Muqdisho (Caasimadda Online) – Iyadoo aad uga Barteen Shirkadda BECO Korontada Qiimo Dhimis  ayaa Shir Jaraaid oo ku saabsan Qiimo Dhimis Hor leh Shirkada ay ku sameysey Adeegeedii Korantada ee Bulshada Soomaaliyeed ku qabatey Magaalada Muqdisho gaar ahaan xarunteeda weyn, waxaana Shirkaan jaraaid ku sugnaa Madaxda Shirkada BECO.

Shirkaas Jaraaid waxaa ka Hadley Madaxa Howlgelinta Shirkada BECO Mudane  Cabdirisaaq Maxamed Xalane waxaa uu ku dheeraadey Heerarkii Qiimo Dhimis ee ay Shirkada Soo Martey tan iyo Markii Shirkada ay Midowdey  si  ay Macaameesheeda u dareemaan adeega ay bixiso Shirkada BECO.

“ Wixii Maanta ka dambeeya Shirkada waxay Qiimo Dhimis ku sameysey Adeegii Koronta  oo ay gaarsiisey 48% kaasoo markii hore uu ahaa 55%  , ujeedkuna waa sidii Macaamiisha Shirkada ee isticmaala Koronto Badan  loogu Daneyn lahaa” sidaa Waxaa yiri Madaxa Howlgelinta ee Shirkada BECO oo sheegey in Qiimahaas uusan noqon doonin mid halkaas Taagnaada waxaa uu sii raaciyey.

“ Qiimo Dhimista waxaa loo sameeyey sidii ay Fursad ku heli lahaayeen Warshada yar yar si loo dhiirageliyo in dalka la maalgashado “  Waxaa uu sheegey Mudane Cabdirisaaq  in Qiima Dhimsta Shirkada ay ka soo bilaabantey meel aad u Foq taasoo  aan dooneyno in Shacabka Soomaaliyeed helaan Koronta Raqiis ah oo la jaan qaadi karta Caalamka.

Ugu Dambeyn  Mudane Cabdirisaaq waxaa uu Carabka ku dhuftey in Qiima Dhimistaas ay bilaabanayeso Bisha lagu Jiro sidoo kale waxaa uu sheegey in Qiima Dhimistaan ay ku soo beegantey Xili  loo diyaargaroobayo Bisha Barakeysan ee Ramadaan si Bulshada u helaan Koronto raqiisa maadaama Bishan la isticmaalayo Xadi koronto badan

WaxaaTaariikhdu Markey ahayd 13/5/2018 Xaflad si heer sare ah loo soo agaasimay lagu qabtay Degmadda Kaxda ee Gobolka Banaadir xafladaas oo ku saabsaneyd dhismaha guddiga Nabadda Degmadda Kaxda, kaasoo ka shaqeyn doona arrimaha nabadgelyada Degmada

Waxaa hadalo talo soo jeedin iyo waxyaabahii ay soo qabteen Guddiyadda nabadda

Degmooyinka Gobolka Banaadir ka soo jeediyey  Marwo Deeqo Maxamed Muuse iyo Cabdulle Yalaxow Maalin. Waxayna sheegeen in Gidiyada Nabadgelyada Degmooyinka Gobolka Banaadir ay yihiin kuwa mar waliba loo baahan yahay maadaama Nabada ay qayb ka tahay Nolosha bulshada

Intaa kadib waxaa ujeedada Guddigaan iyo qaabka ay u shaqeynayaan ka hadlay Madaxa Barnaamijyada Hay’adda SOYDEN Aweys Nuur  isagoo sheegey in Hay’adda SOYDEN ay tahay Hay’adda fududeyneysa  howshaan iyadoo la kaashaneysa hey’adda Conflict Dynamic International (CDI).

Madaxa Barnaamijyada Hay’ada SOYDEN waxa uu sheegey in codsi uga yinid maamulkii hore ee Gobalka Banadir ay isku xilqaameen sidii degmadan cusub looga hirgelin lahaa guddiga nabada isagoo hoosta ka xariiqey in Amniga iyo nabada kala maarmin, Sidaa Darteed amnigana lagama shaqeyn karo haddii aan nabada la xoojin sido kale nabada ma waareyso haddii aysan jirin Amni sugan marka  waxaa muhiim ah in nabada laga shaqeeyo.

Waxaa magaca Degmadda martida loo ahaay isla markaan guddiga laga dhisaayay magaceeda ku hadashay gudoomiyaha ururka haweenka degmada kaxda Marwo Aamino Mursal Cabdi,waxay sheegtey in Gudiyada Nabada ee Deegaan waxaa uu Muhiim u yahay Bulshada halkaas ku dhaqan si ay u gaarto Horumar la taaban karo.

