Posts | Caasimada Online | Isha Wararka Sugan

February 24, 2023

Maxaa wareejinta deegaan doorashada kursigii loo diiday Fahad Yaasin ka dhalan kara?

Muqdisho (Caasimada Online) – 275-ta kursi ee Golaha Shacabka ee Baarlamaanka Soomaaliya in kursi walba loo asteeyo deegaan doorasho gaar ah waa turjumida qabiil walba iyo halka uu dego deegaan ahaan, degmo ahaan ama gobol ahaan.

2021-kii kursiga HOP#124 ayaa la isku dayay in laga wareejiyo deegaan doorashadiisa magaalada Kismaayo, iyada oo la eegay danta shaqsiga ah ee xildhibaankii ku fadhiyay oo ahaa Cabdiraxmaan Dheere, kaas oo aaminsanaa in Axmed Madoobe kursi soo siineyn.

Gobolka Gedo ayaa lagu qoray xilligii lagu jiray asteynta kuraasta. Waxaa ka dhashay buuq xoog leh, beesha leh kursigaas waxgaradkooda, dhaqalinyaradooda iyo siyaasiyiintooda waxay tallaabadaasi ku tilmaameen raad-tir lagu sameynayo deegaan ahaanshahooda gobollada Jubbooyinka.

Diidmadii ugu adkeyd ayay kala hor-tageen, qaar ayaa ku tilmaamay isir sifeyn. Ugu dambeyn kursigii waxaa lagu soo celiyay magaalada Kismaayo, halkaas oo lagu doortay horraantii 2022.

Xaallad middaan lamid ah waxaa hadda ku sugan kursiga HOP#086. Guddiga KMG ah ee doorashooyinka Soomaaliya ee uu dhawaan magacaabay ra’iisul wasaare Xamza, kuwaas oo shaqadooda ay tahay inay qabtaan doorashada kuraasta banaan ee Golaha Shacabka ayaa habeen hore ku dhawaaqay in magaalada Muqdisho loo soo wareejiyay doorashada kursiga HOP#086.

Deegaan doorashada kursigan waxay aheyd magaalada Beledweyne. In kursigaan laga soo wareejiyo deegaan doorashadiisa waxay dadka qaarkii ku tilmaamayaan baneynta in berri meeshii la rabo la iska geysan karo kursigaan.

Sidoo kale waxay tallaabadan dhaawac mustaqbalka ah ku noqon kartaa metalaadda ay beeshan ku leedahay gobolka Hiiraan ee bartamaha Soomaaliya, xilli loo socdo in dalka u gudbo wax ku qeybsiga gobollo iyo degmooyin.

Iyada oo ay muuqato in kursiga HOP#086 loo boobayo musharaxa ay dowladda wadato ee Dr Maxamed Xaaji, haddana in dad dhan metalaadooddii deegaan loo burburiyo damac hal qof waa diiwaan aad u foolxun oo berri si taban u saameyn doona qofkii arrintaas ka dambeeyay.

Waxaa kale oo su’aal ah cidda berri xal sahlan u haysa haddii ay tallaabadan toos u wiiqdo metelaadda beeshan ee magaalada Beledweyne iyo guud ahaan gobolka Hiiraan.

Damaca noocaan ah waxa laga faa’iido karo waxa ka badan waxa uu si guud iyo si gaar ah-ba ugu dhimi karo dadka hadda ka shaqeynaya iyo guud ahaan beesha, ayay leeyihiin xubno beesha kursigaan leh ka tirsan oo aan la hadalnay.

Musharaxiinta u taagan kursigan marka laga reebo musharaxa ay dowladda wadato ayaa si weyn u cambaareeyay dhaawaca loo geystay asalka deegaan doorashada beesha iska leh kursiga HOP#086.

Sida uu sheegay guddiga KMG ah ee doorashooyinka waxaa kursigaan doorashadiisa la qabanaya 25-ka bishaan. Musharaxiinta u taagan kursigan waxay sheegeen in aanay ka hari doonin dhaqanka boobka ah ee loo geysanayo kursigaan.

Nearly 100 killed in three weeks of fighting in LasAnod

English

February 24, 2023

Nearly 100 killed in three weeks of fighting in LasAnod

LAsAnod (Caasimada Online) – The conflict between security forces and clan members in the Somaliland region of Somalia has claimed the lives of at least 96 people in the past two weeks, as reported by the director of the main hospital in LasAnod.

The hospital has also treated 560 wounded individuals. The senior clan chief had earlier claimed that the number of dead was 150, with 500 injured.

Somaliland declared independence from Somalia in 1991 but has not been acknowledged internationally.

Despite being perceived as a stable region in an otherwise tumultuous area, Somaliland has recently seen a surge in political tensions. The unrest has caused violence between government forces and pro-Somalia militias, resulting in the current conflict.

The fighting began on February 6 in LasAnod, a town that both Somaliland and Puntland, a semi-autonomous state of northeastern Somalia, claim.

The UN reports that more than 185,000 individuals have been displaced due to the violence.

On Thursday, eyewitnesses and clan leaders reported heavy fighting in LasAnod, with the town being bombarded by artillery and mortar shells. Hospitals have also been targeted, with the main hospital in LasAnod sustaining severe damage.

Women and children comprise an estimated 89% of the displaced population, with many forced to seek shelter under trees or inside schools that have been forced to shut.

The UN’s refugee agency also revealed that over 60,000 individuals have fled to Ethiopia’s Somali region to escape the violence.

In response to the situation, the UN has called on authorities to conduct a “credible and impartial investigation” into the clashes, warning that the humanitarian crisis in the region is already fragile.

Somaliland, with a population of 4.5 million, is a former British protectorate that prints its own currency issues its own passports, and elects its own government.

However, the lack of international recognition has left it impoverished and isolated. Despite this, it has been comparatively more stable than Somalia, which has been marred by civil war and Islamist insurgency for several decades.

Dhimashada dagaalka Laascaanood oo gaartay 96

February 24, 2023

Dhimashada dagaalka Laascaanood oo gaartay 96

Laascaanood (Caasimada Online) – Ugu yaraan 96 qof ayaa ku dhintay in ka badan laba toddobaad oo iska hor-imaadyo u dhexeeyay ciidamada Somaliland iyo kuwa deegaanka magaalada Laascaanood, sida uu sheegay agaasimaha Isbitaalka Laascaanood.

“Waxaan haynaa 96 dhimasho ah iyo 560 dhaawac ah,” ayuu Axmed Maxamed Xasan, oo ah maamulaha Isbitaalka weyn ee magaalada Laascaanood khadka telefoonka ugu sheegay wakaaladda wararka ee AFP.

Garaad Jaamac Garaad Cali, oo ah hoggaamiye beeleed caan ah, ayaa Arbacadii sheegay in 150 qof la dilay, 500 oo kalena lagu dhaawacay dagaalka Laascaanood.

