Ciidamada hayada Nabad sugida ayaa saaka howlgalo lagu baadi goobayo dadka amni darada ka geysta  degmada Xamar jajab ee gobolka Banaadir ka wada degmadaasi ,iyadoo ay ku faafeen xaafadaha kala duwan ee degmadaasi.

Ciidamada ayaa waxay baarayaan dhamaan guryaha ku yaala xaafadaha degmada Xamar jajab,iyagoo howlgalka bilaabay habeenimadii xalay,sida wararka aan ku helayno.

Ciidama nabad sugida oo ay wehliyaan ciidamada booliska Soomaaliyeed ayaa howlgalkaasi si wadajir ah usameynaya.

Dhanka kale waxaa socda diyaargarowga iyo banaanbaxyo ay dhigayaan dhamaan shacabka degmoyinka gobolka Banaadir,waxaana lagu wadaa in saacadaha soo socda ra’iisul wasaaraha dalka uu la hadlo shacabkaasi.

Barxada hooyooyinka ayaa waxaa iminka ku sugan boqolaal banaanbaxayaal ah oo watta dareeska calanka Soomaaliya laga soo sameeyay.

La soco waxyaabaha kasoo kordha Insha allah.

Kooxo hubaysan oo afka soo duubtay ayaa la sheegay inay toogasho ku dileen gudoomiyihii degmada Qansar dheere ee gobolka Baay ,isaga oo ku sugnaa degmadaas.

Sida wararka ay sheegayaan kooxaha dilka geystay ayaa markii ay gudoomiyaha dileen ka dib la sheegay inay isaga baxsadeen goobta dilka ay ka geysteen,sida dadka deegaanka ay ku waramayaan.

Gudoomiyaha la dilay ayaa magaciisa waxaa lagu soo koobay Macalin Cali ,iyadoo aan la ogeyn sababta ka dabeysay dilkiisa iyo cidda fulisay.

Ma jiro wax war ah oo kasoo baxay dhanka maamulka degmada oo ay kaga hadlayaan dilka loo geystay Macalin Cali,gudoomiyihii maxkamada degmada Qansax dheere ee gobolka Baay.

Ciidamo ka tirsan maamulka degmada ayaa wada baaritaano ku aadan cidda ka dambeysa dilka iyadoo aysan jirin cid ilaa iyo iminka lasoo qabtay.

Waxii kasoo kordhaa kala soco www.caasimada.net

Ra’iisul wasaare Cabdi Faarax Shirdoon “Saacid”,oo warbaahinta la hadlay isaga oo ku sugnaa Degmada Afgooye ee gobolka Shabeelaha Hoose ayaa ka dhawaajiyay hadal laga wada sugayay xukuumadiisa.

Ra’iisul Wasaare Saacid ayaa sheegay inaysan jiri dooni in hanti ay leeyihiin shacab Soomaaliyeed si xoog loo heysto,isagoo sheegay in xukuumadiisa ay la imaan doonto isbedel dhab ah oo arimahaasi wax looga qaban doono.

Wuxuu sheegay in xukuumada Soomaaliya ay ka shaqeysay soo celinta amaanka iyo kala dambeynta dalka Soomaaliya,isagoo xusay inaysan jiri karin in Beer,Hanti iyo dhul shaqsi Soomaaliyed leeyahay in xoog lagu heyto.

Wuxuu arin la dhameynayo uu ku sheegay sidoo kale in la dhigto jidgooyo lagu dhibaateyo shacabka Soomaaliyeed iyo dhac lagula kaco dadka safarka ah iyo guud ahaan dadka ku dhaqan gobolada kala duwan ee Dalka Soomaaliya.

Ugu dambeyn Ra’iisul wasaare Saacid ayaa sheegay in xukuumadiisa ay ku dadaalayso sidii isbedel ay ugu sameyn  dalka Soomaaliya,kaasi oo ka duwan isbedeladii xukuumadihii ka horeeyay.

Muqdisho waxaa ka dhacaya xaalado dhul isku qabsasho ah oo ka taagan lahaanshaha dhulka maadaama ay soo noqdeen kumanaan Soomaali ah oo qurbo joog ah.

Xaakinka Maxkamadda Gobolka Banaadir Xaashi Cilmi Nuur wuxuu sheegay in maxkamadiisu ay dhowaan xad lama filaan ah u diiwaan galinaysay dacwado dhulal la isku haysto. Wuxuu sheegay in maxkamaduhu ay isku dayayaan inay kiisaska sida ugu dhaqsaha badan ku xaliyaan sababta oo ah khilaafyadu waxay mararka qaar dhaliyaan dagaal.