Ugu dambeyn waxaa kulankii furay gudoomiye kuxigeenka Arimaha Bulshada Gobolka Banaadir Mudane Xasan Ali Malaay waxaana uu u Mahadceliyey intii ka soo shaqeysey Gudiga nabada Degmada Kaxda gaar ahaan Hayada SOYDEN oo uu sheegey in ay tahay Hayad u Tagaan  sidii Somaaliya uga dhalan lahayd Nabad

Hadaba shirkaan ayaa soconaayo mudo 3 maalmood iyadoo lagu dhisaayo guddiga nabadda degmada Kaxda.Ujeedada ka dambeysa dhismaha guddigana waxa ay tahay sidii loo xoojin lahaa nabadeynta bulshada ku nool gobalkan Banadir gaar ahaan degmada Kaxda oo ah degmadii u dambeysey ee laga dhiso gobalka.

Guddiga nabada oo noqon doono hay’ad heer Degmo ah kana shaqeyn doonta xoojinta iyo abaabulida howlaha nabada lagu dhisaayo taas ayaana ah sababta ka dambeysa in gudigaan maanta laga dhiso degmada Kaxda.

Hay’ada SOYDEN waxa ay hore uga dhistey gudiyo nabadeed degmooyin gaaraya ilaa 29 degmo kuwaas oo laga hirgeliyey maamul Gobaleedyada Jubbaland, Hirshabelle, Koonfur Galbeed  kuwaas oo ay ku jiraan 16 degmo ee hore uga biirey Gobalka Banadir.

Hay’ada SOYDEN waxa kale oo ay gacan ka geysataa sidii gudiyada nabada iyo maamulada degmooyinka iskala shaqeyn lahaayeen nabadeynta bulshada ee heer Degmo, waxeyna tababaro kala duwan oo ay ka mid yihiin sida looge digo colaada loogana jawaabo inta Khilaafka uusan gaarin meel fog ay siisay gudiyadaas aan kor ku soo xusnay

Tukaraq (Caasimadda Online) – Wararka naga gaaraya degaanka Tukaraq ee gobolka Sool ayaa waxa ay sheegayaan in saakay halkaasi iska horimaad Kooban in uu ku dhexmaray Ciidamada Somaliland iyo kuwa maamulka Puntland.

Wariyeyaasha gobolka Sool ayaa sheegay in ku dhawaad Saac uu socday iska horimaadka. Iska horimaadka ayaa ka dhacay meel banaanka ka ah degaanka Tukaraq oo soo xigta dhanka Puntland, waxaana la sheegay in labadda ciidan ay isku dhaceen in ay ku jireen howlgal ciidamada Somaliland.

72-kii saac ee ugu dambeeyey ayaa waxaa deegaanka Tukaraq laga dareemayey xiisad u dhaxeysay Puntland iyo Somaliland, iyadoo ay weli socdaan dedaallo lagu doonayo in lagu soo afjaro colaaddaasi.

Saraakiisha ciidamada ee degaanka Tukaraq ayaa waxa ay sheegeen in aysan jirin Khasaare ka dhashay dagaalka saakay ka dhacay degaanka Tukaraq.

Iska horimaadkaan ayaa kusoo beegmaya xilli maalmihii lasoo dhaafay Qaramadda Midoobey ay waday dadaallo Nabadeed oo ku aadan sidii ciidamada halkaasi ku sugan loo kala qaadi lahaa.

Warkaan wixii kusoo kordha kala soco wararkeena kale

Caasimada Online

Xafiiska Muqdisho

[email protected]

Muqdisho (Caasimada Online)-Ra’isul wasaaraha Xukuumada Somalia Xasan Cali Kheyre, ayaa la xaqiijiyay inuu baaritaan ku hayo ku dhawaad laba bil oo aan xuquuq lasiin Hay’adaha  amaanka iyo Shaqaalaha rayidka dowlada.

Ra’isul wasaare Kheyre ayaa baaritaan ku haya halka laga bixiyay dhaqaalahaasi iyo sababta aysan u bixin Wasaarada Maaliyada, xili uu jiro isla xisaabtan.

Kheyre ayaa arrinta xuquuqda aan lasiin shaqaalaha kala xisaabtamaaya Wasiirka maaliyada xukuumada Soomaaliya Cabdiraxmaan Ducaale Beyle.

Wasiir Beyle ayaa isaguna ku doodaya inuu bixiyay dhaqaalahaasi balse uusan ogeyn qaabka ay ugu tagri faleen Madaxda Hay’adaha dowlada.

Waxa uu Beyle meesha ka saaray in Wasaaradiisa ay dhigaalsato mushaar lagu amray bixinteeda, waxa uuna cadeymo u sameynayaa sida uu ku qancin lahaa Ra’isul wasaare Kheyre.

Madaxweyne Farmaajo iyo Ra’isul wasaare Kheyre ayaa horay u sheegay inaanu dhici doonin misna laga aamusi doonin xuquuq shaqaale ka tirsan Dowlada oo aan la bixin.

Arrintaan ayaa imaaneysa xili Xarumaha dowlada ay weli ku dhex jiraan shaqsiyaad caadeystay ku tagrifalka Hantida Qarnka iyo Mushaaraadka shaqaalaha dowlada.

