Shacabka soomaaliyeed ee ku dhaqan magaalada kanbaala ee caasimada wadanka ugandha ayaa si weyn usoo dhaweeyay howlgalada gaarka ah ee ciidamada dowlada somaliyed kula dagaalamayan dadka dhigta isbaarooyinka sharci darada ah degmooyinka magaalada muqdisho waxana howlgaladaasi ay ku tilmeemen kuwo soo celin kara amaanka magaalada oo in moda ah dhibaatooyin marti galisay, waxana ay ugu baaqeen masuuliyiinta ciidamada dowlada in howlgalada nuucaan oo kale ah ay joogteeyaan si meesha loogu saaro kooxaha ku caanbaxay waxyaabaha abuuraya amni darida.

Goobaha soomaalidu isugu timaado ee magaalada kanbaala sida maqaayadaha, hoteelada,darjiinada,iyo intarneeyada ayaa waxaa si weyn looga hadal hayaa howlgalada ciidamada dowlada somaliyed ku qaadayaan kulana diriyaan isbaarooyinka dadka dhigta, dhawan ayay ahayd markii madaxweynaha jamhuuriyada soomaaliya xasan shiikh maxamuud uu soo saaray wareegto ku saabsaneed in aan la aqbali doonin isbaarooyinka sharci daradi ah

W/Q/: Wariye Mahad Cabdi Maxamed Shaakir

Saraakiisha iyo Ciidamada Dowlada Soomaaliya ayaa waxaa ay dhulka la galeen balantii Madaxwaynaha Soomaaliya uu la galay ka hor inta uusaan Soomaali ka tagin.

Madaxwayne Xasan sheekh ayaa inta uusan u bixin safarka uu haatan ku joogo wadamada dariska la ah Soomaaliya ayaa waxaa uu isaugu yeeray Saraakiisha ciidamada dowlada oo uu kula dar darmaay arimo badan.

Xasan Sheekh Waxaa uu saraakiisha dowlada u sheegay inay joojiyaan lacagta boojada ah ama Tan isbaarada laga qaado islamarkaana la qaado Isbaarooyinka yaala Muqdisho oo dhan.

Waxaa uu Madaxwaynaha wax aan loo dul qaadan Karin ku tilmaamay in Isbaarooyin lacago jeebka u gaar ah ciidamada ay qaadan waxaana uu ka soo saaray wareegta ah  inaan Isbaarooyinka wax lacag ah dadka loo qaadi Karin waxaana shaqadaas iska leh ayuu yiri Wasaarada Maaliyada.

Laakiin markii uu Madaxwaynaha tagay waxaa halkeeda ka bilowday lacagihii baada waxaana meelaha ay ka socota kamid ah lacagaha baada degmooyinka Hodan, Dherkenley, Madiina, Yaaqshid, Heliwaa, Kaaraan, Boondheere, Shibis iyo degmooyin kale.

Dadka Shacabka ayaa qaati ka taagan lacagaha baada ee laga qaado iyadoo madaxwaynaha uu ka digay laakiin warkiisa dhulka lagama qaadin.

Faah faahin ayaa ka soo baxaysa Maraakiib dagaal oo duqaymo ka gaystay Gobolka Mudug.

Maraakiibtaan ilaalaada ka haya Xeebaha Soomaaliya ayaa waxaa ay weerar gantaalo ah ay ku qaadeen degmada Hobyo oo kooxaha burcad badeeda salka u ah.

Weerarka ayaa waxaa uu yimid kadib markii ay burcad badeeda rabeen in ay qafashaan markabka ilaalo kahayay xeebaha gobolka Mudug.

Ilaa iyo Sadax gantaal ayay Ciidamada Midowga Yurub ku garaaceen degmada Hobyo waxaana ay ku dhaceen labo gantaal oo kamid ah bartamaha magaalada.

Ciidamadan joogan xeebta Hobyo ayaa waxaa ay dagaal kula jiraan kooxaha Burcad badeeda ee jooga Hobyo.

Lama Xaqiijin ilaa iyo hada waxyeelada ay gaysatay Madaafiica halkaas lagu weeraray waxaana ay cabsi ku beertay duqayta maraakiibta dadka kunool Hobyo oo saakay hadalhaya.

Wararka Xanta Tooska ah.

Darren Bent , oo 28-jir ah, ayaa ku dhow inuu Janaayo si amaah ah ugu biiro Liverpool ka dib markii ay isku dheceen tababaraha Aston Villa Paul Lambert kulankii ay garoonkooda barbaraha kula galeen Arsenal (Metro)

Tababaraha kooxda Manchester United Sir Alex Ferguson ayaa diirada saaraya inuu 15 milyan kusoo xero gelsho ciyaaryahanka daafaca bidix uga ciyaara Everton Leighton Baines, oo 27-jir ah, ka dib isagoo aan isku deyi doonin inuu lasoo saxiixdo 31-jirka dambeedka bidix uga ciyaara Chelsea Ashley Cole (Daily Mail)

AC Milan ayaa rajo ka qabta inay United ku garaacdo saxiixa kubad qaabeeyaha kooxda Inter Milan Wesley Sneijder oo 28-jir ah (Talksport)

Chelsea ayaa isku diyaarineysa inay gacanta kusoo dhigto weeraryahanka Liverpool Luis Suarez, oo 25-jir ah, waxaana xidigaan lagu daray qorshaha suuqa ee Stamford Bridge (Daily Express)

Wararka Xanta ah ee kale.