“Shaqadayada waxaa dhex gala khilaafaad badan oo u dhexeeya dhaxal sugayaal diiday inay heshiiyaan ama ay hor yimaadaan [Golaha Deegaanka Muqdisho] si loo xaliyo dacwadaha milkiilanimada sababta oo ah waxay qoysaskooda wax uga dhaxleen heshiis dhaqameedyo,” ayuu yiri Nuur.

Wuxuu sheegay in dacwadaha lahaanshaha dhulalka ay maalin walba sii kordhayaan, sababta oo ah labaatankii sano ee la soo dhafaay waxaa loola macaamili jiray hab aan sharciga waafaqsanayn.

Nuur wuxuu sidoo kale sheegay in dad ku sugan suuqa Muqdisho ee Cabdala Shideeye ay ka faaiidayaan dukumentiyo been ah oo lahaansho dhuleed ah, isagoo raaciyay in bilaysku ay qaban doonaan shakhsiyaadka dhaqankaas ku lugta leh ayna maxkamad hor keeni doonaan.

Shakhsiyaad saameeyn leh ayaa qiimo aad u yar ku iibsaday ama qabsaday kumanaan mitir oo wareeg ah oo dhul ah, taas oo qoysaska iyo qabiilada ka dhex dhalisay khilaafaad aad u dhib badan. “Hadda waxaan isku dayaynaa in aan dib u soo celino guryaha iyo beeraha sida sharci darrada ah loo iibiyay ama loo qabsaday,” ayuu yidhi.

Duqa Magaalada Muqdisho Maxamed Axmed Nuur ayaa ka digay in si sharci daro ah looga dhiso dhismayaal iyo xarumaha dalxiiska meelaha u dhow xeebaha oo ay dhamaantood leedahay dawladda Soomaaliya.

“Qof waliba waa inuu niyada ku hayo in dhamaan dhulka u dhow xeebta laga soo bilaabo waqooyiga illaa koonfurta dalka ay leedahay dawladda federaalka ah waxaana indhaheena ku arkaynaa sida ay dadku isugu dayayaan in ay ka faaiidaystaan xaalka maamulka daciifka ah,” ayuu yidhi. “Waxay sidoo kale lacag aad u badan ka samaynayaan iibinta xarumaha [hore ee] ciidanka, xeryaha milatariga, madaarada milatariga, isbitaalada iyo safaaradaha. Waxaan rabnaa inaan sheegno inuu ficilkani sharci darro yahay oo ay fulinayaan shakhsiyaad aan waddani ahayn.”

Sidoo kale, duqa magaaladu wuxuu dadka Muqdisho dagan ku dhiiriyay in ay isaga baxaan guryaha khaaska loo leeyahay oo sharci darrada lagu dagan yahay iyo dhulka ay leeyihiin dadka tobonaan sano ka hor ka cararay dagaalkii sokeeye. Wuxuu sidoo kale ugu baaqay dadka barakacayaasha ah in ay ka baxaan wasaaradaha, hay’adaha, isbitaalada iyo meelaha kale ee caasimadda ku yaala oo ay dawladdu leedahay.

Nuur wuxuu sheegay in maamulkiisu uu fariin u dirayo madaxa ciidanka bilayska loona fasaxayo in ay xiraan xadgudbayaasha isku daya inay sheegtaan dhul ay leedahay Wasaaradda Hawlaha Guud oo isku daya inay u rogaan hanti gooni loo leeyahay ama mid la maal gashado.

Garyaqaanad Filsan Yuusuf Siyaad waxay sheegtay in sharci iyo nidaam la’aantu ay horseed u noqotay dhaqan ah in la qabsado oo la dago dhulalka guud iyo kuwa goonida loo leeyahay.

Waxay sheegtay in ciidanka ammaanka ay noqonayso in ay wajahaan shakhsiyaadka musuq-maasuqa wada iyo ragga saameeynta leh ee qabiilada matala ee sida sharci darrada ah u hantay una iibiyay dhulka.

“Waxay ila tahay xalka arrinku in uu dhib noqon doono haddii aysan bilaysku garab istaagin garsoorka,” ayay tidhi.

Sharci-dajiye Maxamed Maxamuud Xeyd wuxuu yidhi dhulka dawladda ma aha in loo rogo hudheelo lagu raaxaysto ama in loo isticmaalo nidaamyo kale oo ganacsi.

“Waxaan arrinka soo jeedin doonaa marka uu baarlamaanku fadhiyo si loo gaadho go’aan joojiya ficilkan sharci darrada ah,” Xeyd ayaa sidaas yiri. “Waa in aanaan naxariisanin marka laga hadlayo arrin sidan oo kale sharci darrada u ah oo albaabka u balaqaya khaa’imiinta.”

