25.7 C
Mogadishu
Friday, August 22, 2025

Waxbadan ka ogaaw sababta ka danbeysay in xubno muhiima laga saaro xisbiga ka arrimiya DDSI

Kulan tan iyo 8dii Agoosto magaalada Addis Ababa uga socday xubnaha Xisbiga Dimoqaraadiga Shacabka Soomaalida Itoobiya ayaa sida uu sheegay guddoomiyahooda cusub oo ah wasiirka warfaafinta ee dawladda Federaalka ee Itoobiya, Axmed Shide, waxaa lagu go’aamiyey in xisbiga laga saaro xubno lagu tuhmay in ay ka dambeeyeen rabshadihii ka dhacay deegaanka.

Shir jaraa’id oo uu Axmed Shide ku qabtay Addis ababa, ka dib gabagabadii kulankaas, ayuu ku sheegay in 3 xubnood laga saaray guddiga fulinta, 8 xubnoodna laga saaray golaha dhexe ee xisbiga.

Talaabadaas ayuu ku tilmaamay inay tahay go’aan siyaasadeed oo xisbigu ka qaatay dadkaas oo wax laga saarayo rabshidihii horraantii bishan ka dhacay deegaanno ka tirsan DDSI.

Waxaa shirka la fadhiyey madaxweynaha cusub ee DDSI, Axmed Cabdi Maxamed iyo xubnaha xisbiga.

Wuxuu kaloo intaa ku daray inay jirto talaabo xagga sharciga la xiriirta oo laga qaadayo dadka dambiyada gaystay intii ay rabshaduhu socdeen, “kuwaasoo ay hay’adaha dambi baaristu gacanta ku hayaan”.

Ma uusan sheegin magacyada xubnahaas laga saaray xisbiga.

Waxaa la filayaa in ay qaban qaabiyaan shirweyne ay isugu keeni doonaan “dadka deegaanka”, laakinse ma aysan sheegin goorta uu dhici doono, halka uu ka dhici doono, iyo cidda ka qayb galaysa toona.

Hadalka wasiir Axmed Shide ayaa ku soo beegmaya ayadoo magaalada Addis Ababa ay sidoo kale kulan u fadhiyaan guddoomiyeyaasha 11ka gobol ee DDSI iyo 5ta xubnood ee gobol kasta ugu sarraysa xagga maamulka, iyo sidoo kale wasiirrada iyo wasiir ku xigeennada maamulka DDSI.

Wararku waxay sheegayaan in ayaguna ay ka arrinsanayaan sidii meel loogu yeeli lahaa rabshadihii dhacay iyo ciddii mas’uulka ka ahayd.

Wararka ayaguna naga soo gaaraya deegaannada is maamulka Soomaalida waxay sheegayaan in shirar waaweyn ay ka dhacayaan magaalooyin ay ka mid yihiin Jigjiga oo ah halka ay shirarka ugu badan ka socdaan, dhagaxbuur, Qabridahar, Godey iyo meelo kale.

Shirarkaas ayaa la sheegay in ay ku salaysan yihiin sidii loola jaanqaadi lahaa isbeddellada haatan socda, waxaana dib ugu soo laabanaya deegaannadaas dadkii markii hore uga cararay khilaafaadka siyaasadeed iyo mabaadii’da ay aaminsanaayeen daraadood.

ISHA BBC

“Ka hortaga musuqa xitaa waxa uu saameyn doona Xafiisyada FARMAJO & KHEYRE” (Sawirro)

Muqdisho (Caasimada Online)-Guddiga Maaliyadda ee golaha shacabka Baarlamaanka Federaalka Soomaaliya ayaa maanta la kulmay Hanti dhowraha guud ee Qaranka Maxamed Maxamuud Cali (Afgooye).

Kulanka ayaa ka dhacay xafiiska ay guddiga maaliyadda ku leeyihiin xarunta Villa Hargeysa ee Magaalada Muqdisho, Hanti dhowraha guud ee Qaranka ayaa guddiga maaliyadda ee golaha shacabka la wadagay warbixin ku saabsan shaqada xafiiskiisa.

Hanti dhowraha ayaa sidoo kale guddiga uga warbixiyay howlaha la xisaabtanka iyo ka hortagga musuq maasuqa ee uu ku sameynayo hay’addaha dowladda.

“Xafiiskeyga hawlo muhiim ah ayuu wadaa, sida aad la socotaan waxa hada xeran oo baaris ay ku socotaa masuuliyiin ka tirsan hay’addaha dowladda oo arrimo musu maasuq lagu soo eedeeyay, kuwa kalena waan ku daba jirnaa”. Ayuu yiri Hanti dhowraha Qaranka.

“Sidoo kale waxaan idiin balan qaaadaya in isla xisaabtanka aan wado inan gaarsiinayo xafiisyada sare ee dowladda sida xafiiska Madaxweynaha iyo Ra’iisul Wasaaraha, hada waxa socdo baaris kale oo aan ku wadno hay’addo ka tirsan dowladda”. Ayuu yiri Hanti dhowraha Qaranka.

Hanti dhowraha Qaranka Maxamed Maxamuud Cali (Afgooye) ayaa guddiga maaliyadda ka codsaday iney kala shaqeeyaan meel marinta sharciga Hanti dhowrka oo golaha wasiirada ay ansixiyeen.

Guddoomiye ku-xigeenka guddiga maaliyadda ee golaha shacabka Maxamed Aadan Macalin oo kulanka ka hadlay ayaa bogaadiyay shaqada wanaagsan ee uu wado Hanti dhowraha, sidoo kale waxa ay ka codsadeen inuu sii laba jibaaro howlaha la xisaabtanka.

“Aad baa u bogaadinaya hawsha wanaagsan ee ka socota xafiiska Hanti dhowraha, guddiga maaliyadda waxa uu balan qaadaya inuu la shaqeynayo hanta dhowraha si loo ciribtiro musuq maasuqa, sidoo kale sharciga Hanti dhowraha waan ka shaqeyneynaa wixii talooyin ah waan ku biirineynaa”. Ayuu yiri guddoomiye ku xigeenka guddiga.

Sawirro:- DFS oo durba maamul cusub u magacawday Furdada Canshuuraha Dakadda

Muqdisho (Caasimada Online)-Wasaarada Maaliyada Xukuumada Somalia ayaa maamul KMG ah u magacawday Furdada Canshuuraha Dakadda Muqdisho.