20-jirka qadka dhexe uga ciyaara Arsenal Jack Wilshere ayaa laga dalbaday qandaraas cusub tababare Arsene Wenger ayaana isku diyaarinaya inuu xidigaan u xiro calaamada kabtanimada Gunners (Daily Mail)

30-jirka goolka u qabta Chelsea Petr Cech ayaa u sheegay asxaabtiisa ay isku kooxda yihiin inay la qabsadaan nolosha tababaraha cusub ee Blues Rafael Benitez ama ay kooxda isaga tagaan (Talksport)

Ma jeceshahay inaad maalin walba la socoto wararka xanta ah ee Suuqyada Ingiriiska Naga soo booqo www.caasimada.net, Isha wararka sugan.

Waxaa Diyaariyey: Ahmed Jaangoan

E-mail: [email protected]

Caasimada — Somalia.

Tobankaan saxiix ee sanadkaan ugu xumaa Horyaalka Ingiriiska ayaan soo qaadaneynaa inagoo shalay soo qaadanay Tobankii saxiix ee ugu fiicnaa.

1. Michael Owen (Stoke City)

Wuxuu heystay waayo xornima leh, iyadoo uu Michael Owen aadi karay meel banaanka ka ah Engalnd, si kastaba, wuxuu ku biiray Stoke City. Waxaana laga filaayey weeraryahankii hore ee Liverpool inuu aado meel uu Horyaal kale ku qaadi karo ka dib markii uu ka tegay Manchester United dhamaadkii sanadkii hore.

32-jirkaan markii uu ku biiray Potters ilaa haatan kuma yeelan wax saameyn ah.

2. Rob Green (QPR)

Rob Green ayaa kusoo dhaqaaqay kooxda ka dhisan London Queens Park Rangers balse 32-jirkaani wuxuu iska beer dareeyey fursad uu kula biiri lahaa West Ham oo aad u raadineysay.

Gool hayihii hore ee xulka England ayaa ku biiray waayihii mashaqeysnaa ee Mark Hughes kamana uusan biyo dhalin. Taasoo keentay inuu booskiisa u waayo gool haye Julio Cesar.

3. Scott Sinclair (Man City)

Scott Sinclair ayaa digniin ka heystay mid ka mid ah ciyaartoydii da’yarka ahaa ee isaga tegay Manchester City ka dib markii uu boos ka waayey.

Xidiga garabka ka ciyaara Adam Johnson ayaa kula taliyey da’yarka dalka England inaysan ku biirin Man City wuxuuna ku sheegay inay qalad u bareerayaan hadii ay ku biiraan. Sinclair ayaana dhegaha ka forestay warkaas wuxuuna 6.8 milyan oo ginni ugu dhaqaaqay Kooxda heysata Horyaalka Ingiriiska markaasoo laga soo gatay Swansea.

Si kastaba, wuxuu haatan deris la yahay kursiga keydka ee Sky Blue, 23-jiraan ayaa sidoo kale booska waxaa ka qabsaday David Silva iyo Samir Nasri.

4. Fabio Borini (Liverpool)

Markii aad heysato laba weeraryahan, waxaa muhim ah inay caafimaad qabaan. Balse tababaraha Liverpool Brendan Rodgers sidaasi kama uusan helin Fabio Borini, waxaana ninka reer Talyaani la degay dhaawac  cagta hoosteeda ah oo uu afar bilood la maqnaanayo.

11.7 milyan oo looga soo gatay Rome weli waxay u muuqataa inuusan baahi tiring Jamaahiirta Anfield oo haatan goolasha ka suga Luis Suarez.

5. Maya Yoshida (Southampton)

Daafaca dalka Japan ayaa xagaagii ku sugnaa St Mary oo uu kaga soo biiray VVV-Venlo, markii uu kusoo biiray Premier League waxaa loo heystay nin aan la dheyelsan Karin.

Yoshida ayeyse ku adkaatay la qabsashada Horyaalka Ingiriiska, 24 jirkaan ayaana booskiisa u waayey Nigel Adkins kaasoo waayo la yaab leh ka dhigaaya kooxda.

6. Andy Carroll (West Ham)

Qofna ma dhihin wuxuu ku biirayaa West Ham laakiin kooxdu waa ay dooneysay waxayna kasoo kexeysatay Liverpool. Carroll oo 35 milyan Reds kala soo wareegtay New Castle ayey qasab ku noqotay inay amaah ku baxshaan, 23-jiraan ayaase ku dhibaatoonayey goolka hortiisa.

Ciyaaryahanka heerka caalami ee dalka Engalnd 14 saacadood ayuu u qatimay inuu gool u dhaliyo Hummers, si kastaba ugu dambeyn wuxuu shabaqa kasoo taabtay Tottenham kulankii Upton Park.

7. Jack Rodwell (Manchester City)

Jack Rodwell ayaa lagu qiyaasayey mid ka mid ah ciyaartoyda da’yarka ah ee jiilkaan usoo baxay Dalka England. Laakiin 21-jirkaan ayaa u dhaqaaqay kooxda aan da’yarka daneyn ee Roberto Mancini ka dib markii ay Sky Blue Nigel de Jong ka iibisay AC Milan.

Ka dib markii uu kooxda kasoo dhex dhalaali waayey waxay doonatay Daniele De Rossi, xidigii hore ee Everton Rodwell ayaana u muuqda mid aan boos uga banaaneyn Etihad Stadium.

8. Junior Hoilett (QPR)

Junior Hoilett ayaa  intii lagu jiray xagaaga usoo dhaqaaqay QPR mana uusan muujin wax soo jiidasho leh intii uu kasoo wareegay Ewood Park.weeraryahanka kooxda Loftus Road ayaa looga fadhiyaa waayo horumar leh laakiin ma aysan ka muuqan waayadii Hughes, balse waa in isha lagu haayaa waxa uu qabto isagoo ka hoos ciyaaraya Harry Redknapp.