Isha: Sabahi Online

Warqad kasoo baxday xafiiska madaxweynaha dalka kenya ayaa waxaa ku cad in raafkii ugu weynaa ee Soomaalida uu billaaban doono maanta oo Isniin ah.

Waxaa ku xusan warqadaas kasoo baxday xafiiska madaxwaynaha in wajiga hore ee hawshaan lagu qab qaban doono 18,000 oo qaxooti Soomaaliyeed ah oo ku nool magaalooyinka waa wayn ee Kenya, kadibna la geyn doono xeryaha Dhadhaab iyo Kakuma, ayadoo loo sii gudbin doono wadamada ay u dhasheen.

Arrintaan, ayaa waxay kusoo aadaysaa ayadoo la kala diray baarlamaankii wadanka Kenya, islamarkaana ay soo dhaw dahay doorashadii guud ee wadanka, taasi oo dhici doonta March-4-2013.

Tallaabadan ayaa waxay walaac weyn ku abuurtay dhamaan Soomaalida qaxootiga ah ee ku nool wadanka Kenya, gaar ahaan Soomaalida Islii ku nool cabsi weyna waa ay ka muujiyeen.

Waxaa ka hadlay arrinkaan sida aad ka arkaysaan video ga hoose Farah Macalin oo ka mid ah baarlamankii wakhtigoodi dhamaadey aad ayuuna u dhaleeceeyey.

Wuxuu sheegay in arrintaani ay ka baxsan tahay bani adam tinimada iyo walibe heshiiski UN CONVENTION.

Isku soo wada duuboo Soomaalida kenya dhagtaa u taagan, waxaana maskaxdooda ku wada taagan “Maxaad dhici doona maanta?”

Daawo Video-ga warbixinta Tv-ga Nation

Garowe (Caasimada Online) War-saxaafadeed ka soo baxay xafiiska madaxweynaha maamulka Puntland ayaa lagu sheegay in aqoonsiga Maraykanka uu siiyay dowladda Soomaaliya.

War-saxaafadeedka ayaa lagu yiri :  Puntland waxay u aragtaa go’aankii ay gaartay Dowladda USA talaabo taariikhi ah oo hormarinaysa xiriirka USA iyo Soomaaliya ahna talaabo ku dayasho mudan.

Shacabka iyo Dowladda Puntland waxay u hambalyeynayaan Dowladda USA, Madaxweynaha Federaalka Soomaaliya, iyo guud ahaan Shacabka Soomaaliyeed oo idil.

Puntland waxay ka qeyb-qaadatay door wayna ka ciyaartay dadaalkii caalamiga ahaa si uu dalkii Soomaaliya uga baxo xilligii ku meel gaarka, geedi-socodkaasoo ay ka mid ahayd ansixintii Dastuurka Federaalka Soomaaliya, dhisidii Aqalka Hoose ee Baarlamaanka Federaalka iyo doorashadii Gudoomiyaha Aqalka Hoose, iyo doorashadii Madaxweynaha cusub ee Jamhuuriyadda Federaalka Soomaaliya.

Sidoo kale, Dowladda Puntland waxay qeyb wayn oo muuqata ka qaadataa arrimaha ilaalinta iyo adkeynta nabadda, amaanka iyo xasiloonida dalka Soomaaliya.

Puntland waxay ku dhiirigalinaysaa Dowladda USA iyo saaxibada kale ee Soomaaliya inay sii wadaan taageerada arrimaha nabada iyo xasiloonida, gargaarka bini’aadanimo, dowlad- wanaaga, iyo barnaamijyada horumarinta dhaqaalaha ee guud ahaan dalka Soomaaliya.

Dowladda Puntland waxay ka filanaysaa Dowladda Federaalka Soomaaliya inay dhowrto kuna dhaqanto Dastuurka Federaalka, dalka wadaajiso taageerada caalamka ee barnaamijyada amaanka, hormariso dhamaystirka nidaamka Federaalka ee dalka Soomaaliya, taageerto dhisidda Dowladaha dhiman ee ka mid noqonaya Fedeeralka Soomaaliya, taageerto dib u heshiisiin heer Qaran, dhisto Aqalka Sare ee Baarlamaanka Federaalka oo ka wakiil ah.

Dowladaha Xubinta ka ah Federaalka Soomaaliya si waafaqsan Dastuurka Federaalka, iyo inay dalka si nidaamsan u wadaajiso taageerada caalamka ee dhanka arrimaha gargaarka bini’aadanimo iyo barnaamijyada horumarinta dhaqaale oo lagu bixiyo magaca dalka Soomaaliya

Ugu dambayntii, warsaxaafadeedka ayaa lagu yiri Puntland waxay ugu hambalyeynaysaa shaqadii wanaagsanayd ay qabatay Wasiirka Arrimaha Dibeda ee dowladda Maraykanka Hillary Clinton intii ay ku jirtay siyaasadda.

