25.5 C
Mogadishu
Friday, January 2, 2026

Gaari isku dayey inuu Villa Somalia ku galo xoog iyo warar sheegaya in….!

Asad Cabdullahi Mataan
-
0

Muqdisho (Caasimada Online) – Ciidamada Ilaalada ee Madaxtooyada Magaalada Muqdisho, ayaa waxay xalay fashiliyeen gaari loo fishay in uu ku sii jeeday gudaha Madaxtooyada, markii ay Ciidanka rasaas ku furayn.

Gaarigaan oo ahaa caasi/hoomeey, ayaa waxaa la soo sheegayaa in uu xowli ku soconaayay, isla-markaana uu Madaxtooyada doonaayay in uu ka galo albaabka ku beegan dhinaca Iskuuka 15 May ee Degmada Wardhiigleey.

Ciidanka Ilaalada ee Madaxtooyada oo dareen ka muujiyay gaarigaasi, ayaa waxay u adeegsadeen rasaasta nool nool, iyadoo wadihii gaariga uu durbaba bilaabay in uu dib u gurto.

Ciidamada Madaxtooyada, ayaa rasaas ku ridaayay gaarigaasi ilaa uu ka kala wareego Barxaddii Degmada Wardhiigley, waxaase wax layaab leh lagu tilmaamay sida ay Ciidanku ugu fashilmayn in ay gacanta ku soo dhigaan gaarigaasi.

Rasaastii ay ridayeen Ciidanka Dowladda, ayaa waxaa ku dhaawacmay nin dukaan ganacsi ku heystay agagaaraha Barxadda Wardhiigley, kaasoo dhaawaciisa goor dhow la gaarsiiyay Isbitaalka Daaru Shifaa, ee Wadada Maka Al-mukarama.

Dadka ku dhaqan aaggaasi oo isugu soo baxay dhacdadaasi, ayaa si weyn u hadalhaaya gaariga xalay ka baxsaday gacanta Ciidanka Ilaalada ee Madaxtooyada Magaalada Muqdisho.

Sidoo kale dadka, ayaa isla dhex maraaya in gaariga uu la socday hal nin oo kaliya, inkastoo aynaan kala cadayn in kurasaasta laga soo dejiyay iyo in kale, ayna dhex fadhiyeen rag diyaarsanaa.

Si kastaba ha-ahaatee Ciidanka Ilaalada ee Madaxtooyada oo rasaas xoog leh u adeegsaday gaarigaasi caasiga ah, ayaa waxay xitaa ku guul dareystaan in ay ka toogtaan taayeerada.

Caasimada Online
Xafiiska Muqdisho
[email protected]

XOG: Khilaaf ka dhex jirra SAFAARADA SOMALIA ee Nairobi + Gacan ka hadal

Asad Cabdullahi Mataan
-
0

Nairobi (Caasimada Online) Idaacadda Kulmiye ee magaalada Muqdisho ayaa caawa wareysatay haweeney sheegtay in ay madaxa baratakoolka ka tahay safaarada Soomaalida ee Nairobi.

Seynab Cali Cismaan, waa Hooyo heesata afar carruur oo agoon ah uuna ka dhintay safiirkii horre ee Soomaaliya Jabuuti.

Waxa ay sheegtay in uu dhib xoog leh ku hayo qunsulka safaarada Soomaalida ee Kenya, Siyaad Maxamed Shirre, kaasoo isagoo isticmaalaya awood xad dhaaf u diidday inay ka shaqeyso safaarada..

Qunsulka Safaarada Soomaalida ee Kenya Siyaad Maxamed Shirre
Qunsulka Safaarada Soomaalida ee Kenya Siyaad Maxamed Shirre oo la eedeeyay

“Anniga waxaan ka mid ahay shaqaalaha ka shaqeya safaarada waa la i yaqaanaa oo meesha si sharci ah ayaan ku imid, waxaa iga dhintay nin sharraf weyn ku leh dowladda iyo shacabka, saas oo ay tahay waxaan ka shaqeesan la’ahay qunsulka safaarada jooga, wuxuu shaqadeeda ku badlay Cabdisataar oo ah nin dowladda Kenya u xiran” ayeyy tiri.

Mar la weydiiyay cidda shaqaaleysiiyay, waxa ay tiri anniga xilligii xukuumadii Farmaajo ayaa meesha la i keenay waxaana i shaqaaleysiiyay wasiirkii arrimaha dibedda xilligaas Maxamed Cabdulaahi Omaar, waxaan heestaa warqadda shaqada la igu siiyay.

“Maanta wuu i gacan qaaday, waxaana arrintaas la socday safiirka, marka waa in wasaaradda arrimaha dibedda Soomaaliya ay wax ka qabato dhibaatada la igu hayo, maadama in muddo ah aan ka soo shaqeenayay safaarada” ayey tiri Seynab.

Safaarada Soomaalida ee Kenya waxaa maalmahan ka taagnaa is-qabqabi aad u ballaaran taasoo galaafatay wasiirkii horre ee arrimaha dibedda Soomaaliya, Marwo Fowsiyo Yuusuf Xaaji.

Caasimada Online

Xafiiska Wararka Nairobi

[email protected]

Maxamuud Sayid Aadan: DF Somaliya waa ay taageersan tahay doorashada

Asad Cabdullahi Mataan
-
0

Baydhabo (Caasimada Online) Maxamuud Sayid Aadan oo loo doortay madaxweyne ku xigeenka maamul ka kooban lix gobal ayaa sheegay in dowladda Soomaaliya ay taageersan tahay doorashadii ka dhacday magaalada Baydhabo ee xarunta gobalka Baay.