Caasimada Online

Xafiiska Muqdisho

[email protected]

Doha (Caasimadda Online) – Madaxweynaha dowladda federaalka Soomaaliya, Maxamed C/laahi Maxamed Farmaajo oo gaaray dalka Qatar ayaa maanta waxa uu kulamo la leeyahay madaxda dalkaasi oo ay ka wada hadli doonaan arrimo Labada dal ku saabsan.

Madaxweynaha ayaa la kulmi doona amiirka dalka Qatar Sheekh Tamim Bin Xamad Al Thani, iyaga oo si aad ah u lafa guri doona xiriirka dowladaha Qatar iyo Soomaaliya.

Waxaa jiri doona heshiisyo ay gaari doonaan Labada dowladood kuwaasi oo u badan dhanka horumarinta iyo ganacsiga.

Madaxweyne Farmaajo wafdigiisa waxaa ka mid ah wasiirada Dekedaha iyo Gaadiidka Badda Maryam Aweys Jaamac, Wasiirka Caafimaadka Drs Fowsiyo Abiikar Nuur, Wasiirka Qorsheynta iyo Iskaashiga Caalamiga ah Jamaal Maxamed Xasan, oo iyaguna la kulmi doona wasiirada dhiggooda ah ee dalka Qatar.

Safarka uu madaxweyne Farmaajo ku aaday dalka Qatar ayaa kusoo beegmaya xilli uu mugdi sii galayo xiriirka ka dhaxeeya Soomaaliya iyo Imaaraadka.

Dowladda Federaalka Soomaaliya ayaa horey u sheegtay iney dhex dhexaad ka tahay khilaafka wadamada kahliijka, taasi oo ay aad usoo dhoweeyeen dowlado badan.

Caasimada Online

Xafiiska Muqdisho

[email protected]

Muqdisho (Caasimadda Online) – Wararka ay heleyso Shabakadda Caasimadda Online ayaa xaqiijinayo in si lama filaan ah safarka Madaxweyne Farmaajo ee dalka Qatar looga reebay Wasiirka Arrimaha Debadda Soomaaliya Axmed Ciise Cawad.

Wasiirka Arrimaha Debadda Soomaaliya  ayaa si kadis ah waxaa garoonka Diyaaradaha Aadan Cadde loogu sheegay in laga reebay safarka uu madaxweynaha ku aaday dalka Qatar, waxaana booskiisa la geliyey Wasiirka Qorsheynta Qaranka Jamaal Maxamed Xasan kaasoo hore usii aaday dalkaas.

Wasiirka Qorsheynta Qaranka Jamaal Maxamed Xasan ayaa Magaalada Nairobi ee dalka Kenya kasii raacay Agaasimaha Madaxtooyada Fahad Yaasiin iyo La Taliyaha Madaxweynaha Balal Cusmaan kuwaas oo si hordhac ah usii gaaray dalka Qatar.

Waxaa muuqato inuu jiro loolan adag oo u dhaxeeyo Wasiirka Arrimaha Dibadda Soomaaliya iyo Wasiirka Qorsheynta Qaranka, iyadoo la ogyahay in shirar badan oo sharci ahaan ay aheyd inuu wasiirka Arrimaha Dibadda ka qeybgalo uu ka qeybgalay Wasiirka Qorsheynta.

Lama ogo sababta rasmiga ah ee keentay in Wasiirka Arrimaha Dibadda laga reebo safarka Madaxweynaha isagoo isku diyaariyey inuu ka safro garoonka Aadan Cadde, balse waxay xogta hoose sheegeysaa inuu Cawad olole xooggan u waday sidii loola heshiin lahaa Imaaraadka Carabta ayna dhici karto in sababataas looga doorbiday Wasiirka Qorsheynta Jamaal.

Caasimada Online

Xafiiska Muqdisho

[email protected]

Muqdisho (Caasimada Online)-Madaxweynaha JFS Maxamed Cabdullaahi Farmaajo iyo wafdi uu hoggaaminayo ayaa xalay gaaray magaalada Dooxa ee caasimadda dalka Qatar.

Madaxweynaha iyo wafdigiisa ayaa waxaa magaalada Qatar uga bilaabatay booqasho rasmi ah oo labo maalmood ah, waxa uuna mudada uu halkaa joogo la kulmi doonaa Madaxda dalkaasi.

Madaxda uu kulanka ugu badan la qaadan doono ayaa waxaa kamid ah Amiirka Dowladda Qatar Sheekh Tamim Bin Xamad Al Thani oo isagu casuumay iyaga oo ka wada hadli doona xiriirka labada dal iyo sidii loo sii xoojin lahaa.

Garoonka Diyaaradaha Caalamiga ah ee Hamad ayaa waxaa Madaxweynaha ku soo dhaweeyay Wasiirka Gaadiidka iyo Isgaarsiinta Dowladda Qatar Jassim Sayf Axmed Al Sulayti, Ku-simaha Safiirka Soomaaliya ee Qatar Mukhtaar Cali Yuusuf iyo diblomaasiyiinta ka hawlgala Safaaradda.

