Sanca (Caasimada online)-Dowladdaa Sacuudiga ayaa war kasoo saartay duqeyn ka dhacday dalka Yemen oo ay ku dhinteen dad badan oo Soomaaliyeed oo dooni saarnaa.

Maj. Gen. Ahmed Al-Assiri oo ah Afhayeenka Ciidamada Isbaheysiga uu Sucuudigu hoggaamiyo ayaa sheegay in Weerarkaasi aysan geysan diyaaradahooda ,islamarkaana ay geysteen Xuutiyiinta.

Waxaa uu sheegay in goobta dadkaasi lagu dilay aysan Weeraro ka fulin Diyaaradaha Sucuudiga ,laakiin ay ku tuhun san yihiin in ay ka dambeeyeen Kooxaha Xuutiyiinta dalka Yemen.

Muqdisho (Caasimada Online)-Warar lagu kalsoon yahay ayaa sheegaya in Taliyaha Hay’ada Sirdoonka iyo Nabadsugida Qaranka Gen. Cabdullahi Gaafow Maxamuud iyo Taliyaha Ciidamada Booliska Maxamed Sheekh Xasan Xaamud ay warqad Is casilaad ah u gudbiyeen Madaxweynaha Somalia Maxamed C/llahi Farmaajo.

Taliyayaasha labada Hay’adood ayaa la sheegay in Madaxweynaha Somalia ay ka dalbadeen inuu akhbalo warqada Is casilaada, walow Madaxweynaha uusan wali ka jawaabin dalbka labada Taliye.

Warar hoose ayaa sheegaya in Madaxweynaha Somalia Maxamed C/llahi Farmaajo uu labada Taliye ka dalbaday inay bixiyaan Xuquuqda Ciidamada Qaranka dhowrkii bil oo aysan bixin, wixii intaa ka danbeeya ay suuragal tahay inuu akhbalo dalabka Is casilaada.

Madaxweynaha ayaa la sheegay in labada Taliye uu Is casilaadooda xujo uga dhigay in marka hore ay bixiyaan dhaqaalaha muddo 4 bil oo ah Xuquuqda Ciidamada ee leys daba mariyay.

Dalabka Is casilaada ayaa la xaqiijiyay inuu ka danbeeyay kadib markii labada Taliye ay la kulmeen cadaadis dhanka amaanka ah.

Dhinaca kale, waxaan la xaqiijin karin in Madaxweyne Farmaajo uu ka laaban doono go’aanka uu labada Taliye uga dalbaday bixinta xuquuqda la musuqay si loo aqbalo Is casilaadooda maadaama ay ku hingooben Amniga.

Caasimada Online
Xafiiska Muqdisho
[email protected]

Muqdisho (Caasimada Online) – Wararka naga soo gaaraya degmada Buuhoodle ayaa sheegaya in xalay xili dambe uu magaaladaasi isaga baxay madaxweynaha maamulka Khaatum Cali Khaliif Galeyr oo maalmahaan ku sugnaa degmadaasi.

Lama oga sababaha ka dambeeya in Cali Khaliif uu isaga baxaa degmada Buuhoodle, balse muddooyinkii ugu dambeeyay waxaa degmada ka taagnaa xiisad ka dhalatay safarkii uu ku tagay magaalada Hargeysa.

Wararka ayaa sheegaya in madaxweynaha Khaatumo uu kusoo jeedo magaalada Laascaano ee gobolka Sool, oo marar badan uu tagay, waxaana la sheegayaa in halkaasi uu u tagayo arimo la xiriira wadahadalka uu kula jiro Somaliland.

Wararka kale ee aan heleyno ayaa sheegaya in Cali Khaliif Galeyr uu ku wajahan yahay magaalada Dubia ee dalka iski taga imaaraatka carabta halkaasi oo wadahadalkii u dambeeyay ay ku yeelanayaan Somaliland iyo Khaatumo.

Wararkii u dambeeyay ayaa sheegaya in Laascaano ay tagi doonto diyaarad qaas ah oo madaxweyne Cali Khaliif ka qaadeysa degmadaasi, iyada oo geyn doonta dalka Imaaraatka Carabta.

Imaaraatka Carabta ayaa xiriir toos ah la sameynaya madaxda maamulada ka jira gudaha dalka Soomaaliya, wuxuuna doonayaa in maamul walbaa uu dantiisa gaar ah ka qabsadaa isagoo aan mareynin dowladda dhexe.

Caasimada Online
Xafiiska Muqdisho
[email protected]

Kampala (Caasimada Online) – Guddoomiyaha gobolka Banaadir ahna Duqa magaalada Muqdisho, Sheekh Yuusud Xuseen Jimcaale “Boorsaani” oo dadaal badan iyo juhdi ku bixinaya sidii uu u xajisan lahaa kursiga uu ku fadhiyo ayaa abaabulay odayaal dhaqameed iyo siyaasiyiin kasoo jeeda beesha Mudullood.

