25.7 C
Mogadishu
Sunday, June 22, 2025

Xog: Al-Shabaab oo odayaal badan ka afduubtay Sh/Dhexe iyo xaalad adag oo taagan

Zahra Axmed Gacal
-
0
Xog: Al-Shabaab oo odayaal badan ka afduubtay Sh/Dhexe iyo xaalad adag oo taagan

Mahadaay (Caasimada Online) – In ka badan 40 oday dhaqameed ayaa la sheegay in kooxda Al-Shabaab ay saacadihii lasoo dhaaday ka afduubatay gobolka Shabeellaha Dhexe, gaar ahaan deegaanada la isku yiraahdo Afarta Tuulow, kadib markii ay fuli waayeen amaro culus oo la dul dhigay.

Ilo wareedyo deegaanka ah ayaa Caasimada Online u sheegay in Al-Shabaab ay galabta dhanka Mahadaay kala gudbeen odayaasha, iyagoo galbeed ugala talaabay wabiga Shabeelle.

Kooxda Al-Shabaab oo toddobaadyadii lasoo dhaafay cadaadis ku heysay odayaasha iyo dhamaan shacabka deegaanadaas ayaa ka weysay waxyaabihii ay ka dalbadeen oo noqday kuwo la fuli waayey.

Kooxda ayaa dalbaneysa arrimo ay ka mid yihiin in la keeno dhallinyaro ay askareeyaan oo u dagaalanta, inay gabdho siiyaan, kuwaas oo loo guurinayo horjoogayaashooda iyo in haweenka la qabo habeenkii loo soo diro goobo ay wax ku barayaan macalimiin Al-Shabaab ah.

Waxaas oo dhan markii ay suurta geli waayeen oo odayaasha deegaanka ay iska diideen waxaa loo furay siminaarro lagu barayo ajendayaasha kooxda, kuwaas oo ‘maskax dhaqid’ ay ku sheegeen, ujeedkuna yahay in ugu dambeyn odayaasha deegaanka ay qaataan fikirka kooxda.

Maalmo kooban oo koorsooyinkaasi ay ka socdeen Ceelbaraf iyo Miirtaqwo kadib, waxaa la sheegay in Al-Shabaab ay soo wajahday cabsi xooggan oo ay ka baqeen in odayaasha u xareysan laga furto, kadibna waxay maanta qaadeen tallaabo deg deg ah.

Waxay gaadiid Noohooyin ah saareen dhamaan odayaashii, waxayna kala talaabeen wabiga, iyagoo la aaday dhulka howdka ah ee galbeedka degmada Mahadaay ee gobolka Shabeellaha Dhexe.

Kooxda Al-Shabaab ayaa ciqaab daran ku bilowday dadka shacabka ah ee ku nool deegaanada ay dib u qabsadeen ee gobolka Sh/Dhexe, canshuur ayey ku soo rogeen beeraha, xoolaha suuqyada loo iib keeno, gaadiidka iyo ceelasha biyaha.

Intaas waxaa ka sii daran in sharafta dadkaas muslimiinta ah ay meel uga dhacayaan, iyagoo ku cadaadinaya inay siiyaan gabdho ay xoog ku guursadaan, carruur ay askareeyaan iyo odayaal dhaqan oo ku shaqeeya amarradooda, una dhaxeeya bulshada deegaanka iyo ayaga oo saacad kasta amarro cusub soo rogi kara.

Yaa fuliyey duqeyntii lagu laayey Macawiisleyda? – Ma ahan ciidamada Mareykanka

Caasimada Online
-
0
Yaa fuliyey duqeyntii lagu laayey Macawiisleyda? – Ma ahan ciidamada Mareykanka

Muqdisho (Caasimada Online) – Weerar diyaaradeed oo dhimasho sababay kana dhacay bartamaha Soomaaliya 18-kii May ayaa dhaliyay jahawareer iyo walaac kadib markii ciidanka Mareykanka uu beeniyay inuu wax howlgal ah ka fuliyay Soomaaliya maalintaas, taasoo su’aalo ka dhalisay cidda laheyd diyaaradda iyo cidda mas’uulka ka ahayd weerarka.

Duqeynta ayaa sida la sheegay ku dhacday ciidamo Macawiisley ah, kuwaasoo ku sugnaa agagaarka deegaanka Moqokori ee gobolka Hiiraan. Ugu yaraan 12 dagaalyahan ayaa lagu dilay, sida ay sheegeen ilo maxalli ah. Maleeshiyada Macawiisleyda oo door muhiim ah ku leh dagaalka lagula jiro kooxda al-Shabaab ee xiriirka la leh Al-Qaacida, ayaa halkaas ka wada hawlgallo ay la socdaan ciidamada dowladda.

Warar deegaanka laga helay ayaa tilmaamaya in diyaaradda aan duuliyaha lahayn ay si khaldan u beegsatay dagaalyahannada ka soo horjeeda al-Shabaab. Si kastaba ha ahaatee, ma jirto dowlad ama ciidan illaa hadda sheegtay masuuliyadda weerarka.

Bayaanka Taliska Mareykanka ee Afrika (AFRICOM) oo lasoo saaray caawa ayaa lagu caddeeyay in duqeymo ay ka fuliyeen 17-kii May, meel ku dhow deegaanka Mabaax oo qiyaastii 200km u jirta magaalada Muqdisho, halkaas oo lagu beegsaday dagaalyahanno al-Shabaab ah. AFRICOM ayaa si cad u sheegay inuusan wax weerar ah fulin maalintii xigtay, 18-kii May.

“Anagoo la kaashanayna dowladda federaalka Soomaaliya, AFRICOM wuxuu 17-kii May qaaday duqeymo cirka ah oo ka dhan ah al-Shabaab,” ayaa lagu yiri bayaanka. “Si loo ilaaliyo amniga howlgalka, faahfaahin dheeraad ah oo ku saabsan cutubyada iyo qalabka la adeegsaday lama shaacin.”

AFRICOM ayaa sidoo kale sheegay in al-Shabaab weli tahay khatar dhab ah oo soo wajahda ciidamada Mareykanka iyo saaxiibadooda gobolka, iyadoo hoosta ka xarriiqday muhiimadda iskaashiga ay la leeyihiin ciidamada Soomaaliya si loo wiiqo awoodda kooxda.

Jiritaanka weerar aysan jirin cid sheegatay ayaa dhalisay su’aalo degdeg ah: Yaa fuliyay weerarka? Ma bartilmaameed ayaa si khaldan loo aqoonsaday? Maxaa nidaam amni ah oo la adeegsadaa si looga hortago in khaladaad noocan oo kale ah ay soo noqdaan?

Dhowr dal oo shisheeye ah — oo ay ka mid yihiin Turkiga, Imaaraadka Carabta, iyo Itoobiya — ayaa la ogyahay in ay adeegsadaan diyaaradaha aan duuliyaha lahayn gudaha Soomaaliya, badanaa iyagoo la shaqeynaya dowladda. Si kastaba, midkoodna ma aysan soo saarin wax war ah oo ku saabsan weerarkaas.

Iyadoo aysan jirin wax qirasho rasmi ah, ayna sii kordhayaan walaacyada shacabka iyo siyaasiyiinta, cadaadis ayaa saaran dowladda federaalka iyo xulafadeeda caalamiga ah in ay baaraan dhacdada una soo bandhigaan natiijo cad.

Daawo: Aadan Madoobe oo si adag ugu jawaabay Jeesow “badbaado kaama rabo ee…”

Zahra Axmed Gacal
-
0
Daawo: Aadan Madoobe oo si adag ugu jawaabay Jeesow “badbaado kaama rabo ee…”

Muqdisho (Caasimada Online) – Xildhibaan Daahir Amiin Jeesow ayaa maanta weerar afka ah ku qaaday guddoomiyaha golaha shacabka Sheekh Aadan Madoobe, iyagoo si toos ah isugu jawaabay, kadib markii ka hadalkii ajendaha uu ka noqday dood.

Xildhibaan Daahir Jeesow oo ka hadlayey sharci ay golaha horgeysay wasiir Khadiija Al-Makhzuumi ayaa sheegay in Aadan Madoobe uu wax kasta iska ansixinayo.

“Xukuumada hadey keento Sheekh Aadan Madoobe hala sumeeyo oo laguu keeno xitaa waa ansixinee, adigaa badbaado u baahan guddoomiye,” ayuu yiri Xildhibaan Daahir Jeesow.

Guddoomiye Sheekh Aadan Madoobe oo si toos ah ugu jawaabay Xildhibaan Daahir Amiin Jeesow ayaa yiri, “Xildhibaan Daahir adiga badbaado kaama rabee ajendaha ka hadal.”

Hadalkaan ayaa saameyn badan ku yeeshay baraha bulshada, xildhibaan Jeesow oo ku qoslay jawaabta guddoomiyaha ayaa sii watay doodiisa, wuxuuna Sheekh Aadan Madoobe iyo dhamaan xildhibaanada kale ku eedeeyey inay gacanta iska taagayaan oo ansixinayaan wax kasta oo loo keeno.

Sharciga la horkeenay golaha ee doodaan ay ka dhalatay ayaa ku saabsanaa xuquuqul insaanka, kaas oo Xildhibaan Daahir Amiin Jeesow uu dood ka qabay qodobo ka jira iyo cidda hor keentay golaha.

“Sharcigaan waxaa markii hore noo keentay wasaaradda arrimaha gudaha, waxaan marsiinay akhrinta koowaad, hadda waxaa nala yiri waxaa la wareegtay wasaaradda xuquuqul insaanka oo hadii aan wax ka weydiino aan waxaba nooga sheegi karin, maanta akhrinta 3-aad ayaan marsiinay, waxaa hartay ansixintii, goormaa laga bedelayaa qodobada aan soo jeedinay in la saxo?” ayuu yiri Xildhibaan Jeesow.

