Farshaxamiistaha Soomaaliyeed ee caanka ah Amin Camir, ayaa soo saaray qeybo kale oo ka mid ah sawirradiisa taxanaha ee Isma Lahayn.

Amin ayaa sawirradaas uga hadlaya waxyaabihii lama filaanka ahaa ee aan marnaba la maleysaneyn ee ka dhacay dalka Somalia ama qabsaday Soomaalida joogto caalamka intiisa kale.

Haddaba shan arrin oo ka yaabiyay Amin iyo Sawirradiisa Isma lahayn nala arka.

Wiilkaan cusub ee gabadhaan ku larmay nolasheeda waxaa la yiraa ‘Cismaan’ waa nin xoogaa tuulada u badan, labiskiisa u badan Macawisaha qurxoon ee markaas la daneynaayo ayaana hami ku dhaliyey Safiya laakiin bacaad cidlo ah ayey qoor sagaaryo ku heysaa oo waxaa sugaya Jaamac.

Gabadhii ayaa wiilkii tiri caawa ii imaad laakiin wiilku wuxuu dhib ka marayaa sidii uu ku heli lahaa markuu guriga tago, maba kala yaqaan jiif Rag iyo mid Dumaroo waayo arag kuma ahan Shukaansiga gabdhaha looga soo kiciyo gurigooda.

Safiyo hooyadeed Caabiyo ayaa jiifatay habeenkaas booskii gabadha, Safiyana waxay ka duruqday jiifka reerka habeenkaas maadaama ay ballan laheyd.

Cismaan wuxuu yimid gurigii wuxuuna kala fiirshay sida loo jiifo qofka banaanka reer xoogaa uga baxsan waa Safiyo laakiin isagu wuxuu u heystaa duqii reerka, inta u xaluushay duqii oo jiifa bedelkii gabadha ayuu garabka ka riixay wuxuuna ku yiri: “Soo bax waa Cismaane.”

Kama uusan waalin Oday Maxamed, wuxuuna ogaaday in gabadhiisu wiil kale la jaan xiratay, wuuna ka daba kacay, Cismaan markii uu arkay nin soo socda xaalka ayaa ku xumaaday wuxuu isku deyey inuu carar sameeyo, laakiin Maxamed ayaa ku yiri: “ha cararin, waxaan ahay Safiya aabaheed, gabadhaan wiil ayaa la siiyey, ogoow hadii aan maalin dambe akteeda kugu arko wixii kugu dhaca kuguma dhigine.”

Laakiin waxaas kama daadegayaan gabadhaan oo waxay ka taagan tahay: “Nin aan rabo ayaan raacayaa intii mid aanan rabin I roorsan lahaa.”

Akhristeyaal qeybtii sedaxaad ee sheekadii la magac baxday, Jaceylkii Baadiyo Beled miyuu I biday? halkaan ha inoo joogto.

Waaxaa Qoray: Ahmed Jaangoan

E-mail: [email protected]

Chelsea ayaa u gudubtay Finalka Koobka Kooxaha Aduunka ka dib markii ay 3-1 kaga talaabsatay kooxda Mexico ka dhisan Monterrey.

Goolasha Chelsea waxaa daqiiqadii 17-aad daaha ka rogay Juan Mata, wuxuuna shabaqa si habsami leh ugu hubsaday kubad uu ka helay Ashley Cole.

Chelsea ayaana wixii intaas ka dambeeyey caadeysatay inay weerar is daba joog ah ku qaado shabaqa Monterrey fursado badan ayeyna iska qasaariyeen.

Jesús Aldo De Nigris ayaa ku dhowaaday inuu shabaqa kasoo taabto Chelsea qeybtii hore ee ciyaarta ka dib markii uu karoos ka helay Sergio Pérez, laakiin wuu iska qasaariyey ka dib markii uu goolhayuhu cadaadis saaray, sidaas ayaana lagu kala nastay qeybtii hore.

Markii la isku soo laabtay ayaa Chelsea weeraro hajuun ah ku qaaday Monterrey, ciyaarta oo qeybtii labaad hal daqiiqo socoto ayaana waxaa shabaqa kasoo taabtay Fernando Torres oo  dhaliyey kubad ay isku sareen daafacyada Kooxda Mexico.