Si kastaba ha ahaatee, bilihii ugu dambeeyay waxaa cirka isku shareeray xiisado siyaasadeed oo sababay rabshado ay ka dhasheen dhimasho iyo dhaawac.

Xafiiska QM ee Isku Xirka Arrimaha Bani’aadannimada (OCHA), ayaa sheegay in 185,000 oo qof ay ka barakaceen magaalada Laascaanood.

Bayaan kasoo baxay xafiiska OCHA ee Soomaaliya ayaa sidoo kale lagu sheegay in weli ay jiraan warbixino ku saabsan dagaallo socda inkasta oo xabad-joojin lagu dhowaaqay.

“In ka badan 185,000 oo qof ayaa la barakiciyey,” ayaa lagu yiri bayaanka, ayada oo shaqaalaha gargaarka ay la xarbinayaan inay ka jawaabaan xaaladda sababo la xiriira agabka oo aan ku filneyn.

Sida ay sheegtay OCHA, haweenka iyo caruurta ayaa ah 89 boqolkiiba shacabka la barakiciyey, ayada oo in badan ay gabbaad ka raadiyeen geedaha iyo iskuullada u xirmay dagaalka dartiis.

Ka sokow in tobanaan kun oo qof ay ku barakaceen gudaha Somaliland, in ka badan 60,000 oo qof ayaa u qaxay gobolka Soomaalida ee Itoobiya si ay uga baxsadaan rabshadaha, waxaa sidaas sheegtay hay’adda QM ee qaxootiga UNCHR.

Doorasho maanta ka socota dalka Jabuuti xilli la hadal-hayo cidda beddeleysa Geelle

February 24, 2023

Doorasho maanta ka socota dalka Jabuuti xilli la hadal-hayo cidda beddeleysa Geelle

Jabuuti (Caasimada Online) – Cod-bixiyayaasha Jabuuti ayaa maanta dooranaya baarlaman cusub ayada oo ay dhaceyso doorasho ay qaadaceen xisbiyada mucaaradka ee ugu weyn.

Xisbiga madaxweyne Ismaaciil Cumar Geelle ee talada haya ee Union for Presidential Majority (UMP), ayaa ah mid ka mid ah kaliya laba xisbi oo ka qeyb-galaya doorashada, islamarkaana ay huban tahay inuu ku guuleysan doono.

Qiyaastii 230,000, oo ah dad sharci u leh inay codeeyaan, ayaa dooranaya 65 xildhibaan oo baarlamanka fadhin doona muddo shan sano ah, ayada oo sharciga uu dhigayo in 25 boqolkiiba kuraasta ay helaan haweenka.

Isu soo-baxa ayaa u muuqday mid aad u hooseeya, sida ay werisay warbaahinta gudaha.

“Weligey ma codeyn, maantana ma codeyn doono. Ma xiiseynayo doorashada. Qoyskeyga oo idil ma codeyn doonaan sidoo kale,” waxaa sidaas yiri Moktar Abdi oo ah Injineer 30 jir ah.

Souad Elmi Siyad oo ah 64 jir howlgab ah ayaa tiri “doorasho kasta waxaan u codeeyaa isla dowladdii.”

Inkasta oo Jabuuti ay tahay dal aad u yar, haddana waxay ku taalla goob muhiim oo ah marinka Badda Cad, taasi oo ay u adeegsato inay kusoo jiidato maal-gashtayaasha iyo quwadaha militari ee shisheeye.

Codbixinta ayaa daba socota doorasho madaxweyne oo dhacday April 2021, taasi oo madaxweyne Geelle uu helay 97 boqolkiiba codadka, si uu markii 5-aad madaxweye u noqdo.

Labada xisbi ee ugu weyn mucaaradka ee MRD iyo ARD ayaa qaadacay doorashada maanta.

“Doorashada dalkeena weli ma ahan mid xor ah. Ma jirto daah-furnaan iyo dimoqraadiyad,” waxaa sidaas war-saxaafadeed ku yiri bishii Janaayo xisbiga MRD.

Doorashadii ugu dambeysay ee sharci-dejinta ee 2018, xisbiga UMP – oo ka dhashay xisbi Jabuuti xukumayey tan iyo xoriyaddii ay ka heshay Faransiiska 1977-kii – ayaa ku guuleystay 58 kursi.

Xisbiga UDJ, oo kuraas faro ku tiris ah ku guuleystay doorashadii 2018, ayaa ah midka kale ee ka qeyb-qaadanaya doorashada maanta.

“Wax kasta waa la sameeyey si loo xaqiijiyo in doorashada ay ku dhacdo jawi wanaagsan,,” waxaa sidaas maanta yiri wasiirka Arrimaha Gudaha Said Nouh Hassan.

Doorashada ayaa dhaceysa ayada oo ay jirto hadal hayn ku saabsan qofka ay suurtagal-ka tahay inuu beddelo madaxweyne Ismaaciil Cumar Geelle, oo ka mid ah hoggaamiyayaasha ugu xukunka dheer Afrika, kaasi oo dalka xukumayey tan iyo 1999-kii.

Benedikt Kamski, oo ah cilmi-baare ku takhasusay Geeska Afrika, oo ka tirsan machadka Arnold Bergstraesser ee Jarmalka, ayaa sheegay in xiisaha shacabka ee doorashada ay aad u yareyd.

Waxaa sidoo kale jirta hadal hayn ku saabsan cidda noqon doonta madaxweynaha xiga ee Jabuuti, oo ka iman kara labada qabiil ee Ciise iyo Cafar midkood, kuwaas oo ah labada qowmiyad ee ugu dadka badan.

“Dadka waxay is-weydiinayaan cidda beddelysa madaxweyne Ismaaciil Cumar,” ayuu yiri Kamski, oo soo jeediyey inay suurta-gal tahay in la doorto kahor 2026.

Geelle, oo ah kaliya madaxweynihii labaad ee Jabuuti ee tan iyo xoriyaddii, ayaan mar kale tartami karin, sababtoo ah waxaa xaddidaya dastuurki 2010, oo dhigaya inaanu madaxweyne u tartami karin qof ka weyn da’da 75 jirka.

VOA, AFP

Djibouti heads to the polls in parliamentary election marred by opposition boycott

February 24, 2023

Djibouti heads to the polls in parliamentary election marred by opposition boycott

Djibouti (Caasimada Online) – Djibouti held parliamentary elections on Friday, amidst a boycott by the main opposition parties, in what is seen as a precursor to a potential successor for the country’s President, Ismael Omar Guelleh.

Guelleh has been the country’s leader since 1999, ruling with an iron fist. His ruling Union for Presidential Majority (UMP) party is one of only two parties taking part in the election and is expected to win.

With just 230,000 eligible voters choosing 65 MPs for a five-year term, the law mandates that 25% of the seats must go to women. However, voter turnout appeared low, and local media reported a lack of enthusiasm among voters.

Djibouti is a strategically vital country at the mouth of the Red Sea. It has attracted foreign investors and military powers for its unique location.