Wafdiga la socda Madaxweynaha oo u badan Wasiiro ayaa iyaguna la kulmi doona Wasiirrada dhiggooda ah, waxaana lagu wadaa in Heshiis ay kala saxiixdaan labada dal.

Muqdisho (Caasimadda Online) – Waxaa mar kale dib usoo shaac baxay khilaaf xooggan oo ka dhaxeeyo Madaxda Maamul Goboleedyada Soomaaliya iyo dowladda Dhexe kadib markii uu heer sare gaaray Khilaafka dowladda Federaalka iyo Dowladda Imaaraadka Carabta.

Madaxweynayaasha Jubbland iyo Puntland oo dhawaan tagay dalka Imaaraadka Carabta isla markaasna kulamo kusoo yeeshay halkaas ayaa ku dhawaaqay inay taageersan yihiin Imaaraadka isla markaasna aysan dowladda dhexe ku taageersaneyn go’aanka ay ka qaatay khilaafka dowladaha Khaliijkta.

Dowladda Soomaaliya ayaa gebi ahaanba wax taageero ah ka heysan Maamul Goboleedyada kuwaas oo iyagana doonayo inay qeyb aan dastuuri aheyn ka yeeshaan awoodda Debadda, waxayna taas keentay inay hakad gasho wadashaqeyntii la doonayey inay yeeshaan dowladda iyo Maamul Goboleedyada.

Madaxda Maamul Goboleedyada ayaa Maanta  kulan uga furmi doono Magaalada Baydhabo ee Xarunta Maamulka Koonfur Galbeed iyadoo la filayo inay soo saaraan qodobo kasoo horjeedo go’aanada dowladda, maadaama ay ku doodayaan in culeys weyn lagu hayo gaar ahaan Madaxweynaha Jubblanad Axmed Madoobe.

Haddaba marka ay halkaas sheeko mareyso waxaa soo baxeyso inuu Madaxweynihii hore ee Soomaaliya Xasan Shiikh Maxamuud kaga fiicnaa la falgalka Madaxda Maamul Goboleedyada madaxweynaha hadda talada hayo ee Farmaajo inkastoo aysan dowladdii Xasan Shiikh Maxamuud culeys kala kulmin dowladaha shisheeye, gaar ahaan Imaaraadka Carabta oo lacag meel ay kala geyso la’.

Madaxweynihii hore ee Soomaaliya Xasan Shiikh Maxamuud ayaa gacanta ku hayey laba kamid ah Maamul Goboleedyada oo kala ah Galmudug iyo Hirshabelle taasoo kala dhantaashay awoodda madaxda Maamul Goboleedyada.

Sidoo kale waxay xiriir aan sidaas usii buurneyn la laheyd Maamulada kale ee kala ah Puntland, Jubbalanad iyo Koonfur Galbeed.

Madaxweynaha hadda talada ah ee Maxamed Cabdullaahi Farmaajo ayaai laa hadda ku guuleysan la’ inuu soo xiro gashto ugu yaraan hal madaxweyne Goboleed taasoo ka caawin laheyd inuu iska yareeyo culeysyada kaga imaanayo maamul Goboleedyada.

Marka si kale loo fiiriyo, Madaxweynihii hore ee Xasan Shiikh Maxamuud ayaa gacanta ku hayey labada Maamul Goboleed oo ay ka taliyaan Beelaha Hawiye ee Galmudug iyo Hirshabelle ee uu isaga ku abtirsado, halka Madaxweyne Farmaajo uu awoodi la’yahay ilaa hadda inuu ugu yaraan la heshiiyo labada maamul oo ay ka taliso Beeshiisa Daarood.

Waxaa muuqato inuu Madaxweyne Farmaajo culeys weyn kala kulmayo Madaxda Maamul Goboleedyada kuwaas oo iyagu doonayo inay dowladda culeys ku saaraan sidii ay u taageeri laheyd Imaaraadka Carabta.

Dowladda Soomaaliya ayaa horey u sheegtay inay dhex dhexaad ka tahay Khilaafka dowladaha Khaliijka, taasoo keentay inay dowladda Imaaraadka Carabta culeys aan caadi aheyn ay dowladda Soomaaliya ku saarto sidii ay kaga laaban laheyd go’aankaas isla markaasna ay xiriirka ugu jari laheyd dalka Qatar.

Khilaafka Dowladda dhexe iyo madaxda Maamul Goboleedyada ayaa dhibaato xoogga leh u yeeshay howlaha dowladda Farmaajo, waxaana muuqato inay awoodeeda dhaafsiin la’dahay Magaalada Muqdisho oo ah Caasimadda Dalka.

Caasimada Online

Xafiiska Muqdisho

[email protected]

Muqdisho (Caasimadda Online) – Shirweynahii Qaran ee Arrimaha Dastuurka ee Shalay ka furmay Muqdisho ayaa waxaa kaftan siyaasadeed oo qosol badan kusoo bandhigay Cabdi Qeybdiid iyo Wasiir Xoosh Jabriil.