Kullan maanta xarunta madaxtooyada ka dhacay ayaa madaxweyne Farmaajo uu kula shiray odayaasha beesha Mudullood, waxaana kullankaasi oo ahaa mid qado ah waxaa goob joog ka ahaa SH. Yuusuf Boorsaani oo odayaashaasi u geeyay madaxweynaha.

Wariyaha Caasimada.com ee Muqdisho ayaa soo sheegaya in odayaashaasi ay madaxweynaha hordhigeen dalab ah in xilka guddoomiyaha gobolka iyo duqa Muqdisho la kala qaadin, isla markaana Sheekh Yuusuf loo dhaafo labadaasi xil ee is sacaran.

Odayaasha dhaqanka ee uu la shir tegay Sh. Yusuf oo dhaqaale ku bixiyay inay madalaan iyo balan qaad uu u sameeyay ayaa waxaa ka mid ahaa Imaamka beelaha Mudullood Imaam Maxamed Yuusuf, Ugaas Maxamuud Cali Ugaas, Malaaq Cali Malaaq Showri, iyo odayaasha dhaqanka beelaha Moobleen Ismaan, iyo Ujeejeen.

Sida ay ku waramayaan xubno shirkaasi ka qeybgalay ayaa sheegay in Madaxweyne Farmaajo oo aan ku qanacsaneyn soo jeedinta odayaasha uusoo abaabulay Boorsaani uu ka dhageystay codsigooda iyo dalabkooda, isagoo aan wax jawaab ah oo ay ku qanceen uusan bixin madaxweyne Farmaajo.

Sheikh Yuusuf Boorsaani ayaa lagu xusuustaa ololihii doorashadii inuu u ololeynayay madaxweynihii hore Xasan Sheekh Maxamuud isagoo dhaqaalihii ugu badnaa ee dhulalkii danta guud ee sida sharci darada uu u iibiyay ku bixiyay doorashooyinkii xildhibaanadii taageersanaa Xasan SHeekh iyo doorashadii 8-dii Febraayo ee guushu ku raacday madaxweyne Farmaajo.

Guddoomiyaha gobolka Banaadir ahna duqa Muqdisho Sh. Yusuf Boorsaani ayaa lagu tilmaamaa inuu yahay guddoomiyihii ugu masuq maasuqa badnaa ee soo mara gobolka Banaadir, isagoo si indo la’aan ah u xaluufiyay wixii dhul dowladdu laheyd ee bannaanaa kana iibiyay ganacsato ay ku shuraakoobeen dhul boobka.

Caasimada Online
Xafiiska Muqdisho
[email protected]

London (Caasimada Online) – Dowlada Britain ayaa ku guuleysatay in Shir weynaha London ee looga hadli doono arrimaha Somalia ka qeyb galaan Madaxweynayaasha Ugandha Yoweri Kaguta Museveni, Kenya Uhurro Kenyatta iyo Ra’isul wasaaraha Ethiopia Hailemariam Desalegn.

Labada Madaxweyne iyo Ra’isul wasaaraha Ethiopia ayaa horay u diiday inay ka qeybgalaan Shirka ka furmi doona magaalada London kaa oo looga hadlaayo Arrimaha Somalia.

Xoghayaha Arrimaha Dibedda ee Britain, Boris Johnson, ayaa xaqiijiyay in Dowlada Britain ay ku guuleysatay in Kenya, Ugandha iyo Ethiopia ka qeybqaatan Shirka looga hadlaayo arrimaha Somalia, waxa uuna tilmaamay in diidmadii hore leysla soo dhaafay.

Boris Johnson waxa uu sheegay in laga soo gudbay diidmada ka qeybgalka Shirka waxa uuna cadeeyay in Britain ay isku geyn doonto Madaxweynayaasha Somalia Maxamed C/llahi Farmaaji, Yoweri Kaguta Museveni, Uhurro Kenyatta iyo Ra’isul wasaaraha Ethiopia Hailemariam Desalegn.

Boris Johnson, waxa uu sheegay in Shirkaasi uu noqon doono mid taariikhi ah isla markaana looga wada hadli doono wax waliba oo maslaxad u ah Somalia, iyadoo shir gaara loo qaban doono Madaxweynayaasha aan kor kusoo xusnay si meesha looga saaro is fahan’waaga.

Shirweynahaasi waxa uu daba joogaa Shirweynihii Caalamiga ee sannadkii 2013-kii lagu qabtay magaalladda London, oo looga hadlay Taageeradda Somalia.

Boris Johnson waxa uu amaanay Dowlada Ugandha, Ethiopia iyo Kenyanya Dadaalka ay ugu jiraan Nabadda Somalia, isagoo xusay inay Ciiddanka Uganda ee UPDF kaalin muhiim ah kaga jiraan Hawlaha Nabadda Somalia.

Geesta kale, 6,000 oo Askar Ugandese ah ayaa qeyb ka ah Hawlgalka AMISOM, kuwaasi oo ah Ciiddanka ugu badan ee hal dal ka socda ee qeybta ka ah Hawlgalkaasi.