Wuxuu sheegay doorashada ka dhacday Baydhabo in ay waa faaqsan tahay dastuurka u yaalla dalka, maadama uu dhigaayo in maamul gobaleed ay sameesan karaan labo gobal ama wax ka badan oo isku tagay.

Wuxuu sheegay oo kale in dhammaan beelaha ka soo jeeda gobalada maamulka loo sameeyay ay u dhan yihiin maamulka cusub, rabitaankoodana lagu saleyay sidda uu hadalka u dhigay.

Maxamuud Sayid Aadan oo mar soo noqday xubin baarlamaanka ayaa carabka ku adkeeyay in dowladda Soomaaliya ay taageersan tahay shirarka ka socday Beydhabo ee maamulka loogu dhisay lixda gobal, maadama markii la furaayay shirkar uu joogay guddoomiyaha baarlamaanka Jawaari sidda uu yiri.

“Shirka markii la furaayay waxaa nagala soo qaybgalay mas’uuliyiin ka socota dowladda oo uu ka mid yahay afhayeenka baarlamaanka, ilaa doorashada ay ka dhaceysana waxaa nala joogay mas’uuliyiin dowladda ka tirsan oo xildhibaanno ay ku jiraan” ayuu yiri Maxamuud Sayid Aadan.

Ugu dambeyn wuxuu ku celceliyay in maamulka cusub la hoos keeno maamulka KMG ah ee Jubba ee ka dhisan Kismaayo, maadama waxa maamulka loo sameeyay ay ku jiraan ayuu yiri Jubbooyinka.

Si kastaba, dowladda Soomaaliya ayaa si cad ah u sheegtay in ay aaney taageeri doonin doorashadii ka dhacday Isniintii magaalada Baydhabo.

Caasimada Online

Xafiiska Wararka Muqdisho 

[email protected]

Video: Goob caan ah oo Muqdisho ku taallo oo la howl gelinayo (Daawo)

Asad Cabdullahi Mataan
-
0

Caasimada Online: Mid ka mid ah Goobaha caanka ah ee ku yaalo Magaalada Muqdisho ayaa waxaa laga wadaa dayac tir si loo howl geliyo kadib bur bur xoogan oo ka soo gaaray dagaaladii dalka ka dhacay.

Goobtani oo dad badani marka ay maqleyn ay aad ugu farxeyn in dib lo howl geliyo kadib sanaddo badan oo aysan shaqeynin waxaana si weyn u soo dhaweeyay arinkani shacabka reer Muqdisho ee nala daawo.

HALKAAN KA DAAWO:

 

Dhageyso: Tarsan “Cabdi Karin Xusen Guuleed qaranka ayuu wax ka dhacay”

Asad Cabdullahi Mataan
-
0

Muqdisho (Caasimada Online) Guddoomiyihii horre ee gobalka Banaadir, Maxamuud Axmed Nuur Tarsan ayaa caddeeyay in Cabdikariin Xuseen Guuleed oo hadda ah wasiirka amniga xukuumada uu qaatay lix gaari oo Ambalas ah kuwaasoo aan karin xabada.

Tarsan ayaa sheegay in Cabdikariin Xuseen baabuurtaas uu qaatay xilligii uu ahaa wasiirka arrimaha gudaha xukuumadii Saacid.

“Nasiib darada jirta waxa waaye in lix baabuur oo Ambalaas ah oo ah ku aaney xabadda karin oo ay nagu sadaqaysay hey’ad Kheyri ah in ay wasaaradii ammaanka  xukuumadii Saacid ay nagala wareegtay,markii aan wareejinaayay waxaan dhahay baabuurtan waxa ay ku dambeyn doonaan in meel la iska dhigo oo lugaha ay ka ban jaraan, ilaa hadda meel ay ku dambeeyeen ma naqaano” ayuu yiri Tarsan.

Wuu sii hadlay “Waxaan ku iri wasiirka waxaa gaagiidkan la arki doonaa iyagoo meel ku dugoobay oo cagaha ka banjareen ama intii Oksijiinka iyo qalabkii saarnaa in laga furto oo magaalada lagu dhex wato.”

Tarsan ayaa hadalkan ka sheegay xaflad maanta uu xilka ku wareejinayay guddoomiyaha cusub ee gobalka Banaadir Gen Xasan Maxamed Xuseen (Muun-gaab) taasoo ka dhacday magaalada Muqdisho.

Halkan ka dhageyso Tarsan

Tarsan-oo-eed-jeediyay

Caasimada Online

Xafiiska Wararka Muqdisho

[email protected]  

ETHIOPIA oo hadal uusan ku farxin ku war-gelisay Axmed Madoobe maanta

Asad Cabdullahi Mataan
-
0

Addis Ababa (Caasimada Online) Magaalada Addis Ababa e xarunta dalka Ethiopia waxaa maanta oo Talaado ah kulan ku yeeshay hoggaamiyaha KMG ah ee Jubba Axmed Madoobe iyo wasiirka arrimaha dibedda Ethiopia Dr.Tedros Adhanom.

Kulanka labada nin, ayaa la sheegay in runta la isugu sheegay, gaar ahaan dowladda Ethiopia ayaa Axmed Madoobe u sheegtay in uu wareejiyo garoonka diyaaradaha iyo dekedda Kismaayo maadama heshiiskii dowladda iyo maamulkiisa ay ku galeen Adddis Ababa oo ay garwadeenka ka ahayd dowladda Ethiopia uu siddaas dhigayay.

Si kastaba, ma cadda jawaabta uu bixiyay Axmed Madoobe ee ku aadan go’aanka ka soo baxay dowladda Ethiopia.