Kaftankaan ayaa ku saleysnaa shirkii Bishii Oktober la baajiyey ee Shalay ka furmay Muqdisho markii uu War saxaafadeed soo saaray Cabdi Qeybdiid oo ah Guddoomiyaha Guddiga Dib eegista Dastuurka Labada Gole

Wasiirka Dastuurka Xukuumadda Soomaaliya C/raxmaan Xoosh Jibriil iyo Guddoomiyaha Guddiga Dib eegista Dastuurka Labada Gole Cabdi Xasan Cawaale (Qeybdiid) ayaa shirkii Dastuurka ee Shalay isku dhaafsay kaftan siyaasadeed oo ka qosol siiyey dhammaan dadkii kasoo qeyb galay.

Wasiir Xoosh oo kaftankan ku soo daray markii Guddiga Dastuurka ay baajiyeen shirka maanta la furay oo la qaban lahaa Bishii Oktoobar, wuxuuna tilmaamay Cabdi Qeybdiid, waxaana arrintaas ka jawaabay Senator Qeybdiid oo sheegay in Dastuur Soomaaliyeed aanu dalka yeelan doonin inta dalal shishee laga sugayo taageero dhaqaale.

Haddaba halkaan hoose ka daawo Kaftankaas

Caasimada Online

Xafiiska Muqdisho

[email protected]

Muqdisho (Caasimadda Online) – Waxaa meeshii ugu sareysay gaaray Khilaafka dowladda dhexe iyo Madaxda Maamul Goboleedyada dalka Soomaaliya ee kala ah Puntland, Galmudug, Hirshabelle, Koonfur Galbeed iyo kan Jubblanad ee uu hoggaamiyo madaxweynaha culeys maalmahaan la kulmayo ee Axmed Madoobe.

Haddaba waxaa is waydiin mudan, muxuu ku saleysan yahay hardanka madaxda Maamul Goboleedyada iyo dowladda dhexe?

Arrimaha Khaliijka

Dowladda Imaaraadka Carabta ayaa isticmaaleyso Maamul Goboleedyada dalka kadib markii ay dowladda dhexe go’aan dhex dhexaad ah ka qaartay khilaafka soo kala dhex galay dowladaha Khaliijka kaasoo keenay in la go’doomiyo Dalka Qatar.

Awoodda maaliyadeed iyo mid fikir oo ay xambaarsan yihiin madaxweynayaasha Maamul Goboleedyada dalka ayaa ah  mid ay dabada ka riixeyso dowladda Imaaraadka Carabta oo rabto inay culeys weyn saartay dowladda dhexe si loogu fuliyo dano siyaasadeed oo ay dalka ka dooneyso.

Imaaraadka Carabta ayaa maamul Goboleedyada dalka u aragtay inay yihiin wadada kaliya ee loo adeegsan karo majaxaabinta dowladnimada Soomaaliya, waxayna lacag Malaayiin Dollar ah ku siisay sidii ay uga hor imaan lahaayeen dowladda Dhexe.

Lacag:

Madaxda Maamul Goboleedyada Soomaaliya ayaa dowladda dhexe ka waayey Budget ku filan maamuladooda, sidaas darteed waxay Imaaraadka u arkaan inay tahay dowladda kaliya oo ay ka heli karaan adduun lacageed oo waali ah si ay ugu fushadaan danahooda siyaasadeed.

Arrimaha Debadda:

Madaxda maamul Goboleedyada ayaa doonaya inay qeyb weyn ku yeeshaan Siyaasadda Arrimaha Debadda, waxaana arrintaas si weyn uga hor timid dowladda uu hoggaamiye Maxamed Cabdullaahi Farmaajo oo ku doodeyso inay iyada leedahay go’aan ka gaarista waxyaabaha ku saabsan Arrimaha Debadda.

Dastuurka Dalka u yaal ayaa qabo inaysan maamul Goboleedyada yeelan karin Wasiir Arrimo dibadeed iyo mid gaashaandhig, taasoo muujineyso inay go’aankooda kaliya ay leedahaya dowladda Dhexe.

Caasimada Online

Xafiiska Muqdisho

[email protected]

Baydhabo (Caasimadda Online) – Madaxda Maamul Goboleedyada dalka Soomaaliya ayaa Maanta Shir xasaasi ah ku yeelan doono Magaalada Baydhabo ee Caasimadda kumeel gaarka ah ee Maamul Koonfur Galbeed.

Madaxweyne Shariif Xasan Sh. Aadan ayaa la filayaa inuu shir guddoomin doono shirkaan u furmayo dowlad Goboleedyada Soomaaliya, wuxuuna ka dhici doonaa Madaxtooyada cusub ee Koonfur Galbeed.

