Muqdisho (Caasimada Online) – Dagaal u dhexeeyay ciidamada Dowlada ayaa waxa uu Maqribnimadii Caawa ka dhacay magaalada Muqdisho ee caasimada Somalia.

Dagaalka oo xooganaa ayaa waxa uu ka dhacay nawaaxiga koontorool ku dhow Kulliyada Jaale Siyaad, kaa oo u dhexeeyay ciidamada Xasilinta iyo kuwa Militeriga.

Dagaalka ayaa waxaa ka dhashay Khasaaro dhimasho iyo dhaawac isugu jira, waxa uuna ka danbeeyay kadib markii ciidamo ka tirsan Militeriga ay rasaas ooda uga qaaden ciidamada Xasilinta oo howlo baaritaan kawaday nawaaxiga koontorool ku dhow Kulliyada Jaale Siyaad.

Goobta uu dagaalka ka dhacay ayaa waxaa lagu arkaayay meydadka iyo dhaawacyada dad shacab iyo ciidamo ka kooban, inkastoo aan si rasmi ah loo xaqiijin heerka Khasaaro.

Balse goobjoogayaal ayaa soo sheegaya in Khasaaraha dhimasho uu gaaray ilaa Seddex, halka dhaawacana uu ku dhow yahay ilaa afar oo ay ku jiraan Askar labada dhinac ah.

Waxaa hadda degan xaalada goobta uu dagaalka ka dhacay, waxa uuna kusoo beegmayaa xili tan iyo shalay magaalada Muqdisho ay ka dhacayeen dagaalo u dhexeeya ciidamada Xasilinta iyo Militeriga.

Muqdisho (Caasimada Online) – Iyadoo ay sii kordhayaan iska hor imaadyada magaalada Muqdisho ku dhexmara ciidamada Xasilinta iyo kuwa Militeriga ayaa waxaa arrintaasi digniin adag kasoo saaray Taliyaha Ciidamada xoogga dalka Soomaaliyeed Cabdiwali Jaamac Xuseen Gorod.

Taliyaha Ciidamada xoogga ayaa ciidamada Militeriga uga digay in Hubka ay ku dhex isticmaalan gudaha magaalada Muqdisho, waxa uuna sidoo kale ku baaqay inaan waddooyinka lagu arki Karin Askar la lugeyneysa Hub iyaga oo aan heysan wax fasax ah.

Taliyaha waxaa uu sheegay in maalmihii lasoo dhaafay ay Magaalada Muqdisho ka socdeen falal Amniga Khatar ku ah , Maadaama ay jireen Iska horimaadyo ka dhaxeeyay ciidamada xasilinta iyo kuwa xoogga dalka Soomaaliyeed.

Gorod ayaa uga digay Ciidamada xoogga dalka Soomaaliyeed in ay kasoo baxaan Saldhigyadooda Amar la’aan.

Waxaa uu sheegay in ciidamada xasilinta sidoo kale laga doonaayo in ay tixgaliyaan ciidamada kale oo ay weydiiyaan aqoonsiyadda ay wataan.

HOOS KA DAAWO MUUQAALKA IYO DIGNIINTA GOROD

Muqdisho (Caasimada Online) – Xukuumada dalka Ethiopia ayaa ku dhawaaqday go’aan dib loogu qaaday Xaalada degdega ah ee saran dalka Ethiopia, kadib markii maanta oo sabti ah ay go’aankaasi ansixiyeen Wasiirada.

Xukuumada ayaa shaacisay in dib loo qaaday xaalada degdega ah ee saarneyd Ethiopia tan iyo bishii Febraayo ee sannadkaan.

Xukuumadu waxa ay tilmaantay in Bandowgaasi uu ka dhashay rabshado dhaliyay dhimasho badan oo saameeyay Gobolo badan oo dalkaasi ah sida Gobolka Oromada.

Rabshadaha ayaa looga soo horjeeday Xukuumadii uu hoggaaminaayay Helimaryan Desalin oo dhawaan iska casilay xilka uu hayay, kadib markii ay sii xoogeysteen rabshadaha.

Fitsuma Arega oo ah Madaxa xafiiska Ra’isul wasaaraha Ethiopia, ayaa warbaahinta la wadaagay in Golaha Wasiirada ay dib u eegeen xaaladda amni ee Ethiopia, kadibna ay isku raaceen in dib loo soo celiyay amnigi iyo kala danbeynti hore.

Si kastaba ha ahaatee, go’aankaan ay Xukuumada Abiy Ahmed ku dooneyso in lagu qaado xaalada degdega ah ee saran Ethiopia ayaa fursad u noqon doonta Ganacsato iyo Shacab farabadan oo uu saameeyay amarka.