201434635295171369589292Tedros iyo Madobe

Wasiirka warfaafinta maamulka KMG ah ee Jubba Ibraahim Baajuuni ayaa labo cisho ka hor sheegay in maamulkooda aaney wareejin doonin gegida diyaaradaha iyo dekedda Kismaayo, wuxuuna ku sababeeyay dowladda Soomaaliya in ay dhinaceeda ka soo bixi weysay heshiiska ay lix bilood kala saxiixdeen labada dhinac.

Ilo wareedyo lagu kalsoon yahay oo la hadlay Caasimada online, ayaa sheegay in uu Axmed Madoobe lagu doono madaxda IGAD, Midowga Afrika iyo diplomaasiyiin reer galbeed ah oo galaangal u leh arrimaha Soomaaliya.

Caasimada Online

Xafiiska Wararka Addis Ababa

[email protected]

MUUNGAAB oo hey’addaha ammaanka DFS si aan gabasho lahayn ula hadlay

Asad Cabdullahi Mataan
-
0

Muqdisho (Caasimada Online) Guddoomiyaha gobolka Banaadir ahna duqa magaalada Muqdisho Xasan Maxamed Xuseen (Muungaab) ayaa sheegay haddii maamulkiisa aaney la shaqeyn hey’addaha ammaanka dowladda in ay adkaan doonto magaalada Muqdisho in ammaankeeda wax laga qabto.

Wuxuu sheegay in hey’addaha nabad-sugida iyo booliska looga baahan yahay in ay la shaqeeyaan maamulkiisa haddii la rabo in ammaanka caasimada wax laga qabto sidda uu hadalka yiri.

Xafladda ay xilal ku kala wareegayaan Tarsan iyo Muunaag
Xafladda ay xilal ku kala wareegayaan Tarsan iyo Muunaag

Muungaab ayaa sheegay haddii aan maamulkiisa la hoos keenin hey’addaha ammaanka sidda booliska iyo nabad sugida aaney nabad noqon doonin magaalada Muqdisho.

“Ammaan waxaa sugi kara mas’uulka heesta ciidamo boolis ah iyo nabad-sugid, haddii aan la I hoos keenin ha dhow haddii aan ka dagaayo xilka la ima dhihi karo Aree Mungaab saan muu ahaa, oo Suuratul Maa’ido ayuu ku fiicnaa, haddii la I dhahaayo ammaan sug waa in aan heestaa awood” ayuu yiri guddoomiye Muun-Gaab.

Mar uu ka hadlaayay wax yaabaha uu mudnaanta siin doono maamulkiisa, wuxuu xusay in ay wax ka qaban doonaan ammaan darida ka jirta caasimada, in ay soo celiyaan adeegyada bulshadda iyo siddii loo loo hormarin lahaa bilicda caasimada iyadoo lala kaa shanaayo shacabka iyo dowladda.

Wuxuu sheegay in uu wax badan ka qaban doono ammaanka magaalada Muqdisho, maadama ay tahay meesha ugu muhiisan dalka.

Muun-Gaab ayaa caddeeyay in uu xafiiska la wareegayo iyadoo meel eber ah aan waxbo laga billaabeynin balse wax yaabaha la qabtay iyo kuwa harsan waxaa dhimman ayuu yiri kuwa weli harsan.

Si kastaba, madaxweynaha Soomaaliya oo dhawaan xilkaas u magacaabay Muun-Gaab, ayaa hey’addaha ammaanka ku amray in ay hoos-tagi doonaan maamulka gobalka Banaadir.

Waxa la sugaaba waa in uu Muun-Gaab wax ka qabto xaalada ammaan ee sii xumaaneysa ee ka jirta caasimada Muqdisho.

Caasimada Online

Xafiiska Wararka Muqdisho

[email protected]

Sawirro: Tarsan oo yiri madaxweynaha inuu awood dheeri ah siiyay Mungaab

Asad Cabdullahi Mataan
-
0

Muqdisho (Caasimada Online) Magaalada Muqdisho waxaa maanta oo Talaado ah ka dhacday xaflad ballaaran oo xilka lagu wareejinayay guddoomiyaha cusub ee gobalka Banaadir ahna duqa Muqdisho Gen Xasan Maxamed Xuseen (Muun-Gaab).

Xafladda oo ka dhacday xarunta gobalka Banaadir ee degmada Xamarweyne, waxaa ka qaybgalay guddoomiyihii horre ee gobalka Banaair, Maxamuud Axmed Nuur (Tarsan), wasiiro, xildhibaanno, siyaasiyiin, iyo mas’uuliyiin kale.

1

Xafladda waxaa dadkii ka hadlaa ka mid ahaa guddoomiyihii horre ee gobalka Banaadir, Tarsan, wuxuu ka jeediyay khudbad dhinacyo badan taabeysa, isagoona soo bandhigay wax yaabaha u qabsoomay muddadii uu xilka hayay.

Tarsan ugu horreyn wuxuu u mahad celiyay madaxweynaha Soomaaliya oo sannad iyo bar uu la shaqeeyay sidda uu yiri.

Tarsan ayaa siddoo kale sheegay in uu soo dhaweenaayo awooda dheeriga ah ee la sii yay guddoomiyaha cusub ee gobalka Banaadir taasoo ah,  in ciidamada booliska iyo nabad sugida ay si toos u hoostagaan gobalka Banaadir.

“Waxaan soo dhaweenayaa awooda la siiyay Muu-Gaab, oo aan heesan anniga markii aan xilka hayay, waana tallaabo aan soo dhaweenaayo” ayuu yiri.

Wuxuu kaloo u mahad celiyay guddoomiyaha cusub ee gobalka Banaadir, Gen Muun-Gaab.

Guddoomiyihii horre ee gobalka Banaadir ayaa ka sheekeeyay wax yaabihii uu u hirgalay muddada uu xilka hayay ool ahayd muddo shan sanno.