In April 2021, Guelleh was re-elected for a fifth term as President with a whopping 97% of the vote. However, his leadership has faced criticism over its crackdown on press freedom and dissent.

The main opposition parties, including the Movement for Democratic Renewal and Development (MRD) and the Republican Alliance for Democracy (ARD), have boycotted the elections, claiming they are neither free, transparent, nor democratic. The MRD described the elections as a “charade” and questioned their legitimacy.

In the previous legislative ballot in 2018, the UMP emerged as the winner, securing 58 seats. The only other party running is the Union for Democracy and Justice (UDJ), which won a handful of seats in the last election.

Benedikt Kamski, a Horn of Africa researcher for Germany’s Arnold Bergstraesser Institute, said that public interest in the election is “very, very limited.”

With Guelleh reaching the age limit of 75, set by the 2010 constitution, he is not eligible to run again. Given the country’s clan dynamics and the balance between the two main communities, the Issa and the Afar, this has sparked speculation about who will be the next President.

Kamski suggested that a successor could be chosen before the 2026 presidential election.

Under Guelleh, Djibouti has leveraged its strategic location to invest heavily in ports and logistics infrastructure, receiving funding from abroad, particularly from China.

The country has also remained stable in a volatile neighborhood, flanked by Eritrea, Ethiopia, and Somalia, and across the sea from Yemen. Foreign military powers, including France, the United States, and China, have established bases there.

Xiisadda siyaasadeed ee Puntland oo gaartay meel sare iyo Golaha Ammaanka oo…

Wararka

February 24, 2023

Xiisadda siyaasadeed ee Puntland oo gaartay meel sare iyo Golaha Ammaanka oo…

Garoowe (Caasimada Online) – Xiisadda siyaasadeed ee ka taagan maamulka Puntlanda ayaa loo gudbiyay Golaha Amaanka Qaramada Midoobay, kadib markii uu sii xoogeystay khilaafka ka taagan doorashooyinka maamulkaasi.

Ku-xigeenka ergayga QM ee Soomaaliya ayaa warbixin la xiriirta xiisadda siyaasadeed ee Puntland oo salka ku haysa arrimaha doorashada doorashooyinka u gudbisay Golaha Amaanka QM.

Marwo Kiki Gbeho ayaa warbixintan ku sheegtay in khilaafka siyaasadeed uu hareeray diiwaan-gelinta maamulka Puntland, ayada oo xustay in mucaaridka ay ka biyo diideen nidaamka uu wax u wado maamulka Saciid Deni.

Waxay qirtay in khilaafka siyaasadeed uu xataa saameeyay laamaha amaanka Puntland, islamarkaana ay ku kala qeybsameen barnaamijka doorashada qof iyo cod, gaar ahaan diiwaan-gelinta cod-bixiyaasha.

“Puntland waxaa ka socday diyaar garow doorashada golayaasha deegaanka, inkasta oo dib u dhac ku yimid iiwaan-gelinta cod-bixiyaasha. Diiwaan-gelinta cod-bixiyaasha ee wejigeeda hore loo qorsheeyay in ay ku dhacdo bisha December 5-teedii ayaa la bilaabay 5-tii Janaayo si guddiga KMG ah ee doorashooyinka Puntland ay u xaliyaan tabashada ururka siyaasadd ee ku aadan hanaanka ay u socota,” ayay tiri.

“Gobolka Nugaal waxaa (diiwaan-gelinta cod-bixiyayaasha) kasoo horjeestay odayaasha dhaqanka iyo taliye sare oo ka tirsan ciidamada Kumaandooska, kuwaasi oo ku dooday in hanaanka doorashada uusan ku dhisneyn is-afgarad.”

Ku-xigeenka ergayga QM ee Soomaaliya ayaa sidoo kale waxay warbixinteeda ku sheegtay in natiijo la’aan kusoo dhamaadeen wada-hadalo dhexmaray xubno ka socda dowladda Puntland iyo mucaaridka kadib markii lagu kala kacay.

“Ciidamo hubeysan oo la safan mucaaridka ayaa u guuray Garoowe, waxayna rasaas is-weydaarsadeen ciidamo daacad u ah dowladda Puntland 6-dii bishaan. Iska hor-imaadkaas ayaa dhamaaday kadib markii odayaashu ay ku qanciyeen ciidamada hubeysan ee taageersan mucaaridka inay ka baxaan magaalada.”

Arrintan ayaa imaneysa xilli ay sii xoogeysatay xiisadda siyaasadeed ee ka taagan maamulka Puntland, taasi oo salka ku haysa khilaafka ka dhashay arrimaha doorashooyinka, gaar ahaan hanaanka ay kooxda Saciid Deni u wado diiwaan-gelinta cod-bixiyeyaasha.

Maamulka garoonka Aadan Cadde oo war soo saaray kadib fadeexaddii musuq

Wararka

February 24, 2023

Maamulka garoonka Aadan Cadde oo war soo saaray kadib fadeexaddii musuq

Muqdisho (Caasimada Online) – Maamulka garoonka diyaaradaha Aadan Cadde ee magaalada Muqdisho ayaa beeniyay in hakad uu ku yimid shaqadii garoonka, xilli uu sii xoogeystay musuq-maasuq baahsan oo halkaasi ka taagan.

War-saxaafadeed kasoo baxay maamulka garoonka diyaaradaha Aadan Cadde ayaa waxa lagu sheegay in wararka la xiriira in hakad uu ku yimid shaqadii ka socotay garoonka ay yihiin “dacaayado lagu faafiyay baraha bulshada iyo warbaahinta”, sida lagu yiri qoraalka.

“Maamulka waxa uu caddeynayaa in wararkaas aysan ahayn kuwo xaqiiq ah oo ay shaqada Garoonku sideedi u socoto. waxa bulshada Soomaaliyeed ku wargelinayaa in aysan ku kadsoomin wararka dacaayadda ah ee loogu tala-galay in bulshada lagu marin-habaabiyo laguna dhaawaco magaca garoonka,” ayaa lagu yiri war-saxaafadeedka kasoo baxay maamulka garoonka.

Qoraalka kasoo baxay maamulka garoonka diyaaradah Aadan Cadde ayaa u muuqda mid lagu daboolayo fadeexada ka taagan garoonka, taasi oo horseeday in shalay uu hakad ku yimaado shaqadii garoonka saacado kooban, sida ay ogaatay Caasimada Online.

Ilo-wareedyo lagu kalsoon yahay ayaa sheegaya in sababta ay tahay shidaal la’aan soo wajahday garoonka diyaaradaha ee Aadan Cadde, taasI oo saameyn ku yeelatay shaqadii guud ee garoonka.

Arrintan ayaa timid, kadib markii wasiirka Gaadiidka iyo Duulista Fardowsa Cusmaan Cigaal ay soo saartay waraaq ay shaqada uga joojisay shirkadii shidaalka geyn jirtay garoonka Aadan Cadde, waxaana arrintaas ay keentay in shidaal la’aan ay dhacdo.