Fernando Torres ayaana kasoo shaqeeyey laba daqiiqo ka dib gool ay iska dhaliyeen Monterrey Ka dib markii uu geeska bidix kubad farsameysan uga soo tuuray Mata oo isna is lahaa u dhiib Oscar balse Darvin Francisco Chávez oo is lahaa kubad difaac ayaa shabaqa kooxdiisa si aan kas aheyn ugu leexshay.

Jesús Aldo De Nigris ayaana kooxda Mexico goolka calanka u dhaliyey dhamaadkii ciyaarta. Balse waxba uma gelin maadaama goolal badan lagu lahaa.

Chelsea ayaa kama dambeysta Koobka Kooxaha Aduunka la ciyaari doonta kooxda Corinthians oo guul 1-0 ah kasoo gaartay Al-Ahly.

Goor dhaw waxaa  lagu dhawaaqay wasiir ku xigeenada iyo wasiiru dawlayaasha Xukuumada Somaliya ee Dr Cabdi Faarax Shirdoon (Saacid) uu hogaamiyo waxaana iminka soo baxaya hadal heyn dad xilalka loo magacaabay.

20 Wasiir ku xigeen iyo 5 wasiiru dawlayaal ayaa lagu dhawaaqay goor dhaw waxaana magacyadooda oo lasoo saaray usoo gudbineynaa akhristayaasheena.

Xukuumada Somaliya ayaa sheegtay inay shaqsiyaadka xilalka loo magacaabay ku doorteen markii la arkay siday uga soo bixi karaan howsha loo igmaday.

Xubnaha Wasiirada maanta la magacaabay waxaa ka dhex muuqda ilaa 3 haween ah kuwaasi oo iyagu xilal kala duwan loo magacaabay waxaana taasi ay qeyb ka noqoneysaa qoondadii haweenka ku yeelan lahaayeen Dawlada Cusub ee Somaliia

Waa kuwan magacyada

1-Cabdi Farax sheekh C/qadir  W/dowladaha madaxtooyada

2-Dr  Maxamed  Nuur Gacal W/dowlaha arrimaha dibada

3-Mahdi Maxamuud Cali W/dowlaha arrimaha gudaha

4-Maxamed Rashiid Sheekh Daahir W/Dowlaha Maaliyada

5-Maxamuud Ismaaciil Barqadle W/Dowlaha Horumarinta Iyo Adeega Bulshada

Magacyada 20ka Wasiir kuxigeen

1-Eng maxamed Aadan Axmed  W/kuxigeenka arrimaha Dibada

2 Jamaal Axmed Barrow W/ ku xigeenka arrimaha dibada

3 Xasan Ibraahim Maxamed W/ku xigen arrimaha gudaha

4 Jaamac Axmed Maxamed W/ku xigen arrimaha gudaha

5 Maxamed Xasan Aadan W/ku xigen maaliyada

6 Abuukar Xasan Cali W/ku xigen maaliyada

7 Bashiir Maxamed jaamac W/ ku xigeenka horumarinta

8 Maxamuud Macalin Yaxye W/ku xigeenka hormarinta

9 Fahmo Axmed Nuur W/ku xigen cadaalada

10 Xasan Maxamed Jimcaale W/ku xigeenka cadalada

11 Nadiifo Maxamed Cusmaan W/ku xigeenka howlaha guud

12 Cali Shekh Maxamed W/ku xigeenka howlaha guud iyo gaadiika

13 Siciido Xasan Cusmaan W/ku xigeenka Qeyraadka

14 C/raxmaan Maxamed Geedi W/ku xigeenka Qeyraadka

15 Axmed Maxamed Maxamuud W/ku xigeenka gaashaandhiga.

16 C/raxman kulmiye Xirsi W/ku xigeenka Gaasgaandhiga

17 C/qadir Sheekh Ismaacil W/ ku xigeenka Ganacsiga

18 Maxamed Cali Xagaa W/ku xigeenka Ganacsiga

19 C/shakuur Cali Mire wasiir ku xigeenka warfaafinta

20 Ibraahim Isaaq Yaroow wasiir ku xigeenka warfaafinta.

Juventus ayaa mushaar 90 kun oo ginni Isbuucii ah u balan qaadeysa Theo Walcott hadii uu kusoo biiro bisha Janaayo, sida uu qoray Talksport.

Arsenal ayaa ka cabsi qabta inay Walcott weyso bisha Janaayo ka dib markii uu diiday inuu qandaraas cusub kooxda la galo.