Wuxuu sheegay markii xilka loo dhiibayay ay dowladda gacanta ku haysay shan degmo, isla markaana uu dhib ahaa in magaalada siddii la rabo loogu socdo, sidda uu yiri. wuxuu kaloo sheegay in xarunta gobalka Banaadir ay ugu yimaadeen iyadoo lagu lee yahay 10 Milyan oo shilling Soomaali ah.

3

78

10

8

4

5Caasimada Online

Xafiiska Wararka Muqdisho

[email protected]

AXMED MADOOBE oo ku sugan Addis Ababa iyo xog laga helay socdaalkiisa

Asad Cabdullahi Mataan
-
0

Addis Ababa (Caasimada Online) Magaalada Addis Ababa ee xarunta dalka Ethiopia waxaa ku sugan wafdi uu hoggaaminaayo Axmed Maxamed Islaam (Axmed Madoobe) oo ah hoggaamiyaha maamulka KMG ah ee Jubba.

Axmed Madoobe iyo wafdigiisa waxaa garoonka Addis Ababa ku soo dhaweeyay mas’uuliyiin uu ka mid yahay wasiirka arrimaha dibedda Itoobiya Dr Tedros Adhanom.

axmed-addis-ababaAxmed Madoobe ayaa ka hor inta uusan gaari Addis Abaab, muddo toddobaad ah ku sugnaa magaalada Nairobi ee xarunta dalka Kenya, sidda uu soo sheegay wariyaha Caasimada Online ee Nairobi.

Si dhab ah looma oga socdaalka uu Axmed Madoobe ku joogo magaalada Addis Ababa, balse ila xog ogaal ayaa noo sheegay in Axmed Madoobe wax laga weydiin doono sababta uu hirgali waayay heshiiskii dowladda Soomaaliya iyo Maamulka KMG ee Jubba ku kala saxiixdeen lix billood ka hor Addis Ababa.

Axmed Madoobe ayaa la filayaa in uu maanta oo Salaaso ah la kulmo madax ka tirsan dowladda fedaraalka Ethiopia sidda ay lee yihiin ilaha warkan noo sheegay.

Axmed Madoobe waxaa kaloo uu soo mari doonaa dalka Jabuuti, halkaasoo uu kula soo kulmi doono madaxda dowladda Jabuuti.

Si kastaba, dowladda Soomaaliya iyo maamulka KMG ah ee Jubba ayaa waxaa soo kala dhex galay mad-madow la xiriira sidda loo wareejinaayo gegida diyaaradaha iyo dekedda Kismaayo.

Maamulka Axmed Madoobe ayaa ku adkeesanaya in aaney wareejin doonin garoonka iyo dekedda maadama aaney taageero ka helin dowladda dhexe.

Imaashiyaha Axmed Madoobe Addis Ababa, ayaa ku soo aaday iyadoo maalin ka hor uu isna ka ambabaxay magaalada Addis Ababa madaxweynaha maamulka Puntland oo toddobaad ku sugnaa Ethiopia.

Caasimada Online

Xafiiska Wararka Nairobi

[email protected]

Warsangeli Abgaal: Xasan Sheikh ayaa weerar nagu ah, dagaalkuna joogsan..

Asad Cabdullahi Mataan
-
0

Muqdiho (Caasimada Online) –  Maxamed Nuur Afrax, oo ka mid ah odayaasha Beesha Warsangeli Abgaal, ayaa wuxuu si kulul uu u weeraray Madaxweynaha Dowladda Federalka ee Soomaaliya Xasan Sheekh Maxamuud.

Gelinkii dambe ee shalay, ayaa waxay Ciidanka Militariga ee Dowladdu ay isku dayeen in ay qaadaan, jidgooyo Deegaanka Tixsiile u yaal Gudoomiyihii hore ee Degmada C/casiis ee Gobolka Banaadir Yuusuf Cali Indhool, inkastoo ay Ciidanku ku fashilmayn.

Afrax oo la hadlay Idaacada SKY NEWS ee Magaalada Muqdisho, ayaa waxa uu sheegay in Ciidanka Dowladdu ay weerar ku soo qaadeen Deegaanka Tixsiile, isagoo sababtuna ku sheegay Check Point ay kaga sugan yihiin maleeshiyaad ku beel ah.

“Inta laga soo gudbo 11 jidgooyo wadada yaalo oo la soo weeraro Check Pointigii 12-aad, oo ay ku sugan yihiin wiilal yar yar oo Warsangeli ah, waxay ina tuseysaa sida weerar loogu yahay Beesha Warsangeli.” ayuu yiri Maxamed Nuur Afrax.

Waxa uu sheegay in Madaxweynaha Dowladda Federalka ee Soomaaliya uu amar ku bixiyay in la weeraro Beesha Warsangeli, laakiin ay sii wadi doonaan dagaalka lagu soo qaaday, sida uu yiri.

“Anaga waxaa weerar nagu ah Xasan Sheekh, in naloo adeegsado Qaafoow waa wax uu hadhow ka jawaabi doono Xasan Sheekh, wixii ka yimaado duulaankaan qaawan, mana joogsan doono dagaalka.” ayuu yiri Afarx.

Afrax, ayaa waxa uu intaa ku daray in cid kasta ay ogtahay in Madaxweyne Xasan Sheekh, uu si guracan ula dhaqmaayo buu yiri Beesha Warsangeli, balse aynaan u wanaagsanayn Dowladdiisa, sida uu sheegay.

Taliyaha qaybta 1-aad ee Ciidanka Qalabka Sida General Maxamuud Maxamed Xasan “Qaafoow” iyo Madaxa Saadka iyo Sahayda ee Militariga C/laahi Macalin Nuur, ayaa hogaanka u haayay Ciidanka weeraray Tixsiile.