Fardowsa ayaa lagu warramay inay dooneyso in shirkad ayada ku xiran ay siiso qanadaraaska shidaalka, si ay uga faa’iideysato dakhliga kasoo xaroonaya iibka shidaalka oo boqolaal kun oo dollar ah.

Xogta aan helnay ayaa sheegeysa in diyaaradaha ay shaqadooda hakadka gashay saacadaha kooban ay ka mid yihiin kuwa caalami iyo kuwa gudaha ah oo ku xayiran gudaha garoonka, kadib markii ay saameysay shidaal la’aanta garoonka ka taagan.

Arrintan ayaa sidoo kale sawir xun ka bixineysa garoonka Muqdisho oo ay maalin welba kusoo dagaan diyaarado kala duwan oo isaga kala goosha Soomaaliya iyo Caalamka.

Waxaa sidoo kale arrintaan ay kusoo aadaysaa, ayada oo uu shalay is-casilay wasiiru dowladihii Wasaaradda Gaadiidka iyo Duulista Hawada Maxamed Cali Cumar (Caana-nuug), kaas oo shaaciyay in musuq baahsan iyo ku takrifal awoodeed uu ka jiro wasaaraddaasi.

Wuxuu si gaar ah eedeynta ugu jeediyay wasiirka wasaaraddaasi, Fardowsa Cismaan Cigaal, isaga oo tilmaamay in ay xadgudub ku heyso muwaadiniinta Soomaaliyeed, isla-markaana Wasaaradda ay ka dhigtay meel lagu dhibo dad shacabka ah.

“In damiirkeygu isiin waayay inaan ka sii tirsanaado xafiis lagu dulminaayo muwaadiniin Soomaaliyeed, laguna fool xumeynaya Adeegga iyo kalsoonida ay umadda Soomaaliyeed ku qabtay wasaaradda gaadiidka iyo duulista Hawada” ayuu yiri Wasiir Caana-nuug.

Al-Shabaab oo sheegtay in howlgal nooc cusub ah ay ka billaabi doonto Muqdisho

Wararka

February 24, 2023

Al-Shabaab oo sheegtay in howlgal nooc cusub ah ay ka billaabi doonto Muqdisho

Muqdisho (Caasimada Online) – Afhayeenka howl-gallada kooxda Al-Shabaab Cabdicasiis Abuu Muscab ayaa ku dhawaaqay howl-gal uu sheegay in maleeshiyaadka kooxda ay ka billaabi doonaan magaalada Muqdisho ee caasimada dalka.

Abuu Muscab ayaa waxa uu sheegay in kooxda ay magaalada Muqdisho ka fulin doonto howl-gallo ay ku baacsaneyso kooxaha ciyaal weerada iyo kuwa ka ganacsada daroogada noocyadeeda kala duwan.

“Ciidankeena Muqdisho ka howl-gala waxay amar ku qabaan in ay tallaabo ka qaadaan dadka xummaantaas ku lug leh, cid walba oo arrimahaas gurrucan ku leh waxaan leenahay waan kaa war haynaa oo waan kugu soo soconnaa, waxaan kuugu baaqeynaa in aad ka towbad-keentaan xumaanta aad faraha kula jirtaan inta aanan kusoo gaarin,” ayuu yiri Abuu Muscab oo la hadlay warbaahinta kooxda.

Abuu Muscab ayaa sheegay in arrintaan ay daba socoto kadib cabashooyin badan oo uu sheegay in dadka Muqdisho u gudbiyeen kooxda, kuwaasi oo la xiriira halista ay kooxahaasi ku hayaan, sida uu hadalka u dhigay.

Kooxda Al-Shabaab ayaa sidoo kale u digtay goobaha habeenkii lagu caweeyo, oo ay sheegeen in xumaan lagu faafiyo, sida ay baahisay warbaahinta kooxda.

Hadalkan kasoo yeeray Afhayeenka howl-gallada kooxda Al-Shabaab ayaa imanaya xilli kooxda looga adkaaday dagaalka ka dhanka ah ee ka socda gobollada dalka, wallow ay weli weeraro iyo dilal qorsheysan ay kooxdu ka geysato magaalada Muqdisho.

Kooxdan ayaa iyadu inta badan sheegata inay ka shaqeyso masaalixda bulshada, hase yeeshe xaqiiqadu waa ka duwan tahay taasi, waxayna dhawaan Culimada Soomaaliyeed ay sheegeen inay yihiin Khawaarij.

Dagaalka Al-Shabaab ayaa tan iyo markii uu billowday waxaa lagu gaarsiiyay jab xoogan, ayada kooxda lagala wareegay deegaano horleh oo sanado badan ku jiray gacantooda.

Mareykanka oo soo saaray sharci ay tahay inay ogaadaan Soomaalida usoo tahriibeysa

February 24, 2023

Mareykanka oo soo saaray sharci ay tahay inay ogaadaan Soomaalida usoo tahriibeysa

Washington (Caasimada Online) – Maamulka madaxweyne Joe Biden ayaa soo jeediyey xeerar cusub oo ka dhan ah dadka magan-galyo doonka ah, kuwaasi oo uu sheegay inay yareyn doonaan dadka imanaya xuduudda koonfureed ee Mareykanka.

Xeerarka cusub ayaa sheegaya in muhaajiriinta imanaya xuduudda ee kadib soo galaya Mareykanka ayaga oo is-dhiibaya aysan xaq u yeelan doonin in magan-galyo la siiyo.

Kumanaan qof, oo ay ku jiraan Soomaali, balse badankood ah dad ka iamanaya dalalka Latin America ayaa marka ay Mareykanka kasoo galaan xuduudda Mexico is-dhiiba ayaga oo magan-galyo dalbanaya.

Hase yeeshee sharciga cusub ayaa dhigaya in qofka kahor inta aanu iman xuduudda uu marka hore codsi kasoo gudbisto app-ka Waaxda Kastamka iyo Ilaalada Xuduudda ee Customs and Border Patrol (CBP), ama uu kasoo codsado mid ka mid ah dalalka ay soo marayaan kahor inta aanay xuduudda iman.

Haddii qofka aanu sidaas soo sameyn, uu iska yimaado xuduudda kadibna dalbado magan-galyo lama siin doono, sida sharciga uu sheegayo.

Toddobaadyadii dhowaa waxaa jiray Soomaali badan oo soo hela Visa-ha Mexico ama dalalka kale ee Latin America, kadibna xuduudda iska soo dhiiba, balse sharcigan wuxuu hadda ku qasbayaa inay marka codsi ka sameeyaan online.

Si kastaba, arrinta dhibka leh ayaa ah in haddii qofki codsi uu sameeyo, uu sugo illaa ballan-looga qabanayo, taasi oo qaadan karta sanado badan, marka la eego sida ay u badan yihiin dadka doonaya inay soo galaan Mareykanka, oo sanadkii dhan 200,000 oo qof.