Caasimada Online

Xafiiska Muqdisho

[email protected]

Muqdisho (Caasimadda Online) –Taliska ciidanka booliska Soomaaliyeed ayaa lagu wareejiyey Seddex gaari oo labo ka mid ah ay yihiin BMW balse noocyadii birimo tiibada ah, kuwaasi oo ay ku xiran yihiin  qalab fududeynayo ka hortaga qaraxyada iyo daba-galka dambiyada.

Safiirka Dawladda Taliyaaniga ee Soomaaliya ayaa Taliyaha Ciidanka Booliska Soomaaliyeed Sarreeye Guuto Bashiir Cabdi Maxamed Ameeriko ku wareejiyey Documents-ka  iyo Fureyaasha Gawaaridaan, waxaana Safiirka  warbixin  uu ka siiyey Taliyaha Ciidanka Booliska qalabka ku xiran gawaaridan ee looga hortago Qaraxyada iyo daba galka dambiyada.

Taliyaha Ciidanka Booliska Soomaaliyeed S/guuto  Bashiir Cabdi Maxamed Ameeriko oo la hadlay Warbaahinta Qaranka, ayaa sheegay in Gaadiidka maanta ay ku wareejisay Dawladda Talyaaniga waxbadan ay ka badali doonaan Xaaladda Amni ee magaaladda Muqdisho. 

Muqdisho (Caasimadda Online) – Habeenkii xalay ahaa ayaa Madaxweyne Sharif Xassan waxa uu kulumo kala duwan la qaatay Madaxweyne Farmaajo iyo RW Kheyre taas oo looga wadahdlayay sidii shirka Baydhabo u noqon lahaa mid ay ka soo baxaan danaha dowlada dhexe.

Farmaajo ayaa horay ugula soo kulmay Madxweyne Waare iyo Madxweyne Sharif Xassan Magaalada Nayroobi inkastoo Madaxweyne  Axmad Madoobe uu ka biyo diiday la kulanka Farmaajo.

Warar hoose oo la helay  ayaa sheegaya un Sharif Xassan kula heshiiyay in ay dowladda ay bixiso lacag si loo qanciyo madaxda dowlad goboleedyadda. Sharif Xassan ayaa ku adkeystay in lacagta la keeno Magaalada Baydhabo Inta uusan shirka furmin.

Sharif Xassan ayaa u muuqda mid ka gacasanaya shirka Baydhabo doonayana in uu shirqoolo madaxda kale ee shirka ka soo qayb galayso.

Sharif Xassan ayaa saakay ka dhoofay Muqdishu isaga oo ku soo jeeda Magaalada Baydhabo.

Maalinta Berri ah ayaa la filayaa inuu Magaalada Baydhabo ee Xarunta Maamulka Koonfur Galbeed ka furmo shirka amniga qaranka kaasoo ay isku arki doonaan dowladda dhexe iyo Madaxda Maamul Goboleedyada.

Bilihii ugu dambeeyey waxaa sii xumaanayey xiriirka ka dhaxeeyo dowladda iyo Maamul Goboleedyada, wuxuuna khilaafkooda ku saleysan yahay go’aanka laga qaadanayo khilaafka dowladaha Khaliijka kadib markii ay dowladda dhexe sheegtay inay arrintaas dhex dhexaad ka tahay.

Shirka Amniga ayaa hore ugu baaqday khilaafka dowladda iyo Maamul Goboleedyada, waxaana Berri la filayaa inuu shirkaas dhaco.

Caasimada Online

Xafiiska Muqdisho

[email protected]

Muqdisho (Caasimadda Online) – Madaxda howgalka AMISOM ayaa markii ugu horeysay ka hadlay khilaafka sii xoogeysanayo ee ka dhaxeeyo dowladda dhexe iyo madaxda Maamul Goboleedyada kaasoo ka dhashay muranka u dhaxeeyo dowladaha Carabta ee keenay in xiriirka loo jaro dowladda Qatar.

Simon Mulongo, oo ah ku xigeenka wakiilka midowga afrika u qaabilsan Soomaaliya ayaa si cad uga hor yimid Madaxda Maamul Goboleedyada isla markaasna taageeri u muujiyey dowladda dhexe.

Simon Mulongo, ayaa difaacay dowlada Soomaaliya, isagoo sheegay in madaxda maamulada ay ku qaldan yihiin inay dhinac kala saftaan xiisada khaliijka.