Caasimada Online
Xafiiska Muqdisho
[email protected]

Hadda iyo Xaqiiq: Yaa guuleystay DFS & maamulka Axmed Madobe ee Juba?

Asad Cabdullahi Mataan
-
0

Muqdisho (Caasimada Online) – Maamulka Jubba ee Kismaayo ka taliya ayaa shaaciyay inaanu iminka diyaar u ahayn wareejinta Maamulka Dekedda iyo Gegida Diyaaradaha Kismaayo, arrintaas oo ku xusneyd Heshiis Maamulkan iyo Dowladda Federaalka horay u dhex maray.

Ibraahim Xassan Baajuun oo ah Wasiirka Warfaafinta Maamulka Jubba, ayaa BBC-da u sheegay in Dekedda Kismaayo ay la mid tahay Dekedaha ku yaala Gobalada kale ee Soomaaliya oo Maamuladoodu ay Gacanta ku hayaan, sidaas darteedna aanay suurtagal ahayn in Jubba kaliya la yiraa soo wareejiya Maamulka Dekedda Kismaayo.

Isagoo Hadalkiisa sii wata ayuu Mas’uulkani sheegay in Dowladda Soomaaliya laga sugayay inay Mushaar siiso Ciidamada jooga Kismaayo, sidoo kalena ay Taakuleyn ceyn walba leh ku taageerto Ciidankaas, balse arrintaas waxay noqotay buu yiri mid aan dhicin oo Dowladdu ay ka caga-jiidday.

Hadii la doonayo in la dhaqangaliyo Heshiiskii Dowladda iyo Jubba dhex maray, wuxuu Wasiirkani sheegay in ugu horeyn Dowladda looga fadhiyo meel marinta Qodobadii dhankeeda laga sugayay.

Mudane Baajuun ayaa intaas ku daray in Heshiiska Labada dhinac ay galeen aanu ka dhigneyn Aayado Qur’aan oo aan waxba laga badali karin, sidaas darteedna waxaa suurtagal ah buu yiri in Heshiska la diido amaba isbedel lagu sameyo.

Hadalkan wuxuu imaanayaa, iyadoo uu dhamaaday Xilliga ay Dowladda iyo Maamulka Jubba ku heshiiyeen in Gacan ku heynta Dekedda iyo Garoonka Diyaaradaha Kismaayo uu Maamulka halkaas ka jira sii hayo, waxaana Waqtigaas lagu heshiiyay oo Lix Bilood ahaa ka dib la filayay in Howshaas ay toos Dowladda Dhexe ula wareegto.

Dad badan oo Heshiiskii hore ee Maamulka Jubba lala galay dhaliilsanaa ayaa iminka waxay leeyihiin, Hadalka Maamulkaas kasoo baxay wuxuu tusaale u yahay Guul Siyaasadeed oo Hogaanka Axmed Madoobe uu kasoo hoyay Dowladda Dhexe, maadamaa Aqoonsiga Dowladda oo Maamulkaasi wax wayn ugu fadhiyay uu ku kasbaday Heshiiskii Addis ka dhacay.

Mar haduu Maamulka Jubba helay Aqoonsiga Dowladda, waxaa arrin la malaysan karo ahayd inuu gadaal uga gurto Heshiiskii dhacay, waana tan iminkaba soo ifbaxay, maadaama uu diiday Maamulku Qodobadii dhanka Dowladda aadka muhiimka ugu ahaa ee quseeyay la wareegista Maamulka Ilaha Dhaqaale ee Gobalka.

Wareyiga Baajuun ee BBC halkan hoose ka dhageyso

baajuun

Caasimada Online
Xafiiska Muqdisho
[email protected]

Dadweyne buux dhaafiyay CID-da

Asad Cabdullahi Mataan
-
0

Muqdisho (Caasimada Online) Afaafka horer ee xarunta dambi baarista ee CID-da,waxaa maanta oo Talaado ah buux dhaafiyay dad weyne fara badan oo u badan haween baroonaya oo sheegay in carruurtooda iyo raggoodii ay ku xiran yihiin halkaas.

Wariye ka tirsan Caasimada Online, oo tagay goobta ayaa soo sheegay in uu soo arkay hooyooyin ka naxsan carruurtooda oo qaar badan laga soo qabqabtay iyagoo ku sugan guryahooda ama u socday goobo wax barasho.

“Walaahi tan iyo shaley markii la xiray wiilkeyga ifka kaliye illaah uu iga siiyay,waxbo ma cunin waan iska oonayaa, maxaa yeelay wax dambi ah oo uu galay wiilkeyga ma jirto, mana arkin ilaa hadda mana aqaano wuxuu ku sugan xaaladan” ayey tiri Hooyo Bintow oo 42-jir ku barooraneysay afaafka horre ee xarunta CID-da.

Ma ahan hooyadan kaliye dad kale ee goobta ku baroonayay, waxaa kaloo uu wariyaha arkay haween badan oo leh raggeena ayaa goobta ku xiran.

“Anniga ninkeyga ayaa goobtan iiga xiran, waxaan ahay umul oo dhowr maalmood ayaan dhalay gabar seddax kale oo carruur waa ay noo joogtaa majirto cid na biishay tan iyo shaley, ninkeygiina halkan ayuu ku xiryahay” ayey tiri Maryan Sheekh oo 32-jir uu warrantay Caasimada Online.

Ma jirto dadkan cid la hadlay, waxaana ay buux dhaafiyeen afaafka horre ee xarunta CID-da iyagoona ku dhaartay in aaney ka tegi doonin goobta ilaa inta dadka ka xiran loo soo deen.

Dadkan xiran ayaa lagu soo qabqabtay howgallo shaley ciidamada ammaanka ay ka sameeyeen degmooyinka Hodan iyo Wadajir ee magaalada Muqdisho.