Caasimada Online
Xafiiska London
[email protected]

Baydhabo (Caasimada Online) – Hogaamiyaha Maamulka Koonfur Galbeed Shariif Xasan Sheekh Aadan iyo Xubno si dhow ula shaqeeya ayaa la soo warinayaa inay u hanjabeen Xildhibaanada wada Mooshinka xilka looga qaadayo Hogaamiyaha maamulka.

Xildhibaanada ayaa sheegay in Moobiladooda loogu soo diray fariimo Hanjabaad ah, isla markaana loogu baaqay inay ka baxaan Mooshinka laga geeyay Hogaamiyaha maamulka Shariif Xassan.

Xildhibaanada Mooshinka ka wada Shariif Xasan Sheikh Aadan ayaa sheegay in 20-ka bishaan ay Baarlamaanka Maamulka horkeeni doonaan Mooshinka ay ka wadaan Hogaamiyaha Maamulka Koonfur Galbeed.

Xildhibaanada Mooshinka saxiixay ayaa tirro ahaan la sheegayaa inay kordheen waxa ayna iminka gaarayaa ilaa 70 Xildhibaan, halka tirada harsan ay ka biya diideen inay kamid noqdaan Mooshin wadayaasha.

Xildhibaanada loo diray fariimaha Hanjabaada ah ayaa sheegay in Hanjabaadaasi aysan uga weecan doonin Mooshinka ay wadaan waxa ayna ku goodiyeen in Hanjabaadaasi darteeda ay ku adkeysan doonaan Mooshinka.

Dhinaca kale, Hogaamiyaha maamulka Koonfur Galbeed Shariif Xasan Sheekh Aadan ayaa ku hingoobay la kulanka Xildhibaanada waxa ayna u muuqaneysaa inuu adeegsanaayo awoodiisa.

Caasimada Online
Xafiiska Baydhabo
[email protected]

Berbera (Caasimada Online) – Wararka naga soo gaaraya Magaalada Berbera ee Somaliland ayaa sheegaya in halkaasi uu ka socdo abaabulka xiisad looga soo horjeedo qorshaha ay Imaaraadka ku dhiseyso Saldhiga Millitery ee magaalada Berbera.

Abaabulka ayaa la sheegay inay wadaan Ganacsato iyo Siyaasiyiin kasoo jeeda magaalada Berbera isla markaana kasoo horjeeda Heshiiska Dowlada Imaaraadka lagu siiyay dhulka laga dhisaayo Saldhiga iyo dekedda Berbera oo 1-dii bishan March lagu wareejiyay Shirkadda DP World.

Abaabulka xiisada looga soo horjeedo Dhismaha Saldhiga iyo Dekadda Berbera ayaa waxaa ka qeybqaadan doono Xildhibaano iyo Siyaasiyiin ka kala tirsan Golaha Wakiilada iyo Xisbiyada Mucaaradka Somaliland.

Abaabulka Xiisada ayaa ka danbeysay kadib markii Diyaarado ay leedahay Dowlada Imaaraadka ay Agab Militery ka dajisay magaalada Berbera oo qeybo kamid ah si dadban looga iibiyay Imaaraadka.

Sidoo kale, Abaabulka iyo Xiisada ay wadaan Ganacsatada iyo Siyaasiyiinta ayaa sii xoogeystay kadib markii Dowlada Imaaraadka ay Dekadda Berbera kusoo xirtay Markab sida Agabka dhismaha oo lagu dhisi doono Saldhiga dhawaan Berbera laga siiyay Dowlada Imaaraadka.

Maamulka Somaliland ayaa kordhiyay Ciidamada ka howlgala magaalada Berbera si ay u fashiliyaan Abaabulada ka dhanka ah Heshiisyada Imaaraadka loogu wareejiyay Dekadda iyo dhulka baaxada weyn ee dhawaan laga dhisi doono Saldhiga Millitery oo laga duqeyn doono Xuutiyiinta Yemen.

Si kastaba ha ahaatee, Dowlada Imaaraadka ayaa ku goodineysa inay adkeyn doonto amaanka magaalada Berbera oo laga qaadi doono duullaanka ka dhanka ah Xuutiyiinta Yemen.

Caasimada Online
Xafiiska Hargeysa
[email protected]

Muqdisho (Caasimada Online) – Waxaa saaka xiran wadooyinka Magaalada Muqdisho, iyadoo la soo dhigay ciidamo badan oo ka tirsan Dowladda Federalka Soomaaliya.

Ciidamada Dowladda ayaa gaadiidka u diidaya in ay Isticmaalaan Wadooyinka Magaalada Muqdisho kuwooda ugu muhiimsan.

Dhammaan Isgoysyada ugu muhiimsan Muqdisho ayaa Saaka xiran, waxaana dhooban Ciidamo iyo Gaadiidka dagaalka nooca loo yaqaan Cabdi-bilaha.

Isgooysyada xiran ayaa waxaa kamid ah Isgoysyadda Taleex, Soobe iyo Banaadir iyo sidoo kale Wadooyin kale oo Muhiim ah.