Guddoomiye Sheekh Aadan Madoobe oo u jawaabay ayaa sheegay in labada wasaaradood ay guddi isku dhaf ah u xil saareen diyaarinta sharcigaan, balse aysan jirin wasarado isku wareejiyey sharciga.

Hoos ka daawo

India sees strategic threat in Turkey’s Somalia Spaceport

Caasimada Online
-
0
India sees strategic threat in Turkey’s Somalia Spaceport

NEW DELHI, India – A recent report published by India.com has raised alarms over Turkey’s growing strategic ambitions in the Horn of Africa, particularly its plan to build a spaceport in Somalia. The development is being closely watched in India, where concerns are mounting over Ankara’s expanding influence in the Indian Ocean—especially given its close ties with Pakistan.

The backdrop to these concerns lies in Turkey’s recent show of solidarity with Islamabad during heightened tensions between India and Pakistan. Ankara’s support sparked public criticism in India, a country that has, in the past, extended support to Turkey on various international fronts.

Now, Turkey’s sights appear to be set on the Indian Ocean, with President Recep Tayyip Erdogan reportedly pursuing a plan to construct a launch facility in Somalia for space exploration and potential ballistic missile testing.

According to the report, Turkey is in active discussions with Somalia to establish a spaceport on the country’s eastern coast. The move is seen as part of Ankara’s broader strategy to expand its technological and defense footprint in the region.

Somalia’s geographical position—close to the equator and with direct access to the Indian Ocean—makes it an ideal location for such a facility. Equatorial launch sites offer a natural advantage by benefiting from the Earth’s rotational speed, reducing fuel requirements and enabling safer launch trajectories over uninhabited waters.

The proposed site is said to be in the Jamme Dume region. Turkey has outlined a $1 billion investment plan for the project, with a goal of achieving a soft landing mission by 2028. Approximately $350 million is expected to go toward construction and long-term maintenance. President Erdogan first unveiled the initiative in 2021 as part of Turkey’s broader push into space and advanced missile technologies.

While the project does not pose an immediate threat to India, strategic analysts in New Delhi are cautious. Turkey’s unwavering support for Pakistan, coupled with its rapid expansion of defense exports to India’s neighbors and several African nations, is viewed as a long-term strategic challenge.

The report notes that Pakistan could potentially collaborate with Turkey in future missile or space programs—raising the specter of direct security implications for India.

Furthermore, Somalia’s location places it near key Indian strategic interests, including the Andaman and Nicobar Command, the Maldives, and broader Indian naval operations in the region. A permanent Turkish space and defense facility in Somalia could significantly alter the balance of power in the western Indian Ocean.

The report also draws attention to a potentially troubling geopolitical alignment. With China already operating a military base in neighboring Djibouti, the establishment of a Turkish facility in Somalia could pave the way for a China-Pakistan-Turkey axis. This would pose what some in India are calling a “three-front threat”: China to the north, Pakistan to the west, and Turkey to the southwest, via its outpost in Somalia.

In conclusion, while Turkey’s spaceport plans are framed as scientific and technological advancements, Indian observers see deeper strategic calculations at play. The initiative reflects Ankara’s ambition to project power beyond its borders—and, from India’s perspective, it adds a new layer of complexity to an already fragile regional security environment.

Sanbaloolshe oo war ka soo saaray go’aanka ay dowladda Sacuudi Carabiya maanta ku…

Zahra Axmed Gacal
-
0
Sanbaloolshe oo war ka soo saaray go’aanka ay dowladda Sacuudi Carabiya maanta ku…

Muqdisho (Caasimada Online) – Taliyaha Hay’adda Sirdoonka iyo Nabad sugidda Qaranka ee NISA, ayaa soo saaray qoraal uu dhaweynayo go’aan ay xukuumadda Sacuudiga ku meelmarisay heshiiska labada dal ee la dagaalanka iyo maalgelinta Argagixisada.

“Waxaan soo dhaweynayaa go’aanka golaha Wasiirada Xukuumadda Sacuudiga ay 20-kii bishan ku ansixiyeen heshiis iskaashi oo bishii Febraayo ay magaalada Jeddah ku kala saxiixdeen Hay’adda Sirdoonka iyo Nabadsugidda Qaranka

Soomaaliya iyo Hay’adda Nabadsugidda

Boqortooyada Sacuudiga,” ayaa lagu yiri qoraal ka soo baxay xafiiska Taliyaha Hay’adda Sirdoonka Qaranka ee NISA, Cabdullaahi Maxamed Cali (Sanbaloolshe).

Heshiiskan ay NISA shaacisay ee golaha Wasiirada Sacuudiga ay ansixiyeen ayaa ku saabsan la dagaalanka Argagixisada iyo sidoo kale in dhanka maalgelinta lagala dagaalamo kooxaha argagixisada ah.

“Heshiiskaan wuxuu laf-dhabar u noqon doonaa dagaalka aan kula jirno Khawaarijta iyo ka hortagga dambiyada ka dhasha maalgelinta argagixisada,” ayaa lagu yiri qoraalka NISA.

Taliska Hay’adda Sirdoonka iyo Nabadsugidda Qaranka ee NISA, ayaa si weyn xoogga u saaraya qorsheyaasha lagu dardargelinayo la dagaalanka Argagixisada, sida lagu cadeeyey war-saxaafadeedkaan.

“Qorshayaasha socda ayaa qayb ka ah dadaalka guud ee amniga iyo ciribtirka Khawaarijta ku howlan isku dayada lagu dhibaateynayo Shacabka Soomaaliyeed,” ayaa lagu yiri warkaan ka soo baxay xafiiska Taliyaha Hay’adda Sirdoonka Qaranka ee NISA.

Taliyaha NISA ayaa ku sugan furimaha dagaalka ee gobolka Hiiraan, halkaas oo ciidamada qaranka iyo kuwa deegaanka ay maalmihii lasoo dhaafay jab culus ku gaarsiiyeen kooxaha argagixsada ah.

Who hit Somalia militia? U.S. denies May 18 drone strike

Caasimada Online
-
0
Who hit Somalia militia? U.S. denies May 18 drone strike

MOGADISHU, Somalia – A deadly drone strike in central Somalia on May 18 has triggered confusion and alarm after the United States military denied conducting any operations that day, leaving the origin of the strike—and the responsibility for the deaths—unclear.

The strike reportedly hit pro-government Ma’awisley militia forces near Moqokori in the Hiran region, killing at least 12 fighters. The militia, a key partner in Somalia’s war against the al-Qaeda-linked al-Shabaab group, had been operating in coordination with Somali government troops in the area.

Local reports suggest the drone mistakenly targeted the anti-al-Shabaab fighters. However, no country or force has claimed responsibility for the incident.

In a statement released on Monday, U.S. Africa Command (AFRICOM) confirmed it carried out airstrikes on May 17, targeting al-Shabaab militants near Mabaax, roughly 200 kilometers north of Mogadishu. The U.S. military stressed that it did not conduct any airstrikes on May 18.

“In coordination with the Federal Government of Somalia, U.S. Africa Command conducted airstrikes against al-Shabaab on May 17,” the statement said. “Specific details about units and assets will not be released to ensure continued operational security.”

AFRICOM further noted that al-Shabaab remains a credible threat to U.S. forces and allies in the region and emphasized its continued partnership with Somali forces to degrade the group’s capabilities.

The lack of accountability for the May 18 strike has raised urgent questions: Who launched the drone? Was it a misidentified target? And what protocols are in place to prevent similar tragedies in future operations?

Multiple foreign actors, including Turkey, the United Arab Emirates, and the African Union, are known to operate drones in Somalia, often in coordination with the Somali government. However, none have issued a statement regarding the strike in question.

With no official acknowledgment and rising civilian and political concern, pressure is mounting on Somali authorities and their international partners to investigate the incident and provide answers.

The tragic incident highlights the growing complexity of Somalia’s security landscape, where multiple militaries, foreign advisors, and local forces operate side by side. Without improved coordination and transparency, fatal errors are dangerously high.

Xog: Madaxa DF oo bilaabay qorshe lagu dhisayo maamul cusub oo 4 gobol ka kooban

Caasimada Online
-
0
Xog: Madaxa DF oo bilaabay qorshe lagu dhisayo maamul cusub oo 4 gobol ka kooban

Muqdisho (Caasimada Online) – Dowladda Federaalka Soomaaliya ayaa sare u qaaday dadaallada lagu dhisayo maamul rasmi ah oo ka hanaqaada gobollada waqooyi ee Sool, Sanaag, Cayn, iyo Haylaan — dhul ay sheegtaan Puntland iyo maamulka SSC-Khaatumo.

Sida laga soo xigtay ilo-wareedyo lagu kalsoon yahay, kulan hordhac ah oo u dhexeeyay saraakiil dowladda federaalka ah iyo wakiillo maxalli ah ayaa la qabtay dhammaadkii toddobaadkii la soo dhaafay, iyadoo la filayo in shirar iyo wadahadallo heer gobol ah la qabto toddobaadyada soo socda.

Hawlgalkan ayaa qayb ka ah qorshe ballaaran oo dowladda dhexe ay ku dooneyso in ay si rasmi ah ugu kordhiso gobolladan nidaamka federaalka ee dalka.

Gobollada la isku yiraahdo SSC — Sool, Sanaag, iyo Cayn — ayaa waxaa ka soo ifbaxay. Maamulka SSC-Khaatumo, horraantii 2023, kadib markii ay ciidamada Somaliland ka baxeen magaalada Laascaanood, caasimadda gobolka Sool.

Dowladda federaalka ayaa maamulka u aqoonsatay maamul goboleed cusub oo ka tirsan federal, inkasta oo aan si rasmi ah loo dhameystirin. Puntland ayaa wali ku adkeysanaysa sheegashada taariikhiga ah iyo maamulka ay horey ugu lahayd gobolladan, halka SSC-Khaatumo ay ku doodayso in ay mataleyso rabitaanka bulshada deegaanka.