Maamulkii hore ee Furdada iyo xubno kale ayaa waxaa shalay loo xiray arrimo la xiriira musuq-maasuq, waxaana xilka si KMG ah usii heyn doona maamulka cusub.

Wasiiru-Dowlaha Wasaaradda Maaliyadda XFS Maxamuud Xayir Ibraahim ayaa Xasan Cabdicasiis Axmed (Baashe) u magacaabay in uu noqdo Maamulaha cusub ee KMG Furdada Xamar.

Wasiiru-Dowlaha ayaa isla maanta ka qeybgalay dhaarinta maamulaha cusub,waxa uuna kaga digay inuu maro halka ay mareen kuwii hore.

Maamulka cusub ayaa sii wadi doona shaqooyinka hakat-ka galay ee ka socday Xafiiska, waxaana suuragal ah in maamulka cusub si rasmi ah looga dhigo mid buuxa.

Docda kale, dhamaan Xafiisyada Shaqada Canshuuraha ee Dakadda Muqdisho ayaa sidoodii caadiga ahaa u shaqeynaya iyadoona maamulaha cusub uu si toos ah shaqada u guda galay

GAAS oo shir degdeg ah isugu yeeray Madaxda maamul Goboleedyada dalka (Akhriso)

Garoowe (Caasimada Online)-Qoraalka ka soo baxay Golaha Iskaashiga maamul  goboleedyada ka tirsan dowlada Federaalka oo uu ku saxiixan yahay Hogaamiyaha maamulka Puntland ahna Guddoomiyaha Golaha ayaa lagu martiqaaday Hoggaamiyayaasha kale ee Gobolada.

Qoraalk ayaa waxaa maamulada Jubbaland, Galmudug, Hirshabeelle iyo Koofur Galbeed lagu wargaliyay inay ka soo qeyb galaan shir ka dhacaya Kismaayo 3-da bisha soo socota ee September.

Waxaa lagu sheegay qoraalka in Shirka looga tashan doono danaha maamul goboleedyada iyo kuwa Qaranka, iyadoo la sheegay in Xogheynta Golaha ay soo diyaarin doonaan ajandaha shirka.

Shirkan degdega ah waxa uu dhacayaa xili qaar ka mid ah Maamul goboleedyada ay wajahayaan  doorashooyin ku soo fool leh iyo loolan siyaasadeed oo ay kala kulmayaan siyaasiyiin iyo dowladda Dhexe.

Sidoo kale, Shirka 3aad ee Golaha Iskaashiga dowlad goboleedyada oo dhamaadka sanadkii la soo dhaafay la dhisay ayaa ku soo aadaya, xilli dowladda Federaalka iyo dowlad goboleedyada uu u dhaxeeyo mad-madow siyaasadeed

Daawo: Xogo dheeraada oo laga helayo xariga mas’uuliyiinta Kastamka Dekadda & Qodobada xeerka loo cuskaday oo lasoo bandhigay

Muqdisho (Caasimada Online)-Saraakiisha taliska ciidamada Booliska qeybta Hoggaamnka Canshuuraha ayaa ka hadlay xariga mas’uuliyiin iyo xubno ka tirsan Kastamka Dekadda Muqdisho.

Saraakiishu waxa ay sheegen in xariga mas’uuliyiinta iyo xubnaha uu yahay mid xili hore la bilaabay baaritaankiisa, hase yeeshee ay ku dhaceen kiiska.

Taliyaha hogaanka Canshuuraha ee Ciidanka booliska Soomaaliyeed Jenaraal Cabdullaahi Xasan Bariise ayaa sheegay in dadka loo xiray musuqa ay yihiin 10 qof oo ka shaqeynayey  Kastamka canshuuraha Dekedda Muqdisho kuwaa oo loo xiray musu maasuq.

Waxa uu tilmaamay in dowlada Somalia ay dhowr jeer ka digtay musuqa, hase yeeshee ay iminka usoo jeesatay inay ka hortagto kuwa caadeystay musuqa.

Jenaraal Cabdullaahi Xasan Bariise waxa uu uga digay cidkasta oo ka shaqeysa Hay’adaha kala duwan ee dowladda in ay ku kacdo musuq maasuq ama xatooyo xoolo dadweyne,waxa uuna sheegay in ciddii lagu arkaa tallaabo sharci ah laga qaadi doono.

Waxa uu sheegay inaan laga aamusi doonin qofkii isku dayaa inuu qaato canshuur laga qaado dad masaakiin ah, waxa uuna soo jeediyay in qof waliba ay iimaansato mushaarka uu ka qaato dowlada.

Todobaadyadii la soo dhaafay waxa ay waday dowlada Somalia la-xisaabtan dhanka mas’uuliyiinta ah,waxana xiran in ka badan 15 Mas’uuliyiin kala dwuan oo ka Shaqeeya Hay’adaha dowladda.

Marka la’eego Xeerka ciqaabta Soomaaliyeed mas’uuliyiinta iyo xubnaha loo heysto musuqa ayaa ku eedeysan qodobada kala ah 366, 368, 370, 240 iyo 7, oo xeerka ciqaabta Soomaaliyeed ah.

Sidoo kale, waxaa la sheegay in raggaasi ay hadda yihiin kuwo eedeysanayaal ah, balse haddii lagu helo danbiga ay u xiran yihiin ay noqon doonto mid heer qiyaano dal iyo mid shacab.

Baaritaanka ayaa sidoo kale laga yaabaa inuu cagaha la galo mas’uuliyiin kale oo ka shaqeysa Dekkada Muqdisho oo qeyb ka noqon kara shabakadan.

HOOS KA DAAWO BOOLISKA OO KA HADLAY BAARITAANKA SOCDA

https://www.youtube.com/watch?v=Lil0DvhUy9w

Guddoomiyaha Baarlamanka Hirshabeelle oo shahaado sharaf la siiyay

0

Sheikh Cismaan Barre Maxamed wuxuu noqday gudoomiyihii ugu horreeyay ee baarlamaan goboleed ee shahaado sharaf ka hela mudanayaashiisa, waxeyna noqotay mid ay aad u hadal hayaan dhamaan dadka kasoo jeeda maamul goboleedka Hirshabeele.