Maadaama uusan Arsene Wegner qiran inuu iibinaayo xidiga heerka caalami ee dalka England inta lagu jiro bisha Janaayo, waxaa loo qaatay dabeecadiisii hore, ka dib markii uu cadeeyey inuusan iibin doonin Cesc Fabregas iyo Samir Nasri xilli sidaan oo kale uu suuqu u furmaayey.

Labadaas ciyaaryahan ayaana ku kala biiray Barcelona iyo Manchester City iyagoo ka tegay Emirates, waxaa isna booskaas maray Robin Van Persie oo xagaagaan ku biiray Manchester United, Theo ayaana ah ciyaaryahan kale oo magac weyn oo qarka u saaran inuu ka tago Gunnres.

Markii uu diiday Walcott inuu qandaraaska u kordhiyo kooxda Manchester United ayaan qarsan damaceeda ku aadan xidigaan, laakiin Juve ayaa sidoo kale dooneysa.

Kooxda Serie A ayaa United u weysay Van Persie laakiin waxay diyaar u yihiin inay markooda kaga adkaadaan saxiixa Walcott, waxayna usoo bandhigeysaa heshiis uu Isbuucii kaga qaadanaayo 90 kun oo ginni, waxaana sidoo kale laga ciyaarsiinayaa booska gool dhaliyaha.

Walcott ayaa bisha soo aadan lagu iibsan karaa 8 milyan oo ginni wuxuuna ku jiraa waqtigiisii ugu dambeeyey ee Arsenal ka hor inta aysan kooxda si xor ah ku lumin.

Kooxda AC Milan ayaa heshiis ganacsi la gashay kooxda Shiinaha ka dhisan ee Guangzhou Evergrande, oo uu macalin u yahay Marcello Lippi.

Waxaa la ogyahay inuu Agaasimaha Guud ee Milan Adriano Galliani kulan la qaatay kooxda Isbuucaan intii lagu jiray booqashadooda Talyaaniga, laakiin heshiiska ayaa hada xaqiijiyey.

“Adriano Galliani ayaa si niyad adeyg ah oo fiican usoo dhoweeyey madaxweynaha kooxda Shiinaha Ghuangzhou Evergrande, Liu Jong Zhuo,” ayaa lagu yiri Warbixn la aqriyey.

“Heshiiska ganacsi ee ka dhexeeya labadaan koox waa la saxiixay waana la iibiyey isgacan qaad iyo dhoola cadeyn ayaana dhamaanteen na dhex maray. Galliani wuxuu siiyey Madaxweynaha kooxda Shiinaha Funaanad ay No.8 iyo magaciisa Liu dhabarka dambe kaga xardhan tahay.

“Ghuangzhou waxay ku guulesatay Labadii Horyaalka ee ugu dambeeyey dalka Shiinaga. Guangzhou Evergrande waxay sanadkaan horyaalka ku qaaday 58 dhibcood, iyadoo shan dhobcood ka sareysa kooxda Jiangsu Sainty. Waxay guul gaareen 17 kulan, shan kulan barbaro ayey galeen, shan kulana guul darro ayaa soo gaartay waxayna dhaliyeen 51 gool marka loo fiirsho 29 gool oo usoo hartay farqi ahaan.”

Waxaa jiray warar xan ah oo ku saabsan heshiiskaan inay ciyaaryahano Shiineys ah bisha Janaayo amaah ku heleyso Milan iyadoo lagu kala bedelanaayo ciyaartoyda Akadeemiga.

Macalin Jose Pep Guardiola  ayaa daaha ka qaaday inay Arsenal tahay dooqiisa koowaad marka uu tababarenimada kusoo laabanayo hadiiba uu imaanayo Horyaalka Premier League, sida ay qortay shabakada Goal.com.

Tababaraha u dhashay Spain ayaa lala xiriirinaayey kooxo ka dhisan Ingiriiska sida Chelsea, Manchester United iyo Manchester City ka dib markii uu ka tegay Barcelona isagoo sanad nasiino ah ka qaadanaya kubada cagta.

Kooxda Maalqabeenka ah Paris St. Germain ayaa sidoo kale xiiso u qabtay macalinkaan, sida aadka ah ugu soo shaac baxay kooxda Catalans.

Wuxuu qiimeynayaa dalabyada u imaanaya sanadka cusub Arsenal ayaana lasoo werinayaa inay noqoneyso kooxda ugu sareysa liiska kooxaha doonaya shaqadiisa.