Caasimada Online

Xafiiska Wararka

[email protected]

DFS oo digniin u dirtay siyaasiyiinta..

Asad Cabdullahi Mataan
-
0

Muqdisho (Caasimada Online)Dowladda Soomaaliya ayaa sheegtay haddii  khalalaaso ay ka dilaacaan magaalada Baydhabo ee xarunta gobalka Baay oo ay ka socdaan shirar iska soo horjeeda, in ay mas’uul ka noqon doonaan isla markaana laguna xisaabtami doono siyaasiyiinta ku howlan shirarkaas.

Wasiirka arrimaha gudaha, Cabdulaahi Goodax Barre oo warbaahinta la hadlaayay ayaa sheegay in haddii qof kasta uu sameesto wixii uu ku fikiro taasi ay muujineyso in dalka aaney ka jirin dowlad “Cid laga yeelaayo ma jirto” ayuu cod dheer ah ku yiri wasiir.

Wasiirka wuxu kaloo sheegay in haddii siyaasi kasta oo heesta waxoogaa kharash ah, odayaalna ku aruursada meel dhaha waxaa la ii doortay maamul hebel” arrintaas ma soconeyso ayuu markale yiri.

Wasiir Goodax ayaa tilmaamay haddii magaalada Baydhabo ay ka dilaacaan colaado salka ku haya shirarka iska soo horjeeda in ay mas’uuliyadooda ay qaadi doonan siyaasiyiinta ku howlan arrimahaas waana lagula xisaabtami doonaa ayuu yiri.

“Dooraashadii shaley ka dhacday Baydhabo waxa la mid tahay tii ka dhacday Kismaayo, mana la aqbalaayo in qof kasta oo siyaasi oo heesta kharash uu odayaal meel ku soo aruursada haddana dhaha waxaa la ii doortay madaxweyne” ayuu yiri wasiirka arrimaha gudaha.

Mar la weydiiyay tallaabada ay dowladda ka qaadi doono haddii colaalad ay Baydhabo ka dilaacdo wuxuu carabka ku adkeeyay in la soo qaban doono oo sharciga waxa uu qabo la marsiin doono sidda uu hadalka u dhigay.

Ugu dambeyn wasiirka wuxuu ku celceliyay in dowladda Soomaaliya aaney aqoonsan doonin shirarka iska soo horjeeda eeka socda magaalada Baydhabo, isagoona ku sababeeyay in aaney soo marin nidaamka dastuurka ee dalka u yaalla.

Hadalka Wasiirka ayaa ku soo aadaya iyadoo shaley mid ka mid ah shirarka iska soo horjeeda ee ka socda Baydhabo loogu doortay madaxweyne Madoobe Nuunow Maxamed oo xildhibaan iyo xilal ka soo qabtay dowladihii KMG ah ee soo maray dalka.

Caasimada Online

Xafiiska Wararka Muqdisho

[email protected]

QM oo war ka soo saartay doorashadii Baydhabo ka dhacday & mowqifka DFS

Asad Cabdullahi Mataan
-
0

Muqdisho (Caasimada Online) Qaramada Midoobay ayaa xalay war ka soo saartay shirarka iska soo horjeeda ee ka socda magaalada Baydhabo ee xarunta gobalka Baay.

War-qoraal ah oo ka soo baxay xafiiska wakiilka gaarka ah ee QM u qaabilsan Soomaaliya, Nicholas Kay  ayaa lagu sheegay in uu si hoose ula socdo  arrimaha ka dhacaya Baydhabo,arrimahaasi oo ay  ku jiraan natiijada ka soo baxday Shirka Baydhabo.

Nicholas Kay ayaa sheegay inuu  arkay mowqifka dowladda Federaalka Soomaaliyeed ee ku aadan shirkaasi.

“Waxaan ugu baaqayaa dhammaan dhinacyadda ay arrintan khusayso in ay si weyn taxadir uga muujiyaan ficil kasta oo wax u dhimi kara Nabadda “ ayuu yiri Ergayga Gaarka ah Kay. “

“ Sannaddan, waxaa aad muhiim u ah siddii lagu heli lahaa Soomaaliya oo mid ah uuna ka hirgalay Nidaamka Federaalka,dalka waxaa uu xal u helay caqabado fara badan oo dhawaan dhacay isaga oo adeegsanaya habka wada hadalka iyo isu tanaasulka ku dhisan”

“ Waxaan ku dhiiri gelinayaa oday dhaqameedyada,siyaasiyiinta, iyo dhammaan dadka ay arrintan khuseyso in  ay si dhab ah u wadaan habka wada hadalka siyaasadeed ku dhisan ee loo wada dhanyahay kuna qotoma xurmeeynta dastuurka ku-meelgaarka ah, iyo heshiisyadda jiraba,qaramadda Middobay waxay sii wadi doontaa taageeridda ay u hayso dadaaladda  ay sii waddo dowladda Federaalaka ah ee Soomaaliyeed, kuna aadan dib u heshiisiinta”. Ayuu ku daray Mr Key.

“ Xaaladda ka jirta Baydhabo waxay  aad u ifisay baahidda deg-dega ah ee loo qabo in dowladda Federaalka Soomaaliyeed ay dedejiso shaqadeedda ku aadan  habka dowlad-dhisidda Soomaaliya, waana in uu noqdaa hab loo wadda dhanyahy, oo ay ku jirto  in la dhigo  qorsho howleed tifa-tiran, hadana wakhtiyaysan, kuna aadan sameynta dowlad Goboleedyadda,dhamaystirka dastuurka iyo Dimoqoraadiyeynta dalka marka la gaaro sanadda 2016” ayuu yiri Ergayga Gaarka ah.