Guddi ka koobnaa 16 xubnood ayaa abaalmariyay Mudane Shiekh Cismaan iyagoo uga mahad celinaya doorkii uu kulahaa la xisaabtanka golaha wasiirada ee maamulka Hirshabeelle.

Muddo 18-bilood ah wuxuu waday gudoomiyaha baaramaanka Hirshabeelle isla xisaabtan xooggan kaas oo sababay in qaar ka mid ah golaha wasiiradda shaqooyinkooda hakad la galiyo kadib markii la ogaaday iney sameeyeen wax isdabamarin.

Waxyaabaha xiisaha leh ee la xusi karo waxaa kamid ah in shaqadii laga joojiyay guud ahaan garsoorkii Hirshabeelle kadib markii la ogaaday iney ku kaceen eex iyo wax isdabamarin, sidoo kale xubno ka tirsan golaha Wasiiradda ayaa aad loogu dhaleeceeyay shaqo xumo, waxeyna sheegeen iney isbadal deg-deg ah la imaan doonaan.

Maamulka Hirshabeele oo ah midkii ugu dambeeyay ee laga hirgaliyay Soomaaliya ayuu baaramaankiisa u muuqdaa mid diyaar u ah in wax loo qabto bulshada deegaanka, waxaana arrintaas ku amaanan gudoomiyaha baarlamaanka Shiekh Cusmaan Barre Maxamed.

Wuxuu xildhibaanada baarlamaanka uga mahad celiya iney u garteen shahaado sharaftaa, isagoo sheegay inuu joogteyn doono isla xisaabtanka xukuumadda, xildhibaanadda ayaa iyaguna si guud u amaanay tilaabadaan.

Puntland oo ku dhawaaqday dagaal dib u xoreyn & Xuduudaha maamulka oo la xiraayo

Garoowe (Caasimada Online)-Wasiirka Arrimaha Gudaha maamulka Puntland Cabdullaahi Timacade, oo la hadlay warbaahinta ayaa shaaca ka qaaday in Puntland ay qaadeyso dagaal kama danbeyn ah.

Waxa uu Wasiirka sheegay in dagaalka uu yahay mid ay ku qaadi doonaan Gobolka Sool, kaa oo la doonaayo in lagu xoreeyo gabi ahaan Gobolka oo intiisa badan xiligan ku jira gacanta Somaliland.

Shir degdeg ah oo ay isugu yimaaden Guddiga difaaca Puntland ayaa waxaa lagu iclaamiyay dagaalka ay qaadeyso Puntland.

Guddiga oo shir jaraa’id ku qabtay magalada Garoowe ayaa shaaciyey in maalmaha fooda nagu soo haya ay qaadi doonaan dagaal loogu magac daray (Xoreynta Sool) oo lagu qaadayo deegaano ka tirsan gobolka Sool.

Guddiga waxa uu tilmaamay inay muhiim tahay in dagaalka ka hor la xiro dhammaan xuduudaha uu leeyahay maamulka iyadoo laga hortagaayo dhaqdhaqaaqa xuduudaha.

Wasiirka Arrimaha Gudaha Puntland Cabdullaahi Timacade oo ka mid ah xubnaha Guddiga ayaa ugu baaqay Hoggaamiyaha maamulka C/weli Gaas in uu amar ku bixiyo dagaalka lagu xureynayo Gobolka Sool, isla markaana dhammaan xuduudaha Puntland lasoo xiro.

Timacade, waxa uu hadalkiisa intaasi ku darey in Beesha Caalamka ay u sheegayaan in xalka kaliya ee Puntland heyso uu yahay xoreynta deegaanada ka maqan Puntland ee ku yaalla Gobolka Sool.

Sidoo kale, Guddiga ayaa Taliyayaasha iyo Saraakiisha Ciidamada faray inay u diyaar garooban dagaalka (Xoreynta Sool) oo qaadan doono inta ay Puntland ka maamuleyso Gobolka.

Si kastaba ha ahaatee, iclaaminta dagaal ee  Guddiga ayaa kusoo beegmeysa xili Somaliland ay cadeysay inaysan ka bixi doonin Gobolka Sool, isla markaana uu yahay Gobol ay iyaga leeyihiin.

Caasimada Online

Xafiiska Garoowe

[email protected]

Xildhibaan ka tirsan BFS oo is casilay & Kursiga Agaasimaha Hay’adda Nabadsugida oo..

Muqdisho (Caasimada Online)-Xildhibaan C/qaadir Gaafoow Maxamuud oo laga soo doorto deegaanada maamulka Galmudug  ayaa ku dhawaaqay inuu iska casilay kursigiisa.

Xildhibaanka ayaa sheegay in is casilaadiisa ay tahay mid isaga u gaar ah, waxa uuna tilmaamay in Guddiga Doorashooyinka uu u gudbiyay is casilaadiisa.

Guddiga doorashooyinka ayaa sheegay in Xildhibaan C/qaadir Gaafoow Maxamuud uu iska casilay xubinimadiisa baarlamaan oo muddo sanad iyo bar ah uu hayay.

Gudoomiyaha Guddiga Doorashooyinka Qaranka Xaliima Ismail ayaa ku dhawaaqday inay bilaabeen howsha soo buuxinta 3-kursi oo ka bannaan Golaha Shacabka lagu dooranayo Beydhabo iyo Dhuusamareeb.

Xaliima Ismail, waxa ay carab dhawday in kuraasta loo tartami doono ay baneeyen Agaasimaha Hay’adda Nabad sugida iyo Sirdoonka Somalia Xuseen Cusmaan, Cabduqaadir Gaafow oo is casilay iyo Marxuum Khaliif Cabdullahi.

Ex Xildhibaan C/qaadir ayaa la dhashay Taliyihii hore ee Nabadsugida C/llaahi Gaafoow, waxana doorashadiisa ka dhashay muran badan oo ugu dambeyn sababtay in Cadaado laga soo wareejiyo oo lagu doorto Muqdisho horaanta sanadkii 2017.

Sidoo kale, kursiga uu iska casilay Ex Xildhibaan C/qaadir, ayaa la soo sheegayaa inuu u tartami doono C/llaahi Gaafoow oo ah Taliyihii hore ee Nabadsugida.

Si kastaba ha ahaatee, inta badan Xildhibaanada Baarlamaanka ayaa xilalka usii haya kuwo ay isku heeb yihiin oo u muuqda inay dhaxal ka dhigteen kuraasta leysku bedbedelaayo.