“Doorashada Goardiola ee Horyaalka Ingiriiska waa kooxda Arsenal,” ayey dhahayaan Ilo ay soo xigatay Goal.com. “Kooxda ayaa xiiseyneysa shaqadiisa marka la gaaro sanadka cusub.”

Macalinkii hore ee Barcelona ayaa 14 koob u qaaday kooxdiisii hore, marka lagu daro Laba Champions League iyo Sedax Horyaal oo La Liga ah, intii lagu jiray afar sano oo uu Comp Nou horkacaayey, Arsene Wenger ayaana waqtigaas ku jiray waayihiisa Koob la’aanta.

Si kastaba, Isha laga soo xigtay warkaan ayaa cadeysay: “Guardiola ma doonayo inuu aado Chelsea. Wuxuuna ka welwel qabaa wax quseeya nasiibkiisa. Wuxuu sidoo kale xiriir fiican kala dhexeeyaa Wenger.”

Chelsea ayaana u weecan karta Jurgen Klopp hadii ay ku guul darreystaan inay  Guardiola xagaaga soo aadan keenaa Stamford Bridge.

Ryan Giggs  ayaa soo arkay qaab ciyaareedka Cristiano Ronaldo  wuxuuna sheegay inuu haatan wadadaas cagta saaray Wayne Rooney weeraryahanka Manchester United.

Rooney ayaa laba gool ka dhaliyey kulankii Manchester derby waxayna ka dhigeysaa inuu .afar gool dhaliyey labadiisii kulan ee ugu dambeysay Premier League. Ka hor goolashaan, si kastaba, Sir Alex Ferguson ayaa qirtay inuu weeraryahanka reer England uusan goolal ku filan dhalin marka loo barbar dhigo Robin van Persie.

Maadaama ay yihiin laba ciyaaryahan oo kala gedisan, Giggs ayaa aaminsan inuusan Rooney aheyn ciyaaryahan ‘Isugu goolasha isla jecel’ bedelkeedana uu asxaabtiisa goolasha u abuuro.

“Weyne wuxuu leeyahay qaabka uu ciyaaryahan goolal u dhaliyo, laakiin hadii uu jiro qof goolal badan dhaliya ma ahan mid aan abuurid badneyn,” ayuu yiri Giggs.

“Aad ayuu ugu farax san yahay inuu goolal dhaliyo uuna goolal muhim ah weliba dhaliyo sidii uu sameeyey Axadii.

“Waa sida Cristiano uu halkaan ku ahaa, wuxuu dhaliyey goolal badan. Weyne wuxuu dhalin karaa goolal intaas ka badan.
“Wuxuu dhalin karaa goolal, wuuna abuuri karaa. Waa fiicnaan lagu daray wanaag inuu goolal ka dhiliyo City.”

Frank Lampard ayaa u hiiliyey Tiknoolajiyada Xariiqda Goolka wuxuuna sheegay inay kubada cagta kusoo dari doonto ‘Indha-sarcaad’ marka sida rasmiga ah daaha looga qaado.

Chelsea ayaa noqon doonta kooxdii ugu horeysay England ee aaladaan loo isticlaamo iyadoo ay sheegi doonto hadii kubadu ay dhaafto Xariiqda goolka.

Waxay la ciyaari doonaan kooxda Mexico ka dhisan  Monterrey kulan ka tirsan Club World Cup, iyadoo uu Garsooraha goolku raad raacayo, kooxda Brazil ka dhisan Corinthians oo 1-0 kusoo dubatay Kooxda Al-Ahly ayaana Finalka ku sugeysa tii soo gudubta labadaan koox.

Lampard ayaa u hiiliyey Tiknoolajiyadaan ka dib markii laga diiday gool Xariiqda dhaafay kulan uu xulkiisa England ka hor yimid Germany Koobkii Aduunka 2010, Markii dib loo daawaday ayeyse u akaatay gool rasmi ah bale waa la diiday.

“Waa muhim in la soo saaro wax ka badan intaan. In lagu soo daro Tiknoolajiyadaan si ay u qeyliso marka kubadu dhaafto diilinta. Waxay noqon doontaa Indha-sarcaad,” ayuu yiri 34-jirkaan.