9. Alexander Buttner (Manchester United)

Waxay Manchester United u heysatay inay lasoo wareegtay ciyaaryahankii dadabka bidix ugu fiicnaa Horyaalka Eredivisie kalsooni ayeyna ku qabeen taageerayaashoodu. Balse Buttner, oo 23-jir ah ayaa la tacaalaya inuu boos joogta ah ka helo United.

Xilli Partice Evra aad loogu qadariyo booskiisa daafaca bidix waxaa la is weydiinayaa sababta uu daafacaani ugu soo biiray markii horeba Red Devils

10. Clint Dempsey (Tottenham)

Clint Dempsey ayaa aad uga dhex muuqan kooxdiisa Tottenham weeraryahanka Mareykanka ayaa 6 milyan kula soo biiray daqiiqadihii suuqa ugu dambeeyey, wuuxuuna iska qasaariyey fursad uu kula biiri lahaa Liverpool.

Inkatoo uu goolal u dhaliyey kooxdiisa hadana 29 jirkaani kama soo bixin booskii ay ka fileysay Spurs.

Yaa ka maqan ayaad is leedahay Liiskaan Ciyaartoydii ugu xumaa ee 2012 lagula kala wareegay suuqa kala iibsiga England? Inoo sheeg Fikirkaaga.

Waxaa Diyaariyey: Ahmed Jaangoan

E-mail: [email protected]

Caasimada — Somalia.

Tababare Arsene Wenger ayaa doonaya inuu markaan soo bililiqeysto kooxda Liverpool wuxuuna ka doonayaa Stewart Downing, sida uu qorayo Caught Offside.

Stewart Downing ayaa ah ninka koowaad ee diiiradu u saaran tahay, ciyaarayahankaan ayaa waxaa Aston Villa uu kga sooo biiray Reds intii uu Anfield tababaraha ka ahaa Kenny Dalglish 2011kii, laakiin xidigii hore ee Middlesbrough ayaa deris la noqday kursiga keydka ka dib imaanshiyihii tababare Brendan Rodgers.

Si kstaba, weli looma isticmaalin kulan Horyaalka ah ninka reer England, waxaana inta badan la ciyaarsiiyaa kulamada Europa League.

Wargeyska Daily Mail ayaa qoraya inuu Downing noqon karo xidig daboola baahida ay Arsenal ka qabto baalka bidix, maadaama uu yahay xidig xawaare badan.

Waxaa Qoray: Ahmed Jaangoan

E-mail: [email protected]

Caasimada — Somalia.

Weeraryahanka kooxda Arsenal Olivier Giroud ayaa ku qalqaalinaya Thierry Henry inuu mar kale u saxiixo Gunners inta lagu jiro bisha Janaayo.

Henry ayaa tababarka la qaadanaya kooxda ka dhisan waqooyiga London inta uu xiran yahay Horyaalka Mareykanka MLS, tababare Arsene Wenger ayaana diiday inuu meesha ka saaro inuu mar kale soo dhaqaajiyo halyeeyga Arsenal.

35-jirka, weerarka uga ciyaara New York Red Bulls, ayaa laba mar shabaqa soo taabtay intii lagu jiray Todobo kulan oo uu amaah kulan joogay kooxdaan sanadii hore, marka lagu daro guulkii guusha ee uu kooxda Leeds ka dhaliyey kulan FA Cup ah, wuxuuna ninka reer France kooxdaan usoo xamaalayey 1999 ilaa 2007dii.

Wenger ayaa sheegay inuu go’aan ka qaadanayo soo ceshasada Hanry ee Janaayo wuxuuna qirtay inay kooxdiisu ku darsaneyso liiska weerarka iyadoo uu furmaayo Africa Cup of Nations.

Xidiga dhowaan galka ah ee Gunners Giroud ayaana qirtay inuu jelaan lahaa inuu mar uu Emirates kula ciyaaro ninka ay isku kooxda yihiin.

“Hanry wuu u hiloobay xiisaha Premier League” ayuu yiri Giroud. “Laakiin iima uusan sheegin hadii uu kusoo laabanayo. Waxay ii noqon laheyd farxad weyn hadii aan la ciyaari lahaa.”

Waxaa Qoray: Ahmed Jaangoan

E-mail: [email protected]

Caasimada — Somalia.

Rafa Benitez ayaa mar kale la kulmaya taageero la’aan kaga timaada Kabtanka Chelsea John Terry, ka dib markii la arkay inuu 31 jirkaani ku tababaranaayey Number-kii uu kooxda u xiran jiray Roberto De Matteo.

Macalinka reer Spain ayaa jawi soo dhoweyn ah kala kulmin Stamford Bridge, kulankii axada ay kooxdiisu la ciyaartay Man City, waxaa uu John Terry sameeyey dareenkiisa shaqsi ahaaneed sida uu uga murugsan yahay ceyrintii Roberto Di Matteo, kaasoo kooxda sanadkii hore ku hugaamiyey Champions League iyo FA Cup.

Daafacaan, ayaa kasoo kabsanaaya dhaawac jilibka ah, wuxuuna inta badan kooxda u xirtaa Number-ka 26aad, balse wuxuu tababarka ku qaatay Noumber-ka 16aad, waxaana horay u xiran jiray Di Matteo intii uu Blues u ciyaari jiray.