Caasimada Online

Xafiiska Wararka Garowe

Ra’iisal Wasaaraha Xukuumadda Federaalka Soomaaliya Mudane Cabdi Faarax Shirdoon (Saacid) iyo wafdi uu hogaminayo ayaa maanta booqashooyin ku kala bixiyay degmada Afgooye ee gobalka Shabeelada hoose, Idaacadda Shabeelle, Garoonka Aadan Cadde iyo Hotel Jazeera ee magaalada Muqdisho.

Ra’iisal Wasaaraha waxaa booqashadiisan ku  weheliyay, Wasiirka Arrimaha gudaha iyo Amniga Qaranka, Mudane Cabdikariin Xuseen Guuleed, Wasiir ku-xigeenka warfaafinta Mudane Cabdishakuur Cali Mire, Taliyaha Ciidanka Booliska Soomaaliyeed Jeneraal Shariif Sheekhuna Maye, Agaasimaha Hay’adda Sirdoonka iyo Nabadsugidda Qaranka Axmed Macalin Fiqi iyo Saraakiil kale oo ka tirsan ciidamada dowladda Soomaaliya.

Ugu horeyntii Wefdiga ayaa booqashadooda ka bilaabay degmada Afgooye ee gobolka Sh/hoose halkaasoo ay kula kulmeen Odayaasha degmada, waxgaradka, mas’uuliyiinta gobolka Sh/hoose iyo kan degmada Afgooye, Iyagoona ku qaabilay beerta Sheekh Zaa’id ee degmadaasi.

Odayaasha iyo waxgaradkii la kulmay Ra’iisal Wasaaraha ayaa ka codsaday in maamulka gobalka iyo kan degmada uu noqdo mid ay soo doorteen dadka deegaanka, isla markaana ay raali ka yihiin.

R.Wasaare Saacid ayaa odayaasha iyo waxgaradka u balan qaaday in maamul kasta ee dalka uu noqdo mid ay soo doortaan dadka deegaan islamarkaana ay raalli ka yihiin.

Dhinaca kale, Ra’iisul Wasaaraha Soomaaliya ayaa booqday xarunta Idaacadda Shabeelle ee Magaalada Muqdisho, Isagoo la kulmay maamulka iyo shaqaalaha Idaacada isaga oo uga tacsiyadeeyay geeridii wariye Cabdi Xareed ee maalintii Jimcaha lagu dilay magaalada Muqdisho, wuxuuna khadka telefoonka kula xiriiray Ra’iisul Wasaaruhu eheladii Weriyaha geeriyooday.

Sidoo kale Wasiirka Arrimaha Gudaha iyo Amniga Qaranka ayaa sheegay in aan loo dulqaadaneyn in degmada Dharkinley ay noqoto mid lagu ugaarsado Wariyayaasha arrintaasna ay si adag u baari doonaan Hay’addaha Amniga, wuxuuna rajo ka muujiyay in gacanta lagu soo dhigo dhagar qabayaashii dilka u geystay Marxuum Xareed iyo kuwii ka horeeyeyba.

Ugu dambeyntii Ra’iisul Wasaaraha Xukuumadda Soomaaliya Cabdi Faarax Shirdoon (Saacid) ayaa sidoo kale booqday Garoonka Aadan-cadde, isagoo kormeeray xafiiska garoonka diyaaradaha iyo sida ay u shaqeeyaan. Wuxuuna socdaalkiisa maanta ku soo gaba-gabeeyay Hotel Jazeera ee magaalada Muqdisho oo ka mid ah Hoteelada ugu Caalamisan ee magaalada laga hirgeliyay.

Daawo Sawirrada

Soomaalidu waxeey tiraahdaa “ALLE DILE AYAA DHINTA” Waxaan ula jeedaa Waxaa maanta Muuqaalka Warbaahinta laga sii daayay fal fashilmay oo la doonayay in lagu qaarajiyo Madaxa Xisbiga “DPS” ee Wadanka Bulgaria.

Marka aa daawato Muuqaalka waaad naxeysaa balse waxaa dareemeeysaa Alle idle in uu dhinto oo uu ka badbaaday Madaxa Xisbigaasi falkaasi isku dayga dil ee lala damacsanaa oo si toos ah loo soo hor istaagay kadibna ay bistooladu ku dhici weysay.

HALKAAN RIIX SI AAD U DAAWATO: