaadhiciyo siyaasadiisa gaar ahaaneed.  Ethiopiawaxay aaminsantahay in ayKenyaku khaldantay kuna fashilantay adeegsiga kuwaEthiopiahalista ku ah taasina ay keenayso inEthiopiajiritaankeedu ku xiranyahay inay ka hortimaado qorshahaKenyagabi ahaantiisba.Kenyaiyadu waxay leedahay dano dhaqaale amniguna kama marna lakiin waxay noqon doontaa mid khibrad ka hesha hawlgalkan waxayna yeelaysa hadba meesha ay isleedahay dhibaato kaama soo wajahayso waxayna ogsoontahay saamayntaEthiopiahadii ay iska indha tirto.  Xaalku waa mid u daran soomalida oo ah cida kaliya ee ah dhibku sida tooska ah u saamaynayo halka dawladaha kalle ay wataan danno iyo waxa loo yaqaano ” contingency plans”.

Waxaan kusoo gababaynayaa ma adka in ciidan iyo hogaan kaliya uu ka taliyo Jubooyinka ee waxaa adag in maamul Jubaland la yiraahdo loo sameeyo Jubooyinka iyo gedo, sabab? Jawaabtu waa dhankaaga.

W/Q: Cabdijaliil Mohamed

Afeef: Aragtida qoraalkan waxa ay ku gaar tahay qoraaga ku saxiixan

Manchester City ayaa gaashaanka ku dhufatay warar sheegayey inay shaqada Roberto Mancini ku bedeli doonaan tababarihii hore ee Barcelona Pep Guardiola ka dib markii ay kooxdu agaasimaheeda kubada cagta u magacaawday agaasimihii hore ee farsamada Barcelona Txiki Begiristain.

Imaanshiyihii Txiki Begiristain ka dib, saxafada ayaa soo jeedineysay inuu jidka kusoo jiro Guardiola kaasoo shaqada ka bedelaay tababaraha reer Talyaani ka dib markii uu sanadkaan ku fashilmay inuu kooxda u keeno natiijooyin wax ku ool ah.

Mancini, oo shan sano oo qandaraas ah xagaaga u saxiixay City ayaa noqonaaya tababaraha ugu sareeya ee kooxda laga qadariyo, wuxuuna hada ku jiraa wado uu ku badbaadsanaayo shaqadiisa, sida laga soo xigtay ila wareedyo kooxda ku dhow.

“Roberto wuxuu kooxda u qaaday sedax koob mudadii labada sano iyo barka aheyd ee uu la joogay wuxuuna kooxda u saxiixay shan sano oo qandaraas ah intii lagu jiray xagaaga, taasna ma dhacdeen hadii uusan fikrad ka heysteen waxaa jira macalimiin qaldanta,” ila ku dhow kooxda aya sidaasi u sheegay ESPN.

“Marnaba, tani ma quseyso tababaraha, waa wax ay sameynayaan xubno kooxda ah. Mida ugu macquulsan waa inuu arinka ku lug leeyahay nin hore oo Barcelona ah mana ahan wax hada halkaan ka socda.”

W/Q: Ahmed Jaangoan

E-mail: [email protected]

Mogadishu, Somalia.

Chelsea ayaa xiiseyneysa inay lasoo saxiixato ciyaaryahanka qadka dhexe ee kooxda CSKA Moscow Alan Dzagoev laakiin kooxda ka dhisan Ruushka ayaa ku beecin doonta lacag aad u badan, sida uu qoray Caughtoffside.com

Dzagoev ayaa si aad ah uga dhex muuqday koobkii qaramada qaarada Yurub ee lagu qabtay Poland iyo Ukraine, wuxuuna dhaliy sedax gool xilli ay Russia ku hartay wareega Group-yada.

22 jirkaan kubad sameeyaha ah ayaa lala xiriirinaayey inuu u dhaqaaqo Tottenham laakiin waxaa la fahamsan yahay inay Chelsea xidigaan u aragto bedelka Frank Lampard.

Tababaraha Blues Roberto Di Matteo ayaa qirtay dhamaadkii isbuucaan in Lampard oo 34 uu Janaayo ka haayimi karo Stamford Bridge ayna kooxda heysata Horyaalka Yurub sanada cusub soo dhaqaajin doonto Dzagoev.

W/Q: Ahmed Jaangoan

E-mail: [email protected]

Mogadishu, Somalia.