Waxaa Qoray: Ahmed Jaangoan

E-mail: [email protected]

Caasimada — Somalia.

Tababare Pep Guardiola ayaa ku tiirsanaanaya mar kale xidiga kooxda Barcelona Lionel Messi kaasoo ah ninka uu doonayo milkiilaha kooxda Chelsea Roman Abramovich hadiiba ay noqoto inuu Chelsea usoo dhaqaaqo tababarihii hore ee Barca, sida oo ogaaday wargeyska HamroFootball.com.

Pep Guardiola ayaa ka mid ah ragga ugui sareeya inay qabtaan shaqada Tababarenimo ee Chelsea taasoo uu haatan todobo bilood oo ku meel gaar ah ku hayo, Rafa.

Ilaha uu soo xigtay wargeyskaan ayaa sheegaya in Guardiola uu doonayo inuu Messi ku xoojiyo kooxda Blues, waana mida baa la leeyahay inuu Roman ku qanci karo, hadii uu ninkani noqdo macalinka Chelsea.

Pep ayaa xiriir wanaagsan kala dhexeeyaa Messi, Chelsea ayaana dooneysa iyadoo ku gambaneysa tababaraha reer Spain inay dalab u dirto Lionel Messi, kaasoo laga yaabo inuu sida ugu macquulsan ugu soo dhaqaaqo Galbeedka London.

Waxaa Qoray: Ahmed Jaangoan

E-mail: [email protected]

Caasimada — Somalia.

Mario Balotelli ayaan boos uga banaaneyn AC Milan iyadoo ay Man City dhaafsaneyso xidiga reer Brazil Alexandre Pato, sida laga soo xigtay madaxweynaha kooxdaas Silvio Berlusconi.

Milan ayaan qarsan sida ay u jeceshahay weeraryahanka kooxda City iyo xulka Talyaaniga, balse Berlusconi ayaa caro ku shubay wararka saxaafada ee soo jeedinaya inay Milan Pato u isticmaali karto qeyb heshiiska ka mid ah.

Berlusconi ayaa weli doonaya inuu soo kexeysto Balotelli, laakiin wuxuu qirtay inuusan xidiga heerka caalami ee dalka Brazil iib aheyn.

Ra’iisul wazaarihii hore ee dalka Talyaaniga ayaa u sheegay Milan Channel: “Isdhaafsashada lala xiriirinayo Pato iyo Balotelli? Ma aan jecli wax kala bedelashada.

“Pato sida muuqata suuqa ma yaal. Waa mid ka mid ah ciyaartoydeena ugu fiican wuxuuna leeyahay tayada uu halyeey halkaan uga noqon karo sanadaha soo aadan.

“Nasiib darro, waxaa ku habsaday dhaawacyo, laakiin hada waxaan u baahanahay inaan cagta u saarna wadada toosan.

“AC Milan waa kooxda ku wanaagsan inay heysato.”

Roberto Mancini ayaa 2010kii Balotelli kala soo wareegay Inter Milan, waxaana ku baxay qarash dhan 24 milyan oo ginni laakiin ma uusan u muuqan inuu kooxda wax tar ku leeyahay tan iyo markaas.

Waxaa Qoray: Ahmed Jaangoan

E-mail: [email protected]

Caasimada — Somalia.

Petr Cech ayaa u digay ciyaaryahan walba oo khilaafsan milkiile Roman Abramovich. Wuxuuna u sheegay hadii aysan la dhacsaneyn siyaasadiisa inay kooxda isaga tagaan.

Abramovich ayaa isbuucii hore raacdeeyey Roberto Di Matteo ka dib bilooyin markii uu Tababaraha Talyaanigu guulihii Horyaalka Yurub ku hugaamiyey kooxda Galbeedka London.

Wuxuuna si la yaab leh ugu bedelay geesigii hore ee hugaamin jiray Liverpool Rafa Benitez.

Balse ninka reer Spain Rafa Benitez ayaan soo dhoweyn kala kulmin taageerayaasha Chelsea kulankii gool la’aanta ay la galeen Manchester City.

Balse Cech ayaa ugu sheegay ciyaartoyda intii ay ku jireen qolka labiska Blues sida laga soo xigtay The Sun in hadii aysan raacsaneyn siyaasada Roman ay kooxda isaga tagaan.

“Waa inaad la qabsataa hadii kale iska taktaa. Sida ugu fudud ayaa midaas ah,” ayuu yiri goolhayaha Chelsea.

“Halkaan waxaad u joogtaa inaad ciyaarto, halkaan waxaad u joogtaa inaad qabato shaqada ay kooxda iyo tababaruhu kuu diraan. Hadii aadan jecleysan, waad iska tehi kartaa.”

Waxaa Qoray: Ahmed Jaangoan

E-mail: [email protected]

Caasimada — Somalia.

In muddo ah ayay socotay sheekada ku saabsan xilka uu hogaamiyaha kooxda Damul-Jadiid Faarax Sheikh Cabdulqaadir ka hayo Dowladda Somalia.

Xildhibaan Faarax ayaa dad badan su’aalo ku dhaliyay sababo la xiriira sida uu mar walba ula socdo ugunu dhow yahay madaxweyne Xasan Sheikh, maadaama uusan wax xil ah ka heyn Dowladda.

Si kastaba, Faarax Sheikh Cabdulqaadir ayaa markan si rasmi ah loogu magacaabay la taliyaha gaarka ah ee madaxweynaha, taasi oo meesha ka saari doonto su’aalihi ku saabsan waxa daba dhigay madaxweynaha.