Caasimada Online

Xafiiska Muqdisho

[email protected]

Jen. Caanood & afartameeyo gaadiid dagaal uu watay oo gudaha u galay magalada Marka & Rasaas goosgoosa oo la maqlaayo

Afgooye (Caasimada Online)-War goordhow naga soo garay magaalada Marka ee Xarunta Gobolka Shabeellaha Hoose ayaa sheegaya in gudaha magaaladaasi ay galeen Ciidamo uu wato Abaanduulihii CXD ee xilka laga qaaday Janeraal Cabdullaahi Cali Caanood.

Ciidamadan ayaa la sheegay in gaadiidka qaar ay ku wateen sahay iyo fuustooyin shidaal kuwaa oo markii ay galeen magaalada la wareegay dhufeysyo badan oo ay ku sugnaan jireen ciidamo ka tirsan dowlada.

Ciidamada ayaa goortii ay galeen magaalada waxa ay bilaabeen rasaas, waxaana ilaa iyo hadda la maqlayaa rasaas goos goosa oo ay ridayaan ciidamada uu wato Janeraal Cabdullaahi Cali Caanood.

Dadka deeganka waxa ay soo sheegayaan in dhammaan jidadka magaalada ay maanta yihiin kuwo xirxiran isla markaana ay waddooyinka intooda badan ay ku sugan yihiin ciidamada Caanood.

Abaanduulihii CXD ee xilka laga qaaday Janeraal Cabdullaahi Cali Caanood iyo ku dhawaad afartan seddex gaadiid dagaal uu wato ayaa shalay ku nastay degmada Shalaalbood ee Gobolka Shabeellaha Hoose,iyaga oo xalay halkaasi ku hoyday,isla markaana saakey ay galeen degmada Marka.

Ciidamada ayaa fariisin waxa ay ka sameysteen xaafado ka tirsan Marka,sida Ayuub,Beytu-raas, Owbaale iyo Xarunta Maamulka degmada Marka oo bilihii u dambeysay aheyd mid aan Shaqeyn.

Sidoo kale, Janeraal Cabdullaahi Cali Caanood, ayaa laga soo xigtay inay ku nagaan doonaan magalada Marka ee Xarunta Gobolka Shabeellaha Hoose, waxaana shaki xoogan laga muujinayaa qorshaha dhaqdhaqaaq Jeneraal Caanood iyo ciidamadiisa.

Si kastaba ha ahaatee, maalmihii ina soo dhaafay ayaa waxaa la hadal hayay in abaanduule Caanood uu ka careysan yahay xilka qaadistii uu kala kulmay Madaxweyne Farmaajo.

Caasimada Online

Xafiiska Afgooye

[email protected]

Wararkii ugu danbeeyay ee laga helaayo xariga Mas’uuliyiin ka tirsan Kastamka Canshuuraha Dekedda Muqdisho ee loo xiray musuqa

Muqdisho (Caasimada Online)-Warar dheeraad ah ayaa waxa uu kasoo baxayaa xariga mas’uuliyiin iyo xubno kale oo ka tirsan Dekadda Muqdisho kuwaa oo loo heysto arrimo la xiriira musuq-maasuq.

Xubnaha loo xiray musuqa oo ku dhow 10 xubnood ayaa waxaa ku jira Madaxii Kastamka Canshuuraha Dekedda Muqdisho Axmed Samow oo saacadihii ugu danbeysay isku dhiibay ciidamada xarunta CID-da.

Xariga iyo baaritaanka lagu hayo mas’uuliyiinta iyo xubnaha kale ayaa waxaa ka hadlay ku-simaha Taliyaha Hay’adda Dambi baarista ee CID-da Bishaar Abshir Geedi.

Bishaar Abshir Geedi, waxa uu sheegay in xeerilaainta ay amartay in lasoo xiro 10 ruux oo ka tirsan Kastamka Canshuuraha Dekedda Muqdisho oo lagu eedeeyay in ay lunsadeen Xoolo dadweyne, sidaana lagu xiray.

Bishaar Abshir Geedi, waxa uu sheegay in ciidamada CID-da oo fulinaaya amarka Xeer ilaalinta ay xireen xubnaha oo uu sheegay in lagu hayo kiisas cadcad oo musuq ah.

Bishaar waxaa uu sheegay in ay yihiin dadkaasi eedeysanayaal, islamarkaana hadda ay ku socoto Baaris lagu kala saarayo sida ay u kala danbi badan yihiin.

“Xariga mas’uuliyiinta iyo xubnaha waxa uu qeyb ka yahay qorshaha lagula dagaalamaayo musuqa oo ay wado xukuumada Somalia, ma jirto cid la maagayo qofkii lagu helaa musuqa ciqaabteeda ayuu qaadan doonaa”

Waxa uu Bishaar Abshir Geedi, tilmaamay in dowlada Somalia aysan khalad ku maagi doonin qof wanaagsan hase yeeshee ay wado keliya baaritaan lagu kala saarayo danbiilayasha iyo kan danbi la’aanta ah.

Bishaar Abshir Geedi, waxa uu sidoo kale sheegay in ciidamada CID-da ay habbeenimadii xalay qabteen Madaxii Kastamka Canshuuraha ee Dekedda Muqdisho Axmed C/llaahi Samow, kaddib markii shalay Ciidamada Booliska ay xireen ku-xigeenkiisa iyo shaqaalaha xafiiskiisa.

Mas’uuliyiinta Kastamka Canshuuraha Dekedda Muqdisho oo isugu jira Madaxa Kastamka, kuxigeenkiisa iyo xubno kale ayaa xalay ku hoyday Xarunta dambi baarista CID, waxaana ku socda baaritaano la xiriira kiiska lagu soo eedeeyay ee musuq maasuq ku saabsan.

Waxaa sidoo kale la xiray xubno lagu eedeeyay Musuq maasuq oo ka tirsanaa Ciidamada Ilaaladda degaanka Xamar.

Talaabadan ayaa imaaneysa xili dowlada Somalia ay dhawaan ku dhawaaqday ciribtirka shaqsiyaadka musuqa ku bahoobay ee cuuryaamiyay horumarka ka jira dalka.