Dadaalka dowladda dhexe ayaa daba socda go’aankii kasoo baxay shirkii Golaha Wadatashiga Qaranka ee dhacay April 2024, kaas oo si rasmi ah u aqoonsaday SSC-Khaatumo inay tahay musharrax u taagan maamul goboleednimo.

Goluhu wuxuu u xilsaarey Wasaaradda Arrimaha Gudaha, Federaalka iyo Dib-u-heshiisiinta hoggaaminta hannaanka, oo ay ka mid yihiin:

  • Qabashada shirweyne aasaasi ah
  • Qorista dastuurka goboleedka
  • Dhismaha hay’adaha maamulka deegaanka

Laascaanood waxaa ka socda diyaar-garow ballaaran oo loogu jiro shir lagu dhisayo saldhigga rasmiga ah ee maamul-goboleedka cusub. Shirkan ayaa lagu wadaa inuu ka hadlo arrimo ay ka mid yihiin matalaadda siyaasadeed iyo qaab-dhismeedka dastuurka goboleedka.

“Tani waa tallaabo muhiim ah oo lagu dhameystirayo qaab-dhismeedka maamulka SSC-Khaatumo,” ayuu yiri mas’uul ka tirsan guddiga wadahadallada, kaas oo codsaday in aan la magacaabin sababo la xiriira xasaasiyadda arrinta.

Maamulka Puntland oo fadhigiisu yahay magaalada Garoowe wali si rasmi ah ugama jawaabin tallaabooyinka dowladda dhexe. Si kastaba, dhowaan waxay ku eedeysay hoggaanka SSC-Khaatumo inay doonayaan in gobolka Sanaag laga gooyo Puntland — eedeyntaas oo aan wax jawaab ah laga bixin dhinaca SSC-Khaatumo.

Aamusnaanta Puntland ayaa muujinaysa caqabado siyaasadeed oo adag. Falanqeeyayaal ayaa aaminsan in haddii Puntland ay si cad u diido geeddi-socodka SSC-Khaatumo, ay khatar ugu jirto inay lumiso taageerada bulshada deegaanka. Dhanka kale, haddii ay si dadban u oggolaato, waxay halis ugu jirtaa in ay lumiso sheegashadeeda dhuleed.

“Puntland waxay ku jirtaa meel siyaasadeed oo aad u jilicsan,” ayuu yiri Maxamed Cabdi, oo ah falanqeeye siyaasadeed oo fadhigiisu yahay Garoowe. “Hoggaanku waa inuu miisaamaa khatarta go’doon siyaasadeed iyo tan ka dhalan karta luminta saameynta ay ku leedahay dhul ay u aragto mid iyada ka tirsan.”

Inkastoo dowladda federaalka ay u muuqato mid go’aan ku gaartay horay u socoshada geeddi-socodkan, falanqeeyayaasha ayaa ka digaya in haddii Puntland iyo odayaasha dhaqanka laga weeciyo, ay arrintu horseedi karto khilaafyo hor leh iyo sii kala fogaansho siyaasadeed.

Daawo: AQALKA CAD oo baahiyay muuqaal Soomaaliya ku saabsan kadib markii….

Jamaal Maxamed
-
0
Daawo: AQALKA CAD oo baahiyay muuqaal Soomaaliya ku saabsan kadib markii….

Washington (Caasimada Online) – Aqalka Cad ee dalka Maraykanka ayaa baahiyey muuqaalka xubno ka tirsan kooxda Al-Shabaab oo la duqeeyay, iyaga oo ku dhuumaaleysanayo qaybo kamid ah buuraha Calmiskaad ee gobolka Bari ee Puntland.

Muuqaalka ayaa muujinayo gantaal culus oo ku dhacaya xubnaha oo ka firxanaya buuraha hoostooda, halkaas oo lagu laayay dhammaan maleeshiyaadkii joogay goobta.

Aqalka Cad ayaa soo bandhigay diyaaradaha Mareykanka oo toos u duqeynaya kooxda Daacish, mana jirin cidna ka baxsan intii wada socotay ee bartilmaameedka ahayd ee ay waxyeelo kasoo gaartay duqeyntan oo maalmo kahor ka dhacday halkaasi.

Qoraal kooban oo uu Aqalka Cad raaciyay muuqaalka uu baahiya ayaa waxaa sidoo kale xaqiijiyay in duqeyntaas lagu  dilay in ka badan 10 xubnood oo ka tirsan mileeshiyaadka argagixisada ah, welina ay sii wadi doonaan beegsi lagu hayo maleeshiyada Daacish.

Mareykanka ayaa qayb ka ah howlgallada ka socda gobolka Bari, wuxuuna dhanka hawada ka taageeraa ciidamada difaaca Puntland ee dagaalka adag kula jira kooxda Daacish.

Ujeedka duqeymaha Mareykanka ayaa la xiriiro sidii loo cuuryaamin lahaa kooxda, loona burburin lahaa saldhigyada ay ku leeyihiin buuraha hoostooda ee gobolka Bari.

Xaaladda deegaannada la duqeeyay ayaa weli kacsan, waxaana kusii siqaya ciidamada Puntland oo qorsheynaya inay gaaraan godadka ay ku dhuumaaleysanayaan Daacish.

Weerarkii ugu dambeeyay oo cirka ahaa ayaa waxaa maalin kahor lagu khaarijiyay madixii kooxda Daacish u qaabilsanaa arrimaha dibadda iyo keenista ajaanibta, kaas oo lagu magacaabo Axmed Muuse Siciid (Axmed Beeldaaje).

Hoggaamiyaha la dilay ayaa deegaan ahaan ka soo jeeda Puntland, gaar ahaan gobolka Bari, laakiin wuxuu wax kusoo barbaaray dalka Imaaraatka Carabta, halkaasi oo uu wax kusoo bartay, sidoo kalena uu ka abuurmay xiriirada uu la lahaa shabakado dibadeed, taasi oo ka dhigtay shakhsi aad muhiim ugu ahaa kooxda Daacish.

Si kastaba, howlgallada culus ee haatan ka socda Puntand ayaa gabagabo ku dhow, waxayna ciidamadu ku xoreeyeen dhul ballaaran oo ka tirsan buuraleda gobolka Bari.

Daawo: Maxkamadda Sare oo war kasoo saartay beenta laga faafiyay kiiska Sayid-Cali

Jamaal Maxamed
-
0
Daawo: Maxkamadda Sare oo war kasoo saartay beenta laga faafiyay kiiska Sayid-Cali

Muqdisho (Caasimada Online)  – Guddoomiyaha Maxkamadda Sare ee dalka, Garyaqaan Baashe Yuusuf Axmed oo wareysi bixiyay ayaa si adag uga hadlay kiiska Sayid Cali Macallin Daa’uud oo horay maxkamadaha dalka ugu xukumeen dil toogasho ah, kadib markii lagu helay inuu gubay xaaskiisa Luul Cabdicasiis, isaga oo meesha ka saaray beenta la faafiyay

Baashe ayaa marka hore shaaca ka qaaday in go’aanka maxkamadaha uu sidiisii yahay isla-markaana dil lagu xukumay Sayid-Cali, haddana uu sugayo fulin oo kaliya.

“Sida aad ka war haysaan saddexda maxkamadood ee kala ah maxkamadda gobolka Banaadir, maxkamadda Racfaanka iyo maxkamadda Sare go’aan isku mid ah ayay kasoo saareen kiiska Sayid-Cali dhammaantoodna waxay ku heleen dambiga ah inuu gaystay dil oo uu gubay xaakiisa waxaana lagu xukumay dil toogasho” ayuu yiri guddoomiye Baashe.

Sidoo kale wuxuu intaasi ku daray in hadda Sayid-Cali uu ku xiran yahay xabsiga dhexe, wuxuuna xaqiijiyay in aanu ka bixinin xabsiga, wararka la faafiyayna ay yihiin been abuur.

“Hadda waxa uu ku jiraa xabsiga, mana bixi karo, kaliya waxa uu sugayaa fulinta xukunka ay maxkamadda gaartay”, ayuu mar kale yiri guddoomiyaha maxkamadda sare.

Waxaa kale oo uu sii raaciyay “Warka sheegaya inuu baxay warkaasi war sax ah ma ahan, qof xukuman oo maxkamadi xukuntayna dabcan xabsiga kama bixi karo”.

Hadalkan ayaa gebi ahaan meesha ka saaraya warar aad u faafay oo ku aadanaa in lasii daayay Sayid-Cali, kadib muuqaal lagu baahiyay baraha bulshada, kaas oo hadda beenoobay, waxaana ka dhashay hadal-heyn xooggan.

Kiiska Luul Cabdicasiis ayaa ahaa mid xasaasi ah oo dhaliyay saameyn aad u wayn, kadib markii uu saygeeda oo hadda xiran uu nolosha ku gubay, kaas oo isna dil lagu xukumay.

Si kastaba, waxaa hadda kaliya la sugayaa fulinta xukunka oo aad u daahday, maadaama maxkamadaha dalka ay horay go’aan kama dambeys ah uga gaareen arrinta Sayid Cali.

Maxaa kasoo kordhay taliyihii askarigu ku dilay furinta hore?

Jamaal Maxamed
-
0
Maxaa kasoo kordhay taliyihii askarigu ku dilay furinta hore?

Muqdisho (Caasimada Online) – Allaha u naxariistee waxaa maanta gudaha magaalada Muqdisho aas qaran loogu sameeyay taliyihii guutada 26-aad, qeybta 27-aad ee Ciidanka Xoogga Gaashaanle Sare Cabdiraxmaan Xujaale oo dhowaan askari ka tirsan ciidamadii uu xukumayay uu kusoo dilay furinta hore, gaar ahaan deegaanka Mabaax ee gobolka Hiiraan.

Aaska taliyaha ayaa waxaa ka qayb-galay wasiirka gaashaadnigga, Axmed Macallin Fiqi, madaxweyne ku xigeenka maamulka HirShabelle, Yuusuf Dabageed, xildhibaanno, senataro, mas’uuliyiin ka tirsan maamulka gobolka Banaadir iyo saraakiil ka tirsan Xoogga dalka.