Tallaabadan ayaa waxaa cambaareeyey hay’adaha u dooda xuquuqda muhaajiriinta oo sheegay inay la mid tahay kuwii madaxweyne Donald Trump ee aadka u adkaa, oo wax aan macquul aheyn ka dhigay in magan-galyo laga codsado Mareykanka.

“Mamnuucistan magan-galyo doon waxay albaabka ka xiri doontaa qaxooti aan xisaab laheyn oo badbaado iyo amni ka raadinaya Mareykanka,” waxaa sidaas tiri Abby Maxman oo ah madaxweynaha hay’adda Oxford America.

“Siyaasaddan waa sharci-darro aan laheyn dareen oo khasaare cabsi badan gelin doonta caruur, haween iyo rag raadinaya badbaado,” ayey tiri.

Si kastaba mamulka Biden ayaa ku dooday inuu ku qasban yahay xeerkan si loo yareeyo qaska ka jira xuduudda, kadib markii Congress-ka uu ku guuldarreystay inuu go’aan ka gaaro arrinta muhaajiriinta.

“Waxaan xoojinaynaa helitaanka hab sharci iyo nidaam ah oo ay muhaajiriinta ku iman karaan Mareykanka, annagoo islamarkaana soo jeedinayna cawaaqib cusub oo ay marayaan kuwa ku guuldarreysta inay adeegsadaan hanaanka la heli karo,” waxaa sidaas yiri Xoghayaha Amniga Gudaha Mareykanka Alejandro Mayorkas.

Saraakiisha ayaa sheegay in xeerarka cusub ay yihiin kuwa ku-meel gaar ah oo dhici doona 24 bil kadib, balse ma sheegin waxa lagu beddeli doono.

Musharaxiinta HOP#086 oo war culus soo saaray kadib tallaabadi guddga doorashada

Wararka

February 24, 2023

Musharaxiinta HOP#086 oo war culus soo saaray kadib tallaabadi guddga doorashada

Muqdisho (Caasimada Online) – Musharaxiinta u taagan kursiga HOP#086 ayaa si adag uga hadlay go’aankii habeen hore kasoo baxay guddiga KMG ah ee doorashooyinka kuraasta ka bannaan Baarlamaanka 11-aad, kaasi oo uu guddiga si KMG ah doorashada kursigan ugu soo wareejiyay magaalada Muqdisho.

Musharaxiintan oo shan ah ayaa waxay ku tilmaameen waraaqda kasoo baxay guddiga KMG ah ee doorashooyinka mid sharci darro ah, oo laga leeyahay dano gaar ah, islamarkaana ayna jirin duruufo qasbaya xilligaan in kursiga HOP#086 looga soo wareejiyo deegaan doorashadiisa oo aheyd magaalada Beledweyne.

Musharaxiintan oo kala ah Cabdinuur Maxamed Axmed, Dr. Cabdicasiis Maxamed Mataan, Khaalid Muxumed Gaabane, Dr. Cumar Faaruuq Sheikh Cabdiciis iyo Maxamuud Cabdiraxmaan Macalin ayaa waxay dalbadeen in doorashada kursigan dib loo waafajiyo habraaca ku cad ah qaraarkii barlamaaniga ahaa, si lamid ah kuraasta ay baneeyeen ra’iisul wasaare Xamza Cabdi Barre iyo Taliyaha NISA Mahad Maxamed Salaad.

“Anaga oo joogna guriga madaxweynaha HirShabelle ayay warqadan soo dhacday, madaxweynaha markii aan wax ka weydiinay wuxuu noo sheegay in uusan wax ka ogeyn lagana tashan. Waxaa weydiinay inay jiraan duruufo kursigan looga soo wareejiyay HirShabelle, wuxuu noo sheegay in duruuf jirin oo HirShabelle lamid tahay maamulada kale,” ayuu yiri Cabdinur Maxamed Axmed oo kamid ah musharaxiinta u taagan kursiga HOP#086.

Sidoo kale waxay sheegeen inay rabaan in tartanka laga dhigo mid furan oo doorashada ay ka qeyb-galaan, balse aysan ogolaaneyn in kursiga laga dhigo mid wareegto la iskaga magacowdo ciddii la rabo, sida ay hadalka u dhigeen.

“Waxaa diyaar u nahay in aan galno tartan furan. Dowladda maadama ay iyada dhaqaalihii iyo amnigii haysatay oo wax walba haysato, anagii oo intaas haysan ayaa diyaar u nahay in aan la tartano cid kasta oo ay riixayso laakiin garoon loo siman yahay oo daah-furan ayaa diyaar u nahay,” ayuu yiri Musharax Cabdinuur Maxamed Axmed.

Cabdinuur ayaa sidoo kale qoraal uu ku baahiyay bartiisa Facebook ayaa waxa uu sheegay ku sheegay in qaar kamid ah odayaashii dhaqanka ee beesha iska leh kursigaan guryahooda loogu tagay, laguna handaday inay la kulmayaan cawaaqib xumo haddii aysan kursigan ka aamusin.

“5 musharax oo aan ku jiro ayaa loo diiday inay galaan gudaha Xarunta Guddiga ee Hotel Shabeel xilli ay shaqo ka socoto oo lagu diiwaangalinayo odayaal. Haddii Musharax Cabdinuur laga urinayo maamulkii hore, maxaa musharixiinta kale fursad loo siin waayay?.”

Guddiga KMG ah ee doorashooyinka kuraasta ka bannaan Baarlamaanka 11-aad ayaa habeen hore shaaciyay in kursigan oo markii hore deegaan doorashadiisu aheyd magaalada Beledweyne si KMG ah loogu soo wareejiyay magaalada Muqdisho.

Sidoo kale guddiga ayaa shaaciyay jadwalka doorashada ee kursigan, xilli uu muran badan uu ka taagan yahay kursigaan, oo lasoo warinayo in Villa Somalia ay shaqsi gaar ah u xireyso.

Qoraalka kasoo baxay guddiga ayaa waxaa lagu sheegay in doorashada kursigan ugu dambeyn la qaban doono 25-ka bishaan Febraayo ee sanadka 2023-ka

“Guddiga KMG ee doorashooyinka kuraasta ka bannan Baarlamaanka 11aad, asagoo gudanaaya waajibaadka qaran ee loo igmaday wuxuu shaacinayaa jadwalka doorashada kursiga tirsigiisu yahay GSH#086, kaasi oo deegaan doorashadiisu tahay magaalada Beledweyne, laakin si KMG loogu soo wareejiyay caasimada qaranka ee Muqdisho,” ayaa lagu yiri warka qoeraalka ah ee ka soo baxay duddiga KMG ah ee doorashadan.

Tallaabada uu guddiga uu qaaday ayaa kusoo aadeysa, ayada oo Beesha Reer Aw-Xasan oo iska leh kursiga HOP0#86 ay bayaan culus ka soo saartay doorashadiisa.

Odayaasha dhaqanka ee beesha ku eedeeyay guddiga KMG ah ee doorashooyinika kuraasta bannaan, wasiir Faarax Cabdulqaadir iyo ra’iisul wasaare Xamza in ay si wadajir ah uga shaqeynayaan duud-siinta xuquuqda odayaasha beesha ee kursigan iyo warejintiisa.