Hadii Heshiiskii uu Macalin Sir Alex Ferguson kula soo wareegay horaantii xili Ciyaareedkan Robin Van Persie oo ahaa Kabtankii hore ee Kooxda Arsenal uu ku guuleestay , Alex Sanches ne uu si fiican ula qabsaday kooxda Barcelona markii Laga soo iibsaday Kooxda Udinesse , Inter Milan ne ay ku macaashtay Heshiiskii ay kula soo wareegtay Diego Milito oo Genao kaga soo biiray markii uu dhaliyay in ka badam 50 goal ,balse waxaa jiro kooxo fara badan shaleyto iyo qoomamo ka taagan heshiisyo ay Lacago fara Badan ku bixiyeen oo ay kula soo wareegeen xidigo Caan ah.

Ka tegay Newcastle United ku biiray Real Madrid Lacag dhan $22 Million (2004).

Real Madrid ayaa weli qoomamo iyo shaleyto ka joogto heshiiskii aan laga fiirsan ee sanadkii 2004-tii, ay kula soo wareegtay Daafacii hore ee Kooxda New Castle iyo Xulka England Jonathan Woodgate ,

Woodgate, ayaa yimid Garoonka Santiago Bernabue sanadkii 2004-ta, isagoo weli qaba dhaawac canqowga, balse rajo laga qabay in uu si fudud Garoomada ugu soo laabto ayaa lagu guuleedareestay.

12 kulan oo uu u saftay Kooxda Real Madrid, waxa uu ugu abaal guday in uu ka dhaliyo Goal (Own Goal ah ) ama Ottoreto.

Wuxuu ka tegay Parma kuna biiray  Chelsea qiimo dhan  $26 Million (2003)

ayaa ka macaashtay heshiiskii ay Chalsea kaga iibisay sanadkii 2003-dii Xidigii Hore ee Kooxda Inter Adrian Mutu , markii uu London ku aaday Aduun Lacageed oo dhan $26 Million.

Kooxo fara badan ayaa ka faa’iideestay xiligaasi lacagaha indho la’aanta ah ee suuqa soo galiyay Maalqabeenka u dhashay dalka Ruusha Roman Abrahimovic.

Inkastoo uu xidig weyn ahaa Mutu xiligii uu joogay Garoonka Tardini Stadio ee Kooxda Parma, balse waxa uu noqday La mood Balse Noqon wesay markii uu tegay Garoonka Stam for Bridge.

Adrian Mutu ayaa Kooxda Chalsea u saftay 27 kulan, wuxuuna u dhaliyay 6 Gool oo qura , ka hor inta aan laga ceyrin Naadiga markii FA-da ku heleen isticmaalka Daroogada Cocaine-ta.

Wuxuu ka tegay Lazio kuna biiray Manchester Unitedqiimo dhan  $37 Million (2001)

Laadadkii xorta aha iyo baasaskii dheer dheeraa ee uu Kooxda Lazio Juan Sebestuan Veron ku soo bandhigay darteed , waxa ay keentay in Macalinka Kooxda Manchester United uu soo jiito qaab ciyaareedka Xidiga reer Argentina.

Macalin Ferguson ayaa karti iyo geesino uu iska baaray darteed u jabiyay Bankigiisa siduu ku heli Lahaa Juan Veron wuxuuna Kooxda Lazio hoosta u galiyay aduun lacageed oo oo dhan $37 Million oo uu ku keenay Garoonka Old Trafolld.

Balse 2 sano oo uu ka hoos ciyaaryay Macalin Ferguson , waa la iibiyay markii uu soo bandhigay ciyaar aan lagu qancin, waxa uu 20 million oo Doolar ugu biiray Kooxda Chalsea.

Wuxii ka tegay AC Milan kuna biiray Chelsea qiimo dhan $50 Million dollars (2006) 

waalida ahaa ee lagu qasaaray waxaa ka mid ahaa kii ay Kooxda Chalsea kula soo wareegtay xidigii hore ee Kooxda Ac Milan iyo xulka Ukraine Andriy Shevchenko.

Schevchenko ayaa sanadkii 2006-dii. waxa uu Kooxda Ac Milan ugu soo dhaqaaqay dhanka iyo Kooxda Chalsea markii laga bixiyay qiimo dhan $50 Million (Konton Milyan oo Doolar).
Balse sedex xili ciyaareed ee uu ku sugnaa Garoonka Stam for Bridge waxa uu soo bandhigay qaab ciyaareed aad u liita, markii uu Kooxda Blues-ka u saftay 48 kulan una dhaliyay 9 Goal oo qura.
Dulqaadkii Roman Abrahimovic oo dhamaaday darteed xidigaasi waxaa deyn ahaan loogu wareejiyay kooxda Milan oo uu markii horeba laga soo iibsaday.