Caasimada Online

Xafiiska Muqdisho

[email protected]

Sawirro: CID-da DFS oo heshay qalab casri ah oo lagu baaro danbiyada waaweyn

Ra’iisul Wasaaraha Xukuummadda Federaalka Soomaaliya Mudane Xasan Cali Khayre ayaa xalay xarigga ka jaray Xarunta hoggaanka baarista danbiyada (CID) oo dib u dayactir xooggan lagu sameeyay laguna soo kordhiyay qalab casri ah oo ka qayb qaadanaya sugidda amniga iyo ka hor tagga danbiyada abaabulan.

Munaasabadda uu Ra’iisul Wasaaruhu ku daah-furay xarunta hoggaanka baarista Danbiyada (CID) oo lagu qabtay gudaha xarunta ayaa waxaa kasoo qayb galay gudoomiyaha Maxkamadda sare ee dalka, Wasiirka Amniga, taliyaha booliiska Soomaaliyeed, Gudoomiyaha Gobalka Banaadir, ku-simaha taliyada hoggaanka baarista danbiyada iyo saraakiil kale.

Xarunta hoggaanka baarista danbiyada (CID) ayaa lagu dhisay barnaamijka Is-xilqaan ee uu iclaamiyay Madaxwayne Maxamed Cabdullaahi Maxamed Farmaajo, kaas oo fududaynaya in bulshadu ay dhisato xarumaha muhiimka u ah horumarka dalka, iyada oo dhammaan masu’uuliyiinta kasoo qayb gashay munaasabadda daah-furka ay soo dhaweeyeen in xaruntu ay noqotay xaruntii ugu horeysay ee lagu dhiso Barnaamijka Is-xilqaan.

Xarunta hoggaanka baarista danbiyada waxaa sidoo kale lagu soo kordhiyay qalab casri ah loo adeegsado ka hor tagga qaraxyada iyo fal denbiyeedyada abaabulan kaas oo fududaynaya shaqada hoggaanka baaristu uu uga qayb qaadanayo adkaynta amniga dalka.

Hoggaanka baarista danbiyada oo kamid ah hoggaannada ugu muhiimsan sugidda amniga dalka, ayaa ka masuul ah dhammaan qorshayaasha baaritaanka guud oo ay kamid yihiin kiiska gacan ku dhiiglayaasha iyo qiyaanada qaran, waxaana dib u dayactirka xaruntaan iyo qalabanteeduba ay qayb ka yihiin qorshayaasha lagu hagaajinayo hannaanka sugidda amniga dalka si mawaadiniinta Soomaaliyeed ay u helaan nabad buuxda.

Wasiir Goodax Barre oo magacaabidiisa kadib soo saaray wareegto muhiima oo uu ku shaqo bilaabay

Wasiirka Waxbarashada hidaha iyo Tacliinta sare ee Soomaaliya Mudane Cabdulahi Goodax Barre ayaa soo saaray wareegto ku saabsan Nidaamka hirgelinta waxbarashada dalka maadaam dhawaan lagu wado in la furo sannad dugsiyeedka Waxbarsho.

Agaasimaha guud ee Wasaaradda Waxbarashada Xassan Maxamed Cali ayaa saxaafadda u akhriyay wareegtada ka soo baxday Wasaaradda waxaana kamid ah , si looga fogaado jahawareer ku dhaca caruurta Soomaaliyeed ee dhigta dusgiyada waxbarashada dalka islamarkana loo dhaqan geliyo siyaasadda  iyo manhajka qaranka  ee ay ansixiyeen golaha wasiirada.

Nidaamka hirgelinta waxbarashada dalka

1-Manhajka, dhamaan dugsiyadda waxaa lagu dhigayaa buugagta cusub ee ku saleysan manhajka  qaran kuwaasoo dhawaan idin soo gaari doona gaar ahaan fasalada  hoose, koowaad iyo afraad oo ay diyaarisay wasaaradda waxbarashada dalka.

2-Wasaaradaha waxbarashada dowlad goboleedyada dalka  ayaa qaadi doona imtixaanka shahaadiga ee  fasalka sideedaad ee loogu gudbo dugsiga dhexe, iyaga ayaana bixin doona shahaada loogu gudbayo.

T,Imtixaanka  fasaladka afraad  waxaa qaadaya  wasaaradda waxbarashada hidaha iyo tacliinta sare ee dowladda federaalka.

J,shahaadda dugsiyada sare  waxaa laga qaadan doonaan xafiisyada wasaaradda ee dowlad goboleedyada iyo xafiiska imtixaanaadka  iyo shahaadooyinka oo ay ka heli doonaan ardeyda gobolka Banaadir.

 3- Sannad dugsiyeedka xiligiisa.

Dhamaan dugsiyada waxay galayaan labo xili oo kala ah xiliga koowaad  wuxuu bilaaban doonaa bisha Ogosto sabtida ugu horeysay wuxu dhamaan doonaa todobaadka saddexaad ee bisha  December ee sannad walba, sannad dugsiyeedka labaad, wuxuu bilaaban doonaan  Sabtiga ugu horeeya  ee bisha janaayo wuxuuna dhamaan doona todobaadka ugu dambeeya ee bisha maaj.

4-Afafka lagu baranayo manhajka.

  • Dugsiyada hoose dhexe waxay wax ku baran doonaan afka Soomaaliga.
  • Afka carabiga waxaa maado ahaan  laga bilaabayaa  fasalka koowaad dugsiga hoose.
  • Afka Ingiriiska maado ahaan waxaa lagu bilaabaya fasaladka sadddexaad dugsiyada hoose.
  • Dugsiga sare waxaa wax lagu  baranayaan Afafka Soomaaliga, Carabiga iyo ingiriiska iyadoo la raacayo manhajka qaranka.

5- Fasaxyada sannad dugsiyeedka waxaa la raacayaa kalandarka wasaaradda ay soo saartay sannad dugsiyeedka.

  • Dugsiyada sare wuxuu qaadan doonaa 10 maado.
  • Dugsiga dhexe wuxuu qaadan  8 maado.
  • Dugsiga hoose wuxuu qaadan 8 maado.
  • Dugsiga sare wuxuu qaadan doonaa 10 bilood
  • Dugsiga dhexe  wuxuu qaadan doonaa 10 bilood.
  • Dugsiga hoose wuxuu qaadan doonaa  10 bilood.