“Waxaan caddeynaynaa in Deegaan doorashada Kursiga HOP086 ay tahay Degmada Beledweyne, mana jiro go’aan lagu soo wareejinayo ama heshiis odayaasha dhaqanku ay ka gaareen arrintaas,” ayaa lagu yiri bayaanka kasoo baxay guddiga dhaqanka ee reer Aw-Xasan.waayay?.”

Mareykanka oo Somaliland ku billaabay cadaadis la xiriira dagaalka Laascaanood

February 24, 2023

Hargeysa (Caasimada Online) – Mareykanka ayaa kordhiyay cadaadiska uu Somaliland ku saarayo xiisadda dagaal ee ka taagan magaalada Laascaanood ee gobolka Sool.

Dowladda Mareykanka ayaa waxay Somaliland ku cadaadineysa in ay ka dhabeyso xabad joojintii ay kal hore ku dhawaaqday, islamarkaana xiisadda taagan xal looga gaaro miiska wada-hadalka.

Safiir ku-xigeenka Mareykanka ee Soomaaliya oo booqasho aan hore loo sii shaacin ku tegay magaalada Hargeysa ayaa waxa uu madaxtooyada Somaliland kulan kula yeeshay madaxweyne Muuse Biixi.

Danjire Tim Trenkle iyo madaxweyne Muuse Biixi ayaa ka wada-hadlay xiisadda dagaal ee ka taagan magaalada Laascaanood, taasi oo gashay toddobaadkii saddexaad.

Madaxweynaha Somaliland ayaa Danjiraha warbixin ka siiyey xaaladda ka taagan magaalada Laascaanood, ayaga oo labada dhinac isla qaatay in gargaarka bini’aadannimo aan la carqaladeyn.

Somaliland oo iyaduna qoraal kasoo saartay kulanka Muuse Biixi iyo Amb. Tim Trenkle ayaa waxa lagu sheegay in kulankaasi uu ku dhammaaday is afgarad buuxa.

Kulankan ayaa waxaa madaxweyne Biixi ku wehlinaayey wasiirrada arrimaha dibadda iyo iskaashiga caalamiga ah Dr Ciise Keyd Maxamuud iyo warfaafinta dhaqanka iyo wacyi-gelinta Saleebaan Yuusuf Cali Koore.

30 Shabaab ah oo lagu dilay howlgal ka dhacay Mudug

Wararka

February 24, 2023

30 Shabaab ah oo lagu dilay howlgal ka dhacay Mudug

Xarardheere (Caasimada Online) – Ku dhawaad 30 maleeshiyaad ka tirsan kooxda Al-Shabaab ayaa lagu dilay howl-gal shalay ka dhacay deegaan ka tirsan gobolka Mudug, sida lagu shaaciyay qoraal kasoo baxay maamulka Galmudug.

Ciidamada xoogga dalka, kuwa Daraawiishta Galmudug iyo kuwa dadka deegaanka ayaa howl-galkan ka fuliyay deegaanka Faarax Aadan, kaasi oo markii dambe kusii fiday deegaanka Wadaariq oo ay argagaxisadu ku laheyd saldhig weyn, sida lagu yiri qoraalka Galmudug.

Dagaal culus oo saacado badan socday kadib ayaa la sheegay in ciidamada ay halkaasi ku jabiyeen maleeshiyaadka kooxda Al-Shabaab, iyaga oo ka saaray godadkii ay ku dhuumaleysanayeen.

“Khawaarijta Joogta Galmudug, gaar ahaan gobolka Mudug ayaa ku jira maalmahoodii ugu adkaa, kuwaas oo wajahaya cuna-qabateyn iyo dagaallo toos ah, waxaana hubkoodii ka furanaya shacabkii ay muddada fog dhibaatada ku hayeen,” ayaa lagu yiri qoraalka kasoo baxay maamulka Galmudug.

Dowlad-goboleedka Galmudug ayaa ugu dambeyntiina u mahad-celisay saaxiibada caalamiga ah oo iyagu gacan weyn ka geystay jabinta kooxda Al-Shabaab.

Maleeshiyaadka Al-Shabaab ayaa laga dilay 48 saac gudahood in ka badan 50 xubnood, ayada dowladda ay Arbacadii shaacisay in howl-gal ka dhacay gobolka Hiiraan lagu dilay 22 xubnood oo ka tirsan kooxda Al-Shabaab.

Howl-galkaasi ayaa waxa fuliyay ciidan ka tirsan kuwa hay’adda Nabad-Sugidda iyo Sirdoonka Qaranka ee NISA, sidoo kale waxaa qeyb ka ahaa saaxiibada caalamiga ee Soomaaliya ka taageera howl-galada.

Maleeshiyaadkaasi ayaa waxaa qayb ka ahaa xubno ka soo firxaday howl-galkii 21-kii bishaan ka dhacay Tuulada Cadalay oo hoostagta degmada Mahadaay ee gobalka Shabeellaha Dhexe.

Dhawaan unbay aheyd markii ay dowladda federaalka shaacisay in kooxda Al-Shabaab ay ka dishay 80 dagaalame, islamarkaana dhaawacyo badan looga qabtay kooxda, kadib dagaal ka dhacay gobolka Mudug.

Dagaalka ka dhanka kooxda Al-Shabaab ayaa tan iyo markii uu ka billowday dalka, waxaa kooxda lagu gaarsiiyay jab xooggan, ayada oo laga xoreeyay deegaano horleh oo sanado badan ku jiray gacantooda.

Maxay QM ku sheegtay sanadkii ugu horreeyey ee madaxweyne Xasan Sheekh?

Wararka

February 24, 2023

Maxay QM ku sheegtay sanadkii ugu horreeyey ee madaxweyne Xasan Sheekh?

New York (Caasimada Online) – Xoghayaha guud ee QM Antonio Guterres ayaa Arbacadii sheegay in sanadkii 2022 uu ahaa kii ugu dhimashada badnaa shacabka Soomaaliya tan iyo 2017, sababo la xiriira inay kordheen weerarada khasaraaha badan ee kooxda Al-Shabaab.

Sanadkii 2022, ayaa sidoo kale ahaa kii ugu horreeyey ee madaxweyne Xasan Sheekh, wuxuuna xilka hayey 8 bil iyo bar ka mid ah sanadka.

Soomaaliya, oo sidoo kale wajaheysa abaaro darran, ayaa la kulantay koror weeraro ayada oo ciidamada dowladda iyo maleeshiyada Macawiisleyda ay qaadayaan dagaal “aan waxba loola harin” oo ka dhan ah Al-Shabaab.

“Weerarada sii socda ee Al-Shabaab, oo dhaliyey xadgudubyo ka dhan ah xuquuqda aadanaha, rabshado galmo oo dagaalka la xiriira iyo kororka khasaaraha dhimasho ee shacabka, waa wax aad looga naxo,” ayuu Guterres ku yiri warbixin uu u gudbiyey Golaha Ammaanka QM.