Madaxweynaha ayaa xilkaas u magacaabay Faarax Cabdulqadir, kadib markii ay suurta gali weyday inuu wasiir ka helo xukuumadda Saacid, oo uu dadaal xoogan u galay.

Socdaalkii uu shalay madaxweynaha ugu baxay dalalka deriska ah ayuu Faarax Cabdulqaadir ku wehliyay isaga oo ku magacaaban xilkaas cusub ee loo magacaabay.

20 sano ayaa laga joogaa markii ay Manchester United lasoo saxiixatay Eric Cantona, aan dibu milicsano Tobankii saxiix ee abid ugu fiicnaa Premier League.

Waxaa macquul ah inaan meesha ka saarno saxiixyo waa weyn oo aadan qiyaasi Karin, sababtoo ah waa kuwa aad loo garanaayo magacyadooda, sida Roy Keane, Rio Ferdinand iyo Wayne Rooney oo ay lasooo saxiixatay Manchester United tusaale ahaan.

Hadaba waxaan sidoo kale kusoo qaadaneynaa qeyb yar oo ah waxa uu qabtay ciyaaryahanku inagoo u bixinay Ma Ogtahay.

• Kulamo: 156
• Goolal: 70

Leeds ayuu kaga biiray Manchester United £1.2m 1992dii.

Waxaa la rumeysan yahay inuu Eric Cantona ahaa mid wax ka bedelay taariikhda Manchester United, waxaana xidigaan kooxda keenay tababare Sir Alex Ferguson

Cantona ayaa xirfadiisa kusoo bandhigay kooxdii markaas soo qaaday horyaalka championship-ka eeLeeds1992dii, waana markii horyaalka Ingiriiska laga bedelay magaciisii hore ee Division One. Si kastaba xidigaan wuxuu ahaa mid laga jecel yahay masraxa riyada.

Ma Ogtahay? Contana ayaa 26 gool ka dhaliyey 29 koox oo uu ka hor yimid wayihiisii Leeds wuxuuna ku guul darreystay inuu shabaqa kazoo taabto Bolton, Leicester iyo Manchester United.

• Kulamo: 315
• Goolal: 87

Inter Milan ayuu kaga biiray Arsenal £7.5m 1995tii.

Dad badan ayaa laga yaabaa inaysan xasuusan inuu kooxda kusoo biiray inta uusan sutida u qaban tababare Arsene Wenger. Macalinkii Inter kala soo saxiixday wuxuu ahaa Bruce Rioch. Bergkamp oo looga fadhiyo inuu goolal wax tar leh dhaliyo wuxuu ku darsaday goosmooyinka garbaha. Wuxuuna isku muujiyey waqti uu ka hoos ciyaarayey George Graham.

Ma ogtahay? Bergkamp ayaa cawiyey 95 gool oo Barclays Premier League ah, waana in ka badan inta uu caawiyey ciyaaryahan kale oo Arsenal ah.

• Kulamo: 258
• Gool: 175

Juventus ayuu kaga biiray Arsenal £11m 1999kii.

Hadii la dhahayo ciyaaryahan ayaa ku dhow Cantona marka loo fiirsho saxiixyada tayada leh ee EPL waa Thierry Henry.

Markii uu Arsene Wenger kala soo wareegy Juventus wuxuu ahaa mid ka ciyara garabka bidix laakiin wuxuu halyeey u noqday kooxdaLondon.

Ma ogtahay? Henry ayaa ah ciyaaryahanka ugu fiican marka celcelis ahaan loo fiirsho gool dhalinta ciyaaryahanada kale wuxuu dhaliyey 30 gool oo Premier League ah (121.8 daqiiqo ee kasta)

• Kulamo: 529
• Goolal: 153

West Ham ayuu kaga biiray Chelsea £11m 2001dii.

Frank Lampard ayaa loo arkaayey xidig aysan tayadiisu dhamaan waana gool dhaliyaha sedaxaad ee ugu sareeyaChelsea, wuxuu ka dambeeyaa Bobby Tambling iyo Kerry Dixon.

Waxaa la sugaa kubado awood ku riix ah ama goolal caijiib ah, iyo inuu yahay halyeey Blues ah.

Ma Ogtahay? Lampard ayaa heysta Rikoorka gool dhalinta isku xiga in ka badan 10 Horyaal oo EPL ah (Sagaal gool oo isku xigta ayuu dhaliyey intii u dhexeysay 2003-04  ilaa 2011-12)

• Kulamo: 196
• Goolal: 84

Aynu mar kale ku laabano Manchester United iyo Cristiano Ronaldo kaasoo hada kaalinta labaad kaga jira ciyaaryahanka ugu fiican caalamka isagoo ka dambeeya Lionel Messi.

Xidiga Real Madrid ayaa waayo aan la hilmaami Karin kusoo qaatay Man United makii ugu horeysay ee uu yimid Old Trafford waxaa la dhihi jiray waa Thierry Henry yaraa.

Waxaana lagu xasuustaa inuu 42 gool oo horyaalka ah dhaliyey 2007-08,, Ronaldo ayaa looga yaqanaa Masraxa Riyada sida halyeey Eric Cantona.

Ma Ogtahay? Ronaldo ayaa heysta Rikoorka gool dhalinta ugu badan ee keliya 20 koox xili ciyaareed EPL ah (31 gool ayuuna ka dhaliyey 2007-08)

• Kulamo: 441
• Goolal: 260

Southampton ayuu kaga biiray Blackburn Rovers (£3.3m, 1992) wuxuuna ka aaday Newcastle United £15m 1996.