DHAMAAD

Daawo: Shirkada DP World oo qalabkii ugu horeyay geysay Dekada Berbera xili aan munaasib aheyn

Hargeysa (Caasimada Online)-Shirkada DP World ee laga leeyahay dalka isutaga Imaaraadka carabta ayaa muddo dheer kadib qalabkii ugu horeyay geysay Dekadda Berbera oo idinkii lagu bixiyey uu yahay mid weli lagu muransan yahay.

Shirkada DP World oo heshiiska ballaarinta Dekadda uu ka dhamaaday ayaa asbuucii hore dalbatay in loogu darro laba sano oo dheeri, taasi oo keentay inay soo dadajiso qalabka lagu hormarin lahaa Dekadda si wakhti dheeri ah loo siiyo.

Qalabka ay Shirkada DP World geysay Dekadda Berbera ayaa waxaa ku jira qalab casri ah oo suuragalin kara in Dekadda ay kusoo xirtaan Maraakiib badan, kuwaa oo la filaayo in lagu hormarin doono guud ahaan Dekadda oo aan sanado badan helin dayactir.

Qalabka markii ugu horeysay la geeyay Dekadda ayaa waxaa la socda Injineero la wareegi doona dayactirka Dekadda oo wakhti qaadan doonta.

Injineerada ayaa xooga saari doona goobaha loogu tallo galay inay ku xirtaan Maraakiibta rarka sida iyo wax ka bedelka muuqaalka guud ee Dekadda.

Hoos ka daawo qalabka ay Shirkada DP World geysay Dekadda Berbera iyo qorshooyinka laga damacsan yahay:

Ruushka oo ifisay miraha ka dhalankara Heshiiska Somalia iyo Eriterea

Muqdisho (Caasimada Online)-Iyadoo sanado badan kadib ay heshiis kala saxiixdeen dowladaha Somalia iyo Eriterea ayaa waxaa heshiiskaasi taarikhiga ah markii ugu horeysay ka hadlay Dowladda Ruushka.

Dowladda Ruushka,ayaa sheegtay in heshiiska Somalia iyo Eriterea uu muhiim u yahay xasiloonida Gobolk.

Qoraal ka soo baxay Wasaaradda arrimaha dibadda Dalka Ruushka ayaa lagu sheegay in xiriirka diblumaasiyadeed ee u biloowday dalalka Somalia iyo Eritrea uu muujinaayo in Africa ay indhaha kala qaadey xili laga deyrinaayay xasiloonida ka jirtay dhowrkii sano ee lasoo dhaafay.

Waxaa qoraalka Wasaarada lagu sheegay in dowladda Ruushka ay baqdin ka qabto in dhexda loo galo isku soo dhawaanshaha dowladaha Africa oo iyagu u kala jabay Khaliijka, hase yeeshee ay aad usoo dhaweynayaan isbedelka ay ku talaabeyso Somalia.

Waxaa qoraalka lagu sheegay in xiriirka cusub ee labada dal xitaa ay faa’iido u tahay dalalka deriska la ah Somalia iyo Eriterea.

Ruushka waxa ay tilmaantay in Heshiiska labada dal uu horseedi karo is dhexgal labada shacab iyo in la hormariyo xiriirka diblumaasi iyo kan Ganacsi.

“Isbedelka dhacay waxa uu mustaqbal wanaagsan u yahay labada dal iyo guud ahaan Gobolka, waxa uu horseedi doonaa iskaashi dhan waliba ah”

Dowladda Ruushka ayaa farta ku fiiqday sida ay muhiim u tahay in Dalka Eritrea uu dib ugu laabto xubinnimada Urur Goboleedka IGAD,kaas oo ay muddo dheer ka maqneyd.

Madaxweynaha Somalia Maxamed Cabdullahi Farmaajo ayaa dhamaadka bishii la soo dhaafay booqasho 3 cesho qaadatay ku tagay Dalka Eritrea,waxaana uu halkaas heshiis ka koobaan afar qodob kula saxiixday dhiggiisa Eritrea.

Geesta kale, todobaadkii la soo dhaafay Wafddi uu hoggaaminayay Wasiirka arrimaha dibadda Erittea Cismaan Salax ayaa booqasho labo cesho qaadatay ku yimid Muqdisho, taa oo Ruushka ay ku micneysay mid kamid ah isbedelada Gobolka.

Caasimada Online

Xafiiska Muqdisho

[email protected]

Fahad Yaasiin oo kulankii ugu horeeyay la qaatay taliyeyaasha NISA iyo howlwadeenada, dalab uu hordhigay: Akhriso

0

Muqdisho (Caasimada Online)-Fahad Yaasiin oo labo maalin ka hor loo magacaabay talige kuxigeenka hay’addda nabadsugida iyo sirdoonka qaranka ee NISA ayaa sabtidii (18-09-18) kulankii ugu horeeyay la qaatay taliyeyaasha sare ee NISA, saraakiil waaxeedyada iyo shaqaalaha sare ee NISA.

Kulankaasi oo ahaa mid isbarasho iyo xog kala qaadasho ayaa saraakiishii kasoo qeybgashay kulankaasi waxaa ka mid ahaa taliyaha guud ee NISA Xuseen Cismaan Xuseen, iyo taliyeyaasha laamaha kala duwan, wuxuuna Fahad Yaasiin mid mid u bartay saraakiisha iyo shaqaalaha xafiisyada kala duwan ee xarunta NISA.

Sidoo kale, wuxuu kormeer ku sameeyay kontoroolada laga soo galo xarunta NISA ee Habar Khadiijo, isla markaana uu si gaar gaar ah ula hadlay taliyeyaasha ku shaqada leh kontoroolada laga ilaaliyo xarunta NISA.

Ilo lagu kalsoon yahay ayaa caasimada u sheegay in waxyaabihii uu kala hadlay taliyeyaasha NISA iyo howlwadeenada NISA in ay ka mid ahaayeen qorshaha uu damacsan yahay in uu kusoo kordhiyo NISA iyo codsi uu hordhigay howlwadeenada isagoo ka dalbaday in lala shaqeeyo.

Kulamadaasi kadib,Taliyaha guud ee NISA Xuseen Cismaan Xuseen iyo kuxigeenkiisa cusub Fahad Yaasiin ayaa kulan gaar ah wada qaatay, iyadoo aan la ogeyn waxyaabihii ay ka wada hadleen.