“Imaaraadka wuxuu tababaro siinayey ciidamadda Soomaaliya tan iyo 2014-tii, laakiin dowlada Soomaaliya waxay u jartay xiriirkii iskaashiga militeriga kadib murankaan, taasoo aan u wanaagsaneen dib u dhiska ciidamada qaranka,” ayuu yiri Simon.

“Hadda ciidamada Soomaaliya tababaraan Turkiga, Mareykanka iyo Ingiriiska, kuwaasoo soo saaray 800 askari, iyadoo loo baahan yahay 50,000 oo askar si ay AMISOM ugala wareegay mas’uuliyadda amniga dalka,” ayuu hadalkiisa raaciyay Simon.

Hadalka Simon ayaa wuxuu ka dhigan yahay in AMISOM ay dowlada Soomaaliya la safatay marka ay timaado khilaafka kala dhaxeeya maamulada dalka, taasoo shaki ku buuri karta hogaamiyaasha dowlad goboleedyadda.

Khilaafka oo salka ku haya go’aanka ay xukuumada Muqdisho ka qaadatay xiisada dalalka Khaliijka, kaasoo ay sheegtay inay dhax-dhaxaad ka tahay sanadkii tagey, inkastoo maamulada qaar ay ku eedeeyeen inay dhinac xigsatay, oo u weecatay Qadar.

Madaxweynayaasha Puntland iyo Jubbaland ayaa si cad ugu sheegay saxaafada in dowladda federaalka ay la safatay Qadar, sidaas darteeda ay iyagana taageersan yihiin Imaaraadka Carabta.

Dowldda dhexe iyo madaxda Maamul Goboleedyada ayaa la filayaa inay Berri  Magaalada Baydhabo ku yeeshaan shirka golaha Amniga, waxaana la rajeenayaa in shirkaas ay qolo kasta kusoo bandhigi doonto tabashadeeda.

Sidoo kale Waxaa dhamaadka Bishan June ka furmaya magaalada Brussels ee dalka Belgium shir looga hadlayo arrimaha Soomaaliya, waxaa ka qeyb galaya Wafdi ay hoggaaminayaan Madaxda dowladda federaalka iyo kuwa maamul goboleedyada, ka hor shirkaas waxaa shirar loogu gogol xaarayo ay ka dhici doonaan Muqdisho.

Tan iyo markii uu bilowday Khilaafka dowladaha Khaliijka wuxuu saameyn xoog leh ku yeeshay dowladda Soomaaliya, iyadoo ay Imaaraadka Carabta dagaal toos ah ku bilowday dowladda dhexe iyadoo adeegsaneyso madaxda Maamul Goboleedyada.

Caasimada Online

Xafiiska Muqdisho

[email protected]

Muqdisho (Caasimadda Online) – Iyadoo uu cirka isku sii shareerayo Khilaafka ka dhaxeeyo madaxda Galmudug ayaa waxaa soo baxayo xog cusub oo ku aadan cidda ka dambeyso inuu bilowdo khilaafkaan cusub.

Shabakadda Caasimadda Online ayaa xog ku heshay in Xisbiga Daljir uu yahay cidda dib usoo celisay Khilaafkii ka dhaxeeyey Madaxda ugu sareyso maamulka Galmudug.

Inkastoo aan loo ogeyn ujeedka rasmiga ah oo uu xisbigaan ka leeyahay Khilaafka cusub ee Galmudug ayaa haddana wararka soo baxayo waxay tilmaamayaan inuu xisbigaan adeegsanayo Madaxweyne ku xigeenka iyo Guddoomiyaha Baarlamaanka Galmudug.

Warar hordhac ah ayaa sheegayo inuu xisbigaan doonayo inuu Galmudug madaxweyne ka noqdo shakhsiga xisbiga hoos tago si ay mustaqbalka uga soo dagaalamaan marka la gaaro doorashada 2020.

Khilaafka Madaxda Galmudug ayaa gaaray meeshii ugu dambeysay, wuxuuna maamulka u kala qeybsamay laba qeyb, madaxweynaha iyo Ahlu Sunna ayaa saldhig ka dhigtay Dhuusamareeb halka Madaxweyne ku xigeenka iyo guddoomiyaha Baarlamaanka ay dageen magaalada Cadaado inkastoo uu khilaaf ka jiro inay ku shaqeeyaan Madaxtooyada kadib markii ay hor imaadeen wasiiro taagersan Xaaf oo u dhashay magaalada Cadaado.