Fiqi oo goobta ka hadlay ayaa marxuumka eebbe uga baryay inuu ka waraabiyo jannadii Firdowso, wuxuuna tilmaamay inuu dhintay, isaga oo u shaqeynayay dalkiisa iyo dadkiisa. Balse sooma hadal qaadin kiiska sida uu u dhacay iyo tallaabada xigtay ee la qaaday illaa iyo hadda.

“Col. Xujaale wuxuu ahaa shahiid naftiisa u bixiyay difaaca dalka, waxaan u tacsiyeynayaa ehelkiisa iyo ciidanka Xoogga dalka oo uu ka baxay marxuumka” ayuu yiri wasiir Fiqi

Dilka taliye Xujaale wuxuu yimid kadib markii askari ka tirsan ciidanka uu ku dhuftay xabad Dhashiike ah, xilli uu socday dagaal adag oo lagula jiray kooxda Al-Shabaab.

Sababta taliyaha loogu dhuftay xabadaas waxaa lagu sheegay in askarigu uu ku mashquulsanaa cilad-bixinta qorigaas, isla markaana ay ka fakatay xabadda ku dhacday taliyaha.

Xilligaas wax yar uun kahr waxaa istaagay dagaal ay ciidanka kusoo jabiyen Al-Shabaab, kadibna, waxaana dhacday toogashada taliyaha, taas oo dhalisay tuhun aad xooggan.

Askarigii dilka geystay ayaa haatan xiran, waxaana ku socdo baaritaanno dheeraad ah oo ay ku hayso dowladda Soomaaliya, maadaama uu gacantiisa ku baxay taliye muhiim ah.

Waxaa dilkan ka horreeyay mid kale oo isna dhowaan loo gaystay taliyihii guutada 14-ka October, G/Sare Nuur Farey oo lagu toogtay aagga deegaanka Lambar 50 ee gobolka Shabeellaha Hoose, geerida sarkaalkaas muhiimka ah ayaa gilgishay dalka oo dhan.

Nuur Farey ayaa la dilay, xilli uu ku sugnaa xerada ciidamada, waxaana la xaqiijiyay in ninka ka dambeeyey dilkiisa uusan aheyn askari ka tirsan ciidamada qaranka, kaas oo isla goobta lagu dilay, kadib markii ay rasaas ku fureen ciidamadii ku sugnaa gudaha xerada.

Dabageed oo qeylo dhaan ka soo saaray dagaalka uu Xawaadle keli ku noqday

Guuleed Muuse
-
0
Dabageed oo qeylo dhaan ka soo saaray dagaalka uu Xawaadle keli ku noqday

Muqdisho (Caasimada Online) – Madaxweyne ku xigeenka maamulka HirShabelle, Yuusuf Axmed Hagar Dabageed ayaa ka hadlay dagaalka Al-Shabaab, oo haatan maraya meel xasaasi ah.

Yuusuf Dabageed oo maanta Muqdisho uga qayb-galay aaska taliyihii guutada 26-aad, qeybta 27-aad ee Ciidanka Xoogga G/Sare Cabdiraxmaan Xujaale oo dhowaan askari ka tirsan ciidankiisa uu ku dilay furinta hore ayaa qaylo dhaan culus soo saaray, wuxuuna sheegay in dagaalka lagu fiirsady beesha uu kasoo jeedo Xawaadle iyo ciidamada Xoogga dalka Soomaaliyeed.

Sidoo kale wuxuu farriin culus u diray dadka Soomaaliyeed, isaga oo ugu baaqay inay wada galaan dagaalka oo ay ballaariyaan furimaha lagala dirayo kooxda Al-Shabaab.

“Ciidanka Xoogga hala garab istaago, dadka Soomaaliyeed ee dagaalka ku jira hala garab istaago, waxaan leeyahay dagaalka Soomaali ha gasho ama nimanka ku jiro halaga soo kaxeeyo,” ayuu yiri madaxweyne ku xigeenka dowlad goboleedka HirShabelle.

Waxaa kale oo uu sii raaciyay “Haddii aan dalkaan iyo dowladan iyo Diinkaan inaan difaacano rabo dadka Soomaaliyeed dagaalka ha galeen”.

Dagaalka ayaa hadda xoogiisa waxa uu ka socdaa gobolka Hiiraan iyo Shabeellaha Dhexe, waxaana safka hore ka jooga Macawiisleyda Xawaadle oo afartii maalmood ee lasoo dhaafay cashir lama ilawaan ah u dhigay maleeshiyaadka kooxda Al-Shabaab.

Shalay ayaa ugu dambeysay Al-Shabaabkii ugu badnaa ayaa lagu laayay dagaal culus oo ka dhacay soohdinta labada gobol, waxaana muuqaalo laga soo duubay meydadkooda oo daadsan dhulka howdka, dhiigooda oo meel kasta yaalla iyo godadkii ay qoteen oo laga saaray

Si kastaba, Dagaalka oo socday afartii maalmood ee lasoo dhaafay ayaa waxaa maalinkii koowaad lagu dilay in ka badan 70 Shabaab ah, balse shalay ayaa uga sii darneyd oo si ka daran maalinkaas loo laayey kooxda, sida ay muujinayaan muuqaallada la baahiyay.

Waxaa kale oo loo daatay talisyadoodii oo dhiigga iyo meydadku is dhexyaallaan, waxaana loo gudbay dhanka Aadan-yabaal oo duleedkeeda aydifaac uga jiraan ciidamada qaranka iyo kuwa deegaanka.

NISA oo dishay horjoogihii Al-Shabaab u qaabilsanaa hoobiyeyaasha iyo 46 kale

Jamaal Maxamed
-
0
NISA oo dishay horjoogihii Al-Shabaab u qaabilsanaa hoobiyeyaasha iyo 46 kale

Muqdishio (Caasimada Online) – Warsaxaafadeed kasoo baxay Hay’adda Sirdoonka iyo Nabadsugidda Qaranka ee NISA ayaa waxaa lagu faah-faahiyay howlgal culus oo xalay ka dhacay deegaanka Sabiid ee gobolka Shabeellaha Hoose, kaas oo lagu khaarijiyay sarkaal sare oo ka tirsanaa Al-Shabaab, una qaabilsanaa weerarada hoobiyeyaasha ee Muqdisho.

NISA ma shaacin magaca sarkaalka, balse waxa ay tilmaamtay inuu kooxda ugu xilsaarnaa qorsheynta weerarradii hoobiyeyaasha ahaa ee ka dhacay Muqdisho tan iyo, sanadkii 2023.

“Ciidanka gaarka ah ee Gaashaan ee Hay’adda Sirdoonka iyo Nabadsugidda Qaranka ee NISA, ayaa howlgal qorsheysan oo xalay ay ka fuliyeen deegaanka Sabiid ee Gobolka Shabellaha Hoose, waxa ay ku dileen Horjooge sare oo Khawaarijta u qaabilsanaa qorsheynta weerarradii Hoobiyeyaasha ahaa ee ka dhacay magaalada Muqdisho tan iyo, sanadkii 2023” ayaa lagu yiri warsaxaafadeedka kasoo baxay Hay’adda Nabad-sugidda.

Waxaa kale oo lasii raaciyay “Ciidanka NISA oo si dhow ula socday dhaqdhaqaaqa Horjoogahan ayaa Howlgalka fuliyay, kadib markii la hubiyay xogta ku saabsan Horjoogaha, iyada oo la xaqiijiyay in isla goobta lagu khaarijiyay dhammaan Maleeshiyaadkii ilaalada u ahaa”.

Sidoo kale Nisa ayaa sheegtay in lix howlgal kale oo dhacay shalay galab, illaa xalay, ayana fuliyeen ciidamadeeda lagu dilay 46 xubnood oo ka tirsanaa Al-Shabaab, kuwaas oo isugu jiray horjoogayaal iyo maleeshiyaad, waxayna tilmaamay in lagu beegsaday goob ay gabaadka dhiganayeen.

“Ilaa 6 howlgal oo duqeyn ah oo shalay galab ilaa xalay ay ciidanka NISA ka fuliyeen deegaanka Ceel-hareeri ee Gobolka Hiiraan, ayaa lagu dilay 46 Khawaarij ah oo isugu jiray Horjoogeyaal iyo Maleeshiyaad, kuwaas oo lagu beegsaday goob ay gabbaad ka dhiganayeen” ayaa lagu yiri warsaxaafadeedka.

NISA ayaa sidoo kale shaaca ka qaaday inay sare u qaaday howlgallada qorsheysan ee ka dhaka ah kooxda Al-Shabaab, ayna ka go’an tahay ciribtirka maleeshiyaadka Khawaarijta.

“Hay’adda Sirdoonka iyo Nabadsugidda Qaranka ee NISA, ayaa kor u qaadday howlgallada qorsheysan ee lagu beegsanayo Khawaarijta, xili Taliyaha guud ee Hay’adda uu ku sugan yahay deegaannada hawlgalladu ay ka socdaan” ayaa mar kale lagu yiri warka qoraalka ah.

Tallaabadan ayaa kusoo aadeyso, xilli haatan dalka ay ka socdaan howlgallo culus oo ka dhan ah Al-Shabaab, kuwaas oo barbar socdaan duqeymo ay fulinayaan saaxibada caalamiga ah oo hawada ka taageerayo ciidamada Xoogga dalka iyo kuwa Macawiisleyda.

Wararkii ugu dambeeyay ee dagaalka ka socda Aboorey

Jamaal Maxamed
-
0
Wararkii ugu dambeeyay ee dagaalka ka socda Aboorey

Beledweyne (Caasimada Online) – Wararka naga soo gaaraya gobolka Hiiraan ayaa sheegaya in haatan dagaal qaraar uu ka socdo deegaanka Aboorey oo hoostaga degmada Buulo-burde ee gobolkaasi, kadib markii ay halkaasi weerar ku qaadeen Macawiisleyda.