Waxaa la ogsoon yahay in ay jirto fadeexad dhawaan ka dhex dhacday gudaha xarunta NISA, taasoo muujineysay in la jabsaday xafiiskii taliye kuxigeenkii xilka laga qaaday Cabdalla Cabdalla Maxamed, balse baaris la sameeyay kadib lagu ogaaday in uu ka danbeeyay talige kuxigeenkii xilkiisa waayay oo khilaaf uu kala dhaxeeyay taliyaha guud.

Caasimada Online
Xafiiska Muqdisho
[email protected]

Madaxii Kastamka Canshuuraha ee Dekedda Muqdisho oo isku dhiibay ciidamada

Muqdisho (Caasimada Online)-Warar soo baxaaya ayaa sheegaya in la xiray Madaxii Kastamka Canshuuraha ee Dekedda Muqdisho Axmed C/llaahi Samow kaddib markii maanta Ciidamada Booliska ay xireen kuxigeenkiisa iyo shaqaalaha xafiiskiisa.

Madaxii Kastamka Canshuuraha ee Dekedda, ayaa la sheegay inuu isku dhiibay ciidamada Xarunta dambi baarista ee CID, halkaasoo galabta lagu xiray xubnaha kale oo ka tirsan xafiiskiisa kuwaa oo loo xiray musuq ay geesteen.

Madaxii Kastamka Canshuuraha ee Dekedda Muqdisho ayaa Xafiiskiisa ka baxsaday ka hor inta aysan ciidamada xirin mas’uuliyiinta kale, waxa uuna markii danbe is geeyay xarunta baarista ee CID-da.

Axmed Samow oo la hadlay warbaahinta maxaliga ah ayaa sheegay in uusan baxsad aheyn, isagoo xusay in xiliga ay Ciidamada Booliska tageen xafiiskiisa uu ku maqnaa arrimo caafimaad, sida uu hadalka u dhigay.

Mas’uuliyiinta Kastamka Canshuuraha Dekedda Muqdisho oo isugu jira Madaxa Kastamka, kuxigeenkiisa iyo lix kale ayaa iminka lagu baarayaa Xarunta dambi baarista CID, waxaana ku socda baaritaano la xiriira kiiska lagu soo eedeeyay ee musuq maasuq ku saabsan.

Si kastaba ha ahaatee, Dekedda Muqdisho ayaa ka mid ah ilaha dhaqaale ee dowladda, waxaana waayadii ugu danbeeysay musuqa ka dhex socday isha ku hayay xafiiska Hanti dhowraha oo howlahaasi qaabilsan.

Caasimada Online

Xafiiska Muqdisho

[email protected]

Mashquul Caawa ka jira xarunta CID-da & R/W Kheyre oo halkaa gaaray

Muqdisho (Caasimada Online)-Warar dheeraad ah ayaa waxa uu kasoo baxayaa howlwadeeno ka tirsan Dekadda Xamar oo maanta lagu xiray xarunta dambi baarista ee CID-da kuwaa oo lagu eedeeyay inay geesteen musuq.

Mas’uuliyiinta iyo Xubnaha la xiray ayaa caawa ku baryaaya xarunta dambi baarista ee CID-day waxaana halkaa caawa ka jira mashquul badan.

Xubnahaani oo lix ah kana tirsan waaxda Canshuuraha ee dekadda Muqdisho ayaa su’aalo lagu weydiinayaa xarunta waxaana halkaa ku sugan Taliyayaal iyo Saraakiil ciidan oo qeyb ka ah baarista lagu hayo mas’uuliyiinta iyo xubnaha u xirsan musuqa.

Ra’isul wasaaraha xukuumada Somalia Xasan Cali kheyre ayaa sidoo kale caawa ku sugan xarunta dambi baarista ee CID-da oo halkaa kulamo kula qaadanaaya Taliyayaasha iyo Saraakiisha wada baarista.

Ra’isul wasaare Kheyre ayaa sidoo kale dhageysanaaya mas’uuliyiinta iyo xubnaha maanta loo xiray musuqa kuwaa oo lagu su’aalayo isla xarunta.

Wadooyinka gala Xarunta dambi baarista ee CID-da ayaa waxaa Caawa la dhigay Ciidamo ka kala tirsan Booliska iyo Koofi casta ilaalada u ah Ra’isul wasaare Xasan Kheyre.

Sidoo kale, Gawaari farabadan oo ay leeyihiin madax ka tirsan dowlada ayaa ku sii qul qulaya xarunta CIDA-da, iyada oo loo sababeynayo arrinta la xiriirta mas’uuliyiinta Gabaldhicii Caawa xaruntaas lagu xirey.

Geesta kale, mas’uuliyiinta la xirey ay maalmahaani waxaa baaris ku hayey xafiiska hanti dhowrka qaranka, balse maanta loo xiray musuqa kadib markii uu soo idlaaday dabagalka lagu hayay.

Caasimada Online

Xafiiska Muqdisho

[email protected]

Sacuudiga oo caburineysa Xujeydka Qadar & Xukuumada Qadar oo durba qeyla dhamisay

Doha (Caasimada Online)-Xukuumada dalka Qatar ayaa markii ugu horeysay ku eedeysay dowlada sacuudiga in muwaadiniin badan oo ka soo jeeda dalkeeda ay si cad uga mamnuucday inay xajiyaan sanadan.

Xukuumada Qadar, waxa ay tilmaantay in Sacuudiga uu weli siyaasadeynayo cibaadada, iyagoo sanadkan 2018 ogolaaday in 1,200 xujey ay gutaan waajibaadkooda xajka.

Xukuumada Qatar waxa ay sheegtay in aysan suura gal aheyn in la koobo dadka ka qeyb galaya munasabadan diimeed.

Dowlada Sacuudiga waxa ay sidoo kale Muwaadiniinta Qatar ee Xajka u taga dalkaas u diiday inay u kala gooshan magaalooyinka dalkaas, balse dowlada sacuudiga ayaa ku andacootay in arimahan aysan shaqo isku laheyn Xujeyda oo tahay wax iska caadi ah.

Boqortooyada sacuudiga dowlada imaaratka Bahreyn iyo Masar ayaa xiriirkii ay la lahaayeen Qadar Jaray Bishii June,kadib markii uu fashilmay weerar la doonayay in lagu qaado Maamulka Dooxa.