Intii lagu guda jiray muddada dib u eegista lagu sameeyey, oo ah dabayaaqadii August 2022 illaa horraanta February 2023, Guterres ayaa sheegay in xafiiska QM ee Soomaaliya ee UNSOM uu diiwaan-geliyey in khasaaraha shacabka uu sare u kacay 153 boqolkiiba oo uu gaaray 1,059, oo ay ku jiraan 382 dhimasho, kuwaas oo badankood lagu eedeeyey Al-Shabaab.

“Kororka khasaaraha ayaa 2022 ka dhigaya kii ugu dhimashada badnaa shacabka Soomaaliya tan iyo 2017,” ayuu yiri Guterres.

Bilihii dhowaa, ciidamada Soomaaliya iyo maleeshiyada Macawiisleyda ayaa deegaano badan kula wareegay howlgallo ay taageerayaan duqeymaha Mareykanka.

Hase yeeshee kooxda Al-shabaab, oo muddo 15 sano la dagaalameysay dowladda federaalka, ayaa weli maamusha qeybo ka mid ah baadiyaha dalka, waxayna sii wadaan inay qaadaan weeraro aargudasho.

Weerarkii ugu dhimashada badnaa tan iyo markii uu billowday howlgalka dowladda bartamihii sanadkii tegay, wuxuu ahaa mid ay kooxda ka fulisay aagga xarunta wasaaradda waxbarashada Soomaaliya ee Muqdisho bishii October, kaasi oo ay ku dhinteen 121 qof.

Hase yeeshee, Guterres ayaa ku booriyey mas’uuliyiinta Soomaaliya inay xaqiijiyaan in tallaabooyinka “ka-hortagga argagixisanimada” aysan ku xadgudbin xoriyadda hadalka, wuxuuna sheegay “inuu aad uga walaacsan yahay” xariga sharci-darrada ah ee suxufiyiinta iyo shaqaalaha warbaahinta.

Waxa uu sheegay in dagaalka socda iyo amni-darrada ay guryahooda ka qaxiyeen 600,000 oo qof sanadkii tegay “ayna weli caqabad ku yihiin howlgallada bani’aadaminimo.”

Qiyaastii 1.3 milyan oo qof oo kale, oo 80 boqolkiiba ah haween iyo caruur, ayaa ku barakacay gudaha Soomaaliya, sababo la xiriira abaarta ku dhufatay Bariga Afrika.

Inkasta oo heerka macluusha aan weli la gaarin, haddana Guterres wuxuu sheegay in 8.3 milyan oo qof – oo ah kala bar shacabka Soomaaliya – ay sanadkan u baahnaan doonaan gargaar bani’aadaminimo.

Kadib shan sano oo roobabka aanay u da’in sidii loo baahnaa, abaarta ayaa noqotay tii ugu muddada dheereyd uguna darneyd ee taariikhda dhow ee Soomaaliya.

Guterres wuxuu sheegay in isu gaynta heerka dhimashada ay u badnaan karto si la mid ah macluushii ugu dambeysay Soomaaliya oo dhacday 2011, markaasi oo 260,000 oo qof – oo kala bar ay ahaayeen caruur da’doodu ka yar tahay da’da lix jirka – ay gaajo u dhinteen.

AFP, VOA

Shabaab oo ku jirta rafashadii ugu dambeysay ee dhaqaale iyo tallaabooyin ay qaaday

February 24, 2023

Shabaab oo ku jirta rafashadii ugu dambeysay ee dhaqaale iyo tallaabooyin ay qaaday

Muqdisho (Caasimada Online) – Kooxda Al-Shabaab oo aad ugu jabtay dagaalkii wajiyada kala duwan lahaa ee dowladda Soomaaliya u qorsheysay kal hore ayaa ku jirta rafashadii ugu dambeysay ee dagaalka dhaqaale kadib tallaabooyinkii is-xigxigay ee dowladda federaalka Soomaaliya.

Dagaalka dhinaca dhaqaalaha ayaa ahaa kii ugu darnaa ee kooxda naafeeyay tan iyo markii uu billowday howl-galka dib u xoreynta dalka, maadama dhowrkii billood ee lasoo dhaafay laga xanibay malaayiin doollar oo markii hore ay si xoog ah uga qaadeen shacabka Soomaaliyeed

Kooxda Al-Shabaab oo ku jirta rafashadii ugu dambeysay ee dhanka dhaqaalaha ayaa waxay bilaabeen in ganacsatada ugu yeeraan deegaanka Kuuya-Barow oo dhaca cirifka Koonfureed ee gobolka Shabeellaha Hoose, oo ah xad ay wadaagan gobolka Jubbada Dhexe, sida ay ogaatay Caasimada Online.

Farriimo cabasho u badan oo ay la wadaageen qaar kamid ah ganacsatada Soomaaliyeed, farriimaha ka yimid Shabaab oo aan helnay ayaa sidoo kale waxaa ganacsatada waaweyn looga dalbanayay inay tagaan degmada Jilib ee gobolka Jubbada Dhexe, taasi oo masaafo ahaan uga fog halka ay markii hore kooxda ugu yeeri jirtay ganacsatada oo aheyd deegaano aan ka fogeyn caasimada.

Balse jabka gaaray bilihii lasoo dhaafay darteed ayaa keentay in Jilib iyo Jubbada Dhexe ku uruurto, sida ay sheegeen dadka sida dhow ula socda dagaalka ka dhanka ah Al-Shabaab ee ka socda qeybo badan oo dalka.

Xubno ka tirsan ganacsatada helay fariimaha kooxda Al-Shabaab ayaa la wadaagay laamaha amaanka ee dowladda federaalka, maadaama ay dowladda hore usoo saartay digniino la xiriira la-macaamilka Shabaab, gaar ahaan dhanka maaliyada.

Sida ay ogaatay Caasimada Online, xubnaha ganacsatada ee farriimaha kooxda Al-Shabaab la wadaagay dowladda ayaa kooxda ka dansaday telefoonadii ay hore ugala soo xiriireen, si ay u yareeyaan cadaadiska uga imaanaya kooxda, oo farriimaheeda ku ladhnaayeen hanjabaado horleh.

Tan iyo markii uu si rasmi ah u billowday dagaalka Al-Shabaab ee dhanka dhaqaalaha ayaa waxaa kooxda laga xanibay in ka badan 250 akoono bangi iyo malaayiin dollar oo ku jirtay akoonadaasi, taasi oo kooxda gaarsiisay jab ka daran kan millatari ahaan u gaaray.

Kooxda Al-Shabaab ayaa sidoo kale dagaalka ka dhanka ah ee tooska ah ku weyday kumanaan maleeshiyaad iyo horjoogayaal iskugu jira iyo weliba magaalooyin ka badan 50, sida ay sheegtay dowladda federaalka Soomaaliya.