Qof walba ayaa u maleynaayey inuu Alan Shearer ku biirayoManchesterUnited markii uu ka tegay Southampton laakiin wuxuu u huleelayBlackburnxilli ay uga mahad celinayeen awooda ninka kooxda iska lahaa Jack Walker, kazoo dhisay kooxdii ku guuleysatay Horyaalka.

Rovers ayaa heysan weysay ciyaaryahanka wuxuuna si Rikoor ah 3.3 milyan oo ginni kula soo saxiixday Kenny Dalglish 1992dii, waana ka dib markii ay ku guuleysteen Premier League.

Ma Ogtahay? Shearer waa gool dhaliyaha ugu sareeya taariikhda Horyaalka Ingiriiska wuxuuna leeyahay260 gool.

• Kulamo: 150
• Goolal: 95

PSV Eindhoven ayuu kaga biiray Manchester United £19m 2001dii.

Ruud van Nistelrooy ayaa ahaa mid la yaab ka dhigay waayihiisii Red Devils wuxuuna dhaiyey goolal badan halka uu kuwo kale qasaariyey.

Sir Alex Ferguson ayaase iska diray 2006dii laakiin wuxuu ahaa weeraryahan ay adag tahay in la celiyo awood ahaan iyo maskax ahaan.

Ma ogtahay? van Nistelrooy ayaa heysta Rikoorka gool dhalinta isku xigta ee kulamo EPL ah (10 gool ayuu dhaliyey intii u dhexeysay March iyo August 2003dii)

• Kulamo: 143
• Goolal: 14

Real Sociedad ayuu kaga soo biiray Liverpool £10.7m 2004tii.

Xabi Alonso ayaa door muhim ah ka ciyaaray kooxdiiLiverpoolee hanatay Champions League xilligii uu hayey Rafa Benitez 2005tii.

Waa xidiga ay inta badan ka murgaan taageerayaasha Liverpool ka dib markii uu 2009kii kaga biiray Real Madrid, waxayna u arkayeen xidig fure u ahaa inuu waqti badan lasii ciyaaro Steven Gerrard.

Ma Ogtahay? Alonso ayaa heystay celcelis ahaan baasas dhan 61.2 kulan walba oo Liverpool uu u ciyaaray, keliya Cesc Febregas ayaa ka fiican kaasoo heysta 62.3 baas kulan walba oo uu Gunners u ciyaaray Alonso ayaa shan sano ka ciyaaray Horyaalka England.

• Kulamo: 226
• Goolal: 100

Marseille ayuu kaga biiray Chelsea £24m 2004tii.

Didier Drogba Waa ciyaaryahan kale oo aan bedelkiisa si fudud lagu heli doonin marka la eegoChelsea. Awoodiisa iyo maskax ahaan oo uu istaago booska ku haboon gool dhalinta Waxay u muuqataa mid aan sahal lagu heli doonin. Waxaana asxaabtiisa ay isku kooxda yihiin kula  kajami jireen inuu nasiib u leeyahay inuu goolal ka dhaliyo Arsenal.

Ma Ogtahay? Drogba ayaa noqday ciyaryahankii ugu horeeyey ee African ah oo 100 gool ka dhaliya Horyaalka Ingiriiska.

• Kulamo: 268
• Badbaadooyinka uu sameeyey: 132

Rennes ayuu kaga biiray Chelsea £7m 2004tii.

Petr Cech Waa halyeey goolka u qabta Blues mana ahan mid ay taageerayaasheedu iloobi karaan ka dib wixii uu sanadii hore ka sameeyeyMunich.

Ma Ogtahay? Goolhaye yaashii soo ciyaaray EPL 20kii sano ee lasoo dhaafay, Petr Cech ayaa ugu fiican wuxuuna badbaadiyey 132 darbo oo toos ah 268 kulan.

Sideed u aragtaa Tobankaan ciyaaryahan ee aan soo qaadanay yaad kusoo dari laheyd? Inoo sheeg fikirkaaga adigoo ku qoraya qeybta Comment-ga.

Waxaa Diyaariyey: Ahmed Jaangoan

E-mail: [email protected]

Caasimada – Mogadishu.

Ciyaaryahanka kooxda Real Madrid Mesut Ozil, xidiga kooxda Barcelona Andres Iniesta, kubad qaabeeyaha kooxda Juventus Andrea Pirlo iyo xidiga duula ee kooxda Bayern Munich Franck Ribery ayaa lagu soo daray liiska 15 ciyaarayahan oo qadka dhexe ka ciyaara una sharaxan ciyaaryahanka aduunka Union, FIFPro, iyo Fifa World XI 2012.

Liiskaan ayaa imaanaya ka dib markii lasoo saaray liiska shan gool haye iyo 20 daafac horaantii bishaan, waxaana sidoo kale Jimcada 29ka November lagu dhawaaqi doonaa liiska 15 weeraryahan oo u sharaxan Fifpro.

Ciyaaryahanka qadka dhexe ee kooxda Los Blancos Ozil ayaa lagu abaal mariyey ka dib markii uu kooxdiisa la qeybsaday xilli ciyaareed guulo ah oo ay qaadeen La Liga.

Ciyaaryahanka heerka caalami ee dalka Spain Iniesta ayaa liiskaan lagu daray ka dib markii uu xulkiisa ku hugaamiyey Euro 2012, wuxuuna door muhim ah ka ciyaaray xulka heysta koobka aduunka.

Ninka Talyaaniga ah ee Pirlo ayaa sidoo kale kooxdiisa ku hugaamiyey Serie A sanadii hore wuxuuna xulkiisa gaarsiiyey Finalkii Euro 2012.