Ciidamada deegaanka oo laba jiho ka weeraray deegaanka ayaa beegsaday maleeshiyaad ka tirsan Al-Shabaab oo isku uruursanayey halkaas, waxaana kadib qarxay dagaal toos ah.

Ilo dadka deegaanka ah ayaa innoo sheegay in dagaalka oo ah mid xooggan uu weli socdo, isla markaana ay maqlayaan hubka iyo rasaasta ay is waydaarsanayaan labada dhinac.

Wararka ayaa intaas ku sii daraya in ciidamada weerarka qaaday ay gudaha u galeen magaalada, ayna xabadda ka socoto gudaha deegaanka Aboorey ee gobolka Hiiraan.

Ma cadda khasaaraha ka dhashay weerarka iyo dagaalka xigay, waxaana weli xaaladdu ay tahay mid kacsan, iyada oo labada dhinac ay helayaan ciidamo gurmadyo ah.

Aboorey ayaa ah deegaan muhiim u ah isku socodka kooxda ee gobollada Hiiraan, Shabeellaha Dhexe iyo Galmudug, halkaas oo dagaalamayaal kale ay uga go’doonsan yihiin, taas oo keentay in dagaalka ka scoda deegaankan oo qaato muddo aad u dheer.

Dagaalkan ayaa daba socdo, howlgallo culus oo maalmihii lasoo dhaafacay ciidamada Macawiisleyda Hiiraan ay ka wadeen xadka gobolkaas uu la wadaago Shabeellaha Dhexe, kuwaas oo khasaaraha ugu badan lagu gaarsiiyay maleeshiyaadka kooxda Al-Shabaab.

Dagaalkii ugu khasaaraha badnaa oo shalay ka dhacay soohdinta labada gobol ayaa waxaa lagu laayay Al-Shabaabkii ugu badnaa, waxaana muuqaalo laga soo duubay meydadkooda oo daadsan dhulka howdka, dhiigooda oo meel kasta yaalla iyo godadkii ay qoteen oo laga saaray

Si kastaba, Dagaalka oo socday afartii maalmood ee lasoo dhaafay ayaa waxaa maalinkii koowaad lagu dilay in ka badan 70 Shabaab ah, balse shalay ayaa uga sii darneyd oo si ka daran maalinkaas loo laayey kooxda, sida ay muujinayaan muuqaallada la baahiyay.

Waxaa kale oo loo daatay talisyadoodii oo dhiigga iyo meydadku is dhexyaallaan, waxaana loo gudbay dhanka Aadan-yabaal oo duleedkeeda aydifaac uga jiraan ciidamada qaranka iyo kuwa deegaanka.

Xog: Imaaraadka iyo Xasan oo kala tegay, dagaal furan oo billowday + Waxa la isku qabtay

Caasimada Online
-
0
Xog: Imaaraadka iyo Xasan oo kala tegay, dagaal furan oo billowday + Waxa la isku qabtay

Muqdisho (Caasimada Online) – Iyadoo Madaxweynaha Soomaaliya Xasan Sheekh Maxamuud uu galay sannadkii ugu dambeeyay ee muddo xileedka labaad, khilaafkii horey u qarsoonaa ee u dhexeeyay Villa Somalia iyo Imaaraadka Carabta ayaa haatan u baddalay dagaal siyaasadeed oo muuqda.

Imaaraadka Carabta—oo markii hore ahaa saaxiibkii ugu dhowaa Villa Somalia—ayaa hadda hoggaaminaya olole diblomaasiyadeed iyo mid siyaasadeed oo ka dhan ah maamulka Xasan Sheekh, taasoo astaan u ah isbeddel siyaasadeed oo lama filaan ah.

Weerarkii Gordan: Meesha xiisaddu ka kacday

Khilaafka ayaa si cad u soo shaac baxay kadib weerarkii dhimashada lahaa ee bishii Febraayo 2024 lagu qaaday xerada General Gordan ee magaalada Muqdisho, halkaas oo lagu dilay afar sarkaal oo sare oo Imaaraad ah: Col. Maxamed Al Mansoori, Maxamed Al Shamsi, Khaliifa Al Balushi, iyo Suleyman Al Shehhi.

Inkastoo Imaaraadka uu weerarkaas ku tilmaamay “shil,” saameyntiisa diblomaasiyadeed waxay ahayd mid aad u culus. Abu Dhabi ayaa si degdeg ah u joojisay taageeradii milatari iyo maaliyadeed ee ay siin jirtay ciidamada Soomaaliya—taasoo si weyn u saameysay dagaalka ka dhanka ah Al-Shabaab, gaar ahaan gobollada HirShabeelle iyo Galmudug.

Tani waxay dhacday iyadoo uu jiray heshiis iskaashi difaac oo labada dal kala saxiixdeen Janaayo 2023, iyo booqasho uu Madaxweyne Xasan Sheekh ku tegay Imaaraadka si uu u muujiyo tacsidiisa. Hase yeeshee, booqashadaasi ma aysan dejin xiisadda. Imaaraadku wuxuu dib u bilaabista taageerada ku xiray in la sameeyo isbeddello siyaasadeed oo ballaaran.

Warar lagu kalsoonaan karo ayaa sheegaya in Imaaraadka uu si cad u dalbaday in xilalka laga qaado mas’uuliyiin uu u arkay kuwo siyaasiyan ama fikir ahaan khilaafsan danihiisa. Kuwaas waxaa ka mid ahaa:

– Mahad Maxamed Salaad, taliyihii hore ee NISA
– Guddoomiyaha gobolka Banaadir Yuusuf Xuseen Jimcaale
– Ra’iisul Wasaare Xamza Cabdi Barre
– Wasiirka waxbarashada Farax Sheekh Cabdulqaadir

Inkasta oo Madaxweyne Xasan Sheekh uu xilka ka qaaday Mahad Salaad iyo Yuusuf Jimcaale, Imaaraadku wuu diiday inuu dib u bilaabo taageeradiisii, isagoo dalbaday in dhammaan shuruudihiisa si buuxda loo fuliyo.

Villa Somalia, dhankeeda, waxay qaadatay mowqif ah in aan la oggolaan karin faragelin siyaasadeed oo noocaas ah. Madaxweyne Xasan Sheekh ayaa la rumeysan yahay in uu aaminsan yahay in Imaaraadka laga rabo inuu marka hore joojiyo taageerada uu siiyo hoggaamiyeyaasha mucaaradka ah ee ka arrimiya Jubbaland iyo Puntland, Axmed Madoobe iyo Saciid Deni—oo dowladda dhexe u aragto inay yihiin haybaha siyaasadeed ee Imaaraadku ku dhisanayo saameyn gudaha ah.

Imaaraadka oo taageero siinaya mucaaradka gudaha

Markii Villa Somalia ay diiday dalabaadka Imaaraadka, Abu Dhabi waxay la timid xeelad cusub. Warar sir ah oo laga helay siyaasiyiin gudaha ah ayaa sheegaya in Imaaraadka uu si hoose u bilaabay maalgelinta siyaasadda mucaaradka ee Muqdisho, si uu cadaadis uga saaro Villa Somalia, iyadoo loo sii gogol xaarayo ololaha doorasho ee soo socda.

Laba ujeeddo ayaa la rumeysan yahay in ay hageyso faragelintan:

1- In Villa Somalia lagu qasbo aqoonsi siyaasadeed oo loo fidiyo hoggaamiyeyaasha gobollada ee uu Imaaraadku taageero

2- In la abuuro mucaarad hubeysan iyo mid siyaasadeed oo awood leh, si loo wiiqo maamulka hadda jira

Xukuumadda Madaxweyne Xasan Sheekh ayaa is abaabuleysa, iyadoo diyaarinaysa istiraatiijiyad siyaasadeed iyo amni si ay uga hortagto faragelinta Imaaraadka. Ilo kala duwan ayaa xaqiijiyay in dowladdu ay qaaday tallaabooyin dhowr ah oo ay ka mid yihiin:

1– Dib u habeyn lagu sameeyay hoggaanka milatariga, iyadoo la beddelay saraakiil muddo dheer xilal hayay
2– Mahad Salaad oo dib loogu magacaabay NISA si uu u hoggaamiyo la-dagaallanka faragelinta dibadda
3– Xoojinta xiriirka lala leeyahay isbaheysiga Sacuudiga, gaar ahaan dalalka taageeraya xukuumadda kumeel gaarka ah ee Suudaan—taasoo fariin u ah Imaaraadka in Villa Somalia ay leedahay xulafo kale oo khaliijka ah

Ra’iisul Wasaare Xamza Cabdi Barre, oo hadal ka jeediyay xuska saddex sano guuradii Madaxweyne Xasan Sheekh, ayaa si maldahan u tilmaamay saameyn dibadeed, isagoo yiri: “Xeelado siyaasadeed hore ayaa dib u soo ifbaxaya.”

Warar lagu kalsoonaan karo ayaa sheegaya in Imaaraadka uu bilaabay kulamo heer sare ah oo uu la leeyahay hogaamiyeyaal mucaarad ah oo ay ku jiraan mas’uuliyiin ka socda Puntland iyo Jubbaland. Waxaa socda dadaallo lagu dhisayo isbaheysi cusub oo kasoo horjeeda Villa Somalia, iyadoo la filayo shirar waaweyn oo ka dhaca Muqdisho toddobaadyada soo socda.

Mas’uuliyiin ka tirsan dowladda federaalka ayaa uga digay arrintan in aysan ahayn kaliya cadaadis diblomaasiyadeed, balse ay tahay faragelin toos ah oo lagu doonayo in lagu carqaladeeyo hannaanka dowladda kahor inta aan la gaarin doorashada.

Khilaafkii qarsoonaa oo isu beddelay dagaaf

Khilaafkii siyaasadeed ee u dhexeeyay Soomaaliya iyo Imaaraadka Carabta ayaa haatan isu rogay dagaal furan oo diblomaasiyadeed, iyadoo ay muuqato in labada dhinac midna uusan diyaar u ahayn in uu dib uga laabto mowqifkiisa. Inkasta oo aan si rasmi ah loo jebin xiriirka diblomaasiyadeed, haddana ficillada iyo hadallada labada dhinac ayaa si cad u muujinaya kala fogaansho aan la qarin karin.