Madaxweynaha Galmudug Axmed Ducaale Geelle Xaaf ayaa safar qarsoodi ah ku jooga magaalada Garowe ee Caasimadda Puntland, iyadoo socdaalkiisa uu ahaa mid aan laga war heyn.

Wararka ayaa sheegaya in Madaxweyne Xaaf uu ku sugan yahay Madaxtooyada Garowe, waxaana labada Madaxweyne ay yeesheen  wada hadalo ku saabsan khilaafka Galmudug iyo arrimo kale.

Wariyeyaasha Garowe ku sugan ayaa sheegaya in aanay waxba laga ogeyn waxa uu salka ku haayo safarka Madaxweyne Xaaf, isla markaana ay aheyd arrin lama filaan ku noqotay safarka Xaaf, iyadoo aanay warbaahinta ogeyn.

Madaxda dowlad goboleedyada ayaa la sheegay inay wadaan dadaal ay ku xalinayaan khilaafka, iyadoo uu dhowaan baaqday shir ay dowladda Soomaaliya ku dhex dhexaadin laheyd labada dhinac ee Galmudug, kaddib markii uu diiday Madaxweyne Xaaf inuu Muqdisho tago.

Caasimada Online

Xafiiska Muqdisho

[email protected]

Nin taajir ah oo u dhashay dalka Maraykanka kaas oo gurigiisa hoostiisa ka qodayay god weyn oo uu ka galo haddii uu dhoco weerar Niyuukleer ayaa lagu furay dacwo dil ah, kadib markii uu dhintay ninkii uu usoo kireystay in uu godkaas u qodo.

Ninkan oo lagu magacaabo Daniel Beckwitt oo 27 jir ah ayaa qodayay godkan cabsi uu ka qabo weerarka Niyuukleer ah oo adduunka ka dhaca awgiis, balse ninkii godka u qodayay Askia Kafta oo 21 jir ayaa ku dhintay kadib markii uu gudaha godka dab ka kacay.

Booliiska ayaa Daniel ku eedeeyay dacayaad iyo beylah uu ku sameeyay nafta bini’aadamka.

Godka oo guntiisa dhanayn 60 mitir ayaa hoos u qodkaa illaa 20 fiit , kana hoos qodkaa guriga ninkan oo ku yaala magaalada Washington.

Waxa ay booliiska sheegeen in markii dabka kacay uu ninkan guriga ka baxsaday, balse uu ka gaabiyay in kooxaha gargaarka degdega ah uu u sheego in qof kale meesha ku xayiranyahay.

Waxaa kale oo la sheegay in Mr. Daniels uu sameeyay isku day kasta oo suurtogal ah oo ninka dhintay ee u shaqayn jiray uuga kaga habaabinayo in uu aqoonsado halka uu guriga ku yaalo, isaga oo saacado gaariga ku marin jiray waddooyinka, kadibna guriga ka galin jiray meel uusan fahmi karin.

Garoowe (Caasimada Online) – Warar soo baxaaya ayaa sheegaya in Hogaamiyayaasha maamulada Galmudug iyo Puntland ay kulan aan horay loo shaacin ku yeeshen Magaalada Garowe ee maamulka  Puntland.

Axmed Ducaale ‘’Xaaf’’ oo socdaalkiisa magaalada Garoowe u kireystay diyarad gaara ayaa ka duulay Magaalada Dhuusamareeb, waxaana la socday ciidamo isaga ilaalo u ah iyo qaar ka mid ah Xoghayntiisa, Safarkiisa kuma aysan wehlinayn Siyaasiyiin ama Xildhibaano.

Kulanka oo si gaara ugu dhexeeyay Hogaamiyaha Puntland C/weli Gaas iyo Axmed Ducaale Xaaf oo ah Hogaamiyaha maamulka Galmudug, waxa ayna si qoto dheer uga wada hadleen degnaanshiyaha laga dareemayo magaalada Gaalkacyo, Nabadda iyo Daris wanaaga ka dhexeeya labada maamul.

C/weli Gaas iyo Xaaf ayaa isla soo hadal qaaday Khilaafka ka dhaxeeya Madaxda Sare ee Galmudug iyo Kaalinta ay ka qaadankaraan Golaha Iskaashiga dowlad goboleeyadda oo mas’uuliyada koowaad ay ka saran tahay xalinteeda.

C/weli Gaas oo casuumaada u sameeyay Xaaf, ayaa sheegay in Puntland ay daris la tahay Galmudug, sidaa aawgeed ay mas’uuliyad gaara ka saran tahay xalinta Khilaaf Siyaasadeedka ka dhextaagan Madaxda Galmudug.