Tababaraha Arsenal Arsene Wenger ayaa xooga saari doona inuu kooxdiisa kusoo biiriyo ciyaaryahanka garabka uga ciyaara Newcastle United Hatem Ben Arfa, kaasoo uu u arko bedelka ciyaaryahanka kooxda kasii socda ee Theo Walcott. Sida uu qoray wargeyska Caughtoffside.com

Tababaraha Gunners ayaa waqti dheer lala xiriirinaayey inuu diyaar u yahay inuu soo qaato weeraryahanka Magpies ka dib bandhigiisii il qabadka lahaa ee uu Ben Arfa kusoo bandhigay Barclays Premier League bilishii lasoo dhaafay.

Arsenal ayaa aalaaba wadahadalo kula jirtay Walcott laakiin waxay u muuqdaan inaysan ka miro dhalin inay Emirates kusii hayaan ciyaaryahanka reer England.

Cabasho uu ka qabo mushaar yari ayuu qarka ugu saran yahay inuu ka tago Gunners waxaana lasoo werinayaa in ciyaaryahankii hore ee Southampton bisha Janaayo la suuq geyn doono ka dib horumar la’aan saameysay wadahadaladii uu qandaraaska ku dheereyn lahaa.

Ben Arfa ayaa ku dhowaa inuu ku biro Arsenal intii lagu jiray sedaxdii sano ee uu 25 jirkaani la joogay kooxda Marseille, waxaana ciyaaryahanka loogu wacay xulka qarankiisa Faransiiska.

Weeraryahanka Newcastle United ayaa sheegay inuu ku farax san yahay noloshiisa North-East laakiin wuxuu usoo dhaqaaqi karaa Arsenal iyadoo uusan indhaha ka daboolan Karin asxaabtiisa ku sugan Emirates Stadium.

W/Q: Ahmed Jaangoan

E-mail: [email protected]

Mogadishu, Somalia.

Wafti heer sare ah oo ka socda urur goboleedka IGAD, ayaa lagu wadaa inay si deg deg ah u gaaraan magaalada Muqdisho, ayaga oo dowladda Somalia kala hadli doono arrinta maamul u sameynta gobolada Jubbooyinka iyo Gedo, kadib wada hadallo ku bur buray magaalada Muqdisho shalay.

Tallaabada IGAD ayaa timid kadib markii xubno ka socda guddiga farsamaha ee shirka ka socda Nairobi oo Muqdisho kula kulmay madaxda Dowladda ay is afagarn waayeen, kuna kala boodeen shirkoodii.

Wada hadallada oo maalmihii u dambeeyay oo dhan ka socday Muqdisho, oo u dhowaa in la iska afgarto, ayaa saacadihii ugu dambeeyay lagu kala tagay, kadib markii dalab ka yimid Dowladda ay diideen xubnaha guddiga farsamada.

Dowladda ayaa la sheegay inay aqbashay in dadka deegaanka ay dhistaan maamul u gaar ah, dowladdana ay ku gacan siiso, hase yeeshee waxaa la isku afgaran waayay qaabka dhismaha maamulka iyo codsi kale oo dowladda ka yimid oo ahaa in xubno dheeri ah lagu daro guddiga farsamada.

Dowladda ayaa dooneysa in maamulka lagu saleeyo hab beeleed, si loo qanciyo dhammaan beelaha deegaanka, taasi oo ka hor tagi karta in beelaha qaar ay gadoodaan, ayna dagaal kala horyimaadaan maamulka, hase yeeshee guddiga farsamada ayaa ku dooday in maamulka laga dhigi doono mid aan beel ku saleysan, balse deegaan lagu dhisi doono.

Dowladda waxa ay u sheegtay guddiga farsamada in ay jiraan beelo dhowr ah oo usoo gudbiyay cabasho ah inaanay cidna uga qeyb galeyn shirka Naiorbi, sidaa darteedna ay u baahan tahay xaqiijin ah inaan cidina looga tagin maamulka, taasi oo guddiga farsamada ay keeni waayeen.

Sidoo kale dowladda ayaa u sheegtay gudiga farsamada inay dooneyso in xubno xildhibaano ah lagu ballaariyo guddiga farsamada, si ay u matalaan dadka ay kasoo jeedaan ee dega gobolada Jubbooyinka.

Xubnahaasi oo ahaa illaa 8 kana soo jeeday beelaha Sade 1, Harti 1, Absame 2, Sheekhaal 1, Gaaljecel 1, Jareer-weyne 1 iyo Raxanweyn 1, ayaa guddiga farsamada ku gacan seereen, sidaas ayaana wada hadallada loogu kala booday.