Sida aan xogta ku helnay shirkaan ayaa intiisa badan looga hadli doonaa sidii laga yeeli lahaa Khilaafka ka dhaxeeyo dowladda iyo Maamul Goboleedyada ee ku saabsan Dowladaha Khaliijka.

Madaxweynayaasha Puntland iyo Jubblanad oo dhawaan tagay dalka Imaaraadka Carabta ayaa si rasmsi ah ugu dhawaaqay inay Imaaraadka la safan yihiin isla markaasna ay la geli karaa heshiis kasta.

Dowladda Imaaraadka Carabta ayaa labadaan madaxweyne kula soo heshiisay in shirka Baydhabo la dadajiyo isla markaasna laga soo saaro qodobo culeys lagu saarayo dowladda Dhexe, waxaana lasoo siiyey lacagtii lagu fangareyn lahaa shirkaas.

Madaxda Maamul Goboleedyada ayaa la filayaa inay shirkaas kasoo saari doonaan qodobo xasaasi ah oo ku saabsan go’aankooda ku aadan Xiisadda ka dhaxeyso dowladda dhexe iyo Imaaraadka Carabta.

Sidoo kale shirkaan ayaa waxaa la doonayaa in culeyska looga yareeyo Madaxweynaha Jubblanad Axmed Madoobe oo maalmihii ugu dambeeyey la kulmayey culeys siyaasadeed kadib markii ay ku kaceyn qaar ka tirsan siyaasiyiinta, Waxgaradka iyo Odayaasha kasoo jeedo deegaanada uu ka taliyo maamulkaas.

Madaxda Maamul Goboleedyada ayaa horey ugu heshiiyey in la garab istaago madaxweynihii culeys kala kulmo dowladda dhexe, waxaana muuqato inuu shirkaan ka jawaabayo heshiisyadii Kismaayo lagu galay ee waqtigaas lagu garab istaagayey madaxweynaha Galmudug oo qaar ka tirsan xildhibaanadiisa ay xilka ka qaadeen iyo madaxweyne Shariif Xasan oo culeys weyn la kulmayey waqtigaas.

Shirkaan ayaa laga soo saari doono qodobo gaarayo ilaa 18 qodob. sidoo kalana waxaa jiri doono qodobo aan saxaafadda lala wadaagi doonin isla markaasna ay ku heshiin doonaan Madaxda Maamul Goboleedyada dalka ka jiro.

Caasimada Online

Xafiiska Muqdisho

[email protected]

Muqdisho (Caasimada Online) – Qaar kamid ah waddooyinka magaalada Muqdisho ee caasimada Somalia ayaa waxaa lagu arkayaa Ciidamo iyo Gaadiid dagaal oo kala midab ah.

Ciidamada iyo Gaadiidka ayaa waxaa lagu arkayaa Isgoosyada waaweyn ee magaalada Muqdisho, kuwaa oo qeyb ka ah ciidamada Xasilinta caasimada.

Ciidamada oo Shan shan u taagan Isgoosyada magaalada ayaa baaraya dhammaan gaadiidka raaxada, BL-ka iyo Gaadiidka kale ee isticmaala waddooyinka mashquulka badan.

Waxa ay sidoo kale Hubka ka xisaabinayaan Gaadiidka ay la socdaan mas’uuliyiinta iyo Saraakiisha ciidan kuwaa oo maalmo un ka hor la faray inaanu qaadan Karin 4 qori kabadan.

Xukuumada Somalia, gaar ahaan Wasaarada amniga ayaa Seddex maalin un ka hor sheegtay inaanu mas’uul ka noqon doonin cawaaqibta uu la kulmo mas’uulkii ama Sarkaalkii Muqdisho ku dhexqaata Afar qori iyo wixii kabadan.

Si kastaba ha ahaatee, ciidamadaani ayaa loogu tallo galay inay xaqiijiyaan amniga magaalada Muqdisho inta lagu guda jiro Bisha Ramadaan.

Caasimada Online

Xafiiska Muqdisho

[email protected]

Baydhabo (Caasimadda Online) – Waxaa Maanta Magaalada Baydhabo  ee Xarunta  Maamulka Koonfur Galbeed si rasmi ah uga furmi doono shir ay isugu imaanayaan Madaxda maamul Goboleedada dalka.

Madaxweynayaasha Puntland, Jubbaland, Galmudug iyo Hirshabelle ayaa Shalay gaaray Magaalada Baydhabo si ay uga qeyb qaataan kulanka Maanta ka furmayo madaxtooyada cusub ee maamulka Koonfur Galbeed.

Shirkaan ayaa imaaday kadib markii uu sii xoogeystay khilaafka Madaxda Maamul Goboleedyada iyo dowladda dhexe, gaar ahaan arrinta Khaliijka.

Madaxweynayaashaa Jubbalanad iyo Puntland oo dhawaan tagay dalka Imaaraadka Carabta ayaa ku dhawaaqay inay heshiis la geli karaan Imaaraadka isla markaasna aysan ku qanacsaneyn go’aanka dowladda Dhexe.