Ujeedada ka dambeysa in wadooyinka Magaalada Muqdisho ciidamada ammaanka ay xiraan ayaa waxaa ay tahay in maanta magaalada Muqdisho ay soo gaari doonaan Wafdi heer caalami ah.

Wafdiga kusoo fool leh magaalada Muqdisho ayaa waxaa ku jiro Wasiiro reer galbeed ah, sida laga soo xigtay Saraakiisha Garoonka Aadan Cadde.

Wararka qaar ayaa sheegaya in waddooyinka muhiimka ah ay u xiran yihiin, imaansaha wafdi ka socda Midowga Afrika  oo uu hoggaaminayo Guddoomiyaha cusub ee Midowga Afrika.

Dhinaca kale, qaar ka mid ah dadka reer Muqdisho oo aan horay u ogeyn xiritaanka Wadooyinka ayaa Saakay kusoo baraarugay Marka ay shaqooyinkooda usoo kaceen , waxaana ay maalayaan lugahooda.

Caasimada Online
Xafiiska Muqdisho
[email protected]

Muqdisho (Caasimada Online) – Waxaa qaar kamid ah Caasimadaha dalalka reer Galbeedka ka socda ololo loogu gurmanaayo dadka Soomaalida ee abaaruhu saameeynta xoogan ku yeeshen.

Ololaha ayaa waxaa ka qeybqaadanaaya qaar kamid ah Jilayaasha, Ciyaartoyda iyo dadka caanka ka ah dalalka reer Galbeedka iyo guud ahaan Caalamka.

Dhinacyadaani ka dhex muuqda Shacabka Reer Galbeedka ayaa xiriir toosa la sameynaaya Shirkada Turkish Airlines oo ah tan kaliya ee caalamiga ah ee tagta Soomaaliya si ay u qaado Gurmadka raashiinka ee lagu iibiyay dhaqaalaha kasoo xarooday bandhigyadooda.

Qaar kamid ah Jilayaasha, Ciyaartoyda iyo dadka caanka ayaa maamulka Shirkada ka dalbaday in lasiiyo fursad ay Gurmad ugu qaado dalka Somalia maadaama ay iyadu tahay tan kaliya ee socdaalka ku gaarta Somalia, marka la eego Shirkadaha kale.

Waxa ay dalbanayaan in mar la baajiyo Safarka ay ku gaareyso Somalia si loo daabulo Gurmad ay ugu tallo galeen Soomaalida ay saameysay abaarta.

Qoraal lagu baahiyay Beejka Shirkada ay ku leedahay Twetter-ka, ayaa waxaa si degdeg ah loogu soo jawaabay Codsiga kaga imaaday Jilayaasha, Ciyaartoyda iyo dadka caanka waxa uuna Maamulka Shirkada Turkish Airlines sheegay inay aad ugu faraxsan yihiin inay aqbalaan oo ay ka qeyb qaataan gurmadka.

Kampala (Caasimada Online)-Sida aan wararkeena hore ku sheegnay Kooxo hubeysan ayaa toogasho ku dilay Afhayeenkii Ciidamada Police-ka Ugandha Gen. Andrew Felix Kaweesi.

Toogashada Afhayeenka ayaa dhacday xilli uu kusii jeeday gurigiisa oo ku yaalla xaafada Kulambiro ee dagmada Nakawa, ee magaalada Kampala waxaana lala dilay 2 sarkaal oo kale.

Kooxaha weerarka geystay ayaa baxsaday, waxaana la dhintay afhayeenka darawalkiisa iyo dad kale oo la saarnaa gaarigiisa sida wararku sheegayaan.

Ciidamada amaanka wadankaas ayaa goobta xiray, iyadoo dowlada Ugandha ay sheegtay in la baarayo weerarkan oo si weyn looga hadal hayo guud ahaan dalka Ugandha.

Ciidamada ayaa goobta ku qabtay ilaa Seddex ruux oo xiliga weerarka kasii cararaayay goobta kuwaa oo la sheegay in iminkaba lagu wado baaritaan.

Kooxaha toogashada geestay ayaa la sheegay inay wateen Mootooyinka inta badan laga wada isticmaalo dalka Ugandha, waxaana dilka Afhayeenka lagu tuhmayaa Xisbiga mucaaradka oo dhawaan Ciidamo taabacsanaa laga saaray liiska Booliska iyo Milliteriga.

Muqdisho (Caasimada Online) –Waxaa weli magaalada Muqdisho la isku dagaalayaa sidii loola kulmi lahaa madaxwenaha Soomaaliya Maxamed Cabdulahi Farmaajo oo ah ninka ay ka go’do talada cidda kasoo mid noqneyso golaha wasiirada cusub ee uu soo magacaabi rabo dhawaan Ra’isulwasaaraha Soomaaliya Xasan Cali Kheyre.

