Soomaaliya waxay soo martay marxalado kala duwan, waxaana soo maray madax kala gedisan, waxay u muuqataa mid mariil ah oo maato badan Macluul , Muroga , Gaajo iyo Oon la haraadsansan yihiin Shacabkeeda muhanayana inay helaan madax aan maangaab aheyn oo meel sare iyo maqaam qeyn gaarsiin kara .
Hadda waxaa hogaanka dalka haya Hogaamiye shacabku ku hanweynayeen inay mar uun arkaan isagoo hogaaminaya , inkastoo ay heleen hadana wali hamuuntii madeyn , haraad badan bay qabanaan waxay sugayaan howsha uu qabto .
Wuxuu soo xushay Hogaameye kale oo ay wada hanan karaan shacabkaan himilada wanaagsan iyo hiigisga nolosha hanweyn ka qaba ee u hogaansan inay Halyeeyada dalka Xudhmad iyo wanaag sacan iyo niyad furnaan ugu mashqaxaraad .
Hogaanka dalka waxaa wadaagay Aqoonyahano , Siyaasiyiin iyo waxgarad , waxaana awooda dalka loo qeybiyay habka awood qeybsiga qabiilada oo ay Soomaalidu wax ku qeybsato , inakstoo beel waliba ay soo xulatay qofkii ay u aragtay inuu iyaga matali karo hadana waxaa jira dhaliilo dad badan ay qabaan .
Madaxweynaha Soomaaliya Maxamed Cabdulaahi Farmaajo markii uu ku dhawaaqayay Ra’isul wasaaraha dalka Xasan Cali Kheyre, wuxuu sheegay inuu yahay shaqsi aqoon yahan ah oo ay wada shaqeyn karaan 4ta sano ee soo socota .
Ra’isul wasaaraha wuxuu isna ku dhawaaqay wasiiro xukuumada cusub ka mid noqonaya inkastoo ragaas soo xulistooda ay ka wada qeyb qaateen hogamiyaasha dalka Xildhibaanada iyo hogaamiyaasha beelaha Soomaaliyeed.
Waxaa jira Amaan badan oo loo soo jeedinayo ragan Wasiirada ah ee xukuumada Cusub kasoo muuqday kuwaas oo u badan rag aqoonyahano ah oo dalka dibadiisa wax kusoo bartay qaarkoodna dalka ku waxbartay , waxaase ku hoos lifaaqan tabashooyin laga qabo magacaabistooda oo ay siyaasiyiinta qaar muujinayaan .
Ra’isul wasaarah Soomaaliya iyo qaar ka mid ah wasiiradiisa ayaa la sheegayaa inay kasoo wada shaqeeyen hal Hey’ad taasi oo haatan lagu dhaliilayo mudane Kheyre inuu u xagliyay ragii asxaaba hore ay isla ahaayeen dhankooda .
Ra’isul wasaare XasanCali Kheyre ayaa Hey’ada norwegian refugee council, ee loo soo gaabiyo NRC , wuxuu mar kasoo noqday maamul , waxaana sidoo kale la sheegayaa in wasiiro gaaraya 2 ilaa 4 wasiir ay sidoo kale kasoo shaqeeyeen hey’ada .
Sidaas darteed waxaa la leeyahay NRC intaan ka ahayn Ilin ayaa ku taal , waxaana taasi loola jeedaa tabasho ayay qabaan inta aan ka ahayn NRC, waxaana tusaale ku filan Xisbiga Daljir oo madaxweyne Farmaajo Siiyay codadka ugu badan ayaa ku qaday kasoo muuqashada wasiirada cusub waxaana ay qeyb ka yihiin dadka Ilin-ta ay ku taal
W/Q Xuseen Nuur Maxamed Garaad
Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada [email protected]