Dhanka kale, xidiga kooxda Bayern Munich Franck Ribery ayaa ku jira liiskaan halka ciyaarayahanka qadka dhexe ee kooxda Manchester City Yaya Toure uu yahay xidiga keliya ee aan Yurub u dhalan oo liiskaan ku jira.

Line up-ka ugu dambeeya waxaa lagu dhawaaqi doonaa January 9, 2013.

Liiska 15-ciyaaryahan oo qadka dhexe ka ciyaara una sharaxan Line Up-ka Fifpro World XI 2012:

Xabi Alonso (Spain / Real Madrid), Sergio Busquets (Spain / Barcelona), Cesc Fabregas (Spain / Barcelona), Steven Gerrard (England / Liverpool), Eden Hazard (Belgium / Chelsea), Andres Iniesta (Spain / Barcelona), Frank Lampard (England / Chelsea), Luka Modric (Croatia / Real Madrid), Mesut Ozil (Germany / Real Madrid), Andrea Pirlo (Italy / Juventus), Franck Ribery (France / Bayern Munich), David Silva (Spain / Manchester City), Bastian Schweinsteiger (Germany / Bayern Munich), Yaya Toure (Cote d’Ivoire / Manchester City), Xavi (Spain / Barcelona).

Intaas waxaa sii dheer, liiska gool hayeyaasha oo ah Gianluigi Buffon, Iker Casillas, Petr Cech, Joe Hart iyo Manuel Neuer.

20-ka daafac ayaana kala ah ee u sharaxan Line Up-ka Fifpro ayaana kala ah:

Jordi Alba (Spain, Barcelona); Gareth Bale (Wales, Tottenham Hotspur); Giorgio Chiellini (Italy, Juventus); Ashley Cole (England, Chelsea); Dani Alves (Brazil, Barcelona); David Luiz (Brazil, Chelsea); Patrice Evra (France, Manchester United); Rio Ferdinand (England, Manchester United); Mats Hummels (Germany, Borussia Dortmund); Branislav Ivanovic (Serbia, Chelsea); Vincent Kompany (Belgium, Manchester City); Philipp Lahm (Germany, Bayern Munich), Marcelo (Brazil, Real Madrid); Javier Mascherano (Argentina, Barcelona); Pepe (Portugal, Real Madrid); Gerard Piqué (Spain, Barcelona); Carles Puyol (Spain, Barcelona); Sergio Ramos (Spain, Real Madrid); John Terry (England, Chelsea); Thiago Silva (Brazil, Paris St-Germain).

Waxaa Qoray: Ahmed Jaangoan

E-mail: [email protected]

Caasimada – Mogadishu.

Warar nasoo gaaray ayaa sheegaya in albaabada la isugu dhufan doono safaarada ay Dowlada Somalia ku lahayd dalka Malaysia.

Safiirka safaarada Somalia ee dalka Malaysia Salaad Cali Ibraahim Catoosh oo aan xiriir la samenayay ayaa ka gaabsaday in uu ka hadlo sababta keentay in safaarada la xiro, ayada oo wararku sheegayaan in bisha december lasoo geba gebeyn doono jiritaankeeda.

Hase yeeshee, Ilo lagu kalsoon yahay oo ayaa sheegaya in sababta safaarada loo xirayo ay tahay amar ka soo baxay wasaarada arrimaha dibada Somalia, halka warar kalena ay sheegayaan in deymo aad u badan safarada lagu yeeshay xilli ay ku howl galaysay guryo ay dad shacab ka kireysteen deeganka Kalang-jaya ee caasimada dalka Malaysia.

Sidoo kale, magaalada Muqdisho oo aan xiriir la sameynay xafiiska wasaaradda arrimaha dibedda, ayay ku diideen inay xaqiijiyeen ama beeniyeen warkan.

Dhowaan ayay wasiirka arrimaha dibedda Fowsiya Yusuf Xaji Adan sheegtay in dib u habeyn lagu sameyn doono siyaasadda arrimaha dibedda Somalia, lamana garanayo in taasi ay saameysay safaaradda iyo in kale.

Sida aan xog ku helnay dalal badan oo ku yaala Asia-da fog ayaa laga soo reebi doonaa kaliya safaarada Somalia ee China.

Dhanka kale, doorasho ay sanad walba qabsan jireen midowga ardayda dalka Malaysia ayaa u muuqata mid aan qabsoomi karin sanadkaan sababo ay qaar ka mid ah ardayda ku sheegeen musuq masuq iyo gacmo shisheeya oo arimaha ardayda soo fara galiyay.

Gudoomiyaha xiligaan ee midowga ardayda Soomaaliyeed ee dalka Malaysia Mowliid Isbandhays ayaa wararku sheegayaan in uu laalush ku bixiyay in waqti kale loogu daro, xilli aan loga baran ardayda in ay mudo kordhin sameystaan.

Arintaan ayaa ku soo aadaysa xilli ay ardayda u kala jabeen labo urur halkii ay markii hore ka ahaayen urur qura iyagoo u kala baxay labo garab oo garab u hogaaminayo Mowliid Isbandhays garabna ka hilaya xafiiska safaarada Somaliyeed ee dalka Malaysia iyo garab uu hogaminayo Mohamd Abdi Haameey oo ay inta badan ardayda Somaliyeed raacsan tahay.

By: Hassan ahmed Ruumani
UUM-Kedah
[email protected]

Meydka hogaamiyihii hore ee Falastiiniyiinta Yaasir Carafaat ayaa lagu wadaa in dib loo soo faago maalinta talaadada ah, waxaa sidaas sheegay saraakiisha Falastiin.