Haddaba waxaa magaalada Muqdisho ka taagan arrin yaab badan markii Xildhibaanada kasoo jeedo Beesha Mareexaan oo uu ku abtirsado madaxweynaha Soomaaliya Maxamed Cabdulaahi ay qaali noqdeyn isla markaasna saf loogu jiro sidii loola kulmi lahaa xildhibanadaaas.

Waxaa safaf dhaadheer loogu jiraa Hotelada ay Magaalada Muqdisho ka dagan yihiin XIldhibaanada Beesha Mareexaan, sidoo kalana waxaa la arkayaa siyaasiyiin badan oo baadi goob ugu jiro.

Xildhibaanada kasoo jeedo beeshaas ayaa noqday kuwa qaali ah waxayna diideyn inay la kulmaan dadka qaar weliba kuwa ay markii hore aad isugu fiicnaayeen, balse hadda waxaa soo baxday inay taleefoonada badasheen.

Xildhibaanada qaar ee beeshaas ayaa la kulankooda waxaa loo bixiyaa lacago hadiyad ah, si ay siyaasiyiinta ugu fududeeyaan la kulanka madaxweynaha Soomaaliya Maxamed Cabdulaahi Farmaajo oo ah shaqsi ay inta badan ku xiran tahay inuu kalsooni ka heysto isaga qofka rabo inuu wasiirada kasoo muuqdo.

Qaar ka tirsan xildhibaanada dowladda oo ay caasimadda Online makaroofan la dhex qaaday ayaa sheegay inay xildhibaanada beesha madaxweynaha noqdeyn kuwa qaali, waxayna qaarkood xuseen inay siyaasiyiin ay saaxiibo ahaayeen 10- sano ka hor ay bilaabeyn inay diidaan la kulankooda.

Arrintaan ayaa ah mid ku cusub siyaasadda Soomaaliya, xilli la xasuusto inaysan xildhibaanadii Beesha Abgaal aysan waxba uga duwaneyn xildhibanaadii kale intii ay dalka Xukumayaan Shiikh Shariif iyo Xasan Shiikh Maxamuud.

Caasimada Online
Xafiiska Muqdisho
[email protected]

Nairobi (Caasimada Online)-Madaxweynaha dalka Slovenia Borut Pahor ayaa bilaabay shaqooyin cajiib ah si uu kalsooni uga helo shacabkiisa kadib markii si joogta ah uu uga qeybqaatay Nadaafada dalkiisa.

Borut Pahor ayaa ka hor imaaday in howlaha Nadaafada lagu daayo keliya shacabka iyo shaqaalaha Dowlada kuwooda qaabilsan bilicda dalka.

Borut Pahor, waxa uu sheegay in dalka uu yahay dalkiisa isla markaana uusan garaneynin sabab uu ku fadhiyo kursiga marba haddii uusan la shaqeyneynin shacbka dalkiisa.

Borut Pahor, waxa uu sidoo kale ka qeybqaadanayaa dhismaha waddooyinka qaar waxa ayna ishu qabaneysay isagoo Makiinad ku simaaya mid kamid ah laamiyaasha dalkiisa.

Borut Pahor oo 53-jir ah ayaa sheegay in shaqada noocaani ah uu ku jiro caafimaadkiisa sidaa darteedna uusan garaneynin sabab uu ku nasto.

Muqdisho (Caasimada Online) – Madaxweynaha Soomaaliya Maxamed Cabdulaahi Farmaajo ayaa bilaabay inuu kulamo gaar gaar ah isugu yeero odayaasha dhaqanka beelaha Soomaaliyeed kadib markii ay adkaatay xaaladda soo magacaabista golaha Wasiirada.

Dhawr jeer ayey dib u dhacday magacaabista wasiirada sababo lagu sheegay is qabqabsi ka dhex jiro qaar ka tirsan Beelaha iyo siyaasiyiin loolan adag ku jiro sidii ay u heli lahaayeen xilalka wasiirada Kheyre.

Madaxweynaha Soomaaliya  ayaa  kulamadaan uu la yeelano odayaasha kala jeedo sidii uu ugu qancin lahaa taageeridda xukuumadda cusub ee dhawaan lagu dhawaaqi rabo, sidoo kalana wuxuu madaxwyenaha odayaasha kala tashanayaa awood qeybsiga beelaha Soomaaliyeed.

Sidoo kale Madaxweynaha ayaa odayaasha kala hadlay sidii ay beel kasta dhexdeeda isugu qanci lahaayeen, isla markaasna ay ku qancaan awood qeybsiga dhexdooda ah.

Odayaasha uu la kulmay madaxweynaha ayaa siiyey talo ah inuusan waxba ka badalin qaabkii ay markii hore beelaha u qeybsan jireyn golaha wasiirada, midaas oo laga yaabo haddii uu wax ka taabo inuu caqabad kala kulmo.

Kulamadaan ayaa u muuqdo kuwa uu madaxweynaha ku doonayo inuu kusoo afjaro xaaladda siyaasadeed ka dhex taagan beelaha isla markaasna wuxuu ka shaqeenayaa sidii dhaqso loogu dhawaaqi lahaa golaha wasiirada.