Wuxuu ka tegay Inter Milan , kuna biiray Barcelona qiimo dhan $100 (2011)

Kadib xiliyo wanaagsan ee uu ku qaatay Garoonka Sansiro iyo Kubadii Wanaagsaneed ee uu ku soo bandhigay Kooxda Internazionale, ayaa Zlatan Ibrahimamic waxa uu si fudud ugu dhaqaaqay Horyaalka Spain markii uu heshiis la gaaray Naadiga Barcelona.

Barcelona ayaa Xidiga Reer Swedan qiimo waali ah ku iibsatay markii ay madaxiisa duldhigtay lacag dhan $65 Million dollars oo lagu daray Weeraryahanka reer Cameron Samuel Eto’o, oo isna lagu qiimeeyay lacag dhan $ 26 Million.

Balsa Ibra ayaa Barcelona ku soo bandhigay ciyaar aan loogu baran kadib markii uu ku guuldareestay in uu ka mid noqday dooqa 1aad ee Macalinkii Barcelona Pep Gardiola.
46 kulan oo uu saftayn Barcelona waxaa uu dhaliyay 22 goal.
Waxaana Lacagtii Ciyaaryahan Ibrahimovic lagu soo iibiyay markii loo qeybiyay Goolashii uu Barcelona u dhaliyay halkii xili ciyreed ee ii joogay uu halkii goolba loogu xisaabyay Lacag dhan $4.1.

Sidoo kale waxaa jiro Xidigaha kale oo laga soo bixiyay qiimo fara badan misne ku fashilmay kooxihii ay ku biireen sida Ricardo Kaka oo Real Madrid ka tirsan , Robie Keane, Andy Carrol oo Liverpool ay kala soo wareegtay kooxda New Castle, Fernando Torres oo Chalsea ay ka soo iibsatay Kooxda Liverpool, Robinho oo Man City ay qiimo fara badan kaga soo iibsatay Kooxda Real Madrid balse markii danbe amaah lagu siiyay Kooxda Ac Milan iyo Cese Fabregas oo Barcelona kaga soo biiray dhanka iyo Kooxda Arsenal haatana xili waqti xun ku qaadanayo garoonka Neu Camp.

La Soco dhowaan qormo kale oo ka hadleyso Xidigii lagu macaashay Heshiisyadooda.
Cabdiqani Cali Dalmar
[email protected]
Caasimada-Swizerland

Madaxwaynaha Soomaaliya Xasan Sheekh Maxamuud ayaa beeniyay in Xukuumada Soomaaliya kaliya xilal laga wada siiyay ragii ay isku xisbiga ahaayeen ka hor inta uusan noqon madaxwaynaha dalka.

Su’aal uu Waydiiyay Wariye ka tirsan BBC-da ayaa ahayd in Madaxwaynaha uu xilalka ugu badan ee Xukuumada Tobanka Wasiir ka kooban inay u badan yihiin xisbigiisii Bii dhii bii.

Madaxwaynaha oo ka jawaabayay taas ayaa ku tilmaamay inay tahay borobogando ay soo dhoo dhoobeen dulmi wadayaal waxaana uu yiri.

“Xukuumada Tobonka Wasiir hadii aan ahay qof xisbigiisa wada siiyay waxaad dareemi kartaan dad u ololaynayay Musharaxiintii aan ku tartamaynay doorashada inay ku jiraan xukuumada Tobanka Wasiir”Sidaas waxaa yiri Madaxwaynaha.

Mudooyinkan dambe waxaa jiray in Madaxwaynaha Soomaaliya uu aqalka Madaxtooyada geeyay dadkii ay wada shaqayn jireen ee ay isku xisbiga ahaayeen.

Warar xog ogaal ah oo ay heshay Caasimada Online ayaa sheegaya in 20-ka bishan la waqtiyeeyay in magaalada Kismaayo ee xarunta gobolka Jubbada Hoose uu ka furmo shirka lagu dhisayo maamul goboleedka JubbalalandState.