Haddaba Shirkaan ayaa diirada lagu saari doono khilaafkaan cusub, sidoo kalana waxaa la filayaa inay qodobo kasoo baxaan sida midkii Kismaayo ka dhacay oo kale.

Dadka Falanqeeyo siyaasadda Soomaaliya ayaa aaminsan inuusan shirkaan wax isbadal ah ku sameyn karin go’aanka dowladda dhexe.

Qodobadii kasoo baxay shirkii hore ee Kismaayo ka dhacay ayaa meel cidlaa ku haray kadib markii madaxda Maamul Goboleedyada ay imaadeen Muqdisho isla markaasna la siiyey mid kasta Hal Malyan oo Dollar.

Shirkii Kismaayo kadib waxaa la ogaa inay Muqdisho ku kulmeen madaxda Maamul Goboleedyada iyo dowladda dhexe, waxaana la waayey hal Madaxweyne maamul Goboleedyada oo shaaciyo go’aanka rasmiga ah ee laga gaaray waxyaabihii la isku hayey oo ay ugu horeysay Khilaafka Dowladaha Khaliijka iyo cidda leh awoodda Arrimaha Debadda.

Falanqeeyaasha siyaasadeed ayaa shirkaan kaliya ku tilmaamay in lagu doonayo in lagu yareeyo culeysyada soo wajahay madaxweynaha Jubblanad Axmed Madoobe oo la kulmayo cadaadis aad u weyn.

Madaxda Maamul Goboleedyada ayaa horey ugu heshiiyey in la garab istaago madaxweynihii culeys kala kulmo dowladda dhexe, waxaana muuqato inuu shirkaan ka jawaabayo heshiisyadii Kismaayo lagu galay ee waqtigaas lagu garab istaagayey madaxweynaha Galmudug oo qaar ka tirsan xildhibaanadiisa ay xilka ka qaadeen iyo madaxweyne Shariif Xasan oo culeys weyn la kulmayey waqtigaas.

Haddaba waxaa la sugayaa go’aanada kasoo baxo shirkaas, sida loo fullin karo iyo jawaabta ay arrintaas ka bixiso dowladda dhexe ee uu hoggaamiye Maxamed Cabdullaahi Farmaajo.

Caasimada Online

Xafiiska Muqdisho

[email protected]

Muqdisho (Caasimada Online)-Hogaamiyaha maamulka Somaliland Biixi Cabdi, ayaa maanta Xafiiskiisa kulan kula yeeshay ergayga gaarka ah ee xog-hayaha guud ee QM u qaabilsan Somalia Mr Michael Keating.

Waxa kulanka qeyb ka ahaa Hogaamiye ku-xigeenka maamulka Somaliland, Cabdiraxmaan Cabdilaahi Ismaaciil (Saylici), guddoomiyeyaasha Guurtida iyo Wakiillada, Saleebaan Maxamuud Aadan iyo Baashe Cali Jaamac iyo wasiirka arrimaha dibadda, Sacad Cali Shire.

Kulanka oo saacado qaatay ayaa waxaa loogaga wadahadlay sidii loo xoojin lahaa wada-shaqaynta uu maamulka Somaliland la leeyahay QM iyo in xal loo raadiyo Khilaafka maamulka kala dhexeeya Dowlada Somalia.

Kulanka waxa ay sidoo kale Biixi iyo Keating uga wada-hadleen arimo ay kamid tahay Abaaraha, Xaalada Roobka ee Sanadan, Nabad Galyada, Wadashaqeynta iyo Doorashooyinka Sanadka soo Socda.

Wasiirka Arrimaha Dibada Somaliland Sacad Cali Shire ayaa ka warbixiyey kulanka ergayga iyo Hogaamiyaha, waxaanu sheegay in laga wada hadlayey sidii loo xoojin lahaa xidhiidhka UN-ta iyo Somaliland iyo arrimo khuseeya Dowlada Somalia.

“Hogaamiyaha iyo Ergayga gaarka ah ee xoghayaha jimciyadda quruumaha ka dhaxaysaa waxa ay ka wada hadleen waxyaabo badan oo la xidhiidha xagga amuuraha Bani’aadamnimada, xaaladda roobka sanadkan, arrimo la xidhiidha nabadgelyada, arrimo kale oo la xidhiidha doorashooyinka sanadka soo socda iyo sidii aynu guud ahaan inaga iyo jimciyadda quruumaha ka dhaxaysaa aynu u wada shaqayn lahayn.”ayuu yidhi Shire.

“Hogaamiyuhu waxaanu ka wada hadlay arrimo door ah oo ay ka mid yihiin doorashooyinka soo socda oo ay sheegeen inay ka go’an tahay in wakhtigeedii dhacaan iyo arrimaha Tuko raq oo loo baahan yahay in arrintaasi xal nabadeed lagu dhameeyo oo khilaafaadka ka jira xadka sidii loo dhameen lahaa, waana kulankii labaad ee aan la yeeshay madaxweynihii” ayuu yiri Ergayga qaramada midoobay u qaabilsan Somaliland iyo Soomaaliya Mr. Keating.