Ku dhawaaqista golaha wasiirada ayaa dhawr jeer dib u dhacday, waxayna dhibaatada ugu weyn ka taagan tahay qaabkii ay beelaha u qeybsan lahaayeen golaha wasiirada, sidoo kalana waxaa la isku heystaa sidii loo qeybsan lahaa wasiirada ugu muhiimsan ee loo yaqaan darajada (A) iyo (B).

Caasimada Online
Xafiiska Muqdisho
[email protected]

Sanca (Caasimada Online) – 31 qof oo qaxooti Soomaaliyeed ah ayaa lagu dilay xeebaha dalka Yeman, kuwaasi oo ay duqeysay diyaarad helicopter ah xili ay u socdaalayeen gudaha Yeman sida ay baahisay wakaalada wararka Reuters.

Dadkaan Soomaaliyeed oo haystay documentiyada hay’adda qaxootiga adduunka ee UNHCR ayaa waxay ka tageen xeebaha ay maamulaan xuutiyiinta, gaar ahaan Hodeidah.

Warku wuxuu intaa ku darayaa in 80 qaxooti kale laga badbaadiyay markii duqeyntaasi ay ku dhacday doonta, kuwaasi oo dhamaantood ahaa Soomaali.

Ilan hadda wax hadal ah oo kasoo baxay dowladda federaalka iyo safaarada ay ku leedahay Yeman ma jirto. Sidoo kale, Ilaa iyo hadda lama oga cidda weerarka gaysatay.

Dalka Yemen ayuuse dagaal sokeeye oo xun ka jiray tan iyo bishii saddexaad ee sanadkii 2015kii; saddex meloodow labo ka mid ah bulshada dalkaasina waxay qarka u saaran yihiin in ay maculuuli ku habsato.

Dayuurada helicopterka ah ee duqeynta geysatay ayaa waxaa la aaminsan yahay iney leeyihiin isbaheysiga uu Sacuudigu hogaamiyo oo dagaal adag kula jira kooxda shiicada xuuthiyiinta Yemen ee Iran ay taageerto.

Haddaba hoos ka daawo sawirada laga soo qaaday

Caasimada Online
Xafiiska Muqdisho
[email protected]

Muqdisho (Caasimada Online)-Madaxweynihii hore ee Somalia Xasan Sheekh Maxamuud ayaa baaq u diray Siyaasiyiinta iyo shacabka Soomaaliyeed ee ku kala dhaqan dalka iyo dibadiisa.

Xasan Sheekh ayaa sheegay in shacabka Soomaaliyeed looga baahan yahay inay la shaqeeyan Dowlada Somalia ee uu hogaaminaayo Madaxweyne Maxamed C/llahi Farmaajo.

Xasan ayaa sheegay in shacabka Soomaaliyeed iyo Siyaasiyiinta looga baahan yahay inay u sabraan Dowlada haddii ay wax saxdo iyo haddii ay qalad yar geysato waxa uuna ku baaqay wada shaqeyn joogta ah.

”Dowlada kaligeeda ma shaqeyn karto waxaa loo baahan yahay in si dhow loola shaqeeyo Madaxweynaha iyo Dowladiisa maadaama dalka uu ku jiro xaalad koriin ah”

”Siyaasiyiinta waa inay la shaqeeyan Dowlada waayo Somalia waxa ay u baahan tahay in howl waliba lagu qabto si wada jir ah waxaan ku baaqayaa inaan la faarujin garabka dowlada”

Waxa uu sheegay in khilaaf iyo is qab qabsi aan loo baahneyn, lana garab istaago Dowladda Federaalka si buu yiri meesha looga saaro itaal darida heysata dowlada.

Xasan Sheekh Madaxweynihii hore ayaa maanta u ambabaxay dalka Turkiga, isagoo raacay Diyaarada Turkish Airlines duulimaadkeedii maanta oo jimco ah.

Geesta kale, waxaa Madaxweynihii hore sii raacay xaaskiisa, qaar ka mid ah kaaliyeyaashiisa iyo Ilaalo kooban, waxa uu dalka Turkiga joogi doonaa muddo bilooyin ah, isagoo dalka dib ugu soo laaban doona.

Caasimada Online
Xafiiska Muqdisho
[email protected]

Sanca (Caasimada Online) – Duqeyn ka dhacday galbeedka xeebaha Yemen ayaa lagu dilay 31 Soomaali ah, weerarkan waxaa  fuliyay diyaaradaha Sucuudiga, sidaa waxaa qoray bog Yemeni ah.

Dadka ku geeriyooday  duqeynta diyaaradaha Sacuudiga waxaa ay saarnaayeen Doonni ku soo jeeday Soomaaliya, waxaa ayna u badnaayeen caruur iyo Haween.

Diyaaradahan duqeynta fuliyey  ayaa ah kuwa isbahaysiga Carabta ee Sucuudigu hogaaminayo garabkana Siinaya Dowladda Yemen, Dagaalkana kula Jirta Falaagada Xuutiyiinta ah.