Villa Somalia waxay aragtaa in Imaaraadku uu si toos ah u weerarayo madax-bannaanida siyaasadeed ee dalka, halka Abu Dhabi ay u aragto in Villa Somalia ka sii fogaaneyso saameynta ay horey ugu lahayd gudaha dalka.

Falanqeeyeyaasha arrimaha Geeska Afrika waxay ka digayaan in xaaladdu ay gaarto meel aan laga laaban karin. Marka la eego siyaasadda Soomaaliya, oo ah mid ku saleysan aragti iyo awood, waxaa marar badan la arkay in cidda bilaabta loollanka ay saameyn ku yeelato jihada uu khilaafku u socdo.

Madaxweyne Xasan Sheekh wuxuu wajahayaa go’aankii ugu culus: inuu sugto inta colaadda loogu keeno albaabka Villa Somalia, mise inuu isagu dagaalka si buuxda ugu furo garoonka.

Sawirro: Muxuu yahay shirka maanta ka furmay Muqdisho?

Guuleed Muuse
-
0
Sawirro: Muxuu yahay shirka maanta ka furmay Muqdisho?

Muqdisho (Caasimada Online) – Ra’iisul Wasaare ku-xigeenka Labaad ee Xukuumadda Jamhuuriyadda Federaalka Soomaaliya, Jabriil Cabdirashiid Xaaji Cabdi ayaa maanta daah-furay shir heerkiisu sarreeyo.

Shirkan oo ka furmay Muqdisho ayaa lagu falanqeyn doona saameynta dhaqaale ee xulashooyinka qaab-dhismeedka dastuurka Jamhuuriyadda.

Ra’iisul Wasaare ku-xigeenka ayaa sheegay in dib u eegista dastuurku ay mareyso heer wanaagsan, isla markaana afar cutub baarlamaanku horey u ansixiyey.

Sidoo kale waxa uu sheegay in shan kalena hadda ay hortaalo oo la tashiyadoodu soo dhammaadeen, waxaana uu hoosta ka xariiqay in xukuumadda ay ka go’an tahay in ay dhammeystirto cutubyada harsan.

“Xukuumadda DanQaran waxaa ka go’an inay dhammeystirto dib u eegista dastuurka, waa mas’uuliyad ay dowladdu si sharci ah u leedahay waana ballan qaadeynaa inaan dhammeystirno cutubyada harsan,” ayuu yiri Ra’iisul wasaare ku xigeenka.

Shirka oo ay soo qaban qaabisay Wasaaradda Cadaaladda arrimaha Dastuurka ayaa muhiim u ah qorshaha Xukuumadda ee dib u eegista dastuurka.

Ra’iisul Wasaare ku-xigeenka, Jabriil Cabdirashiid ayaa bogaadiyey Wasaaradda iyo qubarada juhdiga galisay dib u eegista dastuurka. Iyada oo xusid mudan tahay in muran xooggan uu ka taagan yahay hanaanka loo wajahay dib u eegista dastuurka, oo gadaal ka riixeyso Villa Somalia.

Markabka USS Harry Truman oo weerarkii ugu ballaarnaa taariikhda ka fuliyey Somalia

Caasimada Online
-
0
Markabka USS Harry Truman oo weerarkii ugu ballaarnaa taariikhda ka fuliyey Somalia

Washington (Caasimada Online) – Markab dagaal ee USS Harry S. Truman iyo kooxdiisa weerarka ayaa qaaday wax lagu tilmaamay “weerarkii cirka ee ugu weynaa taariikhda ee laga qaado dusha markab xambaarsan diyaarado dagaal,” sida uu sheegay Taliyaha ku-meel-gaarka ah ee Ciidanka Badda Mareykanka, Admiral James Kilby.

Kilby wuxuu sheegay in ku dhowaad 125,000 rodol oo hub ah laga tuuray markabka iyo kooxdiisa weerarka, iyadoo lagu beegsaday bartilmaameedyo ku yaalla gudaha Soomaaliya. Wuxuu tilmaamay in hawlgalkan uu yahay kii ugu baaxadda weynaa ee abid laga fuliyo badda.

Taliska Mareykanka ee Afrika (AFRICOM), oo mas’uul ka ah hawlgallada milatari ee gobolka, ayaa duqeymo cirka ah ka wado Soomaaliya si xawaare sare leh, iyadoo lagu bartilmaameedsanayo kororka dagaalyahannada kooxda Daacish (ISIS), sida ay muujinayaan warbixinnada ciidanka.

Tan iyo bilowgii Janaayo, AFRICOM waxay fulisay 25 duqeyn gudaha Soomaaliya, kuwaas oo badankood lagu beegsaday xubno ka tirsan ISIS. Haddii xawaaraha duqeymuhu sidan ku sii socdo, AFRICOM waxay dhaafi doontaa 63 duqeyn oo ay dalka ka gaysatay 2019—tirasii ugu badnayd abid ee AFRICOM ka fuliso Soomaaliya.

Kooxda Daacish ee Soomaaliya ayaa la sheegay in ay ka korodhay 500 dagaalyahan oo ay gaartay ilaa 1,500, 60% ka mid ahna ay yihiin ajaanib, sida uu bishan u sheegay wargeyska Stars and Stripes afhayeen u hadlay AFRICOM.

“Daacish-Somalia waxay muujisay awood iyo rabitaan ay ku beegsanayso ciidamada Mareykanka. AFRICOM oo kaashanaya dowladda federaalka iyo ciidanka xoogga dalka Soomaaliya, waxay sii wadi doontaa howlgallada lagu wiiqayo awoodda kooxdaas si aysan u qorsheyn ama u fulin weerarro khatar ku ah Mareykanka, ciidamadiisa, ama muwaadiniintiisa,” ayaa lagu yiri bayaan kasoo baxay AFRICOM 3-dii May.

Admiral Kilby wuxuu sidoo kale sheegay in USS Harry S. Truman iyo kooxdiisa weerarka ay door muhiim ah ka ciyaareen difaaca maraakiibta ganacsiga ee Badda Cas, iyagoo ka hortagayay weerarro ay Xuutiyiinta taageerada ka hela Iiraan ku hayeen maraakiibtaasi.

Wuxuu xusay in markabku uu fuliyay 670 weerar, isla markaana uu burburiyay ilaa 160 diyaaradood oo nooca drone-ka ah iyo gantaallo ay Xuutiyiintu soo rideen muddadii uu halkaas ku sugnaa.

“Xuutiyiintu ma aha Shiinaha, balse waa khatar dhab ah. Waxay si cad u beegsanayaan maraakiibteenna. Fahamka khatartaas iyo diyaar garowga la xiriira ayaa ah waxa hadda aan xoogga saareyno,” ayuu yiri Kilby.

USS Truman wuxuu ka baxay saldhiggiisa Norfolk, Virginia, 23-kii September, isagoo u socday howlgallo caadi ah oo uu ka fulinayo Aagga Ciidanka 6-aad ee Mareykanka. Wuxuu gudaha u galay Bariga Dhexe 14-kii December, isagoo beddelay markabkii USS Abraham Lincoln.

Inkasta oo la filayay in kooxdan weerarka ee USS Truman ay dib ugu soo laabtaan Mareykanka xilligii gu’ga, haddana howlgalka ayaa la kordhiyay bishii May si ay u qeyb ka noqdaan olole xooggan oo Mareykanku ku wiiqayo awoodda Xuutiyiinta. Tan iyo 15-kii March, Mareykanka ayaa sheegay inuu ku dhuftay in ka badan 1,000 bartilmaameed oo Xuutiyiinta la xiriira, kuwaasoo ay ku jiraan horjoogayaal iyo dagaalyahanno, sida uu shaaciyay Pentagon.

6-dii May, Madaxweyne Donald Trump wuxuu ku dhawaaqay xabbad-joojin, isagoo sheegay in Xuutiyiintu ay ka tanaasuleen dagaalka ayna oggolaadeen in aysan weerarin maraakiibta ganacsiga ee mara Badda Cas.

Isniintii, USS Truman iyo maraakiibta USS Jason Dunham iyo USS Gettysburg ayaa ka baxay Badda Cas, waxayna haatan ku sugan yihiin Badda Dhexe si ay uga qeyb qaataan tababar milatari oo ay NATO wado.

Ciidanka Badda Mareykanka weli kama aysan hadlin goorta la filayo in markabkan iyo kooxdiisa ay dib ugu soo laabtaan Mareykanka.

Xarumihii kaydka hubka ee Al-Shabaab oo duqeymo lagu burburiyay + Khasaaraha

Jamaal Maxamed
-
0
Xarumihii kaydka hubka ee Al-Shabaab oo duqeymo lagu burburiyay + Khasaaraha

Jilib (Caasimada Online) – Faah-faahinno dheeraad ah ayaa waxaa laga helayaa duqeymo culus oo xalay lagu garaacay xarumo muhiim ah oo ay kooxda Al-Shabaab ku leedahay gobollada Jubada Dhexe iyo Shabeellaha Hoose ee koonfurta Soomaaliya, kuwaas oo lala beegsaday xarumo muhiim ah oo ay kooxda ku leedahay labadaasi gobol.

Weerarka koowaad oo bartilmaameed ahaa ayaa waxaa lagu qaaday xarunta ugu wayn kaydka hubka Al-Shabaab ee ku taalla gudaha degmada Jilib, iyada oo lala helay dhowr gantaal oo is-daba joog ah, waxaana lasoo wariyay in gebi ahaan ay gubatay xaruntaasi.

Sidoo kale, magaalooyinka Sablaale iyo Kunya-barrow ee gobolka Shabeellaha Hoose ayaa la duqeeyay waxaana la garaacay xarumo kale oo ay kayd hub u ahaa Al-Shabaab.