Ugu dambeyn war-saxaafadeedka ayaa lagu sheegay in ergayga gaarka ee QM u qaabilsan Soomaaliya uu sii wadi doonaa arrimahan muhiimka ah,isaga oo la kaashan doona  saxiibadda Caalamka ama Jaalayaasha caalamka sida AMISOM, IGAD iyo Midowga Yurub.

Caasimada Online

Xafiiska Wararka Muqdisho

[email protected]

Doorashadii ka dhacay BAYDHABA oo mucaarad cusub uu usoo baxay saaka

Asad Cabdullahi Mataan
-
0

Muqdisho (Caasimada Online) Odayaasha dhaqanka ka soo jeeda gobalka Shabeellaha Hoose, ayaa sheegay in aaney taageersaneen doorashadii shaley ka dhacday magaalada Beydhabo ee xarunta gobalka Baay.

Imaam Khaliif Cabdulaahi Rooble oo la hadlay warbaahinta ayaa sheegay in doorashadaas ay ahayd mid beelo gaar ah ay wateen oo aaney loo dhammeen sidda uu hadalka u dhigay.

“Ninka meesha lagu doortay waxaa loo meeriyay wax uusan isaga lahayn marka teeda kale labada shir ee iska soo horjeeda annaga nalagama qaybgalin” ayuu yiri Imaamka.

Imaamka ayaa sheegay in labada shir aaney laga qaybgalin odayaasha dhaqanka ee ka soo jeeda gobalka Shabeellaha Hoose, wuxuuna nasiib daro ku tilmaamay doorashada meesha ka dhacday.

Ugu dambeyn imaamka ayaa sheegay in ay diyaar u yihiin maamul loo dhiso gobalada Koonfur galbeed balse loo baahan yahay in laga qaybgaliyo dadka ka soo jeeda gobaladaas.

Halka Imaam Khaliif Cabdulaahi ayaa ah kii ugu horreeyay ee lagu mucaaradayo  doorashadii shaley ka dhacday xarunta ADC-da oo madaxweyne loogu doortay Madoowe Nuunow Maxamed oo hoogaamin doona maamulka lixda gobal ka kooban ee loo dhisaayo Koonfur Galbeed ee dalka

Caasimada Online

Xafiiska Wararka Muqdisho

[email protected]

Daawo bilicda waddooyinka Muqdiho

Asad Cabdullahi Mataan
-
0

Magaalada Muqdisho waxaa ka muuqanaya Bilic aad u qurux badan ayadoo ay magaaladu ka socdaan Horumar dhanka Bilicda iyo isbadalka muuqaalka guud ee Magaalada oo aad u qurux badan.

Muuqaalka Muqdisho Sanadkaan cusub ee 2014 si weyn ayeey isku badashay Caasimaddu waxaana ka muuqanaya Bilic aan horay loogu rag tan iyo burburkii dalka ee nala daawo Bilcida Quruxda ka muuqaneysa Wadooyinka Magaalada Muqdisho.

HALKAAN KA DAAWO:

 

Golaha Wasiirada oo war kasoo saaray wixii maanta ka dhacay Baydhabo

Asad Cabdullahi Mataan
-
0

Muqdisho (Caasimada Online) Golaha Wasiiradda xukuumada Soomaaliya oo shir degdeg ah Muqdisho ku yeeshay ayaa sheegay in aaney taageersaneen wixii maanta ka dhacay xarunta ADC-da ee magaalada Muqdisho.

Shirka oo uu guddoominaayay wasiirka garsoorka, Faarax Sheekh Cabduqaadir, ayaa lagu sheegay dowladda ay taageersan tahay war-qoraal ah oo ka soo baxay mar sii horreysay maanta wasaaradda arrimaha gudaha xukuumadda.

Shirka markii uu soo dhammaaday waxaa saxaafadda la hadlay wasiirka arrimaha gudaha Cabdulaahi Goodax Barre,

Wasiirka ayaa sheegay in dowladda ay taageersan tahay maamulka KMG ah ee Jubba iyo heshiiskii dowladda iyo maamulka Axmed Madoobe ay ku kala saxiixdeen sannadkii horre ee Addis Ababa.

Wasiirka ayaa caddeeyay dowladda in aan marnaba aqoonsan doonin labada shir ee ka socda Baydhabo isagoona xusay in ay garab mareen dastuurka u yaalla dalka.

Ugu dambeyn wasiirka wuxuu ka digay in haddii dhibaato iyo gacan ka hadal ay ka dhashaan maamulada loo dhisaayo gobalada Koonfur Galbeed in ay mas’uuliyadooda ay qaadan doonaan dadka ku howlan sidda uu yiri.

Dowladda waxa ay si cad u sheegtay in aaney taageersaneen doorashada maanta ka dhacday xarunta ADC-da.

Si kastaba, dadka wax odorosa waxa ay lee yihiin waxaa laga cabsi qabaa in magaalada Baydhabo ka dhacaan dagaallo lamid ah kuwii ka dhacay Kismaayo sannadkii horre markii la isku qabtay maamulo halkaas looga dhawaaqay.

Waayo waxaa hadda shir kale oo lagu dhisaayo maamul ka kooban seddax gobal uu ka socdaa Hotelka Bakiil oo ku yaalla duleedka Barre ee Baydhabo.

Caasimada Online

Xafiiska Wararka Muqdisho

[email protected]

Maxamuud Sayid Aadan oo loo doortay madaxweyne ku-xigeenka 6-da gobal

Asad Cabdullahi Mataan
-
0

Baydhabo (Caasimada Online) Siyaasiga Maxamuud Sayid Aadan ayaa loo doortay madaxweyne ku xigeenka maamulka ka kooban lix gobal oo loo dhisay Koonfur Galbeed.