Illo wareedyo ka kala tirsan maamulada Puntland iyo Galmudug, ayaa xaqiijiyay in Hogaamiye Xaaf  uu xalay ku hoyday Magaalada Garowe, waxaana lagu waddaa in uu maanta soo gaaro Magaalada Muqdisho.

Sidoo kale, Illo wareedka ayaa intaa kusii daraaya in Hogaamiye Gaas iyo Xaaf ay isla fahmeen in kulamo gaara lala qaato Madaxda Galmudug ee iminka carada la fadhiya magaalada Cadaado ee xarunta KMG Galmudu, waxa uuna arrin muhiima ku sheegay in si dhaqsi ah lagu qaboojiyo khilafka.

Dhinaca kale, Xaaf ayaa safarkiisa Garoowe loo badinayaa inuu la xariiro sidii Puntland fara galin ugu samayn lahayd maadama Madaxweyne Gaas Guddoomiye u yahay madasha maamul goboleedyada.

Caasimada Online

Xafiiska Garoowe

[email protected]

Jabuuti (Caasimada Online) – Madaxweynaha Jabuuti, Ismaaciil Cumar Geelle oo waraysi gaar ah ay la yeelatay majalada caanka ah ee Faransiiska ku soo baxda ee Jeune Afrique, ayaa shaaca ka qaaday sababtii uu uga baxay heshiiskii shirkadda DP World ee Imaaraadka ee dekadda Dooraaleh.

Madaxweyne Ismaaciil Cumar Geele, waxa uu yiri “DP World weligeedna si run ah uma ay doonayn in ay horumariso dekedda Dooraaleh – Oo shaqada ay qabataa boqolkiiba 40 keliya ka noqonaysay inta ay qaban kari lahayd – sababta ay sidaas u yeelayaanna waa in ay xoojiyaan soo shaacbixidda dekedda Dubai, ee Jabal Cali. Waxa ay ku socotay in ay meesha ka saarto tartankii dekeddu ku jirtay iyada oo xakamaynaysa, iskuna soo koobaysa suuqa maxalliga ah iyo Itoobiya. Xitaa haddii ay noqonayo in markableyda shisheeyaha ee aadka u badan laga niyadjebiyo in ay dekeddayada soo booqdaan”

Hadalka madaxweyne Geelle, waxa uu shaaca ka qaaday arrimaha soo socda:-

1 – In heshiisyada Imaaraadka ee dekedaha Soomaaliya, sida Berbera iyo Boosaaso ay yihiin kuwa marnaba ujeedkoodu uusan ahayn in dekedahaas lagu hormariyo, balse ay yihiin kuwa lagu wiiqayo inay iskood ama dal kale hormariyo, si dekedda Jabal Cali ee Dubai usii ahaato tan ugu xooggan gobolka.

2 – In Dowladda federaalka Soomaaliya ay ku saxneyd inay iska diido heshiiska dekedahaas iyo inay Imaaraadka kala safato Qatar, waayo waxaa cad in Imaaraadku ay Soomaaliya u joogaan kaliya inay wiiqaan Soomaaliya, balse aysan marnaba dan ka lahayn inay Soomaaliya ka caawiyaan inay cagaheedi isku taagto.

3 – In hoggaamiyayaasha maamullada Soomaaliya, si gaar ah Cabdi Weli Gaas iyo Muuse Biixi ay yihiin khaa’inu waddaniyiin aan wax dan ah ka lahayn dalka, una muuqdo kaliya dollar-ka Imaaraadkaa Carabta, sababtoo ah ayaga oo og hagar-daamada Imaaraadka, ayay haddana weli heshiis kula yihiin inay Soomaaliya dhibaateyso, una saxiixeen heshiisyo 30 sano ah, oo cawaaqibkooda aan laga soo kaban doonin muddo.

Caasimada Online
Xafiiska Muqdisho
[email protected]

Gaalkacyo (Caasimada Online) – Wararka ka imaanaya magaalada Gaalkacyo ee xarunta Gobalka Mudug ayaa sheegaya in Askari ka tirsanaa Ciidamada Puntland uu toogasho ku dilay Wiil iyo Aabihiis oo ku sugnaa Hotel ku yaala Waqooyiga Gaalkacyo.

Askarigaan ayaa la sheegay in mudo yar ka hor laga Ruqseeyay shaqada balse si caro leh uu u dilay Aabaha iyo wiilkiisa

Askariga oo horay shaqadiisa ugu waayay Xanuunka Neerfaha oo ku dhacay ayaa xabado ku furay dad ku sugnaa Hoteel ku yaalla Bartamaha Magaalada Gaalkacyo qeybta Puntland, waxaana sidaa ugu dhintay Wiilka iyo Aabihiis.