Sidoo kale, Wakiilka Qaramada Midoobey ee Arimaha Somaliya ayaa iska diiday inuu ka Jawaabo Su’aal Saxaafada ay ka weydiisay arimaha Dagaalada Tukaraq ee Somaliland iyo Puntland, Maadaama uu ka Yimid Garoowe, ka hor Socdaalkiisii Hargeysa.

Si kastaba ha ahaatee, Kulankan dhexmaray Hogaamiyaha Somaliland, Muuse Biixi Cabdi iyo ergayga gaarka ah ee xoghayaha guud ee qaramada midoobay u qaabilsan dalalka Somaliland iyo Soomaaliya, ayaa noqonaya kii labaad ee ay yeeshaan, muddada shan bilood ah ee ay xukuumaddani jirtey.

Muqdisho (Caasimada Online)-Madaxweynaha JFS Maxamed Cabdullaahi Farmaajo ayaa Xafiiskiisa ku qaabilay danjiraha Shiinaha u fadhiya Soomaaliya Mr Qin Jian.

Dowlada Federaalka ah ee Somalia ayaa Danjiraha Dowladda Shiinaha ka gudoontay deeq lacaga oo dhan Hal milyan iyo Bar oo dollarka Mareykanka ah.

Dowlada Shiinaha ayaa dhaqaalahaasi ugu tallo gashay si loogu gurmado dadka ay saameysay fatahaada iyo roobabka ka da’ay Beledweyne iyo Gedo.

Madaxweyne Farmaajo ayaa Danjiraha iyo Dowladiisuba ku bogaadiyey dadaalka ay u geysanayaan shacabka Soomaaliyeed ee ku waxyeeloobay fatahaadda webiga Shabeelle iyo Jubba.

Danjire Qin oo hadalo kooban jeediyay ayaa sheegay in dowladda Shiinuhu ay diyaar u tahay in ay door muhiim ah ka qaadato ugu gurmashada dadka masiibooyinka dabiiciga ah ay wax yeelleeyeen.

Dhawaan ayay aheyd markii Xukuumadda Soomaaliya ay  guddi heer qaran ah u saartay sidii loogu gurman lahaa dadka ay fatahaaddu barakicisay.

Caasimada Online

Xafiiska Muqdisho

[email protected]

Baydhaba (Caasimada Online) – Dowladda imaaraatka Carabta ayaa qarash badan ku bixineysa shirka madaxda maamul goboleedyada dalka uga furmaaya Baydhabo berri.

Safaaradda imaaraatka ay ku leeyihiin Kenya, oo kaashaneysa Axmed Madoobe, ayaa la rumeysan yahay in ay lacag dhowr milyan oo doolar ay u qeybisay madaxda maamul goboleedyada si ay xiriirka ugu jaraan dowladda federaalka Soomaaliya, kaasi la filayo inuu noqdo go’anka kasoo baxaya shirkja.

Madaxweyneyaasha Jubba Land iyo koofur galbeed, ayaa qorshahan kasoo dhammeeyay imaaraatka kadib markii toddobaadyadii ugu dambeeyay ay booqasho ku tageen Dubai.

Madaxda ayaa loo ballan qaaday lacag dheeraad ah haddii shirkooda ay kasoo saaraan go’aamo ka dhan ah dowladda dhexe, wayna ogolaadeen, sida ay sheegayaan warar lagu kalsoon yahay.

Imaaraatka ayaa ku dedaalaya sidii buuq ay ugu furi lahayd dowladda Soomaaliya, maadaama xiriirka diblumaasiyadeed ee labada dowladood uu xumaaday, waxeyna u muuqataa in madaxda maamul goboleedyada la safan yihiin Imaaraatka.

Baydhabo (Caasimadda Online) – Madaxweynayaasha  Maamulka Jubaland Axmed Maxamed Madoobe, Hirshabeelle Maxamed Cabdi Waare, Madaxweynaha Galmudug Axmed Ducaale Geelle Xaaf iyo madaxweynaha Puntland Cabdiweli gaas  ayaa gaaray Magaalada Baydhaba ee xarunta Ku meel gaarka ah ee Maamulka Koofur Galbeed.

Axmed Madoobe iyo Waare ayaa lagu soo dhaweeyay Marka hore magaalada Baydhaba,waxaana ka mid ahaa dadka soo dhaweeyay Madaxweynaha Koofur Galbeed Shariif Xasan Sheekh Aadan.

Shariif Xasan waxaa uu Baydhaba ku laabtay shalay si uu u marti geliyo shirka  Golaha iskaashiga oo berri ka dhacaya Magaalada Baydhaba.

Waxaa kale oo shirkan lagu casuumay kana qeybgelaya Madaxweynayaasha kale ee dowlad Goboleedyada sida Puntland iyo Galmudug kuwaas oo goor dhaweyd gaaray Magaalada baydhabo.