Bishii June ayaa wasaarada Xajka sacuudiga waxay ku dhawaaqday in ay Furtay website ay iska diiwaan galiyaan xujeyda dalkaas waxaana Arintaan mid aan suura gal aheyn ku tilmaamay mas,uuliyiinra Qatar.

Dhinaca kale, Abdullah al-Kaabi oo u ololeeya xuquuqda aadanaha ayaa waxa uu sheegay in dowlada sacuudiga ay albaabada isugu dhufatay shirkadihii ka shaqeyn Jiray Xajka ee dalka Qatar.

Caasimada Online

Xafiiska Doha

[email protected]

Akhriso: 5 arimood oo sabab u ah in DFS ay MUQDISHO uga yeerto howlwadeenada Safaarada Khartoum

Khartoum (Caasimada Online)-Sida aan wararkeena hore ku sheegnay Wasaaradda arrimaha dibadda iyo Iskaashiga caalamiga oo fulinaysa amarka Ra’iisul wasaaraha XFS Xasan Cali Khayre ayaa ku wargeliyay sii hayaha safaaradda, dhammaan diblamaasiyiinta iyo u-qaybsanayaasha ka hawl gala safaaradda Soomaaliya inay iska soo xaadiriyan magaalada Muqdisho.

Xirooro kala duwan oo aan la sameynay Soomaalida ku sugan dalka Sudan ayaa waxa ay inoo xaqiijiyeen in ballanqaadka Ra’isul wasaaraha uu ahaa in laga hor leexin doono dhammaan howlwadeenada ka howlgala Safaarada.

Waxa ay sheegen in Ra’isul wasaare Kheyre oo dhawaan ku booqday Sudan ay u gudbiyeen dacwad ka dhan ah maamulka Safaarad, sidaana ay ku timid u yeeridooda.

Asbaabaha dhaliyay in loo yeero dhammaan howlwadeenada Safaarada Somalia ee Sudan ayaa waxaa kamid ah:-

1-Ku tagri fal awoodeed ka dhan ah ardayda Soomaalida.

2-iibsashada Minxooyinka Jaamacadaha oo markii hore loogu tallo galay in lasiiyo ardayda oo laga dhigay kuwo laga macaasho.

3-Howl gudasho la’aan joogta ah iyo la dhaqan la’aanta ardayda.

4-Ardayda oo la sheegay inay waayen mas’uuliyiin u sameysa matalaad.

5-Howlwadeeno xad dhaaf iyo howlyari u saaxiib noqotay macaash dhaqaale.

Guddoomiyaha Ardayda Soomaalida ee dalka Sudan Cabdulkhaadir Faarax ayaa dhawaan Ra’isul wasaare Kheyre hordhigay in laga bedelo howlwadeenada Safaarada, waxa uuna cadeeyay in dhamaantooda ay yihiin kuwo aan daacad u aheyn howshooda Qaran.

Waxa uu sheegay in Safaarada gabi ahaanteeda laga dhigay suuq lagu kala iibsado Minxooyinka, waxa uuna taasi ku micneeyay niyad jab usoo hoyatay Ardayda.

Si kastaba ha ahaatee, u yeeridda biblamaasiyiinta iyo hawl-wadeennada safaaradda Soomaaliya ay ku leedahay Khartuum ayaa ka dambeeyay cabsasho ardayda Soomaaliyeed ee Suudaan ay ka gudbiyeen mas’uuliyiinta safaaradda intii lagu guda jiray safarkii dhawaan uu Ra’iisul Wasaare Xasan Cali Khayre iyo wafdi uu hogaaminayo ay ku tageen Khartuum.

Caasimada Online

Xafiiska Khartoum

[email protected]

Sawirro: Muxuu ku qotomay is araga R/W Khayre & Phumzile Mlambo-Ngcuka ee Vialla Somalia?

Ra’iisul wasaaraha xukuummadda federaalka Soomaaliya (XFS) mudane Xasan Cali Khayre ayaa kulan la qaatay agaasimaha arrimaha haweenka ee qaramada midoobay, Phumzile Mlambo-Ngcuka, oo markii ugu horaysay socdaal ku timid dalka Soomaaliya kadib casuumaad ay ka heshay wasaaradda haweenka iyo horumarinta xuquuqul Insaanka XFS.

Ra’iisul Wasaara Xasan Cali Khayre ayaa kulanka ka sheegay in dawladda federaalka Soomaaliya ay heer wanaagsan kasoo gaarsiisay matalaadda haweenka Soomaaliyeed ay ku leeyihiin siyaasadda, waxa uuna ballan qaaday in ay sii wadayaan dadaallada lagu garab istaaagayo haweenka, isaga oo ku ammaanay haweenka Soomaaliyeed dawrkii ay ku lahaayeen badbaadinta qaranka iyo bulshada xilligii burburka.

Wasiirka haweenka iyo horumarinta xuquuqul Insaanka Deeqo Yaasiin Xaaji Yuusuf oo kulanka qayb ka ahayd ayaa sheegtay in Ra’iisul Wasaare Xasan Cali Khayre iyo Phumzile Mlambo-Ngcuka ay si qota dheer uga hadleen arrimha haweenka Soomaaliyeed, ka qayb galinta haweenka arrimmaha siyaasadda iyo horumarinta dalka, xooojinta taageerada dawrka haweenka iyo sidoo kale sidii ay u wada shaqayn buuxda u yeelan lahaayeen hay’adda haweenka u qaabishan Qaramada midoobay iyo wasaaradda haweenka iyo xuquuqul Insaanka Xukuummadda Federaalka Soomaaliya.

Phumzile Mlambo-Ngcuka ayaa hoggaanka dawladda federaalka Soomaaliya ku ammaantay garab istaaga haweenka iyo ka qayb gelintooda siyaasadda iyo guud ahaan dadaallada horumarinta dalka, waxa ayna dhanka kale ballan qaaday in ay hay’addoodu si dhaw ula shaqaynayso wasaaradda haweenka si loo dar-dar geliyo horumarinta arrimaha haweenka.

Dawladda federaalka Soomaaliya ayaa dadaal xoog leh gelisay sidii haweenka Soomaaliyeed ay si buuxda qayb qaadan lahaayeen siyaasadda dalka, horumarinta amniga, iyo dadaallada dib loogu dhisayo dalka si loo celiyo sharafta iyo karaamada ummadda Soomaaliyeed ay ku lahayd dunida.