Meydka Carafaat ayaa waxaa lagu sameyn doonaa baaritaan la xiriira in dhimashadiisii magaalada Paris ee sanaddii 2004 ay timid kadib markii la sumeeyay iyo in kale.

Warbixinada caafimaad ee Carafaat ayaa sheegaya inuu u geeriyooday cudurka Faaligga (Stroke), oo isku dhex yaac ku keenay habka shaqeynta dhiigiisa.

Hase yeeshee France ayaa bishii August billowday baaritaan la xiriira in la dilay Carafaat, kadib markii khuburo u dhashay dalka Switzerland, oo la shaqeynaya koox sheeko ka sameyneysa nolosha Carafaat ay waxyaabihii uu lahaa ay ka heleen shucaaca (radioactive) loo yaqaan polonium-210, oo ah nooc ka mid ah waxyaabaha dadka si fudud loogu dilo.

Marka meydka lasoo saaro talaadada ayaa saynisyahano ka socda dalalka France, Switzerland iyo Russia waxa ay dhammaantood ka qaadi doonan tijaabo, sida uu sheegay madaxii hore ee sirdoonka Falastiin Tawfik Tirawi.

Haddii ay caddaato in Carafaat la sumeeyay, tuhunka ugu horeeya waxa uu noqon doonaa Israel.

Ciyaaryahanka Manchester United diirada u saaran Wesley Sneijder ayey  kooxdiisu u sheegtay  inuusan u ciyaari doonin mar kale hadii uusan dhimin mushaarkiisa 200 kun oo ginni isbuucii, sida uu qoray wargesyka Daily Mail.

Ciyaaryahanka qadka dhexe ee dalka Holland ayaa diiday inuu aqbalo heshiis cusub ka dib sabababo mushaarkiisa Inter ah, wuxuuna agaasime Marco Branca ciyaaryahanku si cad ugu sheegay in kooxda Talyaaniga aysan aqbali Karin qandaraas cusub oo uu mushaarkaan kaga qaadanaayo.

Sneijder, oo kooxdii Inter ee tababare Jose Mourinho ku hugaamiyey guushoodii taariikhiga aheyd ee Champions League iyo Serie A, waxaana aad u doonayey kooxo badan, marka lagu daro United intii lagu jiray xagaaga, laakiin tababare Sir Alex Ferguson ayaa xidigaan heshiis la gaari waayey sababtoo ah mushaarkiisa sare.

Laakiin hada waxay u muuqataa in ciyaaryahanka reer Holland janaayo suuqa la geyn doono hadii xal loo waayo in laga saxiixo qandaraas cusub oo ku heynaya Milan, mushaarkiisana la dhimi waayo.

28 jirkaan ayaa kooxdiisa u saxiixay heshiis shan sano ah oo uu isbuucii ku qaadanayo 200 kun oo ginni waana 2010kii.

Waxaa Qoray: Ahmed Jaangoan

E-mail: [email protected]

Caasimada — Somalia.

Kadib markii Madaxwaynaha Soomaaliya uu maanta u amba  baxay dalka dibadiisa Guddoomiyaha Baarlamaanka Somaaliya Maxame Cusmaan Jawaari ayaa faahfaahin ka bixiyay safarka Madaxweynaha .

Guddoomiyaha Baarlamanka Soomaaliya oo saxaafada kula hadlay Garoonka Muqdisho ayaa sheegay in Madaxweynaha uu tagayo dalal kala duwan oo Soomaaliya deris la’ah Soomaaliya.

Prof. Jawaari ayaa sheegay in safarka madaxweynaha uu marka hore ku tagayo Dalka jabuuti islamarkaana uu halkaasi kulan kula qaadan doono Madaxaweynaha dalka Jabuuti.

Madaxwayne Xasan Sheekh ayaa wuxuu usii ambabaxi doonaa dalkaEthiopiahalkaasi oo uu kula kulmi doono Masuuliyiinta dalkaasi.

Jawaari ayaa Ujeedada safarkaa ku sheegay inay tahay mid sare loogu qaadayo xiriirka dalka Soomaaliya iyo wadamadaasi ka dhexeeya Madaxweynaha ay suura gal tahay in muddo 7-aad ah uu maqanaaado.

 Warka ka soo baxay Masuuliyiinta maamulka Gobalka banaadir ee Dowladda Soomaaliya ayaa waxaa uu ku hanjabay inay gacanta kusoo dhigi doonaan cidii ka dambeysay dilka loo geestay Gudoomiyihii Gudiga ganacsatada suuqa bajkaaraha.

Warsame Maxamed Xasan Joodax oo Gudoomiye ah ku xigeenka dhanka ammaanka ee Maamulka Gobalka Banaadir la hadlay warbaahinta ayaa wuxuu sheegay in ciidamada Dowladda Soomaaliya ay sameynayaan baaritaano xoogan oo ku aadan hanaanka ammaanka dalka Soomaaliya.

Gudoomiyaha Wuxuu sheegay in Dowladda Soomaaliya aysan marnaba ka hari dooni dhagarqabayaasha geestay dilka Gudoomiyaha gudiga ganacsatada suuqa bakaarah ee saaka la dilay.

“Laamaha ammaanka Dowladda marnabakamahari doonaan cidii ka dambeysay dilka loo geestay Guddoomiyaha Suuqa Bakaaraha weey naga go’an tahay inaan ammaanka xaqiijino”

Saakay ayay ahayd markii Gudoomiyihii Suuqa Bakaaraha lagu dilay Isla Suuqa.