Wararka laga helayo banaanka Sablaale ayaa sheegaya in lagu gubay kayd hub oo halkaasi u yaalla Khawaarijta, waxaana beegsaday diyaaradaha dagaalka oo helay xogta xaruntaas.

Sidoo kale meelaha la duqeeyay ayaa waxaa kamid ah xarun tababar oo lagu dilay ugu yaraan illaa 20 xubnood oo ay ku jiraan saraakiil ajaaniib ah, sida ay xaqiijiyeen ilo wareedyo xilkas ah oo ku dhow saraakiisha laamaha amnig Soomaaliya.

Sida ay ogaatay Caasimada Online, Dowladda Federaalka ayaa muddo aad u dheer qorsheyneysay weerarkan, wuxuuna u dhacay sidii loogu talagalay, iyada oo ujeedka uu ahaa in lagu cuuryaamiyo kooxda, si gaar ah kaydadka hubka ee u yaalla deegaannada la duqeeyay.

Weeraradan dhanka cirka ah ee lagu beegsaday Al-Shabaab ayaa barbar socda howlgallo kale oo ay wadaan ciidamada Xoogga dalka iyo kuwa deegaanka, kuwaas oo khasaarihii ugu cuslaa lagu gaarsiiyay Al-Shabaab, kadib dagaallo ka dhacay Hiiraan iyo Shabeellaha Dhexe.

Dagaalkii ugu khasaaraha badnaa oo shalay ka dhacay soohdinta labada gobol ayaa waxaa lagu laayay Al-Shabaabkii ugu badnaa, waxaana muuqaalo laga soo duubay meydadkooda oo daadsan dhulka howdka, dhiigooda oo meel kasta yaalla iyo godadkii ay qoteen oo laga saaray

Dagaalka oo socday afartii maalmood ee lasoo dhaafay ayaa waxaa maalinkii koowaad lagu dilay in ka badan 70 Shabaab ah, balse shalay ayaa uga sii darneyd oo si ka daran maalinkaas loo laayey kooxda, sida ay muujinayaan muuqaallada la baahiyay.

Waxaa kale oo loo daatay talisyadoodii oo dhiigga iyo meydadku is dhexyaallaan, waxaana loo gudbay dhanka Aadan-yabaal oo duleedkeeda aydifaac uga jiraan ciidamada qaranka iyo kuwa deegaanka.

Imaaraadka Carabta oo lagu eedeeyey weerarkii May 4 lagu qaaday magaalada…

Caasimada Online
-
0
Imaaraadka Carabta oo lagu eedeeyey weerarkii May 4 lagu qaaday magaalada…

Khartoum (Caasimada Online) – Dowladda Suudaan ayaa markii ugu horreysay si toos ah ugu eedeysay Dowladda Isutagga Imaaraadka Carabta in ay si militari ah uga qeybq aadatay dagaalka ka socda dalkaas, gaar ahaan weerar lagu qaaday magaalada dekedda leh ee Port Sudan.

Sudan ayaa tallaabadaas ku tilmaantay faragelin milatari oo toos ah oo qeyb ka ah dagaalka u dhexeeya ciidamada qalabka sida ee Suudaan iyo xoogagga sida militariga u tababaran ee Ciidamada Taageerada Deg-degga ah (RSF).

Imaaraadka Carabta ayaa si cad u beeniyay eedeymaha, isagoo bayaan uu soo saaray ku sheegay inuu cambaareynayo weerarka. Mas’uul Imaaraad ah ayaa yiri: “Waa arrin laga xumaado in mas’uuliyiinta Port Sudan ay sii wadaan falal rabshado ah oo ka dhan ah muwaadiniintooda, haddana isku dayayaan in ay eedda ka leexiyaan oo dusha ka saaraan dalal kale, halkii ay mas’uuliyadda uga qaadi lahaayeen colaadda gudaha ka aloosan.”

Isagoo Isniintii ka hadlayay magaalada New York, Danjiraha Suudaan u fadhiya Qaramada Midoobay, Al-Harith Idris, ayaa sheegay in weerarkii dhacay 4-tii May ee lagu qaaday Port Sudan — oo ah caasimadda ku-meel-gaarka ah ee ciidamada milateriga xilliga dagaalka — ay fuliyeen diyaarado dagaal oo noocyadoodu ahaayeen MQ-9 ama MQ-9B iyo drones is-qarxinaya, kuwaas oo la sheegay in laga soo riday saldhig Imaaraad leeyahay oo ku yaalla Badda Cas, iyadoo taageero laga helayay maraakiib Imaaraad ah.

Danjire Idris ayaa intaas ku daray in weerarkaasi uu ahaa aargudasho ka dhan ah weerar milaterigu ku qaaday maalintii ka horreysay diyaarad dagaal oo la tuhunsan yahay in ay ahayd Imaaraad, taasoo ku sugneyd magaalada Nyala ee ay gacanta ku hayso RSF. Wuxuu sheegay in weerarkaasi uu sababay dhimashada 13 qof oo ajaanib ah, oo ay ku jireen “xubno ka tirsan Imaaraadka.”

Bishan gudaheeda, Suudaan waxay si rasmi ah u jartay xiriirkii diblomaasiyadeed ee ay la lahayd Imaaraadka, iyadoo ku eedeysay inuu si toos ah ugu gacan siiyo RSF hub casri ah iyo agab milatari. Dagaalka oo qarxay bishii April 2023 ayaa ka dhashay khilaaf la xiriira qorshe lagu mideyn lahaa labada ciidan.

Xoghayaha Arrimaha Dibadda ee Mareykanka, Marco Rubio, ayaa Talaadadii Guddiga Xiriirka Dibadda ee Senate-ka ka hor sheegay in: “Waxaan si cad ugu sheegnay Imaaraadka iyo dalal kale in dagaalkan uu isu beddelay mid wakiillo lagu dirirayo, taasoo khatar ku ah xasilloonida guud ee gobolka.”

Dhanka kale, xubno Dimoqraadi ah oo ka tirsan Kongareeska Mareykanka ayaa Khamiistii hore bilaabay dadaal lagu doonayo in lagu horjoogsado hub Mareykanka uu ka iibinayo Imaaraadka, iyagoo ku saleynaya eedeymaha ku saabsan faragelinta uu ku leeyahay dagaalka Suudaan.

Weerarada ay fuliyaan drones-ka la tuhunsan yahay inay RSF ka dambeyso ayaa si isa soo taraysa u kordhay tan iyo markii ciidamada milateriga Suudaan ay sanadkan bilaabeen horumar dhanka dhulka ah. Talaadadii, milateriga ayaa sheegay in ay gebi ahaanba ka saareen ciidamada RSF gobolka Khartoum State.

Drones-ka ayaa si isdaba joog ah u beegsanayay xarumo rayid iyo milatari oo ku yaalla deegaannada ay dowladda maamusho, taasoo keentay koronto la’aan iyo biyaha oo go’ay. Si kastaba, weerarkii 4-tii May ayaa ahaa kii ugu horreeyay ee lagu qaado magaalada Port Sudan — oo ah xarun muhiim u ah howlaha bani’aadannimo iyo diblomaasiyadeed ee dowladda Suudaan.

 

Dalalka Yurub oo billaabay tallaabooyin ka dhan ah Israel

Caasimada Online
-
0
Dalalka Yurub oo billaabay tallaabooyin ka dhan ah Israel

Gaza (Caasimada Online) – Waddamada Midowga Yurub ayaa Talaadadii kordhiyay cadaadiska ay saareen Israel si ay u joojiso ololaheeda milatari ee sii xoogeysanaya ee ka socda Marinka Gaza, halkaas oo weerarro cusub ay ku dileen tobannaan qof, sida ay sheegeen kooxaha gurmadka.

Weriyaha AFP ayaa Talaadadii arkay gaadiid gargaarka sida oo kasoo gudbay isgoyska Kerem Shalom ee xadka Gaza iyo Israel, maalin kadib markii Qaramada Midoobay sheegtay in markii ugu horreysay tan iyo go’doonkii 2-dii Maarso la fasaxay gargaar bani’aadannimo, taas oo sababtay baahi ba’an oo dhanka raashinka iyo daawooyinka ah.

Xaaladda bini’aadannimo ee kasii daraysa ayaa kicisay qaylo-dhaan caalami ah. Midowga Yurub ayaa sheegay in uu dib u eegi doono heshiiska ganacsi ee uu la leeyahay Israel, kadib kulan ay yeesheen wasiirrada arrimaha dibadda ee dalalka xubnaha ka ah Midowga.

Diblomaasiga ugu sarreysa Midowga Yurub, Kaja Kallas, ayaa sheegtay in “aqlabiyad xooggan” oo ka mid ah 27-ka waddan ee xubnaha ka ah ay taageereen tallaabadaas, iyadoo sheegtay: “Waddamadu waxay arkeen in xaaladda Gaza aan la aqbali karin… waxa aan dooneyno waa in la furo marinada gargaarka bani’aadannimo.”

Dalka Sweden ayaa dhankiisa sheegay inuu dalban doono in Midowga Yurub cunaqabateyn saaro wasiirro ka tirsan dowladda Israel.

“Maadaama aanan arag wax isbeddel ah oo la taaban karo oo lagu yareynayo dhibaatooyinka rayidka, waa in aan codkeena sii adkeynaa,” ayay tiri Wasiiradda Arrimaha Dibadda ee Sweden, Maria Malmer Stenergard.

Dowladda Britain ayaa iyana tallaabooyin adag qaaday—waxa ay hakisay wadahadalladii ganacsi ee xorta ahaa ee ay la lahayd Israel, waxayna u yeertay safiirka Israel ee London. Waxaa intaas dheer, London waxay cunaqabateyn kusoo rogtay deegaameystayaal ku sugan Daanta Galbeed, taasoo noqotay tallaabadii ugu culus ee Britain ka qaaddo Israel tan iyo bilowgii dagaalka.