Ma jirin cid la tartantay Maxamuud Saydi Aadan oo horrey u soo noqday xildhibaan iyo wasiir dowladihii KMG ah ee soo maray dalka.

Waxaa siddaas lagu soo gabagabeeyay doorashadii maanta ka billaabatay xarunta ADC-da ee magaalada Baydhabo, sidda uu soo sheegay wariyaha Caasimada Online ee Baydhabo.

Madoobe Nuunow iyo Maxamuud Sayid Aadan waxaa doortay 73-oday dhaqameed kuwaaoso ah guurtida uu lee yahay maamulka cusub.

Siyaasiga Maxamuud Sayid Aadan ayaa ka soo jeeda gobalka Gedo, wuxuuna ka mid ahaa dadkii mucaarad sanaa maamulka lagu dhisay Jubbooyinka ee uu madaxweynaha ka yahay Axmed Madoobe.

Doorashada maanta ka dhacday Baydhabo waxa aan taageesaneen dowladda Soomaaliya, balse hoggaamiyaha maamulkan loo dhisay lixda gobal, Aadan Madoobe ayaa dowladda Soomaaliya ka codsaday in ay taageerto rabitaanka shacabka ku dhaqan lixda gobal ee loo sameeyay maamulka Koonfur Galbeed.

Caasimada Online

Xafiiska Wararka Muqdisho

[email protected]

Madoobe Nuunoow oo DF Soomaaliya runta u sheegay kadib doorashadiisa

Asad Cabdullahi Mataan
-
0

Muqdisho (Caasimada Online) Hoggaamiyaha maamulka cusub ee Koonfur Galbeed, Madoobe Nuunow Maxmed ayaa dowladda Soomaaliya ugu baaqay in taageerto rabitaanka dadka ku dhaqan lixda gobal ee loo sameeyay maamulka cusub.

Aadan Madoobe oo hadal jeediyay markii uu ku guuleestay doorasho goordhow soo dhammaatay kana dhacday xarunta ADC-da ayaa sheegay in dastuurka dalka uu dhigaayo in dad kasta oo doonaya in ay sameestaan maamul ay sameesan karaan.

“Dowladda waxaan ugu baaqayaa in ay dhowrto dastuurka dalka u yaalla isla markaana ay taageerto rabitaanka shacabka ku nool gobalada ku yaalla Koonfur Galbeed ee dalka” ayuu yiri Madoobe Nuunow Maxamed.

Wuxuu sheegay in maalmaha soo socda uu soo dhammeestiri doono maamulka lixda gobal ka kooban sidda golaha wasiirada iyo xildhibaannada baarlamaanka.

Caasimada Online

Xafiiska Wararka Baydhabo

[email protected]

DEG DEG: Madaxweynaha maamulka 6-da gobal oo la doortay (Waa kuma?)

Asad Cabdullahi Mataan
-
0

Baydhabo (Caasimada Online) War uu goordhow soo diray Wariyaha Caasimada Online ee Baydhabo, ayaa sheegaya Madoobe Nuunow Maxamed in loo doortay madaxweynaha maamul gobaleedka lixda gobal ka kooban.

Doorashada oo soo gaartay wareega seddaxaad ayaa waxaa ku guuleestay Madoobe Nuunow Maxamed oo horrey u xilal kala duwan uga soo qabtay dowladihii KMG ah ee soo maray Soomaaliya.

Madoobe Nuunow, ayaa hoggaamin doona maamulka lixda gobal ka kooban kuwaasoo kala ah Baay, Baaydhabo, Shabeellaha Hoose, Jubbooyinka iyo Gedo.

Madoobe Nuunow Maxamed ayaa ku guuleestay 44-cod wareegii seddaxaad ee doorashada maamulka loo dhisaayo lixda gobal, halka Maxamed Aadan Fargeeto uu helay 23-c0d.

Waxaa doortay Madoobe Nuunow Maxamed 73-oday dhaqameen oo ah kuwa Senatka ee uu lee yahay maamulka cusub ee loo dhisaaayo Koonfur Galbeed.

Waxaa goobta doorashada ku sugnaa xildhibaanno uu ka mid ahaa Sheekh Aadan Maxamed Nuur (Sheekh Aadan Madoobe” iyo xubno kale.

Dhinaca kale, waxaa maanta shir jaraa’id ku qabtay Hotelka Bakiin ee ku yaalla isla Baydhabo odayaasha ku howlan maamul ka kooban seddax gobal, waxa ay sheegeen in ay soo dhaweenayaan qoraal maanta ka soo baxay dowladda Soomaaliya, kaasoo ahaa in ay taageersan shirka maamulka loogu dhisaayo seddaxda gobal.

Odayaasha waxaa kaloo ay sheegeen in maalinta Khamiista ay qaban doonaan doorashada maamulka seddaxda gobal oo ay u taagan ilaa seddax musharrax.

Xaalada magaalada Baydhabo ayaa deeggan, waxaana waddooyinka lagu arkayaa baabuuro ay ku xiran yihiin cod baahiyaal kuwaasoo taageersan doorashada maanta ka dhacday xarunta ADC-da.

Caasimada Online

Xafiiska Wararka Baydhabo

[email protected]

1...3,4393,4403,441...3,690Page 3,440 of 3,690

Caasimada Online is a reputable and reliable source of news and information on Somalia. As the largest Somali news site, we are dedicated to providing our readers with accurate and up-to-date coverage of the country's politics, society, and culture. Founded in 2009 by a Somali-American journalist, Caasimada Online is owned by Caasimada Media Group and headquartered in Mogadishu. In addition to keeping our readers informed, we strive to promote democracy in Somalia. If you have any questions or comments, please don't hesitate to contact us at [email protected]

Important Links

Trending

Social Media

© Caasimada Online 2012 | All Rights Reserved