Sawirro: Aadan Madoobe oo ka degay Baghdad + Ujeedka

Wararka

February 24, 2023

Baghdad (Caasimada Online) – Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Madoobe iyo wafdi uu hoggaaminaayo ayaa xalay gaaray magaalada Baghdad ee caasimada dalka Ciraaq.

Guddoomiyaha iyo wafdigiisa ayaa waxaa garoonka diyaaradaha Baghdad ku soo dhaweeyay danjiraha Soomaaliya ee Ciraaq Amb. Liibaan Sheekh Maxamuud (Maalinguur).

Sheekh Aadan Madoobe iyo wafdigiisa ayaa intaas kadib waxaa loo gudbiyey hoyga martida, waxaana halkaasi ku soo dhaweeyay Guddoomiyaha Midowga Baarlamaanka Carabta ahna Guddoomiyaha Baarlamaanka Ciraaq, Mudane Muhamed Al-Halbousi.

Guddoomiye Aadan Madoobe ayaa dhigiisa dalka Ciraaq Mudane Muhamed Al-Halbousi uga mahad-celiyay soo dhoweynta diiran ee loo sameeyay isaga iyo wafdigiisa.

Sheekh Aadan Madoobe iyo wafdigiisa ayaa magaalada Baghdad ee caasimada dalka Ciraaq uga qeyb-galaya meertada 34-aad ee Midowga Baarlamaannada Carabta, sida lagu sheegay qoraal kasoo baxay xafiiska guddoonka.

Guddoomiyaha ayaa sidoo kale inta uu ku sugan yahay caasimada dalka Ciraaq ee Baghdad ayaa waxa uu kulamo doceedyo kala duwan la yeelan doona madaxda kala duwan ee ka qeyb-galeysa shirweynaha Midowga Baarlamaannada Carabta.

Wasaaradda A/Dibedda oo ka laabatay qandaraaskii fadeexadda culus dhaliyey

February 24, 2023

Wasaaradda A/Dibedda oo ka laabatay qandaraaskii fadeexadda culus dhaliyey

Muqdisho (Caasimada Online) – Dowladda Somaaliya ayaa beenisay in shirkad gaar ah loo xiray dal-ku-galka Kenya kadib caro ka dhalatay warqad ay waraabinta heshay oo 15-kii Febraayo kasoo baxday wasaaradda arrimaha dibedda.

Warqaddaas oo Arbacadii ay daabacday Caasimada Online ayaa tilmaameysay in dowladda Soomaaliya ay u ruqsad ku siisay hal shirkad oo uu magaceedu yahay Global Tour and Travel Services inay loo maro codsiyada dal-ku-galka Kenya.

Hase yeeshee, warqad ay xalay soo saartay wasaaradda arrimaha dibadda ayaa lagu beeniyay in dowlada Somaaliya ay shirkad gaar ah u xil saartay dal-ku-galka Kenya.

“Waxaan dooneynaa in aan adkeyno in dowladda Soomaaliya aysan ruqsad ku siin hay’ado ama shaqsiyaad fududeeya codsiyada dal-ku-galka Kenya iyaga oo matalaya muwaadiniinta Soomaaliyeed,” ayaa lagu qoray warqadda wasaaradda.

Xog ay heshay Caasimada Online ayaa sheegeysa in Villa Somalia ay culeys ku saartay wasaaradda arrimaha dibada inay ka shaqeyso fulinta heshiis-kii Soomaaliya iyo Kenya ee ahaa in dadka Soomaaliyeed dal-ku-galka ay ka qaataan xuduuddaha iyo garoomada diyaaradaha Kenya dhib la’aan.

Madaxtooyada ayaa la sheegay inay aad uga carootay arrintan oo ay u aragtay mid sumcad dil ah, sidoo kalena dhibaato ku ah shacabka doonaya dal-ku-galka Kenya.

Wasaaradda arrimaha dibedda sidoo kale warqadda ay soo saartay ku sheegtay inay ka rajeynayso dowladda Kenya inay fuliso heshiiskii ku saabsanaa fududeynta isku socodka muwaadiniita kaasoo Soomaaliya iyo Kenya ay wada saiixdeen 15-kii July, 2022.

“Waxaan caddeyneynaa in dowladda Soomaaliya ay ka rajeyneyso dowladda Kenya in ay dhaqangeliso heshiiskii ahaa in dal-ku-galka la siiyo dadka baasaboorka Soomaaliga ah sita marka ay soo gaaraan dalka Kenya, sida ku cad war-murtiyeedkii wadajirka ahaa ee 15-kii July, 2022” ayaa lagu sheegey warqadda.

Hoos ka aqriso warqadda

DF iyo Bangiga Adduunka oo wada-hadal cusub yeeshay

Wararka

February 24, 2023

DF iyo Bangiga Adduunka oo wada-hadal cusub yeeshay

Muqdisho (Caasimada Online) – Wasiirka Wasaaradda Kalluumeysiga iyo Dhaqaalaha Buluugga ah ee Xukuumadda Federaalka Soomaaliya Axmed Xassan Aadan ayaa xafiiskiisa ku qaabilay wafdi heer sare ah oo ka socday Bangiga Adduunka.

Wafdiga ka socda Bangiga Adduunka ayaa kala ah Julien Million iyo Miguel Angel Jorge, kuwaasi oo maalmihii lasoo dhaafay u joogay magaalada Muqdisho mashaariicda uu Bangiga ka fuliyo Soomaaliya.

Wafdinga ka socda Bangiga Adduunka ayaa wasiirka la wadaagay warbixin ku saabsan mashaariicda horumarineed, gaar haan kuwa la xiriira Kalluumeysiga ee Bangiga uu qorsheynayo in ay ka fuliyaan dalka.

Waxay si gaar ah wafdigan faah-faahin uga siiyeen wasiirka qorsheyaasha socda ee la xiriira mashaariicda Kalluumeysiga iyo dhaqaalaha Buluugga ah lagu horumarinayo ee Banhiga Adduunka iyo wasaaradda, sida lagu yiri qoraal laga soo saaray kulankaan.

Wasiirka Wasaaradda Kalluumeysiga iyo Dhaqaalaha Buluugga ah ayaa wafdigan uga mahad-celiyey imaatinkooda caasimadda dalka ee Muqdisho iyo warbixinta ay la wadaageen.

Sidoo kale waxa uu ballan-qaaday in ay wasaaraddu si hufan ugala shaqeyn doonto hirgalinta mashaariicda ay qorsheynayaan in ay ka fuliyaan dalka, gaar ahan kuwa la xiriira horumarinta Kalluumeysiga.

Mashaariicda Kalluumeysiga iyo dhaqaalaha Buluugga ee ay ka wada-shaqeynayaan DF iyo Bangiga Adduunka ayaa ujeedkiisu yahay sidii loo horumarin lahaa Kalluumeysiga gudaha si loo gaaro isku filnaasho dhaqaale oo waara.

Daallo Airlines taps ACC Aviation to expand fleet

English