Go’aanka ayaa waxaa gaaray shan guddi oo dhowaan la sameeyay oo howshooda u ahayd qaban qaabinta shir weynaha. Shantaas guddi ayaa kala ah:- Guddiga Amniga, Guddiga Doorashada, Guddiga Xulitaanka, Guddiga Farsama iyo Maaliyadda iyo Guddiga ka Warqabka.

Sida Caasimada Online ay ka heshay ilo ka tirsan guddiga cusub, waxaa shirweynaha oo ka dhici doona Kismaayo 20-ka bishan, ka qeyb galaya 485 ergo oo ka kala imanaya gobollada Jubbada Hoose, Jubbada Dhexe iyo Gedo.

Ergada ka qeyb galeysa shirka ee 485-ka ah, ayaa saddexda gobol waxa ay uga kala iman doonaan sidan:- Jubbada Hoose 185, Gedo 165 iyo Jubbada Dhexe 135.

Markaa kadib ayaa ergadu waxa ay ka doodi doontaa xeerka JubbalandState, kaasi oo ah sharciga aas aasi doona maamul goboleedka JubbalandState.

Waxaa la aas aasi doonaa baarlamanka Jubbaland, kaasi oo kadib dooran doona madaxweynaha maamulka. Sida ay ku warrameen ilo jooga magaalada Kismaayo, hogaamiyaha Raaskambooni Axmed Maxamed Islam (Axmed Madoobe), ayaa ah qofka ugu cad cad inuu noqdo madaxweynaha.

Lionel Messi, oo weerarka uga ciyaara kooxda Barcelona iyo xulka Argentina ayaa toddobaadkan dhaliyay goolkiisii 86-aad ee sanadkan 2012 oo kaliya, kaas oo ka dhigay in uu rikoor cusub dhigo markii uu ka sara maray Gerd Muller, oo sanadkii 1972-kii dhaliyay 85 gool.

Xiriirka kubadda cagta ee Zambia, ayaa dacwad u gudbiyay xiriirka kubadda cagta ee adduunka FIFA iyo kan qaaradda Africa ee CAF, iyagoo sheegay in ciyaaryahan Zambia u dhashay uu wali yahay ninka rikoorkan heysta kadib markii uu dhaliyay 107 gool sanadkii 1972-kii.

Afhayeen u hadlay xiriirka kubadda cagta ee Zambia, ayaa sheegay in ciyaaryahan lagu magacaabo, Godfrey Chitalu, uu u dhaliyay xulka Zambia iyo kooxda Kabwe Warriors oo dalkaas ka dhisan 107 gool sanadkii 1972-kii.

Afhayeenka, ayaa intaas ku daray, in ay diiwan galiyeen goolashaas oo ay yihiin kuwo la hubo, balse ay la yaabeen markii saxaafadda ay sheegtay in rikoorka Messi uu ka jabiyay Muller.

Chitalu, oo kooxda Kabwe Warriors u ciyaarayay intii u dhaxeysay 1970 ilaa 1980-ki, ayaa noqday markii dambe macallinka kooxdaas iyo xulka qaranka Zambia.

Waxa uu ku geeriyooday shil diyaaradeed sanadkii 1993-kii, kaas oo ay ku geeriyoodeen dhammaan xulkii qaranka Zambia oo uu macallin u ahaa iyo gudoomiyihii xiriirka kubadda cagta Zambia ee xilligaas, Michael Mwape.

Xiriirka kubadda Cagta Africa ee CAF, ayaa sanadkii 2006-dii, Chitalu ku daray liiska 200 ciyaaryahan ee ugu fiicnaa qaaradda Africa 50-kii sano ee lasoo dhaafay.

Haddii aad maqasho kaneeco durba waxaa kugu soo dhacaysa inay tahay noole yar, oo kamid ah noolaha Ilaahay uumay ka ugu yar. Bal’ ee haddii tusaale laguugu soo qaato noolahaasi xataa aad baad u yaabi lahayd, oo waxaad oran lahayd ”Maxaa loola jeedaa tusaalahan”?

Xayawaankani (noolahani) xasharaadka ah Qur’aanka kariimka ayaa lagu xusay magaceeda. Ilaahay kor ahaaye wuxuu yiri

إن اللهَ لَا يَسْتَحى أن يَضَربَ مَثلًا مَا بَعُوضَةً فَمَا فَوقَهَا فأما الَّذيَنَ امَنُوا فَيَعْلمُونَ اَنَّهُ اْلَحُق مِنْ رَبّهِم وأما الَّذيَن كَفَرُوا فَيَقُولُونَ مَاذَا أراد اللهُ بِهذَا مَثَلًا يُضِلُّ بِهِ كَثيراً وَيَهدِى بِه كَثيراً وَمَا يُضِلُّ ِبِه إلا الفَاسِقيَن

(سورة البقرة 26).