Xildhibaan ka tirsan Golaha deegaanka Puntland oo Hotelka ku sugnaa ayaa sheegay in Ciidamada amaanka ay gacanta ku dhigeen Ninkii dilka gestay, waxaana faah faahin ka bixin doono Hay’adaha amaanka ee maamulka Puntland.

Maxamuud Yaasiin Axmed Tumay oo ah Gudoomiyaha Magaalada Gaalkacyo ee Puntland ayaa sheegay in ciidamada Ammaanka ay gacanta ku dhigeen ninkii falkaasi geystay.

Maxamuud Yaasiin Axmed Tumay, waxa uu dhankiisa ka qiray in ninkaan uu qabay Xanuunka Neerfaha, isla markaana horay looga qaaday Qorigii uu watay ,laakiin hadda ay barayaan Qoriga uu dadka ku dilay halka uu ka keenay.

Dhinaca kale, waxaan si rasmi ah loo ogeyn halka uu hubkaan ka keenay ninkaan la sheegay inuu Xanuunka Neerbaha qabay ee laga ruqseeyay Shaqada Ciidanimo ee maamulka Puntland, warar aan la xaqiijin ayaa sheegaya in aan hubka laga qaadin markii xanuunkaan lagu arkay oo shaqada laga soo diray oo kaliya, waxa ayna tani noqoneysaa dhacdo aad u fool xun oo dadka ka yaabisay.

Caasimada Online

Xafiiska Garoowe

[email protected]

Garoowe (Caasimada Online)-Wararka naga soo gaaraya Magalada Buuhoodle ayaa sheegaya in halkaa galabta lagu wareejiyay Hub, Gaadiid iyo Ciidamo ka tirsan kuwa deegaanka.

Hubka, Gaadiidka iyo Ciidamada ayaa lagu wareejiyay Hogaamiye ku-xigeenka maamulka Puntland Cabdixakiin Xaaji Cumar ‘’Camey’’ oo muddo Seddex cisho ah ku sugnaa Magalada Buuhoodle.

Ciidamada lagu wareejiyay Camey ayaa tirro ahaan gaaraya 135 Askari iyo  Gaaddiidka nooca dagaalka ee Cabdi-Bilaha loo yaqaan.

Hubka, Gaadiidka iyo Ciidamada ayaa waxaa wareejiyay mid ka mid ah Beelaha dega Magalada Buuhodle,kadib markii uu ka dalbaday dadka ku nool Buuhoodle in ay ka qeyb qaataan dagaalka ay kula jiraan Somaliland.

Camey ayaa Gaadiidka iyo Ciidamada ka gudoomay Oday dhaqmeed matalayey Bulshada ku nool Magalada Buuhoodle kaas oo Magaciisa lagu sheegay Bashiir Osman Waraabe.

Hubka,Gaadiidka iyo Ciidamada ayaa lagu biirin doonaa Dagaalka looga soo hosjeedo Somaliland ee ka socda deegaanka Tukaraq ee Gobolka Sool.

Camey ayaa sheegay in Puntland aysan joojin doonin dagaalka ay kula jirto Somaliland, waa haddii aan Somaliland dib uga bixin Tukaraq.

Muqdisho (Caasimada Online) – Dagaal muddo socday oo u dhexeeyay ciidamo kawada tirsan Dowlada ayaa waxa uu goordhow ka dhacay degmada Dharkenley ee Gobolka Banaadir.

Dagaalka oo Hub kala duwan leysu adeegsaday ayaa waxa uu si gaara uga dhacay Xaafada Macalin Nuur, kaa oo yimid kadib markii ciidamada Xasilinta ay isku dayeen inay Hubka ka dhigaan ciidamo kale oo ka tirsan Militeriga.

Ciidamada xasilinta ayaa inta uu dagaalka socday dilay 2 Askari oo ka tirsanaa Militeriga kuwaa oo diiday inay dhigaan hubka.

Seddex kamid ahaa labada dhinac ayaa sidoo kale ku dhaawacmay dagaalka, kuwaa oo la dhigay Isbitaalka Madiina ee Muqdisho.

Ciidamada Xasilinta ee dagaalka ku gadal Degmada ayaa waxaa sidoo kale xoojiyay ilaa Seddex gaari nooca dagaalka ah kuwaa oo ku baxay rasaasta ay is weydaarsanayeen ciidamada xasilinta iyo Militeriga.