Waxaa Sidoo kale Duqeyntaas ku geeriyooday 8 Qof oo kalluumeysato Yemeni oo ku sugnaa magaalada Xudeyda agagaarkeeda.

Wax war illaa hada kama aanu Soo saarin isbahaysiga carabta ee Sucuudigu hogaaminayo, Taas oo lagu cadeynayo sababta ka dambeysa weerarkaas Soomaalida lagu dilay.

Waa khasaare kale oo soo gaaray dad masaakiin oo ka soo baxsaday dhibaatada ka socota Yemen oo dhexda lagu laayey.

Bishan oo keliya 140 dad ka badan oo Soomaali ah ayaa Yemen laga Soo tarxiilay oo wadankooda ayaa dib loogu Soo celiyey.

Dhankeeda, dowladda federaalka ah ee Soomaaliya weli wax war ah kama saarin, waxaana la filayaa in saacadaha soo socda jawaab laga helo Sacuudiga iyo dowladda Soomaaliya.

Warkan uu qoray Bogga Al-mayaadiin, Caasimada Online ma helin wax caddeynaya warkan ama ilo madax-banaan oo xaqiijiya.

Caasimada Online
Xafiiska Muqdisho
[email protected]

Muqdisho (Caasimada Online) – Waxaa weli taagan oo aan meesha ka bixin dulmigii ka taagnaa awood qeybsiga beesha Reer Aw Xasan oo soo bilaabatay xilligii dowladdii Xasan Shiikh Maxamuud markaas oo uu Faarax Shiikh Cabdulqaadir si awood ku dheehan tahay u maamushay hab qeybsiga beesha Reer Aw Xasan oo uu isaga kasoo jeedo.

Beesha rerow xasan ee dagto gobalka hiiraan ayaa waxaay kala yihiin laba qooys waa reer ow Mahdi iyo reer ow cilmi. Waxaayna siyaasada u kala qaaybsadaan si siman .

Tusaale qooyskii qaata xildhibaan Federal wuxuu wareejinaya kursiga wasiirnimo lakiin awood qaaybsigaas waxaa dhumiyay xildhibaan Faarax Sheekh Cabdulqaadir oo si saaxiibtinima ah uga qaatay doowladii Xasan labadii kursi oo ay laheyd beesha reer Aw Xasan.

Wuxuu faarax mar labaad ku guuleeystay kursigii xildhibaanimo ee Beesha Beesha reer ow cilmi oo ah beesha mudan inay hesho kursiga wasiirnimo, ayaa waxaa hada muuqato in Fahad Yaasin oo aay isku beel yihiin Faarax Sheekh Cabdulqaadir kana soo wada jeeda jufada reer ow Mahdi raba inuu siiyo kursiga walaalkiis cabdirashiid Siraaji sida ay sheegayaan xogta ay heshay Caasimadda Online.

Dad badan oo siyaasada falanqeeya ayaa sheegayo inay hor seedi karto khilaaf iyo kala fogaansho soo kala dhaxgasho beesha Reer Ow Xasan oo uu abuurayo fahad yaasin, cadaalad daradaan ayaa la sheegayaa in lagu sameeyay jufada Reer ow Cilmi markii labaad.

Odayaasha dhaqanka beesha reer Ow Xasan oo la soo xariiray caasimadda.net ayaa ku baaqay in  Madaxweynaha iyo Ra’isulwasaaraha wax ka qabtaan cadaalad daradaan ka dhex taagan beesha,  waxayna ka codsadeyn inay ilaaliyaan awood qeybsiga Beesha Reer Ow Xasan oo aysan saaxiibnimo ku bixinin kuraasta beesha.

Ra’isulwasaaraha Soomaaliya Xasan Cali Kheyre ayaa looga fadhiyaa inuu si siman beelaha ugu qeybiyo golaha wasiirada iyadoo la fiirinayo qaabkii ay beelaha iyo jufooyinka u kala qaateen Xildhibaanada, maadaama nadaamka uu yahay 4.5 aysan macquul aheyn in beel heshay  Xilka XIldhibaanimo haddana loogu daro wasiir.

In beelaha si siman wax loogu qeybiyo waa hadafka koowaad oo uu Ra’isulwasaaraha sheegay inuu sameyn doono, waxaana laga sugayaa sida uu ballanqaadkaas u fuliyo.

Wixii warar ah ee kusoo kordha arrintas beesha reer Aw Xasan iyo sida ay u dhacdo awood qeybsiga wasiirada waan idinla soo socdosiin doonaa.

Caasimada Online
Xafiiska Muqdisho
[email protected]

Sanca (Caasimada Online) –Dowladda Imaaraadka Carabta ayaa dhawaan Heshiis ka gashay Maamulka Somaliland kaasoo u ogolaanayo inay saldhig Militari ka sameysato Berbera si ay halkaas uga weerarto Xuutiyiinta ka dagaalamo dalka Yeman.