TURJUMADA AAYADDA:

”Ilaahay kama xishooda inuu usoo qaato tusaale kaneeco iyo wax kasii weyn (xagga yaraanta, macnaha wax ka sii yar), kuwii rumeeyay (Alle iyo Nebiga S.C.W), way ogyahiin in uu yahay xaq (Qur’aanka iyo tusaalaha Eebbe usoo qaatayba), ka yimid xagga Rabbigood, kuwiise gaaloobay, waxay oranayaan Muxuu ula jeedaa Alle tusaalahan, in badan buu ku lumin, in badanna wuu ku hanuunin, kuna lumin mahaya faasiqiinta mooyaane cid kale”. Al Baqrah: 26d

Ilaahay tusaalaha kaneecada wuxuu usoo qaatay ma ahan inay tahay noole liita oo yar, balse waa xikmad aanay ogeyn cid kale isaga mooyaane. Inta aynu ka ogaanno oo uu isaga inoo saamaxa inaan garanno mooyaane, in kaloo badan oo aynaan ogayn ama aaynaan ogaan karin ayuu isagu Alle ogyahay kala dan leeyahay tusaalahaasi uu inoosoo qaatay.

Afar iyo toban qarni kahor ayay aayadahaasi kusoo degeen Nebi Muxammad (S.C.W), waxaase maanta casrigan tiknoloojiyada la iktishaafay arrin cajiib ah oo ku saabsan abuurka kaneecada. Culimada Sayniska ee casriga ayaa waxay qarnigan soo saareen daraasaad laga diyaariyey noolaha kaneecada. Waxayna sheegeen in kaneecadu ay tahay noola cajiib ah oo leh.

Waxay yiraahdeen

– Kaneecadu waxay madaxeeda ku leedahay 100 indhood.
– Waxay afkeeda ku leedahay afartan iyo siddeed (48) ilig.
– Waxay leedahay 3 qalbi, qalbi kastaana wuxuu leeyahay labo dhinac- bidix iyo midig.
– Waxay leedahay labo calool- midig iyo bidix.
– Khartuumkeeda (irbadka afkeeda) waxay ku leedahay lix sakiinood, sakiin kastaana waxay leedahay shaqo gaara.
– Darafyada jirkeeda cidhifkastoo kamid ah waxay kuleedahay saddex baal.
– Waxay leedahay jihaas ay ku taxliiliso dhiigga, si aanay uwada liqin.
– Waxay leedahay jihaas kale oo ay ku kala saarto dhiigga.
– Waxay leedahay jihaas kale oo ay ku uriso dhididka qofka, kaasoo ay awood u leedahay inay kasoo uriso masaafo dhan 60 km.
– Waxay kaloo leedahay jihaas xaraari ah oo quwad ileys ah siiya habeen iyo maalinba.
– Waxay kaloo leedahay jihaas cajiib ah oo xanuun joojin ah, kaasoo ay adeegsata marka ay dureysa shaqsi qof ah, si aanu u dareemin inay sakiimaheeda la dhacaysa illaa ay dhiigga ka miirta ama kushubto dhiig kale isagoonan dareemin.

Waxay yiraahdeen ”Xanuunka iyo cuncunka uu dareemo qofka marka ay qaniinta kaneecadu, taasi waa natiijadii ka dhalatay dhiiggii lagu shubay ama laga miirey, wuxuuna xaalladaasi dareemaa mar ay kaneecadu howsheedii dhan bogatay.

Run buu sheegey Illaahay markuu tusaalaha usoo qaatay kaneecada, oo ku xusay magaceeda aayad Qur’aani ah, cilmigiisa iyo aqoontiisana Alle lama koobi karo, dadkuse goordambe bay ogaan doonaan waxa kan ee Qur’aanku inuu yahay mucjisada ugu weyn ee Alle koonkani uu keenay.

Sidoo kale aqri qormooyin kale oo ku saabsan mucjisada Qur’aanka.

W/Q: Mohammed Dahir Abdi

Email: [email protected]
Xafiiska Caasimada Online, Finland