Wasaarada amniga aya bilowga Bisha Ramadaan ka digtay in ciidamada Militeriga iyo kuwa kale ee aan qeybta ka aheyn Xasilinta ay gudaha magalada iyo daafaheeda ku qaadan Karin Hub.

Dhinaca kale, dagaalada u dhexeeya ciidamada Xasilinta iyo kuwa kale ayaa sabab u noqon kara  kala shaki joogta ah oo soo kala dhexgala ciidamada Qaranka.

Caasimada Online

Xafiiska Muqdisho

[email protected]

Muqdisho (Caasimada Online)-Guddoomiyaha golaha shacabka ee Baarlamaanka Federaalka Soomaaliya mudane Maxamed Mursal Sheekh C/raxmaan ayaa afur u sameeyay qaar ka mid ah Xildhibaanada baarlamaankii 8-aad iyo 9-aad.

Ujeedka kulanka ayaa ahaa mid uu Guddoomiyaha kaga mahad celinayay Xildhibaanada howlihii wanaagsanaa oo ay dalka ka soo qabteen iyo iney hada wada shaqeyn dhex marto.

Xildhibaanada ayaa guddoomiyaha la wadaagay dhibaatooyinkii laga soo maray golahan iyo tallooyinkooda la xiriira sida hada loo sii horumarin karo golaha shacabka.

Guddoomiyaha golaha shacabka ee Baarlamaanka Federaalka Soomaaliya Maxamed Mursal Sheekh C/raxmaan ayaa marka hore xildhibaanada kaga mahad celiyay sida ay usoo ajiibeyn kulanka afurka ee uu u sameeyay.

“Waad mahadsan tihiin soo dhawaada, sharaf weyn ayay ii tahay inan isla afurno waqti badana isla qaadano, xaqiiqdii dalkan howlo muhiim ah ayaa ka soo qabateen, waqti adagna wa ku soo shaqeyseen waana idiinkaga mahad celinayaa doorkii aad ka soo qaadateen dib u yegleelida baarlamaanka” ayuu yiri guddoomiyaha.

“Waxan joogteyn doonaa kulamadiina iyo inan dhageysto talooyinkiina, waxaa idiin balan qaadaya inan bixin doono xuquuqda iyo tixgelinta aad golaha shacabka ku leedihiin” ayuu mar kale yiri guddoomiye Maxamed Mursal.

Kulanka waxaa ka hadlay qaar ka mid ah Xildhibaanada baarlamaankii 8-aad iyo 9-aad waxa ayna guddoomiyaha ugu mahad celiyeen kulanka afurka ah ee uu u sameeyay.

Sidoo kale waxa ay guddoomiyaha ku dhiira geliyeen in uu sii labo jibaaro dadaalka uu wado, iyo inuu ilaaliyo madax banaanida golaha shacabka.

Kulankan uu guddoomiyaha la qaatay xildhibaanada baarlamaankii 8-aad iyo 9-aad ayaa qeyb ka ah kulamada isbarashada, xog wareysiga iyo latashiga uu la qaadanayo qeybaha kala duwan ee bulshada, siyaasiyiinta iyo wakiilada beesha caalamka ee muqdisho ku sugan.

Garoowe (Caasimada Online) – Maamulka Puntland ayaa mar kale shaaca ka qaaday inay sii laba jibaarayaan dagaalka ay kula jiraan maamulka Somaliland ee ka socda deegaanka Tukaraq ee Gobolka Sool.

Sii wadida dagaalka ayaa waxaa ku dhawaaqay Hogaamiye ku-xigeenka maamulka Puntland C/xakiin C/laahi Xaaji Cumar ‘’Camey’’ oo ka hadlaayay dhaqano laga wanaagsan yahay oo uu sheegay inay wadaan ciidamada Somaliland ka jooga Tukaraq.

Camey wuxuu sheegay mar kale in dagaalka Tukaraq uusan joogsan doonin, inta maamulka Somaliland ay heystaan taako ka mid ah dhulka Puntland, kadib markii uu booqasho ku tagay magaalada Buuhoodle.

Camey wuxuu tilmaamay in tagitaankiisa Buuhoodle uu yahay in shacabka magaalada ay taageeraan ciidanka Puntland iyo in la helo dhalinyaro ciidan ah oo ka qeyb qaata dagaalka Tukaraq.