Guddiga ka socda IGAD ayaa lagu wadaa inay dhowaan garaan Muqdisho, si ay dowladda ugala hadlaan caqabadahan cusub ee soo baxay.

Chelsea ayaa cabasho rasmi ah ka gudbisay garoore Mark Clattenburg kaasoo ay ku eedeeyeen inuu hadalo aan isir naceyb ah u adeegsaday ciyaartoydooda.

Blues aya cabasho rasmi ah u gudbisay wakiiladii Premier League goob jooga u ahaa kulankaan ay guul darradu kazoo gaartay United, taasoo Fernando Torres ciyaarta looga saaray qalad uu garsooruhu ku lug lahaa iyadoo Javier Hernandez goolkiisii guusha uu ahaa mid Offside ah.

Afhayeen u hadlay Chelsea ayaa xaqiijiyey: “Waxaan cabasho rasmi ah u gudbinay wafuudii ka socotay Premier League-ga ee ciyaarta xaadirka ku ahaa maadaama uu garsooruhu erayo isir naceyb ah u adeegsaday laba ka mid ah ciyaartoydeena laba qalad oo dhacay intii ay ciyaartu socotay.”

Waxaa la ogyahay in John Obi Mikel uu qeyb ka ahaa shilkaan iyadooba warar xan ah ay sheegayaan inuu ugu yeeray Daanyeer, halka ciyaaryahanka kale loo maleynaayo Juan Mata.

W/Q: Ahmed Jaangoan

E-mail: [email protected]

Mogadishu, Somalia.

Gonzalo Higuain ayaa sheegay in  Los Blancos ay sameyn doonto wax walba oo ay kusoo ceshan karta La Liga ka dib markii ay axadii 5-0 ku dubteen Mallorca oo ay marti ugu ahaayeen garoonkeeda.

Weeraryahanka reer Argentina ayaa laba gool dhaliyey halka uu sidoo kale laba gool caawiye ka ahaa, kooxda Jose Mourinho ayaana markaan usoo jeeda inay hugaanka mar uun la wadaagto Barca, ka dib guulo isku xiga.

Kooxda ay xafiiltamaan ayaana guul la mid ah tooda horaan ka gaarttay Rayo Vallecano, sideed dhibcood ayaana u dhexeysa farqiga labada koox.

“Guushaani muhim ayey inoo tahay laakiin waa inaan sidaan sameynaa kulamada kale. Barcelona iyaduba wey ogtahay inaysan kulan qasaarin Karin.” Ayuu yiri Higuain ciyaarta ka dib.

W/Q: Ahmed Jaangoan

E-mail: [email protected]

Mogadishu, Somalia.

Ciyaartoyda 23ka ah ee isugu soo haray abaal marinta laacibka sanadka aduunka Fifa Ballon d’Or 2012 ayaa manta (Isniin) lagu dhawaaqi doonaa, waxaana lasoo sheegayaa in qaabka ay codeyntu  u dhaceyso aan wax laga bedelin.

Waxaa soo baxaayey warar sheegaya in laga yabaa in sharciga codeynta abaal marintaan wax laga bedelo, iyadoo manta daaha laga qaadayo 23da ciyartoy ee sida rasmiga ah isgu soo haray abaal marintaan uu sedaxdii sano ee ugu dambeysay ku guuleysanaayey xidiga Barcelona Lionel Messi.

Majalada bixisa abaal marintaan France Football ayaa daaha ka qaaday in qaabka codeyta abaal marinta uu weli sidiisii yahay, waxaana mar kale codeyn doonaa weriyeyaal caalamka laga soo xulay tababarayaasha xulalka iyo Kabtanada.

W/Q: Ahmed Jaangoan

E-mail: [email protected]

Mogadishu, Somalia.

Chelsea, Manchester United iyo Liverpool ayaa saraakiil daawada u diray 19 jirka daafaca uga ciyaara kooxda Genoa Mario Sampirisi kulankii ay sabtida wajaheen kooxda AC Milan. Sida uu qoray Wargeyska Daily Mail.

Daafacaan kasoo baxay Akadeemiga kooxda Milan ayaa horay uga ciyaari jiray daacafa garabka laakiin mar dambe ayuu u wareegsaday doorka daafaca halbowlaha.

Xidigaan daafaca ku wanaagsan ayaa kooxdiisa fure uga ahaa daafaca dhexe ee kubad celiyaha waxaana haatan looga gacan haatinayaa Horyaalka England Premier League.

W/Q: Ahmed Jaangoan

E-mail: [email protected]

Mogadishu, Somalia.