Haddaba waxaa arrintaas si aan la fileyn uga hadlay Xuutiyiinta Yeman oo jawaab cad ka bixiyey heshiiska Berbera ee Imaaraadka kula wareegtay garoonka Bebera.

Mas’uul sare oo ka tirsan Xuutiyiinta Yeman oo wareysii siiyey Tv-ga Carabiga ku hadla ee Al-Jazeera ayaa ka dhawaajiyey inay weeraro culus ka geysan doonaan Gudaha Soomaaliya gaar ahaan Magaalada Berbera haddii halkaas loo ogolaado Imaaraadka inay ka sameysato Saldhig ay weeraro uga qaado Xuutiyiinta.

Mas’uulkaan ayaa la waydiiyey noocyada weerarada ay ka geysan karaan Soomaaliya haddii ay Imaaraadka halkaas saldhig ka sameystaan, wuxuuna ku jawaabay inay iyaga heystaan gantaalo waaweyn oo gaari Berbera sidaas ay ku duqeyn doonaan.

Wuxuu sheegay inay mararka qaar Gantaaladooda ku duqeeyaan garoomada diyaaradaha Magaalada Jeddah, ayna yihiin Gantaalo awood u leh inay gaaraan meelo fog fog, wuxuuna tilmaamay inay Gantaaladooda gaari karaan Magaalada Berbera.

Ninkaan u hadlay Xuutiyiinta Yeman ayaa ka dhawaajiyey in Saldhigaas ay halis badan uga imaan karto Soomaaliya, ayna kula talinayaan inay iska diidaan, haddii kalana ay iyaga arki doonaan cawaaqib xumada ka timaado.

Hanjabaadaan ka timaaday Xuutiyiinta Yeman ayaa imaaneyso Xilli Dowladda Iiraan ay iyadana Gantaalada ridada dheer ay geysay Saldhig Militari oo uga kireysan Jaziirad ku taalo dalka Eretariya, waxayna sheegtay inay ku duqeyn doonto Berbera haddii ay halkaas Imaraadka saldhig ka sameystaan.

Soomaaliya ayaa faraha la gashay dagaal cusub oo aysan shaqo ku laheyn, waxaana laga yaabaa inay ka bilaabasto dagaalka Yeman oo Kale haddii ay Imaaraadka Soomaaliya ka duqeyso Xuutiyiinta Yeman.

Caasimada Online
Xafiiska Hargeysa
[email protected]

Asmara (Caasimada Online) – Wakaaladaha wararka ugu afka dheer adduunka ayaa qorayo inay dowladda Iiraan xoojisay saldhigii ay ku laheyd jaziirad ku taal Eratariya oo ay halkaas u kireysan tahay muddo sanado ah.

Dowladda Iran ayaa Saldhig military ku leh Jaziirad ku taal Eratariya waxayna halkaas kireysatay dhawr sano ka hor, sidoo kalana waxaa halkaas sadhig ku leh dowladda Yahuuda.

Haddaba wararkii ugu dambeeyey ee la qoray ayaa sheegayo inay dowladda Iiraan halkaas geysay gantaalo Ballistic casri ah oo la doonayo in lagu weeraro Saldhigga la sheegay inay dowladda Imaaraadka ka furan doonto Magaalada Bebera.

Dowladda Iiraan ayaa dagal culus kula jirto dowlado badan oo ka tirsan Carabta oo ay ugu horreeyaan Sacuudiga iyo Imaaraadka Carabta, waxayna difaaceysaa Xuutiyiinta dalka Yeman ka dagaalamo.

Dowladda Imaaraadka Carabta ayaa qorsheeneyso inay dhawaan saldhig ay ka duqeyso Xuutiyiinta ka furato gudaha garoonka Berbera ee Somaliland taasoo la sheegay inay halis ku noqon doonto jiritaanka Soomaaliya.

Gantaalada ay Iiraan kusoo rakibtay saldhigyada ay ku leedahay Eratariya ayaa lagu soo jeediyey jihada Magaalada Berbera waxaana lasoo sheegayaa inay midaas halis weyn ku noqon doonto Ummadda Soomaaliyeed.

Iiraan ayaa qubaro heer caalami ah geysay Saldhigga kaga kireysan dowladda Eratariya, waxayna cabir saareyn Berbera iyadoo halkaas ku xiray Gantaalo goyn karo masaafo badan sidoo kalana dhibaato xoog leh gaarsiinayo halka ay ku dhacaan.

Aqoonyahanada Soomaalida ayaa shaki ka muujiyey Sababta ay Imaaraadka u daneeneyso inay Saldhig ka sameysato gudaha Soomaaliya iyadoo heli karto dowlado kale oo ka tirsan Africa oo ay ka duqeyn karto Xuutiyiinta.

Falanqeeyayaasha ayaa sheegay inay Imaaraadka ka faa’ideysaneyso maamul la’aanta ka jirtay Soomaaliya muddo badan, ayna u aragtay inay Soomaaliya tahay meesha kaliya oo ay danaheeda ku fushan karto.

Caasimada Online
Xafiiska Hargeysa
[email protected]