Cameey oo la hadlaayay warbaahinta ayaa yiri “Adeer waxaan cadeynayaa in dagaalka Tukaraq uusan joogsan doonin ma dhaceyso in Somaliland ay nabad ku baaqdo dhibaatooyina kawado Tukaraq’’

Waxa uu intaa raaciyay ‘’Waxa aad la socotaan in laba dagaal uu dhacday, mana joogsan doono dagaalka, waxaan qabaa hadii caalamka uu isku yimaado xaqiiqada marna Puntland kama leexan doonto’’

Waxa uu intaa kusii daray ‘’Xaqiiqadana waxa weeye inta Somaliland ay heysato taako ka mid ah dhulka Puntland dagaalka isma taagi doono,”

Sidoo kale, Cameey waxa uu Beesha Caalamka ka dalbaday in si dhex dhexaadnimo ah ay u xaliyaan dagaalka socda, isagoo cod dheer ku sheegay in dagaalka uusan joogsan doonin, haddii aysan Beesha caalamka noqon dhexdhexaad.

Si kastaba ha ahaatee, dagaalka ka taagan degaanka Tukaraq ayaa u muuqda mid aan weli laga gaarin natiijo sax ah.

Caasimada Online
Xafiiska Garoowe
[email protected]

Hargeysa (Caasimadda Online) – Xubno isbiirsaday oo u badan aqoonyahanka kasoo jeeda Somaliland ee ku nool magaalada Hargeysa ayaa maalmihii ugu danbeeyey ku hawlanaa dhismaha Taallo Hargeysa looga taagayo Hoggaamiyihii halgankii gumaysi-diidka Sayid Maxamed Cabdile Xasan oo si weyn ugu soo horjeeday gumeystihii Ingiriiska.

Kooxdan aqoonyahanka ah ee isku xilsaaray hirgalinta Taaladan ayaa waxa hormood ka ah Cabdiwahaab Suldaan Cumar Xaaji Daahir “Canule” iyo Dr. Mustafe Maxamed Cabdi “Wayrax”,  kuwaas oo maalmihii ugu danbeeyey ku guda jiray qorshan ay taalada ugu dhisayaan halgamaagii weynaa ee Sayid Maxamed Cabdule Xasan

Qorshahan muwaadiniintan iskood isu xilka saaray ku hawlan yihiin ayaa lagu wadaa in lagu hirgaliyo si si dhaqso ah.

Dhinaca kale muwaadiniinta hawshani wada ayaa waxa ay baaq u direen madaxda Somaliland ee uu ugu horeeyo madaxweyne Muuse Biixi Cabdi in ay gacan ku siiyaan hirgalinta mashruucan

Ujeedada Taaladan Muwaadiniintani uga dhisayaan Sayid Maxamed Cabdule Xasan magaalada Hargeysa ayaa waxa sheegeen si loogu xasuusto isla markaasina aanay u lumin taariikhdii halgankii Sayid Maxamed Cabdille Xasan iyo Mujaahidiintii Daraawiistu lagaleen Gumaystihii Ingiriiska.

Magaalada Jigjiga ee caasimada ismaamulka Soomaalida Itoobiya ayaa horay looga taagay taallo lagu weyneynaayo halgankii Sayidka, waxaana la ogsoon yahay taariikhda inuu dagaal la galay xabashadii.

Dhinaca kale Hirgalinta taaladan ayaa hadii lagu guulaysto waxa ay kaalin weyn ka qaadan doontaa inay meesha ka baxdo dacaayadaha been abuurka ah ee Bulshada reer Somaliland laga faafiyey taasoo ah inay kasoo horjeedaan isla markaasina aanay jeclayn Taariikhda iyo Halgankii Mujaahid Sayid Maxamed Cabdile Xasan lagalay gumaysiga.

Sidoo kale Hirgalinta Taaladani waxa ay bulshada Soomaaliyeed meel kasta oo ay joogaan u cadayn doontaa in aan nacayb iyo cunsuriyadi ka jirin Somaliland islamarkaana ay sharaf iyo karaamo u hayaan halyeyadii iyo halgamayaashii qarankan Somaliland ee uu Sayid Maxamed Cabdule Xasan ka midka ahaa,isla markaan waxa ay cadaydoobtaa in Bulshada Somaliland qirsan tahay in Sayidku uu ahaa halgamaa reer Somaliland ah sidaasi darteena ay waxba kama jiraan yihiin wararka beenta ah ee warbaahinta qaar lagu faafinayo ee dadka lagu majara habaabinayo loona tusayo ummadda in Somaliland ay cid gaar ahi leedahay.

Isku soo wada duuboo waxa laga dhur-sugayaa qaabka iyo hanaanka Kooxdan Aqoonyahanka ahi u hirgaliso Taaladan oo noqondoonta mid saamayn badan oo dhinacyo badan leh