“Gargaarka la xanibayo, dagaalka la ballaarinayo, iyo iska dhega-tirka saaxiibbadaada — arrimahaasi waa wax aan la aqbali karin, waana in la joojiyaa,” ayuu yiri Xoghayaha Arrimaha Dibadda ee Britain, David Lammy, isagoo si kulul ula hadlay baarlamaanka.

Afhayeenka Wasaaradda Arrimaha Dibadda ee Israel, Oren Marmorstein, ayaa sheegay in “cadaadis dibadeed uusan Israel ka leexin doonin dariiqeeda ay ku difaaceyso jiritaankeeda iyo amnigeeda.”

Gargaarka: Bur, cunto ilmaha, daawooyin

Waaxda COGAT ee Wasaaradda Gaashaandhigga Israel, oo u qaabilsan arrimaha rayidka ee dhulka Falastiiniyiinta, ayaa sheegtay in Talaadadii la gudbiyay 93 gaari oo sida gargaar bani’aadannimo, oo ay ku jiraan bur loogu tala galay foornooyinka, cunto ilmaha loogu tala galay, qalab caafimaad iyo daawooyin.

Afhayeenka Xoghayaha Guud ee Qaramada Midoobay, Antonio Guterres, ayaa xaqiijiyay in tobannaan gaari la fasaxay, balse wuxuu tilmaamay caqabado hortaagan helitaanka gargaarka.

“Maanta, mid ka mid ah kooxahayadu waxay sugayeen saacado badan si ay u helaan oggolaanshaha Israel si ay u soo qaataan raashinka nafaqada. Nasiib darro, ma aysan suurtagelin in ay sahaydaas geeyaan xarumahooda,” ayuu yiri Stephane Dujarric.

Sarkaalka arrimaha bini’aadannimo ee Qaramada Midoobay, Tom Fletcher, ayaa sheegay in sagaalka gaari ee la fasaxay Isniintii ay yihiin “dhibic biyo ah, marka la eego baahida badda ah ee ka jirta Gaza.”

Wuxuu BBC-da u sheegay Talaadadii in ilaa 14,000 oo dhallaan ah ay halis ugu jiraan in ay dhintaan 48-da saacadood ee soo socota haddii gargaarku uusan gaariin waqtigii loogu tala galay.

Xoghayaha Arrimaha Dibadda ee Mareykanka, Marco Rubio, oo ka jawaabayay su’aal uu weydiiyay xildhibaan Dimoqraadi ah intii lagu guda jiray kulan guddiga arrimaha dibadda ee Senate-ka, ayaa yiri: “Waan ognahay in gargaarku aanu ku filnayn, laakiin waanu ku faraxsanahay in la gaaray go’aanka lagu fasaxay in la billaabo.”

Weerarro cirka ah iyo dhimasho rayid

Ciidamada Israel ayaa dhammaadkii toddobaadka kordhiyay weerarrada cirka, iyagoo sheegay in ay doonayaan in ay jebiyaan kooxda Hamas.

Duqeymo dhacay habeenkii Isniinta iyo aroortii Talaadada ayaa lagu dilay 44 qof — badankood carruur iyo haween ah — sida uu sheegay afhayeenka Ilaalada Rayidka, Mahmud Bassal.

Wuxuu sheegay in 15 qof lagu dilay weerar lagu beegsaday saldhig shidaal u dhow xerada qaxootiga ee Nuseirat, halka sideed kale lagu dilay duqeyn lagu qaaday iskuul ay ku sugnaayeen dad barakacayaal ah oo ku yaalla magaalada Gaza.

Milateriga Israel ayaa sheegay inuu “beegsaday xubin ka tirsan Hamas oo ka howlgalayay xarun talis oo ku taalla gudaha iskuulka la weeraray.” Ma aysan bixin faallooyin dheeraad ah oo ku saabsan weerarradii kale.

Goobta shidaalka, Mahmoud al-Louh, oo degan Nuseirat, ayaa waday jawaan ay ku jireen xubno jirka ka mid ah oo la helay. “Carruur hurdayay bay ahaayeen, rayid, maxay ku galeen?” ayuu u sheegay AFP.

Milateriga Israel ayaa sidoo kale sheegay in 24-kii saac ee lasoo dhaafay ay duqeeyeen in ka badan “100 bartilmaameed argagixiso” oo ku yaalla Gaza.

Netanyahu: “Waxaan la wareegi doonnaa Gaza oo dhan”

Isniintii, Ra’iisul Wasaare Benjamin Netanyahu ayaa shaaciyay in Israel ay damacsan tahay “la wareegidda guud ahaan Marinka Gaza” iyadoo billowday wejigii labaad ee ololaheeda milatari.

Israel ayaa dib u billowday howlgalkeeda Gaza 18-kii Maarso, taasoo soo afjartay xabbad-joojin laba bilood socotay kadib markii wadahadalladii xalka waara lagu kala kacay.

Wada-xaajoodyo aan toos ahayn oo u dhexeeya Israel iyo Hamas ayaa Axaddii ka bilaabmay magaalada Doha, xilli ololaha milatari ee Israel uu bilaabmay.

Qatar, oo door muhiim ah ka ciyaartay dhexdhexaadinta, ayaa Talaadadii sheegtay in “dhaqanka gardarrada ah iyo mas’uuliyad-darrada Israel” ay dhaawacday rajadii xabbad-joojin.

Saacado kadib, xafiiska Netanyahu ayaa ku eedeeyay Hamas in ay diiday heshiis, isagoo sheegay in Israel ay dib ugu yeeratay ergadii sarre, inkasta oo xubnaha farsamada ay weli joogaan Doha.

Sarkaal u dhow Hamas ayaa isna sheegay in wafdiga Israel “uusan wax wadahadal dhab ah yeelan tan iyo Axaddii,” isagoo eedda dusha uga tuuray “xeelad siyaasadeed oo Netanyahu u adeegsanayo carqaladeynta.”

Weerarkii Hamas ee 7-dii October 2023 ayaa sababay dhimashada 1,218 qof oo Israa’iiliyiin ah, badankoodna ahaayeen rayid, sida ay sheegtay AFP oo xogteeda ku saleysay ilaha rasmiga ah.

Kooxaha hubeysan ayaa sidoo kale qafaashay 251 qof, kuwaas oo 57 weli lagu haysto Gaza — 34 ka mid ahna ay militariga Israel sheegeen in la dilay.

Wasaaradda Caafimaadka ee Gaza ayaa Talaadadii sheegtay in ugu yaraan 3,427 qof lagu dilay tan iyo 18-kii Maarso, taasoo wadarta guud ee dhimashada dagaalka ka dhigeysa 53,573.

Sawirro: Madaxweynaha Somaliland oo u ambabaxay dalka Jabuuti + Qorshihiisa

Jamaal Maxamed
-
0
Sawirro: Madaxweynaha Somaliland oo u ambabaxay dalka Jabuuti + Qorshihiisa

Jabuuti (Caasimada Online) – Madaxweynaha Somaliland, Mudane Cabdiraxmaan Maxamed Cabdullahi (Cirro) iyo wafdi uu hoggaaminayo ayaa maanta u ambabaxaY dalka Jabuuti, halkaas oo ay uga bilaabatay booqasho qaadan doonto muddo saddex cisho ah.

Madaxtooyada Somaliland ayaa shaaca ka qaaday in Cirro uu casuumaad rasmi ah ka helay madaxweynaha dalkaasi, Ismaaciil Cumar Geelle, ayna yeelan doonaan wada-hadallo gaar ah.

Sidoo kale, waxaa madaxweynaha booqashadan ku wehlinaya xubno ka tirsan Golahiisa Wasiiradda iyo masuuliyiin kale oo ka mid ah xukuumadda, kuwaas oo qayb ka noqon doono wada-hadallada ay yeelan doonaan labada dhinac.

Cirro iyo Geelle ayaa si gaar ah kulankooda diiradda ugu saari doono xiriirka labada dhinac iyo danaha ka dhexeeya Somaliland iyo Jabuuti, sida ay sheegtay madaxtooyadu.

“Labada Madaxweyne ayaa ka wada hadli doonaa danaha u dhexeeya labada dal ee Jamhuuriyadda Somaliland iyo Jamhuuriyadda Djibouti” ayaa lagu yiri qoraalka.

Dhinaca kale, dowladda Jabuuti oo war kasoo saartay safarka Cabdiraxmaan Cirro ayaa iyaduna sheegtay inuu yahay mid lagu xoojinayo xiriirka labada dhinac.

“Aad baan ugu faraxsanahay inaan soo dhawayno madaxweynaha Somaliland, Mudane Cabdiraxmaan Maxamed Cabdillaahi Ciro. Djibouti iyo Somaliland waa laba laamood oo jirid mida ku yalla., Walaalo ilahay nawada dhaliyay, waana ahan doonnaa mar walba.”  ayuu yiri Wasiirka Maaliyada Jabuuti oo ka hadlay booqashada madaxweynaha Somaliland.

Waa safarkiisii ugu horreeyay ee uu Cirro ku tegayo dalka Jabuuti, tan markii loo doortay hoggaanka maamulkaasi, waxaana la filayaa in booqashadan ay dhaba cusub u furto labada dhinac.

Horay sidaan oo kale madaxweynaha Somaliland ayaa booqasho rasmi ah ugu tegay dalka Imaaraadka Carabta, isaga oo wada-hadallo muhiim lasoo yeeshay madaxda dalkaasi.

1...272829...3,523Page 28 of 3,523

Caasimada Online is a reputable and reliable source of news and information on Somalia. As the largest Somali news site, we are dedicated to providing our readers with accurate and up-to-date coverage of the country's politics, society, and culture. Founded in 2009 by a Somali-American journalist, Caasimada Online is owned by Caasimada Media Group and headquartered in Mogadishu. In addition to keeping our readers informed, we strive to promote democracy in Somalia. If you have any questions or comments, please don't hesitate to contact us at [email protected]

Important Links

Trending

Social Media

© Caasimada Online 2012 | All Rights Reserved